54545240

ಪುಂಡುನ ಗೂಡೆ ಪದ್ರಡ್ ಗಡ!!!

    ಕೆಲವೊಮ್ಮೆ ಏನೋ ಮಾಡಿಕೆ ಹೋಗಿ ಏನೇನೋ ಆದೆ. ಗಣಪತಿನ ಮಾಡಿಕೆ ಹೋಗಿ ಅವನ ಅಪ್ಪನ  ಮಾಡ್ದ ಹಾಂಗೆ!! ಪೂರ್ತಿ ಮೊರ್ಲರ ಬೇಕರೂ ಒಂದ್ ನಮೂನೆಗೆ ಸರಿ ಮಾಡಕ್.. ಆದರೆ ಈ ಅರೆಮೊರ್ಲರ ಸರಿ ಮಾಡ್ದು ಭಾರೀ ಭಂಗ!!! ಹಂಗೇ ಇಲ್ಲೊಬ್ಬ ಅರೆಮೊರ್ಲನೇ ನಮ್ಮ "ಪುಂಡು". ಪುಂಡಿಮನೆ ನಾರ್ಣಣ್ಣನ ಕಡೇ ಮಂಙ. ಮೇಲೆಂದ ಮೇಲೆ ಸಾಲಾಗಿ ಐದ್ ಹೆಣ್ಣ್ ಮಕ್ಕಳೇ ಆದದರ ಕಂಡ್ ನಾರ್ಣಣ್ಣಂಗೆ ಭಾರೀ ಬೆಚ್ಚಲಿತ್ತ್. ಧರ್ಮಸ್ಥಳ, ಸುಬ್ರಹ್ಮಣ್ಯ ಎಲ್ಲಾ ಸುತ್ತಿ, ಕಂಡ ಕಂಡ ದೇವ್ರುಗಳಿಗೆಲ್ಲಾ ಹರ್ಕೆಹೊತ್ತ್ ಕಡೆಗೆ ದೇವ್ರ್ ಗಳಿಗೇ ಇವನ ಉಪದ್ರ ತಡೆಯಕೆ ಬೊತ್ತದಾಗಿಯೋ ಏನೋ ಕೊಟ್ಟ ಒಂದ್ ಕಿಳೆ ಮೊರಿ ಕೊಳ್ಳಿ ಕುಬೇರನೇ ಈ ಪುಂಡು. ಅದರ್ಂದಾಗಿಯೋ ಗೊತ್ಲೆ ಹೈದನ ಕಣ್ಣ್ ಚೂರ್ ಕೋಸ್, ತಿರ್ರ್ಂಟೆಲ್ ಕೆಬಿ ಒಟ್ಟಿಗೆ ಎಡ್ದ ಕಾಲ್ ಚೂರ್ ಚೊಟ್ಟೆ. ನಡ್ಯಕಾಕನ ಚೂರ್ ಏಂಟಿಕಂಡೇ ನಡಿದು. ಇನ್ನ್ ಮಾತ್ ಮಾತ್ರ..... ಆಹಾ...ಸೂಪರ್...ಕೊಂಞೆ.. ಕೊಂಞೆ.. ಕೊಂಞ್ಞೇ!!!  ಒಬ್ಬನೇ  ಮಂಙಾಂತ ಮನೆಯವೆಲ್ಲಾ ಮೋಕೆಲೇ ಸಾಂಕಿದೊ. ತಿಂಬಕೆ ಕುಡಿಯಕೆ ಬಿಣ್ಣರ ಬಿಕ್ಕರ ಬೇಕಾದಾಂಗೆ  ಬಗೆ ಬಗೆ ಮಾಡಿ ಅಯ್ಯೆ ಇಕ್ಕಿರೆ, ಅಕ್ಕಂದ್ರ್ ಇವಂಗೆ ಕುಂಡೆ ಪೊಕ್ಕ್ ಸಿ ಒಂದೂ ಕೆಲ್ಸ ಮಾಡಿಕೆ ಬುಡಿಕಿಲೆ. ಹಂಗಾಗಿ ಪುಂಡುನ ಪ್ರಾಯದೊಟ್ಟಿಗೆ ದೇಹ ಬೆಳ್ತಷ್ಟೇ ಹೊರ್ತ್ ಬುದ್ಧಿ ಮಾತ್ರ ಬೆಳ್ತೇಲೆ!!!

