Images

ಜಾಲಿ ರೈಡ್

   ಸುಮಾರ್ ಒಂದ್ ವರ್ಷ ಆಗಿರ್ದೂಂತ ಕಂಡದೆ, ಊರ್‍ಂದ ಭರತ ಫೋನ್ ಮಾಡ್‍ದಂವ ಚೋಮುಣಿನ ನೋಡಿಯೋಳನಾಂತ ಕೇಳ್ತ್. ಯಾರ್ ಆ ಕೊಲ್ಲ ಚೋಮುಣಿಯಾಂತ ನಾನ್ ಕೇಳ್ದೆ. ಕೊಲ್ಲನೊ, ಮಲ್ಲನೊ ನೀನ್ ಈಗ ಅಂವನ ನೋಡಿ ನಂಗೆ ಫೋನ್ ಮಾಡ್‍ತ ಹೇಳ್ದಂವ ಪೋನ್‍ನ ಮಡ್‍ಗಿಯೇ ಬುಡ್ತ್.

   ಊರ್‍ಲಿ ಸಲ್ಪ ಮಕ್ಕ ಇದ್ದವೆ. ಅವ್ ಹಳೇ ಡಬ್ಬಿ, ಆಣಿ, ಬ್ಯಾಟರಿ, ಮುಟ್ಟಿ ತಕಂಡ್ ಏನೇನೊ ಕೈಗಾರಿಕೆ ಮಾಡ್ತಾ ಇದ್ದವೆ. ನಿಜ ಹೇಳೊಕರೆ ಅವ್ಕೆ ಒಂದ್ ವಿಶೇಷ ಕಲೆನ ದೇವ್ರ್ ಕೊಟ್ಟಿದ್ದದೆ. ಅಪ್ಪ ಅಮ್ಮ ಅಂವ ಎಂತದೋ ಕೊಲ್ಲ ಕೆಲ್ಸ ಮಾಡ್ತಾ ಉಟ್ಟುತೇಳಿ ಉದಾಸೀನ ಮಾಡುವೆ. ಆ ಪೈಕಿಲಿ ನಮ್ಮ ಚೋಮುಣಿಯು ಒಬ್ಬ!

   ಅಂದ್ ಸೋಮಾರ, ಪ್ಯಾಲೇಸ್ ಗ್ರೌಂಡ್‍ಲಿ, ಜೀವನಲಿ ಮುಂದೆ ಬಂದ ಉದ್ಯಮಿಗಳ್ಗೆ ಸನ್ಮಾನ ಮಾಡುವ ಕಾರ್ಯಕ್ರಮ ಇದ್ದದೆ. ಚೋಮುಣಿ ಆ ಉದ್ಯಮಿಗಳ್ಲಿ ಒಬ್ಬಾಂತ ಬ್ಯಾನರ್ ನೋಡಿ ತಿಳ್ಕಂಡೆ. ಅಲ್ಲಿಗೆ ತಲ್ಪಿಕನ ಕುರ್ಚಿಗೆಲ್ಲಾ ಭರ್ತಿಯಾಗಿ ನಿಲ್ಲಿಕೆ ಸತ ಜಾಗ ಇಲ್ಲದಂಗೆ ಜನಗ ತುಂಬಿದ್ದೊ. ನಾನ್ ಒಂದ್ ಬರೀಲಿ ನಿತ್ಕಂಡೆ. ನನ್ನ ಅದೃಷ್ಟಕ್ಕೆ ಅಲ್ಲಿಗೆ ಬರುವ ವಿಐಪಿಗೆಲ್ಲ ಕಾರ್‍ಂದ ಅಲ್ಲೇ ಇಳೀತ್ತಾ ಇದ್ದೊ.

   ನನ್ನ ಗ್ಯಾನ ಸುಮಾರ್ ನಲ್ವತ್ ವರ್ಷಗಳ ಹಿಂದೆ ಹೋದೆ. ಅಂದ್ ಬೆಳಿಗ್ಗೆ ನಾನ್ ಕುಕ್ಕೆಲಿ ಸಗಣಿ ಗೊಬ್ಬರನ ಹೊತ್ಕಂಡ್ ಕಲ್ಲು ಕ್ವಾರಿ ಬರೀಲಿ ತೋಟಕ್ಕೆ ಹೋಗ್ತಾ ಇದ್ದೆ. ನಮ್ಮ ಚೋಮುಣಿದ್ ಮನೆ ಬೆಟ್ಟದ ಮೇಲೆ ಇತ್ತ್. ನನ್ನ ಕಂಡಂಗೆ ಚೋಮುಣಿ ಮನೆಗೆ ಕರ್ತ್. ಮೈಕೈ ಎಲ್ಲಾ ಬೆವ್ರಿತ್ತ್. ಆ ಕಡೆ ಈ ಕಡೆ ಎರ್ಡ್ ಚಕ್ರಗಳ ತರ ಕೆತ್ತಿದ ಕಲ್ಗ, ಅದರ ಮದ್ಯ ಗುದ್ದಲಿ ಕಾವುನ ಸಿಕ್ಕಿಸಿ ಆಪು ಹಾಕಿ, ಮೇಲೆ ಎತ್ತುದು, ಕೆಳ್ಗೆ ಇಳ್ಸುದೂ ಮಾಡ್ತಾ ಇತ್ತ್! ಜಗುಲಿಲಿ ಪಾಠ ಪುಸ್ತಕಗ ಚೋಮುಣಿಗೆ ಪಾರ ಕಾಯ್ತಾ ಇದ್ದೊ! ಸ್ವಾಮಿ ವಿವೇಕಾನಂದ ಹೇಳ್ದ “ಕಬ್ಬಿಣದ ಮಾಸಖಂಡ, ಸ್ಟೀಲ್‍ದ್ ನರ, ಮಿಂಚ್‍ನ ಮನ್ಸ್” ನ ಪಡಿಯುವ ಕಸರತ್ ಇದ್‍ತ ಚೋಮುಣಿ ನೆಗಾಡಿಕಂಡ್ ಹೇಳ್‍ದಂವ ರಟ್ಟೆನ ಮುಟ್ಟಿಕೆ ಹೇಳ್ತ್. ಹೌದು! ರಟ್ಟೆ ಕಲ್ಲ್ ತರ ಗಟ್ಟಿ ಇತ್ತ್. ಕೈನ ಪುಂಡಿ ಮಾಡಿ ಅಮ್ಮುರಿಸಿ ಹಿಡ್ಕಾಂತ ಹೇಳ್ದೆ. ನರಗ ಮೇಲೆ ಎದ್ದ್ ಅಂವನ ರಟ್ಟೆ ನಮ್ಮ ಗೂಳಿ ಎತ್ತ್ ಕರಿಯನ ಭುಜ ತರ ಎದ್ದ್ ಕಾಣ್ತಾ ಇತ್ತ್. ಮಿಂಚ್‍ನಂತ ಮನ್ಸ್‍ನ ಹೆಂಗೆ ನೋಡ್ದು!


   ನನ್ನ ಮುಂದೆ ಒಂದ್ ಮರ್ಸಿಡಿಸ್ ಬೆನ್ಜ್ ಕಾರ್ ನಿಲ್ಲಿಕನ ನಾನ್ ನಲ್ವತ್ ವರ್ಷ ಕೆಳಗೆಂದ ಒಂದೇ ಗಳಿಗೆಲಿ ಮೇಲೆ ಬಂದ್ ಬುಟ್ಟೆ! ಕಾರ್‍ಂದ ಇಳಿತ್ತಾ ಇದ್ದ ಚೋಮುಣಿದ್, ಅದೇ ಶೂರನತರ ಸರೀರ, ಬೆರ್ಳ್ ತೋರ್ಸಿರೆ ಕೈನ ನುಂಗಿ ಬುಡುವೆ ತೇಳುವ ಆತ್ಮ ವಿಶ್ವಾಸದ ನೋಡಾಟ! ಅಂವ ಆ ಮಟ್ಟಕ್ಕೆ ಏrರ್ದ್‍ನ ನೋಡಿಕನ ಅವಂನೊಳಗೆ ಇರ್ವ ಮಿಂಚ್‍ನಂತ ಮನ್ಸ್‍ನ ಪ್ರಭಾವ ಆಗಳೇ ನಂಗೆ ಗೊತ್ತಾಗೋತ್! 
ಕಬ್ಬಿಣದ ಮಾಸಖಂಡಗ, ಸ್ಟೀಲ್‍ನ ನರಗ, ಮತ್ತೆ ಮಿಂಚ್‍ನ ಮನ್ಸ್‍ನ ಪ್ರತಿಯೊಬ್ಬ ಯುವಕರೂ ಪಡ್ದಿರಕ್ಕೂಂತ ಬೇರೆ ಯಾರೋ ಹೇಳಿದ್ದಿದ್ದರೆ ಈ ಮಾತ್ ಪುಸ್ತಕದ ಬದ್ನೆ ಕಾಯಿ, ಗೈಪು ಮಾಡಿಕೆ ಆದುಲ್ಲೆಂತ ಬಿಸಾಡಿಬುಡಕ್ಕಾಗಿತ್. ಯಾರ ಹೆಸ್ರ್ ಕೇಳಿಕನ ಮೈಲಿ ಮಿಂಚ್ ಬಂದದೆಯೋ ಆ ವೀರ ನರೇಂದ್ರ, ಶ್ರೀರಾಮಕೃಷ್ಣ ಪರಮಹಂಸರ ಪ್ರೀತಿಯ ಶಿಷ್ಯ, ಸ್ವಾಮಿ ವಿವೇಕಾನಂದ ಅವರ ಬಾಯಿಂದ ಬಂದ ಮಾತ್ ಇದ್. ಆ ಮಾತ್‍ಗೆ ಕಣ್ಣು ಮುಂದೆ ಇದ್ದ ಚೋಮುಣಿಯೇ ಸಾಕ್ಸಿ!

    ಕಬ್ಬಿಣದ ಮಾಸಖಂಡಗ, ಸ್ಟೀಲ್‍ನ ನರಗ, ಮತ್ತೆ ಮಿಂಚ್‍ನ ಮನ್ಸ್ ಪಡಿಯುವ ಗುಟ್ಟುನ, ಸ್ವಾಮಿ ವಿವೇಕಾನಂದ ಒಂದ್ ಪುಸ್ತಕಲಿ ರಟ್ಟು ಮಾಡಿಯೋಳೊ! ಅದ್ ಹೈಸ್ಕೂಲ್ ಮಟ್ಟದ ವಿಧ್ಯೆ! ಅದರ್ನ ಕಲಿಯಕ್ಕಿಂತ ಮುಂದೆ, ಮಿಡ್ಲ್ ಸ್ಕೂಲ್ ವಿಧ್ಯೆನ ಕಲಿಯಕು! ಇದ್ ತುಂಬಾ ಸುಲ್ಬದ ಕೆಲ್ಸ! ಸಾಲೆಲಿ ಪೀಟಿ ಮಾಸ್ಟ್ ಕಲ್ಸುವಂತ ವ್ಯಾಯಾಮನ ಮನೆಲಿ ದಿನಾ ಬೆಳ್ಗೆ ಎದ್ದಂಗೆ ಅರ್ಧ ಗಂಟೆ ಅಭ್ಯಾಸ ಮಾಡೋಕು. ನೆನ್ನೆ ಮಾಡ್ದ ಪಾಠನ ಅರ್ಧ ಗಂಟೆ ಓದಿ, ಓದಿದ ಪಾಠನ ಒಂದ್ ಗಂಟೆ ಕುದ್ಕಂಡ್ ಗ್ಯಾನ ಮಾಡಿರೆ ಆ ಪಾಠ ತಲೆಲಿ ನಿಲ್ಲುದರ ಜೊತೆಗೆ ಮನ್ಸುಗೆ ಏಕಾಗ್ರತೆ ಸಿಕ್ಕಿದೆ. 

   ನಾವು ಊಟ ಮಾಡುದ್ರ್‍ಂದ ನಮ್ಗೆ ನೂರಕ್ಕೆ ಇಪ್ಪತ್ತ್ ಬಾಗ ಮಾತ್ರ ಶಕ್ತಿ ಬಂದದೆ. ಬಾಕಿ ನೂರಕ್ಕೆ ಎಂಬತ್ತ್ ಬಾಗ ಸುಮ್ಮನೆ ಫ್ರೀಯಾಗಿ ಸಿಕ್ಕಿದೆ. ಸೂರ್ಯ, ಚಂದ್ರ, ನಕ್ಷತ್ರ ಮತ್ತೆ ಗ್ರಹಗಳ್‍ಂದ ಆ ಎಂಬತ್ತ್ ಬಾಗ ಶಕ್ತಿ ಬಂದದೆ. ಈ ಶಕ್ತಿ ಸೂರ್ಯ ಹುಟ್ಟವ ಸಮಯಲಿ ರಭಸಂದ ಬರ್ತಾ ಇದ್ದದೆ. ಯೋಗ ವಿಧ್ಯೆಲಿ ಆಜ್ಞಾ ಚಕ್ರದ ಸಂಗತಿನ ಹೇಳುವೆ. ವಿಜ್ಞಾನಲಿ ಈ ಚಕ್ರದ ಹೆಸ್ರ್ ಪಿಟ್ಯೂಟರಿ ಗ್ರಂಥಿ. ಆಜ್ಞಾ ಚಕ್ರ ಬೆಳಿಗ್ಗೆ ರಭಸಂದ ಬರುವ ಸೂರ್ಯನ ಶಕ್ತಿನ ಹೀರಿಕಂಡ್ ಎಲ್ಲಾ ಮೇದೊಜೀರಕ ಗ್ರಂಥಿಗ ರಸನ ಸುರ್ಸುವಂಗೆ ಮಾಡ್ದೆ, ಆ ರಸಂದ ಉತ್ಪತ್ತಿ ಆದ ಶಕ್ತಿ ಎಲ್ಲಾ ಜೀವಕೋಶಗಳ ಒಳಗೆ ಸೇರಿಕಂಡ್ ಇಡೀ ಸರೀರ ಮತ್ತೆ ಮನ್ಸ್ ಚುರುಕ್ಕಾದವೆ. ಮಿಡ್ಲ್ ಸ್ಕೂಲ್ ವಿದ್ಧ್ಯೆಗೆ ಬಂಡವಾಳ, ದಿನಾ ಬೆಳಿಗ್ಗೆ ಕೋಳಿ ಕೂಂಗುವ ಹೊತ್ತಿಗೆ ಎದ್ದ್ ಎರ್ಡ್ ಗಂಟೆ ಪೀಟಿ, ಪಾಠನ ಅಭ್ಯಾಸ ಮಾಡುದು!. 

