Arebashe

ದುಬೈ ಹೈದಂಗೊಂದ್ ದುರ್ಬೀನ್!!!

    ವಿಮಾನ ಇನ್ನ್ 20 ನಿಮ್ಶಲಿ ಬಜ್ಪೆ ವಿಮಾನ ನಿಲ್ದಾಣಲಿ ಇಳ್ದದೆ..  ಸೀಟ್ ಬೆಲ್ಟ್ ನ ಸೆಕ್ಕ್ ಸಿ ಗಟ್ಟಿ ಮಾಡಿಕಣಿತ ಪೈಲಟ್ ಮೈಕ್ ಲಿ ಕುಂಯಿಗುಟ್ಟಿದರ ಕೇಳಿ ಹಂಗೇ ಕಣ್ಣ್ ಮುಚ್ಚಿದ್ದ ಪ್ರಕಾಶ ರಪಕ್ಕ ಕಣ್ಣ್ ಬುಟ್ಟ್ ಎದ್ದ್ ಕುದ್ದತ್. ಊರುಗೆ ಬಾದಕ್ಕೆ ಖುಸಿ ಪಡೊಕೊ ಬೇಜಾರ್ ಮಾಡಿಕಣೊಕೊತ ಗೊತ್ತಾಗ್ತಿಲ್ಲೆ!! ಏಕೆಂತೇಃಳ್ರೆ ಕಳ್ದ ಹತ್ತ್ ವರ್ಷಂದ ಇದ್ ಮಾಮೂಲಿ... ಡಿಗ್ರಿ ಮುಗ್ಸಿ ಸಿಕ್ಕಿಸಿಕ್ಕಿದ ಕಡೆ ಎಲ್ಲಾ ಅರ್ಜಿ ಹಾಕಿ ಎಲ್ಲಿನೂ ಕೆಲ್ಸ ಸಿಕ್ಕದೆ ದಿನ ದೂಡ್ದ್.. ಈಗನ ಕಾಲಲಿ ಡಾಕ್ಟ್ರ್ ಗ , ಇಂಜಿನಿಯರ್ ಗ ರೋಡ್ ರೋಡ್ ಗೆ ಒಬ್ಬೊಬ್ಬನಾಂಗೆ ಒಳೊ..ಡಿಗ್ರಿ ಮಾಡ್ದವೆಲ್ಲಾ ಬುಗ್ರಿ ತಿರ್ಗಿಸ್ತೊಳೊ... ಇನ್ನ್ ಈ ಹ್ಯಾಪಂಗೆಲ್ಲಿಂದಾ ಕೆಲ್ಸ ಸಿಕ್ಕುದುತ ಕುಂಞತ್ತೆ ಕಡೆಂದ ಟಾಂಟ್ ಹೇಳ್ಸಿಕಂಡದ್.. ಊರ್ ಲೇ ಗೊಬ್ಬರ ಹೊರ್ದಕ್ಕಿಂತ ಗ್ಲಾಸ್, ಪ್ಲೇಟ್ ತೊಳ್ದರೂ ಆದು.. ಬಾಂಬೆಗೆ ಓಡಿ ಹೋನೆತ ನೆನ್ಸಿ ಮನೆ ಬುಟ್ಟದ್.. ಕಡೆಗೆ ಯಾರ್ ಯಾರೋ ಏಜೆಂಟ್ಗಳ ಕಾಲ್ ಹಿಡ್ದ್, ಯಾರ್ಯಾರೋ ಕಡೆ ಸಾಲ ಮಾಡಿ, ಇದ್ದ ಹೊಡಿ ಜಾಗೆನ ಅಡವಿಸಿ ಕತಾರ್ ಗೆ ಎತ್ತಿದ್...ಆಚೆಕರೆ ಸಂಣಪ ಜಾಗೆ ಮಾರಿ ದುಬೈ ಹೊರ್ಟಳತ ನಂಜಿಲಿ ಕೊಕ್ಕೆ ಮಾತಾಡ್ದ್... ಅರಬ್ ಲಿ ಯಾವ್ದೇ ದೇಶಲೇ ಇದ್ದರೂ ಊರ್ನವ್ಕೆ ಮಾತ್ರ ದುಬೈ ಒಂದೇ ಅಲ್ಲ??!! ಇದೆಲ್ಲಾ ತಲೆಲಿ ಸುತ್ತಿಕಂಡಿರ್ಕಾಕನನೇ ಏರ್ ಪೋರ್ಟ್ಂದ ಹೊರಗೆ ಬಂದಾತ್... ತಮ್ಮ ಸತೀಶ ಅಲ್ಲೇ ಕಾಯ್ತುಟ್ಟು... ಅವನ ಕಣ್ಣೋ.. ಅಣ್ಣನ ಮೋರೆ ನೋಡ್ದು ಬುಟ್ಟು  ದುಬೈಂದ ಬರವನ ಬ್ಯಾಗ್ ಎಷ್ಟ್ ದೊಡ್ದದುಟ್ಟುತ ಕಣ್ಣ್ ಲೇ ಲೆಕ್ಕ ಹಾಕಿದೆ!!

                  ಇಜ್ಜಲ್ ಕರೆಂದ ಹತ್ತಿ ಬಂದವನ ಅವನೇ ಕಟ್ಟ್ ಸಿದ ಮನೆ ಕರ್ದ್ ಕುದ್ರಿಸಿಕಂಡರೂ ಒಳಗೆ ಬಿಸಿ ಮಾತ್ರ ತಾರಾಮಾರ. ದುಬೈಲಿ ಪೊಯ್ಯ ಹೊತ್ತುವಂಥ ಬಿಸ್ಲಿದ್ದರೂ ಹುಟ್ಟಿ ಬೆಳ್ದ ಊರುನ ಬಿಸಿ ಮಾತ್ರ ಯಾಕೋ ತಡ್ಕಂಬಕೆ ಭಂಗ ಆಗ್ತುಟ್ಟು... ಹಾಲ್ ಕೊಟ್ಟು ಸಾಂಕಿದ ಅವ್ವನೇ ಬೆನ್ನ್ ಹೊಡಿಯಾಗುವಾಂಗೆ, ಕುಂಡೆ ಹಣ್ಣಾಗುವಾಂಗೆ ಪೊಳಿ ಕೊಟ್ಟಾಂಗೆ ಆತ್!! (ತಪ್ಪೂ ಆಗುಟು.. ತಲೆಗೆ ಹೊಯ್ದ ನೀರ್ ಕಾಲ್ ಗೆ ಬಂದೇ ಬರೊಕಲ್ಲ??). ಮಾರ್ನೆ ದಿನಂದ ಸುರು... ಕುಂಞಪ್ಪನ ಮನೆಲಿ ದೆವ್ವದರ್ಕೆ, ದೊಡ್ಡತ್ತೆನವರ್ಲಿ ಕೋಲ, ಶಾಲೆಮಾವನಲ್ಲಿ ಕಲಾಯ, ಕುಂಞಿ ಬಾವನ ವೀಳ್ಯಶಾಸ್ತ್ರ, ಅಚ್ಚುನ ಮೊದ್ರೆಂಗಿ, ಅಣ್ಣಿನ ಮೊದ್ವೆ... ಹಿಂಗೇ... ನಾವು, ನಮ್ಮವುತ ನಾಕ್ ಜನ ಸಿಕ್ಕುವೆತ ಹೇಳ್ದಲ್ಲಿಗೆಲ್ಲಾ ಹೊರ್ಟದಷ್ಟೇ. ಎಲ್ಲಿ ಹೋದರೂ ಒಂದೇ ಪ್ರಶ್ನೆ.. ಯಾಗ ಬಂದದ್? ನಂಗೆ ಎಂತ ತಂದಳ? ವಾಪಸ್ ಯಾಗ? (ಈ ಪ್ರಶ್ನೆಂದ ಬಹುಃಶ ತಪ್ಪ್ ಸಿಕಂಡವ ಯಾರೂ ಇಲ್ಲೆ.. ಬಂದವ ಬೇಗ ಊರ್ ಬುಟ್ಟು ಹೋಕುಂತಲೇ ಇವು ಕಾದ್ ಕಂಡಿದ್ದವೆನಾ ಹೆಂಗೆ??). ಬಂದ ಮೂರ್ನೇ ದಿನಕ್ಕೇ ಕನ್ಸ್ ಲಿತಾ ನೆನ್ಸಿಕಣದವು ಮನೆ ಜಾಲ್ ಗೇ ಬಂದೆತ್ತ್ಯೊಳೊ. ಪ್ರಕಾಶ ಬಂದುಟುಗಡ. ನೋಡದೆ ಇರಿಕೆ ಮನ್ಸೇ ತಡ್ತ್ ಲೆತ!! ಬಂದದ್ ಅಂವ ತಂದ ದುಬೈ ಮಾಲ್ ಗೆತ ಪ್ರಕಾಶಂಗಷ್ಟೇ ಗೊತ್ತು!! ಇನ್ನೂ ಮೊದ್ವೆ ಆಗದ ಪ್ರಕಾಶಂಗೆ ಈ ಒಂದು ಪ್ರಶ್ನೆಂದ ಇನ್ನೂ ನಿಮೂರ್ತಿ ಇಲ್ಲೆ. ಹೊಸ ನೆಂಟ್ರ್ ಗ ಮನಿ ಬಂದೊಳೊನಾ? ಗೂಡೆ ನಿಘಂಟ್ ಆಗುಟಾ?? ಕೇಳ್ದವರೊಟ್ಟಿಗೆಲ್ಲಾ 'ನೋಡ್ತೊಳೆ.. ಇನ್ನೊಮ್ಮೆ ಬಾಕನ ಮೊದ್ವೆ ಆಗಿನೇ ಹೋದು' ತ ಹೇಳಿ ಜಾರಿಕಂಬೊತಿತ್ತ್. ಎಲ್ಲಿ ಹೋದರೂ ಇದೇ ಕಥೆ !! ಎಷ್ಟಾದರೂ "ಮುಡಿಗೆ ಮೂರು ಸೇರ್ ಜಳ್ಳೇ"  ಅಲ್ಲ??

