Bangalore

ಬೆಂಗ್ಳೂರ್ ಲಿ ಅಂಗೈ ಅಗಲ ಜಾಗೇ ಇದ್ದಿದ್ದರೇ…

ಬೆಂಗ್ಳೂರ್ ಲಿ ಅಂಗೈ ಅಗಲ ಜಾಗೇ ಇದ್ದಿದ್ದರೇ…??!! “ಸಣಪಾ.. ನಂಗೆ ಬೆಂಗ್ಳೂರ್ ಲಿ ಬೆರೀ ಅಂಗೈ ಅಗಲ ಜಾಗೇ ಇದ್ದಿದ್ದರೇ ..?” ತೇಳಿಕಂಡ್ ಕುಂಞಣ ಕೂಜಿನಾಂಗೆ ಕೂಕುಳು ಹಾಕಂಡ್ ನನ್ನಕ್ಕಲೆ ಬಂದ್ ಎಲಾಡ್ಕೆಗೆ ಕೈ ಒಡ್ಡಿ ನಿತ್ತತ್..! “

 

ಏನಾತ್ ನೇ… ಆರ್ಬಾಯಿ ಕೊಟ್ಟ್ ಕಂಡ್ ಈಗ ಬಂದಿಯ? ಸುಮಾರ್ ದಿನ ಆತ್ ನಿನ್ನ ಕಾಣದೆ..ಎತ್ತ ಹೋಗಿದ್ದನೆ..?”

“ಅಯ್ಯೋ ಸಣಪಾ.. ಬೆಂಗ್ಳೂರಿಗೆ ಹೋಗಿದ್ದೆ ಬಲರಿಯಾ.. ಬೆಂಗ್ಳೂರ್ ಗೆ..! ಹೆಣ್ಣ್ ನನ್ನ ಜೋಬಿಗೆ ಎರ್ಡ್ ಸಾವ್ರ ನೋಟ್ ನ ತುಂಬಿಸಿ ಮಗಳ ನೋಡಿಕಂಡ್ ಬನ್ನಿಂತ ಬೆಂಗ್ಳೂರ್ಗೆ ಕಳ್ಸಿತ್..! ನನ್ನಕ್ಕಲೆ ಇದ್ದ ಚಿಲ್ಲರೆನ ಬಸ್ಸ್ ಗೆ ಕೊಟ್ಟ್ ಕಿಡ್ಕೆ ಕರೇ ಸೀಟ್ ಲಿ ಸುಂರ್ಟಿ ಮಲ್ಗಿದವಂಗೆ “ಮೆಜೆಸ್ಟಿಕ್ ..ಮೆಜೆಸ್ಟಿಕ್ .”.ತ ಕರಿಯಕನನೇ ಎಚ್ಚಿರ್ಕೆ ಆದ್..! ತಬ್ಬುರ್ಸಿ ಚೀಲ ಕೋಸಿಕಂಡ್ ಇಳ್ದದ್ ಒಂದ್ ಗೊತ್ತುಟು..

ಉಚ್ಚೆ ಬಂದ್ ಅಂಡಿ ಹೋಗಿ ತಡೆಕೆ ಬೊತ್ತು…! ಉಚ್ಚೆ ಹೊಯಕೇಂತ ಟಾಯ್ಲೆಟ್ ಗೆ ಹೋದರೆ ಅಲ್ಲಿ ಸೊಸೈಟಿಲಿ ಸೀಮೆಣ್ಣೆ-ಸಕ್ಕರೆಗೆ ಕ್ಯೂ ನಿತ್ತಾಂಗೆ ನಿತ್ತಳೋ..! ಅಂತೂ ನಿತ್ತ್ ನಿತ್ತ್..ಹೇಂಗಾರ್ ಹೊಯ್ದ್ ಹೊರೆಗೆ ಬಂದರೆ ಎದ್ ರ್ ಒಬ್ಬ ಟೇಬುಲ್ ಕುರ್ಚಿ ಹಾಕಿ ಕಾಲ್ ಮೇಲೆ ಕಾಲಾಕಿ ಟಚ್ ಸ್ಕ್ರೀನ್ ಮೊಬೈಲ್ ಒತ್ತಿಕಂಡ್ ಮೂರು ರುಪಾಯಿ ಚಿಲ್ಲರೆ ಕೊಡಿಂತ ಕೇಳ್ತ್.. ನಾ ಎರ್ಡ್ ಸಾವ್ರದ ನೋಟ್ ತೆಗ್ದೆ..! ಅಂವ ನನ್ನ ಮುಸುಂಡುನನೇ ನೋಡಿ ಹೆದ್ರಿಸಿ “ಹೋಗು ಚೇಂಜ್ ತಕೊಂಡ್ ಬಾ..” ಅಂತ ಏಕವಚನಲಿ ಬೊಯ್ತ್ ಸಣಪಾ…!! ನನ್ನ ಪಿತ್ತ ಒಮ್ಮೆ ಕೆದರ್ತ್…ಅಂವ ಮೂರು ಕಾಸ್ ನ ವ ಊರುಲಿ ಮನಿ ಸಿಕ್ಕ ಕಾಯ್ತ್ …ಅವನ ಸಂತಾನ ಮುತ್ತಿ ಅಡ್ಸಿದ್ದೆ..!

ಏನ್ ಮಾಡ್ದು ಸುಟ್ಟೆ ಹೋಗಲಿಂತ ಮೂರ್ನಾಕ್ ಅಂಗ್ ಡಿಲಿ ಚಿಲ್ರೆ ಕೇಳ್ದೆ..! ಅಕೇರಿಗೆ ಮೂವತ್ರುಪಾಯಿಗೆ ಅರ್ಧ ಕುಪ್ಪಿ ನೀರ್ ತಕಂಡ್ ಉಚ್ಚೆ ಹೊಯ್ದದಕ್ಕೆ ಮೂರು ರುಪಾಯಿ ಚಿಲ್ಲರೆ ಕೊಟ್ಟ್ ಹೇಂಗಾರ್ ಹೊರೆಗೆ ಬಂದೆ..!