   ಬಾಗಿ ಗೂಡೆಗೆ ಅವ್‍ಳ ಅಮ್ಮ ಮಸ್ರ್ ಕೊಟ್ಟ್ ಮಜ್ಜಿಗೆ ಮಾಡಿ ಬೆಣ್ಣೆ ತೆಗಿಯಕೆ ಹೇಳ್ದೆ. ಬಾಗಿಗೆ ಮಜ್ಜಿಗೆ ಕಡಿಯದ್ ಗೊತ್ತಿತ್ಲೆ.  ಅಮ್ಮನ ಕೇಳಿಕೆ ನಾಚಿಗೆ!. ಅವ್ಳ್ ಮಸ್ರ್‍ನ ಒಂದ್  ಡಬ್ಬಲಿ ಹಾಕಂಡ್ ಅವ್‍ಳ ಚಿಲ್ಕಿ ಆಟದ ಸ್ನೇಹಿತೆ ಪದ್ಮನ ಕೇಳಿ ತಿಳ್ಕಣಿಕೆ ಅವ್ಳ ಮನೆಗೆ ನಡ್ಕಂಡ್ ಹೋದೆ. ಅಲ್ಲಿ ಹೋದವ್ಳ್ ಡಬ್ಬದ ಮುಚ್ಚಳ ತೆಗ್ದ್ ನೋಡ್ದೆ ಮಸ್ರ್ ಮಜ್ಜಿಗೆ ಆಗಿ ಬೆಣ್ಣೆ ತೇಲ್ತಾ ಇದ್ದದೆ. ಅವ್ಳ್ ನಡ್ಕಂಡ್ ಹೋಕನ ಡಬ್ಬ ಅಲ್ಲಾಡಿ ಅಲ್ಲಾಡಿ ಮಸ್ರ್ ಮಜ್ಜಿಗೆ ಆಗಿದ್ದದೆ!

    ಒಂದ್ ಒಳ್ಳೆ ಕೆಲ್ಸ ಆಕೂತೇಳಿರೆ ಆ ಕೆಲ್ಸನ ಸರಿಯಾದ ಸಮಯಲಿ ಸುರುಮಾಡಿ, ಕೆಲ್ಸದ ಮೇಲೆ ಶ್ರಧ್ಧೆ ಮಡ್ಗಿ, ಪ್ರಯತ್ನ ಹಾಕಿರೆ, ಮುಂದಕ್ಕೆ ದೇವ್ರೇ ದಾರಿ ತೋರ್ಸಿದೆ!  ಮಕ್ಕ ಮಿಡ್ಲ್ ಸ್ಕೂಲ್ ವಿದ್ಧ್ಯೆನ ಸಾಧನೆ ಮಾಡಿಕೆ ಸಲ್ಪ ಸಮಯ ಕೊಟ್ಟರೆ, ಬಾಗಿದ್ ಮಸ್ರ್ ಮಜ್ಜಿಗೆ ಅದಂಗೆ, ದೇವ್ರೆ ಹೈಸ್ಕೂಲ್ ವಿದ್ಧ್ಯೆನ ದಯಪಾಲಿಸಿದೆ! ಹೆಂಗೆ ಹೆಲಿಕಾಪ್ಟರ್, ಟೇಕ್‍ಅಪ್ ಆಕೆ ಸಲ್ಪ ಹೊತ್ತ್ ತಕಂಡ್, ಮೇಲೆ ಹೋದಮೇಲೆ ಆರಾಮಾಗಿ ಗಾಳಿಲಿ ಹಾರ್ತಾ ಇದ್ದದೆ, ಹಂಗೆ ಹೈಸ್ಕೂಲ್ ವಿದ್ಧ್ಯೆನ ಸಿದ್ಧಿಸಿಕಂಡ್ ಜೀವನದ ಹೆಲಿಕಾಪ್ಟರ್‍ನ ಟೇಕ್‍ಅಪ್ ಮಾಡ್ಸಿಬುಟ್ಟರೆ, ಮುಂದೆದ್ ಜೀವನ ಎಲ್ಲಾ ಜಾಲಿ ರೈಡೇ!!

Comments

Img 20180224 110916
Chengappa Thank you Vikhyath
about 2 years ago
Img 20180224 110916
Chengappa Thank you Kiran
about 2 years ago
20171112 110827
Vikhyath Very nice
about 2 years ago
470
Kiran Kumbalacheri ಸೂಪರ್ ಅಣ್ಣಾ,,,,
about 2 years ago

Other articles

Talking

ಅರೆಬಾಷೆ ಗಾದೆಗ

12 Jul 2017

ಇಚ್ಚೆ ಇಲ್ಲದ ಗಂಡಂಗೆ ಮೊಸರಲ್ಲಿ ಕಲ್ಲ್.

ಉಂಬೊದು ರಾಗಿ ಅಂಬಿಲಿ, ಮೀಸೆ ಮೇಲೆ ಸಣ್ಣಕ್ಕಿ ಅನ್ನ.

ಉಂಡ ಮನೆಗೆ ಗುಂಡು ಹೊಡಿವಂವ

ಉದೂದು ಪುರಾಣ ಹಾಕೊದು ಗಾಣ.

ಎಲಿಮೇಲೆ ಸಿಟ್ಟಿಲಿ ಮನೆ ಸುಟ್ಟಂಗೆ.

ಕೇರೆ ತಿಂಬ ಊರಿಗೆ ಹೋದರೆ ನಡು ತುಂಡು ತಿನ್ನೊಕು.

ಗಂಡಸರ ಕೈಲಿ ಕೂಸು ನಿಲ್ಲಿಕಿಲೆ
ಹೆಂಗ್ ಸರ ಬಾಯಿಲಿ ಮಾತು ನಿಲ್ಲಿಕಿಲೆ.

ಕೊಂದ ಕೈಗೆ ಕೊಲೆ ಹೆಚ್ಚ್,
ತಿಂದ ಬಾಯಿಗೆ ಸಾರ್ ಹೆಚ್ಚ್.

Read More
Choma

ಚೋಮ‌.. (ಆ ದಿನಗಳು)

16 May 2018

ಎಷ್ಟೇ ಡಿಗ್ರಿ , ಮಾಸ್ಟರ್ ಸ್ ಓದಿರೂ ಲೈಫ್ ಲಿ  ನಾವುಗೆ ನಿಜವಾದ ಪಾಠ ಕಳ್ಸುದು ಯಾಗೋಳು ಪ್ರಕೃತಿ... 
          ನೀವುಗೆ ನಮ್ಮ ಚೋಮನ ಬಗ್ಗೆ ಹೇಳುಕು‌. ಅವ ಒಂಥರಾ ಸಕಲಕಲಾ ಒಲ್ಲಭ. ಅವಂಗೆ ಗೊತ್ತಿಲ್ಲದ ಕೆಲ್ಸ ಇಲ್ಲೆ. ಗೊತ್ತಿಲ್ಲದ ವಿದ್ಯೆ ಇಲ್ಲೆ. ನಮ್ಮ ಮನೆಲಿ ಅಂಥೂ ಯಾವ ಚಾಳೆ ಯಾಗ ನೆಟ್ಟದ್, ಯಾವ ದನ ಎಷ್ಟು ಕರು ಹಾಕಿಟು, ಯಾವ ಕಮ್ಮುಗೆ  (ಅಡಿಕೆ ಮರ) ಎಷ್ಟು ಪ್ರಾಯ ಎಲ್ಲ exact ಆಗಿ ಹೇಳ್ದೆ. ಅಡಿಕೆಗೆ ಮದ್ದ್ ಬುಡಿಕೆ ಹಿಡದರಿಂದ ಅಡಿಕೆ ತೆಗೆಕೆ ಅವನೇ ಆಕು...ಅದ್ ಎಷ್ಟೇ ಎತ್ತರದ ಕಮ್ಮು, ಚಾಳೆ ಇರ್ಲಿ ಹತ್ತಿ ತೆಗೆತಾ ಇತ್ತ್. ಒಂದು ಹಣ್ಯ ಒಳಗೆ ಹೋದರಂತೂ ಬಾರಿ ಲಾಯ್ಕ್ ಇಂಗ್ಲಿಷ್ , ಹಿಂದಿ ಮಾತಾಡಿದೆ.

         ಬೊಳ್ಪ್ಂದ ಹಿಂಬೊತ್ ಮುಟ್ಟ ಕೆಲ್ಸ ಆದರೆ, ಆಮೇಲೆ , ಗಾಳ ಹಾಕುದು, ಮಿನ್ ಕಡೆಕೆ ಹೋದು, ಮೊಲಕೆ ಉರ್ಲು ಇಸುದು ಇದೇ ಆತ್. ಹಳ್ಳಕ್ಕೆ ತೋಟೆ ಹಾಕುದರ್ಲಿ ಎತ್ತಿದ ಕೈ, ತೋಟೆ ಹಾಕಿ ಮುಳುಗಿ ಮೀನ್ ಹೆಕ್ಕಿ ನಮ್ಮ ಕಡೆ ಬಿಸಡ್ತಾ ಇದ್ದರೆ, ಅದರ ಹೆಕ್ಕುದೇ ಒಂದು ಖುಸಿ.ಮಳೆಗಾಲಿ ಉಬರ್ ಮೀನ್ ಹಿಡಿಯೋದು ಬಾರಿ ಲಾಯ್ಕ್. ಅವನೇ ಮಾಡ್ದ ಕೂಳಿ( ಕೂರಿ)ನ ತೋಡುಗೆ ಅಡ್ಡ ಕಟ್ಟಿ , ಕೂರಿ ಇಸಿ, ಮೀನು ಹಿಡೆದು ಒಂದು ಸಾಹಸನೆ. ಘಂಟೆ ಗೊಮ್ಮೆ ಅದರ ಹೋಗಿ ನೋಡಿ ಮೀನು ತಾದು, ಉಬರ್ ಮೀನ್ ಗೈಪು, ರೊಟ್ಟಿ ..Yemmyy. ಒಳ್ಳ ಮಳೆ ಬಾಕನ ಅದೆಷ್ಟು ಕೂರಿಗ ಬೊಳ್ಳ    ಹೋಗುಟೋ?...    
  
        ಸಾಲೆ, ಕಾಲೇಜ್ ರಜಾ ದಿನಲಿ ಅವನ ಜೊತೆ ಇರ್ತಾ ಇದ್ದೆ. ಗೇರ್ ಬೀಜದ ಸಮಯಲಿ ಗುಡ್ಡೆಗೆ ಬೀಜ ಕೊಯ್ಯಕೆ ಹೋವ ಮಜಾ ಬೇರೇನೆ. ಬೀಜ ಕೊಯ್ಯದ ಮೇಲೆ ಹಣ್ಣ್ ನ ಬೇರೆ ಮಾಡ್ದು, ಅಮೇಲೆ  ಅದೇಕೋ ಸಾಲೆ, ಕಾಲೇಜ್ ಲಿ ಭಟ್ಟಿಇಳಿಸುವಿಕೆ ಬಗ್ಗೆ ಎಷ್ಟೇ ಹೇಳಿರೂ ಅರ್ಥ ಆಗದರ, ಬೀಜದ್ (ಗೇರುಹಣ್ಣು) ಕಾಸ್ ಕನ ಬರೀ ಸುಲಭಲಿ ಅರ್ಥ ಮಾಡ್ಸಿತ್. ಬೀಜದ್ ಕಾಸಿ ಬಂದ ಜಾನಪದ ಕಷಾಯ , ಅದರ ರುಚಿ , ಕಿಚ್ಚಿಗೆ ಮುಟ್ಟಿಸಿ ಅದರ ಪವರ್ ನೋಡೋ ರೀತಿ ಬಾರಿ ಲಾಯ್ಕ್....ಬೀಜದ್ ಮುಗ್ದ ಮೇಲೆ ಹಲಸಿನ ಹಣ್ಣ್ , ಬಾಳೆ ಹಣ್ಣ್ , ಎಲ್ಲಾ ಕಾಸುದೇ ಕೆಲ್ಸ.ಕಾಡ್ ಮಾಯಿನ ಹಣ್ಣ್ ತಿಂದದಕೆ ಲೆಕ್ಕ ಇಲ್ಲೆ.ಚಂಡ್ರ್ ಪುಳಿ, ಮಾಂಬಳ ಅಹಾ!! ಬಾಯಿಲಿ ನೀರ್ ಅರ್ದದೆ. ಮನೆಲಿ ಮಾಡ್ದ ಹಪ್ಪಳ, ಮಳೆ ಬಾಕನ ಹಪ್ಪಳ, ಬೀಜ ಕಿಚ್ಚಾಕುದು ಎಲ್ಲಾ Supper.