                  ದುಬೈಲಿ ಹೊಟ್ಟೆ ಬಾಯಿ ಕಟ್ಟಿ ಎರ್ಪು ಮಾಡಿ ಕಟ್ಟಿಸಿದರ ಎಲ್ಲಾ ಪೂಜಿ ಮನೆಗೆ ಕೊಟ್ಟು ಮನ್ಸಿಲ್ಲಾದ ಮನ್ಸ್ಂದ ಹೊರ್ಟತ್ ಪ್ರಕಾಶ ಹೈದ. ಮತ್ತದೇ ದಿನಚರಿ... ಊರುಲಿ ನೀರಡಿ ಕೊಟೆಗೆನಷ್ಟೇ ಇರುವ ಮನೆ. ದನದ ಮೂಕುಂದ ಪಾವಲಿ ತೆಗ್ಯಕೆ ಆಗ್ತಿದ್ದ ಹೇಸಿಕೆ ಇಲ್ಲಿ ಕೋಳಿ ಫಾರ್ಮ್ ಲಿ ಹೊಲ್ಸ್ ಎತ್ತಿರೂ ಏನೂ ಅನ್ಸ್ ತಿಲ್ಲೆ. ಕೋಳಿ ಹೇಲ್ ಪೂಜಿ ತೆಗ್ಯಕೇ ಹೇಸಿಕೆ ಆಗ್ತಿದ್ದವಂಗೆ ಇಲ್ಲಿ ಟಾಯಿಲೆಟ್ ಕ್ಲೀನಿಂಗ್ ಒಂದ್ ವಿಷಯನೇ ಅಲ್ಲ. ಮನೆ ಹಿಂದೆ ನೀರಡ್ಕೆ ಹೊಂಡದ ಅಡ್ಕೆ ನೋಡ್ರೇ ನಾತ, ಕಕ್ಕಿಕೆ ಬರ್ತಿದ್ದವಂಗೆ ಇಲ್ಲಿನ ವಾಸನೆ ಏನೇನೂ ಅಲ್ಲ. ಊರ್ ಲಿದ್ದವು ಮೊದ್ವೆ, ಮನೆ ಒಕ್ಕ್ ಲ್ ತ ನಾಕ್ ಕಡೆ ಹೋಗಿ ಬಂದರೆ ಇಲ್ಲಿ ಹೇಳಿಕೂ ಯಾರೂ ಇಲ್ಲೆ. ಅವೆಲ್ಲಾ ಕಳ್ಸುವ ಫೋಟೋ ನೋಡಿ ಹೊಟ್ಟೆ ಬೆಂದದೇ ಹೊರ್ತ್ ಮನ್ಸ್ ಗೆ ನೆಮ್ಮದಿ ಎಲ್ಯುಟ್ಟು?? . ಊರ್ ನ ದೇವಸ್ಥಾನಲಿ ಅನ್ನದಾನಕ್ಕೆ ಇವನ ಕೊಡುಗೆ ತ ಬೋರ್ಡ್ ಲಿ ಹೆಸ್ರು ಹಾಕ್ಯೊಳೊಗಡ. ಆದರೆ ಕೊಟ್ಟಂವ ಉಪವಾಸ ಇದ್ದರೂ ಕೇಳಂವ ಇಲ್ಲೆ!! ಮನೆವು ಇಂದ್ ಚಾಯಕ್ಕೆ ಪುಂಡಿ, ಬೊಡ್ರೊಟ್ಟಿತ ಹೇಳ್ರೂ ಇವಂಗೆ ಅದೇ ಒಣ್ಗಿಲ್ ಬ್ರೆಡ್. ಬ್ಯಾಪರ ಕಾಯಿಗೆ ಗಾಂಧಾರಿ ಮೆಣ್ಸ್ ಹಾಕಿ ಹಿಡ್ದ ಹಳ್ಳದ ಮೀನ್ ಗೈಪುಗಡ. ಇವಂಗೆ?? ಮನೆಲಿರ್ಕಾಕನ ಜ್ವರ ಬಂದರೆ ರಘುರಾಮ ಡಾಕ್ಟ್ರ ಕೆಂಪು ಸಿರಪ್ ನೊಟ್ಟಿಗೆ ಅವ್ವ ಕಾಸುವ ಒಳ್ಳೆಮೆಣ್ಸ್ ಕಸಾಯ ಒಂದೇ ಸಾಕ್. ಇಲ್ಲಿ ನೋಡ್ರೆ ಕುಡಿಯಕೆ ಬಿಸಿ ನೀರೂ ಅವನೇ ಕಾಸಿಕಣೊಕು!! ಗಂಡ್ ಮಕ್ಕ ಮಾಯ್ಪು ಹಿಡ್ದರೆ ಮೀಸೆ ಬಾದುಲೆತ ಅಯ್ಯೆ ಗುಡ್ಸಿಕೇ ಬುಡದಿದ್ದರೂ ಇಲ್ಲಿ ಅದೇ ಮಾಯ್ಪೇ ಇವನ ಕೈಲಿ ಗುಡ್ಸ್ ಸಿದೆ. ಯಜಮಾನ ಬೇರೆ ಆತ್, ಇದ್ದ ಕೆಲ್ಸನೂ ಹೋತ್, ಊರುಲಿ ಯಾರಿಗೂ ಹೇಳದೆ ಬೇರೆ ಕೆಲಸ ಹುಡ್ಕ್ಯಂಡದೂ ಆತ್. ದಿನಕ್ಕೊಂದು ಹೊಸ ಕಾನೂನುಂದ ಇದರ್ನೂ ಯಾಗ ಕಳ್ಕಂಡದೆತ ಗೊತ್ಲೆ!! ಗಟ್ಟಿಯಾಗಿ ಮರ್ಡುವ ಹಾಂಗೆನೂ ಇಲ್ಲೆ..ಏಕೆ? ಲೋಕದ ಕಣ್ಣ್ ಗೆ ಇಂವ ಗಂಡ್ ಸ್!! ವಾರದ ಅಕೇರಿಲಿ ದಾರಿಲಿ ಹೋಕನ ಬಿರಿಯಾಣಿನ ಮೂಕಳ್ಮೆ ನೆತ್ತಿಗೆ ಏರಿರೂ ಮನ್ಸ್ ಕೇಳ್ದು ಮಾತ್ರ ತಣೆನ ಗಂಜಿನೂ... ಇಟ್ಟಿ ಹಾಕಿದ ಕುಡು ಪೊಜ್ಜಿನನೂ!!
(ದುಬೈ ಹೈದಂಗೊಂದ್ ದುರ್ಬೀನ್!!!:An Arebhashe Articles of Gowdas)


ಡಾ.ಪುನೀತ್ ರಾಘವೇಂದ್ರ ಕುಂಟುಕಾಡು

Comments

Other articles

Man beard

ಗಡ್ಡದ ವಿಷ್ಯ

15 Sep 2017

 ಹೌದು ಇದು ಗಡ್ಡದ ವಿಷ್ಯ, ಹರೆಯಕ್ಕೆ ಬಂದಾಗ ಸಹಜವಾಗಿ ಫಲವತ್ತಾದ ಮೊಗದಲ್ಲಿ ಹುಲುಸಾಗಿ ಬೆಳೆಯುವ ಹುಲ್ಲುಗಳೆಂಬ ಈ ಕೂದಲಿಗೆ ಅದೇನೋ ಪ್ರಚಾರ ಪ್ರಿಯತೆ ಗೊತ್ತಿಲ್ಲ, ಪ್ರತಿ ದಿನ ಗಡ್ಡ ತೆಗೆದರೆ ರಸಿಕನಾದರೆ, ತೆಗೆಯದೆ ಇದ್ದರೆ ಸನ್ಯಾಸಿ. ಹಲವರು ಇದರ ಬಗೆಗೆ ನಯವಾಗಿ ಪ್ರತಿಭಟಿಸುವವರೇ...

