WRITE NEW ARTICLE
152873437 56aacda65f9b58b7d008fab4

ಮಟನ್ ಮಾಧವಣ್ಣ....

15 Oct 2019

                    ಅಂದ್ ಮಳ್ಗಾಲ ಹಳೆಗೇಟ್ ಸಂಕ ಮುಳ್ಗಿ ಪಳ್ಳಿನ ಕೊಡಿಮಾತ್ರ ಕಾಂಬತಿದ್ದ ವರ್ಷ, ಗಂಟ್ ಮಾರಾಪು ಪೂಜಿ ಕಟ್ಟಿಕಂಡ್ ಊರು ಬುಟ್ಟು ದೂರದ ಬೊಂಬೈಲಿ ಒಕ್ಕ್ ಲ್ ಕುದ್ದಿದ್ದ ಮಾಧವಣ್ಣಂಗೆ ಪುನಃ ಊರುನ ಗ್ಯಾನ ಆಕೆ ಸುರಾದ್ ವಾಟ್ಸಾಪ್ ಲಿ ಬಂದ  ಆ ಪದ್ಯ ನೋಡಿ, ಕೇಳಿ... ಅದೇ ರಾಜರಥದ ಪದ್ಯ.. "ಸುಳ್ಯ ದಾಟಿ ಸಂಪಾಜೆ... ಮಡಿಕೇರೀಲಿ ತಂಪಾದೆ..." ಹುಟ್ಟಿ ಬೆಳ್ದ ಕುಟುಂಬದವರೊಟ್ಟಿಗೆ ಸರಿ ಹೋಗದೇ ಇರಿಕೂ ಕಾರಣ ಉಟ್ಟು. ಇವಂಗೆ ಪಾಲ್ ಲಿ ಸಿಕ್ಕಿದ ಬೊಂಳ್ವ ಹಲ್ಸ್ ನ ಮರಕ್ಕೆ ಅಣ್ಣ ಕಳ್ಪೆ ಹಾಕಿಟುತ!! ಆದರೆ ಕುಟುಂಬ ಜಗಳ, ಕೋಮಣ ಜಿಡ್ಡ್ ಏನ್ ಮಾಡ್ರೂ ಹೋಗುವಂಥದಲ್ಲತ ಅವಂಗೆ ಹೊಳ್ಯಕಾಕನ ಆಗಲೇ ಬಾಂಬೆಲಿ ಒಕ್ಕ್ ಲ್ ಗಟ್ಟಿಯಾಗಿತ್ತ್. ಆದರೆ ಹುಟ್ಟಿದ ಮೊಣ್ಣ್ ನ ಪೊರ್ಮಳನ ಹನೀಸೂ ಮರ್ತತ್ಲೆ. ಉಂಬಕೆ ಈಗಳೂ ಕೊಸ್ಲಕ್ಕಿ ಗಂಜಿನೇ ಆಕು!! ಮಂಙನೊಟ್ಟಿಗೆ ಅರೆಬಾಸೆಲೇ ಮಾತಾಡ್ದು. ಹೈದಂಗೂ ಅದೇ ಕುಸಿ. ಶಾಲೆಲಿ ಏಲ್ಲ ಮಕ್ಕ ಇಂಗ್ಲೀಷ್, ಹಿಂದಿ ,ಮರಾಟಿ ಮಾತಾಡ್ರೆ ಅವ್ಕೆ ಯಾರಿಗೂ ಗೊತ್ತಿಲ್ಲದ ಬಾಸೆ ಮಾತಾಡ್ದೆತ ಒಳ್ದ ಮಕ್ಕಳೂ ಇವನ ಹಂಞ ಮೇಲೆನೇ ಇಸ್ಯೊಳೊ. ಹಿಂಗಿರ್ಕಾಕನ ಒಮ್ಮೆ ಊರುಗೆ ಹೋಗಿ ಎಲ್ಲರ ನೋಡಿಕಂಡ್ ಬಾಕೆ ಮನ್ಸಾದೇ ಪುರ್ಸೊತ್ತಿಲ್ಲೆ, ಅಣ್ಣ ಸೋಂಪಣ್ಣಂಗೆ ಫೋನ್ ಮಾಡಿ ಹೇಳಿಯೇ ಬುಟ್ಟತ್ ನಮ್ಮ ಮಾಧವಣ್ಣ. ತಮ್ಮ ಎಲ್ಯಾರ್ ಜಾಗೆ ಕೇಳಿಕೆ ಬಂದದೆನಾಂತ ಅಣ್ಣಂಗೆ ಸಂಶಯ ಸುರಾದರೆ, ಮನೆ ಹೆಂಗ್ ಸ್ " ನೋಡ್ದರಿಯಾ.. ಕಡೆಗೆ ಗುಡ್ಸಿಟ್ಟ ಕುಂಟು ಮಾೖಪುನೇ ಗತಿತ ಬರ್ತೊಳೊ" ತ ಸೂನೂ ಹೊರ್ಟತ್. ಎಷ್ಟಾದರೂ ಜಾತಿಗೆ ಜಾತಿನೇ ಹಗೆ ಅಲ್ಲ??!!