      ಸುಮ್ಮನೆ ಕುದ್ದ್ ಕಂಡ ಇದ್ದವನ  ಕೈಗೆ ಬೆಡಿ ಕೊಟ್ಟು ಧನಿ ಬೇಟೆ ಪೋಯಿ ಅಂಥ ಕರಕಂಡ್ ಹೋತ್
ಅವನೋ ಯಾವುದೇ ಶಾರ್ಪ್ ಶೂಟರಗೆ ಕಡಿಮೆ ಇಲ್ಲೆ. ಒಲಿಂಪಿಕ್ ಗೆ ಕರ್ ಕಂಡ್ ಹೋದರೆ ಶೂಟಿಂಗ್ ಗೋಲ್ಡ್ ಮೆಡಲ್ ಎಲ್ಲ ಇವಂಗೆ.ಕಾಡ್ ಲಿ ಅವನ activity, ಕಾಡು ಮೃಗಗಳ ಬಗ್ಗೆಗಿನ ಜ್ಞಾನ. Great. ಅವ ಬೆಡಿ ತಕಂಡ್ ಹೊರ್ಟರೆ ಬರೀ ಕೈಲಿ ಬಂದದೇ ಇಲ್ಲೆ. ಒಮ್ಮೆ ಕಾಡ್ ಮಾಸದ ರುಚಿ ಸಿಕ್ಕದ ಮೇಲೆ ಬುಟ್ಟದೆನ.ಹೆಚ್ಚಾದರೆ ಉಪ್ಪಣ ಅಷ್ಟೇ. 

       ಇನ್ನ್ ಕೋಳಿಕಟ್ಟಕ್ಕೆ ಬಂದರೆ ಎತ್ತಿದ ಕೈ. ಯಾವ ಜಾತಿ ಕೋಳಿಗೆ ಯಾವುದು ಕಟ್ಟೊಕು, (ಬೆಳ್ಳೆ, ಕರ್ಬೊಳ್ಳೆ)ಯಾವ ದಿನ ಯಾವ ಕೋಳಿ ಕಾದದೆ ಎಲ್ಲದರಲ್ಲೂ ಮಾಸ್ಟರ್. ಬಾಳ್ ಕಟ್ಟುದರಂದ ಹಿಡಿದ್ ಕೋಳಿ ಬುಡ್ದ್ ಎಲ್ಲಾ ಅವನೇ.ಕೋಳಿ ಕಟ್ಟ ಒಂದು ಹಬ್ಬನೇ.ಅಮೇಲೆ ಕೋಳಿ ಸಿಕ್ರೆ ಅದರ ಚೊಲ್ಲಿಕೊಟ್ಟು ಹೊಕ್ತಾ ಇತ್ತ್. ಅವ ದುಡಿ(ಚಂಡೆ) ಬಾರಿಸ್ತಾ ಇದ್ದರೆ ಅದರ ಕೇಳಿಕೆ ಬಾರಿ ಲಾಯ್ಕ್.
      
   ಹಿಂಗೆ ಪ್ರತಿ ಒಂದರ enjoy ಮಾಡ್ತಾ ಇದ್ದ ಕಾಲ ಅದ್.
ಆದರೆ ಈಗಿನ mechanical life ಬೇರೆ. ಎಲ್ಲ Mobile ಲಿ ಇಡೀ ಜೀವನ ಆತ್. Mobileಲಿ ಗಾಳ ಹಾಕುದು, ಅದರಲ್ಲಿ Shoot ಮಾಡ್ದು,ಅದರಲ್ಲಿ ಕ್ರಿಕೇಟ್ ಆಡ್ದು, ಮೈದಾನ, ಗದ್ದೆಲಿ ಆಡಿಕೆ ಪುರ್ಸೊತ್ತ್ ಇಲ್ಲೆ. ಒಂದು ಜಾತ್ರೆ ಇಲ್ಲೆ, ದೆವ್ವ ಇಲ್ಲೆ, ಕೋಳಿ ಕಟ್ಟ, ಕಂಬಳ ಮುಂದೇ ಇಲ್ಲೆ. ಆಗ ಮಳೆ ಬಾಕನ ಅಡಿಕೆ, ಬೀಜ,   ಪೂಜೋ ಗೌಜಿ,  ಮಳೆಲಿ ಆಡೋ ಖುಸಿ , ಈಗ Wow.. Its Raining Status ಹಾಕೊ ಖುಸಿ.

ಲೈಫ್ Full Power bank Charge ಮಾಡ್ದು ಅದರಿಂದ Mobile Charge ಮಾಡ್ದೇ ಆತ್....

Read More
Hazel regrowth

ಬುಡ ಚಿಗ್ ರ್ದ ಹೊತ್ತ್….

03 Oct 2017

  "ಇಂದನೇ ಬೇಬಿ.... ಅಣ್ಣುನ ಫೋನ್... ಅಮೇರಿಕಾಂದ... ನಿನ್ನೊಟ್ಟಿಗೆ ಮಾತಾಡ್ದೆಗಡ... ಬೇಗ ಬಾನೇ...." ಗಂಡ ರಾಮಣ್ಣನ ಬೊಬ್ಬೆ ಕೇಳಿ, ಜಾಲ್ ಕರೆಲಿ ನೀರಡಿ ದೊಂಬೆ ಅಡಿಲಿ ಹಸಿಮೀನ್ ಸಜ್ಜಿ ಮಾಡಿಕಂಡಿದ್ದ ಬೇಬಿಯಕ್ಕ, ಮೀನ್ ತಪಲೆಗೆ ಹಾಳೆ ಕಿಳ್ಳಿ ಅಡ್ಪ ಇಸಿ ಅದೇ ಚಂಡಿ ಕೈನ ಸೆರ್ರ್ಂಗ್ ಗೆ ಒರ್ಸಿಕಂಡ್ ಮನೆ ಒಳಗೆ ಓಡ್ದೊ. "ಹಲೋ.. ಅಮ್ಮಾ... ಹೆಂಗೊಳರಿ... ಈ ಸರ್ತಿ ತೊಡಿಕ್ಕ್ಯಾನ ಜಾತ್ರೆ  ಸಮಯಲಿ ನಾವು ಊರ್ ಗೆ ಬರ್ತೊಳೊ. ದೊಡ್ಡದರ್ಶನ ಬಲಿಗೆ ಎಲ್ಲವೂ ಒಟ್ಟಿಗೇ ಪೋಯಿ. ಶಾಂತಿನೂ ಬಂದದೆ. 'ಅನುಜ್ಞಾ'ನನೂ ಕರ್ಕಂಡ್ ಬರ್ತೊಳೆ... ಹಲೋ... ಕೇಳ್ತುಟ್ಟಾ... ಹಲೋ.. ಹಲೋ... ಟುಂಯ್... ಟುಂಯ್". ಫೋನ್ ಕಟ್!! ಬೇಬಿಯಕ್ಕಂಗೆ ಮಂಙನೊಟ್ಟಿಗೆ ಮಾತಾಡಿಕೆ ಆಗದೆ ಹನೀಸ್ ಬೇಜಾರಾದರೂ ಅಂವ ಹೇಳ್ದ ಮಾತ್ ಕೇಳಿ ಹಾಲ್ ಕುಡ್ಡಷ್ಟ್ ಕುಸಿ ಆತ್. ಹಂಗೇ ಅಲ್ಲಿದ್ದ ಐಮರಕ್ಕೆ ಒರ್ಗಿ ಕುದ್ದ್ ಕಳ್ದ ದಿನಗಳೆಲ್ಲಾ ನೆನ್ಸಿಕೆ ಸುರು ಮಾಡ್ದೊ. ಅಣ್ಣು ಹೈದನ ಹೊಟ್ಟೆ ಬಟ್ಟೆ ಕಟ್ಟಿ ಇಂಜಿನಿಯರ್ ಮಾಡ್ಸಿ ಬೆಂಗ್ಳೂರ್ ಗೆ ಕಳ್ಸಿದ್.. ಹೋದಂವ ಪೇಟೆ ಗೂಡೆ ಶಾಂತಿನ ಮೊದ್ವೆ ಆಕೆ ಹೊರ್ಟದ್.. ಮನ್ಸ್ ಒಪ್ಪದಿದ್ದರೂ ಒಬ್ಬನೇ ಮಂಙತ ಗಂಡನನೂ ಒಪ್ಪ್ ಸಿ ಮೊದ್ವೆ ಮಾಡ್ದ್.. ಮೊದ್ವೆ ಆಗಿ ಮೂರ್ ತಿಂಗಳಿಗೇ ಅಂವ ಹೆಣ್ಣ್ ನ ಕರ್ಕಂಡ್ ಅಮೇರಿಕಾಕ್ಕೆ ಹಾರ್ದ್.. ಅಲ್ಲಿಯೇ ಅವ್ಕೊಂದ್ ಹೆಣ್ಣ್ ಕೂಸ್ ಹುಟ್ಟಿದ್... ಇಲ್ಲಿವರೆಗೆ ಕೂಸುನ ಮೋರೆ ಕೂಡ ನೋಡಿಕೆ ಅಗದ್ದ್.. ಇದೇ!! ಮಂಙ ಅಮೇರಿಕಾಕ್ಕೆ ಹೊರ್ಡ್ ಕಾಕನ ಬೇಬಿಯಕ್ಕಂಗಂತೂ ಕುಸಿಯೋ ಕುಸಿ. ನಮ್ಮ ಇಡೀ ಬೈಲ್ ಲಿ ಮಾತ್ರ ಅಲ್ಲ ಇಡೀ ಗ್ರಾಮಲೇ ಅಣ್ಣುನೇ ಸುರೂಗೆ ವಿದೇಶಕ್ಕೆ ಹೊರ್ಟಂವ. ಗಂಡ, ಹೆಣ್ಣ್ ದಾರಿಲಿ ಸಿಕ್ಕುವ ನೆರೆಕರೆವು, ನೆಂಟ್ರ್ ಗಳೊಟ್ಟಿಗೆ ಹೇಳಿಕಂಡ್ ತಿರ್ಗಿದೇ ತಿರ್ಗಿದ್. ಆದರೆ ದಿನ ಕಳ್ದಾಂಗೆ ಗೊತ್ತಾತ್... ಹೋದಂವ ಬಾದು ವರ್ಷಕ್ಕೋ ಎರ್ಡ್ ವರ್ಷಕ್ಕೊಮ್ಮೆ. ಅದೂ ಒಬ್ಬನೇ.. ಸೊಸೆಗೆ ಊರ್ ಕಡೇ ನೋಡಿಕೂ ಮನ್ಸಿಲ್ಲೆ!! ತಿಂಗ ತಿಂಗ ಮನೆಗೆ ಬೇಕಷ್ಟ್ ದುಡ್ಡ್ ಕಳ್ಸಿದೆ.. ಆದರೆ ಮನ್ಸ್ ಗೆ??!! ಹಿಂಗೇ... ಫೋನ್ ಲೇ ವಿಚಾರ್ಸಿಕಂಬೊದು ಅಷ್ಟೆ. ಅಂಥದರ್ಲಿ ಹಕ್ಕಲೆ ಹಕ್ಕಲೆ ಎಂಟ್ ವರ್ಷದ ಮೇಲೆ ಮಂಙ  ಪುಳ್ಳಿನನೂ ಕರ್ಕಂಡ್ ಬಂದದೆತೇಃಳ್ರೆ ಯಾವ ಅಯ್ಯೆಗೂ ಎಷ್ಟ್ ಕುಸಿ ಆಕಿಲೆ??!! ಅದರ್ನೇ ಗಂಡನ ಕೆಬಿಗೆ ಉರ್ಗಿಕೆ ರಾಮಣ್ಣನ ಹುಡ್ಕಿರೆ ಅವು ಆಗಳೆ ಹಳು ತೆಗ್ಯಕೆ ಗದ್ದೆ ಕರೆಗೆ ಎತ್ತಿ ಆಗುಟು. ಅಷ್ಟೊತ್ತಿಗೆ ನೆಂಪಾತ್.. ಸಜ್ಜಿ ಮಾಡಿಕಂಡಿದ್ದ ಹಸಿಮೀನ್ ಅಲ್ಲಿಯೇ ಬುಟ್ಟಳೆ. ಹೋಗಿ ನೋಡ್ರೆ ಒಂದ್ ಮೀನ್ ನ ಕಂಟ ಕೊತ್ತಿ ಹೊತ್ತ್ ದ್ ಬೀಜ ಮರದ ಕೊಡಿಲಿ ಕುದ್ದಕಂಡ್ ಕೈ ನೆಕ್ಕ್ಯಣ್ತುಟ್ಟು. ಅದ್ಕೆ ಒಂದ್ ಕಲ್ಲ್ ಬೇರಿ ಒಳ್ದ ಮೀನ್ ನ ಸಜ್ಜಿ ಮಾಡಿ ಅರೆಪುಗೆ ಹುಳಿಮೆಣ್ಸ್ ಕಡ್ಯಕೆ ಅಡ್ಗೆ ಕೋಣೆಗೆ ಹೋದೊ ಬೇಬಿಯಕ್ಕ.