ಇಲ್ಲಿ ನನ್ನ ದೇಹಕ್ಕೆ ಕಂತುವುದಲ್ಲ ಹಲವರ ಕಣ್ಣು ಗಳಿಗೆ ಚುಚ್ಚುವುದು, ಸಾಮಾಜಿಕ ನೆಲೆಯಲ್ಲಿ ಪ್ರಮುಖವಾದ ಈ ಗಡ್ಡ, ಸಭ್ಯ, ಸಂಸ್ಕಾರವೆನ್ನುವ ಸಮಾಜದಲ್ಲಿ ಕುಹಕವಾಗಿಯೇ ಆಡಿಕೊಳ್ಳುತ್ತಾರೆ. ತನ್ನಷ್ಟಕ್ಕೆ ಬೆಳೆದ ಈ ಗಡ್ಡದ ಬಗೆಗೆ ನಾನು ಆಲೋಚಿಸಿದ್ದೇ ಕಡಿಮೆ. ಯಾವುದಾದರೂ ಸಮಾರಂಭಕ್ಕೋ, ಗಮ್ಮತಿಗೆ, ಯಾರದೋ ಸಮ್ಮಾನಕ್ಕೋ ಹೋದಾಗ ಪರಿಚಯವಿಲ್ಲದ ಮುಖಗಳು ಕೇಳುವುದು ಯಾರಾತ ಆ ಗಡ್ಡದ ಹುಡುಗ? ಎಂದು ಅದೆಷ್ಟೋ ಸಲ ಮಾತಾನಾಡಿಸಿದ್ದು ಇದೆ, ಮನೆ ಎಲ್ಲಿ ಯಾರ ಮಗ, ಏನು ಓದುವುದು, ಏನು ಉದ್ಯೋಗ ಎಂದು ಜನಗಣತಿಯ ಟೀಚರ್ ಕೇಳುವಂತೆ ಸಾಲು ಸಾಲು ಪ್ರಶ್ನೆಗಳ ಮೆರವಣಿಗೆಯು ಅನುಭವವಾದದಿದೆ , ಸಹಜವಾಗಿ ಬೆಳೆದ ಗಡ್ಡದ ಬಗೆಗೆ, ಗಡ್ಡದಲ್ಲೇ ಪ್ರಶ್ನಿಸಬೇಕೇ ? ಹೊರತು ನನ್ನನೇಕೆ ಅಪರಾಧಿ ಮಾಡುತ್ತಾರೆ ಎಂದು ಆಗಾಗ ಮನಸಲ್ಲೇ ಪ್ರಶ್ನಿಸಿದ್ದು ಇದೆ. ಮತ್ತೊಂದು ವ್ಯತಿರಿಕ್ತ ಅಂದರೆ ನಮ್ಮ ಮನೆಯಲ್ಲಿ ಗಡ್ಡ ಬಿಡುವುದಕ್ಕೆ, ತೆಗೆಯುವುದ್ದಕ್ಕೆ ಚಕ್ಕಾರವಿಲ್ಲದಿದ್ದರೂ, ಊರಿನವರಿಗೆ, ಅತ್ತಿಗೆಯಂದಿರಿಗೆ, ಸಂಬಂಧಿಗಳಿಗೆ, ಸೋದರ ಅತ್ತೆಯಂದಿರಿಗೆ, ಶಾಲಾ ಟೀಚರ್ಗೆ, ನಮ್ಮ ಕಾಲೇಜು ಪ್ರಾಂಶುಪಾಲರಿಗೆ, ಕಡೆಗೆ ದಾರಿ ಹೋಕರಿಗೂ ಗಡ್ಡ ಚರ್ಚೆಯ ವಿಸ್ಯವೇ, ನಿನಗೆ ಗಡ್ಡ ಚಂದ ಕಾಣೋದಿಲ್ಲ, ನಿನ್ನದು ಕೋಲು ಮುಖ ಹಾಗಾಗಿ ಗಡ್ಡ ಇಲ್ಲದಿದ್ರೆ ಚಂದ, ಆ ಬ್ಯಾರಿ ಅಬೂಬಕರೇ ಮಗನ ಹಾಗೆ ಕಾಣ್ತಿಯಾ, ವಿಶೇಷ ಕಾರ್ಯಕ್ರಮಕ್ಕೆ ಹೋದರೆ ಮುಕ್ರಿ ಬಂದ ನೋಡಿ ಕೋಳಿ ಕೊಡಿ ಎಂದು ಕೂಹಕವಾಡಿದ್ದು ಇದೆ, ಮಗಳಿರುವ ದೂರದಿಂದ ಮಾವ ಆಗುವವರೊಬ್ಬರು ಗಡ್ಡ ಇಡುವುದು ನಮ್ಮ ಸಂಸ್ಕಾರ ಅಲ್ಲ ಆಲ್ವಾ? ಎಂದು ತನ್ನ ಮಗಳಿಗೆ ಈತ ವರನಲ್ಲ ಎಂದು ಅಡ್ಡಗೋಡೆಯ ಮೇಲೆ ದೀಪ ಇಟ್ಟಂತೆ ಮುನ್ಸೂಚನೆ ನೀಡಿದ್ದು ಇದೆ.

ನನ್ನೂರ ಬ್ಯಾರಿಗಳ ಮೊಬೈಲ್ ಅಂಗಡಿಯಲ್ಲಿ , ಚಪ್ಪಲಿ ಅಂಗಡಿಗಳಲ್ಲಿ ಬ್ಯಾರಿ ಭಾಷೆಯಲ್ಲೇ ಮಾತಾನಾಡಿಸಿ, ನನ್ನನ್ನೂ ತಾತ್ಕಾಲಿಕ ಬ್ಯಾರಿ ಮಾಡಿಸಿ, ವ್ಯಾಪಾರ ಕುದುರಿಸಿದ್ದು ಇದೆ. ಮತ್ತೆ ಬ್ಯಾರ್ತಿ ಹುಡುಗಿ ನಕ್ಕದು ಇದೆ. ಈ ಗಡ್ಡದಲ್ಲೂ ಹಲವು ವಿಧವಿದೆ ಕೈಯಾಡಿಸಿದರೆ ಕಂತಿದರೆ ಅದು ಪೊಕ್ರಿ ಗಡ್ಡ, ಅದೆಲ್ಲೋ ಮೂಲೆಯಲ್ಲಿ ಒಂದು ನಾಕು ಕೂದಲು ಬೆಳೆದರೆ ಹೋತ ಗಡ್ಡ, ಸಾಧಾರಣ ಉದ್ದವಿದ್ದರೆ ಹೆಂಡತಿ ಗರ್ಭಿಣಿಯೋ ಎಂಬ ಗಡ್ಡ, ಮತ್ತಷ್ಟು ಮುಖ ತುಂಬಾ ದಪ್ಪವಾಗಿದ್ದರೆ ಏನು ಹುಡುಗನಿಗೆ ಹುಷಾರಿಲ್ವಾ? ಎಂಬಾ ಗಡ್ಡ. ಒಟ್ಟಾರೆ ಅಪರಾಧಿ, ಗಡ್ಡವಂತೂ ಸತ್ಯ. ಹಲವು ಬಾರಿ ಅತ್ತಿಗೆಯಂದಿರ ಬಾಯಿ ಮುಚ್ಚಿಸಿದ್ದು ಇದೆ. ತಮಗೆ ಗಡ್ಡ ಬರುವುದಿಲ್ಲವೆಂದು ನಂಜಿ ಕಾರುವುದು ಅಲ್ವೇ? ಎಂದು ಕೇಳಿ ಮತ್ತೆಂದೂ ನನ್ನ ಗಡ್ಡದ ಬಗೆಗೆ ಪ್ರಶ್ನಿಸದ ಹಾಗೆ ಮಾಡಿದಿದೆ. ಅವರಿಗೆ ವಿಷಯ ಗೊತ್ತಿಲ್ಲ, ದಿನಚರಿಯ ಹಲವು ನಿಮಿಷಗಳು ಉಳಿಯುತ್ತವೆಯೆಂದು, ಮೊಗದ ಸೌಂದರ್ಯ ಕಾಪಾಡುತ್ತದೆಯೆಂದು, ಮುಖವೂ ತೇವವಾಗಿಡುತ್ತದೆಯೆಂದು, ಜೊತೆಗೆ ಮೊಡವೆಗಳು ಕಾಣಿಸುವುದಿಲ್ಲವೆಂಬ ಸತ್ಯಗಳು.