                       ನಿಘಂಟ್ ಆದ ದಿನಕ್ಕೆ ಸರೀ ಹುಟ್ಟಿದ ಮನೆಗೆ ಎತ್ತಿದ ಮಾಧವಣ್ಣ ಕಂಡ ಬದಲಾವಣೆಗ ಒಂದೆರಡಲ್ಲ. ಹಳೆಮನೆನ ಪತ್ತಾಯದ ಹಲಗೆ,ಮರಮುಟ್ಟುಗಳೆಲ್ಲಾ ಹೊಸ ಮನೆನ ಬಾಗಿಲ್,ದಾರಂದ, ಬಿಟ್ಟ, ಪಕ್ಕಾಸ್ ಗಳಾದರೆ, ಕರೆಲಿದ್ದ ಒರ್ ಮಾಡ್ ನ ನೀರಡಿ ಕೊಟೆಗೆನ ಕುರುಹೇ ಇಲ್ಲೆ!! ಇನ್ನ್ ಸೂರಡಿಗೆ ನೇಲಿಕಂಡಿರುವ ಪಡಿ ಮಂಚ ಎಲ್ಲಿ ಕಾಂಬಕೆ ಸಿಕ್ಕುದು? ಚೂರು ಹೊತ್ತ್ ಕಾಲ್  ನೀಂಡಿ ಕುದ್ದ್ ಮಂಙನ ಕರ್ಕಂಡ್ ಹೊರ್ಟವಂಗೆ ನೆಂಪಾತ್, ದಿವರ ಹಿತ್ಲ್ ನ ಬೈನಾಟಿಗೆ ಚಾವಡಿ ಹೊಸ್ತಾಗುಟುಗಡ, ಕೈ ಮುಗ್ದ್  ಬರೊನೊತ. ಕಟ್ಟೆ ಪುಣಿ ಎಲ್ಲಾ  ಹೋಗಿ ಚೋಡಿ ಕರೆಲೇ ದಾರಿ ಆಗಿ, ತೋಟದ ಕರೆನ ಕಲ್ಲ್ ಕಕ್ಕಟ್ ಹತ್ತಿ ಇಳ್ದಂವ ದಿವರಹಿತ್ಲ್ ಲಿ ಕಣ್ಣುಜ್ಜಿಕಂಡ್ ಸರಿಯಾಗಿ ನೋಡ್ರೆ ಅಲ್ಲಿದ್ದ ಆಷ್ಟೂ ಕಾಡ್ ಮಾೖನ​ ಮರಲಿ ಒಳದ್ ಒಂದ್ ನೆಕ್ಕರೆ ಮರ ಮಾತ್ರ. ಅದೂ ಬರುವರ್ಷ ಇರಿಕಿಲೆ ಕಂಡದೆ!! ಬಲ್ಲೆ  ಒಳಗೆ  ಸುರ್ಗೆ, ಕತ್ತಿ, ಮಣಿಗಂಟೆಗ ಇದ್ದ ಜಾಗೆಗೆ ಸಣ್ಣಮಕ್ಕಳ ದೊಡ್ಡವ್ ಒಬ್ಬೊಬ್ಬನನೇ ಕಳ್ಸ್ ತಿತ್ಲೆ. ಹೊರಗ್ಯಾದ ಹೆಣ್ಣ ಮಕ್ಕ ಅಂತೂ ಅತ್ತ ತಿರ್ಗಿನೂ ನೋಡ್ ತಿತ್ಲೆ. ಈಗ ಮಾತ್ರ ಭಾರೀ ಲಾಯಿಕ್ ನ ಚಾವಡಿ. ಆಗಲಿ... ಬೈನಾಟಿಗೂ ಒಂದ್ ನೆಲೆ ಸಿಕ್ಕಿತಲ್ಲಾತ ಅಡ್ಡ ಬಿದ್ದ್  ಮುಂದೆ ಹೋದರೆ ಕಾನದ ಕರೆಲಿದ್ದ ಹುಲ್ಲ್ ಕುಮೇರಿ ರಬ್ಬರ್ ಕೂಪಾಗುಟು. ಕರೆ ಕರೆಲಿದ್ದ ನರ್ವಳ, ಬ್ಯಾಪರ ಕಾಯಿ ದೈಗ ಹೋಗಿ ಅಕೇಶಿಯಾ ದೈ ಮರ ಆಗಿ ಹೋಗುಟು. ಕಡೆಗೂ ಒಂಚೂರೂ ಬದ್ಲಾಗದೆ ಇದ್ದದ್ ತೇಳ್ರೆ ಕಳ್ಪೆ ಬಿದ್ದಿದ್ದ ಅದೇ  ಬೊಂಳ್ವ ಹಲ್ಸ್ ನ ಮರ. ಕಪ್ಪ್ ಕಪ್ಪ್ ಗೋಂದ್ ಅರ್ಸಿಕಂಡ್ ಅರೆ ಒಣ್ಗ್ಯಂಡಿದ್ದ ಮರ  ಮಾತ್ರ ಇವಂಗೆ ಅಯ್ಯೆ,ಅಪ್ಪ ಬುಟ್ಟೋದ ಮಕ್ಕ ಮರ್ಟ್ ಕಂಡ್ ನಿತ್ತ್ ಕಂಡಿರುವಾಂಗೆ ಕಂಡದ್ ಮಾತ್ರ ಸುಳ್ಳಲ್ಲ!!