ನೀವೆ ಹೇಳಿ ಸಣಪಾ…ನಿಮ್ಮ ಮೂರೆಕ್ರೆ ಕಾಫಿ, ಐನೂರು ರಬ್ಬರ್, ಎರ್ಡ್ ಕಂಡಿ ಅಡ್ಕೆನೂ, ತಿಂಬಕ್ಕೆ ಬತ್ತನೂ ..ಇಷ್ಟೆಲ್ಲಾ …ಇದ್ದು… ನಿಮ್ಮಕ್ಕಲೆ ಒಂದ್ ಒಳ್ಳ ಅಪ್ಪಂಗುಟ್ಟಿದ ಮೊಬೈಲ್ ಉಟ್ಟಾ..? ಅದ್ಕೇ ಹೇಳ್ದ್ ..ನನ್ನಪ್ಪ ಇಲ್ಲಿ ಇಷ್ಟೇಲ್ಲಾ …ಜಾಗೆ ಜಮ್ಮ ಮಾಡುವಲ್ಲಿಂದ ಬೆಂಗ್ಳೂರ್ ಲಿ ಅಂಗೈ ಅಗಲ ಜಾಗೇ ಮಾಡಿಸಿದ್ದರೆ…?” “

ಅಯ್ಯೆನ ಬಂಡೆ ಪರಮಾತ್ಮಾ…ಬೆಂಗ್ಳೂರು … ಹಿಂಗಾಗುಟ್ಟನೇ,,,? ಒಂದ್ ಕುಪ್ಪಿ ನೀರ್ ಗೆ ಮೂವತ್ರುಪಾಯಿ. ಅದರ ಕುಡ್ದರೆ ಹೊಯ್ದ ಚಾರ್ಜ್ ಮೂರು ರುಪಾಯಿ..! ಆಕಿಲೆ ಬಲಾ…ಎಲ್ಲಾ ಕಲಿ ಮೈಮೆ ಮೀರಿ ಹೋತ್..! ನೀ ಒಂದ್ ಕೆಲ್ಸ್ ಮಾಡ್.. ನೀನೂ ಬೆಂಗ್ಳೂರ್ ಲಿ ಅಂಗ್ ಡಿ ಓಪನ್ ಮಾಡಿ ಒಂದು ಪುಡೆಲಿ ನೀರೂ ..ಇನ್ನೋಂದು ಪುಡೆಲಿ ಟಾಯ್ಲೆಟ್ ಗೂ ವ್ಯಾಪಾರ ಮಾಡ್.. ನಿಂಗೆ ಎರ್ಡೂ ಕಡೆಂದಳೂ..ದುಡ್ಡುಂತೇಳಿ” ನಾ ನೆಗಾಡಿಕಂಡ್ ಉಮ್ಮುಣ್ಣಿ ಕಚ್ಚಿಸಿಕಂಡ್ ಕೊಕ್ಕ ಕೊಯ್ಯಕ್ಕೆ ಹೋದೆ…!!.

-ಲೋಕೇಶ್ ಊರುಬೈಲು

Comments

Img 20170806 110431
Kushan Gowdudhare Laika uttu bhavajii
over 2 years ago
20170811 184337
Nagashree Gowda Gowji ☺
over 2 years ago
Img 20170624 143109 1
bharth kumar super bava
over 2 years ago
Beautyplus 20170617101342 fast
Bhavya kotimane
over 2 years ago
Beautyplus 20170617101342 fast
Bhavya kotimane Super
over 2 years ago
Img 0059
Hemu Supr
over 2 years ago

Other articles

4f7e7bae5deb3dcda3d1f032e5a7c0df  cute family pictures pictures of

ಮನದ ಮಾತು...

08 Sep 2017

ಒಬ್ಬ ಗುರುಗಳು ಆತನ ಹತ್ತಿರ ಕೇಳುತ್ತಾರೆ 
" ನೀವು ಏನು ಕೆಲಸ ಮಾಡುತ್ತಿದ್ದೀರಾ..?

ಆತ - ನಾನು ಬ್ಯಾಂಕ್ ನಲ್ಲಿ ಅಕೌಂಟೆಂಟ್.

ಗುರು - ನಿಮ್ಮ ಪತ್ನಿ ?

ಆತ - ಆಕೆಗೆ ಕೆಲಸವಿಲ್ಲ ಹೌಸ್ ವೈಫ್.

ಗುರು - ಯಾರು ಬೆಳಗಿನ ಟೀ ತಿಂಡಿಗಳನ್ನು ತಯಾರಿಸೋದು?

ಆತ - ನನ್ನ ಪತ್ನಿ , ಯಾಕೆಂದರೆ ಆಕೆಗೆ ಕೆಲಸವಿಲ್ಲ.

ಗುರು - ಟೀ ತಿಂಡಿಗಳನ್ನು ಮಾಡಲು ಆಕೆ ಎಷ್ಟು ಗಂಟೆಗೆ ಏಳುತ್ತಾಳೆ ?

ಆತ - ಐದು ಗಂಟೆಗೆ. ತಿಂಡಿಗಳನ್ನು ಮಾಡೋದಕ್ಕೆ ಮುಂಚೆ ಮನೆಯನ್ನೆಲ್ಲಾ ಕ್ಲೀನ್ ಮಾಡುತ್ತಾಳೆ.

ಗುರು - ನಿಮ್ಮ ಮಕ್ಕಳು ಹೇಗೆ ಶಾಲೆಗೆ ಹೋಗೋದು?

ಆತ - ನನ್ನ ಪತ್ನಿ ಕರಕ್ಕೊಂಡು ಹೋಗುತ್ತಾಳೆ, ಆಕೆಗೆ ಕೆಲಸವಿಲ್ಲ.

ಗುರು - ಮಕ್ಕಳನ್ನು ಶಾಲೆಗೆ ಬಿಟ್ಟು ಬಂದ ನಂತರ ನಿಮ್ಮ ಪತ್ನಿ ಏನು ಮಾಡುತ್ತಾಳೆ?

ಆತ - ಮಾರ್ಕೆಟ್ ಗೆ ಹೋಗುತ್ತಾಳೆ, ಅಲ್ಲಿಂದ ಬಂದು ಮಧ್ಯಾಹ್ನದ ಊಟ ರೆಡಿ ಮಾಡುತ್ತಾಳೆ, ಬಟ್ಟೆಗಳನ್ನು ಒಗೆಯುತ್ತಾಳೆ. ಹೂ ಗಿಡಗಳಿಗೆ ನೀರು ಹಾಕುತ್ತಾಳೆ,  ಯಾಕೆಂದರೆ ಆಕೆಗೆ ಕೆಲಸವಿಲ್ಲ.