ಗಡ್ಡ ತೆಗೆದ ಗದ್ದ ಅದೇನು ಸುಂದರ ಗೊತ್ತಿಲ್ಲ ಕಲಾಯಿ ಹಾಕದ ಕಿಜಿಯ ಪಾತ್ರೆಯಂತೆ ಚುರುಪು ಚುರುಪು ಗಡ್ಡದ ಮಾಸಿದ ಚುಕ್ಕಿಗಳ ಸಶೇಷವಲ್ಲದ ಬಿಂಬ ಮಾತ್ರ ಸತ್ಯ. ತಮಗೂ ಗೊತ್ತಿರಬಹುದು ಕರಿಯ ಜನಾಂಗದ ಪ್ರಥಮ ಮತ್ತು ಅಮೆರಿಕದ 16ನೇ ಅಧ್ಯಕ್ಷರಾಗಿದ್ದ ಅಬ್ರಹಾಂ ಲಿಂಕನ್‌ ಗಡ್ಡ ಇಡುತ್ತಿದ್ದರು. ಅವರದೇಲ್ಲ ಭಾವಚಿತ್ರಗಳಲ್ಲಿ ನೋಡಬಹುದು. ನೀವೇನಾದ್ರು ಪ್ರೀತಿ - ಪ್ರೇಮ ವೈಫ‌ಲ್ಯ ಇದ್ದಿರಬೇಕು ಎಂದುಕೊಂಡರೆ ಅದು ಸುಳ್ಳು ಅಚ್ಚರಿ ಎಂದರೆ ಅವರು ಗಡ್ಡ ಬಿಡಲು ಪ್ರೇರಣೆ ನೀಡಿದ್ದು 11ರ ಹರೆಯದ ಪೋರಿಯೊಬ್ಬಳ ಪತ್ರವಂತೆ. 1860ರ ಅಕ್ಟೋಬರ್‌, ಆಗಷ್ಟೆ ಅಮೇರಿಕಾದಲ್ಲಿ ಅಧ್ಯಕ್ಷೀಯ ಚುನಾವಣೆನಡೆಯುವುದರಲ್ಲಿತ್ತು. ರಿಪಬ್ಲಿಕನ್‌ ಪಕ್ಷದಿಂದ ಲಿಂಕನ್‌ ಅಧ್ಯಕ್ಷೀಯ ಅಭ್ಯರ್ಥಿಯಾಗಿ ಘೋಷಣೆಯಾಗಿತ್ತು. ಅದೇ ಸಮಯಕ್ಕೆ ನ್ಯೂಯಾರ್ಕ್‌ನ ವೆಸ್ಟ್ ಫೀಲ್ಡ್‌ನಿಂದ ಗ್ರೇಸ್‌ ಬೆಡೆಲ್ಸ್‌ ಎಂಬ 11 ವರ್ಷದ ಪುಟಾಣಿ ಬರೆದ ಪತ್ರ ಭವಿಷ್ಯದ ಅಧ್ಯಕ್ಷನಾಗಲು ಕನಸು ಹೆಣೆಯುತಿದ್ದ ಅಬ್ರಹಾಂ ಲಿಂಕನ್‌ರ ಕೈ ಸೇರಿತ್ತು. ಅದರಲ್ಲಿ ನಾನು 11 ವರ್ಷದ ಬಾಲಕಿಯಾಗಿದ್ದು, ನೀವೇ ದೇಶದ ಅಧ್ಯಕ್ಷರಾಗಬೇಕೆಂದು ನಾನು ಬಯಸಿದ್ದೇನೆ. ನಾನೇನಾದರು ಹುಡುಗನಾಗಿದ್ದರೆ ನಿಮಗೆ ಓಟ್‌ ಮಾಡಬಹುದಿತ್ತೇನೋ ಆದಗ್ಯೂ ನನಗೆ ನಾಲ್ಕು ಮಂದಿ ಅಣ್ಣಂದಿರಿದ್ದು, ಅವರೆಲ್ಲರೂ ನಿಮಗೆ ಓಟ್‌ ಮಾಡುವಂತೆ ಕೇಳುತ್ತೇನೆ. ಆದರೆ ಇದಕ್ಕೊಂದು ಷರತ್ತು. ನಿಮ್ಮ ಮುಖ ತುಂಬಾನೆ ಸಣಕಾಲಾಗಿದ್ದು ನೀವು ಗಡ್ಡ ಮೀಸೆ ಬಿಡುವುದು ಉತ್ತಮ.

ಗಡ್ಡ ಬಿಡುವ ಗಂಡಸರನ್ನು ಕಂಡರೆ ಮಹಿಳೆಯರು ಆಕರ್ಷಿತರಾಗುತ್ತಾರಂತೆ. ಆಗ ಅವರ ಗಂಡಂದಿರಿಗೆ ನಿಮಗೆ ಓಟು ಹಾಕುವಂತೆ ಒತ್ತಾಯಿಸುತ್ತಾರೆ ಹಾಗೂ ತಾವು ನಮ್ಮ ಅಧ್ಯಕ್ಷರಾಗುತ್ತೀರಿ ಎಂದು ಬರೆದಿತ್ತು. ಈ ಪುಟಾಣಿಯ ಬಯಕೆಯಂತೇ ಗಡ್ಡ ಬಿಡುತ್ತೇನೆ ಎಂದು ಲಿಂಕನ್‌ ಹೇಳಿಕೊಂಡಿದ್ದರಂತೆ, ಹಾಗೂ ಜೀವನ ಪೂರ್ತಿ ಗಡ್ಡಧಾರಿಯೇ ಆಗಿದ್ದರು. ಹೌದು ವ್ಯಕ್ತಿಯೊಬ್ಬನ ಗಡ್ಡ ಅವನ ತುಂಟ ಮುಗುಳ್ನಗೆಯನ್ನು, ಮುತ್ತುಕೊಡುವ ತುಟಿಗಳನ್ನು ಅಡಗಿಸಲು ಬಹುದು, ಆದರೆ ಆತನ ವ್ಯಕ್ತಿತ್ವ, ನಿಲುವು, ಜಾಣ್ಮೆಯನಲ್ಲ, ಅವನು ಅವನೇ.. ಬದಲಾದ್ದು ನಮ್ಮ ನೋಟ ಅಷ್ಟೇ.... ಬಿಳಿ ತೊಗಲು ಚಂದ, ತಲೆಕೂದಲು ಇಲ್ಲದವನು ಅಂದವಿಲ್ಲ, ಗಡ್ಡಬಿಟ್ಟವರೆಲ್ಲ ಸುಖವಲ್ಲ ಎಂಬ ನಮ್ಮ ಚಿಂತನೆ ಬದಲಾಯಿಸಬೇಕಾಗಿದೆ. ಅಲ್ವೇ?

Read More
481000

ಬಳಿ

31 May 2017

  ಗೌಡರ ಕುಟುಂಬ ಪದ್ದತಿಯನ್ನು ಬಲಗೊಳಿಸುವ ಮತ್ತು ವಿಸ್ತರಿಸುವ ಕೆಲಸದಲ್ಲಿ ನಿರ್ಣಾಯಕ ಪಾತ್ರ ವಹಿಸುವುದು ಗೌಡರಲ್ಲಿ ಇಂದಿಗೂ ಶಕ್ತಿಶಾಲಿಯಾಗಿ ಉಳಿದು ಬಂದಿರುವ "ಬಳಿ ಪದ್ದತಿ".ಗೌಡರಲ್ಲಿ ಬಳಿಯು ತಂದೆಯಿಂದ ಮಕ್ಕಳಿಗೆ ಇಳಿದು ಬರುತ್ತದೆ. ಗೌಡರಲ್ಲಿ ಪ್ರಚಲಿತದಲ್ಲಿರುವ " ಹತ್ತು ಕುಟುಂಬ ಹದಿನೆಂಟು ಗೋತ್ರ " ಎಂಬ ಮಾತನ್ನು ಆಧರಿಸಿ ಕೆಲವು ವಿದ್ವಾಂಸರು ಗೌಡರಲ್ಲಿ 18 ಬಳಿಗಳು ಇವೆಯೆಂದು ಸಾಧಿಸಲು ಪ್ರಯತ್ನಿಸಿದ್ದಾರೆ.