    ಮಾರ್ನೆ ದಿನಂದ ಕೆಲ್ಸಕ್ಕೆ ಬಂದ ಪಾಚೊಳ್ತಿನೊಟ್ಟಿಗೆ, ಕಾಯಿ ತೆಗ್ಯಕೆ ಬಂದ ಕುಂಞಣ್ಣನೊಟ್ಟಿಗೆ ಎಲ್ಲರೊಟ್ಟಿಗೂ ಗಂಡಂಗೂ, ಹೆಣ್ಣ್ ಗೂ ಹೇಳಿಕೆ ಒಂದೇ ವಿಶ್ಯ. 'ಅಣ್ಣು ಊರುಗೆ ಬಾತುಟ್ಟುಗಡ...ಹಂಗೇ ಅನುನ ಕೂಡ ಕರ್ಕಂಡ್ ಬಂದದೆಗಡ' (ಈಗದ ಪುಳ್ಳಿಕಳ ಹೆಸ್ರ್ ಅಜ್ಜ, ಅಜ್ಜಿಕಳಿಗೆ ಸರಿಯಾಗಿ ಹೇಳಿಕೆ ಆಗದಾಂಗೇ ಇಸುದು ಯಾಕೋ??!!). ಪುಳ್ಳಿನ ಬೇರೆ ಸುರೂಗೆ ನೋಡ್ತೊಳೊ ಪಾಪದ ಹಿರಿಜೀವಗ. ಆ ಕೂಸುಗೆ ಹಟ್ಟಿನ ಅಂಬೆ ಕರ್ ತೋರ್ಸೊಕು... ಮೊಜ್ಜಿಗೆ ಗುತ್ತಿಂದ ಬೆಣ್ಣೆ ತೆಗ್ದ್ ಕೊಡೊಕುತ ಅಜ್ಜಿ ಲೆಕ್ಕಹಾಕಿರೆ... ಕೆರೆಲಿರುವ ದೊಡ್ಡ ಮಣ್ಂಜಿ ತೋರ್ಸೊಕು... ಕೊಟ್ಟೆ ಕೊಮ್ಮುಲಿ ಮೊನ್ನೆ ನೋಡ್ದ ಯಾಪೆಗಿಳಿನ ಹಿಡ್ಡ್ ಗೂಡ್ ಮಾಡಿ ಇಸಿರೆ ಕೂಸು ಆಡಿಕೆ ಭಾರೀ ಲಾಯಿಕ್ ತ ಕನ್ಸ್ ಕಾಂಬೊತುಟ್ಟು ಅಜ್ಜಪ್ಪ!! ಆದರೆ ಆ ಕನ್ಸ್ ಗೆ ಬೆಚ್ಚನೀರ್ ಚೋಂಪಿದ್ ಕೆಲ್ಸದ ಪಾಚೋಳ್ತಿ.. "ಎಡ್ತೆರೇ.. ಅಲ್ಲಿ ಅಮೇರಿಕಲಿ ಎಲ್ಲವೂ ಇಂಗ್ಲೀಷ್ ಲೇ ಮಾತಾಡ್ದುಗಡ. ಮೊನ್ನೆ ದುಬಾಯಿಂದ ಬಂದ ಎಂಕಮ್ಮಕ್ಕನ ಮಂಙ ಹೇಳ್ತಿದ್ದೊ. ಇನ್ನ್ ನೀವು ಆ ಕೂಸುನೊಟ್ಟಿಗೆ ಹೆಂಗೆ ಮಾತಾಡುವರಿ!!??" ಇದೆಂಥಾ ಸಮಸ್ಯೆ. ಪುಳ್ಳಿ ಬಾತ್ ತ ಕುಸಿ ಪಡೊಕೊ.. ಪುಳ್ಳಿನೊಟ್ಟಿಗೆ ಮಾತಾಡಿಕೆ ಆದುಲೆಲ್ಲಾತ ಬೇಜಾರಾಕೊ!! ಇಬ್ಬರಿಗೂ ಒಮ್ಮೆಗೆ ಮಾತೇ ಹೊರ್ಡ್ ತಿಲ್ಲೆ. ಮನ್ಸ್ ಚುಳ್ಳಂಗೆ ಆತುಟ್ಟು. ಚಪ್ಪೆ ಆದ ಹೆಣ್ಣ್ ನ ಮೋರೆನೋಡಿ ರಾಮಣ್ಣನೇ ಸಮಾಧಾನ ಮಾಡಿಕೆ ಮೆಲ್ಲಂಗೆ  ಹೇಳ್ದೊ "ನಾವೂ ಇಂಗ್ಲೀಷ್ ಕಲಿಯೊನೊ!!". ಬೇಬಿಯಕ್ಕ ಕಣ್ಣ್ ಲಿ ನೀರ್ ತುಂಬುಸಿಕಂಡ್ ಮಯಮಯ ದೃಷ್ಟಿಲಿ ಗಂಡನ ಮೋರೆನೋಡ್ರೆ "ನಾ ಹೆಂಗೂ ಮೂರ್ನೇ ಇಯತ್ತೆವರೆಗೆ ಹೋಗಳೆ. ನೀ ಸಾಲೆನ ಮೋರೆನೇ ನೋಡದಂವ. ಬುಡು.. ಆಚೆಕರೆ ದಾಮುನ ಮಂಙ ಕುಟ್ಟ ಹೈಸ್ಕೂಲ್ ಗೆ ಹೋದೆ ಅಲ್ಲ.. ಅಂವನೊಟ್ಟಿಗೆ ಕೇಳಿ ಮಾತಾಡಿಕೆ ಕಲ್ಯೊನೊ" ಹೇಳ್ದವು ಸೀದ ಎದ್ದ್ ದಾಮುನ ಮನೆಕಡೆ ಹೊರ್ಟೊ. ಆ ಹೈದನೂ ಚುರ್ಕುನವನೇ.. ಹಾಯ್.. ಹಲೋ... ಹೌ ಆರ್ ಯು.. ವಾಂಟ್ ಜ್ಯೂಸ್, ಮಿಲ್ಕ್.. ಕಮ್.. ಸ್ಲೀಪ್.. ಗೋ.. ಸಿಟ್.. ಈಟ್.. ಬಾಯ್... ಹಿಂಗೆ ಸುಲಭದರ ಬರ್ದ್ ಕೊಟ್ಟ್ ಕಳ್ಸಿರೆ, ಮನೆಗೆ ಬಂದ ರಾಮಣ್ಣ ಹೆಣ್ಣ್ ಗೆ ಇಂಗ್ಲೀಷ್ ಕಲ್ಸಿ ಕೊಡ್ತಿದ್ದೊ. ಒಮ್ಮೊಮ್ಮೆ ಜ್ಯೂಸ್ ಹೋಗಿ ಚೂಸ್ ಆದರೆ.. ಹಾಯ್ ಗೆ ಬಾಯ್ ಅಂತ ತಪ್ಪ್ ತಪ್ಪ್ ಹೇಳಿಕಂಡ್ ನೆಗಾಡಿಕಂಡೊ!!

      ಜಾತ್ರೆಗೆ ದಿನ ಹಕ್ಕಲೆ ಆದಂಗೆ ಬೇಬಿಯಕ್ಕಂಗೆ ಯಾಗ ಒಮ್ಮೆ ಪುಳ್ಳಿನ ನೋಡ್ನೆತ ಮನ್ಸೊಳಗೆನ ಚಡಪಡಿಕೆ ಜಾಸ್ತಿಆಗ್ತುಟ್ಟು. ಒಟ್ಟಿಗೆ ಗಂಡನ ಮೇಲೆ ಪರ್ರ್ಂಚಟನೂ!! 'ಕೂಸುಗೆ ಜೇನ್ ತಂದಿಸಿಕೆ ಹೇಳಿದ್ದೆ .. ತಂದಳರಿಯಾ... ಜಾಲ್ ಕರೆ ನೀರಡಿ ದೊಂಬೆ ಕಡೆ ಜಲ್ಲಿ ಹಾಕಿತ್ಲೆ..ಕೂಸು ಆಡಿಕೆ ಹೋಗಿ ಜಾರಿ ಬೀಳಿಕೆ ಬೊತ್ತ್.. ಹಿಂಗೇ' . ಒಟ್ಟೊಟ್ಟಿಗೆ ಇಂಗ್ಲೀಷ್ ಕಲಿದೂ ಬುಟ್ಟತ್ಲೆ.  ಬೇಬಿಯಕ್ಕ ಪಾಚೋಳ್ತಿನ ಬಾಕೆ ಹೇಳಿ ಇದ್ದ ಒಲ್ಲಿ, ಮೊಂದ್ ರಿ ನ ಎಲ್ಲಾ ಒಗ್ಯಕೆ ಬೆರ್ಸಿದೊ. ಕಪಾಟ್ ಮೇಲೆ ಇದ್ದ ಹಾಸಿಗೆಗಳ ಜಾಲ್ ಲಿ ಬಿಸಿಲ್ ಗೆ ಬುಡ್ಸಿ ಧೂಳ್ ಹಾರ್ಸಿದೊ. ರಾಮಣ್ಣನೋ ಕುಂಞಣ್ಣನ ಕರ್ಸಿ ನಾಕ್ ಕೀಲೆ ಕೆಂದಾಳೆ ಬೆಂಡ ತೆಗ್ಸಿಸುದರೊಟ್ಟಿಗೆ ಕಳ್ದ ವಾರ ಕಡ್ದಿಸಿದ ಬಾಳೆಗೊನೆ ಇನ್ನೂ ಹಣ್ಣಾತ್ಲೆ.. ಪಡ ಇಜ್ಪಿ ಇಸಿದ್ದರೆ ಒಳ್ಳದಿತ್ತ್ ತ ಗೊಣ್ಗಿಕಂಡೇ ಕೆಲ್ಸ ಮಾಡಿಕಂಡವೆ. ಜಾತ್ರೆ ಸಮಯದ ಮಳೆಗೆ ಪೋನ್ ಬೇರೆ ಹಾಳಾಗಿ ಅಣ್ಣು ಎಷ್ಟೊತ್ತಿಗೆ ಎತ್ತಿದೆತಾನೂ ಹೇಳಿಕೆ ಗೊತ್ಲೆ. ಅಷ್ಟೊತ್ತಿಗೆ ಗುಡ್ಡೆಕರೇಂದ ಯಾವುದೋ ವಾಹನದ ಸದ್ದ್ ಕೇಳ್ದಾಂಗಾಗಿ ಬೇಬಿಯಕ್ಕ ಮನೆಒಳಗೆಂದ ಜಾಲ್ ಕರೆಗೆ ಬಂದ್ ಎತ್ತಿದೊ.. ಮೆಲ್ಲಾನೆ ವಾಹನ ಸದ್ದ್ ಜೋರಾಗಿ, ಆ ಕಾರ್ ಸೀದ ಮನೆ ಜಾಲ್ ಗೇ ಬಾತ್. ನೋಡ್ರೆ ಅಣ್ಣು!! ಅಯ್ಯೆ, ಅಪ್ಪ ಮೆಲ್ಲನೆ ಕಾರ್ ಕಡೆಗೆ ಬಾಕನ ಅಣ್ಣುನೇ ಕಾರ್ಂದ ಇಳ್ದ್ ಓಡಿ ಬಂದ್ ಅಪ್ಪನ ಕೈ ಹಿಡ್ಕಂಡರೆ, ರಾಮಣ್ಣ ಅವನ ಕೈ ಜಾರ್ಸಿ ಕಾರ್ ಕಡೆ ಹೋದವೆ. ಅವ್ಕೆ ಪುಳ್ಳಿನ ಕಾಂಬಕೆ ಆಸೆ!! ಕಾರ್ಂದ ಇಳ್ದ ಸೊಸೆ " ಏನು ಅತ್ತೆ... ಏನು ಮಾವ.. ಚೆನ್ನಾಗಿದ್ದೀರಾ.." ತ ಕೇಳ್ದರ್ಲಿ ಏನೂ ಹೊಸತನ ಇತ್ಲೆ. ಪ್ರಾಯದ ಕಣ್ಣ್ ಗಳ ಇಷ್ಟ್ ದಿನದ ಕನ್ಸ್... ಕೂಸು ಅನುಜ್ಞಾ ಕಾರ್ಂದ ಇಳ್ದದರ ನೋಡಿ, ಬೇಬಿಯಕ್ಕ ಕಲ್ತ ಇಂಗ್ಲೀಷೂ ಮರ್ತೋಗಿ 'ಹೋಯ್.. ಹೌ ರಾಯು' ಅಂತ ಕೇಳ್ದೊ. ಅದರ ಕೇಳಿ ಆ ಕೂಸು... ನೆಗಾಡ್ತ " ಅವ್ವಾ... ನಾ ಉಶಾರೊಳೆ.. ನೀವು ಹೆಂಗೊಳರಿ" ತ ಬಂದ್ ಅಜ್ಜಿನ ಬಾಚಿ ತಬ್ಬಿಕಂಡರೆ ಅಜ್ಜ,ಅಜ್ಜಿಗೂ ಒಮ್ಮೆಗೆ ಏನೂ ಗೊತ್ತಾಗ್ತಿಲ್ಲೆ. ನಾವು ಇಷ್ಟ್ ದಿನ ಭಂಗ ಬಂದ್ ಕಲ್ತ ಇಂಗ್ಲೀಷ್ ಎಲ್ಲಿ.. ಕೂಸು ನಮ್ಮೊಟ್ಟಿಗೆ ಮಾತಾಡ್ತಿರುವ ಅರೆಬಾಸೆ ಎಲ್ಲಿ!! ಅಜ್ಜನ ಕಣ್ಣ್ ಲೂ ನೀರ್ ಮಾತ್ರ... ಮಾತೇ ಇಲ್ಲೆ.. ಆಗ ಅಣ್ಣುನೇ ಹೇಳ್ತ್.. "ಪೊಪ್ಪಾ... ನನ್ನ ಕೂಸು ಅರೆಬಾಸೆ ನನ್ನಷ್ಟೇ ಲಾಯಿಕ್ ಮಾತಾಡ್ದೆ.. ನಂಗೆ ಅಮೇರಿಕಕ್ಕೆ ಹೋದ ಮೇಲೆ ಗೊತ್ತಾತ್.. ಅಲ್ಲಿನ ಜನ ಅವರ ಸಂಸ್ಕೃತಿ, ಭಾಷೆನ ಎಷ್ಟ್ ಪ್ರೀತಿಸುವೆತ. ಅಲ್ಲಿ ಇಂಗ್ಲೀಷ್ಲಿ ಮಾತಾಡ್ರೆ, ಅವರ್ದೇ ದಾಟಿಲಿ ಉತ್ತರ ಕೊಟ್ರೆ ನಮ್ಮ ಹಾರೈಸುವೆ. ಇಲ್ಲರೆ ನಮ್ಮ ನೋಡಿ ನೆಗಾಡ್ವೆ!!! ಅದ್ ಅವರ ಭಾಷಾಭಿಮಾನ.  ನೀವು ಹೇಳ್ದರ ನಾ  ಮರ್ತತ್ಲೆ ಪೊಪ್ಪಾ.. ಮಕ್ಕ ಕನ್ನಡ, ಇಂಗ್ಲೀಷ್ ಶಾಲೆಗೆ ಹೋದ ಮೇಲೆ ಕಲ್ತವೆ. ಆದರೆ ನಾವು ಮಕ್ಕಳೊಟ್ಟಿಗೆ ಅರೆಬಾಸೆಲಿ ಮಾತಾಡದಿದ್ದರೆ ಅವು ನಮ್ಮ ಭಾಷೆ ಕಲಿದು ಯಾಗ?  ಆಚೆ ಮನೆ ಮಕ್ಕ ಶಾಲೆಗೆ ಹೋಕೆ ಸುರು ಮಾಡ್ಕಾಕನ ಮನೆಲಿ ಕನ್ನಡ ಮಾತಾಡಿರೂ ನೀವು ನನ್ನೊಟ್ಟಿಗೆ ಹಂಗೆ ಮಾಡ್ತ್ಲೆ. ನಾ ಕನ್ನಡ ಮಾತಾಡ್ರೂ ಬೊಯ್ದ್ ಅರೆಬಾಸೆಲೇ ಮಾತಾಡ್ತಿದ್ದರಿ. ಅಮೇರಿಕದವ್ಕೆ ಹೆಂಗೆ ಅವರ ಭಾಷೆ ಮೇಲೋ.. ಹಂಗೆ ನಂಗೂ ನನ್ನ ಅರೆಬಾಸೆ ಅಷ್ಟೆ. ಸರಿಯಾದ ಇಂಗ್ಲೀಷ್ ಬಂದದ್ ಸುಮಾರ್ 500 ವರ್ಷಂದ ಇಚೆಗೆ... ಅದರ್ಂದಲೂ ಹಳ್ತೇ ನಮ್ಮ ಅರೆಬಾಸೆ ಆಗಿರ್ದು!!?? ಯಾಕೆಂತೇಳ್ರೆ ಅದೆಷ್ಟೋ ಹಳೆಗನ್ನಡದ ಪದಗಳ ನಾವು ಇನ್ನೂ ಮಾತಾಡುವೆ. ಹಂಗಿರ್ಕಾಕನ ನಾವ್ಗೆ ಅರೆಭಾಸೆಲಿ ಮಾತಾಡಿಕೆ ನಾಚಿಕೆ ಯಾಕೆ? ಇಂಗ್ಲೀಷ್ನನೆ ಲ್ಯಾಟಿನ್ ಲಿ ಬರ್ದ್ ಭಾಷೆ ಒಳ್ಸ್ಯೊಳೊತೇಃಳ್ರೆ ಕನ್ನಡ ಲಿಪಿಲಿ ಬರ್ದ್ ಅರೆಬಾಸೆನ ಒಳ್ಸಿಕೆ ಆಕಿಲೆನಾ?? ... ಬನ್ನಿ... ಪೋಯಿ...ಕಾರ್ಂದ ಬಟ್ಟೆಬರೆ ಎಲ್ಲಾ ಮತ್ತೆ ಇಳ್ಸಕ್" . ಬುಡ ಚಿಗ್ರಿ ಹೊಸ ದೈ ಬಾತೆಂಬ ಕುಸಿಲಿ ರಾಮಣ್ಣನೂ ಮಂಙನ ತಬ್ಬಿಕಂಡ್, ಪುಳ್ಳಿನ ಎತ್ತಿಕಂಡ್  ಮನೆ ಕಡೆಗೆ ಹೊರ್ಟೊ.

