84ac720a7752106ef5a3ded926b2effe

ತಾಪತ್ರೆನೂ …ಹೊಸೇಪುನೂ

“ಅಯ್ಯೋ.. ಈ ಸಂಸಾರ ತಾಪತ್ರೆ ಆಕೇಲೆ ಚಿಕ್ಕಾ..ಛೆಕ್…!”
ಕುಂಞಣ ಬೊಳ್ಪಾಕನ ಪರ್ಚಿಕಂಡ್ ಮನೆ ಬಾಗ್ ಲಿಗೆ ಬಾತ್…
“ಯಾಕೆನೇ…ಏನಾತ್ನೇ ಕುಂಞಣಾ…?”
“ಅಯ್ಯೋ ಎಂತರ ಹೇಳ್ದು ಚಿಕ್ಕಾ” ಅಂತ ಹೇಳಿ ಎಲಾಡ್ಕೆ ಪಚಕ್ಕ ಉಗ್ತ್…!
“ಮೊದುವೆ…ಆಗ್ ಆಗ್ ತ ಹೇಳಿ ಮೊದುವೆ ಮಾಡ್ಸಿದೊ..
ಆದ ಸುರು ಸುರೂಲಿ…ಲಾಯ್ಕತ್..ಗೊತ್ತೆ ಆಗದಾಂಗೆ ಎರ್ಡ್ ಮಕ್ಕಳೂ ಆದೊ…!
ಈಗ ಒಂದರ ಹಿಡ್ಕಂಡರೆ ಇನ್ನೊಂದು ಕಿರ್ಚಿದೆ..ಎರ್ಡರ ಬುಟ್ಟರೆ…
ಹೆಂಗ್ ಸ್ ಪರ್ಚಿದೆ..ಅಷ್ಟೊತ್ತಿಗೆ ಒಳಗೆಂದ ಅವ್ವನ ಬೊಯಿಗಳ್ ..!
ಇದ್ ಹನೀಸ್ ಕಮ್ಮಿ ಆಕನ… ಕಟ್ಟಿ ಹಾಕಿದ ಬೊಗ್ಗಿ ಪಾಂಗ್ ಕೊಡ್ದು…
ಅದರ ಕೇಳಿ ನಾಕೈದ್ ಹಡ್ಬೆ ನಾಯಿಗ ಬಂದೊ..ಅವರ ಬೆರ್ಸ್ ಕನ…
ಬೊಗ್ಗಿ ಸಂಕಲೆ ತುಂಡ್ ಮಾಡಿ ಓಡ್ತ್.. ಟೀಚರ್ ಹೆಲ್ಪರ್ರೂ…
ಮಕ್ಕಳೂ ಸೇರಿ, ನನ್ನ ಮನೆ ಅಂಗನವಾಡಿನಾಂಗೆ ಆಗುಟ್ಟು ಚಿಕ್ಕಾ..!
ಪೂರಾ ಕಿಚ್ಚಿಕೊಟ್ಟೇ ಹೋಗಲಿ..ತೇಳಿ ಮನೆ ಒಳೆಗೆ ಹೋದರೆ…
ಈ ಬಿಸ್ಲ್ ದಾವುಲಿ ಆರ್.ಸಿ.ಸಿ.ಮನೆ ಒಳೆಗೆ ಬೆಗ್ ರುವ 
ದೆಸೆಲಿ ಕುದ್ರಿಕೆ ಆಲ್ಲೆ.ಅದೂ ಸುಡಲಿ ಒಂದ್ ಗ್ಲಾಸ್ ತಣ್ಣೀರ್ ಕುಡೆಮೋಂತ ಟ್ಯಾಪ್ ತಿರ್ಗಿಸಿರೆ ಬಾದೇ ಬಿಸ್ನೀರ್…!
ಈ ಬಿಸ್ಲೂ.., ನೀರ್ ಆರ್ದೂ…ಮನೆಲಿ ಪಿರಿ-ಪಿರಿನೂ…
ಸೇರಿ ..ನನ್ನ ಲೈಫೇ ಕಲ್ತಪ್ಪದಾಂಗೆ ಆಗುಟ್ಟು ಚಿಕ್ಕಾ…!
ಅಡಿಲೂ ಕಿಚ್ಚಿ..ಮೇಲೆನೂ ..ಕಿಚ್ಚಿ…ಬೊದ್ಕಿಕೇ ಬಂಗ ಆಗುಟ್ಟು…
ಸುಟ್ಟೇ ಹೋಗಲಿ..ಈಗ ಒಂದ್ ಎಸಳ್ ಹೊಸ್ಯೇಪು ಕೊಡಿ..!
ತಲೆ ಗಿರ್ರ..ತೇಳ್ದೆ..”ಅಂತ ಕುಂಞಣ ಅವನ ಗೋಳ್ ಹೇಳ್ತ್..
“ನಿಂಗೆ ಹಾಂಗೇ ಆಕು ಮಂಙ..”ಅಂತ ಮನ್ಸ್ ಲೇ ಬೊಯ್ಕಂಡ್
ಒಂದು ಕೊಡಿ ಹೊಸ್ಯೇಪು ತಾಕೆ ಒಳೆಗೆ ಹೋದೆ…

-ಲೋಕೇಶ್ ಊರುಬೈಲು

Comments

Fb img 1490449264540
Mahesh ಸುಪರ್ ಸಣಪ.....
over 2 years ago
Img 20180515 wa0022
Manjuprasad Suppr
over 2 years ago

Other articles

Photo 2911 11 47 46

ಕುವೆಂಪು ಉಗಪನ ನೆಂಪುಲಿ

29 Dec 2017

"ಕುವೆಂಪು ಉಗಪನ ನೆಂಪುಲಿ"


ನೀವ್ ನಡ್ದೋದ ಆ ಹಳೆದಾರಿಕರೆಗೆ
ಸುಮಾರ್ ಕಾಲ್ದಾರಿಗ ಉಟ್ಟು
ಅಲ್ಲಿ ನಡ್ದ್ ಬಾಕನ  ಕಂಡೆ...

ನಿಂತಲ್ಲಿಂದ ಹುಡ್ಕಿರೂ
ನಿಲ್ಲದೇ ನಡ್ದ್,ಹುಡ್ಕಿರೂ.
ಈ ಬಾಣದ ಪುಣಿಕಾಂಬಕುಟ್ಟ‌...?
ಹಾಂಗೆನೆ ನಿಮ್ಮ ಬರಹಗ !

ಆ ಪುಸ್ತಕಲಿ ಕಾಗದಗೆಷ್ಟ್..
ಪದಗಳ ಜೊಂಗೆಗೆಷ್ಟ್...
ಅದರೆಲ್ಲ ಕಣ್ಣ್ ಮುಚ್ಚದೆ ಓದಕ್
ಓದಿಮುಗ್ಸಕ್.

ಅಂದರೂ...
ಅದರೆಲ್ಲ ಅರ್ಥಮಾಡಿ
ಅಳ್ದ್ ತೂಗಿದ್ ಮುಂದೆಹೋಕರೆ
ಕಾಗದಗಳ ನೊಡುಲ್ಯೊಂದ್...
ಹೊಸ್ತ್ ಪಾಲನೇ ಕಟ್ಟೊಕು
ಆ ಪಾಲಕೊಂದ್ ಅರ್ಥ ಇರಕು...
ಅರ್ಥ ಆಕಾರೆ ನಾವು...
ನಿಮ್ಮನೇ ಸುರುಂದಲೆ ಓದಕು...

