%28jun 30  2017 02 13 pm%29canon canon eos 750d%283984x2656%29

ಕೊಡಗು - ದಕ್ಷಿಣ ಕನ್ನಡ ಗೌಡ ಸಮಾಜ ಸಂಘ ಅರಬ್ ಸಂಯುಕ್ತ ಸಂಸ್ಥಾನ ವತಿಯಿಂದ ರಕ್ತದಾನ

ದುಬೈ: ಯು.ಎ.ಇ ಯಲ್ಲಿ ನಡೆಯುತ್ತಿರುವ ರಕ್ತದಾನ ಅಭಿಯಾನದಲ್ಲಿ ಕೊಡಗು ದಕ್ಷಿಣ ಕನ್ನಡ ಗೌಡ ಸಮಾಜ ಸಂಘ ಅರಬ್ ಸಂಯುಕ್ತ ಸಂಸ್ಥಾನದ ವತಿಯಿಂದ ವರ್ಷಂಪ್ರತಿ ನಡೆಸಲ್ಪಡುವ ರಕ್ತದಾನ ಶಿಬಿರವು ದುಬೈ ಲತೀಫಾ ಆಸ್ಪತ್ರೆಯಲ್ಲಿ ದಿನಾಂಕ 30 ಜೂನ್ 2017 ಶುಕ್ರವಾರ ಬೆಳಿಗ್ಗೆ ಸಮಯ 10:00 ರಿಂದ ಮಧ್ಯಾಹ್ನ 3:00 ರ ವರಗೆ ನಿರಂತರವಾಗಿ ನೆರವೇರಿತು. ರಮದಾನ್ ಮಾಸದಲ್ಲಿ ಹೆಚ್ಚು ರಕ್ತದ ಅವಶ್ಯಕತೆ ಇರುವುದರಿಂದ ಹೆಚ್ಚು ರಕ್ತದಾನಿಗಳು ಈ ಸಮಾಜ ಸೇವಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಅಜ್ಮಾನ್, ಶಾರ್ಜಾ, ದುಬೈ ಹಾಗೂ ಅಬುಧಾಬಿಯ ಕೊಡಗು-ದಕ್ಷಿಣ ಕನ್ನಡ ಗೌಡ ಸಮುದಾಯದ ನೂರಕ್ಕೂ ಅಧಿಕ ಸಂಖ್ಯೆಯಲ್ಲಿ ಜನರು ಭಾಗವಹಿಸಿ ಎಪ್ಪತ್ತಕ್ಕೂ ಹೆಚ್ಚಿನ ಜನರು ರಕ್ತದಾನ ಮಾಡಿದರು. ಹತ್ತಕ್ಕೂ ಹೆಚ್ಚಿನ ಜನರು ಪ್ಲೇಟ್ಲೆಟ್ಸ್ (ಕೆಂಪು ರಕ್ತ ಕಣ ಮತ್ತು ರಕ್ತ ಹೆಪ್ಪುಗಟ್ಟುವಿಕೆಯ ಅಂಶ - ಕಿರುಬಿಲ್ಲೆಗಳು) ದಾನ ಮಾಡಿದರು. 
ಈ ಸಮಾಜ ಸೇವಾ ಕಾರ್ಯಕ್ರಮದಲ್ಲಿ ಕೊಡಗು ದಕ್ಷಿಣ ಕನ್ನಡ ಗೌಡ ಸಮಾಜ ಸಂಘ ಸಂಸ್ಥೆ ಅರಬ್ ಸಂಯುಕ್ತ ಸಂಸ್ಥಾನದ ಸ್ಥಾಪಕಾಧ್ಯಕ್ಷರಾದ ಅಶೋಕ ಉಲುವಾರನ, ನಿಕಟ ಪೂರ್ವ ಅಧ್ಯಕ್ಷರಾದ ಗಣೇಶ ಅಚ್ಚಂದಿರ, ಪ್ರಸಕ್ತ ಸಾಲಿನ ಅಧ್ಯಕ್ಷರಾದ ಹರೀಶ್ ಕೋಡಿ, ಉಪಾಧ್ಯಕ್ಷರಾದ ಸುನೀಲ್ ಮೊಟ್ಟೆಮನೆ, ಪ್ರಧಾನಕಾರ್ಯದರ್ಶಿ ಕರ್ಣೇಯನ ಸುನೀಲ್ ಕುಮಾರ್, ಖಜಾಂಚಿ ದಿಲೀಪ್ ಉಲುವಾರು ಉಪಸ್ಥಿತರಿದ್ದರು. ಗೌರವಾನ್ವಿತ ಅತಿಥಿಗಳಾಗಿ ಒಕ್ಕಲಿಗರ ಸಂಘದ ನವೀನ್ ಗೌಡ,ರೀವಾ ಲೇಸರ್ ಬ್ಯೂಟೀ ಮತ್ತು ಸ್ಪಾ ದುಬೈಯ ಡಾಕ್ಟರ್ ನಂದ ಕಿಶೋರ್, ಡಾಕ್ಟರ್ ರಶ್ಮೀ ನಂದ ಕಿಶೋರ್ ಹಾಗೂ ಅಬುಧಾಬಿಯ ಮೆಡಿಕ್ಲೀನಿಕ್ ಆಸ್ಪತ್ರೆಯ ಡಾಕ್ಟರ್ ತ್ರಿಲೋಕ್ ಚಂದ್ರಶೇಖರ್ ಅವರು ಆಗಮಿಸಿ ರಕ್ತದಾನ ಮಾಡಿ ತಮ್ಮ ವೈದ್ಯಕೀಯ ವ್ರತ್ತಿಯ ಔದಾರ್ಯತೆಯನ್ನು ಮೆರೆದರು.
ಕಾರ್ಯಕ್ರಮದ ಮಾಹಿತಿ ಕೇಂದ್ರದಲ್ಲಿ ಸಂಘ ಸಂಸ್ಥೆಯ ಉದಯೋನ್ಮುಖ ಪ್ರತಿಭೆಗಳಾದ ರಾಹುಲ್ ಬಿದ್ದಪ್ಪ ಕರ್ಣೇಯನ, ಆಶಿಷ್ ಕೋಡಿ ಮತ್ತು ಆಯುಷ್ ಕೋಡಿ ಸಹಕರಿಸಿದರೆ ಅವರಿಗೆ ಮೀನ ಹರೀಶ್ ಕೋಡಿ ಹಾಗೂ ಜಗದೀಶ್ ಕುಶಾಲಪ್ಪ ಸಬ್ಬಾಂಡ್ರ ಮಾರ್ಗದರ್ಶನ ಮಾಡಿದರು. ರಕ್ತದಾನ ಶಿಬಿರಕ್ಕೆ ಆಗಮಿಸಿದ ಪ್ರತಿಯೊಬ್ಬರಿಗೂ ಬೆಳಗಿನ ಉಪಾಹಾರ, ಚಹಾ, ಕಾಫಿ, ಹಣ್ಣು ಹಂಪಲು ಹಾಗೂ ಕಾರ್ಯಕ್ರಮದ ಕೊನೆಯವರೆಗೂ ತಂಪು ಪಾನೀಯದ ವ್ಯವಸ್ಥೆಗೆ ಕುಸುಮಾಧರ ಕೋಡಿ,ಅಶೋಕ್ ಉಲುವಾರನ, ಚಂದ್ರಕಾಂತ್ ಕುದ್ಪಾಜೆ, ಸುರೇಶ್ ಕುಂಪಲ, ಸುಬ್ರಹ್ಮಣ್ಯ ಕದಿಕಡ್ಕ ,ಯತೀಶ್ ಗೌಡ, ದಿಲೀಪ್ ಉಲುವಾರು, ಸಮರ್ಥ್ ಬಂಟ್ವಾಳ ಹಾಗೂ ವಿನೋದ್ ರಾಮಚಂದ್ರ ಅವರು ಪ್ರಾಯೋಜಕರಾಗಿದ್ದರು. ರಕ್ತದಾನ ಮಾಡಲು ಬಯಸುವ ಹಲವರಿಗೆ ರೋಷನ್ ಕಂಪ ಮತ್ತು ಪ್ರವೀಣ್ ಕಲ್ಲಗದ್ದೆ ಅವಕಾಶ ಕಲ್ಪಿಸಿ ಕೊಟ್ಟರು ಹಾಗೂ ಕಾರ್ಯಕ್ರಮದ ಜವಾಬ್ದಾರಿಯನ್ನು ಬಾಲು ಸಾಲಿಯಾನ್ ವಹಿಸಿದ್ದರು. ಕಾರ್ಯಕ್ರಮದ ಸಂಪೂರ್ಣ ಛಾಯಾಗ್ರಹಣವನ್ನು ರತೀಶ್ ಬಗ್ಗನ, ಸುರೇಶ್ ಕುಂಪಲ ಮತ್ತು ಚರಣ್ ರಾಮಕಜೆ ವಹಿಸಿದರು.

ವರದಿ: ಯಶ್ ಪುತ್ತೂರು, ಅಬುಧಾಬಿ.