          ನಾರ್ಣಣ್ಣಂಗೂ ಪ್ರಾಯ ಆಕಂಡ್ ಬಾತ್. ಮುನ್ನೂರು ಮುಡಿ ಗದ್ದೆ, ಇಪ್ಪತೈದ್ ಖಂಡಿ ಅಡ್ಕೆ, ಕೆಲ್ಸದವರೆಲ್ಲಾ ನೋಡಿಕಂಬೊದು ಇನ್ನ್ ಇನ್ನ್ ಆಕೇಲೇ. ಈ ಪುಂಡುಗೋ ಗದ್ದೆ ಪುಣಿಲಿ ನಡ್ದ್ ಹೋಗಿಯೇ ಗೊತ್ಲೆ. ಇನ್ನ್ ಬೇಸಾಯ ನೋಡಿಕಂಬೊದೆಲ್ಲಿಂದ??!! ಆಗ ಹೊಳ್ದ ಐಡಿಯಾನೇ ಮಂಙಂಗೆ ಮೊದ್ವೆ ಮಾಡ್ದೂಂತ.. ಹುಚ್ಚು ಬುಡದೆ ಮೊದ್ವೆ ಆಕಿಲೆ.. ಮೊದ್ವೆ ಆಗದೆ ಹುಚ್ಚು ಬುಡಿಕಿಲೆ ಎಂಬಾಂಗೆ!! ಹಂಗಾರ್ ಜವಾಬ್ದಾರಿ ಬಾದೂಂತ ಆಸೆ. ಸುಮಾರ್ ಕಡೆ ಹುಡ್ಕಿ ಕಡೆಗೆ ಚಾಳೆಅಡಿ ಸೇಸಪ್ಪನ ಎರಡ್ನೇ ಮಗ್ಳ್ "ಚಾಮುಣಿ" ನೊಟ್ಟಿಗೆ ನೆಂಟಸ್ತಿಕೆ ಗಟ್ಟಿ ಆತ್. ಸೇಸಪ್ಪನೂ ನಾಕ್ ಹೆಣ್ಣ್ ಮಕ್ಕಳ ಅಪ್ಪ. ಮಗಕ್ಕಳಿಗೆ ಗಂಡ್ ಹುಡ್ಕಿ ಹುಡ್ಕಿ ಸಾಕಾಗಿ 'ಹೆಂಗಿದ್ದರೂ ಆಸ್ತಿ ಬೊದ್ಕ್ ಧಾರಾಳ ಉಟ್ಟೂಂತ' ಒಮ್ಮೆ  ಇದ್ ದಾಟ್ರೆ ಸಾಕ್ ತೇಳಿ ಬೊಯಿದ್ ಮಗ್ಳ ಮೊದ್ವೆಗೆ ಒಪ್ಪ್ ಸಿತ್. ಸುತ್ತ ಹತ್ತೂರ್ ಲೇ ಇಲ್ಲದ ಭಾರೀ ಗೌಜಿನ ಮೊದ್ವೆ. ಹತ್ತ್ ಕುಟುಂಬ ಹದಿನೆಂಟ್ ಗೋತ್ರದ ಬಂಧು ಬಾಂಧವರು ನೆಂಟರಿಷ್ಟರು ಮುಂತಾದ ಸ್ವಜಾತಿ ಗೃಹಸ್ಥರು ಸೇರ್ದಲ್ಲಿಂದ ಕೈಯೆತ್ತಿ ಕನ್ಯಾಧಾರೆ ಹೊಯ್ಸಿ ಚಾಮುಣಿ ಎಂಬ ಸೊಸೆನ ಮನೆ ಸೇರ್ಸಿಕಂಡೊ ನಾರ್ಣಣ್ಣ. ಗೂಡೆ ಸುಮಾರಾಗಿ ಲಾಯಿಕ್ಕೇ ಇದ್ದರೂ, ಅದ್ಕೆ ಅಡಿ ಪೊಡಿನೂ ಒಂಬದ ಹೈದ ಪುಂಡು!! ಆದರೂ ಬಂದವೆಲ್ಲಾ 'ದೊಡ್ದವರ ಮೊದ್ವೆ ಅದೆಲ್ಲಾ ನೋಡಿಕುಟ್ಟಾ'ತ ಸಮಾ ಉಂಡ್ ಮೊದ್ ಮಕ್ಕಳಿಗೆ ನೊಮ್ಸ್ಕಾರ ಹಾಕಿ ಹೋದೊ.

             ದಿನ ಕಳ್ದಾಂಗೆ ಚಾಮುಣಿಗೆ ಪುಂಡುನ ದಿನಚರಿಗಳೆಲ್ಲಾ ಒಂದೊಂದಾಗಿ ಅರ್ಥ ಆಗ್ತುಟ್ಟು. ಬರೇ ಬೇಜವಾಬ್ಧಾರಿ.. ಉದಾಸೀನದ ಮಾರಿ... ಕತ್ತಲೆ ಆದರೆ ಮಲ್ಗಿ ಗೂರೆಳ್ಯಕೇ ಕಾದ್ ಕಂಡಿರ್ದು!! ಹಾಕ್ಯಂಡ ಕಾಚ ಸಮೇತ ಒಗ್ಕಂಬ್ಬಕ್ಕೆ ಗೊತ್ಲೆ!! ಇನ್ನ್ ಬೇರೆ ವಿಷಯಗೆಲ್ಲಾ ಎಲ್ಲಿಂದ.... ಈ ಚಾಮುಣಿನೋ... ಚೂರು ಉಸಾರ್ ನ ಗೂಡೆ. ಪೇಟೆ ಸುತ್ತಿ ಗೊತ್ತಿದ್ದ ಆಳ್. ಮನೆಲೇ ಇರ್ಕೆ ಸರಿ ಆದುಲೆತ ಅತ್ತೆನ ಹೆಡ್ಡ್ ಮಾಡಿ ಟೈಲರಿಂಗ್ ಕ್ಲಾಸ್ಗೆ ಹೋಕೆ ಸುರು ಮಾಡ್ತ್. ಯಾಗೋಳು ಪೇಟೆ ನೋಡಿ ನೋಡಿ ಅದುವೇ ರುಚಿ ಅನ್ಸ್ತುಟ್ಟು. ಚಾಮುಣಿ ಹಳ್ಳಿ ಗೂಡೆ ಆದರೆ ಏನ್.. ಅದ್ಕೂ ಆಸೆ ಇರ್ದುಲೆನಾ? ಹಿಂಗೇ ಪೇಟೆ ಕಡೆ ಹೋಗಿ ಹೋಗಿ... ಬಸ್ಸ್ ನ ಕಂಡೆಕ್ಟರೊಟ್ಟಿಗೆ ಪರಿಚಯ ಆತ್... ಪರಿಚಯ ಸ್ನೇಹನೂ ಆಗಿ ಒಂದಿನ ಅವನೊಟ್ಟಿಗೇ "ಪಣಾಂದೆ ಪದ್ರಡ್!!". ಪುಂಡುನ ಸರಿ ಮಾಡಿಕೆ ಹೋಗಿ ಮನೆ ಮರ್ಯಾದೆನೇ ಕಳ್ಕಂಡತ್ ನಾರ್ಣಣ್ಣ. ಇನ್ನ್ ಪುಂಡುನೋ "ಕೊಣ್ಯಕೆ ಗೊತ್ತಿಲ್ಲದಂವ ನೆಲ ಡೊಂಕುತ ಹೇಳ್ದಾಂಗೆ", ಆ ಚಾಮುಣಿನ ಗುಣನೇ ಸರಿ ಇಲ್ಲೇಂತ ಊರಿಡೀ ಹೇಳಿಕಂಡ್ ಸುತ್ತಿದೆ.  ಅಲ್ಲಿಂದ ಮೇಲೆ ಒಂದ್ ಹೋಗಿ ಇನ್ನೊಂದ್ ಆಗುವ ಕೆಲ್ಸಗಳಿಗೆ  "ಪುಂಡುನ ಗೂಡೆ ಪದ್ರಡ್ ಹಾಕಿದಾಂಗೆ ಆದು ಬೇಡ ಮಾರಾಯ!!" ಎಂಬ ಮಾತ್ ಬೈಲ್ ನ ಜನಗಳ ಬಾಯಿಗೆ ಬಂದುಟು...


ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

Comments

470
Kiran Kumbalacheri ಸೂಪರ್ ಬ್ರೋ,,,,,,, ಬಾರಿ ಲಾಯಿಕ್ ಆಗುಟು........
10 months ago
1536675160087
Malini Muthappa Super..
10 months ago

Other articles

12 27 20 9k

ಮಳೆ ಜೋರುಟ್ಟು

08 Aug 2017

"ಈ ಸರ್ತಿ ಮಳೆ ಜೋರುಟ್ಟು."

 

ಕೊಟೆಗೆನ ಮೂಲೆಲಿ ಮೊಣ್ಣ್ ಮೆತ್ತ್ ಸಿಕಂಡ್,

ಹಡ್ಲ್ ಬಿದ್ದಿದ್ದ ಹಲ್ಸ್ ನೆಕ್ಕಿ.

ಈಗೀಗ ಗೈಪುಲಿ ಸರಾಗ ಸಿಕ್ತುಟ್ಟು..

 

ಬೆಸಗೆಲಿದ್ದ ಹಪ್ಪಳ ಮುಕ್ಕಂಡ್ ಬಾತುಟ್ಟು

ಗೋಡೆಲಿ ತೂಗ್ ತಿದ್ದ ಬೀಜದ ಚೀಲ

ಹಿಂಬೊತಾಕನ ನಿರೊಡಿನೊಲೆಕರೆಲುಟ್ಟು.

 

ಹೀಂಗೇ ಬೈಲ್ ಕರೆ ತಿರ್ಗಿದ್ ಬಾಕರೆ

ಹೆಡೆಗಲಿ ತುಂಬ್ವಷ್ಟ್ ಅಳುಂಬುಟ್ಟು.

ಕಾಡ್ ತಿರ್ಗಿರೆ, ಮೊರ್ದಿನ ಕನಲೆ ಗೈಪುಟ್ಟು .

 

ನಾವ್ ಚೋಡಿಕರೆಗೋದರೆ ಮನಿ

ಮುಗುಡು ಹಾವ್ಮೀನ್ ಕಲ್ಲ್ ಮುಳ್ಳ ಸಿಕ್ಕುದು

ಅಂದಿರ್ಲ್ ನಾವ್ಗೆ ಹುಳ್ಳಂಗೆ ಉಂಬಕಿರ್ದು

 

ಹೀಂಗೆ ಬರಿಯಕೆ ವಿಸಯ ಸುಮಾರುಟ್ಟು.

ವಿಸೇಸ ಅಲ್ಲತ್ಲರ್ನು....

ಈ ಸರ್ತಿ ಆಟಿನ ಮಳೆ ಜೋರುಟ್ಟು...

ದಿನ ಇಡಿ ಮಳೆ ಬುಡಾದೆ ಬಂದರ್ನೂ..

ಗೌಜಿ ಗಮ್ಮತ್ ಮನೆ ಒಳೆಗೇ ನಡೆತುಟ್ಟು.

 

:ಮನೋಜ್ ಕುಡೇಕಲ್ಲ್

Read More
Main qimg 9d6a18027c6b0f56ced75b52f80cdad6 c

ಕಾಸ್ಟ್ಲಿ ಗೂಡೆ......

02 Dec 2017

         ನನ್ನ ಹೆಸರ್ ಕುಸುಮಾಧರ, ಒಬ್ಬನೇ ಮಂಞ ನೋಡಿ ಹಂಗೆ ಪ್ರೀತಿಲಿ ಕೂಸ ಅಂಥ ಕರೆಯೋದು. ನಾನ್ ಬೆಂಗ್ಳುರ್ ಲಿ ಒಂದು ಸಣ್ಣ ಕಂಪೆನಿಲಿ ಒಳೆ. ಈಗೆಲ್ಲ ಸಿಂಗಲ್  ಆಗಿರಿಕೆ ಬುಟ್ಟವೆನಾ,ಯಾವ ಕಾರ್ಯಕ್ರಮಕೆ  ಹೋದರೂ ಸಾಕ್ ಮದ್ವೆ ಯಾಗ? ,ಪಾಯಸ ಯಾಗ ಹಾಕ್ಸಿಯ? ಅಂಥ ನೆಂಟ್ರ್ ಗಳ ಕಿರಿ ಕಿರಿ. ಅದೂ ಮನೇವು ಬೇರೆ ಒಟ್ಟಿಗೆ ಇದ್ದರೆ ಅವರ ಉಪ್ಪು ಕಾರ ಬೇರೆ. 
                        ಹಿಂಗೇ ಬೆಂಗ್ಳುರ್ ಲಿ ಆರಾಮಾಗಿ ವೀಕೆಂಡ್ ಎಂಜಾಯ್ ಮಾಡ್ತಾ ಇದ್ದ ನಂಗೆ ಮನೆಂದ  ಫೋನ್ ಬಾತ್ ನಾಳೆ ಹೋಗಿ ಒಂದು ಗೂಡೆನ ಮೀಟ್ ಆಗ್, ಫೋಟೋ ಫೋನ್ ನಂಬ್ರ ವಾಟ್ಸಪ್ಪ್ ಲಿ ಕಳ್ಸಿನೆ ಹೇಳಿ, ಹಣ್ಯ್ ಹೊತ್ತಕಾನ ಗೂಡೆ ಹೇಳ್ದವ್ರ ಫೋನ್ ಒಳ್ಳ ಗೂಡೆ ನಿಂಗೆ ಆದ ಗೂಡೆ ಹೋಗು ನಾಳೆ ಅಂಥ , ವಿಧಿ ಇಲ್ಲೆ ಆದು ಅಂಥ ಒಪ್ಪಿಕಂಡೆ.