                        ಮಾಧವಣ್ಣ ಊರ್ ಗೆ  ಎತ್ತಿದ ನಾಕ್ ನೇ  ದಿನಕ್ಕೆ ಸರಿಯಾಗಿ ಕೆಡ್ಡಸ. ಇನ್ನ್ ಕೇಳೊಕಾ? ಕಾಡ್ ಮಾಸ  ಆಗಿಯೇ ಆಕು. ಕೆಡ್ಡಸಲಿ ಕಾಡ್ ಮಾಸ ತಿನದಿದ್ದರೆ ಎಲು ಕುಟ್ಟೆ ಚುರ್ದದೆತ ಅಜ್ಜಪ್ಪ ಹೇಳ್ತಿದ್ದ ಮಾತ್ ಇನ್ನೂ ನೆಂಪುಟ್ಟು. (ಅಂದ್ ನ ದಿನಲಿ ಕಾಡ್ ಪ್ರಾಣಿಗಳ ಪಡೆ  ಮುತ್ತ್ ಸಿಕೆ ನಮ್ಮ ಹಿರಿಯರಿಗೆ ಇದೊಂದ್ ನೆವನನೂ ಆಗಿದ್ದಿರ್ದು!!). ತಮ್ಮ  ಬಂದದ್ ಜಾಗೆ ಎಳ್ಕಂಬಕಲ್ಲ..  ಬದ್ಲ್  ಜಾಗೆ ಬದಲಾವಣೆಗೆ ಮಾತ್ರತ ಗೊತ್ತಾದ ಸೋಂಪಣ್ಣ ತಮ್ಮನ ಬೆಡಿ ಹಿಡ್ಕಂಡ್ ಹೊರ್ಡಿಸಿದೇ ಆಚೆಕರೆನ ನಾಣು, ಎಂಕುನ ಸೇರ್ಸಿಕಂಡ್. ಇಬ್ಬರೂ ಮಾಧವಣ್ಣನ ಹಳೆ ದೋಸ್ತಿಗಳೇ... ಅದರ್ಲೂ ನಾಣು ಅಂತೂ ತೆಳಿಲಿ ಬಿದ್ದ ಎಲಿನಾಂಗೆ ಇನ್ನೂ ಚುರ್ರ್ಂಟಿಕಂಡೇ ಉಟ್ಟು. ಬರೇ ನೆಕ್ಕ್ ಬಸಲೆ!! ಮನೆ ಹಿಂದೆನ ಬೀಜ ಕೊಚ್ಚಿ ದಾಟಿ,ಹತ್ತಿ, ಇಳ್ದ್ ಆಚೆಕರೆಗೆ ಎತ್ತ್ ಕಾಕನ ಮಾಧವಣ್ಣಂಗೆ ಸಾಕೋ ಸಾಕ್. (ಅಭ್ಯಾಸ ಇಲ್ಲೆ ನೋಡಿ!!). ಆದರೂ ನಾ ಇಂದ್ ಒಂದ್ ಮಿಗ ಹೊಡ್ದೇ ಹೋದುತ ಹೇಳಿಕಂಡದೆ. ದರ್ಗ್ ಲಿ ಜಾರಿಕಂಡ್, ಇಳಿವಲ್ಲಿ ಚುರ್ಕರ ಕುದ್ದ್ ಕುಂಡೆ ಜಾರ್ಸಿಕಂಡ್, ಮುಳ್ಳ್, ಗಿಡ್ಡೆ  