More details: http://gulfkannadiga.com/?p=6627

Comments

Other articles

Img 8067

ಕುಂಞಪ್ಪನ ಚಂಡ್ರಪುಳಿ!!!

10 Jul 2017

     "ಇಂದನೇ... ಬೆಳ್ಜಾರ್ ನ ರಣ ಗಾಳಿಗೆ ಕಾಡ್ ಮಾಯಿನ ಹಣ್ಣ್ ಸುಮಾರ್ ಉದ್ರಿಟು. ಮಾಂಬಳ ಹೊಯ್ಯುವಷ್ಟು ಇಲ್ಲೆ. ಮಧ್ಯಾನ ಉಂಬಕೆ ಚಂಡ್ರಪುಳಿ ಮಾಡ್. ಊರ್ ಲಿ ಆಗಿನ ಆಗಿ ಮೀನ್, ಮಾಸ ತಿನದೆ ಬಾಯಿ ಚಪ್ಪೆ ಚಪ್ಪೆ ಆದೆ!!" ಹೇಳಿ ತೊಟ್ಟೆಲಿದ್ದ ಮಾಯಿನಹಣ್ಣ್ ನ ಒಲೆಚಿಂಟೆ ಕರೆಲಿ ಇಸಿದೊ ನಮ್ಮ ಕುಂಞಪ್ಪ. ಮನೆಲಿ ಕುಂಞಪ್ಪನೂ, ಅವರ ಹೆಣ್ಣ್ ಶಾಂತಕ್ಕನೂ ಇಬ್ಬರೇ ಒಳದ್. ಮಕ್ಕ ಇಬ್ಬರೂ ಇಂಜಿನೀಯರ್ ಗ. ದೊಡ್ಡಂವ  ಜರ್ಮನಿಲಿ, ಸಣ್ಣಂವ ಅಮೇರಿಕಲಿ. ಮನೆಲಿ ಇವೇ ಇಬ್ಬರು. ಒಂದೊತ್ತಿಗೆ ಮಾಡ್ರೆ ಮೂರ್ ಹೊತ್ತ್ ಉಂಬ ಸುಖೀ ಕುಟುಂಬ!!?? ಶಾಂತಕ್ಕ ಬಂದ್ ನೋಡ್ದೊ... ಹತ್ತ್ ಮಾಯಿನ ಹಣ್ಣ್ ಉಟ್ಟು... ಮಕ್ಕಳಾರ್ ಇದ್ದರೆ ಮನ್ಸ್ ಕೊಟ್ಟ್ ಚಂಡ್ರಪುಳಿ ಮಾಡಕಾಯಿತ್. ಅದರ್ಲೂ ಸಂಣ್ಣವ ಸುನಿಲ್ ಗಂತೂ ಚಂಡ್ರಪುಳಿ ಹೇಳ್ರೆ ಜೀವ.. ಮೂರ್ ಮೂರ್ ಸರ್ತಿ ಇಕ್ಕ್ ಸಿಕಂಡ್ ಉಂಬೊದು. ನಾವ್ಗೆ ಇಬ್ಬರಿಗೂ ಹೆಂಗೇ ಮಾಡ್ರೂ ಆದೇಂತ ಹೇಳಿಕಂಡ್ ಮಕ್ಕಳ ನೆನ್ಪಾಗಿಯೋ ಏನೋ ಕಣ್ಣ್ ಕರೆಂದ ನೀರ್ ಒರ್ಸಿಕಂಡ್ ಮಾಯಿನ ಹಣ್ಣ್ ನ ತೊಳ್ಯಕೆ ತಕಂಡ್ ಹೊರ್ಟೊ. ಕುಂಞಪ್ಪಂಗೂ ಹಂಗೇ ಅನ್ಸಿರೂ ಕಂಡರೂ ಕಾಣದಾಂಗೆ ಮಾಡಿಕಂಡ್ ನೀರಡಿ ಕೊಟೆಗೆಗೆ ಎತ್ತಿದೊ.

     ನಮ್ಮ ಕುಂಞಪ್ಪಗೊಂದು ಹಳೇ ಅಭ್ಯಾಸ. ಅದಂಥಾ ದುರಾಭ್ಯಾಸ ಏನೂ ಅಲ್ಲ.. ಎಂಥಾತೇಳ್ರೆ ಮಧ್ಯಾನ  12 ಘಂಟೆ ಮೇಲೆ ಚೂರು ಮಲ್ಗುದು.( ಕೆಲವೊಮ್ಮೆ ಚೂರು ಅಲ್ಲ... ಫುಲ್ ಆದೂ ಉಟ್ಟು..ಮತ್ತೆ 3ಘಂಟೆ ಮೇಲೆ ಎದ್ದ್ ಉಂಬೊದು). ಹಂಗೇ ಇಂದುನೂ ಆತ್. ತೋಟದ ಜೆಟ್ ಚೇಂಜ್ ಮಾಡಿ ಮನೆಗೆ ಬಂದವ್ ಅಲ್ಲೇ ಐಮರದ ಮೇಲೆ ಉದ್ದಾನೆ ಮಲ್ಕ್ಯಂಡೊ. ಮಲ್ಗಿದವ್ಕೆ ಒಳ್ಳ ನಿದ್ದೆ... ಗೊತ್ತೇಲೆ.. ಚೂರ್ ಹೊತ್ತ್ ಲಿ ಕೆಳಗೆ ಮನೆ ಪುಂಡು ಅಂವನ ಎರ್ಡ್ ಹೊಡಿ ಮಕ್ಕಳ್ನೂ ಕೋಸಿಕಂಡ್ ಬಾತ್. "ಚಿಕ್ಕವ್ವಾ... ಹೆಣ್ಣ್ ಅದರ ಅಕ್ಕನ ಮನೆಲಿ ಸತ್ಯನಾರಾಯಣ ಪೂಜೇಂತ ಹೋಗುಟು. ಒಟ್ಟಿಗೆ ಕರ್ಕಂಡ್ ಹೋದರೆ ಲಗಾಡಿ ತೆಗಿವೋಂತ ಇವೆರ್ಡರ ನಂಗೆ ಕಟ್ಟಿ ಹೋತ್. ಮೊನ್ನೆ ಈ ಮಕ್ಕಳೊಟ್ಟಿಗೆ ಹೇಳಿದ್ದೆ ಅವ್ವನ ಹಸ್ ಕರ್ ಹಾಕಿಟೂಂತ. ಪೀಡ್ಸಿ ಪೀಡ್ಸಿ ಇಂದ್ ಹೊರ್ಡಿಸಿಕಂಡ್ ಬಂದೋಂತ"  ಹೇಳಿ ಇಸ್ ಮುಳ್ಳ್ ನಾಂಗಿದ್ದ ಹಲ್ಲ್ ಬುಟ್ಟ ಪುಂಡು ಬಂದದಕ್ಕೆ ಸೂನ್ ಒಪ್ಪ್ ಸಿರೆ,  ಮಕ್ಕ ಆಗಳೆ ಹಟ್ಟಿಲಿ ಕರ್ ನೊಟ್ಟಿಗೆ ಮಂಙಣೆ ಸುರು ಮಾಡಿ ಆಗುಟು. ಮಧ್ಯಾನದ ಹೊತ್ತ್ ಗೆ ಬಂದವರ ಹಂಗೇ ಕಳ್ಸುದು ಬೇಡಾಂತ ಶಾಂತಕ್ಕ ಮಕ್ಕಳಿಗೆ ಉಂಬಕೂ ಇಕ್ಕಿದೊ. ಮಕ್ಕಳೋ ಅವ್ವನ ಚಂಡ್ರಪುಳಿ ಲಾಯಿಕಾಗುಟೂಂತ ಹೇಳಿಕಂಡ್ ಕೊರ್ರ್ಂಟ್, ಚೋಲಿ ನ ಸುರ್ಪಿಕಂಡ್ ತಿಂದರೆ ಶಾಂತಕ್ಕಂಗೆ ಫಾರಿನ್ಲಿರುವ ಪುಳ್ಳಿಕಳ ನೆನ್ಪಾಗಿ ಸಮಾ ಉಣಿನೇ ಮಕ್ಕಳೇಂತ, ಚಿರ್ರ್ಂಬಿ ಚಿರ್ರ್ಂಬಿ ಮಾಡ್ದ ಚಂಡ್ರಪುಳಿನ ಗೋಂಚಿ ಗೋಂಚಿ ಸೊರ್ದೊ.