ಗುರು - ಸಂಜೆ ನೀವು ಮನೆಗೆ ಬಂದು ಏನು ಮಾಡುತ್ತೀರಿ ?

ಆತ - ರೆಸ್ಟ್ ಮಾಡುತ್ತೇನೆ. ಕಾರಣ ನಾನು ಕೆಲಸಕ್ಕೆ ಹೋಗಿ ಬಂದದ್ದರಿಂದ ಸುಸ್ತಾಗಿರುತ್ತೇನೆ.

ಗುರು - ಆಗ ನಿಮ್ಮ ಪತ್ನಿ ಏನು ಮಾಡುತ್ತಾಳೆ ?

ಆತ - ನನಗೆ ಮತ್ತು ಮಕ್ಕಳಿಗೆ ಸಂಜೆಯ ಟೀ ತಿಂಡಿಯನ್ನು ಕೊಟ್ಟು , ರಾತ್ರಿಯ ಊಟ ರೆಡಿಮಾಡಿ ಮಕ್ಕಳಿಗೆ ತಿನ್ನಿಸಿ ನನಗೂ ಬಡಿಸಿಕೊಡುತ್ತಾಳೆ. ನಂತರ ಪಾತ್ರೆಗಳನ್ನೆಲ್ಲಾ ಕ್ಲೀನ್ ಮಾಡಿ ಮಕ್ಕಳಿಗೆ ಪಾಠವನ್ನು ಹೇಳಿಕೊಟ್ಟು ಮಲಗಿಸುತ್ತಾಳೆ.

" ಬೆಳಗಿನಿಂದ ಮಧ್ಯರಾತ್ರಿಯವರೆಗೆ ಕಷ್ಟಪಟ್ಟು ದುಡಿದರೂ ಹೇಳುವುದು ಆಕೆಗೆ ಕೆಲಸವಿಲ್ಲ."


ಹೌಸ್ ವೈಫ್ ಆಗಲು ಯಾವುದೇ ಪದವಿಯ ಅಗತ್ಯವಿಲ್ಲ,  ಆದರೆ ಅವರ ಸಾನ್ನಿಧ್ಯ ಬಹಳ ಪ್ರಧಾನವಾಗಿದೆ.

ಮತ್ತೆ ಒಂದು ದಿನ ಗುರುಗಳು ಆತನ ಪತ್ನಿಯ ಬಳಿ ಕೇಳುತ್ತಾರೆ ನೀವು ಕೆಲಸ ಮಾಡುತ್ತಿದ್ದೀರಾ ಅಥವಾ ಹೌಸ್ ವೈಫಾ?

ಆಕೆ - ಹೌದು ನಾನು ಫುಲ್ ಟೈಮ್ ಕೆಲಸ ಮಾಡುವ ಹೌಸ್ ವೈಫ್ ಆಗಿದ್ದೇನೆ.

24 ಗಂಟೆಯಾಗಿದೆ ನನ್ನ ಡ್ಯೂಟಿ.

ನಾನು ಅಮ್ಮನಾಗಿದ್ದೇನೆ,

ನಾನು ಪತ್ನಿಯಾಗಿದ್ದೇನೆ,

ನಾನು ಮಗಳಾಗಿದ್ದೇನೆ,

ನಾನು ಸೊಸೆಯಾಗಿದ್ದೇನೆ,

ನಾನು ಆಲಾರಂ ಆಗಿದ್ದೇನೆ,

ನಾನು ಕುಕ್ ಆಗಿದ್ದೇನೆ,

ನಾನು ದಾಸಿಯಾಗಿದ್ದೇನೆ,

ನಾನು ಟೀಚರ್ ಆಗಿದ್ದೇನೆ,

ನಾನು ವೈಟರ್ ಆಗಿದ್ದೇನೆ,

ನಾನು ದಾದಿಯಾಗಿದ್ದೇನೆ,

ನಾನು ವಾಚ್ ಮೆನ್ ಆಗಿದ್ದೇನೆ,

ನಾನು ಗುರುವಾಗಿದ್ದೇನೆ,

ನನಗೆ ರಜಾದಿನಗಳಿಲ್ಲ,

ನನಗೆ ಮೆಡಿಕಲ್ ರಜೆಗಳಿಲ್ಲ,

ನಾನು ಹಗಲು ಮತ್ತು ರಾತ್ರಿ ದುಡಿಯುವ ಸೇವಕಿಯಾಗಿದ್ದೇನೆ.

ಕೊನೆಗೆ ನನಗೆ ಸಿಗುವ ಸಂಬಳ  ಬರೀ ದೂರುಗಳು ಮತ್ತು ಚುಚ್ಚು ಮಾತುಗಳು ಮಾತ್ರ.......

12 27 20 9k

ಮಳೆ ಜೋರುಟ್ಟು

08 Aug 2017

"ಈ ಸರ್ತಿ ಮಳೆ ಜೋರುಟ್ಟು."

 

ಕೊಟೆಗೆನ ಮೂಲೆಲಿ ಮೊಣ್ಣ್ ಮೆತ್ತ್ ಸಿಕಂಡ್,

ಹಡ್ಲ್ ಬಿದ್ದಿದ್ದ ಹಲ್ಸ್ ನೆಕ್ಕಿ.

ಈಗೀಗ ಗೈಪುಲಿ ಸರಾಗ ಸಿಕ್ತುಟ್ಟು..

 

ಬೆಸಗೆಲಿದ್ದ ಹಪ್ಪಳ ಮುಕ್ಕಂಡ್ ಬಾತುಟ್ಟು

ಗೋಡೆಲಿ ತೂಗ್ ತಿದ್ದ ಬೀಜದ ಚೀಲ

ಹಿಂಬೊತಾಕನ ನಿರೊಡಿನೊಲೆಕರೆಲುಟ್ಟು.

 

ಹೀಂಗೇ ಬೈಲ್ ಕರೆ ತಿರ್ಗಿದ್ ಬಾಕರೆ

ಹೆಡೆಗಲಿ ತುಂಬ್ವಷ್ಟ್ ಅಳುಂಬುಟ್ಟು.

ಕಾಡ್ ತಿರ್ಗಿರೆ, ಮೊರ್ದಿನ ಕನಲೆ ಗೈಪುಟ್ಟು .