ತರ್ಸಿಕಂಡ್, ಚಂಡೆ ಬಲ್ಲೆ  ಒಳಗೆ  ತಬ್ಬುರ್ಸಿಕಂಡ್ ಅಂತೂ ಇಂತೂ ಗಂಡಿ ಮೂಲೆಗೆ ಬಂದ್  ಎತ್ತಿದೊ. ಕಡೆಗೆ ಸೋಂಪಣ್ಣನೇ ಇವನ ತಲೆಗೆ ಲೈಟ್ ಕಟ್ಟಿ, ಕೈಗೆ ಬೆಡಿ  ಕೊಟ್ಟ್ ಹೊಡಿತೇಳಿ ಕರೆಲಿದ್ದ ಹಡಿ  ಕೊದೆಂಟಿಗೆ ಬೆನ್ನೂರ್ತ್. ಚೂರ್  ಹೊತ್ತ್ ಕಳ್ದ್ ಚರಚರ ಸದ್ದ್ ಕೇಳಿ, ಬುಟ್ಟ ಲೈಟ್ ಕೆ ಕಣ್ಣ್ ಕೊಟ್ಟದರ ನೋಡಿ ಟ್ರಿಗರ್ ಎಳ್ದೂ ಬುಟ್ಟತ್. ಆದರೆ ಸದ್ದ್ ನೋಡ್ರೆ ವಿಚಿತ್ರ ಕೇಳ್ದೆ.. ಏನೋ ಆಂಜಿದಾಂಗೆ!! ಅತ್ತ ಕೆಂಪನೂ ಅಲ್ಲ, ಬರಿಂಕನೂ ಅಲ್ಲ, ಕಡ್ಡೆ ಅಂತೂ ಅಲ್ಲನೇ ಅಲ್ಲ!! ಅಲ್ಲಾ  ಇದೆಲ್ಲ್ಯಾರ್ ಪಿಲ್ಕಜೆ ಪೀಡೆನ ಕಣ್ಕಟ್ಟ್ ಹೆಂಗೇತ ನೆನ್ಸಿ ನಾಳೆ ಬಂದ್  ನೋಡೊನೋತ ತಿರ್ಗಿ ಸಾ ನೋಡದೆ ಹೆದ್ರಿಕಂಡೇ ಮನೆಗೆತ್ತಿದೊ. ಮಾರ್ನೆ  ದಿನ ಹೋಗಿ ನೋಡ್ರೆ ಗಡಿಗುಡ್ದೆ ಪುರ್ಬುನ ಆಡ್ ತೋಟೆಗೆ ಸಿಕ್ಕಿ, ತಲೆ ಚೆಲ್ಲ್ ಚೆಲ್ಲಾಗಿ, ಕೊಟ್ಟೆಕಾಯಿ ಕಟ್ಟಿಟು.. ಅಷ್ಟೇ!! ಅಂತೂ ಪುರ್ಬುಗೆ ಹನೀಸ್ ಬೆಚ್ಚ  ಮಾಡಿ, ಹೊಡ್ದ ಆಡ್ ನ ಚೋಲಿ ಜಾರ್ಸಿ, ಸಜ್ಜಿ ಮಾಡಿ ಕೆಡ್ಡಸ ಮುಗ್ಸಿದೊ. ಅಲ್ಲಿಂದ ಮೇಲೆ ನಮ್ಮ ಮಾಧವಣ್ಣ "ಬಾಂಬೆ ಮಾಧವ" ಹೋಗಿ "ಮಟನ್ ಮಾಧವ"ತ ಪುಗರ್ತೆ ತಕಂಡತ್!!

 - ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು
 

Read More
Header sound

ಅರೆಭಾಷೆ ಐಸಿರಿ - ಸಂಚಿಕೆ ೨

09 Oct 2019

ಕೈಲುಮೂರ್ತ ಹಬ್ಬದ ವಿಶೇಷ ಸಂಚಿಕೆ.

Play Audio
Header sound

ಅರೆಭಾಷೆ ಐಸಿರಿ - ಸಂಚಿಕೆ ೮.

03 Oct 2019

ಸೋಬಾನೆ ಪದ, ಕವನ ಕಾರ್ತಿಕ್ ಪದೇಲ, ಹಾಡ್ ರಚನೆ: ಅಂಬೆಕಲ್ ಸುಶೀಲ ಕುಶಾಲಪ್ಪ. AIR FM 103.1

Play Audio
Header sound

ಅರೆಭಾಷೆ ಐಸಿರಿ - ಸಂಚಿಕೆ ೫

03 Oct 2019

ಹಾಡ್:ಪಾರೆಮಜಲು ಮೋಕ್ಷಾ ರಾಜೇಶ್, ಪಾರೆಮಜಲು ಲನಿಶಾ ರಾಜೇಶ್, ಕೋಡಿ ಅರ್ಚನ ದೇವಯ್ಯ. ಸೋಬಾನೆ ಪದ ಕಥೆ : ಅಂಜೇರಿರ ವಿಶು ರಾಘವಯ್ಯ.

Play Audio
Man searching dates

ಮದುವೆ ಮನೇಲಿ ಗೂಡೆ ಹುಡ್ಕಾಟ...

27 May 2019

ಸತತ  ರಜೆ ಇದ್ದ ಕಾರಣ  ಬೆಂಗಳೂರು  ಬೋರ್ ಆಗಿ ಊರುಗೆ ಹೊರಟೇ  ಶಿರಾಡಿ ಘಾಟ್ ಕಳ್ದಂಗ ಮನ್ಸಲಿ ಏನೋ  ಖುಷಿ. ಮನೆಗೆ ಎತ್ತಿದಂಗೆ  4  ದಿನದ ರಜೇನ timetabl  ಅಮ್ಮ ಪ್ರಿಪೇರ್  ಮಾಡಿ ಆಗಿತ್. ಮನೇಲಿ  ಇಷ್ಟದ    ಕಲ್ಲು ಕಾವಲಿ  ಊರು  ಕೋಳಿ  ಗೈಪು  ಮಾಡಿದ್ದ  ತಿಂದ್  ಮಂಗಳೂರು  ಸುತ್ತಿ ಬಂದೆ. ಹಂಗೆ ಹಿಂಗೆ  ಒಂದು  ದಿನ  ಮುಕ್ತ್. ಮಾರ್ನೆ  ದಿನ ಒಂದು  ಮದುವೆಗೆ  ಹೊರಡಿಸಿದ. ಏನ್ ಕಲ್ತಾರು  ಈ CAR DRIVING ಕಲ್ಯಾಕೆ ಬೊತ್ತು .. ಇಷ್ಟ  ಇಲ್ಲರೂ  ಡ್ರೈವಿಂಗ್  ಬರುವ ಕಾರಣ ಹೋಕಾತ್