         ನಿದ್ದೆ ಅಮಾಲ್ ಲಿದ್ದ ಕುಂಞಪ್ಪಂಗೆ ಏನೇನೋ ಕನ್ಸ್.  ಜೋರ್ ಮಳೆ ಬಂದಾಂಗೆ, ತೊಡಿಕ್ಕ್ಯಾನ ಜಾತ್ರೆಲಿ ಇದ್ದಾಂಗೆ, ಪುಳ್ಳಿಕ ಜಾತ್ರೆಲಿ ಐಸ್ ಕ್ರೀಂ ತಿಂಬಕೆ ಎಳ್ಕಂಡ್ ಹೋದಾಂಗೆ.... ಏನೇನೋ... ಅಸ್ಪಷ್ಟ. ಕಣ್ಣ್ ಬುಟ್ಟ್ ನೋಡ್ರೆ ಘಂಟೆ 2 ಕಳ್ದ್ ಹತ್ತ್ ನಿಮ್ಶ ಆಗುಟು. ಒಟ್ಟೊಟ್ಟಿಗೆ ಹೊಟ್ಟೆನೂ ಇಸಿದೆ. ಸಡನ್ ಆಗಿ ನೆನ್ಪಾತ್ ಹೆಣ್ಣ್ ಚಂಡ್ರಪುಳಿ ಮಾಡಿಟೂಂತ!! ಎದ್ದ್ ಹೋಗಿ ಮೋರೆ ತೊಳ್ದ್ ಸೀದ ಅಡ್ಗೆ ಕೋಣೆಗೆ ಹುಗ್ಗಿದೋ. ಮಾಮೂಲಿಗಿಂತ ಅರ್ಧಸೆಡೆ ಜಾಸ್ತಿನೇ ಇಕ್ಕ್ಯಂಡ್ ಚಂಡ್ರಪುಳಿ ಹಾಕ್ಯಂಬಕೆ ತಪಲೆನ ಮುಚ್ಚಳ ತೆಗ್ದರೆ ಅದರ್ಲಿ ಎಲ್ಯುಟ್ಟ್ ಚಂಡ್ರಪುಳಿ?? ಒಂದ್ ಚಮ್ಚ ರಸನೂ ಸೌಂಟ್ ಲಿ ಒಂದ್  ತಿರ್ರ್ಂಟೆಲ್ ಚೋಲಿನೂ ಒಳ್ದುಟು ಅಷ್ಟೇ. ಕೊರ್ರ್ಂಟ್ ನ ಕುರುಹೇ ಇಲ್ಲೆ!!! ಪಾಪ ಕುಂಞಪ್ಪ... ಒಂದ್ ಕಡೆಂದ ಸಿಟ್ಟೂ ಬಂದದೆ... ಬೇಜಾರೂ ಆದೆ... ಉಂಡ್ ಮಲ್ಗಿದ್ದ ಶಾಂತಕ್ಕ ಗಂಡ ಎದ್ದದ್ ಗೊತ್ತಾಗಿ "ಪುಂಡುನೂ ಮಕ್ಕಳೂ ಬಂದ್ ಉಂಡ್ ಹೋದೊ... ನೀವು ಎಸ್ಟೊತ್ತಿಗೆ ಎದ್ದರೇಂತ ಗೊತ್ಲೆ. ಅದ್ಕೆ ಎಂತನೂ ಮಾಡ್ತ್ಲೆ. ನೀವು ಉಪ್ಪ್ ಮೆಣ್ಸ್ ಚಿರ್ರ್ಂಬಿಕಂಡ್ ಉಣಿ. ಕತ್ತಲೆಗೆ ಏನಾರ್ ಮಾಡೊನೊ"ತ ಹೇಳಿ ಮಲ್ಗಿದಲ್ಲಿಂದಲೇ ಶಾಸನ ಹೊರ್ಡಿಸಿದೊ. ಹೆಣ್ಣ್ ಹೇಳ್ದ ಮೇಲೆ ಇನ್ನೆಂಥ!!?? ಹಂಗೇ ಉಂಡ್ ತೋಟ ಕಡೆ ಹೊರ್ಟೊ. ಒಟ್ಟಿಗೆ ಒಂದ್ ಶಪಥನೂ ಮಾಡಿಕಂಡ್... "ನಾ ಇನ್ನ್ ಮೇಲೆ ಮಧ್ಯಾನ ಮಲ್ಗುದ್ಲೆ. ಮಲ್ಗಿರೂ ಉಂಡ ಮೇಲೆನೆ!!"