 

ನಾವ್ ಚೋಡಿಕರೆಗೋದರೆ ಮನಿ

ಮುಗುಡು ಹಾವ್ಮೀನ್ ಕಲ್ಲ್ ಮುಳ್ಳ ಸಿಕ್ಕುದು

ಅಂದಿರ್ಲ್ ನಾವ್ಗೆ ಹುಳ್ಳಂಗೆ ಉಂಬಕಿರ್ದು

 

ಹೀಂಗೆ ಬರಿಯಕೆ ವಿಸಯ ಸುಮಾರುಟ್ಟು.

ವಿಸೇಸ ಅಲ್ಲತ್ಲರ್ನು....

ಈ ಸರ್ತಿ ಆಟಿನ ಮಳೆ ಜೋರುಟ್ಟು...

ದಿನ ಇಡಿ ಮಳೆ ಬುಡಾದೆ ಬಂದರ್ನೂ..

ಗೌಜಿ ಗಮ್ಮತ್ ಮನೆ ಒಳೆಗೇ ನಡೆತುಟ್ಟು.

 

:ಮನೋಜ್ ಕುಡೇಕಲ್ಲ್

April fools day 2017 picture

ಮರೆಯಕ್ಕೇ ಆಗದ ಎಪ್ರಿಲ್ ಒಂದ್!!!

01 Apr 2018

   "ಓಯ್... ಹಿಂದೆ ನೋಡು.. ಯಾರೋ ನಿನ್ನ ಕರ್ದವೆ"... ತಿರ್ಗಿರೆ ಯಾರೂ ಇಲ್ಲೆ!!.."ಎಪ್ರಿಲ್ ಫೂಲ್....ಎಪ್ರಿಲ್ ಫೂಲ್"... ನೋಡ್ರೆ ದೋಸ್ತಿ 'ಕೆಬಿಲಿ ಗಾಳಿ ಹುಗ್ಗಿದ ಕರ್ ನಾಂಗೆ' ಹಾರಿ ಕೊಣ್ಕಂಡ್ ನೆಗಾಡ್ತುಟ್ಟು..ನಾವು ಚಪ್ಪೆಮೋರೆ ಹಾಕಿ ಒರುಂಗಿಸಿ ಮುಂದೆ ಹೋದವೆ. ಈ ಮಂಗಾಟ  ನಾವೆಲ್ಲ  ಪ್ರೈಮರಿ ಶಾಲೆಲಿ ಇರ್ಕಾಕನ ಅನ್ಭವ್ಸಿದವೇ. ಹಂಗೇ ಬರ್ತುಟ್ಟು ಎಪ್ರಿಲ್ ಒಂದ್... ಮತ್ತೆ ಅದೇ "ಫೂಲ್ಸ್ ಡೇ"... ಮೂರ್ಖರ ದಿನ...ಅದೆಷ್ಟೇ ಎಪ್ರಿಲ್ ಒಂದ್ ಬಂದ್ ಹೋದರೂ ನಾ ನನ್ನ ದೋಸ್ತಿ "ಎಂಪಿ" ನ ಫೂಲ್ ಮಾಡ್ದ್ ಮಾತ್ರ ಮರ್ತೇ ಹೋದ್ಲೆ. ಅಂವ ಬರೇ ಪಾಪದ ಹೈದ. ನಾ ಎಷ್ಟ್ ಉಪದ್ರ ಕೊಟ್ಟರೂ ಬುಟ್ಟ್ ಹೋಕಿಲೆ... ನಳ್ಳ್ ನಾಂಗೆ!!(ದೋಸ್ತಿ ಹೇಳ್ದು ಅದ್ಕೇ ಅಲ್ಲ).ಆ "ಎಂಪಿ" ಬೇರೆ ಯಾರೂ ಅಲ್ಲ. ನನ್ನ "ಹುಡ್ಗಾಟದ ಹುಡ್ಕಾಟ" ಲಿ ನನ್ನೊಟ್ಟಿಗೆ "ಇಸ್ತ್ರಿ ಪೆಟ್ಟಿಗೆ ಮೇಲೆ, ದುಂಡು ತಳದ ಫ್ಲಾಸ್ಕ್ ಲಿ ಗ್ಯಾರ್ದಣ್ಣ್ ದರ ಕಾಸಿಕೆ ಕೈ ಜೋಡ್ಸಿದ್ದ ಅದೇ ಕೊರುಂಬ!!!". 

