April fools day 2017 picture

ಮರೆಯಕ್ಕೇ ಆಗದ ಎಪ್ರಿಲ್ ಒಂದ್!!!

   "ಓಯ್... ಹಿಂದೆ ನೋಡು.. ಯಾರೋ ನಿನ್ನ ಕರ್ದವೆ"... ತಿರ್ಗಿರೆ ಯಾರೂ ಇಲ್ಲೆ!!.."ಎಪ್ರಿಲ್ ಫೂಲ್....ಎಪ್ರಿಲ್ ಫೂಲ್"... ನೋಡ್ರೆ ದೋಸ್ತಿ 'ಕೆಬಿಲಿ ಗಾಳಿ ಹುಗ್ಗಿದ ಕರ್ ನಾಂಗೆ' ಹಾರಿ ಕೊಣ್ಕಂಡ್ ನೆಗಾಡ್ತುಟ್ಟು..ನಾವು ಚಪ್ಪೆಮೋರೆ ಹಾಕಿ ಒರುಂಗಿಸಿ ಮುಂದೆ ಹೋದವೆ. ಈ ಮಂಗಾಟ  ನಾವೆಲ್ಲ  ಪ್ರೈಮರಿ ಶಾಲೆಲಿ ಇರ್ಕಾಕನ ಅನ್ಭವ್ಸಿದವೇ. ಹಂಗೇ ಬರ್ತುಟ್ಟು ಎಪ್ರಿಲ್ ಒಂದ್... ಮತ್ತೆ ಅದೇ "ಫೂಲ್ಸ್ ಡೇ"... ಮೂರ್ಖರ ದಿನ...ಅದೆಷ್ಟೇ ಎಪ್ರಿಲ್ ಒಂದ್ ಬಂದ್ ಹೋದರೂ ನಾ ನನ್ನ ದೋಸ್ತಿ "ಎಂಪಿ" ನ ಫೂಲ್ ಮಾಡ್ದ್ ಮಾತ್ರ ಮರ್ತೇ ಹೋದ್ಲೆ. ಅಂವ ಬರೇ ಪಾಪದ ಹೈದ. ನಾ ಎಷ್ಟ್ ಉಪದ್ರ ಕೊಟ್ಟರೂ ಬುಟ್ಟ್ ಹೋಕಿಲೆ... ನಳ್ಳ್ ನಾಂಗೆ!!(ದೋಸ್ತಿ ಹೇಳ್ದು ಅದ್ಕೇ ಅಲ್ಲ).ಆ "ಎಂಪಿ" ಬೇರೆ ಯಾರೂ ಅಲ್ಲ. ನನ್ನ "ಹುಡ್ಗಾಟದ ಹುಡ್ಕಾಟ" ಲಿ ನನ್ನೊಟ್ಟಿಗೆ "ಇಸ್ತ್ರಿ ಪೆಟ್ಟಿಗೆ ಮೇಲೆ, ದುಂಡು ತಳದ ಫ್ಲಾಸ್ಕ್ ಲಿ ಗ್ಯಾರ್ದಣ್ಣ್ ದರ ಕಾಸಿಕೆ ಕೈ ಜೋಡ್ಸಿದ್ದ ಅದೇ ಕೊರುಂಬ!!!". 

               ಮಾರ್ಚಿ 31ಕ್ಕೇ ಎಂಪಿ ಮಲ್ಗಿದ ಮೇಲೆ ಮೆಲ್ಲ ಅಂವನ ಮೊಬೈಲ್ ತೆಗ್ದ್, ಅದರ್ಲಿ ನನ್ನ ಹೆಸ್ರ್ ನ " Airtel Customer Care" ಅಂತ ಬದ್ಲಾಯ್ಸಿ, ಸದ್ದಿಲ್ಲದ ಕೊತ್ತಿನಾಂಗೆ ಹೋಗಿ ಮಲ್ಗಿದೆ.( ಹಳೇ ನೋಕಿಯಾ  ಮೊಬೈಲ್.. ಪಾಸ್ ವರ್ಡ್ ಹಾಕಿ ಇಸಿಕೆ ಆದೇಂತಲೂ ಗೊತ್ಲೆ…  ಕೆಪ್ಪಂಗೆ).ಮಾರ್ನೆ ದಿನ ಬೊಳ್ಪಿಗೆ ಘಂಟೆ 11 ಕಳ್ದರೂ ಇಂವ ರೂಮುಂದ ಹೊರಗೆ ಬಾದೇ ಕಾಂಬೊದ್ಲೆ. ಹೋಗಿ ನೋಡ್ರೆ 'ಜಾತ್ರೆಲಿ ಐಸ್ಕ್ರೀಂ ಕೊಡ್ಸದ ಮಕ್ಕ ಕುಸು ಕುಸು ಮರ್ಡುವಾಂಗೆ' ತಲೆದಿಂಬೊಳಗೆ ಮೋರೆ ಇಸಿ ಕುಸುಕುಸು ಮಾಡ್ತುಟ್ಟು. ಎದ್ರಿಸಿ ಕೇಳ್ದೆ... "ಯಾವ ಗೂಡೆನ ಹುಲಿಹೊತ್ತತೂಂತ ಹಿಂಗೆ ನರ್ಕಿಯ? ಅಲ್ಲಾ... ಮೊನ್ನೆ ಹಾಯ್ ಹೇಳ್ದ ಗೂಡೆ ಇಂದ್ ಅಣ್ಣಾಂತ ಮೆಸೇಜ್ ಮಾಡಿಟಾ ಹೇಂಗೆ!!". ಅಂವ ತಲೆದಿಂಬುದ ತಲೆ ಎತ್ತದೆ ಕೈಲಿದ್ದ ಮೊಬೈಲ್ ನನ್ನ ಮುಸುಂಡ್ ಗೆ ಹಿಡ್ತ್.  ನೋಡ್ರೆ "ಪ್ರಿಯರೇ.. ನಮಸ್ಕಾರ..ನೀವು ಈ ಹಿಂದಿನ ದಿನಗಳಲ್ಲಿ ನಮ್ಮ ಇತರೆ ಚಂದಾದಾರರಿಗೆ ಅನುಚಿತ ಕರೆ, ಅಶ್ಲೀಲ ಸಂದೇಶಗಳನ್ನು ಕಳುಹಿಸಿದ್ದು, ನಿಮ್ಮ ಕುರಿತಾಗಿ ದೂರು ದಾಖಲಾಗಿದೆ. ಹಾಗಾಗಿ ನಿಮ್ಮ ಸಂಪರ್ಕವನ್ನು ಕಡಿತಗೊಳಿಸಲು ಪ್ರಥಮವಾಗಿ ಪೋಲೀಸ್ ವಿಚಾರಣೆಗೆ ಒಳಪಡುವುದು ಅತೀ ಅವಶ್ಯ. ಸದ್ಯದಲ್ಲೇ ನಮ್ಮ ಅಧಿಕಾರಿಗಳು ಪೋಲೀಸರೊಂದಿಗೆ ಆಗಮಿಸಿ ನಿಮ್ಮ ಮೊಬೈಲನ್ನು ವಶಪಡಿಸಿ ವಿಚಾರಣೆ ನಡೆಸುವರು. ದಯವಿಟ್ಟು ಸಹಕರಿಸಿ. ಧನ್ಯವಾದಗಳು".   Sent From : Airtel Customer Care..  ಇಂವ  ಎದ್ದ್ ಕುದ್ದ್ "ನಾ ಯಾರಿಗೆ ಏನ್ ಅನ್ಯಾಯ ಮಾಡ್ಯಳೆ? ಯಾವ ಗೂಡೆಗಳ ನಂಬರ್ರೂ ನನ್ನಕ್ಕಲೆ ಇಲ್ಲೆ. ಬಂದ ಮೆಸೇಜ್ ಗಳ ಸರಿ ಓದಿಕೂ ಗೊತ್ಲೆ.. ಇನ್ನ್ ನಾ ಯಾರಿಗೇಂತ ಕಳ್ಸಿನೆ. ನನ್ನ ಬಗ್ಗೆ ನಿಂಗೆ ಗೊತ್ಲೆನಾ?.. ಇನ್ನ್ ಪೋಲೀಸ್ ಬಂದೋಂತ ಗೊತ್ತಾದರೆ ಅಪ್ಪ ನನ್ನ ಬೆರ್ಸಿ ಬೆರ್ಸಿ ಬೊಡ್ಯೊವೋ..." ಹೇಳಿಕಂಡ್ ಕಣ್ಣ್ ಲಿ ಮೂಂಕುಲಿ ನೀರ್ ಅರ್ಸಿಕೆ ಸುರು ಮಾಡ್ತ್. "ಸರಿ ಬುಡ್... ಎಲ್ಯೋ  ತಪ್ಪಿ ಬಂದಿರೊಕು. ಸತ್ಯಕ್ಕೂ ಕಂಪ್ಲೇಂಟ್ ಬಂದಿದ್ದರೆ ಅವು ಒಮ್ಮೆ ಕಾಲ್ ಮಾಡಕಾಯಿತಲ್ಲ! ಅಷ್ಟಕ್ಕೂ ಅವು ಸುರೂಗೆ ಬರ್ಲಿ. ನಮ್ಮ ಬಂಗಾರ್ಕೊಡಿ ಬಾವ ಹೆಂಗೂ ರಾಜಕೀಯಲಿರವು.. ಪೋಲೀಸ್ ಗಳ ಲಾಯಿಕ್ ಗುರ್ತ ಇರವು. ಅವರೊಟ್ಟಿಗೆ ಹೇಳೊನೊ. ನೀ ಎದ್ರ್ ... ಹೋಗಿ ಹಲ್ಲುಜ್ಜೂಂತ" ಹೇಳಿ ಬಾತ್ರೂಮ್ ಗೆ ಎತ್ತಿಕಂಡೇ ಹೋಗಿ  ಬುಟ್ಟೆ(ಬುಟ್ಟದಲ್ಲ .. ಹಂಞ ನೋಡ್ರೆ ಬಿಸಾಡ್ದಾಂಗೇ!!)

                ಮಧ್ಯಾಹ್ನ ಕಳ್ದ್ ಹಿಂಬತಾದರೂ ಇಂವ ಸುಧಾರ್ಸುವ   ಯಾವ ಲಕ್ಷಣನೂ ಇಲ್ಲೆ. "ಕಪ್ಪೆ ಆದ ಕೋಳಿನಾಂಗೆ" ತೂಂಗ್ಯಂಡೇ ಉಟ್ಟು. 'ಇಂದ್ ಹೆಂಗೂ ರಜೆ... ಬಾ ಹೋಗಿ ಚಾಯ ಕುಡ್ಕಂಡ್ ಬರೋನೊ'ತ ಅರ್ಧ ಚಡ್ಡಿಲಿದ್ದವಂಗೆ ಫುಲ್ ಪ್ಯಾಂಟ್ ಹಾಕ್ಸಿ ಎಳ್ಕಂಡೇ ಹೊರ್ಟೆ. ಒಟ್ಟಿಗೆ ಇನ್ನೊಬ್ಬ ದೋಸ್ತಿನೂ ಹಚ್ ನಾಯಿನಾಂಗೆ ಒಟ್ಟೀಗೇ ಬಾತ್. ಕುರೆ ಸತ್ತ ಕೊರುಂಬನಾಂಗಿದ್ದ ಎಂಪಿನ ಮೋರೆ ನೋಡಿ ಏನಾತ್ ತ ಕೇಳಿ, ವಿಷಯ ತಿಳ್ದ್, ಮೊಬೈಲ್  ಲಿ ಇದ್ದ ಮೇಸೇಜ್ ಓದಿನೂ ನೋಡ್ತ್. ಅವಂದ್ ಚೂರ್ ಕಂಪ್ಯೂಟರ್ ತಲೆ! ಮೆಸೇಜ್ ಬಂದ ನಂಬರ್ ನ ನೋಡಿ..' ಈ ನಂಬರ್ ಎಲ್ಲೋ ನೋಡ್ದಂಗೆ ಉಟ್ಟಲ್ಲಾ, ತಡಿ .. ನನ್ನ ಮೊಬೈಲ್ ಲಿ ಸರ್ಚ್ ಮಾಡೊನೊ'ತ ತೋಟೆ ಹಾಕಿತ್. ಅವಂದರ್ಲಿ ಹುಡ್ಕಿ ನೋಡ್ರೆ ಕಥೆ ಎಂತ... ಮೆಸೇಜ್ ಬಂದದ್ ನನ್ನ ನಂಬರ್ಂದ!!! ವಿಷಯ ಗೊತ್ತಾತಲ್ಲ!! ನಮ್ಮ ಎಂಪಿದ್ ಬೊಬ್ಬೇ ಬೊಬ್ಬೆ. 'ನೀ ನನ್ನ ಹಿಂಗೂ ಬಕ್ರಾ ಮಾಡ್ದ??!! ನಿನ್ನ ಕಾಲ್ ಹಿಡ್ದ್ ನೆಲಕ್ಕೆ ಬೊಡ್ದನೆ. ಸೊಂಟಕೆ ಕಲ್ಲ್ ಕಟ್ಟಿ ಹಳ್ಳಕ್ಕೆ ಹಾಕಿನೆ....' ( ಹೈದಂಗಳ ಕೆಲವು ಬೊಯ್ಗಳ್ ಗಳ ಹೇಳಿಕೆ ಆದುಲೆ... ಎಡ್ಜಷ್ಟ್ ಮಾಡಿಕಣಿ!!) ಅಂತೂ ಮಾಡ್ದ ಕೀತಾಪತಿಗೆ ನನ್ನ ಕೈಯಿಂದಲೇ ಚಾಯದೊಟ್ಟಿಗೆ ಗೋಬಿಮಂಚೂರಿನೂ ತಿನ್ಸಿ ಸಮಾಧಾನ ಮಾಡಿ ಹಾಸ್ಟೆಲ್ ಗೆ ಕರ್ಕಂಡ್ ಬಂದೆ. ಅಂದ್ ನ ಕಾಲಕ್ಕೆ ಅದ್ "ಕುರೆಕೆಲ್ಸಾಂತ" ಅನ್ಸಿರೂ ಇಂದ್ ನೆಗಾಡಿಕೆ ಲಾಯಿಕಾದೆ. ಅದ್ಕೇ ಅಲ್ಲ ಹೇಳ್ದು.. ನಾವು ಯೌವ್ವಂನಲಿ ಸುಮಾರ್ ತರ್ಲೆ/ಕಿತಾಪತಿಗ ಮಾಡೊಕು..ಇಲ್ಲರೆ ಪ್ರಾಯ ಆದ ಮೇಲೆ ನೆಗಾಡಿಕೆ ಎಂತದೂ ಇರ್ದುಲೆ!!

ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

ಶೇರ್ ಮಾಡಿ... ಅರೆಭಾಷೆ ಒಳ್ಸಿ, ಬೆಳ್ಸಿ

ಇತರೆ ಅರೆಭಾಷೆ ಬರಹಗಳಿಗೆ ಇಲ್ಲಿ ಕ್ಲಿಕ್ ಮಾಡಿ..

www.arebhasheminpuli.blogspot.com

 

Comments

Vinu chettimada 20180618 191931
Harshitha Wow nice
about 1 year ago

Other articles

Picsart 08 30 10.27.02

ಕುಂಞಿಮೋನುನ ಚಾಮಿ!!!

03 Sep 2017

ಅರೆಭಾಷೆ ಗೌಡ್ರ್ ಗಳ್ಲಿ "ಕುಂಞಿಮೋನು" ಅಂತ ಸಣ್ಣ ಹೈದಂಗಳ ಕರಿದು ಸಾಮಾನ್ಯ. ಅದರ್ಲೂ ಗುಂಡು ಗುಂಡಂಗೆ ಇದ್ದ್ ಇಟ್ಟಿ ರೆಟ್ಟಿದಾಂಗೆ ರೆಟ್ಟಿಕಂಡಿರುವ ಉರಿಕೊಳ್ಳಿ ಹೈದಗಳಿಗಂತೂ ಅಜ್ಜಿಕ ಇದೇ ಹೆಸ್ರುಲೇ ಕರಿದು. "ಕುಂಞಿಮೋನು" ಮೂಲತಃ ಮಲ್ಯಾಳಂದ ಬಂದ ಪದ ಆದರ್ಂದ ಮಲ್ಯಾಳ ಜಾಸ್ತಿ ಇದ್ದ ಕಡೆನ ಗೌಡ್ರ್ ಗ ಜಾಸ್ತಿ ಬಳ್ಸುವೆ. "ಸಣ್ಣ ಹೈದ" ಇದರ ಅರೆಭಾಷೆ ಅರ್ಥ. ಅಜ್ಜಿಕ ಎಲ್ಯಾಡಿಕೆ ಗುದ್ದಿಕಿದ್ದರೆ, ನೆಶ್ಶೆ ಡೊಬ್ಬಿಗೆ/ಬುರ್ರ್ಡೆಗೆ ಹೊಡಿ ತುಂಬುಸಿಕೆ ಇಲ್ಲರೆ ಮಡೆಗುತ್ತಿ ಸೂಸಿಕೆ... ಹಿಂಗೇ ಏನಾರ್ ಹೊಡಿಪೊಡಿ ಕೆಲ್ಸಗ ಇದ್ದರೆ "ಕುಂಞಿಮೋನೇ..." ತೇಃಳಿ ಮೋಕೆಲಿ ಕರಿದೂ ಉಟ್ಟು!! ಹಂಗೇ ಈ ನಮ್ಮ ಕುಂಞಿಮೋನುನೂ ಭಾರೀ ಕೊಂಡಾಟದ ಅಜ್ಜಿ ಪುಳ್ಳಿ. ಮನೆಲಿ ಅಂವನ ಉಪದ್ರ ತಡ್ಯಕೆ ತೀರದೆ ಅಪ್ಪ ತ್ಯಾಂಪಣ್ಣ ಅಂಗನವಾಡಿಗೆ ಎಳ್ಕಂಡೋಗಿ ಬುಟ್ಟರೆ ನೋಡಿ...ನಾಕೇ ದಿನ.. ಒಂದಿನ ಮಧ್ಯಾಹ್ನ ಅಂಗನವಾಡಿ ಟೀಚರೇ ಇವನ ಕರ್ಕಂಡ್ ಬಂದ್ "ನೋಡಿ ತ್ಯಾಂಪಣ್ಣ... ನಿಮ್ಮ ಮಂಙನ ದೆಸೆಂದ ನಾ ಗದ್ದೆ ಪುಣಿಲಿ ರೆಟ್ಟಿ ಬೀಳದ್ ಪುಣ್ಯ!! ನನ್ನ ಚಪ್ಪಲ್ ನ ಬಾರ್ ಜಾರ್ಸಿಸಿಟು!! ಉರಿಕೊಳ್ಳಿ.. ಮೊನ್ನೆ ಉಚ್ಚೆಹೊಯ್ಯಕೆ ಬುಟ್ಟರೆ ಮಾದಣ್ಣನ ಮಂಙನ ಚಡ್ಡಿ ಒಳಗೆ ಚೌಳಿ ಹಿಡ್ದ್ ಹಾಕಿಟು!! ಮಕ್ಕಳ ಸ್ಲೇಟ್ ಗಳ ಮೇಲೆ ಕುದ್ದ್ ಕುದ್ದ್ ಎಲ್ಲಾ ಹೊಡಿ ಹೊಡಿ!! ನಿನ್ನೆ ಅಂಗನವಾಡಿನ ಒಲೆಗೆ ಒಂದ್ ಪಾಟೆ ನೀರ್ ಹೊಯಿದಿಸಿ, ನಾ ಮತ್ತೆ ಮನೆಲಿ ಸಜ್ಜಿಗೆ ಬೇಸಿಕಂಡ್ ಬಂದದ್ ಗೊತ್ತುಟಾ? ನಿಮ್ಮ ಕಾಲ್ ಬೇಕರೆ ಹಿಡ್ಕಣೆ. ದಮ್ಮಯ್ಯ... ಇನ್ನ್ ಮೇಲೆ ಅಂಗನವಾಡಿಗೆ ಮಾತ್ರ ಇಂವನ ಕಳ್ಸುದು ಬೇಡ!!" ಹೇಳಿ ಅಪ್ಪನ ಕೈಗೆ ಮಂಙನ ಒಪ್ಪುಸಿ, ಕೊಟ್ಟ ಮೊಜ್ಜಿಗೆ ನೀರ್ ನನೂ ಕುಡಿಯದೆ ಸೇಂಕ್ಯಂಡ್ ಬುಕ್ಕ್ಯಂಡ್ ಓಡ್ಯೊಳೊ. ತ್ಯಾಂಪಣ್ಣನ ಅವ್ವ ತಂಗಮ್ಮಕ್ಕಂಗೂ ಪುಳ್ಳಿ ಮನೇಲಿ ಇದ್ದರೆ ನಂಗೂ ಆರಾಮತ ನೆನ್ಸಿ "ಆ ಕೂಸುನ ನಾ ನೋಡಿಕಣೆ ತ್ಯಾಂಪ"ತೇಳಿ ಕುಂಞಿಮೋನುನ ಮನೆಲೇ ಒಳ್ಸಿಕಂಡೊ. ಮನೆಲಿರುವ ಹೈದಂಗೆ ಇನ್ನೇನ್ ಕೆಲ್ಸ... ಕಾಪು ಕುದ್ದ ಹೇಂಟೆನ ಕುಂಡೆ ಪೊಕ್ಕುಸಿ ಪಿಳ್ಳೆ ಬಂದುಟಾಂತ ನೋಡ್ದು, ನಾಯಿ ಮೊರಿಗಳ ನೀರಡಿ ಕೊಟೆಗೆಗೆ ತಕಂಡೋಗಿ ಮೀಂವ ನೀರ್ ಅಂಡೆಗೆ ಕಂತ್ ಸಿ ತೆಗಿದು, ಅಜ್ಜಿ ಹೊಯಿದ ಮಾಂಬಳಕ್ಕೆ ಕುಂಡತ ಬರದಾಂಗೆ ನೋಡಿಕಂಬೊದು... ಇದೇ... ಅದರೊಟ್ಟಿಗೆ ಒಂದು ಹೊಸಾ ಆಸೆ... ದೊಡ್ಡ ಹುಂಜನ ಗೈಪು ಮಾಡ್ರೆ ತಿಂಬಕೆ ಕರಿಯಡ ಸಿಕ್ಕುದಲ್ಲಾತ!! ಅವ್ವನೊಟ್ಟಿಗೆ ಅದರ ಹೇಳಿನೂ ಆತ್... ತಂಗಮಕ್ಕಂಗೆ ತಲೆಬಿಸಿ ಸುರಾಗಲಿ ನೋಡಿ... ಅದ್ ನೋಡ್ರೆ "ಕಲ್ಲುರ್ಟಿ" ಗೆ ಬುಟ್ಟ ಕೋಳಿ!! ಈ ಹೈದಂಗೆ ಆಚೆ ವರ್ಷ ಜಾಂಡಿಸ್ ಆಗಿ, ಬೊದ್ಕಿರೆ ಸಾಕ್ ತಿರ್ಕಾಕನ.. ತಂಗಮಕ್ಕನೇ ತ್ಯಾಂಪಣ್ಣನೊಟ್ಟಿಗೆ ಹರ್ಕೆ ಹಾಡ್ ಹೇಳ್ಸಿ ಕಲ್ಲುರ್ಟಿಗೆ ಕೋಲ ಕೊಟ್ನೇಂತ ಹೇಳಿ ಒಳ್ಸಿಕಂಡದ್. 'ಈ ಹೈದಂಗ ಅದರ ಮೇಲೇ ಕಣ್ಣ್ ಬೀತ್ ತೇಃಳ್ರೆ ಇದ್ ಬೇರೆಂತದೂ ಅಲ್ಲ. ಕಲ್ಲುರ್ಟಿದೇ ಕೆಲ್ಸ!!' ಮಂಙಂಗೆ ಪರ್ರ್ಂಚಿ ಜೋರ್ಮಾಡಿ ಅಜಲನಕ್ಕಲೆ, ವಾಲಗದವರಕ್ಕಲೆ ಬೆರ್ಸಿ ಕೋಲಕ್ಕೆ ದಿನ ನಿಘಂಟ್ ಮಾಡ್ದೊ. ಕುಂಞಿಮೋನುಗೆ ಚಾಮಿ ನೋಡಿಕೆ ಉಟ್ಟೂತ ಪುಸಲಾಯ್ಸುದರೊಟ್ಟಿಗೆ ಕೋಳಿಗೈಪೂ ಮಾಡುವೆತ ಆಸೆನೂ ಹುಟ್ಟುಸಿದೊ. ಈ ಹೈದಂಗೆ ಚಾಮಿ ತೇಳ್ರೆ ಗೊತ್ತಿಲ್ಲದಂವ ಕೋಳಿಗೈಪು ಸಿಕ್ಕಿದೆತ ಕೊಣಿಯಕೆ ಸುರು ಮಾಡ್ತ್!!
 