- ನಿಮ್ಮ ಹೈದ 

Read More
Whatsapp image 2017 09 09 at 10.41.14 am

ಮಾದುನ ಮಂಙನ ಬೈಕ್ ರಗಳೆ

09 Sep 2017

    ಕಾಗಡೆ ತೋಟಕೆ ಅಡ್ಕೆ ಹೆರ್ಕಿಕೆ ಬಂದ ಮಾದುನ ನೋಡಿ , ತೋಟದ ಕರೆಮನೆ ಸಣಪ ಕರ್ದವೆ. ಓ ಮಾದು ಆತಾ ಅಡ್ಕೆ ಹೆರ್ಕಿ,,,?  ಆದರೆ ಇತ್ತ ಬಾ ಮಾರಯ, ಹಂಞ ಮಾತಡಿಕೆ ಉಟ್ಟು,,,! ಓ,,,,,, ಆದು ಸಣಪ , ಬಂದೆ ಬಂದೇ, ದಾರಿಕರೆ ಕೊಮ್ಮನ ಬುಡಂದಾರ್ ಹೆರ್ಕಣೆ,,,,! ಈ ಬಾವುಲಿಗಳ ಉಪದ್ರಾಂಗಿ, ಹರ್ಗಿಬುಟ್ಟಂಗೆ ಬಿದ್ದುಟು,, ಹಂಞಹೊತ್ತು ಬಟ್ಟುಬಂದರೆ ಇದ್ದಾ ಅಡ್ಕೆನು ಇರ್ಕಿಲೆ , ತೇಳಿ ಮೇಲೆಂದಮೇಲೆ
ಅಡ್ಕೆ ಹೆರ್ಕಿ , ಚೀಲನ ಚಾಳೆಬುಡಲಿ ಇಸಿ, ಮಾದು ಸೀದಾ ,,,, ಸಣಪನಲ್ಲಿಗೆ ಹತ್ತಿಕಂಡ್ ಹೋದೆ.
        ಮಾದು ಬಾದರ ಕಂಡು ಸಣಪ ಚಿಕವ್ವಂಗೆ ಹೇಳುವೆ, ಇಂದನೇ ಮಾದು ಬಾತು , ಒಂದು ಚಕ್ಕಳ ಕಣ್ಣಾಚಾಯ ಇದ್ದರೆ ಕಣ್ಣೊಲೆಲಿ ಬಿಸಿಮಾಡಿಕೆ ಇಸು,,,,!
ಹಿಂಗೇ ಮನೆಗೆ ಬಂದಾ, ಮಾದುನು&ಸಣಪನೂ ಮಾತಿಗೆ ಕುದ್ದವೆ,,,!
       ಮತ್ತೆ ಮಾದು ನೀ ಇತ್ತಬಾದೇ ಕಮ್ಮಿ ಅಲಾ,,? ಯಾಗರು ಒಮ್ಮೊಮ್ಮೆ ನಿನ್ನ ಹೆಂಗುಸು ಆಂಜಿದಂಗೆ ಆದೆ,,ಎತ್ತಹೋದಿಯ ಮಾರಯ ನೀ ,,? ಹೇಳ್ದಂಗೆ ''' ನೀವ್ ಬೈಕ್ ತಂಕಡರಿಗಡಾ,,,! ಸಣಪ ಡೈರೆಕ್ಟ್ ವಿಷಯಕ್ಕೆ ಬಂದವೇ.
ಆಗ "ಮಾದು ವಿವರಣೆ" ಕೊಟ್ಟದೆ,,,!
          ಹ್ಮ ,,,,, ಹೌದು ಸಣಪ ಎಂಥಮಾಡ್ದು ಹೇಳಿ,,,? ಕಾಲ ಬಂದಾಂಗ್ಗೆ ಕೋಲ ಕಟ್ಟೋಕು ಅಲಾ,,! ಈ ಮಕ್ಕಳ ಬೈಕ್ ಹುಚ್ಚಿಂದ ಯಾರಿಗೆ ಆದು ಹೇಳಿ,,,! ನಮ್ಮ ಕಾಲಲಿ, ಕಾಲಿಗೆ ಎಕ್ಕುಡ ಇಲ್ಲದೆ ಬರೀ ಉಟ್ಟಾತೋರ್ತುಲೆ ಮಾರುದ್ದ ನಡೆತಿದ್ದೋ ಹಂಗೆತಾ ಈಗನ ಮಕ್ಕಾ ಕೇಳುವೇನಾ,,,?
ಹಿಂಗೇ ಆದ್ ನಮ್ಮ ಹೈದನಾ ಕಥೆನು..!
ಮೊನ್ನೆ ಬೊಳ್ಪುಗೆ ಒಲೆಬುಡಲಿ  ಅಯ್ಯೆನೊಟ್ಟಿಗೆ , ನಮ್ಮ ಚಾಮಿ ಹೈದಾ ಬಿನ್ನೆಮಾಡ್ದು ಕೇಳ್ದೆ,,,! ಅಮ್ಮ ನೀ ಅಪ್ಪ ನೊಟ್ಟಿಗೆ ಹೇಳು ನಂಗೆ ಬೈಕ್ ಬೇಕುತಾ,,,!
   ಈ ಮಾತು ನನ್ನ ಕೆಬಿಗೆ ಬೀತು, ಇದ್ ಕೆಲ್ಸಾ ಕೆಟ್ಟತುತ ನೆನ್ಸಿ ಅಲ್ಲಿಂದ ಮೆಲ್ಲಾ ಇಜ್ಜಾಲ್ಗೆ ಇಳ್ದೆ. ಇದು ಲಾಸ್ಟ್ ಗೆ ಬಾದು ನನ್ನ ಬುಡಾಕೆನೇ,,, 
ಓ ದೇವುರೆ ಎಂಥರಮಾಡ್ದು ಈಗ,,,?
ಸೊಸೈಟಿ ನವ್ ಲೋನ್ ಕಟ್ಟದೆ ದಿನಕೆ ಮೂರ್ ಹೊತ್ತು ಪೋನ್ ಮಾಡುವೆ, ಇದರ ಎಡೆಲಿ ಈ ಮಕ್ಕಳ ಕುಶಾಲ್, 
ನಂಗೆ ಗೊತ್ತಿತ್ತು ಊರಿಡಿ ಉಟ್ಟು ಈ ಮಾರಿ ಇಂದಲ್ಲಾ-ನಾಳೆ ನಮ್ಮ ಮನೆಗೆ ಬಾದುತನೆನ್ಸಿಕಂಡೆ ಇದ್ದೆ , ಹಂಗೇನೇ ಆತ್ ಸಣಪಾ,,,,!
        ಓ ಕಥೆ ಹಿಂಗೆಲಾ,,! ಬೈಕ್ ತಂಕಂಬಕೆ ದುಡ್ಡು ಇತ್ತಾ ಮಾದು ತ ಸಣಪ ಕೇಳ್ವೇ,,,,?
        ಅಯ್ಯೋ ಅದರ ಕಥೆಕೇಳ್ರೆಲಾ ಸಣಪ ಇದರ ತಪ್ಪುಸಿಕೆ ನಾ ಏನೆಲ್ಲಾ ಪ್ರಯತ್ನ ಮಾಡ್ದೆ ಅಂತೂ ತಪ್ಪುಸಿಕೆ ಆತುಲೆ ಸಣಪ,,!
      ಬೊಳ್ಪುಗೆ ಅಯ್ಯೆ-ಮಂಙನ ಬೈಕ್ ನ ಪಂಚಾತಿಗೆ ಕೇಳ್ದಂಗೆ ಇನ್ನು ನನ್ನ ಮೇಲೆ ಸವಾರಿ ಮಾಡುವತ ನಾ ಕೊಠೆಗೆಲೆ ನೀರಡ್ಕೆ ಒಡ್ದು ಒಂದುಬಾಯಿ ಏಲಾಡ್ಕೆ ತಿಂದು, ಇನ್ನು ಕಟ್ಟಪುಣಿಲಿ ಕಾಯಿ ಬಿದ್ದುಟಾತ ನೋಡಿಕಂಡ್ ಬನ್ನೆತ ಹೋದೆ,, ಹಂಗೆ ಬಾಕಣ  ನಾಲ್ಕು ಕಾಯಿನ ಇರೆತೆಗ್ದು , ಯಾಗೋಳು ಹಾಕುವಂಗೆ ಸುರಡಿಕರೆಗೆ ಹಾಕಿಕೆತ ಹೋದೆ, ಹಾಕಿಕೆ ಪುರುಷೊತ್ತಿಲ್ಲೆ , ತಕ ನೋಡಿ ಹೆಂಗುಸುದು ಇಂದನಿಯ ಚಾಮಿಗೆ ಬೈಕ್ ಬೇಕಡ ಇಲ್ಲಾರೆ ಅಂವ ಕಾಲೆಜ್ ಗೆ ಹೋದುಲೆ ಗಡಾ ತೇಳ್ತು,,,! ಹಂಗೇ ಬಾಗುಲು ಸೆರೆಲಿ ಮಂಙ ನಿತ್ತುಕಂಡ್ ಇರ್ದು ನನ್ನ ಕಣ್ಣುನ ಸೈಡ್ ಲೆ ಕಂಡಂಗೆ ಆತ್,,, ಹಂಞ ಹೆದ್ರುಸಿ ನೋಡಮ , ಬೊಗ್ಗಿರೆ ಕಂಡದೆ ಅಲಾತ. ಬಾಯಿಲಿ ಇದ್ದ ಎಲಾಡ್ಕೆ ಮಡೆನಾ ಕಾಂಕ್ರ್-ಸಿ ಹೂಂದೈ ಬುಡಕೆ ಉಗ್ದು, ಕಾಲೇಜುಗೆ ಹೋಗದರೆ ಬೇಡ ಹೆಂಗೂ ತೋಡಲಿ ಅಗ್ತೆಮಾಡುವೆ,, ಅವರೊಟ್ಟಿಗೆ ಸೇರಿಕಣಲಿತ 'ಪಂಜುರ್ಳಿನಂಗೆ' ಕಣ್ಣುಕೆಕ್ಕರ್ಸಿ ನೋಡಿ, ಮನೆಗೆ ಹತ್ತದೆ ಅತ್ತಳೆ ಇನ್ನ್ ಗೂಡರಂದ ಕೋಳಿಗಳ ಬುಟ್ಟು ಭತ್ತಹಾಕಿನೆತ ಹೋದೆ....
   ಹಂಞ ಹೊತ್ತುಕಳೆಕಣ ಮನೆಲಿ ಯಾರು ಕಾಬೋತಿತ್ಲೆ . ಹಂಗೆ ಕೈತೊಳ್ಕಂಡ್ ಬಂದು ಇನ್ನು ಕಾಫಿಕುಡೆಮತ ಬಟ್ಲುಲಿ ಮೂರ್ ಬೊಡ್ರೊಟ್ಟಿನು,ಪೊಜ್ಜಿನು ಹಾಕಿ ಕುದ್ದೆ. ಎರ್ಡೂ ಬೊಡ್ರೊಟ್ಟಿ ತಿಂದಳೆ ಅಷ್ಟೇ ಅಷ್ಟೋತ್ತಿಗೆ ಹೆಂಗುಸು ಎಲ್ಲಿ ಇತ್ತೋ ಒಮ್ಮಗೆ ಮಾಯ್ಕಂಗೆ ಪ್ರತ್ಯಕ್ಷ ಆತ್.
ಇವರ ಬೈಕ್ ಮೊರ್ಲು ಕಡಿಮೆ ಆದಂಗೆ ಕಂಡಾತ್ಲೆ , ಹೆಣ್ಣು ಕೇಳಿಯೇ ಬುಟ್ಟತು ಇಂದನೀಯ ಆಗ ಹೇಳ್ದು ಎಂಥಾತ್ ತಾ,,,,? 
ಹ್ಮ ಅಂದರೆ ಹೈದಾನು ಒಳಗೆ ಇರೋಕುತ ನೆನ್ಸಿ,, ಸಿಟ್ಟುಲಿ  ಒಳ್ದಾ ಒಂದು ಬೊಡ್ರೊಟ್ಟಿನ ಪಾಲು ಮಾಡಿ ನಾಯಿಗಳಿಗೆ ಹಾಕಿ ಹೋಗಿ ಬಟ್ಲು ತೊಳ್ಕಂಡ್ ಬಂದೆ. ಚಾಮಿಹೈದಾ ಕಣ್ಣುಗೆ ಬೀತ್ಲೆ ಎತ್ತ ಹೋತುಪಾ ತೇಳಿ ಹೆಂಗುಸುನ ಕೇಳ್ದೆ,,, ಆ 'ಉರಿಕೊಳ್ಳಿ' ಎತ್ತ ಹೋತುಯ ತಾ,,,? ಇವು ಮನೆ ಉದ್ದಾರ ಮಾಡಿಕೆ ಹುಟ್ಟಿದವೋ , ಮನೆ ಮಾರಿಕೆ ಹುಟ್ಟಿದವೋ ತಾ ಗಣು ಗುಣು ಬೊಯೈಕಂಡೆ. ಎಡೆಲಿ ಬಾಯಿ ಹಾಕಿ ಹೆಂಗುಸು ಹೇಳ್ತು , ಅಂವ ಸಿಟ್ಟುಲಿ ಹೊರ್ಟು ಕಾಲೇಜ್ಗೆತಾ ಹೋಗುಟು ಇನ್ನು ಎಂಥ ಮಾಡಿಕಣ್ದೆನೋತಾ ,,! ನನ್ನ ಹೆದ್ರುಸಿಕೆ ಸುರುಮಾಡ್ತು,,,!
ಚೂರ್ ನೋಡಿಯಾ ಸಾಲನೋ ಮೂಲನೋ 'ಅಲ್ಲಿ-ಇಲ್ಲಿ' ಕೈ ಮೊಗ್'ಚಿ ಒಂದು ಬೈಕ್ ತಕಣಮ ಎಲ್ಲಾ ಮಕ್ಕಳಿಗೆ ಇರ್ಕಕಾಕಣ ಇವಂಗೂ ಆಸೆಲಾ, ಹೆಂಗೂ ಒಬ್ಬನೆ ಮಂಙಲಾ ಏನಾರು ಹೆಚ್ಚಿಕಮ್ಮಿ ಮಾಡಿಕಂಡ್ರೆತಾ 'ಸೆಂಟಿಮೆಂಟ್ ಡೈಲಾಗ್' ಹೊಡೆಕೆ ಸುರುಮಾಡ್ತು...! ಅಲ್ಲಿನೇ ನನ್ನ ಮನ್ಸು ಕರ್ಗಿದು. 
        ಇನ್ನು ಹೈದಾ ಕಾಲೇಜ್ಗೆ ಹೋಗದೆ ಏನಾರು ಹೆಚ್ಚಿಕಮ್ಮಿಮಾಡಿಕಂಡ್ರೆ ಎಲ್ಲಾ ಅಪ್ಪಂದಾಗಿ ಗಡಾ,,,ತ! ನೆರೆಕರೆವು ಎಲ್ಲ ನನ್ನ ತಲೆ 
 ಹಾಕುವ ತೇಳಿ,,ದುಡ್ಡುನ ಬಗ್ಗೆ ಯೋಚನೆ ಮಾಡಿಕಂಡ್ ಕುದ್ದೆ,,,
ದುಡ್ಡುನ ಬೇರೆ ಮೂಲ ಯಾವುದು ತಲೆಗೆ ಬಾತುಲೆ. ಆಗ ನೆನ್ಪುಗೆ ಬಂದದೇ ಪಾಪ ಹಟ್ಟಿಲಿ ಕಟ್ಟಿಹಾಕಂಡ್ ಇದ್ದಾ ' ಬೆಳ್ಳಿ' ಹಸು,,,,,!
         ಹಂಗೇ  ಕರುಬುಡುವ ಹಸುನ ಕರುನಾ  ಕೊಟ್ಟವೆತ ನಮ್ಮ 'ಮೋನಂಗೆ'  ಪೋನ್ ಮಾಡಿ ಹೇಳ್ದೆ,,,
   ಆಗ ಅಂವ ಕೇಳ್ತು ಯಾಕೆ,ಏನ್‌, ಎಲ್ಲಿನ ಬುಡ,? ಎಷ್ಟ್ನೆಕರು,,?ಹಾಲು ಎಷ್ಟುಸಿಕ್ಕಿದೆ ,,? ಹಿಂಗೇ ಅವಂಗೆ ಕುಲ ಗೋತ್ರ ಎಲ್ಲಾ ಒಪ್ಪುಸಿ ಮಧ್ಯಾನ್ಹಕೆ ಮುಂದೆ ಒಂದು ಪಾರ್ಟಿನ ಕರ್ಕಂಡ್ ಬಾತ್ ಸಣಪ. ಅಕೇರಿಗೂ "ಇಪ್ಪತೈದು ಸಾವಿರಕೆ" 'ಹಸುನ-ಕರುನ' ಬೊಳ್ಳಿಮುತ್ತಾಂಗೆ ಹೊಡ್ಕಂಡ್ ಹೋದ,,!
 ಸಿಕ್ಕಿದ ದುಡ್ಡು ಕೈಲಿ ನಿಲ್ಲುಕಿಲೆತ ಹೆಣ್ಣು , ಹೈದಾಂಗೆ ಪೋನ್ ಮಾಡಿ ಕಾಲೇಜ್ ಬುಡುವ ಹೊತ್ತುನೋಡಿ,,,! ನನ್ನ ನೂ ಕರ್ಕಂಡ್ ಹೆಂಗುಸು, ಹಿಂಬೊತ್ತುನ ವ್ಯಾನ್ಲಿಹೋಗಿ, 'ಧಾಮಿನಿ ಮೋಟರ್ಸ್' ಲಿ 25ಸಾವಿರ ಕಟ್ಟಿ ಒಳ್ದಾ ದುಡ್ಡುನಾ,,
ಒಂದು ವರ್ಷಮುಟ್ಟಾ ತಿಂಗ-ತಿಂಗ ಎರಡ್ ಸಾವಿರ ಕಟ್ಟೊಕುತ ಒಪ್ಪಂದ ಆಗಿ ಬೈಕ್ ತಕಂಡ್ ಬಂದೋ.
   ಮುಂದೆ ಹಸು ನೂ ಕರುನೂ ಇದ್ದಾ ಹಟ್ಟಿ""ಕರೆಲಿ ಇಂದು ಬೈಕ್ ನಿತ್ತುಟು ಸಣಪಾ,,,,,
       ಒಂದು ಗಾದೆ ಉಟ್ಟಲಾ ನೋಡಿ "ಆನೆ ಹೆತೋತ್ ತಾ,,,, ಮೋಲ ಹೇತರೆ" ಹಿಂಗೇ ಆದು ಸಣಪ.
ನೆರೆಕರೆವು ಎಲ್ಲಾ ಬೈಕ್-ಕಾರ್ ತೆಗ್ದಾವೆತ ನಮ್ಮಂತ ಪಾಪದವು ಹೊರ್ಟರೆ ಇದ್ದಾ ಮನೆ-ಮಠ ಮಾರಕಾದು...ತೇಳಿ! ಸಣಪನ ಮೋರೆ ನೋಡಿ ಮಾದು ಮೆಲ್ಲಾ ನೆಗಾಡ್ದೆ,,,,
ಹಿಂಗೇ ಮಾತಡಿ ಮಾತಡಿ ಆಕಣ,,,,  (ಸಣಪಾ ಚಿಕವ್ವಂಗೆ ಹೇಳುವೆ,,)  ಇಂದನೇ ಮಾದುಗೆ ಎಲಾಡ್ಕೆ ತಿಂಬಕೆ ಒಂದು ಅಡ್ಕೆ ಇದ್ದರೆ ಒಡಿ,,! ಅಷ್ಟೋತ್ತಿಗೆ ಮಾದು ಎಡೆಲಿ ಬಾಯಿ ಹಾಕಿ ಬೇಡ ಚಿಕವ್ವಾ ಹಂಗೇ ಈಗಣಿಗೆ ನನ್ನ ಚೆಂಚ್ಚಿಲಿ ಉಟ್ಟು , ಮಳೆನೂ ಒಡ್ಡಿಟು, 'ಕಿಂಣ್ಜೋಳು' ಬೇರೆ ತಾತುಲೆತ,,! ಮಾದು,,  'ದೆಳಿಸೆರೆಲಿ' ಇದ್ದಾ ಕತ್ತಿನ 'ಚೂಡೋಂಕುಗೆ' ಕೋಸಿಕಂಡ್ ಮನೆ ಮೆಟ್ಟುಕಲ್ಲು ಇಳ್ದಾದೆ,,,,,,,