               ಮಾರ್ಚಿ 31ಕ್ಕೇ ಎಂಪಿ ಮಲ್ಗಿದ ಮೇಲೆ ಮೆಲ್ಲ ಅಂವನ ಮೊಬೈಲ್ ತೆಗ್ದ್, ಅದರ್ಲಿ ನನ್ನ ಹೆಸ್ರ್ ನ " Airtel Customer Care" ಅಂತ ಬದ್ಲಾಯ್ಸಿ, ಸದ್ದಿಲ್ಲದ ಕೊತ್ತಿನಾಂಗೆ ಹೋಗಿ ಮಲ್ಗಿದೆ.( ಹಳೇ ನೋಕಿಯಾ  ಮೊಬೈಲ್.. ಪಾಸ್ ವರ್ಡ್ ಹಾಕಿ ಇಸಿಕೆ ಆದೇಂತಲೂ ಗೊತ್ಲೆ…  ಕೆಪ್ಪಂಗೆ).ಮಾರ್ನೆ ದಿನ ಬೊಳ್ಪಿಗೆ ಘಂಟೆ 11 ಕಳ್ದರೂ ಇಂವ ರೂಮುಂದ ಹೊರಗೆ ಬಾದೇ ಕಾಂಬೊದ್ಲೆ. ಹೋಗಿ ನೋಡ್ರೆ 'ಜಾತ್ರೆಲಿ ಐಸ್ಕ್ರೀಂ ಕೊಡ್ಸದ ಮಕ್ಕ ಕುಸು ಕುಸು ಮರ್ಡುವಾಂಗೆ' ತಲೆದಿಂಬೊಳಗೆ ಮೋರೆ ಇಸಿ ಕುಸುಕುಸು ಮಾಡ್ತುಟ್ಟು. ಎದ್ರಿಸಿ ಕೇಳ್ದೆ... "ಯಾವ ಗೂಡೆನ ಹುಲಿಹೊತ್ತತೂಂತ ಹಿಂಗೆ ನರ್ಕಿಯ? ಅಲ್ಲಾ... ಮೊನ್ನೆ ಹಾಯ್ ಹೇಳ್ದ ಗೂಡೆ ಇಂದ್ ಅಣ್ಣಾಂತ ಮೆಸೇಜ್ ಮಾಡಿಟಾ ಹೇಂಗೆ!!". ಅಂವ ತಲೆದಿಂಬುದ ತಲೆ ಎತ್ತದೆ ಕೈಲಿದ್ದ ಮೊಬೈಲ್ ನನ್ನ ಮುಸುಂಡ್ ಗೆ ಹಿಡ್ತ್.  ನೋಡ್ರೆ "ಪ್ರಿಯರೇ.. ನಮಸ್ಕಾರ..ನೀವು ಈ ಹಿಂದಿನ ದಿನಗಳಲ್ಲಿ ನಮ್ಮ ಇತರೆ ಚಂದಾದಾರರಿಗೆ ಅನುಚಿತ ಕರೆ, ಅಶ್ಲೀಲ ಸಂದೇಶಗಳನ್ನು ಕಳುಹಿಸಿದ್ದು, ನಿಮ್ಮ ಕುರಿತಾಗಿ ದೂರು ದಾಖಲಾಗಿದೆ. ಹಾಗಾಗಿ ನಿಮ್ಮ ಸಂಪರ್ಕವನ್ನು ಕಡಿತಗೊಳಿಸಲು ಪ್ರಥಮವಾಗಿ ಪೋಲೀಸ್ ವಿಚಾರಣೆಗೆ ಒಳಪಡುವುದು ಅತೀ ಅವಶ್ಯ. ಸದ್ಯದಲ್ಲೇ ನಮ್ಮ ಅಧಿಕಾರಿಗಳು ಪೋಲೀಸರೊಂದಿಗೆ ಆಗಮಿಸಿ ನಿಮ್ಮ ಮೊಬೈಲನ್ನು ವಶಪಡಿಸಿ ವಿಚಾರಣೆ ನಡೆಸುವರು. ದಯವಿಟ್ಟು ಸಹಕರಿಸಿ. ಧನ್ಯವಾದಗಳು".   Sent From : Airtel Customer Care..  ಇಂವ  ಎದ್ದ್ ಕುದ್ದ್ "ನಾ ಯಾರಿಗೆ ಏನ್ ಅನ್ಯಾಯ ಮಾಡ್ಯಳೆ? ಯಾವ ಗೂಡೆಗಳ ನಂಬರ್ರೂ ನನ್ನಕ್ಕಲೆ ಇಲ್ಲೆ. ಬಂದ ಮೆಸೇಜ್ ಗಳ ಸರಿ ಓದಿಕೂ ಗೊತ್ಲೆ.. ಇನ್ನ್ ನಾ ಯಾರಿಗೇಂತ ಕಳ್ಸಿನೆ. ನನ್ನ ಬಗ್ಗೆ ನಿಂಗೆ ಗೊತ್ಲೆನಾ?.. ಇನ್ನ್ ಪೋಲೀಸ್ ಬಂದೋಂತ ಗೊತ್ತಾದರೆ ಅಪ್ಪ ನನ್ನ ಬೆರ್ಸಿ ಬೆರ್ಸಿ ಬೊಡ್ಯೊವೋ..." ಹೇಳಿಕಂಡ್ ಕಣ್ಣ್ ಲಿ ಮೂಂಕುಲಿ ನೀರ್ ಅರ್ಸಿಕೆ ಸುರು ಮಾಡ್ತ್. "ಸರಿ ಬುಡ್... ಎಲ್ಯೋ  ತಪ್ಪಿ ಬಂದಿರೊಕು. ಸತ್ಯಕ್ಕೂ ಕಂಪ್ಲೇಂಟ್ ಬಂದಿದ್ದರೆ ಅವು ಒಮ್ಮೆ ಕಾಲ್ ಮಾಡಕಾಯಿತಲ್ಲ! ಅಷ್ಟಕ್ಕೂ ಅವು ಸುರೂಗೆ ಬರ್ಲಿ. ನಮ್ಮ ಬಂಗಾರ್ಕೊಡಿ ಬಾವ ಹೆಂಗೂ ರಾಜಕೀಯಲಿರವು.. ಪೋಲೀಸ್ ಗಳ ಲಾಯಿಕ್ ಗುರ್ತ ಇರವು. ಅವರೊಟ್ಟಿಗೆ ಹೇಳೊನೊ. ನೀ ಎದ್ರ್ ... ಹೋಗಿ ಹಲ್ಲುಜ್ಜೂಂತ" ಹೇಳಿ ಬಾತ್ರೂಮ್ ಗೆ ಎತ್ತಿಕಂಡೇ ಹೋಗಿ  ಬುಟ್ಟೆ(ಬುಟ್ಟದಲ್ಲ .. ಹಂಞ ನೋಡ್ರೆ ಬಿಸಾಡ್ದಾಂಗೇ!!)