 

( ಬೆಂಗಳೂರ್ ನ ಅರೆಬಾಸೆ ಜನಾಂಗ ಭಾಂಧವ್ಕೆ ಆಯೋಜಿಸಿದ್ದ "ಅರೆಬಾಸೆ ಮುಡ್ಪು ಕಥಾಸ್ಪರ್ಧೆ"ಲಿ ಪ್ರಥಮ ಬಹುಮಾನ ಪಡ್ಕಂಡ ಕಥೆ..)

ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

Read More
9ik

ಇಸ್ರೇಲ್‌ನ ಮೊಸ್ಸಾದ್ ಮತ್ತೆ ಸಣಪನ ನಾಯಿಗ

07 Mar 2019

ಕುಬೆಲಿ ಕುದ್ದ ಕುರೆ‌ಗ, ಚಾಳೆ ಅವರಪ್ಪಂದರ್‌ ನೆಟ್ಟ್‌ಸಿದಿ‌ತೇಳ್ವಾಂಗೆ ನಮ್ಮ ಚಾಳೆ ಹಿತ್ಲ್‌ಗೆ ಬುಡಾದೆ ಬಂದ್ ದಿನಾ ಹೊಡಿತೆಗೆತಿದ್ದೊ‌.

ಈ ಅಮ್ಮ ಕೊತ್ತೊಳಿಕೆನ ಬೆಡಿನಾಂಗೆ ಹಿಡ್ದರು,ನಮ್ಮ ಕಾಳ ಬೊಳ್ಳುನು ಬುಡಲಿ ಕುದ್ದ್‌ರ್ಸಿ ಎಷ್ಟ್‌ಬೊಗಳ್ಸಿರೆನು ಗುಮ್ಮನ‌ ತೆಗೆದೇಲೇ ಈ ಕುರೆಗ.

ಹಿಂಗಾಗಿ ಮೊನ್ನೊಮ್ಮೆ ರಜೆದಿನ ಬೆಡಿ ಹೆಗಲ್‌ಗಿಸಿಕಂಡ್ ಪಾರಕೆ ನಾನೆ ಹೋಕಾಗಿ ಬಾತ್‌.

ಹಾಂಗಿರಿಕಾಕನ ಹೋವದಾರಿಲಿ ತೋಟದಕರೆಲಿ  ಮೋನ ಸಣಪ ಹೊತ್ತೇರ್ವ ಹೊತ್ತ್‌ಲೆ ಅಡ್ಡ ಸಿಕ್ಕಿದೋ. ಮನೆನ ಎಲೆಡ್ಕಂದ ದಾರಿಕರೆಲಿ ತಿಂದದ್ಕೆ ಒದ್ಗ್‌ ಜಾಸ್ತಿತೇಳಿ ಸಣಪ ಚೀಲಕೆ ಕಣ್ಣಾಕಿದೆ.

ಇಬ್ಬೊರು ಕುದ್ದ್‌ಕಂಡ್ ಪುರ್ಸೋತ್‌‌ಲಿ  ಪಟ್ಟಾಂಗ ಹೊಡೆತಿದ್ದ. ಇದೆಲ್ಲ ವಿಸೇಸ ಏನಲ್ಲ ಬುಡಿ ಏಕೆತೇಳಿರೆ ನಮ್ಮ ಕುಡಕಲ್ಲ್‌ಲೆಲ್ಲ ಪಟ್ಟಾಂಗಕೆ ನಾಮಸಿಲ್ಲೆ ತೋಟದ ಕರೆಲೊ ಗದ್ದೆ ಪುಣಿಲೊ  ಅಲ್ಲೋ ಪಾರೆಕಟ್ಟ್‌ ಹಕ್ಕಲೆ 

ಇದ್ದೇ ಇದ್ದದೆ ...

ನಾವ್ಗೆಲ್ಲ ಕುದ್ರಿಕೆ ಸೆರಿಗಟ್ಟ್‌ ಜಾಗೆ ಬೇಕುತಿಲ್ಲೆ ಬಾಯಿ ಅಡ್ಪ ವಿಸಯ ಇದ್ದರೆ ಸಾಕ್‌...

ಹೀಂಗೆ ಹಾಳ್ ಮೂಳು ಮಾತಾಡಿಕಂಡಿರಿಕಾಕನ ಸಣಪನ ಐದ್‌ ನಾಯಿಗ ಚೋಡಿನ ನೀರ್‌ಲಿ ಪಳ್ಳ ಹೊಡ್ಕಂಡ್ ಕಂಬಳದ ಕೋಣಗಳಾಂಗೆ ಉದಾಕೆ ಆಚೆಕರೆವರೆಗೆ ಓಡಿ,ಅಲ್ಲಿಂದ ತಿರ್ಗ ನಮ್ಮಕ್ಕಲೆ ಓಡಿಬಂದ್ ನೆಲಲಿ ಕಂಕಣಿ ಬೀಳ್ತಿದ್ದೊ.ಬಿಸ್ಲ್ ಅಲ, ನೀರ್‌ಕಂಡಲೆಲ್ಲ ನಾಯಿಗಳಿಗೆ ಕಾಲಿಸದರೆ ಸಮಾಧಾನ ಇಲ್ಲೆಕಂಡದೆ.

ಇದರೆಡೆಲಿ ನಾಯಿಗಳ ಸೆರಿ ನೋಡ್ರೆ ಯಾಗೋಳು ಇರಕಾದ ಐದರ್ಲಿ ಒಂದರ ಪತ್ತೆಇಲ್ಲೆ.ಎಲ್ಲೊ ನೆಲ ಮೂಸಿಕಂಡ್‌ ಹೋಗಿರ್ದುತೇಳಿ...ನೆನ್ಸಿದೆ

ಇದೆಂತ ಸಣಪ ಹಬ್ಬಕೆ ಒಂದ್ ಬೊಗ್ಗನ ಹೊಡ್ದ್ ಗೈಪುಮಾಡ್ಯಳರಾ ಒಳ್ಳತ ಇತ್ತ್‌ಬುಡಿ ನೀವ್ಗೇನ್ ಮಾಂಸ ಇದ್ದರಾತಲ..ತೇಳಿ ನಾ ಸಣಪಂಗೆ ಮಾತ್‌ಲೆ ಜುಂಟಿಕೆ ನೋಡ್ದೆ.

"ಹಹ್ಹ...ಹಾಂಗೆಲ್ಲಯ.

ಆ ನಾಯಿ ಕಾಣೆನೊ ಅಲ್ಲ ಯಾವ ರಣ ಅದರ ಹಿಡ್ತೊ ಗೊತ್ಲೆ.ಅದ್‌ ಮಾತ್ರ ನಿನ್ನೆಂದ ಅದ್ ಕಾಣ್ತಿಲ್ಲೆಯ.

ನಿನ್ನೊಂದ್ ಸಂಗತಿ ಅಲ....

ವಿಸಯ ಕೇಳ್ಯನ,

ಯಾದೊಂದ್‌ ನಾಯಿ ಹಿಂಬೋತಾಕನ ಮನೆಬಾಗ್ಲ್‌ಗೆ ಬಂದಿತ್ತ್‌ಯಾ,ನಂಗೆ ಅದರ ಗಂಟ್ಲ್‌ಲಿದ್ದ ಚರ್ಮದ ಬೆಲ್ಟ್‌ ನೋಡಿ ಇದ್ ಎತ್ತಂದೋ ಬೂತಕಲ್ಲ್ ಕುಂಚಡ್ಕ ಗೂಡ್‌ಂದ ತೊಪ್ಪುಸಿ ಬಂದದ್‌ತ ಗೊತ್ತಾತ್‌.  

ಸುಮಾರ್‌ ಸರ್ತಿ ಬುಡಾದೆ  ಬೆರ್ಸಿದೆ.

ಸುಟ್ಟೋಕೆ,ಈ ದಾರಿ ತಪ್ಪಿಬಂದ ನಾಯಿ ಸೀದಾ ತಿರ್ಗ ನೆಲ ಮೂಸೆಂಡ್ ಮನೆಗೋದು ಬುಟ್ಟು ನಮ್ಮ ನಾಯ್ಗಳ ಗೂಡು ಈ ಹುಲಿಮಾಳಕೆ ತಲೆಹಾಕಿ ಉಪದ್ರ ಕೊಡುವ ಕಾರ್ಬಾರ ಮಾಡಿಕೆ ನೋಡ್ತ್.