Read More
Broken house

ಪಂಡ್

21 Jul 2017

*ಕಾಲ ಬದ್ಲಾತೊ.*
*ಅಲ್ಲ ಜನಂಗ ಬದ್ಲಾದನೋ ಗೊತ್ತಾತ್ಲೆಪ..*
*ಅದ್ ಯಾಗ ಬದ್ಲಾದನೊ..ಯಾಕೆ ಬದ್ಲಾದನೊ ಗೊತ್ಲೆಪ.....*

 

*"ಮನೆವು ಎಲ್ಲವು ದೊಂದಿ ದೀಪಲಿ ಒಂದೇ ಸಾಬೂನ್ಲಿ, ಮೀಯೊತಿದ್ದ.., ಮಕ್ಕಮೊರಿಗ ಸುರುಗೆ..ಅಕೇರಿಗೆ ಉಗ್ಗವ್ವಂದರ್ ‌  ಹೆಣ್ಮಕ್ಕ...*

*ಟಿವಿ,ಲಿ ಅಯ್ಯ್ತಾರ ಬರ್ತಿದ್ದ ಸಿನ್ಮ ನೋಡ್ದೆ ಬಾರಿ ಖುಷಿ*

*ಪೇಟೆಂದ ಸಮಾನ್ ತಾಕೆ ಇದ್ದರೆ ಮಾರುದ್ದದ ಚೀಟ್ ಮಾಡಿ ತರ್ತಿದ್ದೊ*

*ಕೆಡ್ಡಸಕೆ ಮಾಡ್ತಿದ್ದ ನೆನ್ನೆಕ್ಕಿ ಮರ್ತೆಬುಟ್ಟೊಳ...ಆಟಿ ಅಮಾಸೆ ಹಂದಿ ಬೊಡೆವ ವಿಸಯ ಯಾರ ಮನೆಲಿಂತ ವಾರಕೆ ಮುಂದೆ ಊರಿಡಿ ಇರ್ತಿತ್ತ್.. ಮೂಡಿಟ್,ಅಪ್ಪೊದಿಟ್ ಅಪ್ರುಪ ಆತ್..*

