Cimg0655

ಚಾವಡಿನ.ಗಡ್ಯಾರ

ಚಾವಡಿನ ಗೋಡೆ ಮೇಲೆನ ಗಡ್ಯಾರ,
ಅದ್ ಮೇಡ್ ಇನ್ ಜರ್ಮನಿ.

ಎಂದೊ ಪಂಡ್ ಉಗಪನಪ್ಪ 
ಹಡಗ್ ಲಿ ಹೇಳಿ ತರ್ಸಿದ್ ಗಡ.
ಅಂದೇ ಕೊಟ್ಟವುಗಡ ,ಏಳ್ನೂರ್ ರೂಪಾಯೀ..
ಅಂದರೆ ಈಗದರ ಕ್ರಾಯ...?
ಕ್ರಾಯನ ಕಾಲದೊಟ್ಟಿಗೆ ತೂಗಿಕಾದ್ಲೆ ನೋಡಿ..
ಹಾಂಗೇನಾರ್ ಮಾಡ್ರೆ..
ಪಂಡ್ ನ ಸಾಮಾನ್ ನೆಲ್ಲ ದುಡ್ಡುಲಿ ತೂಗಕಾದು.

 

 

ಎಂದೋ ಅದರ,
ಚಾವಡಿನ ದೊಡ್ಡ ಗೋಡೆಗೆ ನೇಲ್ಸಿದ್ದೊ..
ಈಗನ ಹಿರಿತಲೆಗಳಿಗೆ ನೆಂಪು ಬಾಕನ್ನೆ ಅಲ್ಲಿತ್ತ್ ಗಡ .
ಸಾರೆಂಙ ಕೊಂಬುನ ಕರೆಗೆ,ಜಾಲ್ ಗೆ ಮೋರೆ ಮಾಡಿ

ನೋಡ್ತುಟ್ಟು ಅಲ್ಲಿಂದಲೇ ..ಹೊಸ ಹೊಸ ದಿನಗಳ
ಅದೆಷ್ಟೊ ಹಗಲಿರ್ಲ್ ಅಮಾಸೆ ಹುಣ್ಣಿಮೆನ
ಮೊದ್ರೆಂಗಿ -ಮೊದ್ವೆನ,ಹಬ್ಬನನೂ -ಬೊಜ್ಜನನೂ..
ನೆರೆಕರೆ ಊರವರ,ಹೊಸ ಹೊಸ ನೆಂಟ್ರ್ ಗಳ
ಹೊಸ ದಿನಗಳ ಹೊಸ ಕೋಲ-ವೇಸಗಳ
ಬಣ್ಣ ಬಣ್ಣದ ಬೊದ್ಕ್ ನ ಗೌಜಿಗದ್ದಲಗಳ.

ಚಾವಡಿಲಿ ಬಗಬಗೆನ ಪಂಚಾತಿಗೆನೂ ಕಂಡುಟು
ಅಕೇರಿಗೆ ತೀರ್ಮಾನ ಹೇಳಿಕೆ ಗಡುವುನು ಕೊಟ್ಟುಟು
ಒಮ್ಮೊಮ್ಮೆ ಕೆಲವ್ ಬಾಯಿಲಿ ಬೊಯ್ಗಳೂ ತಿಂದುಟು
"ಸುಟ್ಟ ಹೊತ್ತ್ ಹೋದೇ ಗೊತ್ತಾತ್ಲೆ" ತೇಳ್ವೋ
ಗಡ್ಯಾರ ನೋಡಿ.
ಅಂದರೂ ಗಡ್ಯಾರ ಅದರ ಕೆಲ್ಸನಿಲ್ಸಿತ್ಲೆನೋಡಿ
ಹೊತ್ತ್ ಹೊತ್ತುಗೂ ಬೊಬ್ಬೆ ಹೊಡೆತುಟ್ಟು..
ಸುತ್ತ ನೆರೆಕರೆಗೆ ಕೇಳ್ವಾಂಗೆ..
ಪಂಡ್ ಕಲವ್ಕೆ ಗಂಟೆನೋಡಿಕಾಗತ್ಲರೂ.
ಅದರ ಸಬ್ದಕೆ ಲೆಕ್ಕಾಚಾರ ಮಾಡಿಕಣವುಗಡ
ಹಿಟ್ಟ್ ಹುಗ್ಗೆ,ಹುಲ್ಲು ಸೊಪ್ಪುಗೆತೇಳಿ ಜಾಲ್ ಗಿಳಿಯಕೆ.
ದನಕೆ ಮೊಡ್ಡಿ ನಾಯಿಗೆ ಗಂಜಿ ಹಾಕಿಕೆ

ಇಂದೊರೆಗೆ,ಕಪ್ಪು ಪೆಟ್ಟಿಗೆನಾಂಗೆ ಕಾಂಬ ಅದರ್ಲಿ.
ಕೆಳೆಗೆ ನೇಲ್ಸಿದ ಸೆಡೆ ತೂಗೆಂಡೇ ಉಟ್ಟು
ಮೂರು ಮುಳ್ಳುಗ ತಿರ್ಗೆಂಡೇ ಉಟ್ಟು..
ಯಾರನು ಕಾಯದೆ,ಕೇಳದೆ..

ಮತ್ತೊಂದ್ ಹೇಳ್ನೆ,
ಹೆಣ್ಮಕ್ಕ ತವರ್ ಮನೆಗೋದಾಂಗೆ,
ವರ್ಸಕೊಮ್ಯಾರ್ ಇದರ ಹಿಡ್ಕಂಡ್
ಅಬ್ಬಾಸ್ ನಲ್ಲಿಗೆ ಹೋಗಿ ಬಾಕುಟ್ಟು..
ಕೆಬಿ ತಿರ್ಗ್ ಸಿ,ಕೀಲ್ ಗಳಿಗೆಲ್ಲ ಎಣ್ಣೆಬುಡಿಕುಟ್ಟು.

ಏನೇ ಇರ್ಲಿ,,
ಅದ್ ಇಂದೊರೆಗೂ ಜೀವಲಿ ಉಟ್ಟು
ಆ ಸುಣ್ಣ ಬಣ್ಣ ಬೇರಾವ ಚಾವಡಿನ ಗೋಡೆಲಿ

"ಅದ್ ,ಮೇಡ್ ಇನ್ ಜರ್ಮನಿಲಿ...
ತಂದಾಳ್ದ್ ಬಾರೀ ಪಂಡ್ ಲಿ.
ನಮ್ಮಲ್ಲಿ ಒಳದ್  ಇಂದೊರೆಗೆ
ಉಗಪನಪ್ಪನ ನೆಂಪುಲಿ."