       ಮದುವೆ ಮನೆ  ಭಾರಿ  ಗೌಜಿಲಿ ಇತ್ತ್. ಒಂತರ colourful ಹೇಳಕ್.  ಒಂದು  ಗ್ಲಾಸ್  sharabath ಕುಡ್ದ್  ಒಳಗೆ ಹೋಕನ ಎದುರು  ಇದ್ದ ಸಣ್ಣ ಕೂಸು  ಸಿಕ್ಕಿದೆ  ಚಾನ್ಸ್  ಅಂಥ  ಪನ್ನೀರ್ನ  ಭಾರಿ ಜೋಶ್  ಲಿ ಹಾಕ್ತಾ  ಇತ್ತ್. ಮದುವೆ  ಮನೆವು ಎದುರಿಗೆ  ಬಂದು   ಮಾತಾಡ್ಸಿದ. ಅಮ್ಮ  ನನ್ನ  ಎಳಕಂಡ್ ಯಾರೂ  ಹಳೇ  ನೆಂಟರ  ಹಕ್ಕಲೇ  ಹೋಗಿ  ಕುದ್ರಿಸಿದ.  ಸುರು  ಮಾಡ್ದ  ನೋಡಿ ನೆಂಟ್ರ ಕಿರಿ ಕಿರಿ   ಎಲ್ಲಿ ಒಳದ್  ನೀ  ಎಂಥ ಮಾಡ್ದು.  ಬೆಂಗಳೂರು  ಹೇಳ್ದ  ಕೂಡ್ಲೇ  ಅವ್ರ  ಕಿವಿ  ನೆಟ್ಟಂಗೆ ಆತ್. ಅದೇನು  ಉಟ್ಟು  ಅಂಥ  ಬೆಂಗಳೂರ್  ಹೈದಂಗಳಿಗೆ  ಡಿಮ್ಯಾಂಡೋ. ಅಷ್ಟೊತ್ತಿಗೆ  ಬೇರೆ ನೆಂಟ್ರುಗ  ಬಂದ.   ಅವರ್ದು  ಬೇರೆ,   ಗೂಡೆ  ಆತ  ಒಂದು ಒಳ್ಳ ಗೂಡೆ  ಉಟ್ಟು . ಮದುವೆ  ಮನೇಲಿ  ಇದ್ದ ಗೂಡೆಗಳ  ಎಲ್ಲ ತೋರ್ಸಿಕೆ  ಸುರು  ಮಾಡಿದ.ನನ್ನ  ಅಮ್ಮ ಅಂತೂ  ಸೊಸೆ  ಹುಡುಕುದ್ರಲ್ಲಿ busy  ಆಗಿದ್ದ. ಅವ್ಳು  ಹಂಗೇ  ಇವ್ಳು Doctor ಆ ಗೂಡೆ  ಇನ್ಫೊಸಿಸ್,  ಈ  ಗೂಡೆ  HR. 

      ಇನ್ನ್  ಇಲ್ಲಿ ಇದ್ದರೆ  ಆಕಿಲೆ  ಹೇಳಿ  ಮೆಲ್ಲ  escape ಆಗಿ  ಒಂದು  ಮೂಲೇಗೆ  ಹೋಗಿ  candycrush  ಆಡಿಕೆ  ಸುರು ಮಾಡಿದೆ. ಸಡನ್  ಆಗಿ  ಎಲ್ಲವು ಎದ್ದ್  ಓಡಿಕೆ  ಸುರು ಮಾಡಿದ ನಾನ್  ಏನ್  ಅಂತ  ನೋಡಿರೆ ಮದು ಮಕ್ಕಳ  ಆರಕ್ಷತೆಗೆ  ಕುದ್ರಿಸಿದ.ನಾನ್  ಮೆಲ್ಲ ಊಟಕೆ  ರೆಡಿ  ಆತ  ಅಂಥ  ನೋಡಿ  ಊಟಕೆ  ಹೊರಟೆ. ಹಾಳೆ ಬಟ್ಟಲ್  ತಕಂಡ್  ಕ್ಯೂ ಲಿ ನಿಂತೆ. ಉಪ್ಪಿನಕಾಯಿ  ಹಾಕುವ ಹೈದ ಗೈಪು ಹಾಕಿದಂಗೆ  ಉಪ್ಪಿನಕಾಯಿ  ಹಾಕಿತ್. ಊಟ  ಮಾಡಿ ಪಾಯಸ  ಹಾಕ್ಸಿಕೆ ಹೋದೆ. ಪಾಯಸ  ಹಾಕುವ ಗೂಡೆ ಲಾಯಿಕ್  ಇತ್ತ್.ಅದೇಕಿನ  ಖುಷಿ  ಆದ್  ಅವ್ಳು ಹಾಕಿದ  ಪಾಯಸಲಿ 4 ಬೀಜದ ಬೆಂಡ್  ಹೆಚ್ಚ್ ಬಿದ್ದದ್.ನಂಗೆ  ಹುಡುಕಿ  ಹಾಕಿದ  ಅಂಥ ಗೊತ್ಲೆ. 