            ಫೋಟೋ ಬಾತ್ ನೋಡಿಕೆ ಪೊರ್ಲು ಇತ್ತು ಆದರೂ ಈಗೇನ  ಮೊಬೈಲ್ ಆಪ್ಸ್ ಎಲ್ಲ ಗೂಡೆಗಳಿಗೆ ಸಪೋರ್ಟ್ , ಯಾವುದಕ್ಕೂ ಸರಿ ಆಗಿ ನೋಡೋಮ ಅಂಥ ಹೇಳಿ ನನ್ನ ದೋಸ್ತಿಗಳಿಗೆ ಕಾಲ್ ಮಾಡ್ದೆ. ಅವು ಗೂಡೆ ಫಿಕ್ಸ್ ಆದಂಗೆ  ಹೇಳಿ ಪಾರ್ಟಿ ಕೇಳಿಕೆ ರೆಡಿ ಆದ.ನಾನ್ ಹೇಳ್ದೆ ನಾಳೆ ಹೋಗಿ ಮೀಟ್ ಆಕೆ ಉಟ್ಟು ಎಲ್ಲಿ ಮೀಟ್ ಆದು ಅಂಥ ಕೇಳ್ಕನ ಊರ್ಲಿ ಇದ್ದ ಬಾರ್ ಗಳ ಹೆಸ್ರು ಅಡ್ರೆಸ್  ಹೇಳ್ದ, ಇವ್ರ ಸಹವಾಸ ಆಕಿಲೆ ಹೇಳಿ ನಮ್ಮ ಗೂಡೆ ಫ್ರೆಂಡ್ಸ್ ಗೆ ಕೇಳ್ದೆ ,ಅವು ಸ್ವಲ್ಪ ಬೆಟರ್ ಈ ವಿಶ್ಯಲಿ ,ಕಾಫಿ ಡೇ , ಮಾಲ್  ಹೇಳ್ದ , ಇನ್ನು ಫಸ್ಟ್ ಗೆ ಏನ್ ಮೆಸೇಜ್ ಮಾಡ್ಲಿ ಕೇಳೋಕೂ  ಆಕನ ಹೊಸ ನಂಬರ್ ಇಂದ  ಮೆಸೇಜ್ ಬಾತ್ Hi I am ****** time Location ಎಲ್ಲ ಅವ್ಳೇ ಕಳ್ಸಿತ್ . ಖುಸಿನ್ ಆತ್ ಗೂಡೆ ನನ್ನಂದ ಫಾಸ್ಟ್ ಉಟ್ಟು ಅನ್ಸಿತ್.

    ನಾಳೆ ಹೆಂಗೆ ಹೋದು ಬೇರೆ Tension,  ಯಾವ ಡ್ರೆಸ್ ಯಾವ Hair style   ಹಿಂಗೆ ತಲೆಕೆಡಿಸಕಂಡೆ, ಮತ್ತೆ ಗೂಡೆಗಳಿಗೆ ಕೇಳ್ದೆ ಅದಿಕೆ ಅವು ಇದ್ದ ಫೋಟೋ, dress style ಎಲ್ಲ ಕಳ್ಸಿ ಕೊಟ್ಟ.ಆ ಬಣ್ಣ ಈ ಬಣ್ಣ ಅದು ಇದು ಹೇಳಿ complete ಆಗ ನನ್ನ interview ಗೆ ರೆಡಿ ಮಾಡಿದ.ನಂಗೂ ಅನ್ಸಿತ್ ಇದೂ ಒಂದು ತರಾ interview ಅಲ್ಲ.

    ಮಾರನೇ ದಿನ ಹೊರಟೆ ಲಾಯ್ಕ್ ಡ್ರೆಸ್ ಮಾಡಿಕಂಡ್ ಶಾರ್ಪ್ ಟೈಮ್ ಗೆ ಹೋಕು ಅಂತ ಎಷ್ಟೇ ಟ್ರೈ ಮಾಡಿರೂ ಅರ್ಧ ಗಂಟೆ ಹೊತ್ತಾತ್. ಬೆಂಗ್ಳುರ್ ಟ್ರಾಫಿಕ್ ನೀವಿಗೆ ಗೊತ್ತಲ್ಲ. ಅಂತೂ ಎತ್ತಿದೆ. ಹೊರಗೆ ನಾಲ್ಕು ಗೂಡೆಗ ನಿಂತ್ಕಂಡ್ ನನ್ನೇ ನೋಡ್ತಾ ಮೆಲ್ಲ ಮೆಲ್ಲ ನಗಾಡ್ತಾ ಇದ್ದ. ನಾನ್ ಭಯಲಿ ಜಿಪ್ ಹಾಕೋಳ ಅಂತ ಕನ್ಫರ್ಮ್ ಮಾಡಿಕಂಡ್ ಸೀದಾ ಒಳಗೆ ಹೋದೆ ಮೆಲ್ಲ ಒಂದು ಕಾಲ್ ಮಾಡಿ ಅವ್ಳು ಎಲ್ಲಿ ಉಟ್ಟು ಅಂತ ಹುಡುಕಿ ಸೀದಾ ಅವಳ ಮುಂದೆ ಹೋಗಿ ನಿಂತ್ Hi ಹೇಳ್ದೆ ಅವ್ಳು ಹಲೋ ಹೇಳ್ತ್.
ನಾನಂತ್ ಫುಲ್ ನರ್ವಸ್ ಒಂದು 30 ಹಾಕಾಕತ್ ಅನ್ಸಿತ್.