*ಬೆಲ್ಲ ಕ್ಯಾಂಡಿ, ಹಾಲ್ ಕ್ಯಾಂಡಿ ಬಾಯ್ಲಿ ನೀರರೆದು, ಏನ್ಮಾಡ್ದು ಈಗಂತು ಕಾಂಬಕೆನೆ ಇಲ್ಲೇ..*

*ಉಗ್ಗಪ್ಪ ,ದೊಡ್ಡಪ್ಪ , ಅಪ್ಪ,ಸಣಪಂದರ್ , ಮಾಂವ ತಂದ್ಕೊಡ್ತಿದ್ದ ಬಟ್ಟೆನ ಈಗನ ಯಾವ ಮಾಲ್'ಲಿ ಕೂಡ ಸಿಗ್ತಿಲ್ಲೆ...*

*ಹೆಚ್ಚಿಗೆ ಓದಿ ಕಲ್ತವರೆಲ್ಲ ಸಾಲೆಪ್ಪಂತನೆ ಕರೆತ್ತಿದ್ದ...ಅವರ ಪುಸ್ತಕದ ಭಂಡಾರಗಳೆ ನಮ್ಮ ಲೈಬ್ರೆರಿಗ..*

*ಊರ್ನ ಜಾತ್ರೆಗ, ದೆವ್ವಗಳೆ  ದೊಡ್ಡ ಪ್ರೋಗ್ರಾಂಗ..ಅದ್ಕೆಲ್ಲ ಒಂದ್ವಾರ ಮುಂದೆಂದಳೆ ತಯಾರಿಗ..ಚಪ್ಪರ ಬುಡಿ ಅಂಗಳಕೆ ಸೆಗ್ಣಿ ಗುಡ್ಸಿಕೆ ಉಟ್ಟಲೆ ಹಕ್ಕಲೆ ಮನೆ ಹೆಣ್ಮಕ್ಕಳೆ ೨೫-೩೦ ಜನಗ..*

*ಗೊಬ್ಬರ ಹೊರ್ದು, ತೋಟಕೆ ಮೊದ್ದು ಬುಟ್ಟರ್ಯ, ಕೊಯಿಲ್ ಅಡ್ಕೆ ತೆಗ್ದಾತ ಮಾಮುಲ್ ನೆಂನ್ಟ್ರ್,ಗಳ ಕ್ರ್ ಷಿ ಪರ ಕಾಳಜಿಗ ಆಗಿತ್ತ್*

*ಜ್ವರಕ್ಕೆ ಅಮ್ಮನ ಕಾಫಿ/ಕಷಾಯನೆ ಮೊದ್ದು...ಜಾಸ್ತಿ ಆದರೆ ನಮ್ಮ ರಘ್ರಂ ಡಾಕ್ಟ್ರ ಒಂದ್ ಇಂಜೆಕ್ಷನ್ ಅರ್ದಘಂಟೆ ಮಾತ್ಲಿ ಜ್ವರ ಮಾಯ...*

*ಕೆಬಿಬೇನೆ, ಹೊಟ್ಟೆ ಬೇನೆ, ಶೀತ, ಕೆಮ್ಮು, ಗಂಟ್ಲ್ ಬೇನೆ ಇದಿಷ್ಟೇ ಖಾಯ್ಲೆಗ ಆಗಿತ್ತ್*

*ಸಕ್ಕರೆ ಖಾಯಿಲೆ ಆಗ ದೊಡ್ಡ ದೊಡ್ಡ ದುಡ್ಡುಇದ್ದ್ವೊಕೆ ಮಾತ್ರ*

*ವನ ಮಹೋತ್ಸವ ಪ್ರತ್ಯೇಕ ದಿನ ಇತ್ಲೆ..ಎಲೌ ದೈ ನೆಡ್ತಿದ್ದ ಅಲ್ಲದೆ ಕಡೆತಿತ್ಲೆ..*

*ಲಗೋರಿ, ಮರಕೋತಿ ಆಟ,ಕುಟ್ಟಿದೊಣ್ಣೆ ಕ್ರಿಕೆಟ್ ಹೈದಂಗಳಿಗೆ..*
*ಜಿಬ್ಲಿ, ಡೊಂಕ,ಗೂಡೆಗಳ ಆಟ ಆಗಿತ್*


*ಹಿಂಬತ್ತಾಕನ ಏಳಗಂಟೆಗೆ ಎಲ್ಲಾ ಮನೆಲಿ ಇರ್ತ್ತಿದ್ದೋ*

*ಅಯಿತ್ತಾರ ಮನೆಗೆ ಚೌರಿಂಗ ಬಂದರೆ ಹೈದಂಗಳ  ಕೂದಲ್ ಕಟ್ಟಿಂಗ್,ಗೆ ಲೈನ್ ಇರ್ತಿತ್* 

*ಗೂಡೆಗಳಿಗೆ ಅಮ್ಮ ಸಣ್ಣವ್ವನವ್ರ್ದೆ ಬ್ಯೂಟಿ ಪಾರ್ಲರ್*

*ದೊಡೌರ ಅಂಗಿ ಸಣ್ಣವ್ಕೆ ಬಳುವಳಿಯಾಗಿ ಬರ್ತಿತ್ತ್*

*ಮಳೆ ಬೊಳ್ಪುಗೆ ಶಾಲೆಗೆ ಹೋಕನ ಮತ್ತು  ಹಿಂಬತ್ತ್ ಬಕಾನ ಜೋರಾಗಿ ಬರ್ತಿತ್ತ್* 

*ಮಗ್ಗಿ ಹೇಳ್ದುಟ್ಟಲ ಅದ್ ದೊಡ್ಡ ಅಸೈನ್ಮೆಂಟ್ ನಾವ್ಗೆಲ್ಲ*

*ಮರಲಿ ಕುದುರ್ವ ಕೋಳಿನ ಬೆರ್ಸಿ ಬೆರ್ಸಿ ಕೋಳಿಗೂಡುಗೆ  ಕೂಡ್ದೆ ದೊಡ್ಡ ಸಾಹಸ..*

*ಆಕಾಶವಾಣಿ ಮ್ಯೂಸಿಕ್ ನಾವ್ಗೆ ಈಗನ ಇವರ್ ಗ್ರೀನ್ ಹಿಟ್*

*ಅಂಗ್ಡಿಂದ ಸಾಮನ್ ತಾಕೆ ತಂಗೀಸ್ ಚೀಲ ಇತ್ತ್.ಈಗಂತು ಕಾಂಬಕೆ ಇಲ್ಲೆ..*

*ಮನೆಲಿ ಯಾರಿಗಾರ್ ಉಸರಿಲ್ಲದಿದ್ದರೆ ಮನೆವ್ಕೊ ಯಾರಿಗು ಮೋರೆಲು ನೆಗೆ ಇಲ್ಲೆ..*

*ಮನೆಯವು ಎಲ್ಲ ಕುದ್ದುಕಂಡ್ ಮಾತಾಡ್ದೆ ನಮ್ಮ  ವಾಟ್ಸಪ್ ಗ್ರೂಪ್ ಆಗಿತ್ತು*

*ಫೋಟೊ ತೆಗ್ದರೆ ಕ್ಲೀನ್ ಆಗಿ‌ ಬಾಕೆ ೧೫ದಿನ ಆಗ್ತಿತ್ತ್*


*ಮನೆಂದ ಪೇಟೆಗೆ ಹೋಗಿಬರ್ತಿದ್ದವು ಫೇಸ್ ಬುಕ್ ನಾಂಗೆ ಎಲ್ಲ ವಿಷಯನ ಮನೆಗೆ ಬಂದ್ ಅಪ್ಲೋಡ್ ಮಾಡ್ತಿದ್ದ , ಆ ವಿಷಯ ಎಲ್ಲ ಮನೆಯವು ಡೌನ್ಲೋಡ್ ಮಾಡಿಕಂತಿದ್ದ..ಕೆಲವು ಮಕ್ಕ ವಾಟ್ಸ್ಯಾಪ್ ನಾಂಗೆ ಅದರ ಸಾಲೆಗೆ ಫಾರ್ವಡ್ ಮಾಡ್ತಿದ್ದ..*


*ಕಾಲ ಬದ್ಲಾದ್ ಗೊತ್ತೇ ಆತ್ಲೆ...ಆದ್ರೆ ನೆಂಪುಗ  ಇನ್ನೂ ಡಿಲೀಟ್ ಆತ್ಲೇ...   ಡಿಲೀಟ್ ಆಕೆ ಮುಂದೆ ಈ  ಸಣ್ಣ ಮಾತ್ನ್ ಎಲ್ಲವ್ಕು ಕಳ್ಸಿ ಒಳ್ಸಿಕೆ ನೋಡಿ ನೀವ್ಗೆ ತೀರ್ರೆ ಅರೆಬಾಸೆನನು ಒಳ್ಸಿ...ಎಲ್ಲೋ ಕಳ್ಕಂತ ಒಳ ಈ ಜನಂಗ...ಕಳ್ಕಂಕೆ ಮುಂದೆ ಉಳ್ಸಿ ನೀವು ಒಳ್ಕಣಿ.. ಪ್ಲೀಸ್ ಏನ್ ಹೇಳ್ರೆ.*

*ನಿಮ್ಮವನೆ*

Read More
Mangotreepic 1

ಮೂಕ ವೇದನೆ

17 Mar 2018

ನೆನ್ನೆ ಗೋಧೋಳಿಯ (ಸಂಜೆ) ಸಮಯದಲ್ಲಿ ಧಿಡೀರಾಗಿ ಆಕಾಶಕ್ಕೆ ತೂತು ಬಿದ್ದಂತೆ ಒಂದೇ ಸಮಾನಾಗಿ ಮಳೆಯು ಸುರಿಯಲಾರಂಭಿಸಿತು.ಬಿಸಿಲ ಬೇಗೆಗೆ ತತ್ತರಿಸಿದ್ದ ಮರಗಿಡಗಳು,ಮಳೆಯ ನೀರನ್ನು ಕುಡಿದು ಸಂತೃಪ್ತಗೊಂಡವು... ಕೆಲ ಸಮಯದ ನಂತರ ಮಳೆಯು ಕ್ರಮೇಣವಾಗಿ ಕಡಿಮೆಯಾಗುತ್ತಾ ಬಂದು..ಕೊನೆಗೆ ನಿಂತಿತು..!