       ಊಟ  ಮುಕ್ಸಿ  ಅಮ್ಮ  ಏನು ಮಾಡುವೆ ಅಂಥ ಮೆಲ್ಲ ಹುಡುಕಿದೆ. ನೋಡಿರೆ ಅವ್ರ ಮಾತುಕತೆ ಇನ್ನು ಮುಕ್ತಲೆ. ನಾನ್   ಮೆಲ್ಲ ಹೋಗಿ ಹೇಳ್ದೆ ನನ್ ಫ್ರಂಡ್  ಇಲ್ಲೇ ಒಳದ್. ಹೋಗಿ  ಮೀಟ್ಆನೆ.  ಬೇಗ ವಿಶ್ ಮಾಡಿ  ಊಟ ಮಾಡಿ  ಬನ್ನಿ  ಅಂತ ಹೇಳಿ  ಸೀದಾ  ಕಾರ್ ge ಬಂದ್  ಕಾರ್ ಲಿ AC ಹಾಕಿ  ಮೆಲ್ಲ ನಿದ್ದೆಗೆ ಜಾರ್ದೆ. ಹನ್ಯ  ಹೊತ್ತಾಕನ  ಅಮ್ಮ  ಬಂದ.  ಬಂದಾಂಗೆ  ಸುರು  ನಿಂಗೆ ಗೂಡೆ ನೋಡಿಯೋಲೆ,  ಲಾಯ್ಕ್  ಉಟ್ಟು  ಅವಳೇ  Fix ಅಂಥ.
ಮುಂದೆ  ಏನಾಥ್  ಅಂತ  ಇನ್ನೊಮ್ಮೆ  ಹೇಳ್ನ್.

                                                             #ಕುಡ್ಲದಹೈದ 

Read More
Save 20190321 014759

ಹೆಣ್ಣೆಂಬ ಯಕ್ಷಿಣಿ..!

21 Mar 2019

ತಂಪಾದ ಮುಸ್ಸಂಜೆ ಕಳೆದು,ಸೂರ್ಯನು ತಿಳಿಯಾದ ಪಡುವಣದಲ್ಲಿ ರಕ್ತಗೆಂಪನ್ನು ಚೆಲ್ಲಿ ಮರೆಯಾಗುತ್ತಿದ್ದಾನೆ. ಅಲ್ಲಿಯವರೆಗೆ ಪ್ರಕೃತಿಯೊಂದಿಗೆ ಬೆರೆತಿದ್ದ 'ಅವನ' ಮನಸ್ಸು, ಸಂತೋಷವೆಂಬ ತೊಟ್ಟಿಲಲ್ಲಿ ತೂಗುತ್ತಿತ್ತು. ದೂರದಲ್ಲೆಲ್ಲೋ ಗೋಪಿ ಹಕ್ಕಿ ಭಯಾನಕವಾಗಿ ಅರಚಿಕೊಂಡಾಗಲೇ ವಾಸ್ತವಕ್ಕೆ ಮರಳಿದ್ದು. ಮನಸ್ಸು ಜರ್ಜರಿತವಾಗಿತ್ತು... ಕಲ್ಲೇಟು ತಿಂದ ಗಾಜಿನಂತೆ ಛಿದ್ರಗೊಂಡಿತ್ತು...!! ತನ್ನ ಬದುಕಿನ ಪೂರ್ವದ ಘಟನೆಗಳನೊಮ್ಮೆ ಮನದಲ್ಲೇ ಪುಟ ತಿರುವಿ ಹಾಕಿದ...!!