ಹಿಂಬೋತುಂದ ಹತ್ತ್‌ ಹನ್ನೊಂದ್ ಗಂಟೆವರೆಗೆ ವೇ...ರ್‌ವೇ.....ರಾಗ ಕೇಳಿನಂಗೆ ಬಿಡ್ದೋಗಿ , ಅದರ ಬೆರ್ಸಿ ಬೆರ್ಸಿ ಸಾಕಾತ್‌‌. ಇನ್ನ್‌ ಸುಟ್ಟೆ ಹೋಗಲಿತೇಳಿ ಗೂಡುನ ಪೊಡಿ‌ತೆಗ್ದ್‌ ನಮ್ಮೊವ್ಗಳ ಹಿಡಿಕೂಡ್ಸಿ ಬುಟ್ಟೆ.

ಲೋಕನೆ ನಮ್ಮದ್‌ತೇಳಿ ಆರ್ಬಾಯ್‌ ಕೊಟ್ಟ್‌ಕಂಡ್‌ ಬೆರ್ಸಿಕಂಡ್ ಹೋದೊ ಮಾರಾಯ...

ಮತ್ತೆ ಎತ್ತ‌ಹೋದತ ಗೊತ್ತಾತ್ಲೆ....

ಅದರ ಕಚ್ಚಿ  ಸೆಜ್ಜಿ ಮಾಡಿರ್ವೋ ಇಲ್ಲರೆ ಇವು  ಮನೆಗೆ ಇರ್ಲೇ ಬಂದಿರಿಕಿತ್ಲೆ ....ಹುಹ್.ನನ್ನ ನಾಯಿಗ ಉಟ್ಟಲೆ, ಹಿಡಿ‌ಕೂಡ್ಸಿ ಬುಟ್ಟರೆ  ಆನೆನನೂ ಮೊಗ್ಚುವೋ...

ಹಾಂಗೆ ಹೋದರ್ಲಿ ಹೋದ  ಆ ದಪ್ಪಬೀಲದವ ಪಕ್ರುನಾಯಿ ತಿರ್ಗಿ ಬಾತ್ಲೆ....

ಬಾದೋತ ಕಂಡದೆ....ನೋಡ

ಹಹ್ಹ ಹಹಹ...ಸಣಪ,

ನಂಗೆ ನಿಮ್ಮ ನಾಯಿಗಳ ಕಾರ್ಬಾರ ನೋಡಿರೆ ಯಾಗೋ ಓದಿದ್ದ ಈ ಇಸ್ರೇಲ್ ಆರ್ಮಿ ನೆಂಪಾತುಟ್ಟು."ಜುಂಟಿರೆ ಕೈ‌ನನೇ ತಿನಕು‌ತೇಳ್ವ"ಗಾದೆನಾಂಗೆ ಏನೇಳ್ರೆ....?

ಅದೆಂತಯ ಇಸ್ರೇಲ್‌ಗೂ ನನ್ನ ನಾಯ್ಗಳ ನೊಡುಲಿ ಹಾಂಗೊಂದ್ ಸಂಬಂಧ" ಅಂತೇಳಿ ಸಣಪ ಪಟ್ಟಾಂಗ ದೊಡ್ಡದಾಕೆ ಬಾಗ್ಲ್‌ ತೆಗ್ದೊ.

ನೀವು ಕೇಳ್ಯರಿ ತೇಳಿರೆ ಹೇಳ್ನೆತೇಳ್ದೆ..

ಸಣಪ "ಹೊತ್ತುಟ್ಟು ಬುಡು,

ಹೆಣ್ಣ್ ಹೊತ್ತೇನ್‌ತ ಕೇಳಿರೆ ಕುರೆಗ ಬಂದಿ‌ದ್ದೊ ಓಡ್ಸಿಕೆ ಹೊತ್ತಾತ್‌ತೇಳ್ನೇ...ಹೆಹ್ಹೆಹೆ ಆಕಿಲೆನ.."ತೇಳ್ದೊ

ಅಲ್ಲಿಗೆ ನಂಗೆ ನಮ್ಮ ಎರ್ಡ್‌ಕಾಲ್‌ನ ಹುಲಿನ ಬೆಟ್ರಿ‌ ಗೊತ್ತಾತ್.

****

ಸಣಪ ಈ ಇಸ್ರೇಲ್‌ತೇಳ್ದು ಒಳದೆಲ್ಲಿತೇಳಿರೆ ಪಶ್ಚಿಮ ಏಶ್ಯಾ ಮತ್ತೆ ಆಫ್ರಿಕಾ ಸೇರ್ವಲ್ಲಿ ...

ಬಾರೀ ಸಣ್ಣ ದೇಸ, ಅಬ್ಬಬ್ಬಾತೇಳಿರೆ ಕೊಡ್ಗ್‌ನು ಕನ್ನಡ ಜಿಲ್ಲೆನ ಸೇರ್ಸಿದಷ್ಟ್ ಇರ್ದು. ಸಣ್ಣದ್‌ ಸಂಗತಿ ಆದುಲೆ ಇಲ್ಲಿ , ಏಕೆತೇಳಿರೆ ಅವರ ನೆರೆಕರೆನ ಎಂಟತ್ತ್ ದೇಸಂಗ ಸಿರಿಯಾ ಇರಾಕ್ ಈಜಿಪ್ಟ್ ಮತ್ತೆ ಹನಿ ದೇಸಗ ಯಾಗೋಳು  ಕಡ್ಪೊತ್ತಿ ಹಿಡ್ಕಂಡ್  ಎದೆಮೇಲೆ ಬಾಕನ,ಬಂದವ್ಕೆ ಪೂರ ಕುಂಡೆಗೆ ಚೂನ ಹೊಡ್ದ್‌ ಕಳ್ಸಿದ  ಈ ಇಸ್ರೇಲ್‌ನ ಜನಂಗ ಅರ್ಥಾತ್ ಎಲ್ಲವೂ ಆ ದೇಸದ ಸೈನಿಕರ್‌ಗ...

ಇನ್ನ್ ಚಂಯ್ ಪಂಯ್ ತೇಳ್ವ ಸಣ್ಣ ಉಮ್ಮುಣಿಗ ಕಚ್ಚಿನೆ ಕಚ್ಚಿನೆ ತೇಳಿ  ಕೆಬಿ ಹಕ್ಕಲೆ ಹಾರ್ಕನ  ಸುಮ್ಮನೆ ಬುಡ್‌ವೊನ ನೀವೇ ಹೇಳಿ ಈ ಇಸ್ರೇಲ್‌ನವು.

ಹಾಂಗೆ ಬಂದ ದೇಶ ದೇಶಂಗಳನೇ ಬುಡಮೇಲೆ ಮಾಡ್ದವರ ಎದುರ ಕೆಲ ಜನ ಒಂಟಿ ಶಿಕಾರಿಗೆ  ಎದೆಒಡ್ಡುಸಿ "ನಿಮ್ಮ ನಾ ಮೊಡ್ಗುದುಲೇ"ಅಂತೇಳ್ದವು ಇದ್ದಗಡ ಅಂತ ಸಾವಿರಲಿ ಒಬ್ಬ  ಈ ಯಹ್ಯಾ ಅಲ್ ಮಶ್ಹಾದ್...!ತೇಳಂವ ಇತ್ತ್‌ಗಡ ಸಣಪ.

ಯಹ್ಯಾ‌ ಅಲ್‌ ಮಶ್ಹಾದ್.. ಇಂವ

ಈಜಿಪ್ಟ್‌ನ ಬೆಹ್ನಾ ತೇಳ್ವ ಊರುಲಿ 1932ರ್ಲಿ ಹುಟ್ಟಿದ ಕೂಸು ಯಾಹ್ಯಾ ಅಲ್ ಮಶ್ಹಾದ್, ಸುರುಗೆ ಅಲ್ಲಿನ ಅಲೆಕ್ಸಾಂಡ್ರಿಯಾ ಯೂನಿವರ್ಸಿಟಿಯಲ್ಲಿ ಎಲೆಕ್ಟ್ರಿಕಲ್ ಎಂಜನೀಯರಿಂಗ್ ಓದಿತ್.

ಅದಾಗಿ ಅದೆ ವಿಸಯಲಿ ಹೆಚ್ಚಿಗೆ ಓದಿ ಬೆನ್ನ್‌‌ತಟ್ಟ್‌ಸಿಕಂಡ್‌ ಅಲ್ಲಿಂದ ಲಂಡನ್‌ಗೆ ಮತ್ತಲ್ಲಿಂದ ಮಾಸ್ಕೋಗೆ ಹಾರಿ ಲಾಯ್ಕ್‌ಲಿ ಬರಕಲ್ತ್‌ ಡಾಕ್ಟರೇಟ್ ಕೂಡ ತಕಂಡ್‌ಬುಟ್ಟತ್‌ ಅದಾಗಿ ಅದೇ  ಕಾಲೇಜ್ ಅಲೆಕ್ಸಾಂಡ್ರಿಯಾ ಯೂನಿವರ್ಸಿಟಿಲಿನೇ ಆ ಕಾಲಕೆ ಹೆಗ್ಗೆ‌ತೇಳ್ವಾಂಗೆ ಸುಮಾರ್‌ ಗಟಾನುಗಟಿ ನ್ಯೂಕ್ಲಿಯರ್ ಎಂಜನೀಯರ್‌ಗಳ ಪಟ್ಟಿಲಿ ಇವನ ಹೆಸರೂ ಸೇರಿಬುಟ್ಟತ್.

ಸಣಪಂಗೆ ನ್ಯೂಕ್ಲಿಯರ್ ನೂಕೊಲುತ ಕೇಳ್ತ್‌ಕಂಡದೆ.ಹನಿ ಕಣ್ಣ್‌ ಸಣ್ಣದ್ ಮಾಡ್ದೊ...

"ಸಣಪ ಈ ನ್ಯೂಕ್ಲಿಯರ್ ಕೆಲ್ಸ ಅಂತಿಂತ ಕೆಲ್ಸ ಅಲ್ಲ ಕಣ್ಣ್‌ಗೆ ಕಾಣದ ಅಣು‌ಗಳ  ಬೆರ್ಕೆ ಮಾಡಿ ಹೊಸ ಪಾಕ ಬರ್ಸಿ ಅದಂರ್ದ ಒಳ್ಳದ್ಕಾದರೆ ಕರೆಂಟೊ...ಊರ್‌ ಹಾಳ್ ಮಾಡಕ್‌ತೇಳಿರೆ ಬಾಂಬ್ ತಯಾರ್‌ ಮಾಡಕ್.

ಬಾಂಬತೇಳಿರೆ ನಮ್ಮ ಬೊಜ್ಜದ ಮನೆನ ಗರ್ನಾಲ್‌ನಂಗೆ ಡೀಂ....ಮ್ ತ ಒಮ್ಮೆ ಸಬ್ದ ಮಾಡಿ ಸುಮ್ಮನಾವಂತದಲ್ಲ. ನಿಮ್ಮ ನೆಸೆ ಕರ್ಡಿಗೆನಷ್ಟಿರ್ವ ಬಾಂಬ್‌ಸಾಕ್ ಒಂದ್ ದೇಸನ ಗುಡ್ಸಿ ಗುಂಡಾಂತರ ಮಾಡಿಕೆ.

ಗೊತ್ತಾತಲ ನ್ಯೂಕ್ಲಿಯರ್ ವಿದ್ಯೆನ ಬೊರ್ಕತ್ ಹಲ್ಕಟ್‌ಗ...

ಅದ್‌ಬುಡಿ

ಇಂವ ಇಂತಾ ದೊಡ್ಡ ಯುನಿವರ್ಸಿಟಿ ಅಲೆಕ್ಸಾಂಡ್ರಿಯಾಲಿ ಓದಿರೆನೂ ಸಹ ‘ಅತೀ ಬುದ್ದಿವಂತರ್‌ಗೆ ಪ್ರಪಂಚ ಜ್ಞಾನ ಕಡ್ಮೆ’ತೇಳ್ವ  ಮಾತನ ಮತ್ತೊಮ್ಮೆ ಸಾಬೀತ್ ಮಾಡಿಕೆ ಇಂವ “ಈಜಿಪ್ಟಿಯನ್ ಆಟೋಮಿಕ್ ಎನರ್ಜಿ ಅಥೋರಿಟಿ”ತೇಳ್ವ ದೊಡ್ಡ ಕಂಪೆನಿಗೆ ಕೆಲ್ಸಕ್ಕೆ ಸೇರ್ತ್,

 ಆದರೆ ಇಲ್ಲಿ ಸೇರ್ದ್‌ ಅವಂನ ತಪ್ಪು ನಿರ್ಧಾರ ಆಗಿತ್ಲೆ ಆದರೆ  ಮುಂದೆ 1980 ರ್ಲಿ  ನಡ್ದ  “ಇರಾಕ್ಸ್ ನ್ಯೂಕ್ಲಿಯರ್ ಕೋ ಅಗ್ರಿಮೆಂಟ್ ವಿತ್ ಫ್ರಾನ್ಸ್”ತೇಳ್ವ  ಒಪ್ಪಂದ ಒಂದಕೆ ದಸ್ಕತ್ ಹಾಕಿ ಈ ಅಣು ವಿಜ್ಞಾನಿ ಇರಾಕ್‌ಗೆ ಹೊರ್ಟತಲಾ ! ಅದ್ ಮಾತ್ರ ಹೊಟ್ಟೆಗೆ ಹುಗ್ಗೆ‌ತಿಂಬ ಕೆಲ್ಸ ಅಂದ್‌ನ ಕಾಲಕೆ  ಮಾತ್ರ ಅಲ್ಲಾಗಿತ್ತ್. 