:ಮನೋಜ್ ಕುಡೇಕಲ್ಲ್

Read More
Whatsapp image 2017 08 20 at 10.06.38 pm %281%29

ಸೋಬಾನೆ ಹಾಡುಗಳು

20 Aug 2017

ಎಣ್ಣಿ ಅರಿಶಿನ ಆಗಿ ಸ್ನಾನ ಮಾಡಿ ಬರುವಾಗ (ವರನಿಗೆ)

ಅರತಿಯೆತ್ತಿರೆ ನಾರಿಯರೆಲ್ಲರೂ ಮಾರಸುಂದರಗೆ
ಸುರ ನಾರಿಯಲೆಲ್ಲರೂ  ಹರುಷವ ತಾಳುತ ಕರುಣಾಕರನಿಗೆ 
ನೀರೊಳು ಮುಳುಗಿ ಭಾರವ ಪುತ್ತಿಹ ಧಾರಣಿಯನ್ಮತಂತೆ 
ಘೋರ ನರಸಿಂಹ ರೂಪವ ತಾಳಿದ ಬಾಲಕನನ್ನು ಪೊರೆವ
ಆರತಿ ಎತ್ತುವೆ ಬಾಲಕನಾಗಿ ಬಲಿಯದಾನವತೆಯ ಶಿರತದಿಂದ
ಸೇತುವೆ ಬಂಧಿಸ ಸೀತೆಯ ಕೂಡಿದ ಶ್ರೀ ರಘುರಾಮನಿಗೆ
ಆರತಿ ಎತ್ತುವೆ ತ್ರಿಪುರ ಸತಿಯರ ವೃತವನ್ನೇ ಕೆಡಿಸಿ
ಚಪಲನೆಂದೆನಿಸ ವಾಜಿನೇರಿ ರಾಜೀಪ ವೀರರಿಗೆ ರಾಜೀವ ನೇತ್ರತೆಯೆರು ಆರತಿ ಎತ್ತುವೆವು

 

ಹಸೆಗೆ ಕರೆಯುವ ಸೋಬಾನೆಗಳು

ಬಾರೋ ಹಸೆಗೆ ಈಗ  ಸುಂದಾರಾಂಗನೆ ಬೇಗ ಬಾರೋ
ಹಸೆಗೆ ಈಗ ಬಾರೋ ಬಂಗಾರ ಮಂಟಪಾವ ಶೃಂಗಾರ ಮಾಡಿ
ಸಂಗೀತವ ಮಾಡಿ ಭೃಂಗ ನಾಯಕಿಯರು ಬಾರೋ
ಹಸೆಗೆ ಸುರ ಚರಭರಣಂಗಳೂ ಲಾಲಿಸು ದೇವಾ
ಸುರಪುರ ಮಂದಿರ ಹಿರಿಯ ಹಸೆಗೆ ಬಾರೋ ಈಗ
ಮುತ್ತೈದೆಯರು ಸುತ್ತಮುತ್ತಲು  ಕೂಡಿ ಮುತ್ತಿನಾರತಿ
ಕೈಯಲ್ಲೆತ್ತಿ ಕಾದಿರುವರು ಬಾರೋ ಹಸೆಗೆ ಈಗ ಸುಂದಾರಂಗನೆ

 

ಆರತಿಯ ಹಾಡುಗಳು

ಬೆಳಗುವೆ ನಾ ಮಂಗಳಾದಾರತಿಯ ಬೆಳಗೊವೆನಾರತಿ
ಕಪಿವರ್ಯ ಮಾರುತಿ ಬಲವಂತ ಶ್ರೀರಾಮನದೂತನಿಗೆ
ಪೂರ್ಣಮಯ ಬೆಲಗಿನಲಿ‌ ಪುಟ್ಟಿದಾಕ್ಷಣದಲ್ಲಿ
ಸೂರ್ಯನ ಪಿಡಿಯಲು ಪೋದವಗೆ ತ್ರೇತಾಯುಗದಲ್ಲಿ
ನೀ ಕಲಿತನ ತೋರುತ ಲೋಕ ಪ್ರಸಿದ್ಧಿಯ ಪಡೆದವಗೆ
ಶರಧಿಯ ದಾಟುತ ದರಣಿಯ ನಗಳಿಗೆ ರಾಮ ಮುದ್ರಿಕೆಯನ್ನು ತೋರಿಸಿದೆ,  ದಶಮುಖನೆದುರು ದಶಬಲ ತೋರುತ
ಲಂಕೆಗೆ ಬೆಂಕಿಯನ್ನಿಟ್ಟವಗೆ ಕಷ್ಟವ ಸಹಿಸುತ
ರಾಮ ಸೇವೆಯ ಸಲಿಸಿದ ಗಾಂಗೇಯ ವರಪ್ರಭೂಗೆ
ಭಕುತರ ಇಷ್ಟಾರ್ಥವನ್ನೇ ನಿತ್ಯ ನೀಡುವ
ಚಿರಂಜೀವಿಯಾಗಿರುವ ಹನುಮಂತನಿಗೆ ಆರತಿ.

 