                ಮಧ್ಯಾಹ್ನ ಕಳ್ದ್ ಹಿಂಬತಾದರೂ ಇಂವ ಸುಧಾರ್ಸುವ   ಯಾವ ಲಕ್ಷಣನೂ ಇಲ್ಲೆ. "ಕಪ್ಪೆ ಆದ ಕೋಳಿನಾಂಗೆ" ತೂಂಗ್ಯಂಡೇ ಉಟ್ಟು. 'ಇಂದ್ ಹೆಂಗೂ ರಜೆ... ಬಾ ಹೋಗಿ ಚಾಯ ಕುಡ್ಕಂಡ್ ಬರೋನೊ'ತ ಅರ್ಧ ಚಡ್ಡಿಲಿದ್ದವಂಗೆ ಫುಲ್ ಪ್ಯಾಂಟ್ ಹಾಕ್ಸಿ ಎಳ್ಕಂಡೇ ಹೊರ್ಟೆ. ಒಟ್ಟಿಗೆ ಇನ್ನೊಬ್ಬ ದೋಸ್ತಿನೂ ಹಚ್ ನಾಯಿನಾಂಗೆ ಒಟ್ಟೀಗೇ ಬಾತ್. ಕುರೆ ಸತ್ತ ಕೊರುಂಬನಾಂಗಿದ್ದ ಎಂಪಿನ ಮೋರೆ ನೋಡಿ ಏನಾತ್ ತ ಕೇಳಿ, ವಿಷಯ ತಿಳ್ದ್, ಮೊಬೈಲ್  ಲಿ ಇದ್ದ ಮೇಸೇಜ್ ಓದಿನೂ ನೋಡ್ತ್. ಅವಂದ್ ಚೂರ್ ಕಂಪ್ಯೂಟರ್ ತಲೆ! ಮೆಸೇಜ್ ಬಂದ ನಂಬರ್ ನ ನೋಡಿ..' ಈ ನಂಬರ್ ಎಲ್ಲೋ ನೋಡ್ದಂಗೆ ಉಟ್ಟಲ್ಲಾ, ತಡಿ .. ನನ್ನ ಮೊಬೈಲ್ ಲಿ ಸರ್ಚ್ ಮಾಡೊನೊ'ತ ತೋಟೆ ಹಾಕಿತ್. ಅವಂದರ್ಲಿ ಹುಡ್ಕಿ ನೋಡ್ರೆ ಕಥೆ ಎಂತ... ಮೆಸೇಜ್ ಬಂದದ್ ನನ್ನ ನಂಬರ್ಂದ!!! ವಿಷಯ ಗೊತ್ತಾತಲ್ಲ!! ನಮ್ಮ ಎಂಪಿದ್ ಬೊಬ್ಬೇ ಬೊಬ್ಬೆ. 'ನೀ ನನ್ನ ಹಿಂಗೂ ಬಕ್ರಾ ಮಾಡ್ದ??!! ನಿನ್ನ ಕಾಲ್ ಹಿಡ್ದ್ ನೆಲಕ್ಕೆ ಬೊಡ್ದನೆ. ಸೊಂಟಕೆ ಕಲ್ಲ್ ಕಟ್ಟಿ ಹಳ್ಳಕ್ಕೆ ಹಾಕಿನೆ....' ( ಹೈದಂಗಳ ಕೆಲವು ಬೊಯ್ಗಳ್ ಗಳ ಹೇಳಿಕೆ ಆದುಲೆ... ಎಡ್ಜಷ್ಟ್ ಮಾಡಿಕಣಿ!!) ಅಂತೂ ಮಾಡ್ದ ಕೀತಾಪತಿಗೆ ನನ್ನ ಕೈಯಿಂದಲೇ ಚಾಯದೊಟ್ಟಿಗೆ ಗೋಬಿಮಂಚೂರಿನೂ ತಿನ್ಸಿ ಸಮಾಧಾನ ಮಾಡಿ ಹಾಸ್ಟೆಲ್ ಗೆ ಕರ್ಕಂಡ್ ಬಂದೆ. ಅಂದ್ ನ ಕಾಲಕ್ಕೆ ಅದ್ "ಕುರೆಕೆಲ್ಸಾಂತ" ಅನ್ಸಿರೂ ಇಂದ್ ನೆಗಾಡಿಕೆ ಲಾಯಿಕಾದೆ. ಅದ್ಕೇ ಅಲ್ಲ ಹೇಳ್ದು.. ನಾವು ಯೌವ್ವಂನಲಿ ಸುಮಾರ್ ತರ್ಲೆ/ಕಿತಾಪತಿಗ ಮಾಡೊಕು..ಇಲ್ಲರೆ ಪ್ರಾಯ ಆದ ಮೇಲೆ ನೆಗಾಡಿಕೆ ಎಂತದೂ ಇರ್ದುಲೆ!!

ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

ಶೇರ್ ಮಾಡಿ... ಅರೆಭಾಷೆ ಒಳ್ಸಿ, ಬೆಳ್ಸಿ

ಇತರೆ ಅರೆಭಾಷೆ ಬರಹಗಳಿಗೆ ಇಲ್ಲಿ ಕ್ಲಿಕ್ ಮಾಡಿ..

www.arebhasheminpuli.blogspot.com

 

Akki pundi

ನಾನೂ ಪುಂಡಿ ಬೇಸಿದೆ!!!

07 Jul 2017

  ಅದ್ಯಾಕೋ ಬೆಂಗ್ಳೂರ್ ಗೆ ಬಂದಮೇಲೆ ಊರುನ ಚಾಯ/ ಹಿಟ್ಟ್ ಗ ಭಯಂಕರತೇಳುವಾಂಗೆ ನೆನ್ಪಾದೆ. ಬೊಡ್ರೊಟ್ಟಿ, ಕಲ್ತಪ್ಪ, ಓಡಿಟ್ಟ್, ಉರ್ಳಿಟ್ಟ್, ನೀರ್ ದೋಸೆ, ಪುಂಡಿ... ಹಿಂಗೆ.. ಬಗೆ ಬಗೆ. ಯಾಗೋಳು ಯೋಗ/ ರಿಸರ್ಚ್ ಲಿ ಮುಳ್ಗಿರುವ ಈ ಸೈಂಟಿಸ್ಟ್ ತಲೆಗೆ 'ನಾನೇ ಒಮ್ಮೆ ಯಾಕೆ ಹಿಟ್ಟ್ ಮಾಡಿ ನೋಡಿಕೆ ಬೊತ್ತ್?' ಅಂತ ಹಂಗೇ ಫ್ಲಾಶ್ ಆತ್. ಆದ್ರೆ ಯಾವುದರಾಂತ ಮಾಡ್ದು. ಬೊಡ್ರೊಟ್ಟಿಗೆ ಕಾವ್ಲಿ ಇಲ್ಲೆ - ನೀರ್ ದೋಸೆ ಹೊಯ್ಯಕೆ ಗೊತ್ಲೆ!! ಕಲ್ತಪ್ಪ ಮಾಡಿಕೆ ಮೇಲೆ ಕೆಳಗೆ ಕಿಚ್ಚಿ ಹಾಕಿರೆ ಹೊಗೆ ನೋಡಿ ಅಪಾರ್ಟ್ಮ್ ಮೆಂಟ್ ನವು ಅಗ್ನಿಶಾಮಕಕ್ಕೆ ಫೋನ್ ಮಾಡ್ರೆ ನಾ ಮತ್ತೆ ಪೋಲೀಸ್ ಸ್ಟೇಶನ್ ಲಿ ಇರಕಾದುತ ನೆನ್ಸಿ ನನ್ನ ಐಡಿಯಾನ 'ಪುಂಡಿ' ಗೆ ತಂದು ನಿಲ್ಸಿದೆ.

