Maxresdefault

ನನ್ನಮ್ಮ

"ಕಾಣದ ದೇವರು ಊರಿಗೆ ನೂರು , ಕಾಣುವ ತಾಯೇ ಪರಮ  ಗುರು " ಹೌದು ಗರ್ಭ ಕಟ್ಟಿದಂದಿನಿಂದ ತಾಯಿಯೊಂದಿಗಿನ ಅನೂಹ್ಯ ಸಂಬಂಧದ ಎಳೆಕವಲೊಡೆದು , ಬರೀ ಕಣ್ಣಿಗೆ ಕಾಣುವ , ಭಾವಿಸಿದಷ್ಟು ಮುಗಿಯದ, ಮರೆಯದಷ್ಟು ಸ್ಮೃತಿಗಳು, ಒಂಬತ್ತು ತಿಂಗಳ ಕಾಲ ಅಮ್ಮನುಂಡರೆ ನನಗೆ ತೃಪ್ತಿ, ಅಮ್ಮ ಉಸಿರಾಡಿದರೆ ನನಗೆ ಉಸಿರು, ಅದೇ ಇಂದು ನಾನುಂಡರೆ ಅಮ್ಮನಿಗೆ ತೃಪ್ತಿ . ನಾನು ಚೆಲುವಲ್ಲಿದ್ದರೆ ಅಮ್ಮನಿಗೆ ಖುಷಿ,  ಏನೋ ಈ ಪ್ರಾಕೃತಿಕ ಬಂಧನ ಜೀವ ಜೀವಗಳ ನಡುವೆ ಉಲ್ಲಾಸದ ಬತ್ತಿಯಂತೆ ಅಲ್ಲಾಡುತ್ತಿದೆ. 

 

ತುತ್ತು ತಿನ್ನಲು ಹಠತೊಟ್ಟರೆ ಮುತ್ತು ನೀಡುತ್ತಾ, ಅಪ್ಪನನ್ನೇ ಆನೆ ಮಾಡಿ ನನ್ನ ಅಂಬಾರಿಯಂತೆ ಕೂರಿಸಿ ಏನೆಲ್ಲಾ ಆಟ ಆಡಿಸಿ ಚಂದಮಾಮನ ಕೊಡಿಸೋ ಆಸೆ ತೋರಿಸಿ ನನ್ನ ಕಿಲ ಕಿಲ ನಗುವಲಿ ಆ ನಗುವ ನಡುವಲಿ ತುತ್ತು ತಿನ್ನಿಸಿ ಏನೆಲ್ಲಾ ಸಂತಸವ ಕಾಣುತ್ತಿದ್ದೆ ಆಲ್ವಾ. "ಕುಕ್ಲು ಬಾಬೆ ಕುಕ್ಲು" ಅಂತ ಹೇಳಿ ತಲೆ ಅಲ್ಲಾಡಿಸುವುದನ್ನು , ತಿರುಗಿಸುವುದನ್ನು ನೋಡುವ ನಿನ್ನ ಕುಶಿ, ಅಲ್ಲೆಲ್ಲೋ ಪುಟ್ಟ ಹೆಜ್ಜೆಗಳಿಗೆ ಬಲವಿಲ್ಲದೇ  ಬಿದ್ದರೆ ಕುಂಡೆಗೆರಡು ಪೆಟ್ಟು ಕೊಟ್ಟು ಎಬ್ಬಿಸುತ್ತಿದ್ದ ನಿನ್ನ ಅರೈಕೆ, ಮಣ್ಣುನ್ನು ತಿನ್ನಲೋ , ಜಗಲಿಯಲ್ಲಿ ಇದ್ದ ಕೋಳಿ ಹಿಕ್ಕೆಯ ಹಿಂದೆ ಹೋದರೆ "ಬಜೀ ಕೊಳಕು ಬಾಲೆ"  ಅಂಥ ಮುದ್ದಿಸುತಿದ್ದದ್ದು, ಸೂಜಿ ಕೊಟ್ಟರೆ ನೀನಗೆನೆ ನನ್ನಿಂದ ಜಾಸ್ತಿ ನೋವಾಗೋದು, ಮತ್ತೆ ಹೆಚ್ಚಾಗಿ ನಾನು ಕೇಳುವ ಮೊದಲೇ ನಿನಗೆ ನನ್ನೆಲ್ಲ ಬೇಕು ಬೇಡಗಳೆಲ್ಲಾ ಗೊತ್ತಾಗಿ ಬಿಡುತಿತ್ತು, ಹೌದು ಇದು ಆ ಮಧುರ ಭಾಂದವ್ಯದ ಕುರುಹುಗಳು. 


ನನ್ನಮ್ಮ ನಸುಕಿನಲ್ಲೆದ್ದು ಸೂರ್ಯನನ್ನೇ ಎಬ್ಬಿಸಲು ಹೊರಡುವವಳು , ತುಳಸಿ ದೇವಿಗೆ ಸುತ್ತು ಬಂದು ಬಿಂದಿಗೆ ನೀರು ಸೇದಿ , ದಿನಚರಿಗೆ ಹಾಜರಿ ... ಅಮ್ಮನ ಕಡೆಯುವ ಕಲ್ಲು ಗಡ - ಗಡವೆಂಬ ಸದ್ದು ಮತ್ತು ಮಂಗಳೂರು  ಆಕಾಶವಾಣಿಯ ಸುಪ್ರಭಾತದ ಜುಗಲ್ ಬಂಧಿಯೊಂದಿಗೆ ನನ್ನನ್ನು ಎಬ್ಬಿಸುತ್ತಿತ್ತು. ಅರೆ ಬಿಸಿ ಮಾಡಿದ  ತಂಗಳನ್ನ ಮತ್ತು ಮೊಸರಲ್ಲಿ ನಮ್ಮನ್ನು ಉಣ್ಣಿಸಿ, ಗಡಿ ಬಿಡಿಯಲ್ಲಿ ಅಪ್ಪನಿಗೆ ಪೋದಿಕೆ  ಕಟ್ಟಿ , ಆಗ ತಾನೇ ಸಿದ್ದವಾದ ಪದಾರ್ಥ ಮತ್ತೆ ಕುಚ್ಚಲಕ್ಕಿ ಅನ್ನ ವನ್ನು ನಮ್ಮ ಶಾಲೆಯ  ಚಿಣ್ಣ  ಚಿಣ್ಣ ಬುತ್ತಿಗಳಿಗೆ  ತುಂಬಿಸಿ ಪ್ಲಾಸ್ಟಿಕ್ ಲಕೋಟೆಯಲ್ಲಿ ಕಟ್ಟಿ ಹೊರಡಿಸುವುದರಲ್ಲಿ ಅಮ್ಮನ ಬೆಳಗಿನ  ಸಂಭ್ರಮ ಕಳೆಯುತ್ತಿತ್ತು .

