Choma

ಚೋಮ‌.. (ಆ ದಿನಗಳು)

ಎಷ್ಟೇ ಡಿಗ್ರಿ , ಮಾಸ್ಟರ್ ಸ್ ಓದಿರೂ ಲೈಫ್ ಲಿ  ನಾವುಗೆ ನಿಜವಾದ ಪಾಠ ಕಳ್ಸುದು ಯಾಗೋಳು ಪ್ರಕೃತಿ... 
          ನೀವುಗೆ ನಮ್ಮ ಚೋಮನ ಬಗ್ಗೆ ಹೇಳುಕು‌. ಅವ ಒಂಥರಾ ಸಕಲಕಲಾ ಒಲ್ಲಭ. ಅವಂಗೆ ಗೊತ್ತಿಲ್ಲದ ಕೆಲ್ಸ ಇಲ್ಲೆ. ಗೊತ್ತಿಲ್ಲದ ವಿದ್ಯೆ ಇಲ್ಲೆ. ನಮ್ಮ ಮನೆಲಿ ಅಂಥೂ ಯಾವ ಚಾಳೆ ಯಾಗ ನೆಟ್ಟದ್, ಯಾವ ದನ ಎಷ್ಟು ಕರು ಹಾಕಿಟು, ಯಾವ ಕಮ್ಮುಗೆ  (ಅಡಿಕೆ ಮರ) ಎಷ್ಟು ಪ್ರಾಯ ಎಲ್ಲ exact ಆಗಿ ಹೇಳ್ದೆ. ಅಡಿಕೆಗೆ ಮದ್ದ್ ಬುಡಿಕೆ ಹಿಡದರಿಂದ ಅಡಿಕೆ ತೆಗೆಕೆ ಅವನೇ ಆಕು...ಅದ್ ಎಷ್ಟೇ ಎತ್ತರದ ಕಮ್ಮು, ಚಾಳೆ ಇರ್ಲಿ ಹತ್ತಿ ತೆಗೆತಾ ಇತ್ತ್. ಒಂದು ಹಣ್ಯ ಒಳಗೆ ಹೋದರಂತೂ ಬಾರಿ ಲಾಯ್ಕ್ ಇಂಗ್ಲಿಷ್ , ಹಿಂದಿ ಮಾತಾಡಿದೆ.

         ಬೊಳ್ಪ್ಂದ ಹಿಂಬೊತ್ ಮುಟ್ಟ ಕೆಲ್ಸ ಆದರೆ, ಆಮೇಲೆ , ಗಾಳ ಹಾಕುದು, ಮಿನ್ ಕಡೆಕೆ ಹೋದು, ಮೊಲಕೆ ಉರ್ಲು ಇಸುದು ಇದೇ ಆತ್. ಹಳ್ಳಕ್ಕೆ ತೋಟೆ ಹಾಕುದರ್ಲಿ ಎತ್ತಿದ ಕೈ, ತೋಟೆ ಹಾಕಿ ಮುಳುಗಿ ಮೀನ್ ಹೆಕ್ಕಿ ನಮ್ಮ ಕಡೆ ಬಿಸಡ್ತಾ ಇದ್ದರೆ, ಅದರ ಹೆಕ್ಕುದೇ ಒಂದು ಖುಸಿ.ಮಳೆಗಾಲಿ ಉಬರ್ ಮೀನ್ ಹಿಡಿಯೋದು ಬಾರಿ ಲಾಯ್ಕ್. ಅವನೇ ಮಾಡ್ದ ಕೂಳಿ( ಕೂರಿ)ನ ತೋಡುಗೆ ಅಡ್ಡ ಕಟ್ಟಿ , ಕೂರಿ ಇಸಿ, ಮೀನು ಹಿಡೆದು ಒಂದು ಸಾಹಸನೆ. ಘಂಟೆ ಗೊಮ್ಮೆ ಅದರ ಹೋಗಿ ನೋಡಿ ಮೀನು ತಾದು, ಉಬರ್ ಮೀನ್ ಗೈಪು, ರೊಟ್ಟಿ ..Yemmyy. ಒಳ್ಳ ಮಳೆ ಬಾಕನ ಅದೆಷ್ಟು ಕೂರಿಗ ಬೊಳ್ಳ    ಹೋಗುಟೋ?...    
  
        ಸಾಲೆ, ಕಾಲೇಜ್ ರಜಾ ದಿನಲಿ ಅವನ ಜೊತೆ ಇರ್ತಾ ಇದ್ದೆ. ಗೇರ್ ಬೀಜದ ಸಮಯಲಿ ಗುಡ್ಡೆಗೆ ಬೀಜ ಕೊಯ್ಯಕೆ ಹೋವ ಮಜಾ ಬೇರೇನೆ. ಬೀಜ ಕೊಯ್ಯದ ಮೇಲೆ ಹಣ್ಣ್ ನ ಬೇರೆ ಮಾಡ್ದು, ಅಮೇಲೆ  ಅದೇಕೋ ಸಾಲೆ, ಕಾಲೇಜ್ ಲಿ ಭಟ್ಟಿಇಳಿಸುವಿಕೆ ಬಗ್ಗೆ ಎಷ್ಟೇ ಹೇಳಿರೂ ಅರ್ಥ ಆಗದರ, ಬೀಜದ್ (ಗೇರುಹಣ್ಣು) ಕಾಸ್ ಕನ ಬರೀ ಸುಲಭಲಿ ಅರ್ಥ ಮಾಡ್ಸಿತ್. ಬೀಜದ್ ಕಾಸಿ ಬಂದ ಜಾನಪದ ಕಷಾಯ , ಅದರ ರುಚಿ , ಕಿಚ್ಚಿಗೆ ಮುಟ್ಟಿಸಿ ಅದರ ಪವರ್ ನೋಡೋ ರೀತಿ ಬಾರಿ ಲಾಯ್ಕ್....ಬೀಜದ್ ಮುಗ್ದ ಮೇಲೆ ಹಲಸಿನ ಹಣ್ಣ್ , ಬಾಳೆ ಹಣ್ಣ್ , ಎಲ್ಲಾ ಕಾಸುದೇ ಕೆಲ್ಸ.ಕಾಡ್ ಮಾಯಿನ ಹಣ್ಣ್ ತಿಂದದಕೆ ಲೆಕ್ಕ ಇಲ್ಲೆ.ಚಂಡ್ರ್ ಪುಳಿ, ಮಾಂಬಳ ಅಹಾ!! ಬಾಯಿಲಿ ನೀರ್ ಅರ್ದದೆ. ಮನೆಲಿ ಮಾಡ್ದ ಹಪ್ಪಳ, ಮಳೆ ಬಾಕನ ಹಪ್ಪಳ, ಬೀಜ ಕಿಚ್ಚಾಕುದು ಎಲ್ಲಾ Supper.

      ಸುಮ್ಮನೆ ಕುದ್ದ್ ಕಂಡ ಇದ್ದವನ  ಕೈಗೆ ಬೆಡಿ ಕೊಟ್ಟು ಧನಿ ಬೇಟೆ ಪೋಯಿ ಅಂಥ ಕರಕಂಡ್ ಹೋತ್
ಅವನೋ ಯಾವುದೇ ಶಾರ್ಪ್ ಶೂಟರಗೆ ಕಡಿಮೆ ಇಲ್ಲೆ. ಒಲಿಂಪಿಕ್ ಗೆ ಕರ್ ಕಂಡ್ ಹೋದರೆ ಶೂಟಿಂಗ್ ಗೋಲ್ಡ್ ಮೆಡಲ್ ಎಲ್ಲ ಇವಂಗೆ.ಕಾಡ್ ಲಿ ಅವನ activity, ಕಾಡು ಮೃಗಗಳ ಬಗ್ಗೆಗಿನ ಜ್ಞಾನ. Great. ಅವ ಬೆಡಿ ತಕಂಡ್ ಹೊರ್ಟರೆ ಬರೀ ಕೈಲಿ ಬಂದದೇ ಇಲ್ಲೆ. ಒಮ್ಮೆ ಕಾಡ್ ಮಾಸದ ರುಚಿ ಸಿಕ್ಕದ ಮೇಲೆ ಬುಟ್ಟದೆನ.ಹೆಚ್ಚಾದರೆ ಉಪ್ಪಣ ಅಷ್ಟೇ. 