Comments

Img 0714 01
Manoj kudekall Thanks thammanna matte kiran bvange.
over 2 years ago
Fb img 1523024405047
Keerthi Super manoj bro.. Bt aa gadiyara yelli uttu, Yava maneli, Or doddamanela
over 2 years ago
470
Kiran Kumbalacheri ಸೂಪರ್ ಬಾವ ಬಾರಿ ಲಾಯಿಕ್ ಬರ್ದಳರಿ,,, ಪಂಡ್ ನ ಗಡಿಯಾರ ಇಂದುನೂ , ಮುಂದೇನೂ ಹಂಗೇ ಇರ್ಲಿ,,,,
over 2 years ago
Img 0714 01
Manoj kudekall ಥ್ಯಾಂಕ್ಸ್‌ ಬಾವ
over 2 years ago
Img 20170610 195642 451
Karthi padela ಸುಪ್ಪರ್ಯ ಬಾವ...ಒಳ್ಳ ವಿಸಯ....
over 2 years ago

Other articles

Img 20170902 195252

ಮೊದಲ ನೋಟ

02 Sep 2017

ನಾನು ನಿನ್ನ ನೋಡಿದ್ದು ಬರೀ ಎರಡು ನಿಮಿಷ

ನನ್ನ ಕಣ್ಣುಗಳಿಗೆ ಅದು ಏನೋ ಹರುಷ||

 

               ಆ ನಿನ್ನ ಕೇಶ ರಾಶಿ

              ನೋಡಲು ಏನೋ ಖುಷಿ||

 

ನನ್ನ ನೋಡಿ ಮೂಡಿದ ಆ ಮುಗುಳುನಗು

ಒಂದು ಕ್ಷಣ ನಾನದೆ ಪುಟ್ಟ ಮಗು||

 

          ನೀನು ತಿರುಗಿ ನೋಡಿ ಮಾಡಿದ ಆ ಕಣ್ ಸನ್ನೆ

          ನನಗೆ ಅರ್ಥವಾಗದೇ ಹೋಯಿತು ಅದು ಸೊನ್ನೆ||

 

ಈಗ ನನಗಿರುವುದು ಬರೀ ನಿನ್ನ ನೆನಪು

ಆ ನೆನಪಲ್ಲೇ ಕಾಣುತ್ತಿರುವೆ, ನೀ ಸಿಗುವ ಕನಸು||

Read More
Cashew 627525g

ಹುಡ್ಗಾಟದ " ಹುಡ್ಕಾಟ "

20 Jul 2017

  ಆ ಪ್ರಾಯನೇ ಹಂಗೆ... ಆಗಷ್ಟೇ ಪಿಯುಸಿ ಮುಗ್ಸಿ ದೊಡ್ದ ಕಾಲೇಜ್ ಗೆ ಸೇರಿದ್ದವೆ. ಕ್ಲಾಸ್ ಲಿ ಇದ್ದರೂ ಇಲ್ಲದಿದ್ದರೂ, ಲೆಕ್ಚರ್ ಮಾಡ್ದ ಪಾಠ ಕೇಳ್ರೂ ಕೇಳದಿದ್ದರೂ ಹೇಳಂವ ಕೇಳಂವ ಯಾರೂ ಇರ್ದುಲೆ. ಎಷ್ತೇ ಗೂಡೆಗಳ ನೋಡ್ರೂ ಮನ್ಸ್ ಗೆ ಬಿಡ್ದ್ ಹೋತ್ ಅನ್ಸಿಕೇಲೆ. ಗ್ಲಾಸ್ ಲಿ ಅಲ್ಲದಿದ್ದರೆ ಗೊಟ್ಟೆಲಿ ಕುಡ್ಸುವಾಂಗೆ ಕದ್ದ್ ಕದ್ದ್ ನೋಡಿಕಾಂಡಿದ್ದವೆ. ಇನ್ನ್ ಹಾಸ್ಟೆಲ್ ಲಿ ಇದ್ದರೆ ಅಂತೂ ಕೇಳೊಕೂಂತಲೇ ಇಲ್ಲೆ. ಅಪ್ಪನ ಬೊಯ್ಗಳಿಲ್ಲೆ.. ಅಮ್ಮನ ಪರ್ರ್ಂಚಟ ಇಲ್ಲೆ!!! ( ಎಷ್ಟೋ ಸಲ ಅನ್ಸಿದೆ... ಮೊನ್ಸ ಆಗಿ ಹುಟ್ಟಿದ ಮೇಲೆ ಒಮ್ಮೆಯಾರ್ ಹಾಸ್ಟೆಲ್ ಲೈಫ್ ನ ಮಜಾ ಅನ್ಭವ್ಸಿಯೇ ಅನ್ಭವ್ಸೊಕು!!) ಹಿಂಗಿರ್ ಕಾಕನನೇ ನಮ್ಮ ತಲೆಗೆ ಎಂತ ಹೋಳ್ದರೂ "ಸಂಶೋಧನೆ" ಮಾಡೊನೊ ಎಂಬ ಸಣ್ಣ ಧೈರ್ಯ "ಹುಡ್ಗಾಟ"ದ ಮನ್ಸ್ ಗೆ ಹೊಳಿದು. ಹಂಗೇ ಹಾಸ್ಟೆಲ್ ಹಿಂದೆ ಮರಲಿ ಗ್ಯಾರ್ದಣ್ಣ್ ನೋಡ್ಕಾಕನನೇ ನನ್ನ ತಲೆಗೂ ಹೊಳ್ತ್... ಎಂತ?? ಬೀಜದಣ್ಣ್ ಹೇಳ್ರೇ ನೀವ್ಗೂ ಹೊಳ್ದಿರ್ದಲ್ಲಾ?? ಅದೇ..ಅದೇ.. ಒಮ್ಮೆ "ಗ್ಯಾರ್ದಣ್ಣ್" ದರ ಕಾಸಿ ನೋಡೊನೋಂತ!!!