ನಿಘಂಟ್ ಆದ ದಿನಕ್ಕೆ ನಾಕ್ ದಿನ ಇರ್ಕಾಕನೇ ಕೆಳಗೆ ಬೈಲ್ ಹೈದಂಗಳ ಕರ್ಕಂಡ್ ಬಂದ್ ಚಪ್ಪರ ಹಾಕ್ಸಿ, ಅಂಗಳ ಗುಡ್ಸಿ ರೆಡಿ ಮಾಡ್ಸಿತ್ ತ್ಯಾಂಪಣ್ಣ. ದೆವ್ವದ ದಿನ ಮನೆಲಿ ಜನನೋ ಜನ.. ಉಗ್ಗವ್ವ,ದೊಡ್ಡಂವ್ವ, ಚಿಂಕ್ಕವ್ವ, ಸಂಣ್ಣವ್ವ, ದೊಡ್ಡತ್ತೆ, ಸಣ್ಣತ್ತೆ, ಕುಂಞತ್ತೆ, ಶಾಲೆತ್ತೆ, ಉಗ್ಗಪ್ಪ, ಸಂಣ್ಣಪ್ಪ, ಕುಂಞಪ್ಪ, ದೊಡ್ಡ ಮಾವ, ಕುಂಞಿಮಾವ, ಶಾಲೆ ಮಾವ...ಎಲ್ಲರ ನೋಡಿ ಹೈದ ಕೊಣ್ದಾಡ್ತುಟ್ಟು (ಇಂದ್ ನ ಮಕ್ಕಳಿಗೆ ಇವರೆಲ್ಲರ ಕಾಂಬ ಭಾಗ್ಯನೇ ಇಲ್ಲೆ. ಬರೇ ಅಂಕಲ್, ಆಂಟಿ!!) ಕತ್ತಲೆ ಆಕನ ದೆವ್ವದ ಕೊಣ್ತ ಸುರು. ಕುಂಞಿಮೋನುಗೆ ಇದ್ ಹೊಸಾ ಅನುಭವ!! ದೆವ್ವ ಕಣ್ಣ್ ಹೊರ್ಳ್ ಸಿ ಸೂಟೆನ ಎದೆಗೆ ಹಿಡ್ದರ ನೋಡಿ ಹೆದ್ರಿಕಂಡೇ ಅವ್ವನ ಸೆರ್ಂಗ್ ಎಡೇಂದ ನೋಡಿ ಚಾಮಿಗೆ ಭಯಂಕರ ಶಕ್ತಿ ಉಟ್ಟೂತ ನೆನ್ಸಿತ್. ದ್ಯಾಪು ಚಿಕ್ಕನ ದರ್ಶನ ನೋಡಿ ಆ ನಂಬಿಕೆ ಇನ್ನೂ ಜಾಸ್ತಿ ಆಗ್ತುಟ್ಟು. ಅದ್ರೊಟ್ಟಿಗೆ ಇಷ್ಟ್ ದಿನ ದೇವ್ರ ಕೋಣೆಲಿ ಮುಡ್ಪು ಕರೆಲಿ ಇದ್ದ ಬೆಳ್ಳಿ ಕಟ್ಟ್ ನ ಬೆತ್ತ ದೆವ್ವದ ಕೈಲಿ ನೋಡಿ "ಚಾಮಿ ಯಾಗೋಳು ಮನೆ ಒಳಗೇ ಇದ್ದದೆನಾಂತ" ಆಶ್ಚರ್ಯನೂ ಆತ್. ಚಪ್ಪರದಡಿಲಿ ಕುದ್ದ ಹೆಮ್ಮಕ್ಕಳ್ದ್, ಅಜ್ಜಿಕಳ್ದ್ ಮಾತೇ ಮಾತ್.ಅದೇ ಹಳೇ ಪಂಡ್ ನ ಕಟ್ಟೆ ಪುರಾಣ!!ದೆವ್ವ ಏನ್ ಹೇಳ್ರೂ ಯಾರಿಗೂ ಕೇಳ್ತನೇ ಇಲ್ಲೆ. ಕಡೆಗೆ ದೆವ್ವ ಕಟ್ಟಿದಂವನೇ ಅವರೆಲ್ಲಾ ಸುಮ್ಮನೆ ಇರಿಕೆ ಹೇಳಿ , ಇವನ ಕೈಲಿ ಬೆತ್ತ ಇಸಿ.. "ಅಪ್ಪೆನ ಪಿರವು ಬಾಲೆ ಬತ್ತಿನ ಲೆಕ್ಕ, ಪೆರ್ಗೆದ ಪಿರವು ಕಿನ್ನಿ ಬತ್ತಿನ ಲೆಕ್ಕ, ಪೆತ್ತದ ಪಿರವು ಕಂಜಿ ಬತ್ತಿನ ಲೆಕ್ಕ, ಸೂಜಿದ ಪಿರವು ನೂಲು ಬತ್ತಿನ ಲೆಕ್ಕ ಬತ್ತ್ ತ್ ಗೆಂಡದ ಬರ್ಸೊಗೊ ಕರ್ಬದ ಕೊಡೆ ಆತ್ ಉಂತುದು ಕಾತೊನ್ವೆ.. ಭಯ ಬೋಡ್ಚಿ, ಭಯ ಬೋಡ್ಚಿ!!" (ಅಮ್ಮನ ಹಿಂದೆ ಕೂಸು ಬಂದಾಂಗೆ, ಹೇಂಟೆನ ಹಿಂದೆ ಪಿಳ್ಳೆಗ ಬಂದಾಂಗೆ, ಹಸ್ ನ ಹಿಂದೆ ಕರ್ ಬಂದಾಂಗೆ, ಸೂಜಿನ ಹಿಂದೆ ನೂಲ್ ಬಂದಾಂಗೆ ಬಂದ್ ಕೆಂಡದ ಮಳೆ ಬಾಕನ ಕಬ್ಬಿಣದ ಕೊಡೆ ಆಗಿ ನಿತ್ತ್ ಕಾಪಾಡ್ನೆ. ಭಯ ಬೇಡ, ಭಯ ಬೇಡ!!). ದೆವ್ವ ಹೇಳ್ದ್... ಇವಂಗೆ ಏನೊಂದೂ ಅರ್ಥ ಆಗದಿದ್ದರೂ ಚಾಮಿ ಮಾತ್ರ ಒಂದ್ ಅಭೂತ ಶಕ್ತಿ ತ ಮನ್ಸ್ ಗೆ ಬಂದ್ ಭಯ, ಭಕ್ತಿಲಿ ಕೈಮುಗ್ತ್ ಕುಂಞಿಮೋನು.

 

ದೆವ್ವ ಬಂದ ನೆಂಟ್ರ್ ಗಳ , ಕೊಟ್ಟ ಹೆಣ್ಮಕ್ಕಳ್ಗೆಲ್ಲಾ ಅಭಯ ಕೊಟ್ಟ್ ಪಿರ್ದ್ ದ್, ದೆವ್ವದ ಭಂಡಾರ ಒಳಗೆ ಎತ್ತಿ ಇಸಿದೊ. ಕೆಲವು ಗಂಡ್ ಸರ್ ಸಿಗ್ದ ಕೊಮ್ಮುನ ದಂಬೆಗಳ ಇಜ್ಜಲ್ ಗೆ ಹಾಕಿ ಉಂಬಕೆ ಕುದ್ರಿಕೆ ರೆಡಿ ಮಾಡ್ರೆ ಕೆಲವು ಅಜ್ಜಂದ್ರ್ ಕೋಲದ ಬಗ್ಗೆ ಚರ್ಚೆಲೇ ಮುಳ್ಗ್ಯೊಳೊ.. ಮತ್ತೇನಿಲ್ಲೆ... ವಾಲಗದಂವ  'ಪೆಪೇಂ..ಪೇಪೇಂಪೇ..ಪೇ.' ಊದುದು ಬುಟ್ಟು 'ಪೇಪೇಪೇಪೇ.. ಪೇಂಂ...' ಊದಿತ್ಂತ ಇವ್ಕೆ ತಲೆಬಿಸಿ!!!(ಒಳಗೆ ಹೋದ ಅಮೃತನೂ ಕೆಲ್ಸ ಮಾಡ್ತುಟ್ಟೂಂತ ಅವ್ಕಷ್ಟೇ ಗೊತ್ತು!!). ಹೈದ ಕೋಳಿಗೈಪುನ ಆಸೆಗೆ ಎಲ್ಲರೊಟ್ಟಿಗೆ ಉಂಬಕೆ ಕುದ್ದ್ ಕರೆಲಿ ಚುರ್ಕರ ಕುಂಡೆ ಊರ್ದ ಕುಂಞಪ್ಪನೊಟ್ಟಿಗೆ ಬಾಳ್ಲೆಗೆ ಕಿಳ್ಳಿನೂ ಕಟ್ಟ್ ಸಿಕಂಡತ್!! ಚೂರ್ ಹುಗ್ಗೆನೂ ಇಕ್ಕಿದ್ ಕೋಳಿ ಗೈಪುನೂ ಇಕ್ಕಿದೊ. ಕರಿಯಡ ತಿಂಬ ಆಸೆಲಿದ್ದ ಕುಂಞಿಮೋನು ಬಾಳ್ಲೆ ನೋಡ್ರೆ ಅಲ್ಲಿ ಎಂತ... ಕೊಡ್ಕಿ ಕೊಡ್ಕಿ ಇಕ್ಕಿದ್ ಒಂದ್ ಮುಲ್ಲೆಗೆಂಡೆನೂ... ರೆಂಕೆ ಕೊಡಿ ಮಾತ್ರ!! (ನಾಳಿ ತುಂಡ್, ಎಲು ಗಂಟ್ ಅಂತೂ ಗೈಪು ಇಕ್ಕಂವ ಹೈದ ತಿಂಬಕಿಲೇಂತ ಸೌಂಟ್ ಗೆ ಬಂದದರ್ನೂ ಅತ್ತಲೇ ಮೊಗ್ಚಿಕಂಡುಟು!!). ಇವಂಗೆ ಬೇಜಾರಾಗಿ, ಕಣ್ಣ್ ಲಿ ನೀರ್ ತುಂಬುಸಿಕಂಡ್ ಬೊಬ್ಬೆ ಹೊಡ್ದರೆ ಉಟ್ಟಲ್ಲಾ... ಎಂತಾತ್... ಎಂತಾತ್ ತ... ಅತ್ತೆಕ... ಅಯ್ಯೆಕ ಎಲ್ಲವೂ ಬಂದ್ ಎತ್ತಿದೊ... ಹೈದ ಕಣ್ಣ್ ಒರ್ಸಿಕಂಡ್ ಒಂದೇ ಪದ .... "ನಂಗೆ ಕರಿಯಡ ಬೇಕೂಊಊಊ!!". ತಂಗಮ್ಮಕ್ಕ 'ನಾಳೆ ಇನ್ನೊಂದ್ ಕೋಳಿನ ಗೈಪು ಮಾಡೊನೊ'ತೇಃಳ್ರು ಹೈದ ಮರ್ಡಟ ನಿಲ್ಸುದೇಲೆ... ಅಂಗಳಲೇ ಹೊಣ್ಕಿ ಹೊಣ್ಕಿ ಮರ್ಟದೆ..ನಮ್ಮ ಉರಿಯೋಳು!! ಕಡೆಗೆ ಪೂಜಾರಿ ದ್ಯಾಪಣ್ಣ ದೆವ್ವಕೆ ಇಕ್ಕಿದ ಅಗೆಲ್ ಲಿದ್ದ ಕರಿಯಡ ತುಂಡುನೂ, ಹನೀಸ್ ಚೂರ್ ರೊಟ್ಟಿನೂ ಕೊಟ್ಟಮೇಲೆ ಅಳ್ಗೆಲ್ ನಿಲ್ಸಿತ್. ಉಂಡ್ ಮಲ್ಗಿರೂ ಕುಂಞಿಮೋನುಗೆ ತಲೆಲಿ ಏನೇನೋ ಪ್ರಶ್ನೆಗ...' ಚಾಮಿ ಹಗ್ ಲ್ ಎಲ್ಲಿದ್ದದೆ? ಕತ್ತಲೆಗೆ ಎಲ್ಲಿ ಮಲ್ಗಿದೆ? ಚಾಮಿನ ಮನೆ ಎಲ್ಲಿ? ಅದರ ಬಣ್ಣ ಕಪ್ಪು ಯಾಕೆ? ಅದ್ ಯಾವುದೋ ಭಾಷೆಲಿ ಮಾತಾಡ್ದು ಯಾಕೆ? ಚಾಮಿ ಪೊಪ್ಪನಾಂಗೆ ಕಂಬೈ ಯಾಕೆ ಉಡ್ದುಲೆ? ಅದ್ಕೆ ಅಮ್ಮ , ಪೊಪ್ಪ ಯಾರೂ ಇಲ್ಲೆನಾ? ಕಿಚ್ಚಿನ ಎದೆಗೆ ಹಿಡ್ಯಕಾಕನ ಹೊತ್ತುದ್ಲೆನಾ? ಅಂತೂ ಕರಿಯಡ ನಂಗೆ ಸಿಕ್ಕಿತ್.. ಹೆಚ್ಚಿನಂಶ ಚಾಮಿಗೆ ಹೊಟ್ಟೆ ಇಸ್ ತಿತ್ಲೆ ಕಂಡದೆ...' ಹಿಂಗೇ ಅವನ್ದೇ ಪ್ರಶ್ನೆಗಳಿಗೆ ಅವನೇ ಉತ್ತರ ಕೊಟ್ಟ್ ಕಂಡಿರ್ಕಾಕನ ಹೊರಗೆ ಜಿರಿಜಿರಿ ಸದ್ದ್ ಲಿ ಏನೋ ಗೆಜ್ಜೆ ಸದ್ದ್ ನಾಂಗೇ ಕೇಳಿ... ಚಾಮಿ ಪುನಃ ಬಾತ್ ತ ನೆನ್ಸಿ.. ಹೆದ್ರಿ ಅವ್ವನ ತೊಬ್ಬಿ ಹಿಡ್ಡ್ ಕಣ್ಣ್ ಮುಚ್ಚಿ ಮಲ್ಗಿದ ಹೈದಂಗೆ ನಿದ್ದೆ ಹತ್ತಿದೇ ಗೊತ್ತಾತ್ಲೆ.