ಮಳೆ ಬಂದಿದ್ದರಿಂದ ಮಂಜು ಮುಸುಕಿದಂತಾಗಿ..ಸುತ್ತಮುತ್ತಲ ಪರಿಸರ ಶ್ವೇತವರ್ಣದಿಂದ ಕೂಡಿ,ಶುಭ್ರವಾಗಿ ಕಾಣಿಸುತ್ತಿತ್ತು..!

ಆಗ ಎಲ್ಲಿಂದಲೋ...ಎರಡು ಕೋಗಿಲೆಗಳು ಹಾರಿ ಬಂದು ಮಾವಿನ ಮರದ ಎಲೆಗಳ ನಡುವೆ ಕುಳಿತು..ಸುಶ್ರಾವ್ಯವಾಗಿ ಹಾಡಲು ಶುರು ಮಾಡಿದವು..ಒಂದು ರಾಗವಾಗಿ ಹಾಡುತ್ತಿದ್ದರೆ..ಮತ್ತೊಂದು ಅದಕ್ಕೆ ಶೃತಿ ಸೇರಿಸುತ್ತಿತ್ತು.ಮೂಕ ಪಕ್ಷಿಗಳ ಅನ್ಯೋನ್ಯತೆಯನ್ನು ಕಂಡು ಅನಂದವಾಯಿತು... ಇದನ್ನೆಲ್ಲಾ ಕಿಟಕಿಯ ಬಳಿ ನಿಂತು ನೋಡುತ್ತಿದ್ದ ನನಗೆ..ಹಳೆಯ ವೇದನೆ ಮನಃಪಟಲಕ್ಕೆ ಬಂದು,ಎತ್ತಲೋ..ಕಳೆದುಹೋಗಿದ್ದೆ...!!​

ಸುತ್ತಲೂ ಸುಂದರವಾದ,ಶಾಂತತೆಯ ವಾತಾವರಣವಿದ್ದರೂ...ನನ್ನ ಮನಸ್ಸು ಮಾತ್ರ ಹಳೆಯ ಘಟನೆಯನ್ನು ನೆನೆಸಿಕೊಂಡು ಅಶಾಂತತೆಯಿಂದ ಕದಡಿ ಹೋಗಿತ್ತು...ಸಂಭವಿಸಿ ಹೋಗಿದ್ದ ಕಹಿ ಘಟನೆಗೆ ವಿಧಿಯನ್ನು ಹಳಿಯಲು ಸಾಧ್ಯವಿಲ್ಲ...!

ಅರ್ಧ ತಾಸಿನ ನಂತರ ಬಾಗಿಲ ಬಳಿ ಸದ್ದಾಯಿತು..ಆಗ ಭ್ರಮಾಲೋಕದಿಂದ ಮತ್ತೆ ಇಹಲೋಕಕ್ಕೆ ಬಲವಂತವಾಗಿ ಮರಳಬೇಕಾಯಿತು.....!!! 

                           - ಪ್ರಜ್ವಲ್ ಬೈಚನ (Prajwal Bychana)

Read More
458245 429995 exams cheating

ಚೀಟಿ ಪುರಾಣ...!!!

18 Sep 2017

        ಹೌದು ಶಾಲೆಯೆಂದರೆ ಅಲ್ಲಿ ಮದುವೆಗೆ ಬಣ್ಣದ ಕಾಗದದ ತೋರಣ ಕಟ್ಟಿದಂತೆ ಸಾಲು ಸಾಲು ಪರೀಕ್ಷೆಗಳು,ಕಿರು ಪರೀಕ್ಷೆ, ಮಧ್ಯ ವಾರ್ಷಿಕ, ವಾರ್ಷಿಕ, ಸೆಮಿಸ್ಟರ್, ಮರುಪರೀಕ್ಷೆ, ಸಿದ್ದತಾ ಪರೀಕ್ಷೆ , ಗಣಿತದ ಸಾಧನೆಗಳು, ರಾಸಾಯನ ಶಾಸ್ತ್ರದ ಸೂತ್ರಗಳು, ಜೀವ ಶಾಸ್ತ್ರದ ವೈಜ್ಞಾನಿಕ ಹೆಸರುಗಳು, ವಾರದಲ್ಲೊಂದು ಪರೀಕ್ಷೆ, ಒಂದು ಪಾಠ ಅದ ಮೇಲೊಂದು ಪರೀಕ್ಷೆ ಅದು, ಇದು ಒಂದೇ , ಎರಡೇ ,..  ಒಂದು ತರಗತಿಯಲ್ಲಿ ಕನಿಷ್ಠ 6 ಪಠ್ಯಗಳು, 8 ಪರೀಕ್ಷೆಗಳೆಂದು ಗುಣಿಸಿದ್ರೂ ಡಿಗ್ರಿ ಮುಗಿಯುವ ಹಂತಕ್ಕೆ 800 ಪರೀಕ್ಷೆಗಳನ್ನು ಗಡದ್ದಾಗಿ ಬರೆದಿರುತ್ತೇವೆ. ಇನ್ನೂ ಪೊಡಿ, ಪೊಡಿ ಪರೀಕ್ಷೆಗಳನ್ನು ಸಂಕಲನ ಮಾಡಿದರೆ 1400 ಗಡಿ ದಾಟಬಹುದು. ಇಷ್ಟೊಂದು ಪರೀಕ್ಷೆಗಳಿಗೆ ತಯಾರಿ ಹೇಗಿರಬೇಡ ಹ್ಹಹ್ಹಹ್ಹ ಅಷ್ಟೊಂದು ಕಕ್ಕುಬೇಕಾದರೆ ಎಷ್ಟು ತಿನ್ನಬೇಡ !!! 

           ಮನೆಯಲ್ಲಿ ಅಮ್ಮನ ಕಣ್ಣು ಕಟ್ಟಲು, ಪುಸ್ತಕ ಬಿಡಿಸಿ ಓದಿದಂತೆ ನಟಿಸಿ, ಮತ್ತೆ ಪರೀಕ್ಷೆಗೆ ತಯಾರಿ ನಡೆಸುವ ಪರಿಯೋ ಬ್ರಹ್ಮನಿಗೆ ಪ್ರೀತಿ, ಹೌದು ಅದೆಷ್ಟು ಚೀಟಿಗಳು, ಪೆನ್ಸಿಲ್ ಕೆತ್ತನೆಗಳು, ಗೋಡೆ ಬರಹ, ಅಂಗಿ ಅಕ್ಷರಗಳು, ಡೆಸ್ಕು ಸಾಹಿತ್ಯ, ಮಣಿಗಂಟು ಲೇಖನ, ಹಲವು ಬಗೆ , ಯಾರು ತರಗತಿಯಲ್ಲಿ ಓದುತ್ತಾನೆಯೋ ಅವನ ತಲೆಗೆ ದಂಡ ಪಾವತಿಸಿ  ಇಪಾರ್ಟಂಟ್ ಕ್ವೇಶನ್ ಕೇಳಿ ಗೆರೆ ಹಾಕಿಯೋ, ಅಲ್ಲಿ ಇಲ್ಲಿ ಬರೆದೋ, ಯುದ್ಧಕ್ಕೆ ಶಸ್ತ್ರಾಭ್ಯಾಸಕ್ಕೆ ಸಿದ್ಧ ಅಂಗೈ ಅಗಲದ ಸಾಮಾನು ಚೀಟಿ ಎತ್ತಿ ಭೂತಕನ್ನಡಿಯಿಟ್ಟು ನೋಡುವಸಷ್ಟು ಪುಟ್ಟ ಅಕ್ಷರಗಳಾದರೂ ಸ್ಪುಟ, ಸ್ಪಷ್ಟತೆಯಿಂದ ಎದ್ದು ಕಾಣುವಂತೆ ಬರೆದು ಸೋಲ್ಡಿ (ಲಕ್ಕಿಡಿಪ್ ಡ್ರಾ) ಹಾಕುವಂತೆ ಮಡಚಿ, ಉದ್ದ ತೋಳಿನ ಅಂಗಿಯ ಕೈಯಲ್ಲೋ, ಬೆಲ್ಟ್ ನ ಸೆರೆಯಲ್ಲೋ, ಡೆಸ್ಕಿನ ಎಡೆಯಲ್ಲೋ, ಕಿಟಕಿಯ ಮೂಲೆಯಲ್ಲೋ, ಪೆನ್ನಿನೊಳಗೋ, ಕಂಪಾಸ್ ಡಬ್ಬದೊಳಗೋ, ಲಾಗ್ ಪುಸ್ತಕದ ಮಧ್ಯದಲ್ಲೋ, ಖಾಸಗಿ ಜಾಗಗಳಲ್ಲೋ ಸುಲಭವಾಗಿ ಸಿಗುವಂತಹ, ಸುರಕ್ಷಾ ಸ್ಥಳಗಳಲ್ಲಿ ಇಟ್ಟು ಸಿದ್ಧಗೊಳ್ಳುವ ಪರಿಯೇ ಅಬ್ಬಾಬ್ಬಾ ಸೈನಿಕರನ್ನು ಮಿರಿಸುವ ಕರಾಮತ್ತು , ಚೀಟಿ ಬರೆದು ಸಿದ್ಧಪಡಿಸಿದರೆ ಸಾಕೇ... ಪರಿಕ್ಷೇಯಲ್ಲಿ ಬರುವ ಅಪರಿಚಿತ ಪ್ರಶ್ನೆಗಳಿಗೆ ಉತ್ತರಿಸಬೇಕಲ್ಲಾ ಅದಕ್ಕೂ ಪಂಚವಾರ್ಷಿಕ ಯೋಜನೆಯಂತೆ, ಯಾವ ಪಾಠಕ್ಕೆ ಯಾವ ಚೀಟಿಯೆಂದು ಸಾಲು ಸಾಲು ಕ್ರಮಸಂಖ್ಯೆಗಳು, ಯಾವ ಪ್ರಶ್ನೆಗೆ ಯಾವ ಉತ್ತರ.