ಅಮ್ಮ 

ಹಾಗೆ ನೋಡಿದರೆ ಅಮ್ಮನೇ , ಅಪ್ಪನಿಗಿಂತ ಬಲು ಜೋರು , ಮದೆರ್ ಬೆತ್ತ , ಗಾಳಿಯ ಅಡರ್ ಗಳಲ್ಲಿ ಪೆಟ್ಟು ಕೊಡುವುದರಲ್ಲಿ ಇರಬಹುದು, ಬೈಯುವುದರಲ್ಲಿ ಇರಬಹುದು , ಜೀವನ ಸೂಕ್ಷ್ಮಗಳನ್ನೂ ಹೇಳಿಕೊಡುವುದರಲ್ಲಿ ಇರಬಹುದು, ಕೋಳಿ ಸಜ್ಜಿ ಮಾಡುವುದರಲ್ಲಿ ಇರಬಹುದು, ಕಾಟ್ ಹಾವನ್ನು ಓಡಿಸುವದರಲ್ಲಿ ಇರಬಹುದು, ದಿಟ್ಟ, ನೇರ ವಿಷಯಗಳಿಂದ ನಿಷ್ಠುರ ಅದದರಲಿರಬಹುದು, ಯಾರದೋ ಗಾಳಿ ಮಾತನ್ನು ಕೊಂಡೆ ಕಿವಿ ಮಾಡಿ ಕೇಳುವುದರಲ್ಲಿ ಇರಬಹುದು, ಅತಿಥಿಗಳನ್ನೂ ಸತ್ಕರಿಸುವುದರಲ್ಲಿ ಇರಬಹುದು, ದೊಡ್ಡ ಕನಕಿನ ಕಟ್ಟ ತರುವುದರಲ್ಲಿ ಇರಬಹುದು,  ಅಜ್ಜಿ ಕತೆ ಹೇಳುವುದರಲ್ಲಿ ಇರಬಹುದು , ಬಯ್ಯತಾ ಚಾಯಕ್ಕೆ ಕುರು ಕುರು ತಿಂಡಿ ಮಾಡಿ ಕೊಡುವುದರಲ್ಲಿ ಇರಬಹುದು ಹೀಗೆ ಎಲ್ಲದರಲ್ಲೂ ಮುಂದೇನೆ... ಎಲ್ಲರ ಅಮ್ಮನಂತೆ ನನ್ನಮ್ಮನು ಪೂಜೆಗೋ , ಮದುವೆಗೋ ಹೋಗಿ ಬರುವಾಗ  ಅಲ್ಲಿ ಊಟಕ್ಕೆ ಬಡಿಸಿದ  ಹೋಳಿಗೆಯನ್ನು ಎಡಕೈ ಯಲ್ಲಿ ತೆಗೆದುಕೊಂಡು ಕರವಸ್ತ್ರ ದಲ್ಲಿ ಕಟ್ಟಿ ತಿನ್ನಿಸಿದ್ದು, ಯಾರದ್ದೋ ದೂರು ಬಂದರೆ ಬಯ್ಯದೇ ಬುದ್ದಿ ಹೇಳಿದ್ದು, ಗಮ್ಮತ್ತಿನ ದಿನ ಎಲ್ಲವನ್ನೂ  ಬಡಿಸಿ ಕಡೆಗೆ ತಿಳಿಸಾರಿನಲ್ಲೇ ಊಟ ಮಾಡಿ ಕೈ ತೊಳೆದದ್ದು.. ಕಷ್ಟದ ದಿನಗಳಲ್ಲಿ ಇದ್ದುದನ್ನೆಲ್ಲ  ಬೇಯಿಸಿ ನಾನಾಗಲೇ ತಿಂದೆ ಹಸಿವಿಲ್ಲವೆಂದು ಏನೇನೊ ಸಬೂಬು ಹೇಳಿ ಖಾಲಿ ಹೊಟ್ಟೆಯಲ್ಲಿ ಮಲಗಿದ್ದು ಎಲ್ಲ ಅಮ್ಮ ಎಲ್ಲವನ್ನು ಒಡಲಲ್ಲಿ ಬಚ್ಚಿಟ್ಟು ಸಾಕಿದ ಸಾಕ್ಷಿಗಳು.
ಇಂದು  ನನ್ನ ನೋವಿಗೆ ತೇವಗೊಳ್ಳುತಿದ್ದ ಅಮ್ಮನ ಕಣ್ಣು ಸ್ವಲ್ಪ ಗುಂಡಿಯಲ್ಲಿವೆ  , ಮೊಗದಲ್ಲಿ ಭಾವನೆಯ ಗೆರೆಗಳು ದಣಿದ ನೆರಿಗೆಗಳಿವೆ, ಮಾತಿನ ಧ್ವನಿ ತೊದಳುತಿವೆ , ಮಗ ನನ್ನಿಂದ ಎತ್ತರ ಬೆಳೆದಿದ್ದನೆಂದೋ , ಶಾಲೆಗೆ ಹೋಗಿದನೆಂದೋ,  ಮಾತನ್ನು ಕೇಳುವುದಿಲ್ಲವೆಂದೋ , ಸ್ವಲ್ಪ ಹಿತ ನುಡಿಯು ಕಡಿಮೆಯಾಗಿದೆ ಅಷ್ಟೇ ... ಸೇರುಗಟ್ಟಲೆ ಪ್ರೀತಿ , ಬೊಗಸೆ ತುಂಬಾ ಮಮತೆ ಕೊಟ್ಟು ಭೌತಿಕ ಜೀವ ನೀಡಿ ,ಅಪ್ಪನಾಗಿ ಬುದ್ದಿ ಹೇಳುವ , ಅಜ್ಜಿಯಾಗಿ ಕಥೆ ಹೇಳುವ ನನ್ನಮ್ಮನಿಗೆ ಈ ಹಾಡು
ಅಮ್ಮ ನೀನು ನಮಗಾಗಿ
ಸಾವಿರ ವರುಷ ಸುಖವಾಗಿ
ಬಾಳಲೇ ಬೇಕು ಈ
ಮನೆ ಬೆಳಕಾಗಿ ....

Comments

Other articles

Palegara

Palegars of Somwarpet Choudlu Kalegowda

01 Jul 2017

Palegars of Somwarpet Choudlu Kalegowda. Choudlu family owned most part of Somwarpet town & thousands acres of garden,/plantation. 

 

 

Have a look at Dress, Odikatti, peechekatti, Chattri, chamara etc. These were not copy right of any perticular group. It was applicable to all noble men and women attending palace of Haleri kings, including people from Sullia, Puttur.

 

Proclamation from Veeraraja vodeya grant of Jamma land.

 

Choudlu Kalegowda with his family

Read More
Dsc 7996

ಕುಂಞನೂ…. ಕ್ರಿಕೆಟ್ ನೂ…

26 Aug 2017

ಕುಂಞಣ ಹೈದನ ನೋಡದೆ ಸುಮಾರ್ ದಿನ ಆಗಿತ್

ಉಟ್ಟಾ ಹೋಗುಟ್ಟಾಂತ ನೋಡನೋಂತ ಅವನ ಮನೆಗೆ ಹೋದೆ. 

ಹೋಕನ  ಎದ್ ರ್ ಚಿಣೆಲಿ ಬೆರೀ ಒಂದ್ ತೋರ್ತ್ ಉಟ್ಟ್ ಕಂಡ್ ಮೈಗೆ ಪೂರಾ ಕಡೆಂಜ ತ್ಯಾಂಪಣ್ಣನ ಎಣ್ಣೆ  ಹಾಕಂಡ್ ಹೊಟ್ಟೆ ಹೊರ್ಡಿಸಿಕಂಡ್  ಮಂಕ್ ಣಿ ಮಲ್ಗಿಟ್ಟು…! 

“ ಏನಾತ್ ನೇ ಕುಂಞಣಾ… ಪಕ್ಷವಾತ ಮಿನಿ ಆಗುಟ್ಟಾಂತ ಕೇಳ್ದೆ..”

“ಅಯ್ಯೋ ನಿಮ್ಮ ಬಾಯ್ಗೆ..! ಕಾಯಿಲೆ-ಗೀಯಿಲೆ ಒಂದೂ ಇಲ್ಲೆ ಚಿಕ್ಕಾ!

ಕ್ರಿಕೆಟ್ ಬಲರಿಯಾ..ಕ್ರಿಕೆಟ್…ನಮ್ಮ ಕಿಚ್ಚಿಕೊಟ್ಟ ಮಕ್ಕ ಒಳೊ ಅಲ್ಲಾ ಹೇಳಿ..?

ಪ್ಯಾಮಿಲಿ ಕ್ರಿಕೆಟ್, ಹೋಗದಿದ್ದರೆ ಮೊರ್ಯಾದಿ ಹೋದೆ, ನೀವು ಬಂದ್ 

ಸುಮ್ಮನೆ ನಿತ್ತ್ ಕಂಡ್ರೆ ಸಾಕ್ ಲೆಕ್ಕ ಬರ್ತಿಗೆಂತ ಕರ್ಕಂಡ್ ಹೋಗಿ ಆ 

ಉರಿ ಉಟ್ಟಾಣ ಬಿಸ್ಲ್ ಲಿ ಒಂದೇ ದಿನಲಿ ನನ್ನ ಒಣ್ ಗಿಸಿದೊ.. ನನ್ನ ಆ  ಸುಟ್ಟೊವು ಕೀಪರ್ ನ ಹಿಂದೆ ನಿಲ್ಸಿದೊ.. ಅತ್ತಂದ ಬೋಲ್ ಹಾಕಿದಾಂಗೆ ಕೀಪರ್ ತಮ್ಮಣ್ಣ ಹೈದ ಬುಡ್ದು..! ಅಷ್ಟೊತ್ತಿಗೆ ಬಾಕಿದ್ದವು ಪೂರಾ ಬೊಬ್ಬೆ ಹಾಕುದು.. ನಂಗೆ ಬೊಲ್ ಹಿಂದೆ ಓಡಿ ಓಡಿ ಸಾಕಾತ್. 