ಬಂಧು-ಬಳಗ, ಸ್ನೇಹಿತರು, ಅಷ್ಟೇ ಏಕೆ ಇಡೀ ಜಗತ್ತೇ ನಶ್ವರವೆಂದು ಬಲವಾಗಿ ನಂಬಿದ್ದ "ಆತ". ಎಲ್ಲರೊಂದಿಗೂ ಸಂಭಾಷಿಸುತ್ತಿದ್ದ; ಆದರೆ ಯಾರೊಬ್ಬರ ಮೇಲೂ ಭಾವನೆಗಳಿರಲಿಲ್ಲ. ಈ ಮಧ್ಯೆ ಸಿಡಿಲಿನಂತೆ ಬಂದಳು "ಅವಳು"..!! ತನ್ನ ಕೀರ್ತಿ, ವರ್ಚಸ್ಸು ಎಲ್ಲಾ "ಅವಳ" ಮುಂದೆ ಕರಗಿ ನೀರಾಯಿತು. ಮೊದಲು ಪರಿಚಯವಾಗಿ..ಪರಿಚಯ ಸ್ನೇಹವಾಗಿ.. ಸ್ನೇಹವು ಪ್ರೀತಿಯಾಗಿ ತಿರುಗಿತು. ಮುಂದಿನದೆಲ್ಲಾ "ಆತ"ನಿಗೆ ಸಿಹಿ ಕನಸಂತೆ ಭಾಸವಾಗತೊಡಗಿತು..! ಮಳೆ ಮುದ್ದಿಸಿದಂತೆ..ಗಾಳಿ ಚುಂಬಿಸಿದಂತೆ.. ತನ್ನದೇ ಲೋಕದಲ್ಲಿ ವಿಹರಿಸಲು ಆರಂಭಿಸಿದ. ವಿಪರ್ಯಾಸವೇನೆಂದರೆ, ಇದೆಲ್ಲದರ ಅರಿವು "ಆಕೆ"ಗಿತ್ತು...!!!

ಮೊದಲೇ ತಿಳಿಸಿದಂತೆ "ಆತ" ಅಂತರ್ಮುಖಿ..!! ಸಮಾಜದೊಂದಿಗೆ ಹೆಚ್ಚು ಬೆರೆತವನೇ ಅಲ್ಲ. ಯಾವಾಗಲೂ ಒಂಟಿತನದ ಸುಖವನ್ನೇ ಬಯಸುತ್ತಿದ್ದ ಜೀವವದು. ಆದ್ದರಿಂದ ತನ್ನ ಪ್ರೀತಿಯ ವಿಚಾರವನ್ನು ತಿಳಿಸಲು ಭಯಪಟ್ಟು ಹಿಂಜರಿಯುತ್ತಿದ್ದ. ಆದರೂ ಕೊನೆಗೊಮ್ಮೆ ಧೈರ್ಯ ಮಾಡಿ 'ಪ್ರೇಮ ಪತ್ರ'ವನ್ನು ಬರೆದು "ಆಕೆ"ಯ ಕೈಗಿತ್ತ...!!! ಮುಂದೆ....

ಮುಂದೇನು....? ಪ್ರತ್ಯುತ್ತರವಾಗಿ ಅಲ್ಲಿಂದ ಬಂದಿತ್ತು ನಯವಾದ ತಿರಸ್ಕಾರ...! ನಾಜೂಕಿನಿಂದ "ಆತ" ಕಟ್ಟಿದ್ದ ಕನಸಿನ ಗೋಪುರವೆಲ್ಲಾ ದೊಪ್ಪೆಂದು ಕುಸಿದು ಬಿತ್ತು. "ಆತ" ನೀಡಿದ ಪ್ರೀತಿಯ ಕುರುಹಾದ ಪತ್ರವನ್ನು ಕಾಗದದ ದೋಣಿಯನ್ನಾಗಿಸಿ; ಆತನ ಕಣ್ಣೀರಿನಲ್ಲಿ... ಆತನ ಬದುಕನ್ನೂ ಮುಳುಗಿಸಿದಳು...!! ಈಗ.....

ಈಗೇನು...? ಆ ಒಂದು ಪತ್ರದಲ್ಲೇ.. "ಆತ"ನ ಬತ್ತಳಿಕೆಯಲ್ಲಿದ್ದ ಮಾತಿನ ಬಾಣಗಳೆಲ್ಲವೂ ಬಸಿದು ಹೋಯಿತು..! ಕಣ್ಣಿದ್ದರೂ ಕುರುಡಿಯಾದ ಗಾಂಧಾರಿಯಂತೆ; ಮಾತು ಬಂದರೂ ಮೂಗನಂತಾಗಿದ್ದಾನೆ "ಆತ"..!!!

               - ಪ್ರಜ್ವಲ್ ಬೈಚನ (Prajwal Bychana)

Read More
Rvdeco
Ad Sponsored