ಏಕೆತೇಳ್ರೆ  ಸಣಪ ಈ ನ್ಯೂಕ್ಲಿಯಾರ್ ತಯಾರ್‌ಮಾಡ್ವ ಒಪ್ಪಂದದ ಮೂಲ ಉದ್ದೇಸ ಇವರ ಲೆಕ್ಕದ ಕೋಮಣ‌ತುಂಡುನಾಂಗಿರ್ವ ಇಸ್ರೇಲ್ ‌ತೇಳ್ವ ದೇಸಕೆ ಬಾಂಬ್‌ಹಾಕಿ ಮೊಡಿಮಾಡಿ ಅವ್ಕೆ ಗುರ್ಜಿ‌ಕಟ್ಟುದಾಗಿತ್ತ್‌.

ಹಹ್ಹಹಹ.....

ಸಣಪ ಹೇಳ್ದೋ

"ಅಯ್ಯೋ ಅಪ್ಪಿಯ  ನಾವುಕಲ್ತ‌‌ ವಿದ್ಯೆ‌ಲಿ ಕಡೆಕೊಡಿನೋಡಿಕಾಗದ್ ದುಡ್ಡುಕೊಟ್ಟವ್ಕೆ ಕೆಲ್ಸ‌ಮಾಡೊಕು ,ಬೇಕಾದಂಗೆ ಇರಕ್ ಅದರ್ಲೆಂತ... ಕಡೆಕೊಡಿ ಸ್ಹೀಂ-,,ಕೈಂಯಿ ನೋಡಿಕಿಲ್ಲೆ" 

ಏನೇಳ್ಯ.....

ಹೌದು ನೀವೇಳ್ದೂ ಸೆರಿನೆ, ನಿಮ್ಮಾಂಗೆ ಹೇಳೊವು ನಮ್ಮೊಳೊಗೆ ಎಷ್ಟೊ ಜನಗ ಇದ್ದವೆ ‌.ಅಲ್ಲದೆ ಈ ಸತ್ಯಸಂಗತಿ ಎಲ್ಲ ಕೆಲ್ಸಕೂ ಒಂಬಿದೆ.

ಇಲ್ಲಿ ಹಾಂಗೇಳ್ದವರ್ಲಿ ಈ ಮಶಾದ್‌ ಒಬ್ಬ.ನಾ ಕಲ್ತ ವಿದ್ಯೆ,ಕೆಲ್ಸನ ದುಡ್ಡು ಕೊಟ್ಟ ಯಾರಿಗೆ‌ಬೇಕಾರ್ ಮಾಡಿಕೊಟ್ಟನೇ ತ ಹೇಳ್ದ್  ಅವನ ಕಾಟಕೆ ಕತ್ರಿಕೊಳ್ಳಿ ಅವನೆ ಪಣೆಲಿ ಕಡ್ದಿಸಿದಂಗಾತ್.

ಆದರ್ನೂ,  ಸಣಪ

ಮಾಟ-ಚಿದ್ರತೇಳುವಂತದ್‌ ಮಾಡಿರೆ,

ಮಾಡ್ಸಿದವ ಮತ್ತೆ ಮಾಟಕೆ ಬಿದ್ದವ ಹಾಳಾದಲ್ಲದೆ ಮಾಟಮಾಡ್ದವಂಗೆ ಯಾವ ದೋಸ ಇಲ್ಲೆತೇಳ್ದು ಕಣ್ಣ್‌ಗೆ ಕಾಂಬ ಸತ್ಯ.ಆದರೆ ಈ ನ್ಯೂಕ್ಲಿಯಾರ್ ತೇಳುವ ಕಣ್ಣ್‌ಗೆ ಕಾಣದ ಕೆಲ್ಸ ಒಪ್ಪಿಕಂಬಕೆ ಮುಂದೆ,ಯಾವ ದೇಸಕೆ ಯಾರ ಬುಡಕೆ ಮೊದ್ದು ಅರೆತೊಳದ್‌. ಇಂತದರೆಲ್ಲ ತಿಳ್ಕಂಡೆ ಪಾಕ‌ಮಾಡಿ ಹೊರ್ಡಕು.

ಅದಲ್ಲದೆ ಆಗ‌ನ ದಿನಗಳ್ಲಿ ಇಸ್ರೇಲ್‌ನ ಗಡಿಲಿ ಕಫ ಅಣ್ಣಾ‌ತೇಳಿ ಕೆಮ್ಮಿದವನನೂ ಗುಂಡ್‌ಹೊಡ್ದ್‌‌ ಗಡಿನ ಬೇಲಿಗೆ ಕಂಕಣಿ ಕಟ್ಟಿ ನಮ್ಮ ಎದ್‌ರ  ಯಾರೂ ಉಸ್ಕ್‌ಡಮ್ಮು ತೆಗೆಕೆ‌ಬೊತ್ತುತ ಪ್ರಪಂಚದ ಎಲ್ಲಾ‌ದೇಸಕೆ "ಕೇಳಿಕಲಿ‌ ನೋಡಿ ಕಲಿ " ತ ಕಾರ್ಯಕ್ರಮ ಮಾಡತಿದ್ದ ದೇಸ ಇಸ್ರೇಲ್ ಮಾತ್ರ.

ಇಲ್ಲಿ ಸಣಪ,

 ಈ  ಬೆಚ್ಚ ರಕ್ತದ ಅಲ್ ಮಶ್ಹಾದ್‌ನ ಯೋಚನೆ ಏನ್‌‌ತೇಳಿರೆ ಇಸ್ರೇಲ್‌ತೇಳ್ವ ಒಂದ್‌ ಹಿಡಿಮುಷ್ಟ್‌ ಇರ್‌ವ ದೇಶ ನನ್ನೇನ್ ಮಾಡಿಕಾಕಿಲೆ‌ತೇಳಿ,ಅಲ್ಲದೆ ನನ್ನ ಬೆನ್ನಿಂದೆ ಇರುವ ದೇಶ ಇಸ್ರೇಲ್‌ಂದ ಹತ್ತ್‌ಪಾಲ್‌ಗಟ್ಟಿತ ನೆನ್ಸಿತ್. ಇಲ್ಲಿ ಅವ ಮರ್ತದ್ ಎಂತರತೇಳಿರೆ,  ಇಸ್ರೇಲ್‌‌ತೇಳ್ವ ಮೊಸಳೆಗೆ ಕಟ್ಟಿದ ಗಾಳಕೆ ನೊಕ್ಕುಳು ನಾನೇ ತೇಳ್ದರ ಗೊತ್ತಿತ್ಲೆ. ಮೊಸಳೆ ಗಾಳನ ಕಚ್ಚಿ ತಂಗೀಸ್ ತುಂಡುಮಾಡಿರೂ ಆ ನೊಕ್ಕುಳುನ ತಿನದೇ ಇರ್ದೊ.

ಸಣಪಂಗೆ ನಮ್ಮ ಪಟ್ಟಾಂಗದ ವಿಚಾರಕೆ ತೂಕ ಸಿಕ್ಕಿತ್‌ಕಂಡದೆ.ಮೆಲ್ಲ ಹಿಂದೆನ ಕಕ್ಟಟ್‌ಗೆ ಹಾರಿ ಕುದ್ದ್‌ಕಂಡೊ...

ಎರ್ಡ್‌ನೆ ಸರ್ತಿ ಎಲೆಡ್ಕೆ ತೊಟ್ಟೆಗೆ ಕೈಹಾಕಿದೊ ಕಂಡದೆ.

ಉಂ ಇರ್ಲಿ....

ಇತ್ತ ಕಡೆ ಇಸ್ರೇಲ್ಗೆ ಇಂತಾ ಕಾರ ಆಂಬರದ ಸುದ್ದಿ ತಿಳ್ದದೇ ತಡ ಇಸ್ರೇಲ್ನ ಬೇಹುಗಾರಿಕಾ ತಂಡ "ಮೊಸ್ಸಾದ್" ಚುರ್ಕಾಗಿ ಬುಟ್ಟತ್!

ಸುರೂಗೆ ಅವಂಗೊಂದ್ “ಈ ಅಣುಬಾಂಬುನ ತಯಾರ್ಕೆಂದ ದೂರ ಹೋದರೆ ನಿನ್ನ ಜೀವಕೆ ಒಳ್ಳದ್‌ ಇರುವಸ್ಟ್‌ದಿನ ತೆಳಿಗೆಂಜಿ ಉಂಡಾರ್‌ ನೀ ಬೊದ್ಕಕ್‌ ಅಂತ ” ಹೇಳಿ ಕಳ್ಸಿದೊ !

ಆಗ ಆ ವಿಜ್ಞಾನಿ ಹ್ಹ ಹ್ಹ ಹ್ಹತೇಳಿ ನೆಗಾಡಿ ಅವರ ಮಾತ್‌ನ ಹೂಂಸುಲೆಕ್ಕಮಾಡಿ ಬುಟ್ಟತ್! 

"ಎಂತೆಂತ...ಯಾರದ್ ಅವಂಗೆ ಬುದ್ದಿವಾದ ಹೇಳಿಕೋದ್..." 

ಸಣಪಂಗೆ ಮೊಸ್ಸಾದ್‌ ಹೆಸರ್‌ ಎಂತತ ಗೊತ್ತಾತ್ಲೆ.

ಇಂದನಿ ಸಣಪ ಈ ಮೊಸ್ಸಾದ್‌‌ತೇಳ್ವ ಇಸ್ರೇಲ್‌ನ ಸೈನಿಕಂಗ ನಿಮ್ಮ ಹುಲಿನನೂ ಹಿಡಿವ ನಾಯ್ಗಳಾಂಗೆ.

ನೀವು ಚೂ...ಕ್ ತೇಳಿರೆ ಅವು ಹೇಂಗೆ ಬೆರ್ಸ್‌ವೆನೋ ಹಾಂಗೆ ಈ ಮೊಸ್ಸಾದ್‌ ತಂಡದವು.ಸರ್ಯಾಗಿ ಅವು ಪ್ರಪಂಚದ ಯಾವ ಮೂಲೆಲಿ ಯಾರ ನಡುಲಿ ಯಾವ ಕೆಲ್ಸಲಿದ್ದವೆತ ಗೊತ್ತಾಕಿಲೆ.

ಆದರೂ ಇಸ್ರೇಲ್ ಸರ್ಕಾರ ಚೂಕ್ ತೇಳಿ ತಿರ್ಗಿಕೆ ಮುಂದೆ ಅತ್ತ ಹೋಕಾದ ಜೀವ ಬೇಕಾದಾಂಗೆ ಸತ್ತ್‌ ಬಿದ್ದಿದ್ದದೆ.

ಇಂತವು ಸಣಪ ಮೊಸ್ಸಾದ್ ಹುಲಿಗ.

ಸಣಪ ಇಲ್ಲಿಕೇಳಿ

ಈ ಇಸ್ರೇಲ್‌ನವು ಕುಂಡೆಗೆ ಕಬ್ಬಿಣ ಕಾಸಿಸಿ ಬಾಣ ನೋಡುವಾಂಗೆ ಹಿಡ್ಕಂಡ್ ಬೊಟ್ಟುವೆತ  ಈ ಅಣು ವಿಜ್ಞಾನಿ ನೆನ್ಸ್ಯೇ ಇತ್ಲೆನೋ ಅಲ್ಲೋ ಬೇಕುತೇಳಿ ತಲೆಕೊಟ್ಟದಾಗೊತ್ಲೆ.

ಅಸಲ್‌ಗೆ, ಇಸ್ರೇಲ್‌ನವ್ಕೆ ಈ ಇರಾಕ್‌ನ ಅಣುಸ್ಥಾವರನ ಇರ್ವ ಜಾಗೆಲೆ ಡೀಂ....ತೇಳಿ ಒಡ್ಸುದು ದೊಡ್ಡ ಕೆಲ್ಸ ಏನಾಗಿತ್ಲೆ. 

ಆದರೆ.....

ಈ ಕುಲಗೆಟ್ಟ ನ್ಯೂಕ್ಲಿಯರ್ ಕಸುಬು ಇಸ್ರೇಲ್ನ ವಿರುದ್ಧ ಒಳದ್ ಅಂತೇಳ್ದು ಗೊತ್ತ್‌ಗೊತ್ತಿದ್ದ್ ಈ ಅಣು ವಿಜ್ಞಾನಿ   ಯಾಹ್ಯಾ ಅಲ್ ಮಶ್ಹಾದ್ ಬಾಂಬ್  ಮಾಡಿಕೊಟ್ಟನೆತ ಹೊರ್ಟದ್ ಮಾತ್ರ ಅವನ ಎದೆನ ಸೆಳ್ಳಿ‌ನ ತಾಕತ್ತ್‌ತೇಳಕ್‌....

ಅದೇನೆ ಇರ್ಲಿ  ಇಸ್ರೇಲ್ ಮಾತ್ರ ಇಂತದ್ಕೆ ಸುಮ್ಮನಿರವಲ್ಲ !