ಮೂಲ: ಸಂಗ್ರಹ

Read More
Whatsapp image 2017 09 09 at 10.41.14 am

ಮಾದುನ ಮಂಙನ ಬೈಕ್ ರಗಳೆ

09 Sep 2017

    ಕಾಗಡೆ ತೋಟಕೆ ಅಡ್ಕೆ ಹೆರ್ಕಿಕೆ ಬಂದ ಮಾದುನ ನೋಡಿ , ತೋಟದ ಕರೆಮನೆ ಸಣಪ ಕರ್ದವೆ. ಓ ಮಾದು ಆತಾ ಅಡ್ಕೆ ಹೆರ್ಕಿ,,,?  ಆದರೆ ಇತ್ತ ಬಾ ಮಾರಯ, ಹಂಞ ಮಾತಡಿಕೆ ಉಟ್ಟು,,,! ಓ,,,,,, ಆದು ಸಣಪ , ಬಂದೆ ಬಂದೇ, ದಾರಿಕರೆ ಕೊಮ್ಮನ ಬುಡಂದಾರ್ ಹೆರ್ಕಣೆ,,,,! ಈ ಬಾವುಲಿಗಳ ಉಪದ್ರಾಂಗಿ, ಹರ್ಗಿಬುಟ್ಟಂಗೆ ಬಿದ್ದುಟು,, ಹಂಞಹೊತ್ತು ಬಟ್ಟುಬಂದರೆ ಇದ್ದಾ ಅಡ್ಕೆನು ಇರ್ಕಿಲೆ , ತೇಳಿ ಮೇಲೆಂದಮೇಲೆ
ಅಡ್ಕೆ ಹೆರ್ಕಿ , ಚೀಲನ ಚಾಳೆಬುಡಲಿ ಇಸಿ, ಮಾದು ಸೀದಾ ,,,, ಸಣಪನಲ್ಲಿಗೆ ಹತ್ತಿಕಂಡ್ ಹೋದೆ.
        ಮಾದು ಬಾದರ ಕಂಡು ಸಣಪ ಚಿಕವ್ವಂಗೆ ಹೇಳುವೆ, ಇಂದನೇ ಮಾದು ಬಾತು , ಒಂದು ಚಕ್ಕಳ ಕಣ್ಣಾಚಾಯ ಇದ್ದರೆ ಕಣ್ಣೊಲೆಲಿ ಬಿಸಿಮಾಡಿಕೆ ಇಸು,,,,!
ಹಿಂಗೇ ಮನೆಗೆ ಬಂದಾ, ಮಾದುನು&ಸಣಪನೂ ಮಾತಿಗೆ ಕುದ್ದವೆ,,,!
       ಮತ್ತೆ ಮಾದು ನೀ ಇತ್ತಬಾದೇ ಕಮ್ಮಿ ಅಲಾ,,? ಯಾಗರು ಒಮ್ಮೊಮ್ಮೆ ನಿನ್ನ ಹೆಂಗುಸು ಆಂಜಿದಂಗೆ ಆದೆ,,ಎತ್ತಹೋದಿಯ ಮಾರಯ ನೀ ,,? ಹೇಳ್ದಂಗೆ ''' ನೀವ್ ಬೈಕ್ ತಂಕಡರಿಗಡಾ,,,! ಸಣಪ ಡೈರೆಕ್ಟ್ ವಿಷಯಕ್ಕೆ ಬಂದವೇ.
ಆಗ "ಮಾದು ವಿವರಣೆ" ಕೊಟ್ಟದೆ,,,!
          ಹ್ಮ ,,,,, ಹೌದು ಸಣಪ ಎಂಥಮಾಡ್ದು ಹೇಳಿ,,,? ಕಾಲ ಬಂದಾಂಗ್ಗೆ ಕೋಲ ಕಟ್ಟೋಕು ಅಲಾ,,! ಈ ಮಕ್ಕಳ ಬೈಕ್ ಹುಚ್ಚಿಂದ ಯಾರಿಗೆ ಆದು ಹೇಳಿ,,,! ನಮ್ಮ ಕಾಲಲಿ, ಕಾಲಿಗೆ ಎಕ್ಕುಡ ಇಲ್ಲದೆ ಬರೀ ಉಟ್ಟಾತೋರ್ತುಲೆ ಮಾರುದ್ದ ನಡೆತಿದ್ದೋ ಹಂಗೆತಾ ಈಗನ ಮಕ್ಕಾ ಕೇಳುವೇನಾ,,,?
ಹಿಂಗೇ ಆದ್ ನಮ್ಮ ಹೈದನಾ ಕಥೆನು..!
ಮೊನ್ನೆ ಬೊಳ್ಪುಗೆ ಒಲೆಬುಡಲಿ  ಅಯ್ಯೆನೊಟ್ಟಿಗೆ , ನಮ್ಮ ಚಾಮಿ ಹೈದಾ ಬಿನ್ನೆಮಾಡ್ದು ಕೇಳ್ದೆ,,,! ಅಮ್ಮ ನೀ ಅಪ್ಪ ನೊಟ್ಟಿಗೆ ಹೇಳು ನಂಗೆ ಬೈಕ್ ಬೇಕುತಾ,,,!
   ಈ ಮಾತು ನನ್ನ ಕೆಬಿಗೆ ಬೀತು, ಇದ್ ಕೆಲ್ಸಾ ಕೆಟ್ಟತುತ ನೆನ್ಸಿ ಅಲ್ಲಿಂದ ಮೆಲ್ಲಾ ಇಜ್ಜಾಲ್ಗೆ ಇಳ್ದೆ. ಇದು ಲಾಸ್ಟ್ ಗೆ ಬಾದು ನನ್ನ ಬುಡಾಕೆನೇ,,, 
ಓ ದೇವುರೆ ಎಂಥರಮಾಡ್ದು ಈಗ,,,?
ಸೊಸೈಟಿ ನವ್ ಲೋನ್ ಕಟ್ಟದೆ ದಿನಕೆ ಮೂರ್ ಹೊತ್ತು ಪೋನ್ ಮಾಡುವೆ, ಇದರ ಎಡೆಲಿ ಈ ಮಕ್ಕಳ ಕುಶಾಲ್, 
ನಂಗೆ ಗೊತ್ತಿತ್ತು ಊರಿಡಿ ಉಟ್ಟು ಈ ಮಾರಿ ಇಂದಲ್ಲಾ-ನಾಳೆ ನಮ್ಮ ಮನೆಗೆ ಬಾದುತನೆನ್ಸಿಕಂಡೆ ಇದ್ದೆ , ಹಂಗೇನೇ ಆತ್ ಸಣಪಾ,,,,!
        ಓ ಕಥೆ ಹಿಂಗೆಲಾ,,! ಬೈಕ್ ತಂಕಂಬಕೆ ದುಡ್ಡು ಇತ್ತಾ ಮಾದು ತ ಸಣಪ ಕೇಳ್ವೇ,,,,?
        ಅಯ್ಯೋ ಅದರ ಕಥೆಕೇಳ್ರೆಲಾ ಸಣಪ ಇದರ ತಪ್ಪುಸಿಕೆ ನಾ ಏನೆಲ್ಲಾ ಪ್ರಯತ್ನ ಮಾಡ್ದೆ ಅಂತೂ ತಪ್ಪುಸಿಕೆ ಆತುಲೆ ಸಣಪ,,!
      ಬೊಳ್ಪುಗೆ ಅಯ್ಯೆ-ಮಂಙನ ಬೈಕ್ ನ ಪಂಚಾತಿಗೆ ಕೇಳ್ದಂಗೆ ಇನ್ನು ನನ್ನ ಮೇಲೆ ಸವಾರಿ ಮಾಡುವತ ನಾ ಕೊಠೆಗೆಲೆ ನೀರಡ್ಕೆ ಒಡ್ದು ಒಂದುಬಾಯಿ ಏಲಾಡ್ಕೆ ತಿಂದು, ಇನ್ನು ಕಟ್ಟಪುಣಿಲಿ ಕಾಯಿ ಬಿದ್ದುಟಾತ ನೋಡಿಕಂಡ್ ಬನ್ನೆತ ಹೋದೆ,, ಹಂಗೆ ಬಾಕಣ  ನಾಲ್ಕು ಕಾಯಿನ ಇರೆತೆಗ್ದು , ಯಾಗೋಳು ಹಾಕುವಂಗೆ ಸುರಡಿಕರೆಗೆ ಹಾಕಿಕೆತ ಹೋದೆ, ಹಾಕಿಕೆ ಪುರುಷೊತ್ತಿಲ್ಲೆ , ತಕ ನೋಡಿ ಹೆಂಗುಸುದು ಇಂದನಿಯ ಚಾಮಿಗೆ ಬೈಕ್ ಬೇಕಡ ಇಲ್ಲಾರೆ ಅಂವ ಕಾಲೆಜ್ ಗೆ ಹೋದುಲೆ ಗಡಾ ತೇಳ್ತು,,,! ಹಂಗೇ ಬಾಗುಲು ಸೆರೆಲಿ ಮಂಙ ನಿತ್ತುಕಂಡ್ ಇರ್ದು ನನ್ನ ಕಣ್ಣುನ ಸೈಡ್ ಲೆ ಕಂಡಂಗೆ ಆತ್,,, ಹಂಞ ಹೆದ್ರುಸಿ ನೋಡಮ , ಬೊಗ್ಗಿರೆ ಕಂಡದೆ ಅಲಾತ. ಬಾಯಿಲಿ ಇದ್ದ ಎಲಾಡ್ಕೆ ಮಡೆನಾ ಕಾಂಕ್ರ್-ಸಿ ಹೂಂದೈ ಬುಡಕೆ ಉಗ್ದು, ಕಾಲೇಜುಗೆ ಹೋಗದರೆ ಬೇಡ ಹೆಂಗೂ ತೋಡಲಿ ಅಗ್ತೆಮಾಡುವೆ,, ಅವರೊಟ್ಟಿಗೆ ಸೇರಿಕಣಲಿತ 'ಪಂಜುರ್ಳಿನಂಗೆ' ಕಣ್ಣುಕೆಕ್ಕರ್ಸಿ ನೋಡಿ, ಮನೆಗೆ ಹತ್ತದೆ ಅತ್ತಳೆ ಇನ್ನ್ ಗೂಡರಂದ ಕೋಳಿಗಳ ಬುಟ್ಟು ಭತ್ತಹಾಕಿನೆತ ಹೋದೆ....