(ಚಾಮಿನ ಚಿತ್ರನ ಲಾಯಿಕ್ಲಿ ಎಡಿಟ್ ಮಾಡಿ ಕಳ್ಸಿ ಕೊಟ್ಟ ನಿಖಿಲ್ ಕುಡೆಕಲ್ಲು ಇವ್ಕೆ ಧನ್ಯವಾದಂಗ)
(Kunjhimonuna Chaami : An Arebhashe article of Gowdas)


ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

Read More
223330802 raven wallpaper teen titans

ಪಾಚು ಮುತ್ತು ಕೊಟ್ಟುಟುಗಡ!!!

10 Mar 2018

   ಬೊಡ್ರೊಟ್ಟಿಗೆ ಬಂದ ಕಡ್ಯಕೆ ಮಿಕ್ಸಿಗೆ ಹಾಕಿ ತಿರ್ಗಿಸಿಕಂಡ್ ನಿತ್ತ ತಂಗಮಕ್ಕಂಗೆ, ಬಂದ ನೀರಾಗಿ ನೀರ್ ದೋಸೆ ಹದಕ್ಕೆ ಬಂದದ್ ಗೊತ್ತಾದ್ ಕರೆಂಟ್ ಹೋಗಿ ಮಿಕ್ಸಿ ಆಫ್ ಆಕನನೇ!! ಯಾವುದೋ ಆಲೋಚನೆಲಿ ಮುಳ್ಗಿದವ್ಕೆ ಮಿಕ್ಸಿ ಆಫ್ ಮಾಡಿಕೆ ನೆನ್ಪೇ ಇಲ್ಲೆ. ಮತ್ತೇನಲ್ಲ... ಮೊನ್ನೆ ಬಾಲ ಹೈದನ ಮೊದ್ರೆಂಗಿಲಿ ಲಲ್ತಕ್ಕ ನನ್ನ ನೋಡಿ ಯಾಕೆ ಹುಳ್ಳಂಗೆ  ನೆಗಾಡ್ತೊತ??!! ಕಡೆಗೂ ನೈಸ್ ಆದ ಬಂದನ ಹೆಂಗೆ ಹೆಂಗೋ ಹೊಯಿದ್, ಎಳ್ಕದ ಹಿಟ್ಟ್ ನ ಕೆರ್ದ್ ತೆಗ್ದ್ ನಾಯಿಗೆ ಇಟ್ಟವೇ ಸೀದ ಹೋಗಿ ಲಲ್ತಕ್ಕಂಗೆ ಫೋನ್ ಮಾಡಿಯೇ ಬುಟ್ಟೊ.. "ಎಂಥ ಲಲ್ತಕ್ಕ.. ನೀವ್ ಮೊನ್ನೆ ಮೊದ್ರೆಂಗಿಲಿ ನನ್ನ ನೋಡಿ ಹಂಗೆ ನೆಗಾಡ್ದ್ ಎಂತಕೆ? ನಾ ಏನ್ ಮಾಡ್ಯಳೆ??" "ಅಲ್ಲ ತಂಗಮಕ್ಕ... ಊರಿಡೀ ವಿಶ್ಯ ಗೊತ್ತಾಗುಟು... ಪೆರ್ಜೆಲಿ ಗೌಡ್ರ ಕುಟುಂಬಗಳ ಕ್ರಿಕೆಟ್ ಮ್ಯಾಚ್ ಲಿ, ಚಾಕಟೆ ಮರದ ಹಿಂದೆ ಅಮ್ಮುಣಿಗೆ ಪಾಚು ಮುತ್ತು ಕೊಟ್ಟುಟುಗಡ!! ಅವ್ಕೆ ಮೊದ್ವೆ ನಿಘಂಟ್ ಆಗುತು.. ಆದರೂ.. ಹಿಂಗೆಂತ.. ನಾಕ್ ಜನ ಸೇರುವಲ್ಲಿ ಎಂತ!! ನೀವ್ಗೆ ಗೊತ್ತಾಕೆ ಇನ್ನ್ ಸುದ್ದಿ ಪೇಪರ್ ಲಿ ಹಾಕೊಕೊ ಏನೋ??" ಅಷ್ಟೇ..  ತಂಗಮಕ್ಕ ಫೋನ್ ಕುಕ್ಕಿದ ರಭಸಕ್ಕೆ ಹೊರಗೆ ಕಾಪು ಕುದ್ದಿದ್ದ ಬೆಳ್ಳೆ ಹೇಂಟೆ ಹದ್ಕಿ ಬೀತ್.


                           ಕಟ್ಟಂದ ನೀರ್ ಬುಡಿಕೆ ಹೋಗಿದ್ದ ಲಚ್ಚಣ್ಣ  ಮನೆಗೆ ಬಂದರೆ ಕಾಲಡಿಗೆ ಸಿಕ್ಕಿದ  ನಾಯಿ ಮೊರಿ ಮೆರ್ರೇಂತ ಓಡ್ತ್. ಆಗಳೇ ನೆನ್ಸಿದೊ.. ಏನೋ ರಗಳೆ ಉಟ್ಟೂಂತ!! ನೆತ್ತಿ ಕೊಡಿಗೆ ಬೆಣ್ಣೆ ಹನ್ಕ್ ಸಿಕಂಡ ಕೊತ್ತಿಮೊರಿನಾಗೆ ಅವರಷ್ಟಕ್ಕೆ ಸುಮ್ಮನಿರುವ ತಂಗಮಕ್ಕ ಇಂದ್ ನೋಡ್ರೆ ಬೀಲ ಸುಟ್ಟ ಕೊತ್ತಿನಾಂಗೆ ಅತ್ತಂದಿತ್ತ ಇತ್ತಂದತ್ತ ಹೋಗ್ತೊಳೊ.. ಒಟ್ಟಿಗೆ ಸುಡು ಸುಡುತ ಸ್ವಗತ ಬೇರೆ!! ಹೆಣ್ಣ್ ನ ಅವಸ್ಥೆ ನೋಡಿ "ಎಂಥಯಾ ನಿನ್ನ ಅವಸ್ಥೆ... ನಿನ್ನ ಕೆಲ್ಸದ ಹೆಂಗ್ ಸ್ ಪುನಃ ಪದ್ರಡ್ ಹಾಕಿತಾ ಹೆಂಗೆ?" ಕುಸಾಲ್ ಲಿ ಕೇಳ್ದಕ್ಕೆ "ನಿಮ್ಮ ಕುಸಾಲ್ ಗಿಷ್ಟ್ ಕಿಚ್ಚಿ ಹೆಟ್ಟಿತ್.. ಎಲ್ಲಾ ಸಸಾರನೆ ನೀವ್ಗೆ!! ನಿಮ್ಮ ಮಂಙನ ಪುರಾಣ ಊರಿಡೀ ಗೊತ್ತಾಗುಟು.. ನೀವೋ.." ತ  ಮೂಕು ಮುಸುಂಡ್ ನ ಸೆರ್ರ್ಂಗ್ ಲಿ ಉಜ್ಜಿಕಂಡ್ ಮರ್ಡಿಕೆ ಸುರು ಮಾಡ್ದೊ. ಯಾಗೋಳು ನನ್ನ ಮಂಙತ ಹೇಳುವ ಆಳ್ ಇಂದ್ ನಿಮ್ಮ ಮಂಙತ ಹೇಳ್ದು ಕೇಳ್ರೆ (ಎಲ್ಲಾ ಅಯ್ಯೆಕಳೂ ಹಂಗೆನೇ ಅಲ್ಲನ? ಹೈದ ಕ್ಲಾಸ್ ಗೆ ಫಸ್ಟ್ ಬಂದರೆ ಅವರ ಮಂಙ. ಫೈಲಾದರೆ ಅಪ್ಪನ ಮಂಙ) ಏನೋ ವಿಷಯ ಗಂಭೀರತ ಅನ್ಸಿ.. ಒಕ್ಕಿ ಒಕ್ಕಿ ಕೇಳ್ದರ್ಲಿ ಲಚ್ಚಣಂಗೆ ಅರ್ಥ ಆದ್ ಒಂದೇ ವಿಷಯ... ಅಮ್ಮುಣಿಗೆ ಪಾಚು ಮುತ್ತು ಕೊಟ್ಟುಟುಗಡ!!


                          ಆತಪ್ಪ... ಈಗದ ಹೈದಂಗ... ಯಾರೂ ಮಾಡದ್ದೇನ್ ಅಲ್ಲಲ್ಲ.. ತ ಹೆಣ್ಣ್ ನ ಸಮಾಧಾನ ಮಾಡಿಕೆ ನೋಡ್ರೆ ತಂಗಮಕ್ಕಂದ್ ಒಂದೇ ಹಠ... "ಮೊದ್ವೆಗೆ ಮೊದ್ಲೇ ಹಿಂಗೆ ಇದ್ದರೆ ಹೆಂಗೆ.. ಇನ್ನ್ ಆ ಅಮ್ಮುಣಿ ಹೆಂಗೆ ಇರ್ದು..ಅದ್ಕೆ ಆರ್ ಸೊಯೆ ಬೇಡ.. ನಂಗೆ ನಾಕ್ ಜನ ಇರುವ ಕಡೆ ಹೋಕೇ ನಾಚಿಕೆ ಆದೆ.. ನಡಿನಿ... ಪೋಯಿ... ದ್ಯಾಪಣ್ಣನಲ್ಲಿಗೆ!!" ತ ಗಂಡಂಗೆ ಕಂಬೈನೂ ಸರಿ ಕಟ್ಟಿಕಂಬಕೆ ಬುಡದೆ ಎಳ್ಕಂಡೇ ಹೋದೊ. ದ್ಯಾಪಣ್ಣನೊಟ್ಟಿಗೆ ಏನ್, ಒಳ್ಳದ್ ತ ಕೇಳಿಕೆ ಮೊದ್ಲೇ ನೀರ್ ಚೊಂಬ್ ತಂದ ಭಾವೀ ಸೊಸೆ ಅಮ್ಮುಣ್ಣಿಗೆ ಸೀದ ಕೇಳಿಯೇ ಬುಟ್ಟೊ ತಂಗಮಕ್ಕ.. "ನಿಂಗೆ ಪಾಚು ಮುತ್ತು ಕೊಟ್ಟುಟುಗಡ!!?? ಹೌದ!! " ಅದ್ಕೆ ಒಮ್ಮೆ ಏನ್ ಹೇಳೊಕುತ ಗೊತ್ತಾಗದೆ ತಿರ್ಗಿ ಓಡ್ದರ್ಲಿ ಕೈಲಿದ್ದ ನೀರ್ ಚೊಂಬ್ ಬಾಗ್ ಲ್ ದಾರಂದಕ್ಕೆ ಹೆಟ್ಟಿ ಒಟ್ಟಿಯೇ ಹೋತ್!! ಕಡೆಗೆ ದ್ಯಾಪಣ್ಣ ನೇ ಒಳಗೆ ಹೋಗಿ ಮಗಳ ಕರ್ಕಂಡ್ ಬಂದರೆ ಕೈಲಿ ಒಂದ್ ಸಣ್ಣ ಕಟ್ಟ್ ಉಟ್ಟೂ.. "ಅತ್ತೇ .. ಅವು ಮೊನ್ನೆ ಹೈದ್ರಾಬಾದ್ ಹೋಗಿದ್ದೊಲ್ಲ.. ಮುತ್ತು ಬೇಕುತ ಹೇಳಿದ್ದೆ... ಇದರ್ ನೇ ಅವು ಕೊಟ್ಟದ್.. ಬರುವ ವಾರ ಮುಳಿಯಕ್ಕೆ ಕೊಟ್ಟ್ ಲಾಯಿಕ್ ನ ಒಂದ್ ಸರಮಾಲೆ ಮಾಡ್ಸಿಕಣೆ!!" ಇದರ ಕೇಳಿ ಲಚ್ಚಣ್ಣನ್ನೂ ಸೇರಿ ಮನೆವೆಲ್ಲಾ ಅಡ್ಡಡ್ಡಾ ಬಿದ್ದ್ ನೆಗಾಡಿಕೆ ಸುರು ಮಾಡ್ರೆ ತಂಗಮಕ್ಕಂಗೆ ನಾಚಿಕೆಲಿ ಎಂತ ಹೇಳೊಕುತ ಗೊತ್ತಾಗದೆ ಹ್ಯಾಪಮೋರೆಲೇ ನೆಗಾಡಿಕಂಡ್ ಕುದ್ದೊ.
(ಪಾಚು ಮುತ್ತು ಕೊಟ್ಟುಟುಗಡ!!!: An Arebhashe Article of Gowdas)