ಕೀಪರ್ ಹಿಂದೆ ನಾ ನಿಲ್ಲುದುಲೇ ತೇಳಿರೆ.. ನೀವ್ಗೆ ಕ್ಯಾಚ್ ಹಿಡೆಕೆ ಆಕಿಲೆ ತೇಳಿ ನನ್ನ ಅಲ್ಲೇ ..ನಿಲ್ಸಿ ಕೊಂದೊ..! ಈಗ ನೋಡ್ರೆ … ಎದ್ದರೆ ಕುದ್ರಿಕಾದುಲೆ..

ಕುದ್ದರೆ  ಎದ್ರಿಕಾದುಲೆ..ನಡೆ-ನಡೆ, ಸಂದಿ,ಸಂದಿ ಪೂರಾ ಬೇನೆ…”.

 

“ಗೆದ್ದರಿನಾ ಕುಂಞಣಾ..?”

“ಹುಂ ಗೆದ್ದೊ..ಚಿಕ್ಕಾ.. ಆದರೆ ನಾವಲ್ಲ..! ಹಾಂಗೂ ..ಹೀಂಗೂ ..ಉರ್ಡಿ , ಹೊಣ್ಕಿ, ಎದ್ದ್, ಎದೆ, ಹೊಟ್ಟೆ ಕೊಟ್ಟ್ ತಡ್ದ್ ಮೂರ್ ಮ್ಯಾಚ್ ಗೆದ್ದೊ.

ಅಷ್ಟೊತ್ತಿಗೆ ಮನೆಂದ ಹೆಂಗ್ ಸ್ ದ್ ಗಳ್ಗೆಗೊಮ್ಮೆ ಪೋನ್.. “ ಮಕ್ಕ ಮರ್ಟವೆ..

ತವ್ರುಂದ ತಮ್ಮ ಬಂದುಟ್ಟು.. ಅರ್ಜೆಂಟ್ ಅರ್ಧ ಕೇಜಿ ಮೊತ್ತಿ ಮೀನ್ ತಕಂಡ್ ಬನ್ನೀಂತ..” ಅತ್ತ ಮಕ್ಕ ಬುಡ್ದುಲೆ, ಇತ್ತ ಹೆಂಗ್ ಸ್ ಬುಡ್ದುಲೆ..ಅಂತೂ ಅಕೇರಿಗೆ ಮಕ್ಕಳಿಗೆ ಒಂದೊಂದು ಐಸ್ ಕ್ರೀಮ್ ಕೊಡ್ಸಿ ಹೆಡ್ಡ್ ಮಾಡಿ.. “ಮಕ್ಕಳೇ ..ನೀವು ಆಡಿ ನಾ ಫೈನಲ್ ಆಡಿಕೆ ಬನ್ನೇಂತೇಳಿ, ಅಂಬೇರ್ಪುಲಿ ಮೊತ್ತಿ ಮೀನ್ ತಕಂಡ್ ಬಾಕನ ಅಂವ ಹೋಗುಟ್ಟು…ಸಿಟ್ಟ್ ಲಿ ಹೆಂಗ್ ಸ್ ಗೆ ನಾಕ್ ಬೊಯಿದೆ. ಅಷ್ಟೊತ್ತಿಗೆ ಅಯ್ಯೆ ಪರ್ಚಿತ್ . ಮೊತ್ತಿ ಮೀನ್ ನ ಹೆರ್ಕಿ ಇಟ್ಟೇ…!”

 

“ಮತ್ತೆ ನೀ ವಾಪಾಸ್ ಆಟಕ್ಕೆ ಹೋತ್ಲೇನಾ ಕುಂಞಣ…?”

“ಹೋಗಿದ್ದೆ ಚಿಕ್ಕಾ…ನಾ  ಅರ್ಧಕ್ಕೆ ಹೋಕನ ಮಕ್ಕ ಎಡೆದಾರಿಲಿ 

ಬಾತಾ ಒಳೊ..ಏನೋ ಬಿಸ್ಲ್ … ಬೋಲ್ ನಾವು ಹೇಳ್ದಾಂಗೆ ಬೀಳ್ದುಲೆ..

ಕುಡೆಕೆ ನೀರಿಲ್ಲೆ.. ಮೈಕೈ ಬೇನೆ..ಪಿಚ್ ಉದ್ದ..ಹಾಂಗೆ ಹೀಂಗೆಂತ ಸೂನೆ ಹೇಳಿಕಂಡ್ ..ನಡ್ಕಂಡ್ ಬಂದವೆ..ಮೊಣ್ಣ್ ಕಚ್ಚೇ ಹೋಗಲಿ ತೇಳಿ … ಅದ್ರಾಮುನ ಅಂಗ್ ಡಿಂದ ಬೇನೆದ್ ಎಣ್ಣೆ ಕುಪ್ಪಿ ತಕಂಡ್ ನಾ ಬಂದೆ…!”

 

ಅಷ್ಟೊತ್ತಿಗೆ ಕುಂಞಣನ ಹೆಣ್ಣ್ ಒಳೆಗೆಂದ ಬಂದ್ “ ಓ ಮಾವ ..

ಬನ್ನಿ ಚಾಯ ಕುಡ್ಕಣಿ.. ಮೊತ್ತಿ ಮೀನ್ ಗೈಪುನೂ..ಬೊಡ್ರೊಟ್ಟಿನೂ..”

ಉಟ್ಟುಂತ ಹೇಳಿ ಕೈ ತೊಳೆಕೆ ನೀರ್ ಕೊಟ್ಟತ್. 

ನಾ ಕುಂಞಣನ ಮೋರೆ ನೋಡಿ ..”ನಂದ್  ಈಗ  ಚಾಯ ಆತ್

ಸೊಸೆ..ಈ ಬಿಸ್ಲ್ ಗೆ ಬೊಡ್ಡಿಟ್ ತಿಂದರೆ ನೀರ್ ಕುಡ್ದ್ ಕುಡ್ದ್ 

ಸಾಯೆಕಾದು” ತ ಹೇಳಿ ..ಒಂದ್ ಮುಕ್ಕುಳಿ ನೀರ್ ಕುಡ್ದ್ 

ಎಣ್ಣೆ ಕುಪ್ಪಿಲಿದ್ದ ತ್ಯಾಂಪಣ್ಣನ ಚಿತ್ರ ನೋಡಿಕಂಡ್ ಕುದ್ದೆ.

“ಅಂದರೆ ನಾ ಎಲಾಡ್ಕೆ ಜೋಡ್ಸಿನೆ ಚಿಕ್ಕಾ..!” ಅಂತ ಹೇಳಿ 

ಕುಂಞಣ ಹೈದ ನಿಗರಿಕಂಡ್ … ಹೊಟ್ಟೆನ ಎಳ್ಕಂಡ್ ಒಳೆಗೆ ಹೋತ್ …..!

 

 

 

 

 

Read More
Hazel regrowth

ಬುಡ ಚಿಗ್ ರ್ದ ಹೊತ್ತ್….