   ಹಂಞ ಹೊತ್ತುಕಳೆಕಣ ಮನೆಲಿ ಯಾರು ಕಾಬೋತಿತ್ಲೆ . ಹಂಗೆ ಕೈತೊಳ್ಕಂಡ್ ಬಂದು ಇನ್ನು ಕಾಫಿಕುಡೆಮತ ಬಟ್ಲುಲಿ ಮೂರ್ ಬೊಡ್ರೊಟ್ಟಿನು,ಪೊಜ್ಜಿನು ಹಾಕಿ ಕುದ್ದೆ. ಎರ್ಡೂ ಬೊಡ್ರೊಟ್ಟಿ ತಿಂದಳೆ ಅಷ್ಟೇ ಅಷ್ಟೋತ್ತಿಗೆ ಹೆಂಗುಸು ಎಲ್ಲಿ ಇತ್ತೋ ಒಮ್ಮಗೆ ಮಾಯ್ಕಂಗೆ ಪ್ರತ್ಯಕ್ಷ ಆತ್.
ಇವರ ಬೈಕ್ ಮೊರ್ಲು ಕಡಿಮೆ ಆದಂಗೆ ಕಂಡಾತ್ಲೆ , ಹೆಣ್ಣು ಕೇಳಿಯೇ ಬುಟ್ಟತು ಇಂದನೀಯ ಆಗ ಹೇಳ್ದು ಎಂಥಾತ್ ತಾ,,,,? 
ಹ್ಮ ಅಂದರೆ ಹೈದಾನು ಒಳಗೆ ಇರೋಕುತ ನೆನ್ಸಿ,, ಸಿಟ್ಟುಲಿ  ಒಳ್ದಾ ಒಂದು ಬೊಡ್ರೊಟ್ಟಿನ ಪಾಲು ಮಾಡಿ ನಾಯಿಗಳಿಗೆ ಹಾಕಿ ಹೋಗಿ ಬಟ್ಲು ತೊಳ್ಕಂಡ್ ಬಂದೆ. ಚಾಮಿಹೈದಾ ಕಣ್ಣುಗೆ ಬೀತ್ಲೆ ಎತ್ತ ಹೋತುಪಾ ತೇಳಿ ಹೆಂಗುಸುನ ಕೇಳ್ದೆ,,, ಆ 'ಉರಿಕೊಳ್ಳಿ' ಎತ್ತ ಹೋತುಯ ತಾ,,,? ಇವು ಮನೆ ಉದ್ದಾರ ಮಾಡಿಕೆ ಹುಟ್ಟಿದವೋ , ಮನೆ ಮಾರಿಕೆ ಹುಟ್ಟಿದವೋ ತಾ ಗಣು ಗುಣು ಬೊಯೈಕಂಡೆ. ಎಡೆಲಿ ಬಾಯಿ ಹಾಕಿ ಹೆಂಗುಸು ಹೇಳ್ತು , ಅಂವ ಸಿಟ್ಟುಲಿ ಹೊರ್ಟು ಕಾಲೇಜ್ಗೆತಾ ಹೋಗುಟು ಇನ್ನು ಎಂಥ ಮಾಡಿಕಣ್ದೆನೋತಾ ,,! ನನ್ನ ಹೆದ್ರುಸಿಕೆ ಸುರುಮಾಡ್ತು,,,!
ಚೂರ್ ನೋಡಿಯಾ ಸಾಲನೋ ಮೂಲನೋ 'ಅಲ್ಲಿ-ಇಲ್ಲಿ' ಕೈ ಮೊಗ್'ಚಿ ಒಂದು ಬೈಕ್ ತಕಣಮ ಎಲ್ಲಾ ಮಕ್ಕಳಿಗೆ ಇರ್ಕಕಾಕಣ ಇವಂಗೂ ಆಸೆಲಾ, ಹೆಂಗೂ ಒಬ್ಬನೆ ಮಂಙಲಾ ಏನಾರು ಹೆಚ್ಚಿಕಮ್ಮಿ ಮಾಡಿಕಂಡ್ರೆತಾ 'ಸೆಂಟಿಮೆಂಟ್ ಡೈಲಾಗ್' ಹೊಡೆಕೆ ಸುರುಮಾಡ್ತು...! ಅಲ್ಲಿನೇ ನನ್ನ ಮನ್ಸು ಕರ್ಗಿದು. 
        ಇನ್ನು ಹೈದಾ ಕಾಲೇಜ್ಗೆ ಹೋಗದೆ ಏನಾರು ಹೆಚ್ಚಿಕಮ್ಮಿಮಾಡಿಕಂಡ್ರೆ ಎಲ್ಲಾ ಅಪ್ಪಂದಾಗಿ ಗಡಾ,,,ತ! ನೆರೆಕರೆವು ಎಲ್ಲ ನನ್ನ ತಲೆ 
 ಹಾಕುವ ತೇಳಿ,,ದುಡ್ಡುನ ಬಗ್ಗೆ ಯೋಚನೆ ಮಾಡಿಕಂಡ್ ಕುದ್ದೆ,,,
ದುಡ್ಡುನ ಬೇರೆ ಮೂಲ ಯಾವುದು ತಲೆಗೆ ಬಾತುಲೆ. ಆಗ ನೆನ್ಪುಗೆ ಬಂದದೇ ಪಾಪ ಹಟ್ಟಿಲಿ ಕಟ್ಟಿಹಾಕಂಡ್ ಇದ್ದಾ ' ಬೆಳ್ಳಿ' ಹಸು,,,,,!
         ಹಂಗೇ  ಕರುಬುಡುವ ಹಸುನ ಕರುನಾ  ಕೊಟ್ಟವೆತ ನಮ್ಮ 'ಮೋನಂಗೆ'  ಪೋನ್ ಮಾಡಿ ಹೇಳ್ದೆ,,,
   ಆಗ ಅಂವ ಕೇಳ್ತು ಯಾಕೆ,ಏನ್‌, ಎಲ್ಲಿನ ಬುಡ,? ಎಷ್ಟ್ನೆಕರು,,?ಹಾಲು ಎಷ್ಟುಸಿಕ್ಕಿದೆ ,,? ಹಿಂಗೇ ಅವಂಗೆ ಕುಲ ಗೋತ್ರ ಎಲ್ಲಾ ಒಪ್ಪುಸಿ ಮಧ್ಯಾನ್ಹಕೆ ಮುಂದೆ ಒಂದು ಪಾರ್ಟಿನ ಕರ್ಕಂಡ್ ಬಾತ್ ಸಣಪ. ಅಕೇರಿಗೂ "ಇಪ್ಪತೈದು ಸಾವಿರಕೆ" 'ಹಸುನ-ಕರುನ' ಬೊಳ್ಳಿಮುತ್ತಾಂಗೆ ಹೊಡ್ಕಂಡ್ ಹೋದ,,!
 ಸಿಕ್ಕಿದ ದುಡ್ಡು ಕೈಲಿ ನಿಲ್ಲುಕಿಲೆತ ಹೆಣ್ಣು , ಹೈದಾಂಗೆ ಪೋನ್ ಮಾಡಿ ಕಾಲೇಜ್ ಬುಡುವ ಹೊತ್ತುನೋಡಿ,,,! ನನ್ನ ನೂ ಕರ್ಕಂಡ್ ಹೆಂಗುಸು, ಹಿಂಬೊತ್ತುನ ವ್ಯಾನ್ಲಿಹೋಗಿ, 'ಧಾಮಿನಿ ಮೋಟರ್ಸ್' ಲಿ 25ಸಾವಿರ ಕಟ್ಟಿ ಒಳ್ದಾ ದುಡ್ಡುನಾ,,
ಒಂದು ವರ್ಷಮುಟ್ಟಾ ತಿಂಗ-ತಿಂಗ ಎರಡ್ ಸಾವಿರ ಕಟ್ಟೊಕುತ ಒಪ್ಪಂದ ಆಗಿ ಬೈಕ್ ತಕಂಡ್ ಬಂದೋ.
   ಮುಂದೆ ಹಸು ನೂ ಕರುನೂ ಇದ್ದಾ ಹಟ್ಟಿ""ಕರೆಲಿ ಇಂದು ಬೈಕ್ ನಿತ್ತುಟು ಸಣಪಾ,,,,,
       ಒಂದು ಗಾದೆ ಉಟ್ಟಲಾ ನೋಡಿ "ಆನೆ ಹೆತೋತ್ ತಾ,,,, ಮೋಲ ಹೇತರೆ" ಹಿಂಗೇ ಆದು ಸಣಪ.
ನೆರೆಕರೆವು ಎಲ್ಲಾ ಬೈಕ್-ಕಾರ್ ತೆಗ್ದಾವೆತ ನಮ್ಮಂತ ಪಾಪದವು ಹೊರ್ಟರೆ ಇದ್ದಾ ಮನೆ-ಮಠ ಮಾರಕಾದು...ತೇಳಿ! ಸಣಪನ ಮೋರೆ ನೋಡಿ ಮಾದು ಮೆಲ್ಲಾ ನೆಗಾಡ್ದೆ,,,,
ಹಿಂಗೇ ಮಾತಡಿ ಮಾತಡಿ ಆಕಣ,,,,  (ಸಣಪಾ ಚಿಕವ್ವಂಗೆ ಹೇಳುವೆ,,)  ಇಂದನೇ ಮಾದುಗೆ ಎಲಾಡ್ಕೆ ತಿಂಬಕೆ ಒಂದು ಅಡ್ಕೆ ಇದ್ದರೆ ಒಡಿ,,! ಅಷ್ಟೋತ್ತಿಗೆ ಮಾದು ಎಡೆಲಿ ಬಾಯಿ ಹಾಕಿ ಬೇಡ ಚಿಕವ್ವಾ ಹಂಗೇ ಈಗಣಿಗೆ ನನ್ನ ಚೆಂಚ್ಚಿಲಿ ಉಟ್ಟು , ಮಳೆನೂ ಒಡ್ಡಿಟು, 'ಕಿಂಣ್ಜೋಳು' ಬೇರೆ ತಾತುಲೆತ,,! ಮಾದು,,  'ದೆಳಿಸೆರೆಲಿ' ಇದ್ದಾ ಕತ್ತಿನ 'ಚೂಡೋಂಕುಗೆ' ಕೋಸಿಕಂಡ್ ಮನೆ ಮೆಟ್ಟುಕಲ್ಲು ಇಳ್ದಾದೆ,,,,,,,