        ಇನ್ನೂ ಚೀಟಿ ಬಿಡಿಸಿ ನೋಡುವ ಕ್ರಮವೋ ವರ್ಣಿಸ ಹೊರಟರೆ ಪುಟಗಳು ಸಾಲದು..!! ನಮ್ಮ ಮನೆಬಿರುಕು ಮಾಡುವ ಧಾರಾವಾಹಿಯ ಸೊಸೆ, ಅತ್ತೆಯನ್ನು ಬಾಗಿಲ ಸಣ್ಣ ಸಂದಿನಿಂದ ನೋಡುವಂತೆ, ಕಣ್ಣಿನ ರೆಪ್ಪೆಗಳಿಗೆ ಕೋನ ನೀಡಿ, ಪಂಚೇಂದ್ರಿಯಗಳು ಸೈನಿಕನಂತೆ ಸೆಟೆದು ನಿಂತು ಜತನದಿಂದ ಶಿಕ್ಷಕರ ಧ್ವನಿ, ಶಿಕ್ಷಕಿಯ ಕಾಜಿಯ ಸಂಗೀತ, ಹೊಸ ಮದುವೆಯಾದ ಟೀಚರಿನ ಕಾಲಿನ ಗೆಜ್ಜೆನಾದ, ತಲೆಗೆ ಮೂಡಿದ ಹೂವಿನ ಪರಿಮಳ, ನಿದ್ದೆ ಮಾಡಿದಂತೆ ನಟಿಸುವ ಮಾಸ್ತ್ರರ ದೃಷ್ಠಿ, ಅಲ್ಲಾಡುವ ನೆರಳು,   ಗಾಳಿಯ ಒತ್ತಡವೆಲ್ಲವನ್ನು ಗ್ರಹಿಸಿಕೊಂಡು  ಕಾಪಾಡಿಕೊಳ್ಳಬೇಕು. ಮೊದಲ ದಿನದ ಪರೀಕ್ಷೆಯಲ್ಲಿ ಮೊಹರು ಹಾಕಿದ ಉತ್ತರಪತ್ರಿಕೆಯನ್ನು ತೆಗೆದುಕೊಂಡು ಪುಟ ತುಂಬಾ ಬರೆದು ಮರುದಿನದ ಪರೀಕ್ಷೆಯಲ್ಲಿ ಹಗ್ಗ ಕಟ್ಟುವುದು ಇದೆ, ಮತ್ತೆ ಪ್ರಶ್ನೆ ಪತ್ರಿಕೆಯ ಕೆಳಗೆ, ಕಾಂಪಾಸು ಡಬ್ಬದ ಒಳಗೆ, ಕ್ಯಾಲ್ಕುಲೇಟರ್ ನ ಮೇಲೆ, ಆಡಿಕೋಲುಗಳ ಅಡಿ ಭಾಗ, ಲಂಗದ ನಡುವೆ, ಹಳೆಯ ಪ್ರಶ್ನೆ ಪತ್ರಿಕೆಗಳಲ್ಲೇ ಇನ್ನೂ ಹಲವಾರು....ಇಷ್ಟು ಮಾಡಿ ಪರೀಕ್ಷೆಯಲ್ಲಿ ಅದೇ ಪ್ರಶ್ನೆ ಬಂದು ಬರೆದೆ ಅಂದ್ರೆ ಅಮ್ಮನ ಮೊದಲ ಪ್ರಸವದಷ್ಟು ಖುಷಿ... 


             ಬರೀ ನಾವೇ ಬರೆದರಾಯಿತೆ !! ದಾನಶೂರರಲ್ಲವೇ, ನಾವು ಬರೆಯುವುದ್ದಕ್ಕೂ ಸೈ ಮತ್ತೊಬ್ಬರನ್ನು ಪ್ರೋತ್ಸಾಹಿಸಲು ಜೈ ಯೆಂಬಂತೆ ಈ ಚೀಟಿಗಳನ್ನು ವರ್ಗಾಹಿಸುವುದೋ ಅದೊಂದು ಕಷ್ಟದ ಸನ್ನಿವೇಷ "ನನಗೆ ಬರೆದಾಗಲಿಲ್ಲ ಅವನದು ಕಿರಿಕಿರಿ" ಸಿಟ್ಟೋ ಸಿಟ್ಟು ಅದರು ಗೆಳೆಯನಲ್ಲವೇ ಕೊಡಬೇಕಲ್ವಾ !!  ನಾಳೆ ಅವನೇ ಬೇಕಲ್ಲಾ .. ಅದಕ್ಕಾಗಿ ಕಣ್ಸನ್ನೆಗಳೆನು?, ಪೆನ್ನಿನ ಕಡೆಯಲ್ಲಿ ಕುಟ್ಟುವುದೇನು?, ಕಾಲು ಗುದ್ದುವುದೇನು?, ಕೈ  ಮೇಲೆತ್ತುವುದೇನು?, ರಬ್ಬರ್ ಗೆ ಕಟ್ಟಿ ಬಿಸಾಡುವುದೇನು? ಮತ್ತೆ ಅಪರೂಪಕ್ಕೆ ಮಾಸ್ಟ್ರು ನೋಡಿದರೆಂದರೆ ಮೆಲ್ಲಗೆ ಕಿಟಕಿಯಿಂದ ಹಾರಿಸುವುದೇನು, ಚಡ್ಡಿಯೊಳಗೆ ಹಾಕುವುದೇನು, ಕುಪ್ಪಸದೊಳಗೆ ತುರುಕಿಸುವುದೇನು, ಕಾಲುಚೀಲದೊಳಗೆ ನುಗ್ಗಿಸುವುದೇನು. ಬಾಯಲ್ಲಿ ಹಾಕಿ ಜಗಿಯುವುದೇನು? ಅಬ್ಬಾ ನಗೋದು ಬೇಡ.. ಓದುತಿರುವ ನೀವು ಅಪ್ಪ ಅಮ್ಮನಾಗಿದ್ದರೆ  ಮಗನಿಗೋ, ಮಗಳಿಗೋ ಹೇಳಿ ಕೊಡಿ ಅವರು ಕಲಿಯಲಿ, ಶಾಲೆ- ಕಾಲೇಜಿಗೆ ಹೋಗುವವರಾಗಿದ್ದರೆ ಒಮ್ಮೆ ಪ್ರಯತ್ನಿಸಿ ನೋಡಿ ಒಳ್ಳೆ ಫಲಿತಾಂಶ ಬರಬಹುದು.... ಸಮಾಜಕ್ಕೆ , ನೌಕರಿಗೆ, ಬೇಕಾಗಿರೊದು ನೀವು ಗಳಿಸಿದ ಅಂಕ, ಹೇಗೆ ಗಳಿಸಿದನೆ/ಳೆಂಬುವುದು ಮುಖ್ಯ ಅಲ್ಲ ಅಲ್ಲವೇ...ಶುಭವಾಗಲಿ

-- ಭರತೇಶ ಅಲಸಂಡೆಮಜಲು 

Read More