 


ಡಾ.ಪುನೀತ್ ರಾಘವೇಂದ್ರ ಕುಂಟುಕಾಡು

Read More
Hellos languages

ಹೀಂಗೊಬ್ಬ "ಭಾಷೆಇಲ್ಲದಂವ"!!!

01 Aug 2017

ಒಬ್ಬಂಗೆ ಎಷ್ಟ್ ಹೇಳ್ರೂ ಅರ್ಥ ಆಗದಿದ್ದರೆ, ಅರ್ಥ ಮಾಡಿಕಣದಿದ್ದದೆ... ಕೆಪ್ಪನಾಂಗೆ ಮಾಡಿಕಂಡಿದ್ದರೆ ನಾವ್ ಅವಂಗೆ ಹೇಳುವ ಸರ್ವೇಸಾಮಾನ್ಯ ಮಾತ್ "ಅವಂಗೆ ಭಾಷೆ ಇಲ್ಲೆಯಾ!!". ಮೊನ್ಸ ಆಗಿ ಹುಟ್ಟಿದವಂಗೆ ಭಾಷೆ ತೇಂಳ್ದು ಅತೀ ಅಗತ್ಯ. ಅದ್ ಒಳ್ದವರೊಟ್ಟಿಗೆ ಮಾತಾಡಿಕೆ ಆಗಿರ್ದು. ಅವಃನ ಭಾವನೆಗಳ ಅರ್ಥ ಮಾಡಿಕಂಬಕೂ ಆಗಿರ್ದು. ಶುದ್ಧಕನ್ನಡಲಿ ಹೇಳ್ದಾದರೆ "ಸಂವಹನ ಮಾಧ್ಯಮ". ಎಲ್ಲವ್ಕೂ ಇನ್ನೊಬ್ಬ ಹೇಳ್ದರ ಅರ್ಥ ಮಾಡಿಕಂಬಕೆ ಅವರೊಳಗೆ ಒಂದ್ ಭಾಷೆ ಬೇಕು. ಅದೇ ಮಾತೃಭಾಷೆ!! ನಂಗೆ ಅದ್ ಅರೆಭಾಷೆ!! ಈ ವಿಷಯಕ್ಕೆ ಬಾಕನ ನಾವ್ಗೆ ಪಿಯುಸಿಲಿ ಕನ್ನಡ ಪಾಠ ಮಾಡ್ತಿದ್ದ ಬಾಲಣ್ಣ ಮಾಷ್ಟ್ರ ನೆನ್ಪಾದೆ. (ನಂಗೆ ಅವು ಬರೇ ಗುರುಗಳಲ್ಲ. ನಾ ಚಡ್ಡಿ ಹಾಕೊಕೂಂತ ಗೊತ್ತಾಕನನೇ ಅವರ ಮಕ್ಕಳೊಟ್ಟಿಗೆ ನಂಗೂ ಗಂಜಿ ಕೊಡ್ತಿದ್ದ ಪಿತೃಸ್ವರೂಪ ಪೂಜ್ಯರ್.) ಅವು ಹೇಳ್ದಿದ್ದೊ "ಕನ್ನಡ ಮೀಡಿಯಂಲಿ ಕಲ್ತವು ಕನ್ನಡ ಲಾಯ್ಕ್ಲಿ ಕಲ್ತ್ ಅದರ ಮೂಲಕ ಇಂಗ್ಲೀಷ್ ಅರ್ಥ ಮಾಡಿಕಂಡವೆ. ಆದರೆ ಇಂಗ್ಲೀಷ್ ಮೀಡಿಯಂಲಿ ಕಲ್ತವ್ಕೆ ಅತ್ತ ಪೂರ್ತಿ ಇಂಗ್ಲೀಷೂ ಅಲ್ಲ. ಇತ್ತ ಸರಿಯಾಗಿ ಕನ್ನಡನೂ ಬಾದ್ಲೆ. ಒಟ್ಟಾರೆ ಅವರೊಂದು ‘ಭಾಷೆಇಲ್ಲದವರು’!!!!"

             ಹಂಗೇ ... ನಾನೂ ಒಬ್ಬ ಭಾಷೆಇಲ್ಲದವಾಂತ ನಂಗೆ ಅರ್ಥ ಆದ್ ಜರ್ಮನಿಗೆ ಬಂದ್ ಎತ್ತಿದ ಮೇಲೆನೇ. ಬೆಂಗ್ಳೂರ್ ಲಿ ಇರ್ಕಾಕನ ಆದರೆ ಎಲ್ಲರೊಟ್ಟಿಗೆ ಕನ್ನಡ ತಪ್ಪಿರೆ ಇಂಗ್ಲೀಷ್. (ಬೆಂಗ್ಳೂರ್ ಲಿ ಬೊದ್ಕಿಕೆ ಕನ್ನಡ ಬೇಕೂಂತಲೇ ಇಲ್ಲೆ. ಬರೇ ಇಂಗ್ಲೀಷ್ ಗೊತ್ತಿದ್ದರೆ ಸಾಕ್. ಬೀಡ ಮಾರಂವನೂ ಇಂಗ್ಲೀಷ್ ಲಿ ಮಾತಾಡ್ದೆ. ಇನ್ನೆಲ್ಲಿಂದ ಕನ್ನಡ ಒಳಿದು!!!) ನಾವ್ಗೆಲ್ಲ ಒಂದ್ ವಿಷಯ ತಲೆಗೆ ಬಂದ್ ಹೊಗ್ಗಿಟು. ಇಂಗ್ಲೀಷ್ ಒಂದ್ ಭಾಷೆ ಬಂದರೆ ಸಾಕ್, ಎಲ್ಲಿ ಬೇಕರೂ ಬೊದ್ಕಿ ಬರಕ್ಂತ.. ಎಲ್ಲಾ ಬರೇ ಲೊಟ್ಟೆ ಮಾರ್ರೆ!! ಸುರೂನ ಸಮಸ್ಯೆ ಸುರು ಆದ್ ನಂಗೆ ಯೋಗ ಕಲ್ಸ್ ಕಾಕನ. ಶ್ವಾಸ ತಕಂಡ್ ಬುಡಿಕೆ ಕಲ್ಸಿಕೆ ಸುರುಮಾಡ್ದೆ. ಹೆಂಗೆ? ಮೂಂಕುನ ತೋರ್ಸಿ ಶ್ವಾಸ ದೀರ್ಘ ಒಳಗೆ ತಕಂಡ್ ಹಂಗೇ ಬುಟ್ಟೆ. ಎಲ್ಲವೂ ಹಂಗೇ ಮಾಡ್ದೊ. ನಂಗೆ ಒಮ್ಮೆಗೇ ಖುಸೀನೂ ಆತ್. ಇವ್ವೆಲ್ಲಾ ಲಾಯ್ಕ್ಲಿ ಕಲ್ತೋಂತ. ನಾ ಕಾಲೆತ್ತಿರೆ ಅವೂ ಕಾಲೆತ್ತುದು. ಕೈ ಎತ್ತಿರೆ ಅವೂ ಕೈ ಎತ್ತುದು!! ಆದರೆ ಅವ್ವು ನಾ ಮಾಡ್ದರ ನೋಡಿ ಹಂಗೇ ಮಾಡ್ತೊಳೋಂತ ಅರ್ಥ ಆದ್ ಯಾಗ ಗೊತ್ತುಟಾ... ಸೊರ್ತ ನಿಲ್ಲ್ ಕಾಕನ ಆಚೆ ಈಚೆ ಜಾರ್ದ ನನ್ನ ಬಟ್ಟೆ ಸರಿ ಮಾಡಿಕಂಡರೆ ಅವ್ವುನೂ ಬಟ್ಟೆ ಸರಿ ಮಾಡಿಕಂಡವೆ!! ಎಂಥಾ ಅವಸ್ಥೆ ಮಾರ್ರೆ ನಂದ್!! ಆಗ ನಂಗೆ ನೆಂಪಾದ್ ನನ್ನ ಜರ್ಮನ್ ಗುರು ಶ್ರೀಮತಿ ಸಚಿತ್ರ ಅರುಣ್!! (ಒಂದಕ್ಷರವಂ ಕಲಿಸಿದಾತಂ ಗುರು ಅಂತ ಹೇಳುವೆ). ಹಂಗೆ ಅವಳ ಮೂಲಕ ಕಲ್ತ್ ಈಗ ಕೈ ಎತ್ತಿಕೆ ನಾನೂ ಕೈ ಎತ್ತಿ ತೋರ್ಸೊಕುತಿಲ್ಲೆ. ಬಾಯಿಲಿ ಹೇಳ್ರೆ ಕೈ ಎತ್ತುವೆ!!!