Read More
Img 20170615 wa0045

ಪಾಚುನ ಕಟ್ಟ!!!

05 Jul 2017

       "ಕಟ್ಟ" ಹೇಳ್ರೆ ಅರೆಭಾಷೆಲಿ "ಒಟ್ಟಿಗೆ ಸೇರ್ಸಿ ಇಸುದು" ಅಂತ ಅರ್ಥ. ಕನ್ನಡಲಿ ಹೇಳ್ದಾದರೆ "ಕಟ್ಟು".  ಅಂದರೆ ಸೌದೆಹೊರೆ, ಹುಲ್ಲು ಹೊರೆ ಇದ್ಕೆ ಸೌದೆ ಕಟ್ಟ, ಹುಲ್ಲು ಕಟ್ಟ ಅಂತ ಹೇಳುವೆ. ಇನ್ನೊಂದು ನೀರ್ ಹರ್ದ್ ಹೋದರ ತಡೆಯಕೆ ಹಾಕುದು, ಅದೇ ನೀರ್ ಕಟ್ಟ(ಶುದ್ಧ ಕನ್ನಡಲಿ  ಒಡ್ಡು/ ಕಿಂಡಿ ಅಣೆಕಟ್ಟು). ಇನ್ನ್ ಕೋಳಿಕಟ್ಟ ನೀವ್ ಗೆಲ್ಲಾ ಗೊತ್ತೇ ಉಟ್ಟು!!! ನಾ ಈಗ ಹೇಳಿಕೆ ಹೊರ್ಟದ್ "ಪಾಚುನ ನೀರ್ ಕಟ್ಟ". ಊರೊಳಗೆ ಪ್ರಗತಿಪರ ಕೃಷಿಕ ಹೆಸ್ರ್ ಮಾಡ್ದ ನಮ್ಮ ಪಾಚು, ಕೃಷಿಲಿ ಬಗೆ ಬಗೆ ಪ್ರಯೋಗ ಮಾಡ್ತಿತ್ತ್. ಹಡ್ಲ್ ಬಿದ್ದ ಗದ್ದೆಗಳೆಲ್ಲಾ ಟಿಲ್ಲರ್ ಹೊಡ್ಡ್ ವರ್ಷಲಿ ಮೂರು ಬೆಳೆ ತೆಗೆವ ಆಸೆ. ಆದರೆ ಸುಗ್ಗಿ ಬೆಳೆಗೇ ನೀರ್ ಅಲ್ಲಿಂದಲ್ಲಿಗೆ, ಇನ್ನ್ ಏಣೆಲ್ ಗೆಲ್ಲಿಂದ?? ಕಾರಣ ಆಧುನೀಕತೆ!! ಅದೇಂಗೆ?? ಹಿಂದೆಲ್ಲಾ ಚೊಂಟೆಲಿ ನೀರ್ ಗೋಂಚ್ ತಿದ್ದೊ. ಈಗ ಕರೆಂಟ್ ಪಂಪ್ ಬಂದ್ ನೀರ್ ಆರ್ಕಾಕನ ಮುಟ್ಟ ಪಂಪ್ ನಿಲ್ಸುವ ಗೊಡವೆನೇ ಇಲ್ಲೆ ( ಮೆಸ್ಕಾಂನವು ಸಿಂಗಲ್ ಫೇಸ್ ಕೊಟ್ಟರೆ ಮಾತ್ರ ಪಂಪ್ ಆಫ್ ಆದು!!). ಹಂಗಾಗಿ ಹಳ್ಳಗಳ್ಲಿ ಡಿಸೆಂಬರ್ ತಿಂಗಳ್ಲೇ ಪಾರೆ ಕಲ್ಲ್ ಗ ಎದ್ದ್ ಕುದ್ದಿದ್ದವೆ. ಮಾರ್ಚ್ ತಿಂಗಳ್ಲಿ 3 ದಿನ ಮಳೆ ಬಂದರೆ ಸಾಕ್. ಹಳ್ಳಲಿ ನೀರ್ ತುಂಬಿ ಹರ್ದದೆ. ಮಳೆ ನೀರಲ್ಲ!? ಯಾರೂ ಪಂಪ್ ಸ್ಟಾರ್ಟ್ ಮಾಡುದ್ಲೆ. ಅದರ್ರ್ಂದಾಗಿ!! ಆಗ ನಮ್ಮ ಪಾಚುಗೆ ಹೊಳ್ದ ಐಡಿಯಾನೆ ಗದ್ದೆ ಕರೆಲಿದ್ದ ಚೋಡಿಗೆ " ಕಟ್ಟ ಕಟ್ಟುದು".