ಆದರೆ ವಾಸ್ತವವಾಗಿ ಇಂದಿಗೆ ಗೌಡರಲ್ಲಿ ಕೇವಲ 12 ಬಳಿಗಳು ಮಾತ್ರ ಅಸ್ತಿತ್ವದಲ್ಲಿವೆ. ಅವುಗಳೆಂದರೆ

೧. ನಂದರ ಬಳಿ
೨. ಬಂಗಾರ ಬಳಿ
೩. ಹೆಮ್ಮನ ಬಳಿ
೪. ಮೂಲರ
೫. ನಾಯರ
೬. ಚಾಲ್ಯರ
೭. ಗುಂಡ(ನ)ರ
೮. ಕಬರ್
೯. ಚಿತ್ತರ
೧೦. ಗೌಡರ
೧೧. ಬಳಸನ್ನ
೧೨. ಗೋಳಿ
 
ಮೂಲಃ ಗೌಡ ಸಂಸ್ಕೃತಿ ಪುಸ್ತಕ
ಇದಲ್ಲದೆ ಕೆಲವು ಮೂಲಗಳ ಪ್ರಕಾರ 18 ಗೋತ್ರಗಳಿದ್ದು ಅವುಗಳೆಂದರೆ (ಮೇಲಿನ ೧೨ ನ್ನು ಸೇರಿಸಿ)
 
೧೩. ಔದನ್ನ ಗೋತ್ರ
೧೪. ಸಾಲೆ ಗೋತ್ರ
೧೫. ಕರ್ಂಬೆರ್ ಗೋತ್ರ
೧೬. ಲಿಂಗಾಯತ ಗೋತ್ರ
೧೭. ಕರ್ಬನ್ನ ಗೋತ್ರ
೧೮. ಸೆಟ್ಟಿ ಗೋತ್ರ,(ಹಾಲು ಗುಂಡರ)
 
 
Read More
Download %282%29

50-50 ಬಿಸ್ಕೇಟ್

19 May 2018
ಚುಮು ಚುಮು ಮೈ ಕೊರೆವ ಚಳಿಲಿ ಬೇಡ ಬೇಡತ ಹೇಳ್ರು ಮನ್ಸ್ ನೀನೆ ಬೇಕುತ ಕರಿತುಟ್ಟು... ಎಷ್ಟ್ ಹೇಳ್ರುಹಠಮಾಡಿ ನನ್ನನ ಕಾಡ್ಸಿ ನಿನ್ನನ ಹಕ್ಕಲೆ ಬಾಕೆ ಕೂಗಿ ಹೇಳ್ತುಟ್ಟು... ಎಲ್ಲಿ ನೋಡ್ರು ನಿನ್ನ ಪೊಲ್ರುನ ಮುಖ ಕಾಣ್ತುಟ್ಟು...ನಿನ್ನ ಕಾಳಜಿನ ನುಡಿಮುತ್ತುಗಳ ಗುಂಗು ಕಿವಿಗೆ ಇನ್ನೂ ಹಾಂಗೇ ಕೇಳ್ತುಟ್ಟು... ನಿನ್ನ ಪ್ರಾಮಾಣಿಕ ಮಾತ್ ಇನ್ನ್ ಕೇಳ್ದಂಗೆ ಆಗ್ತುಟ್ಟು . ಹಿಂದೆ ಮುಂದೆ ನಿನ್ನ ನೆರಳ್ ನನ್ನ ಆವರಿಸುತುಟ್ಟು ಇದನೆಲ್ಲ ಕಂಡ್ ಮನ್ಸ್ ರೆಕ್ಕೆ ಬಿಚ್ಚಿ ಹಾರುವ ಚಿಟ್ಟೆಕ್ಕಿ ಆಗುಟು. ನನ್ನಲ್ಲಿ ನಾನಿಲ್ಲೆ... ನೀನೆ ತುಂಬಿಕೊಂಡೊಳ ಮನ್ಸ್ ಲಿ.. ಆ ದಿನದ ಪ್ರತಿ ಕ್ಷಣ ನಿನ್ನೋಂದಿಗೆ ಕಳ್ದ ಅಮೃತ ಘಳಿಗೆಗಳ ಸವಿ ನೆನಪಿನ ಲೋಕಲಿ ಕಳ್ದ್ ಹೋಗೋಳೆ ನಾ... ನಿನ್ನ ಕಣ್ಣಲ್ಲೆ ನಗುವ ಕಲೆ ಕಂಡ್ ನಾ ಮೂಛ್ರೆ ಹೋಗೋಳೆ... ನಿನ್ನ ಸುಂದರ ಪೊರ್ಲುನ ಮನ್ಸ್ ಯಾಗೋಳೂ ನನ್ನನೆ ಬಯಸಿ ಕರ್ದಂಗೆ ಆಗ್ತುಟ್ಟು... ನಿನ್ನ ತುಟಿoದ ಸುರ್ದ ಜೇನ್ನ್ ಮಾತ್ಗೆ ಎಂಥ ಬರಹಗಾರನೂ , ಕವಿನೂ ಕರ್ಗಿ ನಿನ್ನೋಲವಿಗೆ ಹಾತೋರೆಯುವಂತೆ ಮಾಡ್ವು ಮೋಹಕತೆನೂ ಉಟ್ಟುತೇಳ್ರೇ ತಪ್ಪಾಕಿಲೇ ಅಲ....! ನಿನ್ನ ಚೆಲುವಿನ ಸುಳಿಲಿ ಕಳ್ದೋದ ನನ್ನನೇ ಹುಡ್ಕಿಕಣಿಕೆ ಆಕ್ತಿಲ್ಲೆ ...ನಂಗೆ ನಾನೆ ಸಿಕ್ತಿಲೇ...ಕಳ್ದೋಗೋಳೆತ NEWS ಪೇಪರ್ಲಿ ಹಾಕೂವಷ್ಟ್ ನಿನ್ನೋಲವಿನ ಬಲೆಲಿ ಸಿಕ್ಕಿ ಹಾಕೋಂಡೋಳೆ... ನಿನ್ನ ಕಣ್ಣಂಚಿನ ಸುಳಿಲಿ ದೂರಲಿನೇ ನಿತ್ತ್ ಕೊಲ್ಲದಿರ್ ನೀ ಹೈದ... ನೀ ದೂರದ ಮಾಯಗಾರನಾದರೂ ಮೈಮನ ಮರೆಯಲಾಗದ ನಿನ್ನ ನೆನಪುಗಳ ಮನೆ ಮಾಡಿ ಮನ್ಸ್ ನ ಕಾಡ್ತುಟ್ಟು.. ಬೆಳದಿಂಗಳ ರಾತ್ರಿಲಿ ನೆಲದ ಮೇಲೆ ಚೆಲ್ಲಿದ ಚಂದ್ರನ ಕಿರಣಗಳಂಗೇ ನಿನ್ನ ಮುಖದ ಕಾಂತೀ ಕನ್ಸ್ ಗಳ ಹೊತ್ತ್ ಹೂಮಳೆ ಸುರ್ಸಿ ನಿಂತುಟ್ಟು... ಆ ಕನ್ಸ್ ಗಳ ನನ್ಸಾಗುವ ತವಕಲಿ ಹಗ್ಲ್ ರಾತ್ರೆ ನಿಂಗಾಗಿ ಹುಡ್ಕುತ ತಿರ್ಗುತೊಳೆ ನಿನ್ನ ಪ್ರೀತಿ ದಿನಾಲೂ ತಪ್ಪದೆ ಮೂಡಲಿ ಮೂಡಿಬರ್ವ ಸೂರ್ಯನಂಗೆ ಸತ್ಯತೇಳ್ರೆ ತಪ್ಪಾಕಿಲೆ ಅಲ....! ನಿನ್ನ ಪ್ರೀತಿ ಮಾಯನೋ , ನಿಜನೋ ನೀನೇ ಒಮ್ಮೆ ಹೇಳ್ ಹೈದ.... ನನ್ನೆದೆ ನಿಂಗಾಗಿ ಕಾಯ್ತುಟ್ಟು .ಈ ಹೃದಯ ಮಿಡಿತಕ್ಕೆ ಒಮ್ಮೆಯಾರ್ ಸ್ಪಂದಿಸ್ ನೀ ಹೈದ.. ನಿನ್ನ ಪ್ರೀತಿಗಾಗಿ ಈ ಹೃದಯ ಹಂಬಲಿಸುತುಟ್ಟು... ನಿನ್ನ ಹೃದಯಲಿ ಪ್ರೀತಿಯ ಕಾವೇರಿ ನದಿನ ಹಾಂಗೇ ಜಲಧಾರೆಯಾಗಿ ಹರ್ಸ್ ..ನನ್ನ ಬಾಳ್ಲಿ ಪ್ರೇಮಮೂರ್ತಿಯಾಗಿ ಬಂದ್ ಒಲವಿನ ಜೀವ ನದಿಲಿ ಜೊತೆ ಸೇರಿ ಹೆಜ್ಜೆ ಹಾಕ್ ಬಾ ಹೈದ... ನನ್ನ ಕಣ್ಣ್ ಗಳ ಕನ್ಸ್ ಲಿನೂ ನನ್ನ ಮಾತ್ಲಿನೂ ನಿನ್ನದೆ ಗುಣಗಾನ. ಹೃದಯಲಿ ನಿನ್ನ ನೆನಪುಗಳೇ ಪ್ರತೀ ಕ್ಷಣನೂ ಕಾಣ್ತುಟ್ಟು.... ನೀ ಬರ್ವ ದಾರಿನೇ ನಾ ನೋಡ್ತೋಳೆ ನಿಂಗಿಷ್ಟಾತ 50 __50 ಬಿಸ್ಕೇಟ್ ಹಿಡ್ಕಂಡ್ ನಾ ನಿನ್ನ ಆಗಮನಕ್ಕಾಗಿ ಜಾತಕ ಹಕ್ಕಿತರ ಕಾಯ್ತೋಳೆ ಹೈದ ... ಆದಷ್ಟ್ ಬೇಗ ಬಂದ್ಬುಡ್ ಬೇಗ..... __ಇಂತಿ ನಿನ್ನ ಕೊಡಗ್ನ ಗೂಡೆ
Read More
Guthu house