  ಆದರೆ ಕಾಸುದು ಹೆಂಗೆ?? ಸಣ್ಣದರ್ಲಿ ಬೀಜಣ್ಣ್ ಸಿಗ್ದ್ ಹಾಕುದರ ನೋಡಿ ಗೊತ್ತುತಷ್ಟೇ ಬುಟ್ಟು ಕಾಸುದರ ನೋಡಿಯೇ ಗೊತ್ಲೆ!!! ಪ್ರೈಮರಿ ಶಾಲೆಲಿ ವಿಜ್ಞಾನಲಿ ಜಾರ್ಜ್ ಮಾಷ್ಟ್ರ್ "ನೀರಿನ ಭಾಷ್ಪೀಭವನ/ ಭಟ್ಟಿಇಳಿಸುವಿಕೆ ಅಂದರೆ ಅದೇ ಮಾರಾಯ" ಹೇಳ್ದ್ ನೆನ್ಪಾತ್. ಆದರೂ ಯಾರೊಟ್ಟಿಗೇಂತ ಕೇಳ್ದು. ಕೊಡ್ಪಾಣಲಿ ಚಿಪ್ಪಿ ಇಸಿ ಕಾಸಿಕಣ್ತಿದ್ದ ದೊಡ್ಡಪ್ಪನೊಟ್ಟಿಗೆ ಕೇಳ್ರೆ ಆಕಿಲೆ. ಯಾರಿಗೂ ಗೊತ್ತಾಂಗದಾಂಗೆ ಪುಂಡಿಪಾತ್ರಲಿ ಕಾಸಿಕಂಬತಿದ್ದ ದೊಡ್ಡಮ್ಮನೊಟ್ಟಿಗೆ ಕೇಳ್ರೆ ಮಾಯಿಪುನ ಸುಡಿಲೇ ಸಿಕ್ಕುದು. ಇನ್ನ್ ಡ್ರಮ್ ಗಟ್ಟಲೆ ಕಾಸಿಸಿಕಂಬತಿದ್ದ ಮಾವನೊಟ್ಟಿಗೆ ಕೇಳ್ರೆ ಗ್ರಾಚಾರನೇ ಬುಡ್ಸ್ ವೊ. ಅಷ್ಟೊತ್ತಿಗೆ ಕುರೆನೊಟ್ಟಿಗೆ ಇರುವ ಕೊರುಂಬನಾಂಗೆ ನನ್ನ ಎಲ್ಲಾ "ಮಹಾತ್ಕಾರ್ಯ"ಗಳ್ಗೆ ಒಟ್ಟಿಗೆ ಇರುವ ದೋಸ್ತಿ "ಎಂಪಿ" ನ ನೆನ್ಪಾತ್. (ಮನೆಂವ್ ಎಷ್ಟೇ ಲಾಯಿಕ್ ನ ಹೆಸ್ರಿಸಿರೂ ನಾವ್ ಕರಿದು ' ಕುಂಞಿ' ಹೆಸ್ರ್ ಲೇ ಅಲ್ಲ) ನಾವಿಬ್ಬರೂ ಕ್ಲಾಸ್ ಬೇರೇ ಆದರೂ ಒಂದೇ ಊರವ್ ಆದರ್ಂದ ಬೆಸ್ಟ್ ಜೋಡಿ. ಇಬ್ಬರೂ ಸೇರಿ, ಡಿಸ್ಕಸ್ ಮಾಡಿ "ಕಾಸುವ ಪ್ಲಾನ್" ರೆಡಿ ಮಾಡ್ದೊ.

  ಬೊಳ್ಪುಗೇ ಹೋಗಿ ಸುಮಾರ್ ಬೀಜಣ್ಣ್ ಹೆಕ್ಕ್ಯಂಡ್ ಬಾಕನ ದಾರಿಲಿ ಸಿಕ್ಕಿದ ಗೂಡೆಗಳಿಗೆ ತಿಂಬಕೆ ಆಸೆ ಆದೇಂತ ಸುಳ್ಳು ಬೇರೆ ಬುಟ್ಟೊ. ಹಣ್ಣ್ ನ ಸಿಗ್ದ್ ಒಂದ್ ಪಾತ್ರಲಿ ಹಾಕಿ ಮಂಚದಡಿಲಿ ಅಣ್ಂಗಿಸಿ ಇಸಿದೊ.(ವಾರ್ಡನ್ ಗೆ ಗೊತ್ತಾಕೆ ಬೊತ್ತಲ್ಲ!!) ಈಗ ನೋಡಿ ಹೊಸ ತಲೆಬಿಸಿ.. ಕಾಸುದೆಂತದರ್ಲಿ?? ಅದ್ಕೂ ಎಂಪಿ ಒಂದು ಉಪಾಯ ಕೊಟ್ಟತ್. ಕೆಮೆಸ್ಟ್ರಿ ಲ್ಯಾಬ್ಂದ "ದುಂಡು ತಳದ ಫ್ಲಾಸ್ಕ್" ಹಾರ್ಸಿದೊ. ಒಟ್ಟಿಗೆ ಒಂದ್ ಬಿರಡೆ/ ಕಾರ್ಕ್ ಮತ್ತು ಟ್ಯೂಬ್!! ಸರಿ... ಒಂದು ವಾರಕಳ್ದ್ ಶನಿವಾರ "ಕಾಸುವ ದಿನ" ಬಾತ್. ( ಶನಿವಾರ ಯಾಕೆಂತೇಳ್ರೆ ವಾರ್ಡನ್ ಮನೆಗೋದವೆ) ಇಡೀ ಹಾಸ್ಟೆಲ್ ಮಲ್ಗಿದ ಮೇಲೆ ಕತ್ತಲೆಗೆ 12ಘಂಟೆಗೆ "ಕಾಸುವ ಕಾರ್ಯ" ಕ್ಕೆ ರೆಡೀ ಆದೊ. ನಮ್ಮ ಈ "ಹುಡ್ಕಾಟ"ಕ್ಕೆ ನಡುರಾತ್ರೆ ಅದ್ಯಾವ ಕೊಲೆ, ಪೀಡೆ ಕಣ್ಣ್ ಮುಟ್ಟ್ ಸಿತ್ತೋ ಏನೋ... ಕಾಸಿಕೆ ಕಿಚ್ಚಿ ಇಲ್ಲೆ!! "ಆಪದ್ಭಾಂದವ ಐರನ್ ಬಾಕ್ಸ್" ಮೇಜದ ಮೂಲೆಲಿ ಕುದ್ದು ನೆಗಾಡ್ ತುಟ್ಟು. ಇಸ್ತ್ರಿ ಪೆಟ್ಟಿಗೆನನೇ ಅಡ್ಡ ಹಾಕಿ ಫ್ಲಾಸ್ಕ್ ನ ಅದರ ಮೇಲೆ ಇಸಿ ಕಾಸಿಕೆ ಸುರು ಮಾಡ್ದೊ.( ಇಸ್ತ್ರಿ ಪೆಟ್ಟಿಗೆಗೆ ಆಮ್ಲೆಟ್ ಹೊಯ್ದ್ ಹೊಯ್ದ್ ಅಭ್ಯಾಸ ಆದದ್ರಂದ ಹೆದ್ರಿಕಂಡಿರಿಕಿಲೆ!!) ಅಂತೂ ಫ್ಲಾಸ್ಕ್ ಲಿ ಇದ್ದದ್ ಕೊದ್ದ್ ಕೊದ್ದ್ ಕರೆಲಿದ್ದ ಸಣ್ಣ ಕುಪ್ಪಿಲಿ ಒಂದ್ ಕೊಂಡೆನಷ್ಟ್ ತುಂಬಿತ್. ನಾವ್ಗೋ ... ಪ್ರಪೋಸ್ ಮಾಡಿಕೆ ಹೋಕನ ಗೂಡೆನೇ ಬಂದ್ "ಐ ಲವ್ ಯೂ" ಹೇಳ್ದಷ್ಟ್ ಖುಶಿ . ಕಾಸಿದ ಮೇಲೆ ರುಚಿ ನೋಡದಿದ್ದರೆ ಆದೋ? ಹುಟ್ಟಿದಲ್ಲಿಂದಿತ್ತ ಕಂಡವರೆಲ್ಲಾ ಮನ್ಸ್ ಲೇ ನೆನ್ಸಿದ್ ಒಂದ್ ತುಂಡ್ ನೆಕ್ಕರೆ ಉಪ್ಪನಕಾಯ್ ನೂ ನೆಕ್ಯಂಡ್ ಚೂರ್ ಚೂರ್ ಹೊಯಿಕಂಡೊ. ಯಪ್ಪಾ.... ಕಂಯಿ ಕರ್ಪಟೆ!! ಕರ್ಂಚಿದ ವಾಸನೆ ಬೇರೆ!! ಇದರ ಹೆಂಗಪ್ಪಾ ಕುಡ್ದವೇಂತ ಕಾಸವಂಗ , ಕುಡಿಯವಂಗೆ , ಕಾಸುದರ ಕಂಡ್ ಹುಡ್ಕಿದವಂಗೂ ಶಾಪ ಹಾಕ್ಯಂಡ್ ಫ್ಲಾಸ್ಕ್ ನ ಲಾಯಿಕ್ ತೊಳ್ದಿಸಿದೊ. ( ನಾಳ್ದ್ ಪುನಃ ಲ್ಯಾಬ್ ಲಿ ಇಸೊಕು... ಇಲ್ಲರೆ "ಕಾಣೆಯಾಗಿದೆ" ಸುದ್ದಿ ಬಾದು). ಕಾದ್ ಕಾದ್ ಹೊತ್ತಿ ಹೋದ ಇಸ್ತ್ರಿ ಪೆಟ್ಟಿಗೆ ನಮ್ಮ ನೋಡಿ ಒರ್ಂಗುಸಿ ನೆಗಾಡ್ ತಿತ್ತ್!!!