03 Oct 2017

  "ಇಂದನೇ ಬೇಬಿ.... ಅಣ್ಣುನ ಫೋನ್... ಅಮೇರಿಕಾಂದ... ನಿನ್ನೊಟ್ಟಿಗೆ ಮಾತಾಡ್ದೆಗಡ... ಬೇಗ ಬಾನೇ...." ಗಂಡ ರಾಮಣ್ಣನ ಬೊಬ್ಬೆ ಕೇಳಿ, ಜಾಲ್ ಕರೆಲಿ ನೀರಡಿ ದೊಂಬೆ ಅಡಿಲಿ ಹಸಿಮೀನ್ ಸಜ್ಜಿ ಮಾಡಿಕಂಡಿದ್ದ ಬೇಬಿಯಕ್ಕ, ಮೀನ್ ತಪಲೆಗೆ ಹಾಳೆ ಕಿಳ್ಳಿ ಅಡ್ಪ ಇಸಿ ಅದೇ ಚಂಡಿ ಕೈನ ಸೆರ್ರ್ಂಗ್ ಗೆ ಒರ್ಸಿಕಂಡ್ ಮನೆ ಒಳಗೆ ಓಡ್ದೊ. "ಹಲೋ.. ಅಮ್ಮಾ... ಹೆಂಗೊಳರಿ... ಈ ಸರ್ತಿ ತೊಡಿಕ್ಕ್ಯಾನ ಜಾತ್ರೆ  ಸಮಯಲಿ ನಾವು ಊರ್ ಗೆ ಬರ್ತೊಳೊ. ದೊಡ್ಡದರ್ಶನ ಬಲಿಗೆ ಎಲ್ಲವೂ ಒಟ್ಟಿಗೇ ಪೋಯಿ. ಶಾಂತಿನೂ ಬಂದದೆ. 'ಅನುಜ್ಞಾ'ನನೂ ಕರ್ಕಂಡ್ ಬರ್ತೊಳೆ... ಹಲೋ... ಕೇಳ್ತುಟ್ಟಾ... ಹಲೋ.. ಹಲೋ... ಟುಂಯ್... ಟುಂಯ್". ಫೋನ್ ಕಟ್!! ಬೇಬಿಯಕ್ಕಂಗೆ ಮಂಙನೊಟ್ಟಿಗೆ ಮಾತಾಡಿಕೆ ಆಗದೆ ಹನೀಸ್ ಬೇಜಾರಾದರೂ ಅಂವ ಹೇಳ್ದ ಮಾತ್ ಕೇಳಿ ಹಾಲ್ ಕುಡ್ಡಷ್ಟ್ ಕುಸಿ ಆತ್. ಹಂಗೇ ಅಲ್ಲಿದ್ದ ಐಮರಕ್ಕೆ ಒರ್ಗಿ ಕುದ್ದ್ ಕಳ್ದ ದಿನಗಳೆಲ್ಲಾ ನೆನ್ಸಿಕೆ ಸುರು ಮಾಡ್ದೊ. ಅಣ್ಣು ಹೈದನ ಹೊಟ್ಟೆ ಬಟ್ಟೆ ಕಟ್ಟಿ ಇಂಜಿನಿಯರ್ ಮಾಡ್ಸಿ ಬೆಂಗ್ಳೂರ್ ಗೆ ಕಳ್ಸಿದ್.. ಹೋದಂವ ಪೇಟೆ ಗೂಡೆ ಶಾಂತಿನ ಮೊದ್ವೆ ಆಕೆ ಹೊರ್ಟದ್.. ಮನ್ಸ್ ಒಪ್ಪದಿದ್ದರೂ ಒಬ್ಬನೇ ಮಂಙತ ಗಂಡನನೂ ಒಪ್ಪ್ ಸಿ ಮೊದ್ವೆ ಮಾಡ್ದ್.. ಮೊದ್ವೆ ಆಗಿ ಮೂರ್ ತಿಂಗಳಿಗೇ ಅಂವ ಹೆಣ್ಣ್ ನ ಕರ್ಕಂಡ್ ಅಮೇರಿಕಾಕ್ಕೆ ಹಾರ್ದ್.. ಅಲ್ಲಿಯೇ ಅವ್ಕೊಂದ್ ಹೆಣ್ಣ್ ಕೂಸ್ ಹುಟ್ಟಿದ್... ಇಲ್ಲಿವರೆಗೆ ಕೂಸುನ ಮೋರೆ ಕೂಡ ನೋಡಿಕೆ ಅಗದ್ದ್.. ಇದೇ!! ಮಂಙ ಅಮೇರಿಕಾಕ್ಕೆ ಹೊರ್ಡ್ ಕಾಕನ ಬೇಬಿಯಕ್ಕಂಗಂತೂ ಕುಸಿಯೋ ಕುಸಿ. ನಮ್ಮ ಇಡೀ ಬೈಲ್ ಲಿ ಮಾತ್ರ ಅಲ್ಲ ಇಡೀ ಗ್ರಾಮಲೇ ಅಣ್ಣುನೇ ಸುರೂಗೆ ವಿದೇಶಕ್ಕೆ ಹೊರ್ಟಂವ. ಗಂಡ, ಹೆಣ್ಣ್ ದಾರಿಲಿ ಸಿಕ್ಕುವ ನೆರೆಕರೆವು, ನೆಂಟ್ರ್ ಗಳೊಟ್ಟಿಗೆ ಹೇಳಿಕಂಡ್ ತಿರ್ಗಿದೇ ತಿರ್ಗಿದ್. ಆದರೆ ದಿನ ಕಳ್ದಾಂಗೆ ಗೊತ್ತಾತ್... ಹೋದಂವ ಬಾದು ವರ್ಷಕ್ಕೋ ಎರ್ಡ್ ವರ್ಷಕ್ಕೊಮ್ಮೆ. ಅದೂ ಒಬ್ಬನೇ.. ಸೊಸೆಗೆ ಊರ್ ಕಡೇ ನೋಡಿಕೂ ಮನ್ಸಿಲ್ಲೆ!! ತಿಂಗ ತಿಂಗ ಮನೆಗೆ ಬೇಕಷ್ಟ್ ದುಡ್ಡ್ ಕಳ್ಸಿದೆ.. ಆದರೆ ಮನ್ಸ್ ಗೆ??!! ಹಿಂಗೇ... ಫೋನ್ ಲೇ ವಿಚಾರ್ಸಿಕಂಬೊದು ಅಷ್ಟೆ. ಅಂಥದರ್ಲಿ ಹಕ್ಕಲೆ ಹಕ್ಕಲೆ ಎಂಟ್ ವರ್ಷದ ಮೇಲೆ ಮಂಙ  ಪುಳ್ಳಿನನೂ ಕರ್ಕಂಡ್ ಬಂದದೆತೇಃಳ್ರೆ ಯಾವ ಅಯ್ಯೆಗೂ ಎಷ್ಟ್ ಕುಸಿ ಆಕಿಲೆ??!! ಅದರ್ನೇ ಗಂಡನ ಕೆಬಿಗೆ ಉರ್ಗಿಕೆ ರಾಮಣ್ಣನ ಹುಡ್ಕಿರೆ ಅವು ಆಗಳೆ ಹಳು ತೆಗ್ಯಕೆ ಗದ್ದೆ ಕರೆಗೆ ಎತ್ತಿ ಆಗುಟು. ಅಷ್ಟೊತ್ತಿಗೆ ನೆಂಪಾತ್.. ಸಜ್ಜಿ ಮಾಡಿಕಂಡಿದ್ದ ಹಸಿಮೀನ್ ಅಲ್ಲಿಯೇ ಬುಟ್ಟಳೆ. ಹೋಗಿ ನೋಡ್ರೆ ಒಂದ್ ಮೀನ್ ನ ಕಂಟ ಕೊತ್ತಿ ಹೊತ್ತ್ ದ್ ಬೀಜ ಮರದ ಕೊಡಿಲಿ ಕುದ್ದಕಂಡ್ ಕೈ ನೆಕ್ಕ್ಯಣ್ತುಟ್ಟು. ಅದ್ಕೆ ಒಂದ್ ಕಲ್ಲ್ ಬೇರಿ ಒಳ್ದ ಮೀನ್ ನ ಸಜ್ಜಿ ಮಾಡಿ ಅರೆಪುಗೆ ಹುಳಿಮೆಣ್ಸ್ ಕಡ್ಯಕೆ ಅಡ್ಗೆ ಕೋಣೆಗೆ ಹೋದೊ ಬೇಬಿಯಕ್ಕ.