     ನಾನ್ ಏನಾದ್ರು ಆರ್ಡರ್ ಮಾಡಕಾತ್ ಹೇಳ್ದೆ , ಅವ್ಳು 2 ಎಂಥದೋ ಕಾಫಿ ಹೇಳ್ತ್. ನೆಕ್ಸ್ಟ್ ಅವಳ ಪ್ರಶ್ನೆ ನಿನ್ ಬಗ್ಗೆ ಹೇಳು. ನನ್ ಬಗೆ ಎಂಥ ಉಟ್ಟು ಹೇಳಿಕೆ, ನಾನೇನು ಸಾದನೆ ಮಾಡಿದವ ಅಲ್ಲ , ಅಂತೂ  ಇದ್ದ ವಿಷಯ ಎಲ್ಲ ಹೇಳಿ ಬುಟ್ಟೆ. ಅಷ್ಟೊತ್ತಿಗೆ ಒಂದು Phone ಬಾತ್ ನಾನ್ ಮಾತಡಿಕಂಡ್ ಇರ್ ಕನ ಅವಳು ಮೆಲ್ಲ ಅವಳ IPhone ತೆಗ್ತ್. ಅದರ ನೋಡಿ ನನ್ನ ಪಾಟೆ ಫೋನ್ ನ ಮೆಲ್ಲ ಒಳಗೆ ಇಸಿದೆ.  ಇನ್ನು ಅವಳ ಬಗ್ಗೆ ಕೇಳ್ದೆ , ಕೇಳ್ತಾ ಕೇಳ್ತಾ ಕೋಲ್ಡ್ ಕಾಫಿ ಬಿಸಿ ಆತ್.ಏನಿದ್ದರೂ ಬೆಂಗ್ಳುರ್ ಲೈಫ್ 10 ವರ್ಷ ಅಷ್ಟೇ ಆಮೇಲೆ ನಮ್ಮ ಕೃಷಿನೇ  ನಾವುಗೆ ಹೀಂಗಿರ್ಕನ ಇವಳ ಮಾತ್ ಕೇಳಿ ನಮ್ಮ ಅಡಿಕೆ ಕಾಫಿ ರಬ್ಬರ್ ದುಡ್ಡು ಮಾಲ್ ಲಿ  ಕಾಫಿಡೇ ಲಿ ಹಾಳಾದ್ ಕಂಡತ್. ಅರ್ಧ ಗಂಟೇಲಿ ಮಾತ್ ಮುಗ್ದ್ ಬೈ ಹೇಳಿ ಹೊರಟತ್. waiter ಬಂದ್ ಬಿಲ್ ಕೊಟ್ಟತ್, ಅದರ ನೋಡಿ ಶಾಕ್ ಆತ್ 2 ಕಾಫಿ ಗೆ 2000₹ ಕಾಫಿ ಬೆಳೆವ ನಾವಾಗೇ ಚೊಂಬು ಇಸಿತಲ್ಲ ಇಂವ. ಯಾಕಣ್ಣ ಇಸ್ಟ್ ರೇಟ್ ಕೇಳ್ದೆ. ನಿಮ್ಮದ್ 500₹ ಪಕ್ಕದ ಟೇಬಲ್ ದ್ 1500₹ ನಾನ್ ಕೇಳ್ದೆ ಪಕ್ಕದ ಟೇಬಲ್ ನಾನೇಕೆ ಕೊಡೋಕು. ಅದಿಕೆ ಅಂವ ಹೇಳ್ತ್ ಅವು ಅವಳ ಫ್ರೆಂಡ್ಸ್ . ಓಹೋ ಮನೆ ಹಾಳ್ ಫ್ರೆಂಡ್ಸ್ ಅಂತ ಹೇಳಿ ಬ್ಯಾಂಕ್ ನವು ಇಂಥ ಟೈಮ್ ಗಾಗಿ ಕೊಟ್ಟ  Credit Card ನ  ಉಜ್ಜಿದೆ . ಇನ್ನೊಮ್ಮೆ ಬಾಕನ ಕಾಫಿ ಪುಡಿ ನಾನೇ ತನ್ನೆ ಹೇಳಿ ಅವಂಗೆ ಒಂದು ದೊಡ್ಡ ನಮಸ್ಕಾರ ಹಾಕಿದೆ.


       ಹಿಂಗೆ ಎಲ್ಲ ಮುಗ್ಸಿ ರೂಮ್ ಬಾಕನ ನಮ್ಮ ಹೈದಂಗ ಪಾರ್ಟಿ ಗೆ ರೆಡಿ ಮಾಡಿಳ. ಗೂಡೆ ಹೆಂಗೆ ಮದುವೆ ಯಾಗ ತಲೆ ತಿಂಬಕೆ ಸುರು ಮಾಡಿದ. ಗೂಡೆ ತುಂಬಾ ಕಾಸ್ಟ್ಲಿ (costly) ಮಾರಯ ನಾವುಗೆ ಕೂಡಿ ಬಾಕಿಲೆ ಹೇಳಿ ಬುಟ್ಟೆ. ಇನ್ನು ಮನೆವುಕೆ ಎಂಥಾ ಉತ್ತರ ಕೊಡ್ದು ಹೇಳಕನ ಅವಳ Message ಬಾತ್  ಅದರ ನೋಡಿ ಬಾರಿ ಕುಸಿ ಆತ್. ನಾನ್ ಹೆಳಕಾದರ ಅವಳೇ ಹೇಳಿ ಬುಟ್ಟತ್. ಎನೇ ಆಗಲಿ ಗೂಡೆ ಸಕತ್ Fast ಅನಕಂಡ್ ನಾನ್ ಪಾರ್ಟಿ ನ ಗಮ್ಮತ್ ಮಾಡಿದೆ‌‌.

                                           ಕುಡ್ಲದ ಹೈದ...

Read More
Daisy 20170228 145244

ಆಕೆ.......

28 Aug 2017

ಹುಡುಗಿ ನೋಡೋಕೆ ಹೋದಾಗ ಮೊದಲಬಾರಿ ಆಕೆಯನ್ನು ನೋಡಿದಾಗ ಸೌಂದರ್ಯವಿಲ್ಲದ ಕೇವಲ ಒಬ್ಬಳು ಹುಡುಗಿಯಾಗಿದ್ದಳು ನನಗೆ ಆಕೆ....!!

 

ಇಷ್ಟಪಟ್ಟು ಒಪ್ಪಿಗೆ ಸೂಚಿಸಿ, ಫೋನ್ ನಂಬರ್ ಪಡೆದು ಅಲ್ಲಿಂದ ಹೊರಟು ಮದುವೆಗೆ ಮುಂಚಿನ ದಿನಗಳಲ್ಲಿ ಆಕೆಯ ಜೊತೆ ಫೋನ್ ನಲ್ಲಿ ಮಾತನಾಡುತ್ತಾ ಆಕೆ ನನ್ನ ಪ್ರೇಯಸಿಯಾದಳು....!!

 

ಮದುವೆಯಾದ ಬಳಿಕ ಆಕೆ ನನ್ನ ಆದರ್ಶ ಪತ್ನಿಯಾದಳು....!!