     ನೆರೆಕರೆಯವರೊಟ್ಟಿಗೆ ಎಲ್ಲಾ ಕೇಳಿ ಕಟ್ಟ ಹಾಕುವ ದಿನ ನಿಘಂಟ್ ಮಾಡ್ಯಾತ್. ಆಕಿಲೇಂತ ಹೇಳ್ದವು ಯಾರೂ ಇಲ್ಲೆ. ಎಲ್ಲವ್ಕೂ ನೀರ್ ಸಿಕ್ಕಿದಲ್ಲೇಂತ ಕುಸಿನೊಟ್ಟಿಗೆ ಕೆಳಗೆಡೆನ ತೋಟಕ್ಕೆ ನೀರ್ ಚೋಂಪ್ ವ ಕೆಲ್ಸ ಒಳ್ದದೆ ಎಂಬ ಸಮಾಧಾನ. ಸಿಡ್ಲ್ ಹೊಡ್ದ್ ಸತ್ತ, ಮುಂಡ್ ತಿರಿ ಆಗಿ ಕುಬೆ ಚೊಯ್ಯ್ಂಗಲೆ ಆದ ಕೊಮ್ಮ್ ಗಳೆಲ್ಲಾ ಸಿಗ್ದ್ ಗಟ್ಟಿ ಮುಟ್ಟ್ ನ ತಟ್ಟೆ ಮಾಡಿಕಂಡೊ. ಕೆಲ್ಸಕ್ಕೆ ಬಂದವ್ಕೆಲ್ಲ ಕೋಳಿ ಗೈಪುನ ಗಮ್ಮತೂ ಆತ್. ಒಟ್ಟಿಗೆ ಹನೀಸ್ ಹನೀಸ್ ಗ್ಯಾರ್ದಣ್ಣ್ ದೂ!! ಅಂತೂ ಭರ್ಜರಿ ಕಟ್ಟ ಕಟ್ಟಿ ಗದ್ದೆ, ತೋಟಗಳಿಗೆ ನೀರ್ ಬುಟ್ಟೊ. ಅದರೊಟ್ಟಿಗೆ ನಮ್ಮ ಪಾಚುನ ದೆಸೆನೇ ಬದ್ಲಾತ್.. ಕೃಷಿ ಜಾಸ್ತಿ ಆಗೀಂತ ನೆನ್ಸಿದರಿಯಾ... ಖಂಡಿತಾ ಅಲ್ಲ... ನಮ್ಮ ಪಾಚು ಹಾಕಿದ  "ಫೇಸ್ ಬುಕ್ ಫೋಟೋ"ನೇ ಕಾರಣ!!??


       ಫೇಸ್ ಬುಕ್ ಲಿ ಬಂದ ಫೋಟೋ ನೋಡಿ ಪಾಚುನ ಕಟ್ಟಕ್ಕೆ ಸುಮಾರ್ 'ಲೈಕ್'ಗ ಒಟ್ಟಿಗೆ ಒಂದಷ್ಟ್ ಶುಭಹಾರೈಕಗ ಬಾತ್. ಅದರೊಟ್ಟಿಗೆ ಒಂದ್ ಗೂಡೆನ "ಫ್ರೆಂಡ್ ರಿಕ್ವೆಷ್ಟ್" ಕೂಡ!! ಗೂಡೆ ಹಂಚಿಮನೆ ಲಚ್ಚಣ್ಣನ ಎರಡ್ಣೇ ಮಗ್ಳ್ ಅಮ್ಮುಣಿ. ಆ ಗೂಡೆ ಎಂಎಸ್ ಡಬ್ಲ್ಯೂ ಓದಿ ಸಮಾಜ ಕಾರ್ಯಲಿ ಇರವ್ಳು. ಪಾಚುನ ಸಮಾಜಮುಖಿ ಕಾರ್ಯನೋಡಿ ಅಮ್ಮುಣಿಗೂ ಅವನ ಬಗ್ಗೆ ಒಳ್ಳೆ ಮನ್ಸ್ ಅಷ್ಟೆ. ಫೇಸ್ ಬುಕ್ ಪರಿಚಯ ದಿನ ಆದಷ್ಟ್ ಗಟ್ಟಿ ಆಕಂಡ್ ಬಾತ್. ಮನೆಯವ್ಕೂ ಹೇಳಿ ಹೊಸ ನೆಂಟಸ್ತಿಕೆ ಶುರ್ ಮಾಡೋಣೋಂತ ನೆನ್ಸಿದೊ. ಆದರೆ ಭೇಟಿ ಆಕೊಲ್ಲಾ??  ಅಂತೂ ಪಾಚುನ "ಫಸ್ಟ್ ಡೇಟಿಂಗ್" ಫಿಕ್ಸ್ ಆತ್. ಎಲ್ಲರಾಂಗೆ ಚೆನ್ನಕೇಶವ ದೇವಸ್ಥಾನಲೋ, ಆಲ್ ಸೀಸನ್ ಹೋಟೆಲ್ಲೋ ಅಲ್ಲ. ಪರಿಚಯಕ್ಕೆ ಕಾರಣ ಆದ "ನೀರ್ ಕಟ್ಟದ ಕರೆಲಿ"!!! ಸರಿ... ನಮ್ಮ ಪಾಚುನೂ, ಅಮ್ಮುಣಿನೂ ಕಟ್ಟದ ಹಕ್ಕಲೆ ಎತ್ತಿದೊ. ಅಲ್ಲಿಗೆತ್ತಿ ನೋಡ್ರೆ ಎಂತ? ಕತ್ತಲೆನೆ ರಣ ಮಳೆಗೆ ನೀರ್ ತುಂಬಿ, ಕಟ್ಟ ಒಡ್ದ್, ಹಾಕಿದ್ದ ಕೊಮ್ಮ್ ನ ತಟ್ಟೆ ಎಲ್ಲಾ ಬೊಳ್ಳಲಿ ಹೋಗುಟು!! ಅಲ್ಲಿದ್ದ ಎರ್ಡ್ ಎಸ್ಂಡ್ ಗ ಕೊಂಬಲಿ ಒರ್ಂಗಿಸಿ ಮೋಟೆ ಸೇರ್ದೊ. ಪಾಪ ಪಾಚು... ಮನ ಮೆಚ್ಚಿದ ಗೂಡೆಗೆ ತನ್ನ ಕಾರ್ಯನ ತೋರ್ಸಿಕೆ ಹೋಗಿ ಹೊಗ್ಳಿ ಹೊಗ್ಳಿ ಅಗ್ಳ್ ಹರ್ಂಡಿದಾಂಗಾತ್!! ಆದರೂ ಪರ್ವಾಗಿಲ್ಲೆ... ಹೈದ,ಗೂಡೆಗ ಹೊಸ ಜೀವನ ಕಟ್ಟುವ ಬಗ್ಗೆ ಮಾತಾಡಿಕಣ್ತಾ ದೊಡ್ಡವ್ಕೆ ತಿಳ್ಸಿಕೆ ಹೊರ್ಟೊ. 