       ಇನ್ನ್ ಕೋಳಿಕಟ್ಟಕ್ಕೆ ಬಂದರೆ ಎತ್ತಿದ ಕೈ. ಯಾವ ಜಾತಿ ಕೋಳಿಗೆ ಯಾವುದು ಕಟ್ಟೊಕು, (ಬೆಳ್ಳೆ, ಕರ್ಬೊಳ್ಳೆ)ಯಾವ ದಿನ ಯಾವ ಕೋಳಿ ಕಾದದೆ ಎಲ್ಲದರಲ್ಲೂ ಮಾಸ್ಟರ್. ಬಾಳ್ ಕಟ್ಟುದರಂದ ಹಿಡಿದ್ ಕೋಳಿ ಬುಡ್ದ್ ಎಲ್ಲಾ ಅವನೇ.ಕೋಳಿ ಕಟ್ಟ ಒಂದು ಹಬ್ಬನೇ.ಅಮೇಲೆ ಕೋಳಿ ಸಿಕ್ರೆ ಅದರ ಚೊಲ್ಲಿಕೊಟ್ಟು ಹೊಕ್ತಾ ಇತ್ತ್. ಅವ ದುಡಿ(ಚಂಡೆ) ಬಾರಿಸ್ತಾ ಇದ್ದರೆ ಅದರ ಕೇಳಿಕೆ ಬಾರಿ ಲಾಯ್ಕ್.
      
   ಹಿಂಗೆ ಪ್ರತಿ ಒಂದರ enjoy ಮಾಡ್ತಾ ಇದ್ದ ಕಾಲ ಅದ್.
ಆದರೆ ಈಗಿನ mechanical life ಬೇರೆ. ಎಲ್ಲ Mobile ಲಿ ಇಡೀ ಜೀವನ ಆತ್. Mobileಲಿ ಗಾಳ ಹಾಕುದು, ಅದರಲ್ಲಿ Shoot ಮಾಡ್ದು,ಅದರಲ್ಲಿ ಕ್ರಿಕೇಟ್ ಆಡ್ದು, ಮೈದಾನ, ಗದ್ದೆಲಿ ಆಡಿಕೆ ಪುರ್ಸೊತ್ತ್ ಇಲ್ಲೆ. ಒಂದು ಜಾತ್ರೆ ಇಲ್ಲೆ, ದೆವ್ವ ಇಲ್ಲೆ, ಕೋಳಿ ಕಟ್ಟ, ಕಂಬಳ ಮುಂದೇ ಇಲ್ಲೆ. ಆಗ ಮಳೆ ಬಾಕನ ಅಡಿಕೆ, ಬೀಜ,   ಪೂಜೋ ಗೌಜಿ,  ಮಳೆಲಿ ಆಡೋ ಖುಸಿ , ಈಗ Wow.. Its Raining Status ಹಾಕೊ ಖುಸಿ.

ಲೈಫ್ Full Power bank Charge ಮಾಡ್ದು ಅದರಿಂದ Mobile Charge ಮಾಡ್ದೇ ಆತ್....

Comments

Img 20190709 123606
Naveen 3j
about 2 months ago
Img 20190727 204038
Manjunath Poovaiah Anubava jeevana k ondu pata ade
about 1 year ago
Beautyplus 20170630110518 save
Nithin cheriyamane Nce..
over 1 year ago
Img 20190712 wa0067 01
Dhanu Super
over 1 year ago
Img 20180515 wa0022
Manjuprasad @puneeth.. ಹ ಅವನೇ....
over 1 year ago
Img 0714 01
Manoj kudekall ಸಕಲಕಲಾವಲ್ಲಬತೇಳಕಲಾ....!
over 1 year ago
20170625 145805
Dr.puneeth ಇದ್ ಮಂಟಮೆ ಗುಡ್ಡೆ ಚೋಮನಾ???
over 1 year ago