    ಮಾರ್ನೆ ದಿನಂದ ಕೆಲ್ಸಕ್ಕೆ ಬಂದ ಪಾಚೊಳ್ತಿನೊಟ್ಟಿಗೆ, ಕಾಯಿ ತೆಗ್ಯಕೆ ಬಂದ ಕುಂಞಣ್ಣನೊಟ್ಟಿಗೆ ಎಲ್ಲರೊಟ್ಟಿಗೂ ಗಂಡಂಗೂ, ಹೆಣ್ಣ್ ಗೂ ಹೇಳಿಕೆ ಒಂದೇ ವಿಶ್ಯ. 'ಅಣ್ಣು ಊರುಗೆ ಬಾತುಟ್ಟುಗಡ...ಹಂಗೇ ಅನುನ ಕೂಡ ಕರ್ಕಂಡ್ ಬಂದದೆಗಡ' (ಈಗದ ಪುಳ್ಳಿಕಳ ಹೆಸ್ರ್ ಅಜ್ಜ, ಅಜ್ಜಿಕಳಿಗೆ ಸರಿಯಾಗಿ ಹೇಳಿಕೆ ಆಗದಾಂಗೇ ಇಸುದು ಯಾಕೋ??!!). ಪುಳ್ಳಿನ ಬೇರೆ ಸುರೂಗೆ ನೋಡ್ತೊಳೊ ಪಾಪದ ಹಿರಿಜೀವಗ. ಆ ಕೂಸುಗೆ ಹಟ್ಟಿನ ಅಂಬೆ ಕರ್ ತೋರ್ಸೊಕು... ಮೊಜ್ಜಿಗೆ ಗುತ್ತಿಂದ ಬೆಣ್ಣೆ ತೆಗ್ದ್ ಕೊಡೊಕುತ ಅಜ್ಜಿ ಲೆಕ್ಕಹಾಕಿರೆ... ಕೆರೆಲಿರುವ ದೊಡ್ಡ ಮಣ್ಂಜಿ ತೋರ್ಸೊಕು... ಕೊಟ್ಟೆ ಕೊಮ್ಮುಲಿ ಮೊನ್ನೆ ನೋಡ್ದ ಯಾಪೆಗಿಳಿನ ಹಿಡ್ಡ್ ಗೂಡ್ ಮಾಡಿ ಇಸಿರೆ ಕೂಸು ಆಡಿಕೆ ಭಾರೀ ಲಾಯಿಕ್ ತ ಕನ್ಸ್ ಕಾಂಬೊತುಟ್ಟು ಅಜ್ಜಪ್ಪ!! ಆದರೆ ಆ ಕನ್ಸ್ ಗೆ ಬೆಚ್ಚನೀರ್ ಚೋಂಪಿದ್ ಕೆಲ್ಸದ ಪಾಚೋಳ್ತಿ.. "ಎಡ್ತೆರೇ.. ಅಲ್ಲಿ ಅಮೇರಿಕಲಿ ಎಲ್ಲವೂ ಇಂಗ್ಲೀಷ್ ಲೇ ಮಾತಾಡ್ದುಗಡ. ಮೊನ್ನೆ ದುಬಾಯಿಂದ ಬಂದ ಎಂಕಮ್ಮಕ್ಕನ ಮಂಙ ಹೇಳ್ತಿದ್ದೊ. ಇನ್ನ್ ನೀವು ಆ ಕೂಸುನೊಟ್ಟಿಗೆ ಹೆಂಗೆ ಮಾತಾಡುವರಿ!!??" ಇದೆಂಥಾ ಸಮಸ್ಯೆ. ಪುಳ್ಳಿ ಬಾತ್ ತ ಕುಸಿ ಪಡೊಕೊ.. ಪುಳ್ಳಿನೊಟ್ಟಿಗೆ ಮಾತಾಡಿಕೆ ಆದುಲೆಲ್ಲಾತ ಬೇಜಾರಾಕೊ!! ಇಬ್ಬರಿಗೂ ಒಮ್ಮೆಗೆ ಮಾತೇ ಹೊರ್ಡ್ ತಿಲ್ಲೆ. ಮನ್ಸ್ ಚುಳ್ಳಂಗೆ ಆತುಟ್ಟು. ಚಪ್ಪೆ ಆದ ಹೆಣ್ಣ್ ನ ಮೋರೆನೋಡಿ ರಾಮಣ್ಣನೇ ಸಮಾಧಾನ ಮಾಡಿಕೆ ಮೆಲ್ಲಂಗೆ  ಹೇಳ್ದೊ "ನಾವೂ ಇಂಗ್ಲೀಷ್ ಕಲಿಯೊನೊ!!". ಬೇಬಿಯಕ್ಕ ಕಣ್ಣ್ ಲಿ ನೀರ್ ತುಂಬುಸಿಕಂಡ್ ಮಯಮಯ ದೃಷ್ಟಿಲಿ ಗಂಡನ ಮೋರೆನೋಡ್ರೆ "ನಾ ಹೆಂಗೂ ಮೂರ್ನೇ ಇಯತ್ತೆವರೆಗೆ ಹೋಗಳೆ. ನೀ ಸಾಲೆನ ಮೋರೆನೇ ನೋಡದಂವ. ಬುಡು.. ಆಚೆಕರೆ ದಾಮುನ ಮಂಙ ಕುಟ್ಟ ಹೈಸ್ಕೂಲ್ ಗೆ ಹೋದೆ ಅಲ್ಲ.. ಅಂವನೊಟ್ಟಿಗೆ ಕೇಳಿ ಮಾತಾಡಿಕೆ ಕಲ್ಯೊನೊ" ಹೇಳ್ದವು ಸೀದ ಎದ್ದ್ ದಾಮುನ ಮನೆಕಡೆ ಹೊರ್ಟೊ. ಆ ಹೈದನೂ ಚುರ್ಕುನವನೇ.. ಹಾಯ್.. ಹಲೋ... ಹೌ ಆರ್ ಯು.. ವಾಂಟ್ ಜ್ಯೂಸ್, ಮಿಲ್ಕ್.. ಕಮ್.. ಸ್ಲೀಪ್.. ಗೋ.. ಸಿಟ್.. ಈಟ್.. ಬಾಯ್... ಹಿಂಗೆ ಸುಲಭದರ ಬರ್ದ್ ಕೊಟ್ಟ್ ಕಳ್ಸಿರೆ, ಮನೆಗೆ ಬಂದ ರಾಮಣ್ಣ ಹೆಣ್ಣ್ ಗೆ ಇಂಗ್ಲೀಷ್ ಕಲ್ಸಿ ಕೊಡ್ತಿದ್ದೊ. ಒಮ್ಮೊಮ್ಮೆ ಜ್ಯೂಸ್ ಹೋಗಿ ಚೂಸ್ ಆದರೆ.. ಹಾಯ್ ಗೆ ಬಾಯ್ ಅಂತ ತಪ್ಪ್ ತಪ್ಪ್ ಹೇಳಿಕಂಡ್ ನೆಗಾಡಿಕಂಡೊ!!