  ಶಾಪಿಂಗ್ ಮಾಲ್ ನ ಯಾವುದೋ ಮೂಲೆಲಿ ಬಿದ್ದ್ ಒಟ್ಟಿ ಹೋದ ಇಡ್ಲಿ ಪಾತ್ರೆನ ಹುಡ್ಕಿ ತಂದೆ. ರಿಸರ್ಚ್ ಲಿ ಫಸ್ಟ್ Reference ಅಂದ್ರೆ " ಉಲ್ಲೇಖ" . ಎಲ್ಲಿಂದ? ಕೂಡ್ಲೆ ಪೊಪ್ಪಂಗೆ ಫೋನ್ ಮಾಡ್ದೆ( ಯಾಕೇಂದ್ರೆ ಮನೇಲಿ ಯಾಗೋಳು ಪುಂಡಿ ಮಾಡ್ತಿದ್ದದೇ ಅವು!!!). ಅಕ್ಕಿ ಪದ್ನಿಕೆ ಹಾಕಿ, ಕಡ್ದು, ಕೊದ್ದುಸಿ , ನಾದುಸಿ ಮಾಡಿಕೆ ಕೆಲ್ಸ ಸುಮಾರುಟ್ಟೂಂತ ಕೇಳಿ ಮನ್ಸ್ ಒಮ್ಮೆ ಚುಯಿಂಕ ಆತ್. ಇನ್ನೊಂದು ಉಲ್ಲೇಖ ಇರ್ಲೀಂತ ಅಮ್ಮನ ಕೇಳ್ದೆ. ಸೋ ಸಿಂಪಲ್... ಅಕ್ಕಿ ಹೊಡಿನ ನೀರ್ ಗೆ ಹಾಕಿ ನಾದ್ಸಿರೆ ಇನ್ನೂ ಸುಲಭಾಂತ ಗೊತ್ತಾತ್. ಚೂರ್ ಕಾಯಿ ಹೆರ್ದ್ ಹಾಕಿರೆ ಇನ್ನೂ ರುಚಿ!!!

  ಅಂತೂ ಇಂತೂ ಸಾಕಷ್ಟು Literature Review ಅಂದ್ರೆ ವಿಮರ್ಶೆ ಮಾಡಿ ಅಕ್ಕಿ ಹೊಡಿ ರೆಡಿ ಮಾಡ್ದೆ. ಅಗಾಲದ ತಪಲೆಗೆ ನೀರು, ಎಣ್ಣೆ ಹಾಕಿ ನೀರು ಬಿಸಿ ಆದ ಹಾಂಗೆ ಚೂರು ಚೂರು ಅಕ್ಕಿ ಹೊಡಿ ಹಾಕಿದೆ. ಮೆಲ್ಲ ಮೆಲ್ಲಂಗೆ ಕಲ್ಸಿ ಪುಂಡಿ ಹದಕ್ಕೆ ತಂದೆ. ಒಂದು ಕೈ ನೀರ್ ಪಾಟೆಗೆ ಹಾಕಿಕಂಡ್ ಬಿಸಿ ಬಿಸಿನನೇ ಹೆಂಗೋ ಕಲ್ಸಿ ಇಡ್ಲಿ ಪಾತ್ರೆಲಿ ಇಸಿದೆ. ಒಂದು ಉಂಡೆ ಕೋಳಿಮೊಟ್ಟೆ ನಾಂಗೆ, ಇನ್ನೊಂದು ಕ್ರಿಕೆಟ್ ಬಾಲ್ ನಾಂಗೆ ಆದರೂ ಬೇಯ್ದು ಗ್ಯಾರಂಟೀಂತ ಮುಚ್ಚಳ ಮುಚ್ಚಿ ಗ್ಯಾಸ್ ಸ್ಟವ್ ಹೊತ್ತುಸಿದೆ.

  ಈಗ ನನ್ನ ರಿಸರ್ಚ್ ನ ರಿಸಲ್ಟ್!! 10 ನಿಮಿಷ ಕಳ್ದಾಂಗೆ ಎಲ್ಲಿಂದಲೋ ಏನೋ ಕರ್ಂಚಿದ ವಾಸನೆ. ಹೊರಗೆ ಕಸರಾಶಿಗೆ ಕಿಚ್ಚಿ ಹಾಕ್ಯೊಳೋಂತ ನೆನ್ಸಿದೆ. ಸರೀ 20 ನಿಮಿಷ ಕಳ್ದಾಕನ ಪುಂಡಿ ಬೇತ್. ಸ್ಟವ್ ಆಫ್ ಮಾಡಿ ಇಡ್ಲಿ ಪಾತ್ರ ಮುಚ್ಚಳ ತೆಗ್ದು ನೋಡ್ರೆ.. ಪುಂಡಿ ಕರ್ಂಚಿಟು!! ಕಾರಣ ಪುಂಡಿ ಬೇಯಕೆ ಇಡ್ಲಿ ಪಾತ್ರಕ್ಕೆ ನೀರೇ ಹಾಕಿತ್ಲೆ!!! ಒಟ್ಟಿ ಹೋದ ಇಡ್ಲಿ ಪಾತ್ರೆ ನನ್ನ ರಿಸರ್ಚ್ ನ ನೋಡಿ ಒರುಂಗಿಸಿ ನೆಗಾಡ್ ತಿತ್ತ್!!

-ನಿಮ್ಮ ಹೈದ

Images %283%29

ಕಷ್ಟ-ಸುಖ

10 Jun 2018

ನರಮನ್ಸಂಗೆ ಹುಟ್ಟಿಕಿಂತ ಮುಂದೆ, ಒಂಬತ್ ತಿಂಗಳ್‍ಂದ ಹಿಡ್ದ್, ಜೀವಮಾನ ಪೂರ್ತಿ, ಅಲ್ಲದೆ ಸತ್ತ ಮೇಲೆಯೂ ಅದೆಷ್ಟೋ ವರ್ಷದವರೆಗೆ ಎಡೆ ಹಾಕಿಸಿಕಣ್ಕೆ ದುಡ್ಡು ಖಂಡಿತ ಬೇಕು! ಈ ದುಡ್ಡು, ಕರ್ಚಿಗೆ ಎಷ್ಟು ಬೇಕೋ ಅಷ್ಟೇ ಇರಕ್ಕು. ಒಂದ್ ನಯಾ ಪೈಸ ಜಾಸ್ತಿನೂ ಇರಿಕ್ಕೆ ಬತ್ತ್, ಕಮ್ಮಿನೂ ಇರಿಕೆ ಬತ್ತ್!! ಮಳೆಲಿ ಓಡಾಡಿಕೆ ಒಬ್ಬಂಗೆ ಒಂದ್ ಕೊಡೆ ಇದ್ದರೆ ಸಾಲ್ದ! ಹತ್ ಕೊಡೆಗ ಯಾಕೆ ಬೇಕ್? ಲಕ್ಷ ರುಪಾಯಿ ಕೊಟ್ಟ್ ಹಾಸಿಗೆ ತಕಣಕ್! ನಿದ್ದೆನ ತಕಣಿಕೆ ಆದೆಯಾ?