- ನಿಮ್ಮ ಹೈದ 

Read More
Maxresdefault

ನನ್ನಮ್ಮ

20 Nov 2017

"ಕಾಣದ ದೇವರು ಊರಿಗೆ ನೂರು , ಕಾಣುವ ತಾಯೇ ಪರಮ  ಗುರು " ಹೌದು ಗರ್ಭ ಕಟ್ಟಿದಂದಿನಿಂದ ತಾಯಿಯೊಂದಿಗಿನ ಅನೂಹ್ಯ ಸಂಬಂಧದ ಎಳೆಕವಲೊಡೆದು , ಬರೀ ಕಣ್ಣಿಗೆ ಕಾಣುವ , ಭಾವಿಸಿದಷ್ಟು ಮುಗಿಯದ, ಮರೆಯದಷ್ಟು ಸ್ಮೃತಿಗಳು, ಒಂಬತ್ತು ತಿಂಗಳ ಕಾಲ ಅಮ್ಮನುಂಡರೆ ನನಗೆ ತೃಪ್ತಿ, ಅಮ್ಮ ಉಸಿರಾಡಿದರೆ ನನಗೆ ಉಸಿರು, ಅದೇ ಇಂದು ನಾನುಂಡರೆ ಅಮ್ಮನಿಗೆ ತೃಪ್ತಿ . ನಾನು ಚೆಲುವಲ್ಲಿದ್ದರೆ ಅಮ್ಮನಿಗೆ ಖುಷಿ,  ಏನೋ ಈ ಪ್ರಾಕೃತಿಕ ಬಂಧನ ಜೀವ ಜೀವಗಳ ನಡುವೆ ಉಲ್ಲಾಸದ ಬತ್ತಿಯಂತೆ ಅಲ್ಲಾಡುತ್ತಿದೆ. 

 

ತುತ್ತು ತಿನ್ನಲು ಹಠತೊಟ್ಟರೆ ಮುತ್ತು ನೀಡುತ್ತಾ, ಅಪ್ಪನನ್ನೇ ಆನೆ ಮಾಡಿ ನನ್ನ ಅಂಬಾರಿಯಂತೆ ಕೂರಿಸಿ ಏನೆಲ್ಲಾ ಆಟ ಆಡಿಸಿ ಚಂದಮಾಮನ ಕೊಡಿಸೋ ಆಸೆ ತೋರಿಸಿ ನನ್ನ ಕಿಲ ಕಿಲ ನಗುವಲಿ ಆ ನಗುವ ನಡುವಲಿ ತುತ್ತು ತಿನ್ನಿಸಿ ಏನೆಲ್ಲಾ ಸಂತಸವ ಕಾಣುತ್ತಿದ್ದೆ ಆಲ್ವಾ. "ಕುಕ್ಲು ಬಾಬೆ ಕುಕ್ಲು" ಅಂತ ಹೇಳಿ ತಲೆ ಅಲ್ಲಾಡಿಸುವುದನ್ನು , ತಿರುಗಿಸುವುದನ್ನು ನೋಡುವ ನಿನ್ನ ಕುಶಿ, ಅಲ್ಲೆಲ್ಲೋ ಪುಟ್ಟ ಹೆಜ್ಜೆಗಳಿಗೆ ಬಲವಿಲ್ಲದೇ  ಬಿದ್ದರೆ ಕುಂಡೆಗೆರಡು ಪೆಟ್ಟು ಕೊಟ್ಟು ಎಬ್ಬಿಸುತ್ತಿದ್ದ ನಿನ್ನ ಅರೈಕೆ, ಮಣ್ಣುನ್ನು ತಿನ್ನಲೋ , ಜಗಲಿಯಲ್ಲಿ ಇದ್ದ ಕೋಳಿ ಹಿಕ್ಕೆಯ ಹಿಂದೆ ಹೋದರೆ "ಬಜೀ ಕೊಳಕು ಬಾಲೆ"  ಅಂಥ ಮುದ್ದಿಸುತಿದ್ದದ್ದು, ಸೂಜಿ ಕೊಟ್ಟರೆ ನೀನಗೆನೆ ನನ್ನಿಂದ ಜಾಸ್ತಿ ನೋವಾಗೋದು, ಮತ್ತೆ ಹೆಚ್ಚಾಗಿ ನಾನು ಕೇಳುವ ಮೊದಲೇ ನಿನಗೆ ನನ್ನೆಲ್ಲ ಬೇಕು ಬೇಡಗಳೆಲ್ಲಾ ಗೊತ್ತಾಗಿ ಬಿಡುತಿತ್ತು, ಹೌದು ಇದು ಆ ಮಧುರ ಭಾಂದವ್ಯದ ಕುರುಹುಗಳು. 