 

ನಾನು ದುಃಖದಲ್ಲಿರುವಾಗ ನನ್ನ ಬಳಿ ಬಂದು ಸಾಂತ್ವನ ಹೇಳುವ ನನ್ನ ಒಳ್ಳೆಯ ಸ್ನೇಹಿತೆಯಾದಳು ಆಕೆ....!!

 

ನನ್ನನ್ನು ದೂರುವ ಜನರ ಮುಂದೆ ನನ್ನ ಪರವಾಗಿ ವಾದಿಸುವ ನ್ಯಾಯಾದೀಶೆಯಾದಳು ಆಕೆ....!!

 

ಜ್ವರದಿಂದ ಎದ್ದೇಳಲಾಗದೆ ಹಾಸಿಗೆಯಲ್ಲಿ ಬಿದ್ದಿರುವ ನನ್ನನ್ನು ಪರಿಚರಿಸುವ ಡಾಕ್ಟರ್ ಆದಳು ಆಕೆ.‌...!!

 

ಹಸಿದು ನಾನು ಮನೆಗೆ ಬಂದಾಗ ಇಷ್ಟವಾದ ತಿಂಡಿತಿನಸುಗಳನ್ನು ಮಾಡಿಕೊಡುವ ನನ್ನ ಕುಕ್ ಆದಳು ಆಕೆ....!!

 

ಪ್ರೀತಿ ಮತ್ತು ವಾತ್ಸಲ್ಯವನ್ನು ಕೊಟ್ಟು ಆಕೆ ನನ್ನ ಅಮ್ಮನಾದಳು....!!

 

ನನ್ನಿಂದ ತಪ್ಪುಗಳಾದಾಗ ಅವನ್ನು ತಿದ್ದಿ ಹೇಳುವ ನನ್ನ ತಂದೆಯಾದಳು ಆಕೆ....!!

 

ಸರಿದಾರಿಯನ್ನು ಮಾತ್ರ ತೋರಿಸಿಕೊಟ್ಟು ಆಕೆ ನನ್ನ ದಾರಿದೀಪವಾದಳು....!!

 

ಕೆಲವೊಮ್ಮೆ ನನ್ನ ಜೊತೆ ತುಂಟಾಟವಾಡುತ್ತಾ ಆಕೆ ನನ್ನ ಮಗಳಾದಳು....!!

 

ಬೆಳಗಿನ ಚಳಿಯಲ್ಲಿ ಉದಾಸೀನದಿಂದ ಮಲಗಿರುವಾಗ ಬಿಸಿ ಚುಂಬನವನ್ನು ಕೊಡುತ್ತಾ ನನ್ನನ್ನು ಎಬ್ಬಿಸುವ ನನ್ನ ಆಲರಾಂ ಆದಳು ಆಕೆ....!!

 

ನನ್ನ ಮಾತುಗಳನ್ನು ತದೇಕಚಿತ್ತದಿಂದ ಆಲಿಸುವ  ನನ್ನ ಅಭಿಮಾನಿಯಾದಳು ಆಕೆ....!!

 

ಶತ್ರುವನ್ನು ಕೂಡ ಸ್ನೇಹದಿಂದ ಮಣಿಸಬೇಕು ಅಂತ ಕಲಿಸಿದ ನನ್ನ ಅಧ್ಯಾಪಿಕೆಯಾದಳು ಆಕೆ....!!

 

ಒಂದು ಜನ್ಮವಿಡೀ ನನಗೋಸ್ಕರ ಜೀವಿಸುವ ಆಕೆ ನನ್ನ ಎಲ್ಲವೂ ಆದಳು ಆಕೆ....

Read More
Bali

ವೀಳ್ಯ ಶಾಸ್ತ್ರ

07 Jul 2017

ಗೌಡರ ಮದುವೆಯಲ್ಲಿ ವೀಳ್ಯ ಶಾಸ್ತ್ರಕ್ಕೆ ಬಹಳ ಮಹತ್ವವಿದೆ. ಸಾಮಾನ್ಯವಾಗಿ ಗೌಡರು ಮದುವೆಯ ಸಂದರ್ಭದ ವೀಳ್ಯ ಶಾಸ್ತ್ರ ದಲ್ಲಿ ಹನ್ನೆರಡು ವೀಳ್ಯಹಳನ್ನು ಕಟ್ಟುತ್ತಾರೆ.
ಅವುಗಳೆಂದರೆ
೧. ಚೌಕದ ವೀಳ್ಯ
೨. ದೇವರ ವೀಳ್ಯ
೩. ಗುರು ವೀಳ್ಯ
೪. ದಶಮಾಗಣೆ ವೀಳ್ಯ
೫. ಗೌಡ ವೀಳ್ಯ
೬.ಮಾವನ ವೀಳ್ಯ
೭.ತಾಯಿ ತಂದೆ ವೀಳ್ಯ
೮. ತೆರವು ಮರವಿನ ವೀಳ್ಯ
೯. ಅಚ್ಚಕಟ್ಟು ವೀಳ್ಯ
೧೦.ಬಣ್ಣ ಬಂಗಾರದ ವೀಳ್ಯ

ಉಳಿದಂತೆ ಹೆಣ್ಣು ನಿಶ್ಚಯದ ವೀಳ್ಯ ಮತ್ತು ಲಗ್ನದ ವೀಳ್ಯವನ್ನು ಹೆಣ್ಣು ನಿಶ್ಚಿತಾರ್ಥದ ಸಂದರ್ಭದಲ್ಲಿ ನಡೆಸುತ್ತಾರೆ. ಈ ಎಲ್ಲಾ ವೀಳ್ಯಗಳಲ್ಲಿಯೂ ಸಾಮಾನ್ಯವಾಗಿ ಐದು ಕವಳಿಗೆ ಎಲೆ ಮತ್ತು ಐದು ಅಡಿಕೆಗಳಿರುತ್ತದೆ.

ಮೂಲ:ಗೌಡ ಜನಾಂಗ ಇತಿಹಾಸ ಮತ್ತು ಸಂಸ್ಕೃತಿ

Read More
Atte sose

ದ್ಯಾವಂಮಕ್ಕನ ಸೊಸೆ....