ಎದುರು ಬಂದವರ ಕತೆನ ಪ್ರಪಂಚಕೆ ತೋರ್ಸಿಕೆ ಸಿಕ್ಕಿದ ಮತ್ತೊಂದ್ ಉದಾಹರಣೆತ ನೆನ್ಸಿ ಬೇಕಾದ ತಯಾರಿ ಮಾಡ್ತ್‌.

ಸಣಪ ಚೂ..ಕ್ ಚೂಕ್

ಚಕಚಕನೆ  ಕೆಲ್ಸಕಿಳ್ತ್ ಮೊಸ್ಸಾದ್‌,

 ಏಜೆಂಟ್‌ಗ‌ ಈ ಅಣು ವಿಜ್ಞಾನಿ ಯಾಹ್ಯಾ ಅಲ್ ಮಶ್ಹಾದ್ ನ ಹೆಜ್ಜೆ ನೆರ್ಳ್‌ನ ಹಿಂದೆ ಬಿದ್ದೊ !ನೊ...?

 ಇಲ್ಲೆಸಣಪ ಇವು ಹೆಜ್ಜೆ ನೆರ್ಳ್ ‌ ಇದರೆಲ್ಲ ಬೆನ್ನಿಂದೇ ಹೋಗಿ ಕಂಡಿಡಿದು ಮೊಸ್ಸಾದ್‌ನ  ಕಾರ್ಯಶೈಲಿ ಅಲ್ಲನೆ ಅಲ್ಲ.ಬೇಟೆ ಹೋವದಾರಿನ ಹುಲ್ಲಾಗಿ ಅವು ಎಂದೊ ಬೆಳ್ದ್‌ ಕಾದ್‌ಕುದ್ದಿದ್ದವೆ.

ಅದಾಗಲೆ ಬೆಡಿಕಟ್ಟಿ ಆಗಿದ್ದದೆ, ಹಂದಿ ದಾಟಿಕೆ  ಮಾತ್ರ ಕಾದ್ಕಂದ್ದವೆ.

ಅವರ್ದ್‌ ಒಂತರಾ ವಿಚಿತ್ರ ಕಾರ್ಯಶೈಲಿ .ಏಕೆತೇಳಿರೆ ಅವು ಇಸಿದ ಗುರಿನ ಯಾವೊಬ್ಬನೂ ಮುಂದೆಗೆ ಪ್ರಪಂಚದ ಮೇಲೆ ಜೀವಂತಲಿ ಸಿಕ್ಕುದುಲೆ.

ಹಾಂಗೂ 1948 ರಿಂದ ಇಂದ್‌ನವರೆಗೂ ನಡ್ದ ನೂರಾರು ಆಪರೇಸನ್ನುಗಳ್ಲಿ ಯಾರಿಗೂ 

ಮೊಸ್ಸಾದ್ ಫಾಲೋ ಮಾಡ್ತುಟ್ಟುತೇಳುವ  ಅನ್ಮಾನ ಬಾತ್ಲೆಗಡ.ಬಂದವನೂ ಬೊದ್ಕಿದಿಲ್ಲೆ. ಮೊಸ್ಸಾದ್ ಫಾಲೋ ಮಾಡ್ತ್‌‌ತೇಳಿರೆ ಸಾಕ್ಷಾತ್ತ್ ‘ಯಮಮಾಮ’ನೇ ಕೋಣಲಿ ಕುದ್ದ್‌ಬಂದಾಗೆ ಸೊರ್ಗ ನರ್ಕದ ಬಾಗ್ಲ್‌ಗೆ ಟಿಕೇಟ್ ಸಿಕ್ಕಿದಾಂಗೆನೆ !

ಇತ್ತ 

ಮಶ್ಶಾದ್ ಪರ್ಪಂಚ ಸುತ್ತೆಂಡ್ ಬಾರಿ ಸೂಕ್ಷ್ಮಲಿ ಸುತ್ತಾಕೆಂಡ್‌ ಕೆಲವು ವಿಜ್ಞಾನಿಗಳ ಮಾತಾಡ್ಸಿಕಂಡ್‌ ಬೇಕಾದ ಮೊದ್ದರಿವ ಕೆಲ್ಸ ಮಾಡಿಕಂಡ್‌ ತಿರ್ಗತಿತ್ತ್‌,

ಈ ಅಣು ವಿಜ್ಞಾನಿಗೆ  ಬುಡಾದೆ ನಲವತ್ತ್ ದಿನಂದ ಕಾದಿದ್ದ ಮೊಸ್ಸಾದ್ ಅಕೇರಿಗೆ ಒಳ್ಳ ಮುಹೂರ್ತ ಒಂದರ  ಪ್ಯಾರಿಸ್ಸ್‌ನ “ಲೀ’ಮೆರಿಡಿಯನ್ “ ಅಂತೇಳ್ವ ಹೊಟೆಲ್ಲಿ ಇಸಿದ್ ಕಾದಿತ್ತ್.

ಸಣಪ ಅದ್ 1980 ರ ಜೂನ್ 14 ನೆ ದಿನ,

ಈ ಅಣು ವಿಜ್ಞಾನಿ “ಯಾಹ್ಯಾ ಅಲ್ ಮಶ್ಹಾದ್” ಪ್ರಪಂಚದ ಅತ್ಯುನ್ನತ ರಕ್ಷಣಾ ವ್ಯವಸ್ಥೆ ಇದ್ದ ಪ್ಯಾರಿಸ್ ಪೇಟೆನ ಹೊಟ್ಲ್‌ ರೂಮುಲಿ ಕೊಲೆಆಗಿ ಹೋತ್!

ಕೊಲೆ ಆದ್‌ಸರಿ ,

ಸತ್ತವನ ಹೆಣ ಮೊನ್ಸರ  ಹೆಣದಾಂಗೆ  ಇತ್ಲೆಂತ  ಅಂದ್ ಪೋಸ್ಟ್‌ಮಾಟಂ ಮಾಡ್ದ ಡಾಕ್ಟರ್‌ಗ ರಿಪೋರ್ಟ್ ಗೀಚಿದ್ದಗಡ.

ನೋಡ್ದವನ ಎದೆ ಒಡಿವಂಗೆ,ಹೆಣದ ಎಲ್ಲ ಎಲುಗಳ ಗುದ್ದಿ ಹೊಡಿತೆಗ್ದಿದ್ದಗಡ.ಕೊಂದ ಭೀಕರತೆ ಬಯಂಕರತೆ ಹಾಂಗಿತ್ತ್.

ಇಲ್ಲಿ ಆಗ ಕೆಲ್ಸ ಮಾಡ್ದ ಟೀಮ್‌ ಹೆಸರ್‌ನ ಕಿಡೋನ್‌ ಅಂತ ಕರ್ದಿದ್ದೊ.ಆ ಟೀಮ್‌ ಕೊಂದ ಬೇಟೆ ಬಾರಿ ಸೋಕುನ ಪಕ್ಕಾ ಪ್ರೊಫೆಶನಲ್ಲಾಗಿತ್ತ್! 

ಎಲ್ಲಾರ್‌ ಈ ಯಾಹ್ಯಾ ಅಲ್ ಮಶ್ಹಾದ್ ಬೊದ್ಕಿರೆ ಇಸ್ರೇಲ್‌ನ ಮರ್ಯಾದೆ ಹೋದುತೇಳಿ ಮೊಸ್ಸಾದ್ ನ ಪರಮಕಟುಕ ಸೈನಿಕಂಗ ತಾಯ್ನೆಲದ ಪ್ರೀತಿನ ಎದೆಂದ ರಟ್ಟೆಗಿಳ್ಸಿಕಂಡ್ ಚೂರಿ ಬೀಸಿದರ್ಲಿ ಅವನ ಗಂಟ್ಲ್  ಹರ್ದ್ ಹಿಂದೆಗೆ ಮಾಲಿತ್ತ್‌  ಅಷ್ಟ್ ಸಾಕಾಗದೆ ಕೈಂದ ಅರ್ದ ಎದೆನ ವರೆಗೆ ಕೊಡ್ಪಿ ಮುರ್ದ್ ಸೊರೆ ಕಾಂಬಾಂಗೆ ಮೀಂಡಿ ಅಡ್ಡಡ್ಡಕ್ಕೆ ಅರ್ಧ ಅಡಿ ಅಗಲಕೆ ಸಿಗ್ದ್ ರಕ್ತ ಕಕ್ಕಿಸಿಬುಟ್ಟಿದ್ದೊ ! 

ನಮ್ಮ ಬಾಸೆಲೆ ಹೇಳಕಾರೆ ಸಣಪ ಅವನ ಅವು ಪೊರ್ಲುಲಿ ಬೊಡ್ಚಿದ್ದೊ......

ಇಸ್ರೇಲ್ ತೇಳ್ವ ರಣಹುಚ್ಚರ್  ವಿರುದ್ಧ ಬಿದ್ದ ಒಂಟಿಂಙಗಳ ಕತೆ  ಏನಾದುತೇಳ್ದದ್ಕೆ 

ಪ್ರಪಂಚದ ಅತಿ ಬಲಿಷ್ಟ  ಸೆಕ್ಯೂರಿಟಿ ಇದ್ದ ಪ್ಯಾರಿಸ್ಸ್‌ನ ಕೋಟೆನ ಒಳಗೆ ಹುಕ್ಕ್ ಮೊಸ್ಸಾದ್  ಹೊಸ ಪಾಠನ ಎಲ್ಲವ್ಕೆ ಹೇಳಿಬಂದಿತ್ತ್.

ಅದಾಗಿ ಕಟ್ಟಿದ್ದ ಅಣುಸ್ಥಾವರನ ಬರೊಬ್ಬರಿ ಹದ್ನಾಲ್ಕ್ ಟನ್ ಬಾಂಬು ಹಾಕಿ ಚೂಟುಮೊಣ್ಣು ಮಾಡಿ ಸುಮ್ಮನೆ ಕುದ್ದಿತ್ತ್  ಈ ಇಸ್ರೇಲ್.

ಹಾಂಗೆ ಸಣಪ ಇಸ್ರೇಲ್‌ನ ವೈವಾಟ್.

ಹೇಂಗೆ ಸಣಪ ....ಅಲನೋ

ಓ ಸಣಪ.....

ಸಣಪತೇಳಿ ನಾ ತಿರ್ಗಿನೋಡಕಾರೆ

ಎಡೆಡೆಲಿ ಹ್ಹೂಂಕುಟ್ಟತಿದ್ದ ನಮ್ಮ ಸಣಪ ಮೇಲೆ ಬರೆಲಿ ಇದ್ದ ಮೋಟೆಲಿ ಜೇನ್ನೆಳ ಹಾರ್ತುಟ್ಟುತೇಳಿ ಕಕ್ಕಟ್‌ಲೆ ನಿತ್ತ್‌ ಗೆಬ್ಬಾಳ್ಸಿಕಂಡ್ ನೋಡ್ತಿದ್ದೊ.....

ಇನ್ನ್ ಈ ಜನ ನನ್ನ ಮಾತ್‌ಗೆ ಕೆಬಿಕೊಡಿಕಿಲೆತ ಗೊತ್ತಾತ್

ನಾ ಎದ್ದ್ ನಡ್ದೆ. ದೂರಂದ ಕರ್ದೇಳ್ದೆ

"ಸಣಪ ಈ ಜೇನ್ನೆಳಗಳು ಇಸ್ರೇಲ್‌ನಾಂಗೆ ಹನಿ ನೋಡಿಕಂಡ್ ಕೈಹಾಕಿ...ಬೆರ್ಸಿಕಂಡ್ ಜಾಲೊರೆಗೆ ಬಾವೋ....ಹಹ್ಹಹಹ......" ತೇಳಿ ನಡ್ಕಂಡ್ ಮನೆಕಡೆ ಹೊರ್ಟೆ.

Read More
3418a655e5f5784cd2539a6d9a8dbc3a  pink dress the dress

ಮಳೆ ಮತ್ತು ಅವಳು

16 Aug 2017

 

ಜೋರಾಗಿ ಮಳೆ ಸುರಿಯುತಿರಲು 
ನನ್ನ ಮನಕ್ಕೆ ನಿನ್ನದೇ ಯೋಚನೆ||
ಗಾಢವಾಗಿ ನಾ ಮಲಗಿರಲು
ಕಾಟ ಕೊಡುವೆ ಹಾಗೆ ಸುಮ್ಮನೆ||


ಆ ಗುಡುಗಿನ ಭಯವಿರಲು
ಮಿಂಚಂತೆ ನಿನ್ನ ನಗು ಕಾಣುತ್ತಿದೆ||
ಜೋರಾಗಿ ಗಾಳಿ ಬೀಸುತಿರಲು 
ನೀನೆ ಬಳಿ ಬಂದಂತಿದೆ||


ಮೋಡವು ಭಾನನ್ನು ನುಂಗಿರಲು
ನಕ್ಷತ್ರದಂತೆ ನೀ ಕದ್ದು ಇಣುಕುತ್ತಿದ್ದೆ||
ಚಂದಮಾಮ  ಮಾಯವಾಗಿರಲು
ಕತ್ತಲಲ್ಲಿ ನಾ, ನಿನ್ನ ಹುಡುಕುತ್ತಿದ್ದೆ||


ನನಗೆ ನಿನ್ನ ಕಾಣುವ ಆತುರ||
ನೀ ಎದುರು ಬಂದಾಗ ಏಕೆ ಈ ಅಂತರ||

Read More