      ಜಾತ್ರೆಗೆ ದಿನ ಹಕ್ಕಲೆ ಆದಂಗೆ ಬೇಬಿಯಕ್ಕಂಗೆ ಯಾಗ ಒಮ್ಮೆ ಪುಳ್ಳಿನ ನೋಡ್ನೆತ ಮನ್ಸೊಳಗೆನ ಚಡಪಡಿಕೆ ಜಾಸ್ತಿಆಗ್ತುಟ್ಟು. ಒಟ್ಟಿಗೆ ಗಂಡನ ಮೇಲೆ ಪರ್ರ್ಂಚಟನೂ!! 'ಕೂಸುಗೆ ಜೇನ್ ತಂದಿಸಿಕೆ ಹೇಳಿದ್ದೆ .. ತಂದಳರಿಯಾ... ಜಾಲ್ ಕರೆ ನೀರಡಿ ದೊಂಬೆ ಕಡೆ ಜಲ್ಲಿ ಹಾಕಿತ್ಲೆ..ಕೂಸು ಆಡಿಕೆ ಹೋಗಿ ಜಾರಿ ಬೀಳಿಕೆ ಬೊತ್ತ್.. ಹಿಂಗೇ' . ಒಟ್ಟೊಟ್ಟಿಗೆ ಇಂಗ್ಲೀಷ್ ಕಲಿದೂ ಬುಟ್ಟತ್ಲೆ.  ಬೇಬಿಯಕ್ಕ ಪಾಚೋಳ್ತಿನ ಬಾಕೆ ಹೇಳಿ ಇದ್ದ ಒಲ್ಲಿ, ಮೊಂದ್ ರಿ ನ ಎಲ್ಲಾ ಒಗ್ಯಕೆ ಬೆರ್ಸಿದೊ. ಕಪಾಟ್ ಮೇಲೆ ಇದ್ದ ಹಾಸಿಗೆಗಳ ಜಾಲ್ ಲಿ ಬಿಸಿಲ್ ಗೆ ಬುಡ್ಸಿ ಧೂಳ್ ಹಾರ್ಸಿದೊ. ರಾಮಣ್ಣನೋ ಕುಂಞಣ್ಣನ ಕರ್ಸಿ ನಾಕ್ ಕೀಲೆ ಕೆಂದಾಳೆ ಬೆಂಡ ತೆಗ್ಸಿಸುದರೊಟ್ಟಿಗೆ ಕಳ್ದ ವಾರ ಕಡ್ದಿಸಿದ ಬಾಳೆಗೊನೆ ಇನ್ನೂ ಹಣ್ಣಾತ್ಲೆ.. ಪಡ ಇಜ್ಪಿ ಇಸಿದ್ದರೆ ಒಳ್ಳದಿತ್ತ್ ತ ಗೊಣ್ಗಿಕಂಡೇ ಕೆಲ್ಸ ಮಾಡಿಕಂಡವೆ. ಜಾತ್ರೆ ಸಮಯದ ಮಳೆಗೆ ಪೋನ್ ಬೇರೆ ಹಾಳಾಗಿ ಅಣ್ಣು ಎಷ್ಟೊತ್ತಿಗೆ ಎತ್ತಿದೆತಾನೂ ಹೇಳಿಕೆ ಗೊತ್ಲೆ. ಅಷ್ಟೊತ್ತಿಗೆ ಗುಡ್ಡೆಕರೇಂದ ಯಾವುದೋ ವಾಹನದ ಸದ್ದ್ ಕೇಳ್ದಾಂಗಾಗಿ ಬೇಬಿಯಕ್ಕ ಮನೆಒಳಗೆಂದ ಜಾಲ್ ಕರೆಗೆ ಬಂದ್ ಎತ್ತಿದೊ.. ಮೆಲ್ಲಾನೆ ವಾಹನ ಸದ್ದ್ ಜೋರಾಗಿ, ಆ ಕಾರ್ ಸೀದ ಮನೆ ಜಾಲ್ ಗೇ ಬಾತ್. ನೋಡ್ರೆ ಅಣ್ಣು!! ಅಯ್ಯೆ, ಅಪ್ಪ ಮೆಲ್ಲನೆ ಕಾರ್ ಕಡೆಗೆ ಬಾಕನ ಅಣ್ಣುನೇ ಕಾರ್ಂದ ಇಳ್ದ್ ಓಡಿ ಬಂದ್ ಅಪ್ಪನ ಕೈ ಹಿಡ್ಕಂಡರೆ, ರಾಮಣ್ಣ ಅವನ ಕೈ ಜಾರ್ಸಿ ಕಾರ್ ಕಡೆ ಹೋದವೆ. ಅವ್ಕೆ ಪುಳ್ಳಿನ ಕಾಂಬಕೆ ಆಸೆ!! ಕಾರ್ಂದ ಇಳ್ದ ಸೊಸೆ " ಏನು ಅತ್ತೆ... ಏನು ಮಾವ.. ಚೆನ್ನಾಗಿದ್ದೀರಾ.." ತ ಕೇಳ್ದರ್ಲಿ ಏನೂ ಹೊಸತನ ಇತ್ಲೆ. ಪ್ರಾಯದ ಕಣ್ಣ್ ಗಳ ಇಷ್ಟ್ ದಿನದ ಕನ್ಸ್... ಕೂಸು ಅನುಜ್ಞಾ ಕಾರ್ಂದ ಇಳ್ದದರ ನೋಡಿ, ಬೇಬಿಯಕ್ಕ ಕಲ್ತ ಇಂಗ್ಲೀಷೂ ಮರ್ತೋಗಿ 'ಹೋಯ್.. ಹೌ ರಾಯು' ಅಂತ ಕೇಳ್ದೊ. ಅದರ ಕೇಳಿ ಆ ಕೂಸು... ನೆಗಾಡ್ತ " ಅವ್ವಾ... ನಾ ಉಶಾರೊಳೆ.. ನೀವು ಹೆಂಗೊಳರಿ" ತ ಬಂದ್ ಅಜ್ಜಿನ ಬಾಚಿ ತಬ್ಬಿಕಂಡರೆ ಅಜ್ಜ,ಅಜ್ಜಿಗೂ ಒಮ್ಮೆಗೆ ಏನೂ ಗೊತ್ತಾಗ್ತಿಲ್ಲೆ. ನಾವು ಇಷ್ಟ್ ದಿನ ಭಂಗ ಬಂದ್ ಕಲ್ತ ಇಂಗ್ಲೀಷ್ ಎಲ್ಲಿ.. ಕೂಸು ನಮ್ಮೊಟ್ಟಿಗೆ ಮಾತಾಡ್ತಿರುವ ಅರೆಬಾಸೆ ಎಲ್ಲಿ!! ಅಜ್ಜನ ಕಣ್ಣ್ ಲೂ ನೀರ್ ಮಾತ್ರ... ಮಾತೇ ಇಲ್ಲೆ.. ಆಗ ಅಣ್ಣುನೇ ಹೇಳ್ತ್.. "ಪೊಪ್ಪಾ... ನನ್ನ ಕೂಸು ಅರೆಬಾಸೆ ನನ್ನಷ್ಟೇ ಲಾಯಿಕ್ ಮಾತಾಡ್ದೆ.. ನಂಗೆ ಅಮೇರಿಕಕ್ಕೆ ಹೋದ ಮೇಲೆ ಗೊತ್ತಾತ್.. ಅಲ್ಲಿನ ಜನ ಅವರ ಸಂಸ್ಕೃತಿ, ಭಾಷೆನ ಎಷ್ಟ್ ಪ್ರೀತಿಸುವೆತ. ಅಲ್ಲಿ ಇಂಗ್ಲೀಷ್ಲಿ ಮಾತಾಡ್ರೆ, ಅವರ್ದೇ ದಾಟಿಲಿ ಉತ್ತರ ಕೊಟ್ರೆ ನಮ್ಮ ಹಾರೈಸುವೆ. ಇಲ್ಲರೆ ನಮ್ಮ ನೋಡಿ ನೆಗಾಡ್ವೆ!!! ಅದ್ ಅವರ ಭಾಷಾಭಿಮಾನ.  ನೀವು ಹೇಳ್ದರ ನಾ  ಮರ್ತತ್ಲೆ ಪೊಪ್ಪಾ.. ಮಕ್ಕ ಕನ್ನಡ, ಇಂಗ್ಲೀಷ್ ಶಾಲೆಗೆ ಹೋದ ಮೇಲೆ ಕಲ್ತವೆ. ಆದರೆ ನಾವು ಮಕ್ಕಳೊಟ್ಟಿಗೆ ಅರೆಬಾಸೆಲಿ ಮಾತಾಡದಿದ್ದರೆ ಅವು ನಮ್ಮ ಭಾಷೆ ಕಲಿದು ಯಾಗ?  ಆಚೆ ಮನೆ ಮಕ್ಕ ಶಾಲೆಗೆ ಹೋಕೆ ಸುರು ಮಾಡ್ಕಾಕನ ಮನೆಲಿ ಕನ್ನಡ ಮಾತಾಡಿರೂ ನೀವು ನನ್ನೊಟ್ಟಿಗೆ ಹಂಗೆ ಮಾಡ್ತ್ಲೆ. ನಾ ಕನ್ನಡ ಮಾತಾಡ್ರೂ ಬೊಯ್ದ್ ಅರೆಬಾಸೆಲೇ ಮಾತಾಡ್ತಿದ್ದರಿ. ಅಮೇರಿಕದವ್ಕೆ ಹೆಂಗೆ ಅವರ ಭಾಷೆ ಮೇಲೋ.. ಹಂಗೆ ನಂಗೂ ನನ್ನ ಅರೆಬಾಸೆ ಅಷ್ಟೆ. ಸರಿಯಾದ ಇಂಗ್ಲೀಷ್ ಬಂದದ್ ಸುಮಾರ್ 500 ವರ್ಷಂದ ಇಚೆಗೆ... ಅದರ್ಂದಲೂ ಹಳ್ತೇ ನಮ್ಮ ಅರೆಬಾಸೆ ಆಗಿರ್ದು!!?? ಯಾಕೆಂತೇಳ್ರೆ ಅದೆಷ್ಟೋ ಹಳೆಗನ್ನಡದ ಪದಗಳ ನಾವು ಇನ್ನೂ ಮಾತಾಡುವೆ. ಹಂಗಿರ್ಕಾಕನ ನಾವ್ಗೆ ಅರೆಭಾಸೆಲಿ ಮಾತಾಡಿಕೆ ನಾಚಿಕೆ ಯಾಕೆ? ಇಂಗ್ಲೀಷ್ನನೆ ಲ್ಯಾಟಿನ್ ಲಿ ಬರ್ದ್ ಭಾಷೆ ಒಳ್ಸ್ಯೊಳೊತೇಃಳ್ರೆ ಕನ್ನಡ ಲಿಪಿಲಿ ಬರ್ದ್ ಅರೆಬಾಸೆನ ಒಳ್ಸಿಕೆ ಆಕಿಲೆನಾ?? ... ಬನ್ನಿ... ಪೋಯಿ...ಕಾರ್ಂದ ಬಟ್ಟೆಬರೆ ಎಲ್ಲಾ ಮತ್ತೆ ಇಳ್ಸಕ್" . ಬುಡ ಚಿಗ್ರಿ ಹೊಸ ದೈ ಬಾತೆಂಬ ಕುಸಿಲಿ ರಾಮಣ್ಣನೂ ಮಂಙನ ತಬ್ಬಿಕಂಡ್, ಪುಳ್ಳಿನ ಎತ್ತಿಕಂಡ್  ಮನೆ ಕಡೆಗೆ ಹೊರ್ಟೊ.