               ಊಟದ ಸಮಯಲಿ ಲಾಯಿಕ್ ಲಾಯಿಕ್ ನ ಹಣ್ಣ್ ಗ ತಿಂಬಕೆ ಸಿಕ್ಕಿದೆ. ಮತ್ತೆ ತಿನಕ್ ಅಂತ ಕಟ್ಟಿಕಂಡ್ ಹೋಕೆ ನಮ್ಮದೇ ಸ್ಟೈಲ್ ನ  "ಪ್ಲಾಸ್ಟಿಕ್ ತೊಟ್ಟೆ" ನೆನ್ಪಾತ್. ಆದರೆ ಹೆಂಗೇಂತ ಕೇಳ್ದು?? ಬಲ್ದ ಕೈ ತೋರು ಬೆರ್ಳ್ ಲಿ ಚೌಕದ ಹಾಂಗೆ ಮಾಡಿ ಇಡೀ ಕೈ ಒಳಗೆ ಹುಗ್ಗುಸಿದಂಗೆ ಆಕ್ಷನ್ ಮಾಡಿ "ಕವರ್..ಕವರ್" ಅಂತ ಹೇಳ್ದೆ. ಅಲ್ಲಿದ್ದಂವ ಪಳಪಳ ಹೊಳಿವ ತೊಟ್ಟೆ ಒಂದ್ ತೆಗ್ದು ಕೊಟ್ಟತ್. ಆಗ ನೆನ್ಸಿದೆ ಎಲ್ಲಾ ಭಾಷೆಗಿಂತ ಕೈಭಾಷೆನೇ ಮೇಲ್ ಅಂತ!! ಇನ್ನೊಂದಿನ ಕುಡಿವ ನೀರ್ ತಕಂಣೊನೋತ ಒಂದ್ ಸಣ್ಣ "ಕೆಫೆಟೀರಿಯಾ" ಕ್ಕೆ ಹೋದೆ.(ಇಲ್ಲಿ ನೀರ್ ಬಾಟ್ಲಿಲೇ ಸಿಕ್ಕುದು. ಅದರ ರೇಟ್ ನೋಡ್ರೆ; ನೀರ್ ಗಿಂತ ಬಿಯರ್ ರೇಟ್ ಕಮ್ಮಿ!!) ನಮ್ಮ ಶುದ್ಧ ಭಾರತೀಯ ಸ್ಟೈಲ್ ಲಿ ಹೆಬ್ಬೆರ್ಳ್ ಎತ್ತಿ, ಒಳ್ದ ಬೆರ್ಳ್ ಗಳ ಮೊಡ್ಚಿ, ಮೊಣಕೈ ಬೊಗ್ಗ್ ಸಿ 'ಕುಡಿಯಕೆ ಬೇಕೂಂತ' ಕೇಳ್ದೆ. ಆ ಸೇಲ್ಸ್ ಆಂಟಿ ಒಂದ್ ದೊಡ್ಡ ಬಾಟ್ಲಿ ಬಿಯರ್ ಎದ್ರ್ ತಂದ್ ಇಸಿತ್!! ಖುಶಿ ಪಡೊಕೋ ಬೇಜಾರ್ ಮಾಡಿಕಣೋಕೋಂತ ನೀವೇ ಹೇಳಿ!! ಇದ್ ಕಥೆ ಆಕಿಲೆತ ಅಲ್ಲಿ ಫ್ರಿಡ್ಜ್ ಲಿ ಇದ್ದ ನೀರ್ ಕುಪ್ಪಿನ ತೋರ್ಸಿದೆ. ಅಂತೂ ಕುಡಿಯಕೆ ನೀರ್ ಸಿಕ್ಕಿತ್. ಎಲ್ಲಾ ಭಾಷೆಗಿಂತ "ಕೈ ಭಾಷೆ" ಮೇಲ್ ಹೌದು. ಆದರೆ ಅದ್ ಎಲ್ಲಾ ಕಡೆ ಅಲ್ಲಾಂತ ಅರ್ಥ ಆತ್ ಬುಡಿ. ಮಾಮೂಲಿನ ಬ್ರೆಡ್, ಬಟರ್ ತಿಂದ್ ತಿಂದ್ ಬೋರ್!! ಕೋಳಿಗೈಪಾರ್ ಮಾಡಿಕಣಕ್ಂತ  ಮಾಸ ತಾಕೆ ಸೂಪರ್ ಮಾರ್ಕೆಟ್ ಗೆ ಹೋದೆ.ನೋಡ್ರೆ ಬಗೆಬಗೆ, ಬಣ್ಣ ಬಣ್ಣ, ಚಿತ್ರ ವಿಚಿತ್ರ ಸೈಜ್ ನ ಮಾಸದ ತುಂಡುಗ. ಯಾವ ಯಾವ ಜಾತಿನ ಮಾಸ ಉಟ್ಟೋ.. ಅವ್ಕೇ ಗೊತ್ತು!! ಅಲ್ಲೂ ನೋಡ್ರೆ ಸೇಲ್ಸ್ ಆಂಟಿ ಯಾವುದು ಬೇಕೂಂತ ಜರ್ಮನ್ ಭಾಷೆಲಿ ಕೆಳ್ತ್.(ಅದ್ ಹೆಂಗೆ ಕೇಳ್ತ್ಂತ ಗೊತ್ಲೆ. ಆದರೆ ಕೇಳ್ದ್ ಅದೇ ವಿಷಯ  ಅದೇಂತ  ಗೊತ್ತಾತ್. ಅದ್ಕೆ ಭಾಷೆ ಬೇಡ ನೋಡಿ. ಕಾಮನ್ ಸೆನ್ಸ್ ಸಾಕ್!!) ನಾ ಮಾಸದ ಪೀಸ್ ಗಳ ಕಡೆ ಕೈ ತೋರ್ಸಿ "ಕೊಕ್ಕೊಕ್ಕೋ" ತ ಹೇಳ್ದೆ. ಓ ದೇವಾ... ಆ ಆಂಟಿ ನೆಗಾಡಿಕಂಡ್ "ಓಹ್ ಚಿಕನ್" ಅಂತ ಒಂದರ ಕಟ್ಟಿ ಕೊಟ್ಟತ್. ನಾ ಇನ್ನೊಮ್ಮೆ ಭಾಷೆಇಲ್ಲದವಾಂದೆ!!!

ಡಾ. ಪುನೀತ್ ರಾಘವೇಂದ್ರ

Read More
Arebashe

ದುಬೈ ಹೈದಂಗೊಂದ್ ದುರ್ಬೀನ್!!!

17 Mar 2018

    ವಿಮಾನ ಇನ್ನ್ 20 ನಿಮ್ಶಲಿ ಬಜ್ಪೆ ವಿಮಾನ ನಿಲ್ದಾಣಲಿ ಇಳ್ದದೆ..  ಸೀಟ್ ಬೆಲ್ಟ್ ನ ಸೆಕ್ಕ್ ಸಿ ಗಟ್ಟಿ ಮಾಡಿಕಣಿತ ಪೈಲಟ್ ಮೈಕ್ ಲಿ ಕುಂಯಿಗುಟ್ಟಿದರ ಕೇಳಿ ಹಂಗೇ ಕಣ್ಣ್ ಮುಚ್ಚಿದ್ದ ಪ್ರಕಾಶ ರಪಕ್ಕ ಕಣ್ಣ್ ಬುಟ್ಟ್ ಎದ್ದ್ ಕುದ್ದತ್. ಊರುಗೆ ಬಾದಕ್ಕೆ ಖುಸಿ ಪಡೊಕೊ ಬೇಜಾರ್ ಮಾಡಿಕಣೊಕೊತ ಗೊತ್ತಾಗ್ತಿಲ್ಲೆ!! ಏಕೆಂತೇಃಳ್ರೆ ಕಳ್ದ ಹತ್ತ್ ವರ್ಷಂದ ಇದ್ ಮಾಮೂಲಿ... ಡಿಗ್ರಿ ಮುಗ್ಸಿ ಸಿಕ್ಕಿಸಿಕ್ಕಿದ ಕಡೆ ಎಲ್ಲಾ ಅರ್ಜಿ ಹಾಕಿ ಎಲ್ಲಿನೂ ಕೆಲ್ಸ ಸಿಕ್ಕದೆ ದಿನ ದೂಡ್ದ್.. ಈಗನ ಕಾಲಲಿ ಡಾಕ್ಟ್ರ್ ಗ , ಇಂಜಿನಿಯರ್ ಗ ರೋಡ್ ರೋಡ್ ಗೆ ಒಬ್ಬೊಬ್ಬನಾಂಗೆ ಒಳೊ..ಡಿಗ್ರಿ ಮಾಡ್ದವೆಲ್ಲಾ ಬುಗ್ರಿ ತಿರ್ಗಿಸ್ತೊಳೊ... ಇನ್ನ್ ಈ ಹ್ಯಾಪಂಗೆಲ್ಲಿಂದಾ ಕೆಲ್ಸ ಸಿಕ್ಕುದುತ ಕುಂಞತ್ತೆ ಕಡೆಂದ ಟಾಂಟ್ ಹೇಳ್ಸಿಕಂಡದ್.. ಊರ್ ಲೇ ಗೊಬ್ಬರ ಹೊರ್ದಕ್ಕಿಂತ ಗ್ಲಾಸ್, ಪ್ಲೇಟ್ ತೊಳ್ದರೂ ಆದು.. ಬಾಂಬೆಗೆ ಓಡಿ ಹೋನೆತ ನೆನ್ಸಿ ಮನೆ ಬುಟ್ಟದ್.. ಕಡೆಗೆ ಯಾರ್ ಯಾರೋ ಏಜೆಂಟ್ಗಳ ಕಾಲ್ ಹಿಡ್ದ್, ಯಾರ್ಯಾರೋ ಕಡೆ ಸಾಲ ಮಾಡಿ, ಇದ್ದ ಹೊಡಿ ಜಾಗೆನ ಅಡವಿಸಿ ಕತಾರ್ ಗೆ ಎತ್ತಿದ್...ಆಚೆಕರೆ ಸಂಣಪ ಜಾಗೆ ಮಾರಿ ದುಬೈ ಹೊರ್ಟಳತ ನಂಜಿಲಿ ಕೊಕ್ಕೆ ಮಾತಾಡ್ದ್... ಅರಬ್ ಲಿ ಯಾವ್ದೇ ದೇಶಲೇ ಇದ್ದರೂ ಊರ್ನವ್ಕೆ ಮಾತ್ರ ದುಬೈ ಒಂದೇ ಅಲ್ಲ??!! ಇದೆಲ್ಲಾ ತಲೆಲಿ ಸುತ್ತಿಕಂಡಿರ್ಕಾಕನನೇ ಏರ್ ಪೋರ್ಟ್ಂದ ಹೊರಗೆ ಬಂದಾತ್... ತಮ್ಮ ಸತೀಶ ಅಲ್ಲೇ ಕಾಯ್ತುಟ್ಟು... ಅವನ ಕಣ್ಣೋ.. ಅಣ್ಣನ ಮೋರೆ ನೋಡ್ದು ಬುಟ್ಟು  ದುಬೈಂದ ಬರವನ ಬ್ಯಾಗ್ ಎಷ್ಟ್ ದೊಡ್ದದುಟ್ಟುತ ಕಣ್ಣ್ ಲೇ ಲೆಕ್ಕ ಹಾಕಿದೆ!!

                  ಇಜ್ಜಲ್ ಕರೆಂದ ಹತ್ತಿ ಬಂದವನ ಅವನೇ ಕಟ್ಟ್ ಸಿದ ಮನೆ ಕರ್ದ್ ಕುದ್ರಿಸಿಕಂಡರೂ ಒಳಗೆ ಬಿಸಿ ಮಾತ್ರ ತಾರಾಮಾರ. ದುಬೈಲಿ ಪೊಯ್ಯ ಹೊತ್ತುವಂಥ ಬಿಸ್ಲಿದ್ದರೂ ಹುಟ್ಟಿ ಬೆಳ್ದ ಊರುನ ಬಿಸಿ ಮಾತ್ರ ಯಾಕೋ ತಡ್ಕಂಬಕೆ ಭಂಗ ಆಗ್ತುಟ್ಟು... ಹಾಲ್ ಕೊಟ್ಟು ಸಾಂಕಿದ ಅವ್ವನೇ ಬೆನ್ನ್ ಹೊಡಿಯಾಗುವಾಂಗೆ, ಕುಂಡೆ ಹಣ್ಣಾಗುವಾಂಗೆ ಪೊಳಿ ಕೊಟ್ಟಾಂಗೆ ಆತ್!! (ತಪ್ಪೂ ಆಗುಟು.. ತಲೆಗೆ ಹೊಯ್ದ ನೀರ್ ಕಾಲ್ ಗೆ ಬಂದೇ ಬರೊಕಲ್ಲ??). ಮಾರ್ನೆ ದಿನಂದ ಸುರು... ಕುಂಞಪ್ಪನ ಮನೆಲಿ ದೆವ್ವದರ್ಕೆ, ದೊಡ್ಡತ್ತೆನವರ್ಲಿ ಕೋಲ, ಶಾಲೆಮಾವನಲ್ಲಿ ಕಲಾಯ, ಕುಂಞಿ ಬಾವನ ವೀಳ್ಯಶಾಸ್ತ್ರ, ಅಚ್ಚುನ ಮೊದ್ರೆಂಗಿ, ಅಣ್ಣಿನ ಮೊದ್ವೆ... ಹಿಂಗೇ... ನಾವು, ನಮ್ಮವುತ ನಾಕ್ ಜನ ಸಿಕ್ಕುವೆತ ಹೇಳ್ದಲ್ಲಿಗೆಲ್ಲಾ ಹೊರ್ಟದಷ್ಟೇ. ಎಲ್ಲಿ ಹೋದರೂ ಒಂದೇ ಪ್ರಶ್ನೆ.. ಯಾಗ ಬಂದದ್? ನಂಗೆ ಎಂತ ತಂದಳ? ವಾಪಸ್ ಯಾಗ? (ಈ ಪ್ರಶ್ನೆಂದ ಬಹುಃಶ ತಪ್ಪ್ ಸಿಕಂಡವ ಯಾರೂ ಇಲ್ಲೆ.. ಬಂದವ ಬೇಗ ಊರ್ ಬುಟ್ಟು ಹೋಕುಂತಲೇ ಇವು ಕಾದ್ ಕಂಡಿದ್ದವೆನಾ ಹೆಂಗೆ??). ಬಂದ ಮೂರ್ನೇ ದಿನಕ್ಕೇ ಕನ್ಸ್ ಲಿತಾ ನೆನ್ಸಿಕಣದವು ಮನೆ ಜಾಲ್ ಗೇ ಬಂದೆತ್ತ್ಯೊಳೊ. ಪ್ರಕಾಶ ಬಂದುಟುಗಡ. ನೋಡದೆ ಇರಿಕೆ ಮನ್ಸೇ ತಡ್ತ್ ಲೆತ!! ಬಂದದ್ ಅಂವ ತಂದ ದುಬೈ ಮಾಲ್ ಗೆತ ಪ್ರಕಾಶಂಗಷ್ಟೇ ಗೊತ್ತು!! ಇನ್ನೂ ಮೊದ್ವೆ ಆಗದ ಪ್ರಕಾಶಂಗೆ ಈ ಒಂದು ಪ್ರಶ್ನೆಂದ ಇನ್ನೂ ನಿಮೂರ್ತಿ ಇಲ್ಲೆ. ಹೊಸ ನೆಂಟ್ರ್ ಗ ಮನಿ ಬಂದೊಳೊನಾ? ಗೂಡೆ ನಿಘಂಟ್ ಆಗುಟಾ?? ಕೇಳ್ದವರೊಟ್ಟಿಗೆಲ್ಲಾ 'ನೋಡ್ತೊಳೆ.. ಇನ್ನೊಮ್ಮೆ ಬಾಕನ ಮೊದ್ವೆ ಆಗಿನೇ ಹೋದು' ತ ಹೇಳಿ ಜಾರಿಕಂಬೊತಿತ್ತ್. ಎಲ್ಲಿ ಹೋದರೂ ಇದೇ ಕಥೆ !! ಎಷ್ಟಾದರೂ "ಮುಡಿಗೆ ಮೂರು ಸೇರ್ ಜಳ್ಳೇ"  ಅಲ್ಲ??