ತಾನ್ ಬದ್ಕಿರಿಕನ ಮನ್ಸ ಎಷ್ಟೋ ದುಡ್ ಸಂಪಾದನೆ ಮಾಡ್ದೆ, ಹೊಟ್ಟೆಗೆ, ಬಟ್ಟೆಗೆ, ಮಕ್ಕಮರಿ, ಸ್ಕೂಲ್-ಕಾಲೆಜಿ, ಆಸ್ತಿ, ಮನೆಮಠ, ಚಿನ್ನಬಣ್ಣ, ನೆಂಟ್ರ್, ಮದ್ವೆಮುಂಜಿ.....ತೇಳಿ ಕರ್ಚಿನೂ ಮಾಡ್ದೆ. ಒಂದೊಂದ್ ಸಲ ಬೇಜಾರ ಆದೆ, ಒಂದೊಂದ್ ಸಲ ಕುಸೀನೂ ಆದೆ. ಒಂದೊಂದ್ ಸಲ ಕಷ್ಟಾಂತ ಅನಿಸಿದೆ, ಒಂದೊಂದ್ ಸಲ ಸುಕಾಂತ ಅನಿಸಿದೆ. ಈ ಕಷ್ಟ ಸುಕನ ಅಳಿಯಕೆ ತಕ್ಕಡಿ ಇಲ್ಲೆ! ಎಲ್ಲರೂ ಸುಕನೇ ಬೇಕೂಂತ ಆಸೆ ಪಟ್ಟವೆ. ಹಗಲಕಾಯಿ ಕಂಯ್ ಆದರೂ, ಸರೀರಕ್ಕೆ ಒಳ್ಳೇದುತ ಕುಸಿಲಿ ತಿಂದವೆ. ಹಂಗೆ ಜೀವನಲಿ ಬರುವ ಕಷ್ಟಗ ಒಳ್ಳೆದಿಕೆ ಬಂದದೆತೇಳುವ ಗ್ಯಾನಬುದ್ದಿ ಇದ್  ಸೈಸಿಕಂಡರೆ ಜೀವನ ಎಲ್ಲಾ ಸುಕನೇ!!

ಟಾಕಿಸ್‍ಲಿ ಹೀರೊ, ಕತ್ತಿ-ಚಾಕ್ ಹಿಡ್ಕಂಡಿರುವ ವಾಲ್‍ಪೋಸ್ಟ್ ಹಾಕಿದ್ದವೆ. ಟಿಕೆಟ್ ಕೊಡಿಕೆ ಸುರುಮಾಡಿ ಸಲ್ಪ ಹೊತ್ತಿಗೆ ಹೌಸ್‍ಫುಲ್ ಬೋರ್ಡ್!! ಸಿನ್ಮ ಪೂರ್ತಿ ಹೊಡಿಯದು, ಕಡಿಯದು!! ದುಡ್ಡು ಕೊಟ್ಟದ್ ಸಾರ್ಥಕ ಆತೂಂತ ಪೂರ್ತಿ ಸಿನ್ಮ ನೋಡ್ದ ಜನಗ ಕುಸೀಂದ ಮನೆಗೆ ಹೋದವೆ. ಸಿನ್ಮಲಿ ಹೊಡ್ದವ್, ಹೊಡ್ಸಿಕಂಡವ್ ಶೂಟಿಂಗ್ ಆದಂಗೆ ಜೋಬ್‍ಗೆ ದುಡ್ಡ್ ಹಾಕಂಡ್ ಹೆಗ್ಲ್ ಮೇಲೆ ಕೈ ಹಾಕಂಡ್ ಕುಸೀಂದ ಮನೆಗೆ ಹೋಗಿದ್ದವೆ.

ಸಿನ್ಮಲಿ ಹೊಡಿಯದು ಬಡಿಯದು ಕುಸಿ ಕೊಡುವ ಸಂಗತಿ. ನಮ್ಮ ಜೀವನನೂ ಒಂದ್ ಸಿನ್ಮಾ! ಈ ಕತೆಲಿಯು ಕಷ್ಟ ಸುಕ ಎರಡೂ ಇದ್ದದೆ. ಅವರವರ ಪಾತ್ರ ತೀರ್ದಂಗೆ ಹೆಗ್ಲ್‍ಗಳ ಮೇಲೆ ಕುದ್ಕಂಡ್ ಸ್ಯಾಂಡಲ್‍ವುಡ್‍ಂದ ಹಾಲಿವುಡ್‍ಗೆ(ಪರಲೋಕ) ಕುಸೀಂದ ಹೋದವೆ!! ಈ ಜೀವನತೇಳುವ ಸಿನ್ಮಲಿ ಕಷ್ಟ ಸುಕ ಯಾವುದ್? ಕಷ್ಟ ಸುಕನ ಕೊಡುದು ಯಾರ್?

ಕಷ್ಟ ಸುಕತೇಳುದ್ ಗ್ಯಾನಬುದ್ದಿದ್(ಕಾನ್ಷಿಯಸ್ ಮೈಂಡ್) ನಂಬಿಕೆಗ ಅಷ್ಟೇ! ಕಷ್ಟ ಸುಕನ ಕೊಡ್ದು ಹೊರಗಡೆ ಇರುವ ಯಾವ ವಸ್ತು ಅಲ್ಲ! ಅದ್ ತಾನ್, ತಿಳ್ದೋ ತಿಳಿಯದೆಯೋ ಮಾಡ್ದ ಒಳ್ಳೆ ಕೆಟ್ಟ ಕೆಲ್ಸಗಳಿಗೆ ಪ್ರತಿಪಲ ಕೊಡ್ಸುವ ತನ್ನದೆ    ಸೊಯಬುದ್ದಿ (ಅಂತಃಪ್ರಜ್ಞೆ-ಇಂಟ್ಯೂಷನ್)!!