ನನ್ನಮ್ಮ ನಸುಕಿನಲ್ಲೆದ್ದು ಸೂರ್ಯನನ್ನೇ ಎಬ್ಬಿಸಲು ಹೊರಡುವವಳು , ತುಳಸಿ ದೇವಿಗೆ ಸುತ್ತು ಬಂದು ಬಿಂದಿಗೆ ನೀರು ಸೇದಿ , ದಿನಚರಿಗೆ ಹಾಜರಿ ... ಅಮ್ಮನ ಕಡೆಯುವ ಕಲ್ಲು ಗಡ - ಗಡವೆಂಬ ಸದ್ದು ಮತ್ತು ಮಂಗಳೂರು  ಆಕಾಶವಾಣಿಯ ಸುಪ್ರಭಾತದ ಜುಗಲ್ ಬಂಧಿಯೊಂದಿಗೆ ನನ್ನನ್ನು ಎಬ್ಬಿಸುತ್ತಿತ್ತು. ಅರೆ ಬಿಸಿ ಮಾಡಿದ  ತಂಗಳನ್ನ ಮತ್ತು ಮೊಸರಲ್ಲಿ ನಮ್ಮನ್ನು ಉಣ್ಣಿಸಿ, ಗಡಿ ಬಿಡಿಯಲ್ಲಿ ಅಪ್ಪನಿಗೆ ಪೋದಿಕೆ  ಕಟ್ಟಿ , ಆಗ ತಾನೇ ಸಿದ್ದವಾದ ಪದಾರ್ಥ ಮತ್ತೆ ಕುಚ್ಚಲಕ್ಕಿ ಅನ್ನ ವನ್ನು ನಮ್ಮ ಶಾಲೆಯ  ಚಿಣ್ಣ  ಚಿಣ್ಣ ಬುತ್ತಿಗಳಿಗೆ  ತುಂಬಿಸಿ ಪ್ಲಾಸ್ಟಿಕ್ ಲಕೋಟೆಯಲ್ಲಿ ಕಟ್ಟಿ ಹೊರಡಿಸುವುದರಲ್ಲಿ ಅಮ್ಮನ ಬೆಳಗಿನ  ಸಂಭ್ರಮ ಕಳೆಯುತ್ತಿತ್ತು .

ಅಮ್ಮ 

ಹಾಗೆ ನೋಡಿದರೆ ಅಮ್ಮನೇ , ಅಪ್ಪನಿಗಿಂತ ಬಲು ಜೋರು , ಮದೆರ್ ಬೆತ್ತ , ಗಾಳಿಯ ಅಡರ್ ಗಳಲ್ಲಿ ಪೆಟ್ಟು ಕೊಡುವುದರಲ್ಲಿ ಇರಬಹುದು, ಬೈಯುವುದರಲ್ಲಿ ಇರಬಹುದು , ಜೀವನ ಸೂಕ್ಷ್ಮಗಳನ್ನೂ ಹೇಳಿಕೊಡುವುದರಲ್ಲಿ ಇರಬಹುದು, ಕೋಳಿ ಸಜ್ಜಿ ಮಾಡುವುದರಲ್ಲಿ ಇರಬಹುದು, ಕಾಟ್ ಹಾವನ್ನು ಓಡಿಸುವದರಲ್ಲಿ ಇರಬಹುದು, ದಿಟ್ಟ, ನೇರ ವಿಷಯಗಳಿಂದ ನಿಷ್ಠುರ ಅದದರಲಿರಬಹುದು, ಯಾರದೋ ಗಾಳಿ ಮಾತನ್ನು ಕೊಂಡೆ ಕಿವಿ ಮಾಡಿ ಕೇಳುವುದರಲ್ಲಿ ಇರಬಹುದು, ಅತಿಥಿಗಳನ್ನೂ ಸತ್ಕರಿಸುವುದರಲ್ಲಿ ಇರಬಹುದು, ದೊಡ್ಡ ಕನಕಿನ ಕಟ್ಟ ತರುವುದರಲ್ಲಿ ಇರಬಹುದು,  ಅಜ್ಜಿ ಕತೆ ಹೇಳುವುದರಲ್ಲಿ ಇರಬಹುದು , ಬಯ್ಯತಾ ಚಾಯಕ್ಕೆ ಕುರು ಕುರು ತಿಂಡಿ ಮಾಡಿ ಕೊಡುವುದರಲ್ಲಿ ಇರಬಹುದು ಹೀಗೆ ಎಲ್ಲದರಲ್ಲೂ ಮುಂದೇನೆ... ಎಲ್ಲರ ಅಮ್ಮನಂತೆ ನನ್ನಮ್ಮನು ಪೂಜೆಗೋ , ಮದುವೆಗೋ ಹೋಗಿ ಬರುವಾಗ  ಅಲ್ಲಿ ಊಟಕ್ಕೆ ಬಡಿಸಿದ  ಹೋಳಿಗೆಯನ್ನು ಎಡಕೈ ಯಲ್ಲಿ ತೆಗೆದುಕೊಂಡು ಕರವಸ್ತ್ರ ದಲ್ಲಿ ಕಟ್ಟಿ ತಿನ್ನಿಸಿದ್ದು, ಯಾರದ್ದೋ ದೂರು ಬಂದರೆ ಬಯ್ಯದೇ ಬುದ್ದಿ ಹೇಳಿದ್ದು, ಗಮ್ಮತ್ತಿನ ದಿನ ಎಲ್ಲವನ್ನೂ  ಬಡಿಸಿ ಕಡೆಗೆ ತಿಳಿಸಾರಿನಲ್ಲೇ ಊಟ ಮಾಡಿ ಕೈ ತೊಳೆದದ್ದು.. ಕಷ್ಟದ ದಿನಗಳಲ್ಲಿ ಇದ್ದುದನ್ನೆಲ್ಲ  ಬೇಯಿಸಿ ನಾನಾಗಲೇ ತಿಂದೆ ಹಸಿವಿಲ್ಲವೆಂದು ಏನೇನೊ ಸಬೂಬು ಹೇಳಿ ಖಾಲಿ ಹೊಟ್ಟೆಯಲ್ಲಿ ಮಲಗಿದ್ದು ಎಲ್ಲ ಅಮ್ಮ ಎಲ್ಲವನ್ನು ಒಡಲಲ್ಲಿ ಬಚ್ಚಿಟ್ಟು ಸಾಕಿದ ಸಾಕ್ಷಿಗಳು.
ಇಂದು  ನನ್ನ ನೋವಿಗೆ ತೇವಗೊಳ್ಳುತಿದ್ದ ಅಮ್ಮನ ಕಣ್ಣು ಸ್ವಲ್ಪ ಗುಂಡಿಯಲ್ಲಿವೆ  , ಮೊಗದಲ್ಲಿ ಭಾವನೆಯ ಗೆರೆಗಳು ದಣಿದ ನೆರಿಗೆಗಳಿವೆ, ಮಾತಿನ ಧ್ವನಿ ತೊದಳುತಿವೆ , ಮಗ ನನ್ನಿಂದ ಎತ್ತರ ಬೆಳೆದಿದ್ದನೆಂದೋ , ಶಾಲೆಗೆ ಹೋಗಿದನೆಂದೋ,  ಮಾತನ್ನು ಕೇಳುವುದಿಲ್ಲವೆಂದೋ , ಸ್ವಲ್ಪ ಹಿತ ನುಡಿಯು ಕಡಿಮೆಯಾಗಿದೆ ಅಷ್ಟೇ ... ಸೇರುಗಟ್ಟಲೆ ಪ್ರೀತಿ , ಬೊಗಸೆ ತುಂಬಾ ಮಮತೆ ಕೊಟ್ಟು ಭೌತಿಕ ಜೀವ ನೀಡಿ ,ಅಪ್ಪನಾಗಿ ಬುದ್ದಿ ಹೇಳುವ , ಅಜ್ಜಿಯಾಗಿ ಕಥೆ ಹೇಳುವ ನನ್ನಮ್ಮನಿಗೆ ಈ ಹಾಡು
ಅಮ್ಮ ನೀನು ನಮಗಾಗಿ
ಸಾವಿರ ವರುಷ ಸುಖವಾಗಿ
ಬಾಳಲೇ ಬೇಕು ಈ
ಮನೆ ಬೆಳಕಾಗಿ ....

Read More