Other articles

Vip profiles for matchmaking

ವರ/ವಧು ಆಯ್ಕೆ

19 Aug 2017

       ಗೌಡರ ಮದುವೆಯ ಮೊದಲ ಹಂತ ಆರಂಭವಾಗುವುದು "ಬಳಿ" ಯ ಆಯ್ಕೆಯಲ್ಲಿ. ವರನು ತನ್ನ ಗೋತ್ರವನ್ನು ಬಿಟ್ಟು ತನಗೆ ಸರಿ ಹೊಂದವ "ಬಳಿ" ಒಂದನ್ನು ಆಯ್ದುಕೊಳ್ಳಬೇಕಾಗುತ್ತದೆ. ಬಳಿಯು ತಂದೆಯಿಂದ ಮಗನಿಗೆ ಇಳಿದು ಬರುವುದರಿಂದ ತಂದೆಯ ಬಳಿಯ ಹುಡುಗಿಯನ್ನು ಮದುವೆ ಆಗುವಂತಿಲ್ಲ. ಆದರೆ ತಂದೆಯ ತಂಗಿ ಅಥವಾ ಅಕ್ಕನನ್ನು ಬೇರೆ ಕಡೆಗೆ ಕೊಟ್ಡಿರುವುದರಿಂದ, ಆಕೆಯಲ್ಲಿ ಹುಟ್ಟಿದ ಹೆಣ್ಣನ್ನು ಮತ್ತೆ ಮನೆಗೆ ಮದುವೆ ಮೂಲಕ ತರಬಹುದು. ಮಗಳನ್ನು ಕೊಡಬಹುದು. ಇಲ್ಲಿ ನಿಷೇದ ಇರುವುದು ಒಂದೇ ಬಳಿಯಲ್ಲಿ ಮದುವೆಯಾಗಕೂಡದು ಎಂಬುದು. ಒಂದೇ ಬಳಿಯವರೆಲ್ಲ ಸಹೋದರ ಸಹೋದರಿಯಾರಾದ್ದರಿಂದ ಅಲ್ಲಿ ಮದುವೆ ನಿಷಿದ್ಧ.
 ಗೌಡರ ಶೇಕಡಾ 30 ಭಾಗವನ್ನು  ನಂದರ, ಹೆಮ್ಮನ, ಬಂಗಾರ ಮತ್ತು ಮೂಲರ ಬಳಿಗಳೇ ಹಂಚಿಕೊಂಡಿದ್ದೂ, ಅಲ್ಲಿ ಕ್ವಚಿತ್ತಾಗಿ ಒಂದೇ ಬಳಿಯಲ್ಲಿ ಮದುವೆಯಾದದ್ದೂ ಇದೆ.
               ಮದುವೆಯಲ್ಲಿ ಗಂಡಿನ ಕಡೆಯವರೇ ಹುಡುಗಿ ನೋಡಲು ಹೋಗುತ್ತಾರೆ. ಹಾಗೆ ಹೋಗುವಾಗ ಎರಡು ವಿಭಿನ್ನ ಗುಂಪುಗಳ ಮದ್ಯೆ ಸಮಾಲೋಚನೆ ನಡೆಸಲು ಮಧ್ಯವರ್ತಿಯೊಬ್ಬನನ್ನು ಆಯ್ಕೆ ಮಾಡುತ್ತಾರೆ. ಇವನಿಗೆ "ದಲ್ಲಾಳಿ"  ಎಂದು ಹೆಸರು. ಈತ ಎರಡೂ ಕಡೆಗಳ ಪರಿಚಯಸ್ಥನಾಗಿರಬೇಕು , ಹಾಗೂ ಎರಡೂ ಗುಂಪಿನ ಜನರ ಭೇಟಿ ಸಂದರ್ಭದಲ್ಲಿ ಸಮತೋಲನವನ್ನು ಕಾಪಡಿಕೊಳ್ಳಬೇಕು. ಹುಡುಗಿ ಒಪ್ಪಿಯಾದರೆ ಆನಂತರ "ಹುಡುಗಿ ಕಡೆ" ಯವರು ಹುಡುಗನ ಕಡೆ ಮನೆ ನೋಡಲು ಬರುತ್ತಾರೆ. ಇಲ್ಲಿ ಹುಡುಗಿಯ ಅಭಿಪ್ರಾಯವು ಮುಖ್ಯವಾಗಿರುತ್ತದೆ. ಅನಂತರ ವಧುವಿನ ಮನೆಯಲ್ಲಿ "ಮದುವೆ ದಿನ" ಮತ್ತು "ಮುಹೂರ್ತವನ್ನು" ನಿಗದಿಪಡಿಸುತ್ತಾರೆ.
ಮದುವೆ ದಿನ ಮತ್ತು ಮುಹೂರ್ತದ ನಿರ್ಧಾರವನ್ನು ಮನೆಯ ಜಗಲಿಯಲ್ಲಿ ಮಾಡುತ್ತಾರೆ. ಜಗಲಿ ಮನೆಯ ಒಳಗೂ ಅಲ್ಲದ, ಹೊರಗೂ ಅಲ್ಲದ  ಮದ್ಯದ ಸ್ಥಳ. ದಲ್ಲಾಳಿಯ ಹಾಗೆ ಸಮತೋಲವುಳ್ಳ ಜಾಗ. "ಜಗಲಿಯು" ಸಂಸೃತಿಯ ಅಂತರಂಗ ಮತ್ತು ಬಹಿರಂಗಗಳಮಧ್ಯದ, ಅವೆರಡರ ಮಧ್ಯೆ ಸಂಬಂಧ ಕಲ್ಪಿಸಲು ಸಾಹಾಯಕವಗುವ ಸ್ಥಳ.
            ಹೆಣ್ಣು ಇನ್ನೂ ಮನೆಯೊಳಕ್ಕೆ ಬಂದಿಲ್ಲವಾದ ಕಾರಣ ಹೆಣ್ಣಿನ ಕಡೆಯವರು ಜಗಲಿಯಲ್ಲಿ ಮಾತಕತೆಗಳನ್ನಾಡುತ್ತಾರೆ. ( ಈಗ ಟಾರೆಸ್ ಮನೆ ಆದ ಕಾರಣ ಜಗಲಿ ಹೋಗಿ ಸಿಟ್ಅವ್ಟ್ Sit out ಆಗಿದೆ)
ಜಗಲಿ ಮನೆಯ ವಾಸ್ತವಿನ ಮೂಲ ಘಟನೆಗಳಲ್ಲಿ ಒಂದಾಗಿದೆ.ಅವಿಭಕ್ತ ಕುಟುಂಬದ ಪದ್ದತಿ ಇರುವಲ್ಲಿ (ಐನ್ ಮನೆ, ತರವಾಡಿನ ಮನೆಯಲ್ಲಿ) ವಿಶಾಲವಾದ ಜಗಲಿ ಕಾಣಬಹುದು.
     ಇಲ್ಲಿ ಊರುಗೌಡರ ಪಾತ್ರ ಪ್ರಮುಖವಾದುದು. ಊರುಗೌಡರ ಬಗ್ಗೆ ಮುಂದೆ ಹೇಳುವೆ.

       ಇದು ನಮ್ಮ ಹಳೆಯ ಸಂಪ್ರದಾಯವಾಗಿದ್ದು, ಈಗ ಹುಡುಗಿ ನೋಡೋದು ತುಂಬಾ ಸುಲಭ. ನೆಂಟರು ಮನೆಗೆ ಪೋನ್ ಮಾಡಿ ಹುಡುಗಿ ಇದ್ದಳೆಂದು ಹೇಳಿದರೆ ಸಾಕು WhatsApp ಲಿ ಪೋಟೋ Face book  ಲಿ ಜಾತಕ ಸಿಗುತ್ತದೆ. (KDK App ಬಂದಮೇಲಂತು ಕುಟುಂಬದ ವಿವರವೂ ದೊರೆಯುತ್ತದೆ).ಇನ್ನು ಇಬ್ಬರಿಗೂ ಪರಸ್ಪರ ಒಪ್ಪಿಗೆ ಆದರೆ Coffeday ಲಿ ಅಂತಿಮ ತೀರ್ಮಾನ.ಮತ್ತೆ ಶುರುವಾಗುತ್ತದೆ ಪುಂಡಿ.

ಸೂಚನೆ: ದಯವಿಟ್ಟು Article na edit ಮಾಡಿ WhatsAppಲಿ ಹಾಕಬಾರದು

 

 

ವಿಷಯ ಸಂಗ್ರಹ: ಗೌಡ ಸಂಸೃತಿ ಮತ್ತು ಇತಿಹಾಸ

Read More
Preparing roti

ಬಾಲೆಕ್ಯಕ್ಕನ ಬಾಲ್ಯದಾಟಿಕೆ!!