                  ದುಬೈಲಿ ಹೊಟ್ಟೆ ಬಾಯಿ ಕಟ್ಟಿ ಎರ್ಪು ಮಾಡಿ ಕಟ್ಟಿಸಿದರ ಎಲ್ಲಾ ಪೂಜಿ ಮನೆಗೆ ಕೊಟ್ಟು ಮನ್ಸಿಲ್ಲಾದ ಮನ್ಸ್ಂದ ಹೊರ್ಟತ್ ಪ್ರಕಾಶ ಹೈದ. ಮತ್ತದೇ ದಿನಚರಿ... ಊರುಲಿ ನೀರಡಿ ಕೊಟೆಗೆನಷ್ಟೇ ಇರುವ ಮನೆ. ದನದ ಮೂಕುಂದ ಪಾವಲಿ ತೆಗ್ಯಕೆ ಆಗ್ತಿದ್ದ ಹೇಸಿಕೆ ಇಲ್ಲಿ ಕೋಳಿ ಫಾರ್ಮ್ ಲಿ ಹೊಲ್ಸ್ ಎತ್ತಿರೂ ಏನೂ ಅನ್ಸ್ ತಿಲ್ಲೆ. ಕೋಳಿ ಹೇಲ್ ಪೂಜಿ ತೆಗ್ಯಕೇ ಹೇಸಿಕೆ ಆಗ್ತಿದ್ದವಂಗೆ ಇಲ್ಲಿ ಟಾಯಿಲೆಟ್ ಕ್ಲೀನಿಂಗ್ ಒಂದ್ ವಿಷಯನೇ ಅಲ್ಲ. ಮನೆ ಹಿಂದೆ ನೀರಡ್ಕೆ ಹೊಂಡದ ಅಡ್ಕೆ ನೋಡ್ರೇ ನಾತ, ಕಕ್ಕಿಕೆ ಬರ್ತಿದ್ದವಂಗೆ ಇಲ್ಲಿನ ವಾಸನೆ ಏನೇನೂ ಅಲ್ಲ. ಊರ್ ಲಿದ್ದವು ಮೊದ್ವೆ, ಮನೆ ಒಕ್ಕ್ ಲ್ ತ ನಾಕ್ ಕಡೆ ಹೋಗಿ ಬಂದರೆ ಇಲ್ಲಿ ಹೇಳಿಕೂ ಯಾರೂ ಇಲ್ಲೆ. ಅವೆಲ್ಲಾ ಕಳ್ಸುವ ಫೋಟೋ ನೋಡಿ ಹೊಟ್ಟೆ ಬೆಂದದೇ ಹೊರ್ತ್ ಮನ್ಸ್ ಗೆ ನೆಮ್ಮದಿ ಎಲ್ಯುಟ್ಟು?? . ಊರ್ ನ ದೇವಸ್ಥಾನಲಿ ಅನ್ನದಾನಕ್ಕೆ ಇವನ ಕೊಡುಗೆ ತ ಬೋರ್ಡ್ ಲಿ ಹೆಸ್ರು ಹಾಕ್ಯೊಳೊಗಡ. ಆದರೆ ಕೊಟ್ಟಂವ ಉಪವಾಸ ಇದ್ದರೂ ಕೇಳಂವ ಇಲ್ಲೆ!! ಮನೆವು ಇಂದ್ ಚಾಯಕ್ಕೆ ಪುಂಡಿ, ಬೊಡ್ರೊಟ್ಟಿತ ಹೇಳ್ರೂ ಇವಂಗೆ ಅದೇ ಒಣ್ಗಿಲ್ ಬ್ರೆಡ್. ಬ್ಯಾಪರ ಕಾಯಿಗೆ ಗಾಂಧಾರಿ ಮೆಣ್ಸ್ ಹಾಕಿ ಹಿಡ್ದ ಹಳ್ಳದ ಮೀನ್ ಗೈಪುಗಡ. ಇವಂಗೆ?? ಮನೆಲಿರ್ಕಾಕನ ಜ್ವರ ಬಂದರೆ ರಘುರಾಮ ಡಾಕ್ಟ್ರ ಕೆಂಪು ಸಿರಪ್ ನೊಟ್ಟಿಗೆ ಅವ್ವ ಕಾಸುವ ಒಳ್ಳೆಮೆಣ್ಸ್ ಕಸಾಯ ಒಂದೇ ಸಾಕ್. ಇಲ್ಲಿ ನೋಡ್ರೆ ಕುಡಿಯಕೆ ಬಿಸಿ ನೀರೂ ಅವನೇ ಕಾಸಿಕಣೊಕು!! ಗಂಡ್ ಮಕ್ಕ ಮಾಯ್ಪು ಹಿಡ್ದರೆ ಮೀಸೆ ಬಾದುಲೆತ ಅಯ್ಯೆ ಗುಡ್ಸಿಕೇ ಬುಡದಿದ್ದರೂ ಇಲ್ಲಿ ಅದೇ ಮಾಯ್ಪೇ ಇವನ ಕೈಲಿ ಗುಡ್ಸ್ ಸಿದೆ. ಯಜಮಾನ ಬೇರೆ ಆತ್, ಇದ್ದ ಕೆಲ್ಸನೂ ಹೋತ್, ಊರುಲಿ ಯಾರಿಗೂ ಹೇಳದೆ ಬೇರೆ ಕೆಲಸ ಹುಡ್ಕ್ಯಂಡದೂ ಆತ್. ದಿನಕ್ಕೊಂದು ಹೊಸ ಕಾನೂನುಂದ ಇದರ್ನೂ ಯಾಗ ಕಳ್ಕಂಡದೆತ ಗೊತ್ಲೆ!! ಗಟ್ಟಿಯಾಗಿ ಮರ್ಡುವ ಹಾಂಗೆನೂ ಇಲ್ಲೆ..ಏಕೆ? ಲೋಕದ ಕಣ್ಣ್ ಗೆ ಇಂವ ಗಂಡ್ ಸ್!! ವಾರದ ಅಕೇರಿಲಿ ದಾರಿಲಿ ಹೋಕನ ಬಿರಿಯಾಣಿನ ಮೂಕಳ್ಮೆ ನೆತ್ತಿಗೆ ಏರಿರೂ ಮನ್ಸ್ ಕೇಳ್ದು ಮಾತ್ರ ತಣೆನ ಗಂಜಿನೂ... ಇಟ್ಟಿ ಹಾಕಿದ ಕುಡು ಪೊಜ್ಜಿನನೂ!!
(ದುಬೈ ಹೈದಂಗೊಂದ್ ದುರ್ಬೀನ್!!!:An Arebhashe Articles of Gowdas)


ಡಾ.ಪುನೀತ್ ರಾಘವೇಂದ್ರ ಕುಂಟುಕಾಡು

Read More
14 independence day preparations 601

ಸ್ವಾತಂತ್ರ್ಯ ದಿನಾಚರಣೆನ ನೆಂಪುಗ...

15 Aug 2017

   ಅದೆಷ್ಟೋ ಸ್ವಾತಂತ್ರ್ಯ ದಿನಾಚರಣೆಗ ಬಂದ್ ಹೋದರೂ ಈ ಒಂದ್ ದಿನ ನನ್ನ ಮನ್ಸ್ಂದ ಮರ್ತ್ ಹೋಕೆ ಸಾಧ್ಯನೇ ಇಲ್ಲೆ. ನಾ ಆಗ ಸುಳ್ಯ ಚರ್ಚ್ ಶಾಲೆಲಿ ನಾಕ್ ನೇ ಕ್ಲಾಸ್. ನಾವ್ಗೆಲ್ಲಾ ಆ ಸಮಯಲಿ ಸ್ವಾತಂತ್ರ್ಯ ದಿನಾಚರಣೆ ಬಾತ್ ತೇಃಳ್ರೆ ಏನೋ ಖುಸಿ. ಏಕೇಂತೇಳ್ರೆ ರಜೆ ಕಳ್ದ್ ಶಾಲೆ ಸುರು ಆದ ಮೇಲೆ, ಶಾಲೆಲಿ ಎಲ್ಲವು ಸೇರಿ ಮಾಡುವ ಸುರೂನ ಹಬ್ಬ!! ಅದರ ಗೌಜಿ, ತಯಾರಿ ಎಲ್ಲ ಹದ್ನೈದ್ ದಿನಕ್ಕೆ ಮುಂಚೆಂದಲೇ ಸುರು ಆದೆ. ವಲ್ಸ ಟೀಚರ್, ಸಿಸಿಲ್ಯಾ ಟೀಚರ್, ಆಲಿಸ್ ಟೀಚರ್ ಡ್ಯಾನ್ಸ್ ಕಲ್ಸಿರೆ... ಜಾರ್ಜ್ ಮಾಷ್ಟ್ರ್ ಬ್ಯಾಂಡ್ ಬಾರ್ಸಿಕೆ ಕಲ್ಸುದು... ವಿನ್ಸೆಂಟ್ ಮಾಷ್ಟ್ರ್ ಪೆರೇಡ್ ಕಲ್ಸಿಕೆ ಸುರು ಮಾಡ್ರೆ ಹೆಡ್ ಸಿಸ್ಟ್ರ್ ಪದ್ಯ ಹಾಡ್ಸಿಕೆ... ಅದೇ ವಂದೇ ಮಾತರಂ, ಪತಾಕೆ ಎತ್ತರ ಏರಲಿ ನಮ್ಮಯ... (ರಾಷ್ಟ್ರ ಗೀತೆ ಯಾಗೋಳು ಹೇಳುವ ಕಾರಣ ಅವ್ಕೆ ಕಲ್ಸುವ ಭಂಗ ಇಲ್ಲೆ!!) ಒಟ್ಟಾಗಿ ಇಡೀ ಶಾಲೆಗೇ ಒಂದು ಹಬ್ಬ... ಇನ್ನ್ ಯಾವ್ದರ್ಲೂ ಇಲ್ಲದ ಹೈದಂಗಳಿಗೆ ಕಾಯಿಚೊಪ್ಪು, ಸುಣ್ಣ ತಕಂಡ್ ಧ್ವಜಸ್ತಂಭ ಉಜ್ಜುವ ಕೆಲ್ಸ!! ಆಟಿ ತಿಂಗ ಬೇರೆ... ಪಾಮಾಜಿ ಹಿಡ್ದ್ ಧ್ವಜಾರೋಹಣ ಮಾಡಿಕೆ ಬಂದ ಅತಿಥಿಗಳೇ ಅವರೋಹಣ ಆಕೆ ಬೊತ್ತಾಲ್ಲಾ??!! (ಆಗಷ್ಟ್ 14ಕ್ಕೆ ಒಮ್ಮೆ ಧ್ವಜಾರೋಹಣ ಮಾಡಿಕೆ ಉಟ್ಟು.. ಟ್ರಯಲ್... ಮಾರ್ನೆ ದಿನ ಧ್ವಜ ಉಲ್ಟಾ ಹಾರಿಕೆ ಬೊತ್ತೂತ "ಮುನ್ನೆಚ್ಚರಿಕೆ ಕ್ರಮ").  ನಡುಲಿ ಚೂರು ಚರ್ಚೆ..  ನಾಳೆ ಲಾಡು ಕೊಟ್ಟವೆ... ಇಲ್ಲೆ ಮೈಸೂರ್ ಪಾಕ್ ಗಡ!!