 

( ಬೆಂಗಳೂರ್ ನ ಅರೆಬಾಸೆ ಜನಾಂಗ ಭಾಂಧವ್ಕೆ ಆಯೋಜಿಸಿದ್ದ "ಅರೆಬಾಸೆ ಮುಡ್ಪು ಕಥಾಸ್ಪರ್ಧೆ"ಲಿ ಪ್ರಥಮ ಬಹುಮಾನ ಪಡ್ಕಂಡ ಕಥೆ..)

ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

Read More
Koraga

ಕೊರ್ಗ ವೇಸ

26 Sep 2017

   ಅದೊಂದು ಕಾಲ ಇತ್ತ್..  ದಸರ ರಜೆಲಿ  ನವರಾತ್ರಿ ಸುರು ಆಕನ ಹರ್ಕೆ ಹೊತ್ತವೆಲ್ಲ  ಕೊರ್ಗ ವೇಸ  ಹಾಕಂಡ್ ಮನೆ ಮನೆ ಬರ್ತಿದ್ದ...ಆದರೆ ನವ್ಗೆ ಅವು ಯಾಕಾಗಿ ಆತರ ವೇಸ ಹಾಕ್ತಿದ್ದ ಅಂತ ಗೊತ್ತಿತ್ತ್ಲೆ ಆಗ....ನಾವೆಲ್ಲ ಕೊರ್ಗ ಕೊಳಲ್ ಊದಿಕಂಡ್ ಬಾಕನ ಸುಮಾರ್ ದೂರಂದಲೆ ಕೇಳ್ಕನ ಹೆದ್ರಿಕಂಡ್ ಮನೆ ಅಂಗಳಲಿ ಇದ್ದರೆ ಮನೆ ಒಳಗೆ ಓಡಿ ಅಳ್ಂಗಿ ಕುದುರ್ತಿದ್ದ..ರೋಡುಲಿ ಎಲ್ಲ ಇದ್ದರೆ ಎಲ್ಲಾರ್ ಅಡ್ಡ ಅಡ್ಡ ಹೋಗಿ ಅಳ್ಂಗಿ ಕುದುರ್ತಿದ್ದ...
ಅಷ್ಟ್ ಹೆದ್ರಿಕೆ ಆಗ..ಯಾಕೆತೆಳ್ರೆ ಅವರ ವೇಷಭೂಷಣಗ ಆತರ ಇರ್ತಿತ್ತ್.. ಕೊರ್ಗ ಕೂಕುಳ್ ಹಾಕಿ  ಎಲ್ಲ ಮಕ್ಕಳ ಹೆದುರ್ಸುದು ಆಗ..    ಆದರೆ ಈಗನ ಮಕ್ಕಳಿಗೆಲ್ಲ ಅದರ ನೋಡಿಕೆ ಸಿಕ್ಕ್ತಿಲ್ಲೆ,
ಸಿಕ್ಕಿರು ಮಕ್ಕ ಈಗ ಕೊರ್ಗನೊಟ್ಟಿಗೆ ಸೇರಿಕಂಡ್ ಸೆಲ್ಪಿ ತೆಕ್ಕಂಡ್  ಕೊರ್ಗನ ನೊಡುಲಿ ನಿಲ್ಸಿಕಂಡ್ ಕುಣ್ದವೆ...., ಆಗನ ಆ ಕೊರ್ಗಜ್ಜನ ಕೊಳಲ್,ಲಿ ಬರುವ ಸ್ಚರ ಉಟ್ಟಲೆ ನಿಮ್ಮ ಈಗನ ಯಾವ ಮ್ಯೂಸಿಕ್ ಡೈರೆಕ್ಟರ್ ಆಗಲಿ ನಿಮ್ಮ ಪ್ರವೀಣ್ ಘೋಡ್ಕಿಂಡಿ ಆಗಲಿ ನುಡ್ಸಿಕೆ ಆಕಿಲೆ, ಅದರ ಒಂದು ಟ್ಯೂನ್ ಅಂತ ಹೇಳ್ವೆ ಅಲ ಅದ್ಕೆ ಅದುವೆ ಸಾಟಿ.....
ನಂಬಿಕೆ ಭಯ ಭಕ್ತಿತೇಳ್ವಂತದ್ ಕಾಲಕೆ ತಕ್ಕಂಗೆ ಕೋಲದ ತರ ಬದಲಾಗ್ತಾ ಉಟ್ಟು...
ಆದಷ್ಟ್ ನಮ್ಮ ಯುವ ಸಮುದಾಯ ನಮ್ಮ ಹಳೆ ಸಂಪ್ರದಾಯ ಪದ್ದತಿಗಳ ಉಳ್ಸುವ ಪ್ರಯತ್ನ ನಮ್ಮ ಕೈಲಾದಷ್ಟ್ ಮಾಡ್ರೆ ಒಳ್ಳದ್..
ಈ ವಿಡಿಯೊನ ಹಿರಿಯವ್ಕೆ  ತೋರ್ಸಿನೋಡಿ., ಎಷ್ಟೋ ಪಂಡ್,ನ ಕೊರಗಜ್ಜನ  ಕತೆಗಳ  ನೀವ್ಗೆ ಹೇಳ್ವೆ....

-ಕಾರ್ತಿ ಪದೇಲ...