06 May 2018
ಊರೊದ್ದೆಟ್ಟಿ ತಮ್ಮಣ್ಣ ಗೌಡ್ರ ನಾಕ್ ಗಂಡ್,ಮೂರ್ ಹೆಣ್ಣ್ ಮಕ್ಕಳ ಪೈಕಿ ಕಡೇ ಗಂಡ್ ಸಂತಾನನೇ ಹೊದ್ದೆಟ್ಟಿ ಬೆಳಿಯಪ್ಪ ಗೌಡ. ಬೆಳ್ಳಿ ಹೊಳ್ಪಿದಾಂಗೆ ಅವರ ವಿದ್ವತ್ ಕೂಡಾ ಹೊಳಿತಿದ್ದದಿಕೆ ಸಾಕ್ಷಿನೇ ಅವು ಬರ್ದ ಯಕ್ಷಗಾನ ಪ್ರಸಂಗ "ಉದಂಕ ಚರಿತೆ"!! ಬೆಳಿಯಪ್ಪ ಗೌಡ್ರ ನಾಕ್ ಹೆಣ್ಣ್, ಎರ್ಡ್ ಗಂಡ್ ಸಂತಾನಲಿ ಸುರೂನ ಹಿರಿಯಕ್ಕನೇ ನಮ್ಮ "ಬಾಲಕಿ". ಎಲ್ಲವ್ಕೆ ಮೋಕೆನ "ಬಾಲೆಕ್ಯಕ್ಕ". ಹುಟ್ಟಿದ್ ಹೊದ್ದೆಟ್ಟಿಲಿ ಆದರೂ ಬೆಳ್ದದೆಲ್ಲಾ ಸೋದರಮಾವನ ಮನೆಲಿ. ಸತ್ಯಕ್ಕೂ ಹೇಳ್ರೆ ಅದ್ ಬರೇ ಮನೆ ಅಲ್ಲ... ಸ್ವರ್ಗ ಸಂಸಾರ.. ಕುಡೆಕಲ್ಲು ಉಕ್ರಪ್ಪ ಗೌಡ, ದೇವಮ್ಮನೇ ಅದರ ಹಿರೀಕರ್. ಮಾವನ ಮನೆಲಿ ಪ್ರಾಯಕ್ಕೆ ಬಾಕನ ಮುಟ್ಟ ಸೊಕ್ಕಿದೇ ಸೊಕ್ಕಿದ್. ಸ್ಥಾನಂದ ಆಚೆ ಕರೆಲಿರುವ ಹುಣ್ಸುಳಿ ಮರ ಅರೆ ಹೊಡಿ ಆದೇ ಇವರ ಉರ್ತಕೊಳ್ಳಿಗೆಗಡ!! ಇನ್ನ್ ಮನೆ ಅಟ್ಟದ ಮೆಟ್ಲ್ ಅಲ್ಗದೆ ಒಳ್ದದ್ ದೇವಮ್ಮಜ್ಜಿನ ಪುಣ್ಯ!! ಹಿಂಗಿರ್ಕಾಕನ ನಮ್ಮ ಬಾಲೆಕ್ಯಕ್ಕ ಹೊದ್ದೆಟ್ಟಿಗೆ ಬಂದ್ ತಂಬೂರ್ದೇ ಚೋಪರಾಗಿ. ಅಂದ್ ಮಗ್ಳ್ ಹೊದ್ದೆಟ್ಟಿ ಸುಬ್ಬಕ್ಕನ ಮನೆಗೆ ದೇವಮ್ಮಜ್ಜಿ ಪುಳ್ಳಿ ಬಾಲೆಕಿನ ಕರ್ಕಂಡ್ ಬಂದ ದಿನ ಗಮ್ಮತೇ ಗಮ್ಮತ್. ಒಂದಿನ ಕಡ್ಡೆ ಉಪ್ಪಣ ಗೈಪಾದರೆ ಮಾರ್ನೆ ದಿನ ಅಳಿಯ ಬೆಳಿಯಪ್ಪ ಹೊಡ್ದ ಹೊಳ್ಕೆ ಗೈಪು. ಇನ್ನ್ ಕೋಳಿ, ಮೀನ್ ಗೆ ಬರ ಎಲ್ಲಿ? ಬಗೆ ಬಗೆ ಬಾರಣೆ ಗಮ್ಮತ್ ನೋಡ್ದ ಬಾಲೆಕ್ಯಕ್ಕಂಗೆ ವಾಪಸ್ ಕುಡೆಕಲ್ಲ್ ಗೆ ಅವ್ವನೊಟ್ಟಿಗೆ ಹೋಕೆ ಮನ್ಸೇ ಇಲ್ಲೆ. (ಇಲ್ಲಿ ಯಾಗೋಳು ಹಿಂಗೇ ಗಮ್ಮತಿದ್ದದೆತ ನೆನ್ಸ್ಯೊಳೊ!!). ಕಡೆಗೂ ಉರ್ಯೋಳುಂದಲೂ ಕಡೆಗಟ್ಟಾಗಿ ಮರ್ಟ್ ಕಂಡಿರುವು ಪುಳ್ಳಿನ ಬುಟ್ಟೇ ಹೋದೊ ದೇವಮ್ಮಜ್ಜಿ. ನಾಕ್ ದಿನಲೇ ಬಾಲೆಕ್ಯಕ್ಕಂಗೆ ಗೊತ್ತಾತ್ ಅವು ಚೋಪರಾಗೊಳೊತ!! ಬಗೆ ಬಗೆ ತಿನ್ಸ್ ಅವ್ವ ಬಂದಿರ್ಕಾಕಕನ ಮಾತ್ರ. ಈಗಳೋ.. ಯಾಗ ನೋಡ್ರೂ ಒಂದೇ ಬಗೆ... ಗಂಜಿ,ಪೊಜ್ಜಿ!!
 
ಚೋಪರಾಗಿ ಹುಟ್ಟಿದ ಮನೆ ಸೇರ್ದ ಬಾಲೆಕ್ಯಕ್ಕಂಗೆ ಸುಮ್ಮನೆ ಕಾಲ್ ನೀಂಡಿ ಕುದ್ರಿಕೆ ಎಲ್ಲ್ಯಾದೆ... ಯಾಗ ನೋಡ್ರೂ ಕುಂಡೆ ಹರಿವಷ್ಟ್ ಕೆಲ್ಸ!!( ಎಷ್ಟ್ ಮಾಡ್ರೂ ಮುಗ್ಯದ ಕೆಲ್ಸಕ್ಕೆ ನಮ್ಮ ಅರೆಬಾಸೆಲಿ ಇದರ್ಂದ ಮೇಲೆನ ಪದ ಇಲ್ಲೆ ಅನ್ಸಿದೆ!!) ಎಷ್ಟಾದರೂ ಬೇಸಾಯದ ಕುಟುಂಬ.. ಅದ್ಕೇ ಹೇಳ್ದಲ್ಲಾ.. ವ್ಯವಸಾಯ ಮಾಡ್ದಂವ ಬೇಗ ಸಾಯ!! ಒಟ್ಟೊಟ್ಟಿಗೆ ತಮ್ಮ ತಂಗೆಕಳ ಚಾಕ್ರಿ ಬೇರೆ!! ಅಪ್ಪ ಬೆಳಿಯಪ್ಪಂಗೂ ಮಗ್ಳ್ ಒಟ್ಟಿಗಿದ್ದರೇ ಕೆಲ್ಸ ಸರಾಗಾದು.. ಅದರ್ಲೂ ಮುಖ್ಯ ಕೆಲ್ಸ ಗ್ಯಾರ್ದಣ್ಣ್ ಸರಾಯ ಕಾಸಿಕೆ ಅಂತೂ ಮಗ್ಳಿಲ್ಲದೆ ನಿಮೂರ್ತಿ ಇಲ್ಲೆ. 'ನೀ ಬಂದರೆ ಬಾರೀ ಲಾಯ್ಕ್ ಬಂದದೆ'ತ ಸೂನು ಬೇರೆ!! ಒಂದಿನ ಹಿಂಗೇ ಸಿಗ್ದಾಕಿದ ಹಣ್ಣ್ ನ ಮಡ್ಕೆಲಿ ತುಂಬ್ಸಿದೇ ತಲೆಲಿ ಇಸಿಕಂಡ್ ಬೀಜ ಕೊಚ್ಚಿಲಿ ಕಾಸಿಕೆ ಅಪ್ಪನೊಟ್ಟಿಗೆ ಹೊರ್ಟೊ ಬಾಲೆಕ್ಯಕ್ಕ. ಮಟ ಮಟ ಮದ್ಯಾನ ಕರ್ಗೆಲ್ ನಾತನ ತಲೆಲಿಸಿಕಂಡ್ ಕಣ್ಂಗ ಕರೆಲಿ ಬೀಸರ ಬೀಸರ ಹೋತಿದ್ದವ್ಕೆ ಯಾವ ಪೀಡೆ ಕಣ್ಣಾಕಿತೋ ಗೊತ್ಲೆ. ಲಂಗಕೊಡಿ ಕಿಂಕ್ ಣಿ ಬೆರ್ಳೆಡೆಗೆ ಚೊಡ್ಚಿ, ಎಡ್ಗಿ ಬೀಳಕಾದವು ಅಲ್ಲಿಗೇ ಆದರ್ಸಿಕಂಡೊ. ಮೈ ಏನೋ ಆದರ್ಸಿಕಂಡತ್.. ಆದರೆ ಮಡ್ಕೆ ಎಲ್ಲಿ ಕೇಳ್ದೆ?? ಮಡ್ಕೆನ ಬುಡ ಒಡ್ದ್, ಕರ್ಗೆಲ್ ಹಣ್ಣ್ ತಲೆ,ಮೋರೆಲಿ ಅರ್ಕಂಡ್, ಮಡ್ಕೆನ ಕಂಠ ಮಾತ್ರ ಇವರ ಕುತ್ತಿಗೆಲಿ ನೇಲ್ತುಟ್ಟು!! ಹಳ್ಸೆಲ್ ಕರ್ಗೆಲ್ ನಾತ.. ಬಾಯಿ ದೊಂಡೆ ಇಡೀ ಕಯಿಂಪೆ!! "ಎಂತ ಕೂಸು" ತೇಳ್ದ ಅಪ್ಪ ಬೆಳಿಯಪ್ಪಂಗೆ "ಕೂಸು ಅಲ್ಲಾ... ಕೂಸುನಪ್ಪ!!"ತ ಬೊಯ್ಕಂಡೇ ಮೀಯಕೆ ಚೋಡಿಗೆ ಓಡ್ದೊ.
 