05 Feb 2018

ಓಟೆಕಜೆ ದೊಡ್ಡಮನೆಗೆ ನಮ್ಮ ದ್ಯಾವಂಮಕ್ಕ ಸೊಸೆ ಆಗಿ ಬಾಕನ ಅವ್ಕಿನ್ನೂ ಪ್ರಾಯ 16 ನಡಿತಿತ್ತಷ್ಟೇ. ಕಟ್ಟಪುಣಿ ತ್ಯಾಂಪಣ್ಣನ 6 ಮಕ್ಕಳ್ಲಿ ಸುರುನಂವೇ ದೇವಮ್ಮ...ಊರವ್ಕೆಲ್ಲಾ "ದ್ಯಾವಂಮ್ಮ"!! ಆಗಲೇ ಪ್ರಾಯ 40ಕ್ಕೆ ಹಕ್ಕಲೆ ಎತ್ತಿದ್ದ ಓಟೆಕಜೆ ಭೋಜಪ್ಪನ ಮೊದ್ವೆ ಆಕೆ ಏನೇನೂ ಮನ್ಸಿಲ್ಲದ್ದಿದ್ದರೂ ಅವಳ್ಂದ ಮತ್ತೆ ಹುಟ್ಟಿದ 4 ತಂಗೆಕಳ ಮೋರೆ ನೋಡಿ, ಒಟ್ಟಿಗೆ ತ್ಯಾಂಪಣ್ಣನ ಬಡ್ತನನ ಕಂಡ್ ಗಟ್ಟಿ ಮನ್ಸ್ ಲಿ ಓಟೆಕಜೆ ಸೇರ್ದೊ. ಮೊದ್ವೆ ಆಗಿ ಎರ್ಡ್ ವರ್ಷಕ್ಕೆ ಹುಟ್ಟಿದವಂನೇ  ಮನೋಜ್. ಹುಟ್ಟಿದ 6 ತಿಂಗಳಿಗೇ ಅವಂನ ದೆಸೆನೋ ಅಲ್ಲಾ ಭೋಜಪ್ಪಣ್ಣನ ಆಯಸ್ಸೇ ಅಷ್ಟಿದ್ದದೋ ಗೊತ್ಲೆ... ದೊಡ್ಡ ಹಳ್ಳಕ್ಕೆ ಮೀನ್ ಕಡ್ಯಕೆ ಹೋದವ್ ಕಯಲಿ ಕಂತಿ ಸ್ವರ್ಗ ಸೇರ್ದೊ. ಇದ್ದ ಒಬ್ಬನೇ ಮಂಙನ 'ಬೆಸೆಗೆಲಿಸಿರೆ ಮೊಸಿ ಹಿಡಿದು, ನೆಲಲಿ ಬುಟ್ರೆ ಕೇರ್ದ ಸೆಗ್ಣಿ ಅಂಟುದು'ತೇಃಳುವಾಂಗೆ ಅಯ್ಯೆ ಅಪ್ಪ ಎರ್ಡೂ ಆಗಿ ಸಾಂಕಿದೊ ದ್ಯಾವಂಮಕ್ಕ. ಓದುದರ್ಲೂ ಉಶಾರಿದ್ದ ಮನೋಜ ಇಂಜಿನಿಯರೂ ಆತ್. ಕೆಲ್ಸ?? ನಮ್ಮ ಎಲ್ಲಾ ಹೈದ, ಗೂಡೆಗಳಾಂಗೆ ಬೆಂಗ್ಳೂರ್ಗೆ ಎತ್ತದೆ ಕೃಷಿ, ಮನೆಕಡೆ ನೋಡಿಕಂಡಿತ್ತ್. ಅತ್ತೆಗೊಂದು ಕಾಲ ಸೊಸೆಗೊಂದು ಕಾಲದಾಂಗೆ ನಮ್ಮ ದ್ಯಾವಂಮಕ್ಕಂಗೂ ನಾನೂ ಅತ್ತೆ ಆಗಿ ಮೆರೆಯೊಕೂಂತ ಆಸೆ ಚಿಗುರ್ತುಟ್ಟು. ಸುರಾತ್... ಮಂಙಂಗೆ ಹೆಣ್ಣ್ ಹುಡ್ಕಿಕೆ!!!
                                  
                  ನಾಕ್ ಕಡೆ ವಿಚಾರ್ಸಿ ಹಳೇ ನೆಂಟ್ರ್ ಗಡಿಕಲ್ಲ್ ಶೇಷಪ್ಪರ ಮಗ್ಳೊಂದಿಗೆ ಕುರುಂಜಿಯವ್ರ ಹಾಲ್ ಲಿ ಭರ್ಜರಿಯಾಗಿ ಮೊದ್ವೆನೂ ಕಳ್ತ್. ತೆಳ್ಳಂಗೆ, ಬೆಳ್ಳಂಗೆ ತೊಳ್ದ ಮೊಟ್ಟೆನಾಂಗಿರುವ ಗೂಡೆ ಓದಿದ್ ಫುಲ್ ಚರ್ಚ್ ಶಾಲೆಲೇ. ಅದೇನೋ ಗೂಡೆ ಮನೆ ಕಡೆ ಇದ್ದವೂ, ಆರಾಮಲಿ ಇರಕ್ ಅಂತ ನೆನ್ಸಿ ಒಪ್ಪಿತ್ತ್. ಆದರೆ ಅತ್ತೆ ಬುಡೊಕಲ್ಲ?? ಕೆಲ್ಸ ಮಾಡ್ದಷ್ಟೂ ಮುಗ್ಯಕಿಲ್ಲೆ.... ದ್ಯಾವಂಮಕ್ಕಂಗೆ ಅದ್ ಮಾಡ್ದ್ ಸಮಾಧಾನನೂ ಆಕಿಲೆ... ಆಚೆ ಮನೆ ಸುನಂದಕ್ಕನೊಟ್ಟಿಗೆ ಬಾಯಿ ಬುಟ್ಟ್ ಹೇಳ್ದೊ ಕೂಡ.."ಅಲ್ಲಯಾ.... ಬಟ್ಟೆ ಒಗ್ದ್ ಹರ್ಗಿ ಹಾಕಿಕೂ ಗೊತ್ಲೆ.. ನೇಕೆಲಿ ಒಣ್ಂಗಿಲ್ ಬೊಳ್ಳಿಕಾರ್ ಮೀನ್ ನೇಲ್ಸಿದಾಂಗಿದ್ದದೆ. ಅದ್ಕೆ ಗೆಣ್ಸ್ ಬೇಸಿಕೂ ಗೊತ್ಲೆ. ಇನ್ನೆಲ್ಲಿಂದ ಹಿಟ್ಟ್ ಮಾಡ್ದು. ಕಲ್ತಪ್ಪ ನಾಯಿ ನಾಲಿಕೆನಾಂಗಾಗಿತ್ತ್. ಗುಡ್ಸಿರೆ ಮೂಲೆ ಮೂಲೆಲಿ ಕಾಡ್ ಹಂಗೇ ಹಾರಿಕಂಡಿದ್ದದೆ!! ಎಂಥ ಮಾಡ್ದು... ಮೇಲೆ ನೋಡಿ ಉಗ್ದರೆ ನಮ್ಮ ಮೋರೆಗೇ ರೆಟ್ಟುದೂಂತ ಸುಮ್ಮನೆ ಒಳೆ.. ಅಷ್ಟೇ." ಆದರೂ  ಸೊಸೆ ದೀಪಿಕಾ ಸಮಾಧಾನದ ಗೂಡೆ. ಅತ್ತೆನ ಪಿರಿಪಿರಿ ಕಂಡರೂ ಕಾಣದಾಂಗೆ ಸುಮ್ಮನೆ ಇರ್ತಿತ್ತ್. ಎಷ್ಟಾದರೂ ಹಿರಿಯವ್.. ಇದಲ್ಲನಾ "ಜೆನರೇಶನ್ ಗ್ಯಾಪ್".