 

ಇತರೆ ಅರೆಭಾಷೆ ಬರಹಗಳಿಗೆ ಇಲ್ಲಿ ಹುಡ್ಕಿ - https://arebhasheminpuli.blogspot.in/

 

-ನಿಮ್ಮ ಹೈದ

Read More
Maduve

ಕನ್ಸ್ ನ ಮದ್ವೆ

05 Aug 2017

 

 

Read More
Preparing roti

ಬಾಲೆಕ್ಯಕ್ಕನ ಬಾಲ್ಯದಾಟಿಕೆ!!

06 May 2018
ಊರೊದ್ದೆಟ್ಟಿ ತಮ್ಮಣ್ಣ ಗೌಡ್ರ ನಾಕ್ ಗಂಡ್,ಮೂರ್ ಹೆಣ್ಣ್ ಮಕ್ಕಳ ಪೈಕಿ ಕಡೇ ಗಂಡ್ ಸಂತಾನನೇ ಹೊದ್ದೆಟ್ಟಿ ಬೆಳಿಯಪ್ಪ ಗೌಡ. ಬೆಳ್ಳಿ ಹೊಳ್ಪಿದಾಂಗೆ ಅವರ ವಿದ್ವತ್ ಕೂಡಾ ಹೊಳಿತಿದ್ದದಿಕೆ ಸಾಕ್ಷಿನೇ ಅವು ಬರ್ದ ಯಕ್ಷಗಾನ ಪ್ರಸಂಗ "ಉದಂಕ ಚರಿತೆ"!! ಬೆಳಿಯಪ್ಪ ಗೌಡ್ರ ನಾಕ್ ಹೆಣ್ಣ್, ಎರ್ಡ್ ಗಂಡ್ ಸಂತಾನಲಿ ಸುರೂನ ಹಿರಿಯಕ್ಕನೇ ನಮ್ಮ "ಬಾಲಕಿ". ಎಲ್ಲವ್ಕೆ ಮೋಕೆನ "ಬಾಲೆಕ್ಯಕ್ಕ". ಹುಟ್ಟಿದ್ ಹೊದ್ದೆಟ್ಟಿಲಿ ಆದರೂ ಬೆಳ್ದದೆಲ್ಲಾ ಸೋದರಮಾವನ ಮನೆಲಿ. ಸತ್ಯಕ್ಕೂ ಹೇಳ್ರೆ ಅದ್ ಬರೇ ಮನೆ ಅಲ್ಲ... ಸ್ವರ್ಗ ಸಂಸಾರ.. ಕುಡೆಕಲ್ಲು ಉಕ್ರಪ್ಪ ಗೌಡ, ದೇವಮ್ಮನೇ ಅದರ ಹಿರೀಕರ್. ಮಾವನ ಮನೆಲಿ ಪ್ರಾಯಕ್ಕೆ ಬಾಕನ ಮುಟ್ಟ ಸೊಕ್ಕಿದೇ ಸೊಕ್ಕಿದ್. ಸ್ಥಾನಂದ ಆಚೆ ಕರೆಲಿರುವ ಹುಣ್ಸುಳಿ ಮರ ಅರೆ ಹೊಡಿ ಆದೇ ಇವರ ಉರ್ತಕೊಳ್ಳಿಗೆಗಡ!! ಇನ್ನ್ ಮನೆ ಅಟ್ಟದ ಮೆಟ್ಲ್ ಅಲ್ಗದೆ ಒಳ್ದದ್ ದೇವಮ್ಮಜ್ಜಿನ ಪುಣ್ಯ!! ಹಿಂಗಿರ್ಕಾಕನ ನಮ್ಮ ಬಾಲೆಕ್ಯಕ್ಕ ಹೊದ್ದೆಟ್ಟಿಗೆ ಬಂದ್ ತಂಬೂರ್ದೇ ಚೋಪರಾಗಿ. ಅಂದ್ ಮಗ್ಳ್ ಹೊದ್ದೆಟ್ಟಿ ಸುಬ್ಬಕ್ಕನ ಮನೆಗೆ ದೇವಮ್ಮಜ್ಜಿ ಪುಳ್ಳಿ ಬಾಲೆಕಿನ ಕರ್ಕಂಡ್ ಬಂದ ದಿನ ಗಮ್ಮತೇ ಗಮ್ಮತ್. ಒಂದಿನ ಕಡ್ಡೆ ಉಪ್ಪಣ ಗೈಪಾದರೆ ಮಾರ್ನೆ ದಿನ ಅಳಿಯ ಬೆಳಿಯಪ್ಪ ಹೊಡ್ದ ಹೊಳ್ಕೆ ಗೈಪು. ಇನ್ನ್ ಕೋಳಿ, ಮೀನ್ ಗೆ ಬರ ಎಲ್ಲಿ? ಬಗೆ ಬಗೆ ಬಾರಣೆ ಗಮ್ಮತ್ ನೋಡ್ದ ಬಾಲೆಕ್ಯಕ್ಕಂಗೆ ವಾಪಸ್ ಕುಡೆಕಲ್ಲ್ ಗೆ ಅವ್ವನೊಟ್ಟಿಗೆ ಹೋಕೆ ಮನ್ಸೇ ಇಲ್ಲೆ. (ಇಲ್ಲಿ ಯಾಗೋಳು ಹಿಂಗೇ ಗಮ್ಮತಿದ್ದದೆತ ನೆನ್ಸ್ಯೊಳೊ!!). ಕಡೆಗೂ ಉರ್ಯೋಳುಂದಲೂ ಕಡೆಗಟ್ಟಾಗಿ ಮರ್ಟ್ ಕಂಡಿರುವು ಪುಳ್ಳಿನ ಬುಟ್ಟೇ ಹೋದೊ ದೇವಮ್ಮಜ್ಜಿ. ನಾಕ್ ದಿನಲೇ ಬಾಲೆಕ್ಯಕ್ಕಂಗೆ ಗೊತ್ತಾತ್ ಅವು ಚೋಪರಾಗೊಳೊತ!! ಬಗೆ ಬಗೆ ತಿನ್ಸ್ ಅವ್ವ ಬಂದಿರ್ಕಾಕಕನ ಮಾತ್ರ. ಈಗಳೋ.. ಯಾಗ ನೋಡ್ರೂ ಒಂದೇ ಬಗೆ... ಗಂಜಿ,ಪೊಜ್ಜಿ!!
 