ಬೆಳಿಯಪ್ಪ ಗೌಡ್ರೂ ಯಾಗೋಳು ಸರಾಯ ಕಾಸಿಕೆ ಎಲೆ ಬಾಲೆ ಮನ್ಸ್ ನ ಬಾಲೆಕ್ಯಕ್ಕನನೇ ಕರ್ಕಂಡ್ ಹೋದಕ್ಕೂ ಒಂದ್ ಮಹತ್ತರ ಕಾರಣನೂ ಉಟ್ಟು. ಬಾಲೆಕ್ಯಕ್ಕನ ದೊಡ್ಡ ತಂಗೆ ಕಾಳಿ ಗೂಡೆ ಭಯಂಕರ ಕಿಲಾಡಿ. ಕರ್ಕಂಡೋದರೆ ಕಾಸಿದಲ್ಲಿಂದ ಚೂರಾರ್ ಹೊಯಿಕಣದೆ ಹೊರ್ಡಿಕಿಲ್ಲೆ. ಕಡೆಗೆ ನೋಡ್ರೆ ಕಾಸಿದವಂಗೆ ಏನಿಲ್ಲದಿದ್ದರೂ ಎರ್ಡ್ ಬೆರ್ಳ್ ನಷ್ಟಾರ್ ಕಮ್ಮಿ ಆಗಿದ್ದದೆ!! (ಇದ್ ಕುಪ್ಪಿ ಗ್ಲಾಸ್ ಗೆ ಹೊಯಿದ ಗ್ಯಾರ್ದಣ್ಣ್ ದರ ಅಳ್ತೆ ನೋಡ್ವ ಹಳೇ ಕ್ರಮ. ಕುಪ್ಪಿ ಗ್ಲಾಸ್ ನ ಅಡಿಂದ ಸರೀಯಾಗಿ ನಡು ಬೆರ್ಳ್ , ಕೊಡಿ ಬೆರ್ಳ್ ನ ಮಟ್ಟಕ್ಕೆ ಸರೀ ಸಿಕ್ಕೊಕು. ಅಲ್ಲಿಗೆ ಒಂದ್ ಹದಾs.. ಥರ್ಟಿ, ನೈಂಟಿಗಳ ಪ್ರಮಾಣಗಳೇ ಅಲ್ಲಿತ್ಲೆ!!). ಜೋನಿ ಬೆಲ್ಲದ ಭರಣಿಂದ ಎಲ್ಲವೂ ಬೆರ್ಳ್ ಕಂತ್ ಸಿ ತೆಗ್ದರೆ ಕಾಳಿ ಗೂಡೆ ಮಾತ್ರ ಕಂತ್ ಸಿ ದ ಜಾಗೆನ ಅಲ್ಲಿಗೇ ಪೂಜಿ ಬುಡ್ದು. ಆಗ ತೆಗ್ದದ್ ಗೊತ್ತಾದ್ಲೆ ಅಲ್ಲ!!! ಕಡೆಗೂ ಇನ್ನೊಂದ್ ದಿನ ಮಗಳ ಕರ್ಕಂಡ್ ಕಾಸಿಕೆ ಹೋದೊ ಬೆಳಿಯಪ್ಪ. ಮಡ್ಕೆಗಳೆಲ್ಲಾ ಲಾಯಿಕ್ ಲಿ ಇಸಿ, ಕರೆಲಿ ಗುಂಬ(ಸರಾಯ ತೆಗಿವ ಸಣ್ಣ ಬಾಯಿನ ಮಡ್ಕೆ)ನನೂ ಅಂಡ್ ಸಿ ಇಸಿದೊ. ಮೇಲೆ ಮಡ್ಕೆಲಿ ನೀರ್ ಬಿಸಿ ಆದದರ ಬದ್ಲಾಯ್ಸಿಕೆ 'ನೋಡಿಕ ಕೂಸು' ತೇಃಳಿ ಚಣ್ಣೀರ್ ತಾಕೆ ಚೋಡಿಗೋದೊ. ಈ ಗುಂಬಲಿ ಹನಿ ಹನಿ ಸರಾಯ ಕೂಡ್ದೇ ನೋಡಿಕೆ ಕುಸಿ.. ಆ ಘಮನ.. ಆಹಾ.. ಸರಾಯದ ಸುದ್ಧತೆ ನೋಡಿಕೆ ಒಂದ್ ಕ್ರಮ ಉಟ್ಟು. ಒಂದ್ ಒಣ್ಗಿಲ್ ಮಡ್ಲ್ (ಸೋಗೆ ಕೊಡಿ, ಬಾಳ್ಲೆ ಕೀಂತೂ ಆದೆ) ನ ಸರಾಯಕ್ಕೆ ಕಂತ್ ಸಿ ಮತ್ತೆ ಕಿಚ್ಚಿಗೆ ಹಿಡ್ದರೆ ಒಮ್ಮೆಗೆ ಅದ್ಕೆ ಕಿಚ್ಚಿ ಹಿಡ್ಕಂಡದೆ. ನೀಲಿ ನೀಲಿ ಕಿಚ್ಚಿ. ಅಲ್ಲಿಗೆ ಸರಾಯ 100% ಶುದ್ಧ!! ಒಬ್ಬನೇ ಚುರ್ಕರ ಕುದ್ದ್ ಕಂಡ್ ಕಾಲ್ ಚಿನ್ನೆರ್ಪ್ ಸಿ ಕಂಬೊದು ಯಾರಿಗೇ ಆದರೂ ಹಿಂಸೆನೇ. ಹಂಗೇ ಕುದ್ದಿದ್ದ ಬಾಲೆಕ್ಯಕ್ಕಂಗೂ ಸರಾಯ ಎಷ್ಟ್ ತುಂಬಿಟುತ ನೋಡಿಕೆ ಆಸೆ. ಅಪ್ಪ ಹೆಂಗೂ ಹಕ್ಕಲೆ ಇಲ್ಲೆ.. ನೋಡೊನೊತ ಎರ್ಡ್ ಮಡ್ಲ್ ಗೆ ಕಿಚ್ಚಿ ಹೊತ್ತ್ ಸಿ ಅದರ್ನೇ ಗುಂಬದಕ್ಕಲೆ ಹಿಡ್ದೊ!!! ನೋಡೀ.... ಕಿಚ್ಚಿ ಹಿಡ್ಕಂಡದೇ ಸರಾಯಕ್ಕೆ!! ಭೊಃಗ್ಗತ ಅಷ್ಟೆತ್ತರಕ್ಕೆ ಹೊತ್ತಿದ ಕಿಚ್ಚಿ ನಿತ್ತದ್ ಗುಂಬಲಿದ್ದ ಸರಾಯ ಒತ್ತರೆ ಹೊತ್ತಿ ಆರ್ದ ಮೇಲೆನೇ!! ಕಿಚ್ಚಿ ಕಂಡ್ ಓಡಿಬಂದ ಬೆಳಿಯಪ್ಪ ಸರಾಯ ಹೋತಲ್ಲಾತ ಹನೀಸೂ ಸಿಟ್ಟ್ ಮಾಡಿಕಣದೆ 'ನಿಂಗೆ ಏನಾತ್ಲೆಲ್ಲಾ ಕೂಸು' ತ ಹೆದ್ರಿ ಚಂಡಿ ಆಗಿ ದರ್ಪುತಿದ್ದ ಬಾಲೆಕ್ಯಕ್ಕನ ಮನೆಗೆ ಕರ್ಕ್ಂಡ್ ಹೊರ್ಟೊ. ಅಂತೂ ಬಾಲೆಕ್ಯಕ್ಕನ ಬಾಲ್ಯದಾಟಿಕೆಂದ ಅಪ್ಪ ಬೆಳಿಯಪ್ಪಂಗೆ ಇನ್ನೊಮ್ಮೆ ಸರಾಯ ಇಲ್ಲದಾಂಗಾತ್!!
 
- ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

 

 
Read More
Coorg5

ನನ್ನದಲ್ಲಾದ ನೆನಪು, ಚುಮು ಚುಮು ಚಳಿ

12 Dec 2017

ಮತ್ತೇ ಪ್ರೀತ್ಸೋಣ

ನನಗೆ ದೃಡ ವಿಶ್ವಾಸವಿದೆ.
ಜೀವನದ ಮುಸ್ಸಂಜೆಯಲ್ಲಾದರೂ
ನೀ ನನ್ನ ನೆನೆಯುವೆ ಎಂದು..
ಸವೆದು ಹೋದ ಜೀವನದ ಕವಲು ದಾರಿಯಲ್ಲಿ
ನಾನೂ ಜೊತೆಯಿರುವೆ.. ಒಂದು ಹೂವಿನ ಹಾಗೆ,
ನೀನು ಕಿತ್ತುಹೋದ ಹೃದಯದಿಂದ ಪುಟಿದು ಬಿದ್ದ
ನೆತ್ತರ ವಾಸನೆಯ ಸೂಸಿ…

ಮರಣ  ಸನ್ನಿಹಿತವಾಗಲು ಹೇಳು..!
ನಾವು ಮತ್ತೆ  ಪ್ರೀತಿಸಿ ಆರಂಭಿಸಬೇಕು..!!

ನನ್ನದಲ್ಲಾದ ನೆನಪು

ನನ್ನ ನಾಳೆಯ ಕುರಿತು ನನಗಲ್ಲ,

ಈ ಭೂಮಿ ಯಾವುದೇ ಜೀವಿಗೂ ಪ್ರವಚಿಸಲು ಸಾಧ್ಯವಿಲ್ಲ.

ಅಷ್ಟಕ್ಕೂ ಯಾವತ್ತೂ ಬಾರದ ನಾಳೆಯ ಬಗ್ಗೆ ನಂಗೇನು ಅಷ್ಟು ಕುತೂಹಲವಿಲ್ಲ.

ಈ ಬದುಕು ಈ ಕ್ಷಣದ್ದು ಅಷ್ಟೇ ಎಂದು ನಂಬುವವನು ನಾನು.

ನಾ ಈ ಪದವನ್ನು ಬೆರೆಯುವ ವೇಳೆ 'ಈ ಕ್ಷಣ' ಆಗಿದ್ದ ಈ ಹೊತ್ತನ್ನು ಇನ್ನೈದು ನಿಮಿಷದ ಬಳಿಕ ನಾ ತಿರುಗಿ ನೋಡಬಹುದು.

ಅಂಥಹ ನನ್ನ ದೃಷ್ಟಿ ಪರದೆಯಲ್ಲಿ ಶಾಶ್ವತವಾಗಿ ಉಳಿಯುವ, ನನ್ನನ್ನು ಸದಾ ಜೀವಂತವಿರಿಸುವ ಪ್ರೇರಣೆಯಾಗಿ, ಒಂಟಿಯಾದಾಗ ದಿಕ್ಕಾಗಿ, ದುಃಖಕ್ಕೆ ಸಾಂತ್ವನವಾಗಿ, ಭಾರಕ್ಕೊಂದು ಹೆಗಲಾಗಿ, ಅತ್ತ ಕ್ಷಣವ ನಗುವಾಗಿ, ನಕ್ಕ ಕ್ಷಣ ಅಳುವಾಗಿ, ಮಳೆಯ ನಂತರ ತೊಟ್ಟಿಕ್ಕುವ ಹನಿಯಾಗಿ, ಬದುಕು ಇಷ್ಟೆಯಾ ಎಂದೆನಿಸುವ ವೇಳೆ ನೀಲಾಗಸದ ತುಂಬಾ ಕಾಮನಬಿಲ್ಲಾಗಿ ಮೂಡುವ ನನ್ನ ನೆನಪುಗಳು, ಅಂತಹ ನೆನಪುಗಳ ವ್ಯಸನಿ ನಾನು.

ಆ ಕಾರಣಕ್ಕೇ ಇರಬಹುದು ನಿನ್ನೆಗಳಲ್ಲೇ ಹೆಚ್ಚು ಬದುಕುತ್ತೇನೆ......

ಚುಮು ಚುಮು ಚಳಿ

ಅಬ್ಬಾ…
ಹೊರಗಡೆ
ಚುಮು ಚುಮು ಚಳಿಯಿಂದ ಇಬ್ಬನಿ ಬಿಳ್ತಾಉಟ್ಟು
ನಾ ನಿನ್ನ
ನೆನಪ ಹೊದ್ದು
ಬೆಚ್ಚಂಗೆ ಹೊದ್ದೂ ಮಲ್ಗೀಯೋಳೆ ನೇ ಗೂಡೇ

Read More
Whatsapp image 2017 08 20 at 10.06.38 pm %281%29

ಸೋಬಾನೆ ಹಾಡುಗಳು

20 Aug 2017

ಎಣ್ಣಿ ಅರಿಶಿನ ಆಗಿ ಸ್ನಾನ ಮಾಡಿ ಬರುವಾಗ (ವರನಿಗೆ)

ಅರತಿಯೆತ್ತಿರೆ ನಾರಿಯರೆಲ್ಲರೂ ಮಾರಸುಂದರಗೆ
ಸುರ ನಾರಿಯಲೆಲ್ಲರೂ  ಹರುಷವ ತಾಳುತ ಕರುಣಾಕರನಿಗೆ 
ನೀರೊಳು ಮುಳುಗಿ ಭಾರವ ಪುತ್ತಿಹ ಧಾರಣಿಯನ್ಮತಂತೆ 
ಘೋರ ನರಸಿಂಹ ರೂಪವ ತಾಳಿದ ಬಾಲಕನನ್ನು ಪೊರೆವ
ಆರತಿ ಎತ್ತುವೆ ಬಾಲಕನಾಗಿ ಬಲಿಯದಾನವತೆಯ ಶಿರತದಿಂದ
ಸೇತುವೆ ಬಂಧಿಸ ಸೀತೆಯ ಕೂಡಿದ ಶ್ರೀ ರಘುರಾಮನಿಗೆ
ಆರತಿ ಎತ್ತುವೆ ತ್ರಿಪುರ ಸತಿಯರ ವೃತವನ್ನೇ ಕೆಡಿಸಿ
ಚಪಲನೆಂದೆನಿಸ ವಾಜಿನೇರಿ ರಾಜೀಪ ವೀರರಿಗೆ ರಾಜೀವ ನೇತ್ರತೆಯೆರು ಆರತಿ ಎತ್ತುವೆವು

 