Read More
17 55 52 images

ಅತ್ತೆ ಮನೆ ಬಿರಿಯಾನಿ

23 Sep 2017

*ಅತ್ತೆ ಮನೆ ಬಿರಿಯಾನಿ*

  ಸಣ್ಣದಿರಿಕನ ರಜೆ ಬಾತ್ ಹೇಳ್ರೆ ನೆಂಟ್ರ ಮನೆಗೆ ಹೋಕೆ ಒಂದು ವಾರಕ್ಕೆ ಮುಂಚೆನೇ ತಯಾರಿ ನಡೆತ್ತಿತ್. ಕಾಲ ಹೋದಂಗೆ ನೆಂಟ್ರ ಮನೆಗೆ ಹೋದು ಬುಡಿ ನೆಂಟ್ರ ನೆನ್ಸಿಕೂ ಪುರ್ಸೊತ್ತಿಲ್ಲೆ. ಸುಮಾರ್ 7-8 ವರ್ಷ ಆದ ಮೇಲೆ ಅತ್ತೆ ಮನೆಗೆ ಹೋಗುವ ಸುಯೋಗ ಬಾತ್. ಬಾವನು ಕಾಲೇಜ್ ಮುಗ್ಸಿ ಮನೇಲಿ ಇತ್. ಅಂತೂ ನಾ,ತಂಗೇ, ಅಮ್ಮ ಬಾವನಲ್ಲಿಗೆ ಹೋದ ಅಪರೂಪಕ್ಕೆ ನಮ್ಮ ನೋಡಿ ಖುಷಿ ಅತ್. ಕಷ್ಟ-ಸುಖ ಮಾತಾಡಿ ಅದ ಮೇಲೆ ನಾ, ತಂಗೇ, ಬಾವ ಪಟ್ಟಾಂಗ ಹಾಕಿಕೊಂಡು ಕುದ್ದೊ ಅಷ್ಟಾಕನ ಬಾವ ಹೇಳ್ತ್, "ನಾಳೆ ಬಿರಿಯಾನಿ ಮಾಡೂಮು ನೀವ್ ಮಾಡೊಕು ಏನ್ ಮಾಡ್ರೆ ಗೊತ್ಲೇ" ತ ಹೇಳ್ತ್. ಮಾರನೇ ದಿನ ಬಿರಿಯಾನಿ ಮಾಡಿಕೆ ಏನೆಲ್ಲಾ ಬೇಕು ಅದ್ರ ಬರ್ದ್ ಕೊಟ್ಟೊ. ಭಾವ ಅಂಗಡಿಗೆ ಹೋಗಿ ತಕಂಡ್ ಬಾತ್.ಇದ್ರ ಮಾವ ನೋಡಿ ಸೊಸೆಕ ಬಿರಿಯಾನಿ ಮಾಡ್ವೆತ ಭಾರಿ ಖುಷಿಲಿ ಹಕ್ಕಲೆ ಮನೆಯವರ ಪೂರ ಕತ್ತಲೆಗೆ ನಮ್ಮಲ್ಲಿಗೆ ಊಟಕ್ಕೆ ಬರೋಕುತ ಕರ್ದೇ ಬುಟ್ಟೊ. ನಾವ್ ಇಷ್ಟರವರೆಗೆ ಬಿರಿಯಾನಿ ಮಾಡ್ದವ್ ಅಲ್ಲ. ನಂಗೂ ತಂಗೇಗು ಚೂರು ಮಂಡೆ ಬೆಚ್ಚ ಸುರಾತ್. ಆಗ ನಾ ಹೇಳ್ದೆ "ಮೊನ್ನೆ ಚಂದ್ರ ಮಾವನಲ್ಲಿ ಅತ್ತೆ ಬಿರಿಯಾನಿ ಮಾಡಿದ್ದೋ ಭಾರೀ ಲಾಯ್ಕ್ ಆಗಿತ್ ತ, ಅಷ್ಟಾಕನ ತಂಗೇ ಆ ಅತ್ತೆನ ಮಾರ್ಗದರ್ಶನ ತಕನೋಮುತ ರಪ್ಪ ಪೋನ್ ಮಾಡ್ತ್ ಅತ್ತೆ ಪಟ ಪಟತ ಹೇಳ್ದ ಇವ್ಳು ಹ್ಮ್.. ಹ್ಮ್..ತ ತಲೆಯಾಡಿಸಿತ್. ಸರಿ ಇನ್ನೆಂತಕೆ ಕಾಯೋದುತ ನಾವ್ ಇಬ್ಬೊರೆ ಸೇರಿ ಬಿರಿಯಾನಿ ಮಾಡಿಕೆ ಸುರು ಮಾಡ್ಡೋ.

   ಅತ್ತೆ ಹೆಳ್ದ್ಂಗೆ ಎಲ್ಲ ಮಾಡಿ ಕುಕ್ಕರ್ ಲಿ ಬೇಯಕೆ ಇಸಿದೊ. ಬಾವ ಆಗಾಗ ಬಂದ್ ಆತ ? ಆತ? ಕೇಳ್ತ್ತಿತ್. ಕಡೆಗೂ ವಿಶಿಲ್ ಆಗಿ ಗ್ಯಾಸ್ ಹೋದ ಮೇಲೆ ಇದ್ದ ದೇವರ ಪೂರ ನೆನ್ಸಿಕಂಡ್ ಪರೀಕ್ಷೆನ ರಿಸಲ್ಟ್ ನೋಡುವಷ್ಟು ಹೆದ್ರಿಕೆಲೇ ಮುಚ್ಚಳ ತೆಗ್ದೂ ನೋಡ್ರೆ ನೀರ್ ಹನೀಸ್ ಜಾಸ್ತಿ ಆಗಿತ್. ಇನ್ ಎಂತ ಮಾಡಿಕಾದ್ಲೆ ಚಣಿಯಕನ ಸರಿ ಆದುತ ಮುಚ್ಚಿ ತೆಗ್ದ್ ಇಸಿದೊ. ಆಗಲೇ ಸುಮಾರ್ 8-30 ಆಗಿತ್ ನೆಂಟ್ರ ಸುದ್ದಿ ಇತ್ಲೇ ಇನ್ ಯಾರ್ ಬಾಕಿಲೆ ನಾವೇಲತ ಸಮಾಧಾನ ಮಾಡಿಕಂಡ. ಅಷ್ಟಾಕನ ಹಕ್ಕಲೆ ಮನೆಯವ್ ಪೂರ ಮರಿ-ಮಕ್ಕಳ ಕರ್ಕಂಡ್ ಬಂದೇ ಬುಟ್ಟೊ. ನಾ ಬಾವನ ಒಳಗೆ ಕರ್ದ್ ಹೇಳ್ದೆ " ಎಂತ ಮಾರಾಯಾ ಈ ಸರ್ತಿ ಮರ್ಯಾದೆ ಹೋದೆನಾತ ?? ". ಅವಹೇಳ್ತ್ ಏನಾಕಿಲೆ ನೀ ಹೆದ್ರ್ ಬೇಡ ಅದ್ರನೆ ಇಕ್ಕೊಮು ಅಂತ. ನೆಂಟ್ರು ಊಟಕ್ಕೆ ಕುದ್ದೋ ಬಾವ ಅವನೇ ಹೋಗಿ ಇಕ್ಕಿತ್ .

  ನಾ ಕೋಣೆಲಿ ಹೋಗಿ ಕುದ್ದೆ ಈ ಸಲ ಮರ್ಯಾದಿ ಹೋದೆ ಅಂತ ಅವು ಕೇಳ್ದ ಯಾರ್ ಬಿರಿಯಾನಿ ಮಾಡ್ದ್ ಲಾಯ್ಕ್ ಆವ್ಟ್ ತ. ಆಗ ಚೂರು ನೆಮ್ಮದಿ ಆತ್ ಮರ್ಯಾದೆ ಒಳ್ತ್ ಅಂತ. ಕೊನೆಗೂ ಬಾವ ವಾಟ್ಸಾಪ್ ಸ್ಟೋರಿ ಲಿ, ಫೋಟೋ ಸಮೇತ " cousin's made yummy " ತ ಹಾಕಿನೇ ಬುಟ್ಟತ್ . ✏ತ್ರಯೀ ಪರಮಲೆ.

Read More