ಚೋಪರಾಗಿ ಹುಟ್ಟಿದ ಮನೆ ಸೇರ್ದ ಬಾಲೆಕ್ಯಕ್ಕಂಗೆ ಸುಮ್ಮನೆ ಕಾಲ್ ನೀಂಡಿ ಕುದ್ರಿಕೆ ಎಲ್ಲ್ಯಾದೆ... ಯಾಗ ನೋಡ್ರೂ ಕುಂಡೆ ಹರಿವಷ್ಟ್ ಕೆಲ್ಸ!!( ಎಷ್ಟ್ ಮಾಡ್ರೂ ಮುಗ್ಯದ ಕೆಲ್ಸಕ್ಕೆ ನಮ್ಮ ಅರೆಬಾಸೆಲಿ ಇದರ್ಂದ ಮೇಲೆನ ಪದ ಇಲ್ಲೆ ಅನ್ಸಿದೆ!!) ಎಷ್ಟಾದರೂ ಬೇಸಾಯದ ಕುಟುಂಬ.. ಅದ್ಕೇ ಹೇಳ್ದಲ್ಲಾ.. ವ್ಯವಸಾಯ ಮಾಡ್ದಂವ ಬೇಗ ಸಾಯ!! ಒಟ್ಟೊಟ್ಟಿಗೆ ತಮ್ಮ ತಂಗೆಕಳ ಚಾಕ್ರಿ ಬೇರೆ!! ಅಪ್ಪ ಬೆಳಿಯಪ್ಪಂಗೂ ಮಗ್ಳ್ ಒಟ್ಟಿಗಿದ್ದರೇ ಕೆಲ್ಸ ಸರಾಗಾದು.. ಅದರ್ಲೂ ಮುಖ್ಯ ಕೆಲ್ಸ ಗ್ಯಾರ್ದಣ್ಣ್ ಸರಾಯ ಕಾಸಿಕೆ ಅಂತೂ ಮಗ್ಳಿಲ್ಲದೆ ನಿಮೂರ್ತಿ ಇಲ್ಲೆ. 'ನೀ ಬಂದರೆ ಬಾರೀ ಲಾಯ್ಕ್ ಬಂದದೆ'ತ ಸೂನು ಬೇರೆ!! ಒಂದಿನ ಹಿಂಗೇ ಸಿಗ್ದಾಕಿದ ಹಣ್ಣ್ ನ ಮಡ್ಕೆಲಿ ತುಂಬ್ಸಿದೇ ತಲೆಲಿ ಇಸಿಕಂಡ್ ಬೀಜ ಕೊಚ್ಚಿಲಿ ಕಾಸಿಕೆ ಅಪ್ಪನೊಟ್ಟಿಗೆ ಹೊರ್ಟೊ ಬಾಲೆಕ್ಯಕ್ಕ. ಮಟ ಮಟ ಮದ್ಯಾನ ಕರ್ಗೆಲ್ ನಾತನ ತಲೆಲಿಸಿಕಂಡ್ ಕಣ್ಂಗ ಕರೆಲಿ ಬೀಸರ ಬೀಸರ ಹೋತಿದ್ದವ್ಕೆ ಯಾವ ಪೀಡೆ ಕಣ್ಣಾಕಿತೋ ಗೊತ್ಲೆ. ಲಂಗಕೊಡಿ ಕಿಂಕ್ ಣಿ ಬೆರ್ಳೆಡೆಗೆ ಚೊಡ್ಚಿ, ಎಡ್ಗಿ ಬೀಳಕಾದವು ಅಲ್ಲಿಗೇ ಆದರ್ಸಿಕಂಡೊ. ಮೈ ಏನೋ ಆದರ್ಸಿಕಂಡತ್.. ಆದರೆ ಮಡ್ಕೆ ಎಲ್ಲಿ ಕೇಳ್ದೆ?? ಮಡ್ಕೆನ ಬುಡ ಒಡ್ದ್, ಕರ್ಗೆಲ್ ಹಣ್ಣ್ ತಲೆ,ಮೋರೆಲಿ ಅರ್ಕಂಡ್, ಮಡ್ಕೆನ ಕಂಠ ಮಾತ್ರ ಇವರ ಕುತ್ತಿಗೆಲಿ ನೇಲ್ತುಟ್ಟು!! ಹಳ್ಸೆಲ್ ಕರ್ಗೆಲ್ ನಾತ.. ಬಾಯಿ ದೊಂಡೆ ಇಡೀ ಕಯಿಂಪೆ!! "ಎಂತ ಕೂಸು" ತೇಳ್ದ ಅಪ್ಪ ಬೆಳಿಯಪ್ಪಂಗೆ "ಕೂಸು ಅಲ್ಲಾ... ಕೂಸುನಪ್ಪ!!"ತ ಬೊಯ್ಕಂಡೇ ಮೀಯಕೆ ಚೋಡಿಗೆ ಓಡ್ದೊ.
 