ಚಿನ್ನಮ್ಮಕ್ಕನ ಚಿಣೆತಿಂಟೆಲಿ...

16 Sep 2018

ಯಾಗ ನೋಡ್ರೂ ನೀರಡಿ ಕೊಟೆಗೆನ ಬೂದಿ ಗುಡ್ಡೆಲಿ ಬೆಚ್ಚಂಗೆ ಮಲ್ಗ್ಯ್ಂಡಿರುವ ಬೊಳ್ಳು ನಾಯಿ ಇಂದ್ ಜಾಲ್ ಕರೆಂದ ಅರೆಬಾಯಿಸುದರ ಕೇಳ್ದ ಚಿನ್ನಮಕ್ಕಂಗೆ ಗೊತ್ತಾತ್ ಯಾರೋ ಬಾರದವೇ ಬಂದೊಳೊತ. ನಾಕ್ ದಿನಂದ ಹೊಯ್ತಿರುವ ರಣ ಮಳೆಂದಾಗಿ ಕರೆಂಟೂ ಇಲ್ಲೆ... ಒಟ್ಟಿಗೆ ಸಾರ್ ಗೈಪೂ ಇಲ್ಲೆ!! (ಕರೆಂಟ್ ಇಲ್ಲದೆ ಮಿಕ್ಸಿ ತಿರ್ಗುದು ಹೆಂಗೆ? ಅರೆಪ್ಪು ಕಡೆದಾರ್ ಹೆಂಗೆ? ಇದ್ದದರ್ನೇ ಪಲ್ಯ ಮಾಡಿ ಸುಧಾರ್ಸ್ತೊಳೊ!!). ಕಡೆಗೂ ಗುಡ್ಸಿಟ್ಟ ಕುಂಟು ಮಾಯಿಪೇ ಗತಿಂತ ನೀರ್  ನೋಡದೆ ವರ್ಸನೇ ಕಳ್ದಿದ್ದ ಕಡ್ಕಲ್ಲ್ ನ ಭಾರೀ ಭಂಗಲಿ ತೊಳ್ಕಂಡಿದ್ದವು, ಚಂಡಿ ಕೈನ ಸೆರ್ರ್ಂಗ್ ಕೊಡಿಗೆ ಒರ್ಸಿಕಂಡ್ ಯಾರ್ ಬಂದೊಳೊತ ನೋಡಿಕೆ ಹೊರ್ಟೊ. ಮಳೆಲೇ ಬರ್ತಿರವ್ಕೆ ನೀರ್ ಚೊಂಬು ತಾದೆಂತಕೆತ ಹೇಳಿಕಂಡೇ ಬಂದ ಮನೆ ಯಜಮಾಂತಿ ಚಿನ್ನಮ್ಮಕ್ಕಂಗೆ ಜಾಲ್ಂದಾಚೆ ಉದ್ಗಿಲ್ಂದೀಚೆ ಕಂಡ ರೂಪನೇ ಅಪ್ರೂಪ. ಚಂಡಿಯಾಕೆಬೊತ್ತುತ ಎತ್ತಿ ಕಟ್ಟಿದ ಸೀರೆ ಮೊಣ್ಕಾಲ್ಂದ ಮೇಲೆ ಬಂದುಟು!! ಹನಿ ಮಳೆಗೆ ಮೂಂಡಿ ಕೆಸದ ಸೊಪ್ಪುನನೇ ತಲೆಮೇಲೆ ಅಡ್ಡಕ್ಕೆ ಹಿಡ್ಕಂಡ್ ಬಾತಿರುವ ಆಚೆಕರೆ ನೀಲಮ್ಮಕ್ಕ ಆಟಿ ಕಳೆಂಜ ಬರ್ತಿರುವಾಂಗೆ ಕಂಡದ್ ಮಾತ್ರ ಸುಳ್ಳಲ್ಲ!! ಕೂದಲ್ ಹಣ್ಣಾದರೂ ತಂಙಣೆ ಬುಡದ ನೀಲಮ್ಮಕ್ಕನ ಮುಂದೆ ಜೆರ್ಂಜೆಲಕ್ಕಿ ಯಾವ ಲೆಕ್ಕ?? ಒಗ್ದ್ ಹಿಂಡದ ಬಟ್ಟೆನಾಂಗೆ ನೀರ್ ಹನ್ಕುಸುತಿರ್ವವರ  ಚಿಣೆತಿಂಟೆಲೇ ನಿಲ್ಲ್ ಸಿ ಚಾಯಕೆ ನೀರಿಸಿನೆತೇಃಳಿ ಹೊರ್ಟೊ ಚಿನ್ನಮಕ್ಕ.