                   ದಿನ ಕಳ್ದಾಂಗೆ ದೀಪಿಕಾಂಗೆ ಮನೆಲೇ ಇರ್ದು ಭಂಗ ಆಗ್ತುಟ್ಟು. ಓದಿದ ಗೂಡೆ. ಸಮಾಜದ ಪರಿಚಯ ಇರುವವ್ಳ್. ಅದ್ಕೇ ನೆರೆಕರೆನ ಹೆಣ್ಣ್ ಮಕ್ಕಳ ಸೇರ್ಸಿಕಂಡ್ "ಬಫೆ" ಮಾಡುವ ಕಾರ್ಯ ಸುರುಮಾಡಿಟು. ಇದರ್ದಾಂಗಿ ನಾಕ್ ಜನರ ಪರ್ಚಯದೊಟ್ಟಿಗೆ ಆ ಬಡಹೆಣ್ಣ್ ಮಕ್ಕಳಿಗೆ ಜೀವನಕ್ಕೂ ಸಹಾಯ ಆತ್. ಆದರೆ ದ್ಯಾವಂಮಕ್ಕ? ಅವರ ಚಾಳಿ ಇನ್ನೂ ಬುಟ್ಟೋತ್ಲೆ. ದೀಪಿಕಾನೂ ಮಹಿಳಾ ಮಂಡಲ, ಸ್ತ್ರೀ ಶಕ್ತೀಂತ ಸುಮಾರ್ ಕಡೆ ಸೇರಿಕಂಡ್ ಸರಕಾರಂದ ಸಿಗುವ "ವಿಶೇಷ ವ್ಯಕ್ತಿ" ಪುರಸ್ಕಾರಕ್ಕೆ ಆಯ್ಕೆ ಆತ್. ಆದಿನ ಸಮಾರಂಭಕ್ಕೆ ಮನ್ಸಿಲ್ಲದ ಮನ್ಸ್ಂದ ಹೊರ್ಟೋ ದ್ಯಾವಂಮಕ್ಕ. ಸೇರ್ದ ಸಭೆಲಿ ದೀಪಿಕಾನ ಅಭಿಪ್ರಾಯ ತಿಳ್ಸಿಕೆ ವೇದಿಕೆಗೆ ಕರ್ದೊ. ಅವ್ಳ್ ಹೇಳ್ದ ಮಾತ್ ಗಳ ಕೇಳಿ ದ್ಯಾವಂಮಕ್ಕನ ತಲೆಗೆ ಮರ ಬಿದ್ದಂಗಾತ್. "ನನ್ನ ಸಾಧನೆಗೆ ಸ್ಪೂರ್ತಿ ನನ್ನತ್ತೆ ದೇವಮ್ಮ. ಸಣ್ಣದರ್ಲಿ ಗಂಡನ ಕಳ್ಕಂಡರೂ ಜೀವನ ಕಳ್ಕಂಡತ್ಲೆ. ಹೆಣ್ಣೊಂದು ಗಂಡಾಗಿ ಮಂಙನ ಬೆಳ್ಸಿದೊ. ಅಷ್ಟ್ ಮಾತ್ರ ಅಲ್ಲ... ಅಷ್ಟ್ ಕಲ್ತ ಮಂಙನ ಬೆಂಗ್ಳೂರ್, ಹೊರದೇಶಕ್ಕೆ ಬೆರ್ಸದೆ ಒಬ್ಬ ಉತ್ತಮ ಕೃಷಿಕ ಆಗಿ ಮಾಡ್ದೊ. ಈಕೆನೇ ನಿಜವಾದ ತಾಯಿ. ಅದ್ಕೇ ಹೇಳ್ದು 'ಹೆಣ್ಣು ಸಮಾಜದ ಕಣ್ಣು'. ನಾ ಇಂಥವರ ಸೊಸೇಂತೇಃಳಿಕೆ ಹೆಮ್ಮೆ ಆದೆ." ಇತ್ತ ದ್ಯಾವಂಮಕ್ಕ ಕೊನೆಗೂ ಗುಡ್ಸಿಟ್ಟ ಕುಂಟುಮಾಯಿಪುನೇ ಗತೀಂತ, ನಾಚಿಕೆ ಆದರೂ ತೋರ್ಸಿಕಣದೆ ಸೊಸೆನ ಹೊಗ್ಳಿಕಂಡ್ ಮನೆ ಕಡೆ ಹೊರ್ಟೊ.
(Arebhashe Article of Gowdas)

-ಡಾ.ಪುನೀತ್ ರಾಘವೇಂದ್ರ ಕುಂಟುಕಾಡು

Read More