ಬೆಳಿಯಪ್ಪ ಗೌಡ್ರೂ ಯಾಗೋಳು ಸರಾಯ ಕಾಸಿಕೆ ಎಲೆ ಬಾಲೆ ಮನ್ಸ್ ನ ಬಾಲೆಕ್ಯಕ್ಕನನೇ ಕರ್ಕಂಡ್ ಹೋದಕ್ಕೂ ಒಂದ್ ಮಹತ್ತರ ಕಾರಣನೂ ಉಟ್ಟು. ಬಾಲೆಕ್ಯಕ್ಕನ ದೊಡ್ಡ ತಂಗೆ ಕಾಳಿ ಗೂಡೆ ಭಯಂಕರ ಕಿಲಾಡಿ. ಕರ್ಕಂಡೋದರೆ ಕಾಸಿದಲ್ಲಿಂದ ಚೂರಾರ್ ಹೊಯಿಕಣದೆ ಹೊರ್ಡಿಕಿಲ್ಲೆ. ಕಡೆಗೆ ನೋಡ್ರೆ ಕಾಸಿದವಂಗೆ ಏನಿಲ್ಲದಿದ್ದರೂ ಎರ್ಡ್ ಬೆರ್ಳ್ ನಷ್ಟಾರ್ ಕಮ್ಮಿ ಆಗಿದ್ದದೆ!! (ಇದ್ ಕುಪ್ಪಿ ಗ್ಲಾಸ್ ಗೆ ಹೊಯಿದ ಗ್ಯಾರ್ದಣ್ಣ್ ದರ ಅಳ್ತೆ ನೋಡ್ವ ಹಳೇ ಕ್ರಮ. ಕುಪ್ಪಿ ಗ್ಲಾಸ್ ನ ಅಡಿಂದ ಸರೀಯಾಗಿ ನಡು ಬೆರ್ಳ್ , ಕೊಡಿ ಬೆರ್ಳ್ ನ ಮಟ್ಟಕ್ಕೆ ಸರೀ ಸಿಕ್ಕೊಕು. ಅಲ್ಲಿಗೆ ಒಂದ್ ಹದಾs.. ಥರ್ಟಿ, ನೈಂಟಿಗಳ ಪ್ರಮಾಣಗಳೇ ಅಲ್ಲಿತ್ಲೆ!!). ಜೋನಿ ಬೆಲ್ಲದ ಭರಣಿಂದ ಎಲ್ಲವೂ ಬೆರ್ಳ್ ಕಂತ್ ಸಿ ತೆಗ್ದರೆ ಕಾಳಿ ಗೂಡೆ ಮಾತ್ರ ಕಂತ್ ಸಿ ದ ಜಾಗೆನ ಅಲ್ಲಿಗೇ ಪೂಜಿ ಬುಡ್ದು. ಆಗ ತೆಗ್ದದ್ ಗೊತ್ತಾದ್ಲೆ ಅಲ್ಲ!!! ಕಡೆಗೂ ಇನ್ನೊಂದ್ ದಿನ ಮಗಳ ಕರ್ಕಂಡ್ ಕಾಸಿಕೆ ಹೋದೊ ಬೆಳಿಯಪ್ಪ. ಮಡ್ಕೆಗಳೆಲ್ಲಾ ಲಾಯಿಕ್ ಲಿ ಇಸಿ, ಕರೆಲಿ ಗುಂಬ(ಸರಾಯ ತೆಗಿವ ಸಣ್ಣ ಬಾಯಿನ ಮಡ್ಕೆ)ನನೂ ಅಂಡ್ ಸಿ ಇಸಿದೊ. ಮೇಲೆ ಮಡ್ಕೆಲಿ ನೀರ್ ಬಿಸಿ ಆದದರ ಬದ್ಲಾಯ್ಸಿಕೆ 'ನೋಡಿಕ ಕೂಸು' ತೇಃಳಿ ಚಣ್ಣೀರ್ ತಾಕೆ ಚೋಡಿಗೋದೊ. ಈ ಗುಂಬಲಿ ಹನಿ ಹನಿ ಸರಾಯ ಕೂಡ್ದೇ ನೋಡಿಕೆ ಕುಸಿ.. ಆ ಘಮನ.. ಆಹಾ.. ಸರಾಯದ ಸುದ್ಧತೆ ನೋಡಿಕೆ ಒಂದ್ ಕ್ರಮ ಉಟ್ಟು. ಒಂದ್ ಒಣ್ಗಿಲ್ ಮಡ್ಲ್ (ಸೋಗೆ ಕೊಡಿ, ಬಾಳ್ಲೆ ಕೀಂತೂ ಆದೆ) ನ ಸರಾಯಕ್ಕೆ ಕಂತ್ ಸಿ ಮತ್ತೆ ಕಿಚ್ಚಿಗೆ ಹಿಡ್ದರೆ ಒಮ್ಮೆಗೆ ಅದ್ಕೆ ಕಿಚ್ಚಿ ಹಿಡ್ಕಂಡದೆ. ನೀಲಿ ನೀಲಿ ಕಿಚ್ಚಿ. ಅಲ್ಲಿಗೆ ಸರಾಯ 100% ಶುದ್ಧ!! ಒಬ್ಬನೇ ಚುರ್ಕರ ಕುದ್ದ್ ಕಂಡ್ ಕಾಲ್ ಚಿನ್ನೆರ್ಪ್ ಸಿ ಕಂಬೊದು ಯಾರಿಗೇ ಆದರೂ ಹಿಂಸೆನೇ. ಹಂಗೇ ಕುದ್ದಿದ್ದ ಬಾಲೆಕ್ಯಕ್ಕಂಗೂ ಸರಾಯ ಎಷ್ಟ್ ತುಂಬಿಟುತ ನೋಡಿಕೆ ಆಸೆ. ಅಪ್ಪ ಹೆಂಗೂ ಹಕ್ಕಲೆ ಇಲ್ಲೆ.. ನೋಡೊನೊತ ಎರ್ಡ್ ಮಡ್ಲ್ ಗೆ ಕಿಚ್ಚಿ ಹೊತ್ತ್ ಸಿ ಅದರ್ನೇ ಗುಂಬದಕ್ಕಲೆ ಹಿಡ್ದೊ!!! ನೋಡೀ.... ಕಿಚ್ಚಿ ಹಿಡ್ಕಂಡದೇ ಸರಾಯಕ್ಕೆ!! ಭೊಃಗ್ಗತ ಅಷ್ಟೆತ್ತರಕ್ಕೆ ಹೊತ್ತಿದ ಕಿಚ್ಚಿ ನಿತ್ತದ್ ಗುಂಬಲಿದ್ದ ಸರಾಯ ಒತ್ತರೆ ಹೊತ್ತಿ ಆರ್ದ ಮೇಲೆನೇ!! ಕಿಚ್ಚಿ ಕಂಡ್ ಓಡಿಬಂದ ಬೆಳಿಯಪ್ಪ ಸರಾಯ ಹೋತಲ್ಲಾತ ಹನೀಸೂ ಸಿಟ್ಟ್ ಮಾಡಿಕಣದೆ 'ನಿಂಗೆ ಏನಾತ್ಲೆಲ್ಲಾ ಕೂಸು' ತ ಹೆದ್ರಿ ಚಂಡಿ ಆಗಿ ದರ್ಪುತಿದ್ದ ಬಾಲೆಕ್ಯಕ್ಕನ ಮನೆಗೆ ಕರ್ಕ್ಂಡ್ ಹೊರ್ಟೊ. ಅಂತೂ ಬಾಲೆಕ್ಯಕ್ಕನ ಬಾಲ್ಯದಾಟಿಕೆಂದ ಅಪ್ಪ ಬೆಳಿಯಪ್ಪಂಗೆ ಇನ್ನೊಮ್ಮೆ ಸರಾಯ ಇಲ್ಲದಾಂಗಾತ್!!
 
- ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

 

 
Read More
Img 8067

ಕುಂಞಪ್ಪನ ಚಂಡ್ರಪುಳಿ!!!

10 Jul 2017

     "ಇಂದನೇ... ಬೆಳ್ಜಾರ್ ನ ರಣ ಗಾಳಿಗೆ ಕಾಡ್ ಮಾಯಿನ ಹಣ್ಣ್ ಸುಮಾರ್ ಉದ್ರಿಟು. ಮಾಂಬಳ ಹೊಯ್ಯುವಷ್ಟು ಇಲ್ಲೆ. ಮಧ್ಯಾನ ಉಂಬಕೆ ಚಂಡ್ರಪುಳಿ ಮಾಡ್. ಊರ್ ಲಿ ಆಗಿನ ಆಗಿ ಮೀನ್, ಮಾಸ ತಿನದೆ ಬಾಯಿ ಚಪ್ಪೆ ಚಪ್ಪೆ ಆದೆ!!" ಹೇಳಿ ತೊಟ್ಟೆಲಿದ್ದ ಮಾಯಿನಹಣ್ಣ್ ನ ಒಲೆಚಿಂಟೆ ಕರೆಲಿ ಇಸಿದೊ ನಮ್ಮ ಕುಂಞಪ್ಪ. ಮನೆಲಿ ಕುಂಞಪ್ಪನೂ, ಅವರ ಹೆಣ್ಣ್ ಶಾಂತಕ್ಕನೂ ಇಬ್ಬರೇ ಒಳದ್. ಮಕ್ಕ ಇಬ್ಬರೂ ಇಂಜಿನೀಯರ್ ಗ. ದೊಡ್ಡಂವ  ಜರ್ಮನಿಲಿ, ಸಣ್ಣಂವ ಅಮೇರಿಕಲಿ. ಮನೆಲಿ ಇವೇ ಇಬ್ಬರು. ಒಂದೊತ್ತಿಗೆ ಮಾಡ್ರೆ ಮೂರ್ ಹೊತ್ತ್ ಉಂಬ ಸುಖೀ ಕುಟುಂಬ!!?? ಶಾಂತಕ್ಕ ಬಂದ್ ನೋಡ್ದೊ... ಹತ್ತ್ ಮಾಯಿನ ಹಣ್ಣ್ ಉಟ್ಟು... ಮಕ್ಕಳಾರ್ ಇದ್ದರೆ ಮನ್ಸ್ ಕೊಟ್ಟ್ ಚಂಡ್ರಪುಳಿ ಮಾಡಕಾಯಿತ್. ಅದರ್ಲೂ ಸಂಣ್ಣವ ಸುನಿಲ್ ಗಂತೂ ಚಂಡ್ರಪುಳಿ ಹೇಳ್ರೆ ಜೀವ.. ಮೂರ್ ಮೂರ್ ಸರ್ತಿ ಇಕ್ಕ್ ಸಿಕಂಡ್ ಉಂಬೊದು. ನಾವ್ಗೆ ಇಬ್ಬರಿಗೂ ಹೆಂಗೇ ಮಾಡ್ರೂ ಆದೇಂತ ಹೇಳಿಕಂಡ್ ಮಕ್ಕಳ ನೆನ್ಪಾಗಿಯೋ ಏನೋ ಕಣ್ಣ್ ಕರೆಂದ ನೀರ್ ಒರ್ಸಿಕಂಡ್ ಮಾಯಿನ ಹಣ್ಣ್ ನ ತೊಳ್ಯಕೆ ತಕಂಡ್ ಹೊರ್ಟೊ. ಕುಂಞಪ್ಪಂಗೂ ಹಂಗೇ ಅನ್ಸಿರೂ ಕಂಡರೂ ಕಾಣದಾಂಗೆ ಮಾಡಿಕಂಡ್ ನೀರಡಿ ಕೊಟೆಗೆಗೆ ಎತ್ತಿದೊ.