ಹಸೆಗೆ ಕರೆಯುವ ಸೋಬಾನೆಗಳು

ಬಾರೋ ಹಸೆಗೆ ಈಗ  ಸುಂದಾರಾಂಗನೆ ಬೇಗ ಬಾರೋ
ಹಸೆಗೆ ಈಗ ಬಾರೋ ಬಂಗಾರ ಮಂಟಪಾವ ಶೃಂಗಾರ ಮಾಡಿ
ಸಂಗೀತವ ಮಾಡಿ ಭೃಂಗ ನಾಯಕಿಯರು ಬಾರೋ
ಹಸೆಗೆ ಸುರ ಚರಭರಣಂಗಳೂ ಲಾಲಿಸು ದೇವಾ
ಸುರಪುರ ಮಂದಿರ ಹಿರಿಯ ಹಸೆಗೆ ಬಾರೋ ಈಗ
ಮುತ್ತೈದೆಯರು ಸುತ್ತಮುತ್ತಲು  ಕೂಡಿ ಮುತ್ತಿನಾರತಿ
ಕೈಯಲ್ಲೆತ್ತಿ ಕಾದಿರುವರು ಬಾರೋ ಹಸೆಗೆ ಈಗ ಸುಂದಾರಂಗನೆ

 

ಆರತಿಯ ಹಾಡುಗಳು

ಬೆಳಗುವೆ ನಾ ಮಂಗಳಾದಾರತಿಯ ಬೆಳಗೊವೆನಾರತಿ
ಕಪಿವರ್ಯ ಮಾರುತಿ ಬಲವಂತ ಶ್ರೀರಾಮನದೂತನಿಗೆ
ಪೂರ್ಣಮಯ ಬೆಲಗಿನಲಿ‌ ಪುಟ್ಟಿದಾಕ್ಷಣದಲ್ಲಿ
ಸೂರ್ಯನ ಪಿಡಿಯಲು ಪೋದವಗೆ ತ್ರೇತಾಯುಗದಲ್ಲಿ
ನೀ ಕಲಿತನ ತೋರುತ ಲೋಕ ಪ್ರಸಿದ್ಧಿಯ ಪಡೆದವಗೆ
ಶರಧಿಯ ದಾಟುತ ದರಣಿಯ ನಗಳಿಗೆ ರಾಮ ಮುದ್ರಿಕೆಯನ್ನು ತೋರಿಸಿದೆ,  ದಶಮುಖನೆದುರು ದಶಬಲ ತೋರುತ
ಲಂಕೆಗೆ ಬೆಂಕಿಯನ್ನಿಟ್ಟವಗೆ ಕಷ್ಟವ ಸಹಿಸುತ
ರಾಮ ಸೇವೆಯ ಸಲಿಸಿದ ಗಾಂಗೇಯ ವರಪ್ರಭೂಗೆ
ಭಕುತರ ಇಷ್ಟಾರ್ಥವನ್ನೇ ನಿತ್ಯ ನೀಡುವ
ಚಿರಂಜೀವಿಯಾಗಿರುವ ಹನುಮಂತನಿಗೆ ಆರತಿ.

 

ಮೂಲ: ಸಂಗ್ರಹ

Read More
54545240

ಪುಂಡುನ ಗೂಡೆ ಪದ್ರಡ್ ಗಡ!!!

03 Dec 2017

    ಕೆಲವೊಮ್ಮೆ ಏನೋ ಮಾಡಿಕೆ ಹೋಗಿ ಏನೇನೋ ಆದೆ. ಗಣಪತಿನ ಮಾಡಿಕೆ ಹೋಗಿ ಅವನ ಅಪ್ಪನ  ಮಾಡ್ದ ಹಾಂಗೆ!! ಪೂರ್ತಿ ಮೊರ್ಲರ ಬೇಕರೂ ಒಂದ್ ನಮೂನೆಗೆ ಸರಿ ಮಾಡಕ್.. ಆದರೆ ಈ ಅರೆಮೊರ್ಲರ ಸರಿ ಮಾಡ್ದು ಭಾರೀ ಭಂಗ!!! ಹಂಗೇ ಇಲ್ಲೊಬ್ಬ ಅರೆಮೊರ್ಲನೇ ನಮ್ಮ "ಪುಂಡು". ಪುಂಡಿಮನೆ ನಾರ್ಣಣ್ಣನ ಕಡೇ ಮಂಙ. ಮೇಲೆಂದ ಮೇಲೆ ಸಾಲಾಗಿ ಐದ್ ಹೆಣ್ಣ್ ಮಕ್ಕಳೇ ಆದದರ ಕಂಡ್ ನಾರ್ಣಣ್ಣಂಗೆ ಭಾರೀ ಬೆಚ್ಚಲಿತ್ತ್. ಧರ್ಮಸ್ಥಳ, ಸುಬ್ರಹ್ಮಣ್ಯ ಎಲ್ಲಾ ಸುತ್ತಿ, ಕಂಡ ಕಂಡ ದೇವ್ರುಗಳಿಗೆಲ್ಲಾ ಹರ್ಕೆಹೊತ್ತ್ ಕಡೆಗೆ ದೇವ್ರ್ ಗಳಿಗೇ ಇವನ ಉಪದ್ರ ತಡೆಯಕೆ ಬೊತ್ತದಾಗಿಯೋ ಏನೋ ಕೊಟ್ಟ ಒಂದ್ ಕಿಳೆ ಮೊರಿ ಕೊಳ್ಳಿ ಕುಬೇರನೇ ಈ ಪುಂಡು. ಅದರ್ಂದಾಗಿಯೋ ಗೊತ್ಲೆ ಹೈದನ ಕಣ್ಣ್ ಚೂರ್ ಕೋಸ್, ತಿರ್ರ್ಂಟೆಲ್ ಕೆಬಿ ಒಟ್ಟಿಗೆ ಎಡ್ದ ಕಾಲ್ ಚೂರ್ ಚೊಟ್ಟೆ. ನಡ್ಯಕಾಕನ ಚೂರ್ ಏಂಟಿಕಂಡೇ ನಡಿದು. ಇನ್ನ್ ಮಾತ್ ಮಾತ್ರ..... ಆಹಾ...ಸೂಪರ್...ಕೊಂಞೆ.. ಕೊಂಞೆ.. ಕೊಂಞ್ಞೇ!!!  ಒಬ್ಬನೇ  ಮಂಙಾಂತ ಮನೆಯವೆಲ್ಲಾ ಮೋಕೆಲೇ ಸಾಂಕಿದೊ. ತಿಂಬಕೆ ಕುಡಿಯಕೆ ಬಿಣ್ಣರ ಬಿಕ್ಕರ ಬೇಕಾದಾಂಗೆ  ಬಗೆ ಬಗೆ ಮಾಡಿ ಅಯ್ಯೆ ಇಕ್ಕಿರೆ, ಅಕ್ಕಂದ್ರ್ ಇವಂಗೆ ಕುಂಡೆ ಪೊಕ್ಕ್ ಸಿ ಒಂದೂ ಕೆಲ್ಸ ಮಾಡಿಕೆ ಬುಡಿಕಿಲೆ. ಹಂಗಾಗಿ ಪುಂಡುನ ಪ್ರಾಯದೊಟ್ಟಿಗೆ ದೇಹ ಬೆಳ್ತಷ್ಟೇ ಹೊರ್ತ್ ಬುದ್ಧಿ ಮಾತ್ರ ಬೆಳ್ತೇಲೆ!!!