                         ಮಾತೆಯರ ಮಾತ್ ಕತೆಗೆ ಮುದದಿಂದ ಮುನ್ನುಡಿಯೇಕೆ? "ಎಂಥಾ ರಣ ಮಳೆ ಚಿನ್ನಮ್ಮಕ್ಕಾ... ಬಾನ್ ನೋಡಿ ಎಷ್ಟ್ ದಿನ ಕಳ್ತೋ!! ಬೈಪಣೆಲೆದ್ರುವ ಬಿಳ್ಗ್ ಲ್ ಅಳ್ಂಬು ನೇಕೆಲಿ ನೇಲ್ತಿರುವ ಬಟ್ಟೆಲಿ ಎದ್ರಿಕೆ ಒಂದ್ ಬಾಕಿ ಅಷ್ಟೆ. ಹಟ್ಟಿ ಅಂತೂ ಚೋಳ್ ಚೋಳಾಗಿ ಕಂಪ ಗದ್ದೆನಾಂಗಾಗುಟು. ಕಡೆಗೆ ಕರ್ ಬುಡುವ ಕೆಂಪಿ ಹಸ್ ನ ಬಿಚ್ಚಿಕಂಡೋಗಿ ನೀರಡಿ ಕೊಟೆಗೆಲಿ ಕಟ್ಯಳೆ ಗೊತ್ತುಟಾ? ತೋಟಲ್ಯಂತೂ ನೀರ್ ನಿತ್ತ್ ಉಜಿರ್ ಕಣಿನೂ ಕೊಮ್ಮುನ ಬುಡನೂ ಒಂದೇ ಆಗುಟು. ಗೊನೆ ಹಾಕಿದ ಬಾಳೆಗೆಲ್ಲಾ ಬುಡ ಪೊರ್ದ್ ಅಡ್ಡಬಿದ್ದೊಳೊ. ನಿಮ್ಮ ಬಾವ ಒಬ್ಬ... ಗೊನೆ ಅಲ್ಯೇ ಇದ್ದರೆ ಕರ್ಗುದುತ ತಂದ್ ತಂದ್ ಮೂಲೆಲಿ ಅಡ್ಕಿಸುವೆ. ಒಂದ್ ವಾರಂದ ಬಾಳೆಕಾಯಿ ಉಪ್ಪ್ಕರಿ ಮಾಡಿ ಮಾಡಿ ಬಿಡ್ದೋತ್. ಅಂಗಳ ಇಡೀ ಒರ್ತೆ ಎದ್ದ್ ಗೊದ್ದಂಗ ಮಿಜಿ ಮಿಜಿ ಕಂಡದೆ. ಈ ಸರ್ತಿ ಉಬರ್ ಅಂಗಳಕೇ ಹತ್ತುದೇನೋ!! ಇನ್ನ್ ಕರೆಂಟ್ ನ ಕತೆ ಹೇಳಿ ಸುಖ ಇಲ್ಲೆ... ಮೊನ್ನೆ ನೆಡಿರ್ಲ್ ಒಮ್ಮೆ ಮಿಣ್ಕಿದಾಂಗಾತ್. ಬೆಂಗ್ಳೂರ್ಂದ ಹೈದ ಪೋನ್ ಮಾಡ್ರೆ ಮಾತಾಡಿಕೆ ಮೊಬೈಲ್ ಲಿ ಚಾರ್ಜಾರ್ ಉಟ್ಟಾ?? ನಿನ್ನೆ ಮುಟ್ಟ ಒಂದ್ ಕುಟ್ಟಿಯಾರ್ ಇತ್ತ್... ಇಂದ್ ಅದೂ ಇಲ್ಲೆ... ಸತ್ತೇ ಹೋಗುಟು.. ನಿನ್ನೆ ಮನೆಕಡೆ ಬಂದ ತಿಮ್ಮ ಹೇಳ್ತ್. ಲಚ್ಚಣ್ಣನ ಮನೆಲಿ ಎಲ್ಲವೂ ಜನ್ರೇಟ್ಲಿ ಕರೆಂಟ್ ಬುಟ್ಟ್ ಮೊಬೈಲ್ ಚಾರ್ಜ್ ಮಾಡಿಕಂಡವೆಗಡ!! ಹಂಗೆ ಇದ್ಕೂ ಚೂರ್ ಮಾಡಿಕಣೊನೊತ ಹೊರ್ಟೆ. ಬೊಳ್ಪುಂದ ಚೂರ್ ಬೊಯಿಪು ನೋಡಿ ಕೊಡೆ ಬೇಡಾತ ಗ್ರೇಸಿ ಹೊರ್ಟದ್. ಚಾಕಟೆ ಮರಂದ ಇತ್ತ ಚೋಡಿ ಕರೆ ಪಾಲ ದಾಟ್ಯೊಳಷ್ಟೆ.. ಅಷ್ಟೊತ್ತಿಗೆ ಪುನಃ ಸುರಾತ್ ನೋಡಿ... ಮಳೆ ಮಾರಿ.. ನಿಮ್ಮ ಬೇಲಿ ಕರೆಲಿದ್ದ ಮೂಂಡಿ ಕೆಸದ ದಂಟ್ ಮುರ್ದ್ ಹಿಡ್ಕಂಡ್ ಬಂದೆ.. ಬೊಯ್ಬಡಿ ಬಲರ್ಯಾ... ಅಲ್ಲಾ ಚಿನ್ನಮಕ್ಕ.. ನಂಗೊಂದು ಸಂಸಯ... ಈ ಮಳೆಗೂ ಏನಾರ್ ಉರ್ಚಟ ಹಿಡ್ದುಟಾ ಹೆಂಗೆ??!!.... ತೋ... ಇದರ ಪಡೆ ಮುತ್ತಿಕೆ....” ಈ ನಮೂನೆ ಜಿರ್ಂಜಿಲ್ ಸುರಾದರೆ ತಿರ್ಗಿ ಜವಾಬು ಕೊಡಿಕಾರ್ ಪುರ್ಸೊತೆಲ್ಯುಟ್ಟು ಚಿನ್ನಮ್ಮಕ್ಕಂಗೆ. ಅವು ನೀಲಮ್ಮಕ್ಕನ ಬಾಯಿ ನೋಡಿಯೇ ಬಾಕಿ!!

                            ಪುರ್ಸೊತಿಲ್ಲದೆ ಹೊಯಿತಿದ್ದ ನೀಲಮ್ಮಕ್ಕನ ಮಳೆ ಪುರಾಣಕ್ಕೆ ಅಡ್ಪ ಹಾಕಿದ್ ಅವರ ಚಪ್ಪಲ್!! ಹೆಂಗೆ ಗೊತ್ತುಟಾ? ತೊಳ್ಸಿಕಟ್ಟೆಂದ ಆಚೆ ಬುಟ್ಟ ಚಪ್ಪಲ್ ಮಳೆ ನೀರ್ ಲಿ ಪಾಂಬಿಕಂಡ್ ಹೋತುಟ್ಟು. ಕರಿಕಪ್ಪು ಏಮೆನಾಂಗೆ ಕಂಡ ಚಪ್ಪಲ್ ನ ಅಗ್ಯಕ್ಕೆ ಬೊಳ್ಳು ನಾಯಿ ಹೋದರ ಕಂಡ್ , ತಿಂಟೆಂದ ತೊಬ್ಕಂತ ಹಾರಿ ನೀಲಮ್ಮಕ್ಕ ಚಪ್ಪಲ್ ತೆಗ್ದಿಸಿಕಂಡೊ. ಸಿಕ್ಕಿದೇ ಚಾನ್ಸ್  ತ ಚಿನ್ನಮ್ಮಕ್ಕನೂ "ನೀರ್ ಕೊದ್ದ್ ಆರ್ತೇನೋ.. ಚಾಯ ತನ್ನೆ!!" ತ ಮನೆ ಒಳಗೆ ಓಡ್ದವು ಬಾಕನ  ಒಂದ್ ಕೀಂತ್ ಬಾಳ್ಲೆಲಿ ಸಜ್ಜಿಗೆನೂ ಹಿಡ್ಕಂಡೊಳೊ.. "ಎಲ್ಲರ ಮನೆ ದೋಸೆ ತೂತಾದರೆ ನಮ್ಮಲ್ಲಿ ಪುಂಡಿನೂ ತೂತಾಂಗುವಾಂಗೆ ಆಗುಟು ನೀಲಮ್ಮಕ್ಕ.. ಮನೆ ಹಿಂದೆ ಬರೆ ಜರ್ದ್ ನೀರ್ ನಿತ್ತ್ ಕಂಬಳ ಗದ್ದೆನಾಂಗಾಗುಟು.ಕಣಿ ಕೆರ್ದ್ ಕೊಡಿಕೆ ತಿಮ್ಮನ ಬಾಕೆ ಹೇಳ್ರೆ, ಬನ್ನೆತೇಂಳ್ದಂವ ನಾಪತ್ತೆ. ಅಂವನ ಹುಲಿ ಹೊರಿಕೆ.. ಒಮ್ಮೆ ಬಂದರೆ ಕಳ್ಸಿ ಬುಡಿ ಆತಾ... ಬೇಸಾಯ ಮಾಡ್ದಂವ ಬೇಗ ಸಾಯಗಡ. ಈ ವರ್ಸ ಮಾತ್ರ ಕೊಮ್ಮುನ ನಂಬಿ ಕುದ್ದವೂ ಕೊಟ್ಟೆಕಾಯಿ ಕಟ್ಟಿದೊ!!  ಕರೆಂಟ್ ಇಲ್ಲದೆ ನಂಗೂ ಸಜ್ಜಿಗೆ, ಪದ್ಂಜಿ ಲೀ ದಿನ ಬೊಳ್ಪಾತುಟ್ಟು... ತಕಣಿ ಈ ಸಜ್ಜಿಗೆ.. ಒಮ್ಮೆ ಮುಗ್ಸಿಬುಡಿ.. ಒಳ್ದರೆ ಮತ್ತೆ  ಆ ನಾಯಿನೂ ತಿಂಬೊದ್ಲೆ!!! ಅದರ ಹಾಂಕರನೇ!! ಇರಿ ನೀವ್ಗೆ ಒಂದ್ ಹಳೆ ಕೊಡೆ ಕೊಟ್ನೆ. ಕಡ್ಡಿ ನಾಕ್ ಮುರ್ದುಟು ಅಷ್ಟೆ. ಇನ್ನೊಮ್ಮೆ ಇತ್ತ ಬಾಕನ ತಂದ್ ಬುಡಿ ಮಾತ್ರ... ಮಗಳೂ ಮೊನ್ನೆ ಮನೆಗೆ ಬನ್ನೆತ ಹೊರ್ಟ್ ಕಂಡಿತ್ತ್.. ಈ ಮಳೆಗೆ ಬಂದರೆ ಎಂತ ಮಾಡ್ದು?  ಕೂಸುನ ಉಚ್ಚೆ ಬಟ್ಟೆ ಒಗ್ದ್ ಒಣ್ಗಿಗೆ ಬೆಸೆಗ್ಯಡಿಲಿ ನೇಲ್ಸೊಕಷ್ಟೆ.. ಅದ್ಕೆ ನಾನೇ ಬೇಡಂತೇಳ್ದೆ. ಇರಿ ನಾ ಕೊಡೆ ತಂದ್ ಕೊಟ್ನೆ"ತ ಒಳೆಗೋದೊ. 'ಹಾಂಕರ'ತ ಹೇಳ್ದ್ ಇವ್ಕೆನಾ ನಾಯಿಗೆನಾತ ಸರಿ ಅರ್ಥ ಆಗದೆ ನೀಲಮ್ಮಕ್ಕ ಬೆಚ್ಚ ಬೆಚ್ಚ ಚಾಯನ ಬಾಯಿಗಿಸಿ ಲೋಟೆ ಕೊಡಿಂದ ಹೀಂಪಿಕೆ ಸುರು ಮಾಡ್ದೊ. 
 

ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

Read More
Chamatkar

ಚಮತ್ಕಾರ

22 Jul 2018

ಗೊಟ್ಟಡದ ಗೋಳಿ ಮರಲಿ ಇರ್ಲಿ, ಕಟ್ಟಡದ ಕರೇಲಿ ಇರ್ಲಿ, ಜೇನ್‍ಗೂಡ್‍ಲಿರುವ ಹೆರಿಗ ಒಂದೇ ತರ ಇದ್ದವೆ! ಆರ್ ಮೂಲೆ ಇದ್ದ್ ಒಂದೇ ಅಳ್ತೆಲಿ ಇರುವ ಸುಮಾರ್ ಗುಂಡಿಗ ಹೆರಿಗಳ್ಲಿ ಇದ್ದವೆ. ಈ ಹೆರಿಗಳ್ಲಿ ಜೇನ್ನೊಣಗ ಮರಿಗಳ್ನ ಸಾಕುವೆ ಮತ್ತೆ ಜೇನ್ ತುಂಬಿಸಿ ಮಡುಗುವೆ. ನಾವು ಮನ್ಸಂಗ ಬೇರೆ ಜೀವಿಗಳ್‍ಗಿಂತ ಬುದ್ದಿವಂತರಾದರೂ ಯಾವ ಕೆಲ್ಸನೂ ಸ್ವಂತ ಮಾಡಿಕೆ ಬಾದುಲ್ಲೆ! ನೋಡಿ ತಿಳಿ! ಮಾಡಿ ಕಲಿ! ಅಷ್ಟೆ!!

ಜೇನ್ನೊಣಗಳ ಮನ್ಸ್ ಸುದ್ದ ಇದ್ದದೆ. ಹಂಗಾಗಿ ದೇವ್ರ್, ಅವ್ಗಳ ಮನ್ಸ್ ಒಳಗೆ ಹೋಗಿ ಒಂದೇ ತರ ಆಕಾರ, ಅಳ್ತೆ ಇರುವ ಹೆರಿಗಳ್ನ ಕಟ್ಸಿಸಿ ಚಮತ್ಕಾರ(ಕಾಗ್ನಿಷನ್)ಮಾಡ್ದೆ! ಅದೇ ಮನ್ಸನ ಮನ್ಸ್ ಕಾಮ,ಕ್ರೋದ, ಲೋಭ, ಮೋಹ, ಮದ, ಮಾತ್ಸರ್ಯಂದ ತುಂಬಿ ಅಸುದ್ದ (ಬ್ಲೆಮಿಸೆಸ್) ಆಗಿರುದರ್‍ಂದ ದೇವ್ರ್, ಮನ್ಸನ ಮನ್ಸ್‍ದ್ ಒಳಗೆ ಬಾದುಲ್ಲೆ!!

ಸಾಲೆಲಿ ಮಾಸ್ಟ್‍ಗ, ಒಂದ್ ದಿನಲಿ ಎಷ್ಟೆಷ್ಟ್ ಹೊತ್ತ್‍ಗೆ ಯಾವ್‍ಯಾವ ಪಾಠ ಮಾಡೊಕೂಂತ ಮುಂದೇ ತೀರ್ಮಾನ ಮಾಡಿ ಪಾಠದಪಟ್ಟಿ ಮಾಡಿಕಂಡಿದ್ದವೆ. ಹಂಗೆ ಒಂದ್ಸಲ ಗಂಟೆ ಹೊಡಿಯಕನ ಒಂದನೇ ಹೊತ್ತ್‍ದ್ ಪಾಠ, ಎರಡ್ಸಲ ಗಂಟೆ ಹೊಡಿಯಕನ ಎರಡನೆ ಹೊತ್ತ್‍ದ್ ಪಾಠಗÀ ಮುಂದೇ ತೀರ್ಮಾನ ಮಾಡ್ದಂಗೆ ಖಂಡಿತಾ ನಡೀತಾ ಇದ್ದದೆ. 

ನಾವು ಮಾಡುವ ಪ್ರತಿಯೊಂದ್ ಕೆಲ್ಸಗ ಸಾಲೆಲಿ ಗಂಟೆ ಹೊಡ್ದಂಗೆ! ಪ್ರತಿಯೊಂದ್ ಕೆಲ್ಸಕ್ಕೂ ತಕ್ಕ ಪ್ರತಿಪಲನ ದೇವ್ರ್ ಸಾಲೆದ್ ಪಾಠದಪಟ್ಟಿ ತರ ಮುಂದೇ ಮಾಡಿ ಮಡ್ಗಿದ್ದದೆ. ಈ ಸಂಗತಿನ ಭಗವತ್ಗೀತೆಲಿ “ಕರ್ಮಣ್ಯೇ ವಾದಿಕಾರಸ್ತೇ ಮಾಫಲೇಸು ಕದಾಚನ”ತ ಶ್ರೀಕೃಷ್ಣ ಪರಮಾತ್ಮ ಹೇಳಿಟ್ಟು. ನಮ್ಗೆ ಕೆಲ್ಸ ಮಾಡಿಕೆ ಮಾತ್ರ ಅದಿಕಾರ, ನಾವು ಗ್ಯಾನ ಮಾಡಿರು, ಮಾಡದೇ ಇದ್ದರೂ ನಮ್ಮ ಕೆಲ್ಸಕ್ಕೆ ಸರಿಯಾದ ಪ್ರತಿಪಲ ಸಿಕ್ಕಿಯೇ ಸಿಕ್ಕಿದೆ!!

ಕಂಪನಿಲಿ ಕೆಲ್ಸ ಮಾಡೊವ್ಕೆ ಒಂದ್ ಕೆಮಿಮಾತ್. ನಿಮಿಗೆ ತಿಂಗಳ ಸಂಬಳ ಏನೋ ಸರಿಯಾದ ಸಮಯಕ್ಕೆ ಬಾದು, ನಿಮ್ಮ ಕೆಲ್ಸಕ್ಕೆ ಒಪ್ಪುವ ಇಂಕ್ರಿಮೆಂಟ್ ಬೇಕಾರೆ, ಮಾಮೂಲ್ ಕೆಲ್ಸದ ಗಂಟೆ ಒಟ್ಟಿಗೆ ಇಂಕ್ರಿಮೆಂಟ್ ಗಂಟೆನ ಖಂಡಿತ ಹೊಡಿಯಕು! 

ಮೂಗುಗೆ ದಾರ ಹಾಕಿಸಿಕಂಡÀ ಗಾಡಿ ಎತ್ತ್‍ಗಳ ತರ ಹೆಗ್ಲ್ ಕೊಡ್ದರ್ನ ಬುಟ್ಟು, ಜೇನ್ನೊಣಗಳ ತರ ಚಮತ್ಕಾರ ತೋರ್ಸಿ! ಸಂಸ್ಥೆಗೆ ಲಾಭ ತರ್ಸಿ ಕೊಡುದರ ಜೊತೆಗೆ ಇಂಕ್ರಿಮೆಂಟ್ ಗಂಟೆನ ಮದ್ಯ ಮದ್ಯ ಹೊಡ್ಕಂಡ್ ನೀವೂ ಮೇಲೆ ಬನ್ನಿ! ನಿಮ್ಮ ಕೈಲಿ ತೀರಿರೆ ಕಂಪನಿ ಕೆಲ್ಸನ ಬುಟ್ಟ್ ಯಾವುದಾದರೂ ಸ್ವಂತ ಉದ್ಯೋಗನ ಸುರು ಮಾಡಿಯೇ ಬುಡಿಗಡ!!

Read More