           ಇದಿಷ್ಟೂ ಪ್ರತಿವರ್ಷದ ದಿನಚರಿನಾಂಗೆ ಆದರೆ ಆ ವರ್ಷ ಒಂದ್ ವಿಶೇಷ ರೀತಿಲಿ ಬದಲಾವಣೆ ಮಾಡ್ದುಂತ ನಮ್ಮ ಹೆಡ್ ಸಿಸ್ಟ್ರ್ ಹೇಳ್ದೊ. ಧ್ವಜಸ್ತಂಭದ ಪಕ್ಕ, ಒಂದ್ ಸಾಲ್ ಲಿ ಕೆಲವು ಮಕ್ಕ ಸ್ವಾತಂತ್ರ್ಯ ಹೋರಾಟಗಾರರ ವೇಷ ಹಾಕಿ ನಿಲ್ಲುದೂಂತ. ಎಲ್ಲವ್ಕೂ ಖುಸಿಯೋ ಖುಸಿ.. ನಂಗೊಂದು ವೇಷ ಸಿಕ್ಕೆದೇಂತ!! ಎಲ್ಲರ ನಡುಲಿ ಎದ್ದ್ ಕಂಡರೆ ರೈಸಕ್ ಅಲ್ಲಾ??!! ನಮ್ಮ ಹೆಡ್ ಸಿಸ್ಟ್ರ್ ಕನ್ನಡ್ಕದ ಎಡೇಲಿ ನೋಡಿ.. "ಬಾರಾ.. ನೀನು ಗಾಂಧಿ ವೇಷಕ್ಕೆ ಬೆಶ್ಟ್!!" ಅಂತ ಓರ್ಡರ್ ಕೂಡ ಆತ್.. ನಾ ಆಗ ಇದ್ದದೂ ಹಾಂಗೆ.. ಚೊಯ್ಯ್ಂಗ್ ಲೆ ಮೋರೆ!! ಒಣ್ಕಟೆ ಬಾಡಿ!! ಹೊಟ್ಟೆ ಅಂತೂ ಹೊಳ್ಕೆ ಹೊಟ್ಟೆ!! ಅಲ್ಲಿಂದಲೂ 'ಗಾಂಧೀಜಿ ವೇಷ ಸುಲ್ಭಯಾ.. ಹಂಞ ಬಟ್ಟೆ ಸಾಕ್'ತ ಗೂಡೆಗಳ ಸಿಫಾರಸ್ ಬೇರೆ. ಆದರೆ ನನ್ನ ತಲೆ ಬಿಸಿ "ಗಾಂಧಿ ಕನ್ನಡ್ಕ" ಎಲ್ಲಿಂದ ರೆಡಿ ಮಾಡ್ದೂಂತ. ಮನೆಗೆ ಹೋಗಿ ಪೊಪ್ಪನೊಟ್ಟಿಗೆ ಅವರ್ದರ ಕೇಳ್ದೆ. ಪವರ್ ದರ ಹಾಕಿ ಕಣ್ಣ್ ಹೊಟ್ಟಿ ಹೋದು ಬೇಡಾಂತ ಕಟ್ಟೆ ಫ್ಯಾನ್ಸಿಗೆ ಎಳ್ಕಂಡ್ ಹೋದೊ.. ಪ್ಲಾಸ್ಟಿಕ್ ದ್ ಒಂದ್ ಸಿಕ್ಕಿತ್.. ಬಚ್ಚಾವು!! ಬೊಳ್ಪುಗೆ ನಮ್ಮ ರಿಕ್ಷಲಿ ಯಾಗೋಳು ಕರ್ಕಂಡೋವ "ದಾಮು ಮಾವ" ನೊಟ್ಟಿಗೆ ಮೂರ್ ಮೂರ್ ಸರ್ತಿ ಹೇಳ್ದೆ "ನನ್ನ ಗಾಂಧಿ ಪಾರ್ಟ್ ನೋಡಿಕೆ ಬಂದೇ ಬರೊಕು". ಕತ್ತಲೆಗೂ ಸರಿ ನಿದ್ದೆ ಇಲ್ಲೆ.. ಧ್ವಜಾರೋಹಣದೇ ಕನ್ಸ್. ಅಮ್ಮ ಬೊಳ್ಪುಗೆ ತಲೆಗೆ ಬೊಟ್ಟಿದರ್ಂದಲೇ ಗೊತ್ತು... ನಾ ನಿದ್ದೆಲೂ ಜನಗಣಮನ ಹೇಳ್ತಿದ್ದೇಂತ!!.

             ಡ್ರೆಸ್ ಮಾಡ್ಸಿಕೆ ಎಲ್ಲಾ ನಮ್ಮಂದ ದೊಡ್ಡವೇ. ನನ್ನ ಅಕ್ಕ ಅಂತೂ ಪಂಚೆನ ಮೂರ್ ಮೂರ್ ಸರ್ತಿ ಮೊಡ್ಚಿ ಉಡ್ಸಿತ್. ಬರೇ ಉಡ್ಸಿರೆ ಸಾಕಾ?? ಜಾರಿಕೆ ಬೊತ್ತಾಲ್ಲಾ... ಎಳ್ದ್ ಗಂಟ್ ಹಾಕಿ " ಫುಲ್ ಟೈಟ್"!! ಆಚೆ ನೋಡ್ರೆ ಲಾಲ್ ಬಹದ್ದೂರ್ ಶಾಸ್ತ್ರಿ... ಅವನ ಚಾನ್ಸ್.. ಕಚ್ಚೆ ಪಂಚೆ ಮೇಲೆ ಬೆಲ್ಟ್ ಕಟ್ಟಿ ಜುಬ್ಬ ಹಾಕಿ ಆರಾಮಲಿ ನಿತ್ತುಟು!! ನಂಗೋ ಹೊಟ್ಟೆ ಗಟ್ಟಿ ಆಕೆ ಸುರಾಗ್ತುಟ್ಟು... ಈ ವೇಷ ಬಿಚ್ಚ್ ಕನಮುಟ್ಟ "ಒಂದಕ್ಕೆ" ಹೋಕೂ ಇಲ್ಲೆ!! ಅದೇ ಹೊತ್ತ್ ಗೆ ಆಚೆಂದ ಪಟಕ್ ಸದ್ದ್ ಕೇಳ್ದೆ. ನೋಡ್ರೆ ಯಾರೋ ಧಡಿಯ ನನ್ನ "ಗಾಂಧಿ ಕನ್ನಡ್ಕ"ದ ಮೇಲೇನೇ ಕುದ್ದುಟು. ಗಾಂಧೀಜಿ ವೇಷದ ಬಹು ಮುಖ್ಯ ಅಂಗನೇ ಹೋತಲ್ಲಾ.  ನಾ ಮರ್ಡಿಕೆ ಒಂದೇ ಬಾಕಿ. ಇನ್ನ್ ಎಂತ ಮಾಡ್ಡು?? ಅಷ್ಟೊತ್ತಿಗೆ ನಮ್ಮೆಲ್ಲರ ಉಸ್ತುವಾರಿ ಸಿಸಿಲ್ಯಾ ಟೀಚರ್ ಬಂದೊ. ನನ್ನ ಚಪ್ಪೆ ಮೋರೆ ನೋಡಿ.. ಅವರ್ದೇ ಕನ್ನಡ್ಕ ತೆಗ್ದ್ ನಂಗೆ ಇಸಿದೊ.. ಅದ್ ನೋಡ್ರೆ ಪವರ್. ನಂಗೆ ಕಾಂಬೊದು ಎಲ್ಲಾ ಬರೇ ಮಯ ಮಯ ಅಲ್ಲ..ಅಯೋಮಯ!! ಅಂತೂ ಮೆಲ್ಲ ನಡ್ಕಂಡ್ ಹೋಗಿ ಧ್ವಜ ಸ್ತಂಭದ ಕರೇಲಿ ನಿತ್ತೊ. ನನ್ನ ಅಜ್ಜಿ ಪುಣ್ಯನೋ ಏನೋ ಮಳೆ ಇಲ್ಲೆ. (ಎಷ್ಟೋ ವರ್ಷ  ಕೊಡೆ ಹಿಡ್ಕಂದ್ ಧ್ವಜ ಹಾರ್ಸ್ಯೊಳೊ!!) ನಂಗೋ ನಿತ್ತಲ್ಲಿಂದಲೇ ಸಂಕಟ ಆಕೆ ಸುರು.. ಖಾಲಿ ಮೈ .. ಚಳಿ.. ಕನ್ನಡ್ಕಲಿ ನೋಡ್ರೆ ತಲೆ ತಿರ್ಗಿದೆ. ಹೊಟ್ಟೆ ಇಸುದೂಂತ ಅಮ್ಮ ಬೇರೆ ಸಮಾ ತಿನ್ಸಿ ಕಳ್ಸ್ಯೊಳೊ.. ನಿಲ್ಲಿಕೆ ತ್ರಾಣ ಇರ್ಲೀಂತ.. ಇತ್ತ ನೋಡ್ರೆ ಅಕ್ಕ ಎಳ್ದ್ ಕಟ್ಟಿದ ಪಂಚೆ ಗಂಟ್ ಗಟ್ಟಿಯಾಗಿ ಉಚ್ಚೆ ಅಂಡಿಕೆ ಬೇರೆ ಸುರಾಗ್ತುಟ್ಟು..(ಮಹಾತ್ಮ ಗಾಂಧೀಜಿನೂ ಉಪವಾಸ ಕುದ್ದಿರ್ಕಾಕನ ಆ ನಮೂನೆ ಸಂಕಟ ಅನುಭವ್ಸಿರ್ಕಿಲೆ!!) ಒಮ್ಮೆ ಜನಗಣಮನ ಹಾಡಲಿ ದೇವ್ರೇಂತ ಮನ್ಸ್ ಗೆ ಬಂದ ದೇವ್ರ್ ಗಳೆಲ್ಲಾ ನೆನ್ಸಿಕಂಡೆ. ಅಂತೂ ರಾಷ್ಟ್ರ ಗೀತೆ ಮುಗ್ತ್. ತಿರ್ಗಿ ವಾಪಸ್ ನೆಟ್ಟಂಗೆ ಹೋಕೆನಾರ್ ಕಂಡದೆನಾ ಆ ಪವರ್ ಕನ್ನಡ್ಕಲಿ?  ಕನ್ನಡ್ಕ ತೆಗ್ದರೆ ಮೊರ್ಯಾದೆ ಪ್ರಶ್ನೆ.. ಅದೇ ದೃಷ್ಟಿಲಿ ವಾರೆ ವಾರೆ ಹೋಗ್ತೊಳೆ..ನನ್ನ ಕರೆಲಿ ಒಂದ್ ಸಣ್ಣ ಗೂಡೆ ಕಿತ್ತೂರ ಚೆನ್ನಮ್ಮ... ಅದರ ಕತ್ತಿ ಅದರಷ್ಟೇ ಉದ್ದ ಇತ್ತ್... ಆ ಕತ್ತಿನ ಕೊಡಿ ಹಿಡ್ಕಂಡೇ ಡ್ರೆಸ್ಸಿಂಗ್ ರೂಮ್  ಮುಟ್ಟ ಹೋದೆ. ಹೋದವನೇ ಪಂಚೆನ ಚಡ್ಡಿ ತೆಗ್ದಾಂಗೆ ಜಾರ್ಸಿ , ಮೈಗೆ ಹೊದ್ದ ಬಟ್ಟೆನನೇ ಸುತ್ತಿಕಂಡ್ ಟ್ಯಾಂಕ್ ಖಾಲಿ ಮಾಡಿಕೆ ಒಡ್ದೆ!!! ಅದೇ ಕೊನೆ.. ಅಲ್ಲಿಂದ ಮೇಲೆ ಯಾವುದೇ ವೇಷ ಹಾಕಿಕೆ ಹೋತ್ಲೆ.. ಆ ದಿನದ ನನ್ನ ಎಲ್ಲಾ ಗುರುಗಳ ಮನಸ್ಪೂರ್ತಿಯಾಗಿ ನೆನ್ಸಿಕಣ್ತೊಳೆ... ಅವರ್ಂದಾಗಿಯೇ ನಾ ಇಷ್ಟ್ ಬರಿತೊಳದ್....

 

ಇತರೆ ಅರೆಭಾಷೆ ಬರಹಗಳಿಗೆ ಇಲ್ಲಿ ಹುಡ್ಕಿ - https://arebhasheminpuli.blogspot.in/


ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

Read More