          ನಾರ್ಣಣ್ಣಂಗೂ ಪ್ರಾಯ ಆಕಂಡ್ ಬಾತ್. ಮುನ್ನೂರು ಮುಡಿ ಗದ್ದೆ, ಇಪ್ಪತೈದ್ ಖಂಡಿ ಅಡ್ಕೆ, ಕೆಲ್ಸದವರೆಲ್ಲಾ ನೋಡಿಕಂಬೊದು ಇನ್ನ್ ಇನ್ನ್ ಆಕೇಲೇ. ಈ ಪುಂಡುಗೋ ಗದ್ದೆ ಪುಣಿಲಿ ನಡ್ದ್ ಹೋಗಿಯೇ ಗೊತ್ಲೆ. ಇನ್ನ್ ಬೇಸಾಯ ನೋಡಿಕಂಬೊದೆಲ್ಲಿಂದ??!! ಆಗ ಹೊಳ್ದ ಐಡಿಯಾನೇ ಮಂಙಂಗೆ ಮೊದ್ವೆ ಮಾಡ್ದೂಂತ.. ಹುಚ್ಚು ಬುಡದೆ ಮೊದ್ವೆ ಆಕಿಲೆ.. ಮೊದ್ವೆ ಆಗದೆ ಹುಚ್ಚು ಬುಡಿಕಿಲೆ ಎಂಬಾಂಗೆ!! ಹಂಗಾರ್ ಜವಾಬ್ದಾರಿ ಬಾದೂಂತ ಆಸೆ. ಸುಮಾರ್ ಕಡೆ ಹುಡ್ಕಿ ಕಡೆಗೆ ಚಾಳೆಅಡಿ ಸೇಸಪ್ಪನ ಎರಡ್ನೇ ಮಗ್ಳ್ "ಚಾಮುಣಿ" ನೊಟ್ಟಿಗೆ ನೆಂಟಸ್ತಿಕೆ ಗಟ್ಟಿ ಆತ್. ಸೇಸಪ್ಪನೂ ನಾಕ್ ಹೆಣ್ಣ್ ಮಕ್ಕಳ ಅಪ್ಪ. ಮಗಕ್ಕಳಿಗೆ ಗಂಡ್ ಹುಡ್ಕಿ ಹುಡ್ಕಿ ಸಾಕಾಗಿ 'ಹೆಂಗಿದ್ದರೂ ಆಸ್ತಿ ಬೊದ್ಕ್ ಧಾರಾಳ ಉಟ್ಟೂಂತ' ಒಮ್ಮೆ  ಇದ್ ದಾಟ್ರೆ ಸಾಕ್ ತೇಳಿ ಬೊಯಿದ್ ಮಗ್ಳ ಮೊದ್ವೆಗೆ ಒಪ್ಪ್ ಸಿತ್. ಸುತ್ತ ಹತ್ತೂರ್ ಲೇ ಇಲ್ಲದ ಭಾರೀ ಗೌಜಿನ ಮೊದ್ವೆ. ಹತ್ತ್ ಕುಟುಂಬ ಹದಿನೆಂಟ್ ಗೋತ್ರದ ಬಂಧು ಬಾಂಧವರು ನೆಂಟರಿಷ್ಟರು ಮುಂತಾದ ಸ್ವಜಾತಿ ಗೃಹಸ್ಥರು ಸೇರ್ದಲ್ಲಿಂದ ಕೈಯೆತ್ತಿ ಕನ್ಯಾಧಾರೆ ಹೊಯ್ಸಿ ಚಾಮುಣಿ ಎಂಬ ಸೊಸೆನ ಮನೆ ಸೇರ್ಸಿಕಂಡೊ ನಾರ್ಣಣ್ಣ. ಗೂಡೆ ಸುಮಾರಾಗಿ ಲಾಯಿಕ್ಕೇ ಇದ್ದರೂ, ಅದ್ಕೆ ಅಡಿ ಪೊಡಿನೂ ಒಂಬದ ಹೈದ ಪುಂಡು!! ಆದರೂ ಬಂದವೆಲ್ಲಾ 'ದೊಡ್ದವರ ಮೊದ್ವೆ ಅದೆಲ್ಲಾ ನೋಡಿಕುಟ್ಟಾ'ತ ಸಮಾ ಉಂಡ್ ಮೊದ್ ಮಕ್ಕಳಿಗೆ ನೊಮ್ಸ್ಕಾರ ಹಾಕಿ ಹೋದೊ.

             ದಿನ ಕಳ್ದಾಂಗೆ ಚಾಮುಣಿಗೆ ಪುಂಡುನ ದಿನಚರಿಗಳೆಲ್ಲಾ ಒಂದೊಂದಾಗಿ ಅರ್ಥ ಆಗ್ತುಟ್ಟು. ಬರೇ ಬೇಜವಾಬ್ಧಾರಿ.. ಉದಾಸೀನದ ಮಾರಿ... ಕತ್ತಲೆ ಆದರೆ ಮಲ್ಗಿ ಗೂರೆಳ್ಯಕೇ ಕಾದ್ ಕಂಡಿರ್ದು!! ಹಾಕ್ಯಂಡ ಕಾಚ ಸಮೇತ ಒಗ್ಕಂಬ್ಬಕ್ಕೆ ಗೊತ್ಲೆ!! ಇನ್ನ್ ಬೇರೆ ವಿಷಯಗೆಲ್ಲಾ ಎಲ್ಲಿಂದ.... ಈ ಚಾಮುಣಿನೋ... ಚೂರು ಉಸಾರ್ ನ ಗೂಡೆ. ಪೇಟೆ ಸುತ್ತಿ ಗೊತ್ತಿದ್ದ ಆಳ್. ಮನೆಲೇ ಇರ್ಕೆ ಸರಿ ಆದುಲೆತ ಅತ್ತೆನ ಹೆಡ್ಡ್ ಮಾಡಿ ಟೈಲರಿಂಗ್ ಕ್ಲಾಸ್ಗೆ ಹೋಕೆ ಸುರು ಮಾಡ್ತ್. ಯಾಗೋಳು ಪೇಟೆ ನೋಡಿ ನೋಡಿ ಅದುವೇ ರುಚಿ ಅನ್ಸ್ತುಟ್ಟು. ಚಾಮುಣಿ ಹಳ್ಳಿ ಗೂಡೆ ಆದರೆ ಏನ್.. ಅದ್ಕೂ ಆಸೆ ಇರ್ದುಲೆನಾ? ಹಿಂಗೇ ಪೇಟೆ ಕಡೆ ಹೋಗಿ ಹೋಗಿ... ಬಸ್ಸ್ ನ ಕಂಡೆಕ್ಟರೊಟ್ಟಿಗೆ ಪರಿಚಯ ಆತ್... ಪರಿಚಯ ಸ್ನೇಹನೂ ಆಗಿ ಒಂದಿನ ಅವನೊಟ್ಟಿಗೇ "ಪಣಾಂದೆ ಪದ್ರಡ್!!". ಪುಂಡುನ ಸರಿ ಮಾಡಿಕೆ ಹೋಗಿ ಮನೆ ಮರ್ಯಾದೆನೇ ಕಳ್ಕಂಡತ್ ನಾರ್ಣಣ್ಣ. ಇನ್ನ್ ಪುಂಡುನೋ "ಕೊಣ್ಯಕೆ ಗೊತ್ತಿಲ್ಲದಂವ ನೆಲ ಡೊಂಕುತ ಹೇಳ್ದಾಂಗೆ", ಆ ಚಾಮುಣಿನ ಗುಣನೇ ಸರಿ ಇಲ್ಲೇಂತ ಊರಿಡೀ ಹೇಳಿಕಂಡ್ ಸುತ್ತಿದೆ.  ಅಲ್ಲಿಂದ ಮೇಲೆ ಒಂದ್ ಹೋಗಿ ಇನ್ನೊಂದ್ ಆಗುವ ಕೆಲ್ಸಗಳಿಗೆ  "ಪುಂಡುನ ಗೂಡೆ ಪದ್ರಡ್ ಹಾಕಿದಾಂಗೆ ಆದು ಬೇಡ ಮಾರಾಯ!!" ಎಂಬ ಮಾತ್ ಬೈಲ್ ನ ಜನಗಳ ಬಾಯಿಗೆ ಬಂದುಟು...


ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

Read More