     ನಮ್ಮ ಕುಂಞಪ್ಪಗೊಂದು ಹಳೇ ಅಭ್ಯಾಸ. ಅದಂಥಾ ದುರಾಭ್ಯಾಸ ಏನೂ ಅಲ್ಲ.. ಎಂಥಾತೇಳ್ರೆ ಮಧ್ಯಾನ  12 ಘಂಟೆ ಮೇಲೆ ಚೂರು ಮಲ್ಗುದು.( ಕೆಲವೊಮ್ಮೆ ಚೂರು ಅಲ್ಲ... ಫುಲ್ ಆದೂ ಉಟ್ಟು..ಮತ್ತೆ 3ಘಂಟೆ ಮೇಲೆ ಎದ್ದ್ ಉಂಬೊದು). ಹಂಗೇ ಇಂದುನೂ ಆತ್. ತೋಟದ ಜೆಟ್ ಚೇಂಜ್ ಮಾಡಿ ಮನೆಗೆ ಬಂದವ್ ಅಲ್ಲೇ ಐಮರದ ಮೇಲೆ ಉದ್ದಾನೆ ಮಲ್ಕ್ಯಂಡೊ. ಮಲ್ಗಿದವ್ಕೆ ಒಳ್ಳ ನಿದ್ದೆ... ಗೊತ್ತೇಲೆ.. ಚೂರ್ ಹೊತ್ತ್ ಲಿ ಕೆಳಗೆ ಮನೆ ಪುಂಡು ಅಂವನ ಎರ್ಡ್ ಹೊಡಿ ಮಕ್ಕಳ್ನೂ ಕೋಸಿಕಂಡ್ ಬಾತ್. "ಚಿಕ್ಕವ್ವಾ... ಹೆಣ್ಣ್ ಅದರ ಅಕ್ಕನ ಮನೆಲಿ ಸತ್ಯನಾರಾಯಣ ಪೂಜೇಂತ ಹೋಗುಟು. ಒಟ್ಟಿಗೆ ಕರ್ಕಂಡ್ ಹೋದರೆ ಲಗಾಡಿ ತೆಗಿವೋಂತ ಇವೆರ್ಡರ ನಂಗೆ ಕಟ್ಟಿ ಹೋತ್. ಮೊನ್ನೆ ಈ ಮಕ್ಕಳೊಟ್ಟಿಗೆ ಹೇಳಿದ್ದೆ ಅವ್ವನ ಹಸ್ ಕರ್ ಹಾಕಿಟೂಂತ. ಪೀಡ್ಸಿ ಪೀಡ್ಸಿ ಇಂದ್ ಹೊರ್ಡಿಸಿಕಂಡ್ ಬಂದೋಂತ"  ಹೇಳಿ ಇಸ್ ಮುಳ್ಳ್ ನಾಂಗಿದ್ದ ಹಲ್ಲ್ ಬುಟ್ಟ ಪುಂಡು ಬಂದದಕ್ಕೆ ಸೂನ್ ಒಪ್ಪ್ ಸಿರೆ,  ಮಕ್ಕ ಆಗಳೆ ಹಟ್ಟಿಲಿ ಕರ್ ನೊಟ್ಟಿಗೆ ಮಂಙಣೆ ಸುರು ಮಾಡಿ ಆಗುಟು. ಮಧ್ಯಾನದ ಹೊತ್ತ್ ಗೆ ಬಂದವರ ಹಂಗೇ ಕಳ್ಸುದು ಬೇಡಾಂತ ಶಾಂತಕ್ಕ ಮಕ್ಕಳಿಗೆ ಉಂಬಕೂ ಇಕ್ಕಿದೊ. ಮಕ್ಕಳೋ ಅವ್ವನ ಚಂಡ್ರಪುಳಿ ಲಾಯಿಕಾಗುಟೂಂತ ಹೇಳಿಕಂಡ್ ಕೊರ್ರ್ಂಟ್, ಚೋಲಿ ನ ಸುರ್ಪಿಕಂಡ್ ತಿಂದರೆ ಶಾಂತಕ್ಕಂಗೆ ಫಾರಿನ್ಲಿರುವ ಪುಳ್ಳಿಕಳ ನೆನ್ಪಾಗಿ ಸಮಾ ಉಣಿನೇ ಮಕ್ಕಳೇಂತ, ಚಿರ್ರ್ಂಬಿ ಚಿರ್ರ್ಂಬಿ ಮಾಡ್ದ ಚಂಡ್ರಪುಳಿನ ಗೋಂಚಿ ಗೋಂಚಿ ಸೊರ್ದೊ.

         ನಿದ್ದೆ ಅಮಾಲ್ ಲಿದ್ದ ಕುಂಞಪ್ಪಂಗೆ ಏನೇನೋ ಕನ್ಸ್.  ಜೋರ್ ಮಳೆ ಬಂದಾಂಗೆ, ತೊಡಿಕ್ಕ್ಯಾನ ಜಾತ್ರೆಲಿ ಇದ್ದಾಂಗೆ, ಪುಳ್ಳಿಕ ಜಾತ್ರೆಲಿ ಐಸ್ ಕ್ರೀಂ ತಿಂಬಕೆ ಎಳ್ಕಂಡ್ ಹೋದಾಂಗೆ.... ಏನೇನೋ... ಅಸ್ಪಷ್ಟ. ಕಣ್ಣ್ ಬುಟ್ಟ್ ನೋಡ್ರೆ ಘಂಟೆ 2 ಕಳ್ದ್ ಹತ್ತ್ ನಿಮ್ಶ ಆಗುಟು. ಒಟ್ಟೊಟ್ಟಿಗೆ ಹೊಟ್ಟೆನೂ ಇಸಿದೆ. ಸಡನ್ ಆಗಿ ನೆನ್ಪಾತ್ ಹೆಣ್ಣ್ ಚಂಡ್ರಪುಳಿ ಮಾಡಿಟೂಂತ!! ಎದ್ದ್ ಹೋಗಿ ಮೋರೆ ತೊಳ್ದ್ ಸೀದ ಅಡ್ಗೆ ಕೋಣೆಗೆ ಹುಗ್ಗಿದೋ. ಮಾಮೂಲಿಗಿಂತ ಅರ್ಧಸೆಡೆ ಜಾಸ್ತಿನೇ ಇಕ್ಕ್ಯಂಡ್ ಚಂಡ್ರಪುಳಿ ಹಾಕ್ಯಂಬಕೆ ತಪಲೆನ ಮುಚ್ಚಳ ತೆಗ್ದರೆ ಅದರ್ಲಿ ಎಲ್ಯುಟ್ಟ್ ಚಂಡ್ರಪುಳಿ?? ಒಂದ್ ಚಮ್ಚ ರಸನೂ ಸೌಂಟ್ ಲಿ ಒಂದ್  ತಿರ್ರ್ಂಟೆಲ್ ಚೋಲಿನೂ ಒಳ್ದುಟು ಅಷ್ಟೇ. ಕೊರ್ರ್ಂಟ್ ನ ಕುರುಹೇ ಇಲ್ಲೆ!!! ಪಾಪ ಕುಂಞಪ್ಪ... ಒಂದ್ ಕಡೆಂದ ಸಿಟ್ಟೂ ಬಂದದೆ... ಬೇಜಾರೂ ಆದೆ... ಉಂಡ್ ಮಲ್ಗಿದ್ದ ಶಾಂತಕ್ಕ ಗಂಡ ಎದ್ದದ್ ಗೊತ್ತಾಗಿ "ಪುಂಡುನೂ ಮಕ್ಕಳೂ ಬಂದ್ ಉಂಡ್ ಹೋದೊ... ನೀವು ಎಸ್ಟೊತ್ತಿಗೆ ಎದ್ದರೇಂತ ಗೊತ್ಲೆ. ಅದ್ಕೆ ಎಂತನೂ ಮಾಡ್ತ್ಲೆ. ನೀವು ಉಪ್ಪ್ ಮೆಣ್ಸ್ ಚಿರ್ರ್ಂಬಿಕಂಡ್ ಉಣಿ. ಕತ್ತಲೆಗೆ ಏನಾರ್ ಮಾಡೊನೊ"ತ ಹೇಳಿ ಮಲ್ಗಿದಲ್ಲಿಂದಲೇ ಶಾಸನ ಹೊರ್ಡಿಸಿದೊ. ಹೆಣ್ಣ್ ಹೇಳ್ದ ಮೇಲೆ ಇನ್ನೆಂಥ!!?? ಹಂಗೇ ಉಂಡ್ ತೋಟ ಕಡೆ ಹೊರ್ಟೊ. ಒಟ್ಟಿಗೆ ಒಂದ್ ಶಪಥನೂ ಮಾಡಿಕಂಡ್... "ನಾ ಇನ್ನ್ ಮೇಲೆ ಮಧ್ಯಾನ ಮಲ್ಗುದ್ಲೆ. ಮಲ್ಗಿರೂ ಉಂಡ ಮೇಲೆನೆ!!"

- ನಿಮ್ಮ ಹೈದ 

Read More