1aa7f17bb7d9067fdbd1ab2eaf5ee702  rain photography artistic photography

ನನ್ನ ಕಣ್ಣೀರು....!!

ಕೈಯಲ್ಲಿ ಹೂಗುಚ್ಚ, ಕೊರಳಲ್ಲಿ ಹೂಮಾಲೆಯೊಂದಿಗೆ
ಅವಳು ಅವನ ಕೈ ಹಿಡಿದು ಹೊರಟಳು…

 

ಅವರು ನಿರೀಕ್ಷಿಸದ ಮಳೆಯೊಂದು ಸುರಿಯಿತು..
ನಾನು ಆ ಮಳೆಯ ನಿರೀಕ್ಷಿಸಿದ್ದೆ..!

ಮೊದಲ ಮಳೆಗೆ ಪುಳಕಿತಗೊಂಡ ಅವಳು
ಮಗುವಂತೆ ಕುಣಿದು ಕುಪ್ಪಳಿಸಿದಳು…

ಅವಳ ಸಂತಸ ಇಮ್ಮಡಿಗೊಳಿಸಿದ
ಆ ಮಳೆ ನನ್ನ ಕಣ್ಣೀರೆಂದು ಅವಳಿಗೆ
ಗೊತ್ತಾಗದಿರಲಿ.. ಎಂದಿಗೂ..!!

                                 - Prajwal Bychana

Comments

Img 20150831 224741
Theertha Where you copied Bawa
over 1 year ago
Img 20180224 110916
Chengappa Great!! Ten lines poem is equal to, two and half hours "Mungaru Male" movie.
almost 2 years ago
Img 20180515 wa0022
Manjuprasad Nice feeling... Supper ya...
about 2 years ago

Other articles

Bangalore

ಬೆಂಗ್ಳೂರ್ ಲಿ ಅಂಗೈ ಅಗಲ ಜಾಗೇ ಇದ್ದಿದ್ದರೇ…

03 Jul 2017

ಬೆಂಗ್ಳೂರ್ ಲಿ ಅಂಗೈ ಅಗಲ ಜಾಗೇ ಇದ್ದಿದ್ದರೇ…??!! “ಸಣಪಾ.. ನಂಗೆ ಬೆಂಗ್ಳೂರ್ ಲಿ ಬೆರೀ ಅಂಗೈ ಅಗಲ ಜಾಗೇ ಇದ್ದಿದ್ದರೇ ..?” ತೇಳಿಕಂಡ್ ಕುಂಞಣ ಕೂಜಿನಾಂಗೆ ಕೂಕುಳು ಹಾಕಂಡ್ ನನ್ನಕ್ಕಲೆ ಬಂದ್ ಎಲಾಡ್ಕೆಗೆ ಕೈ ಒಡ್ಡಿ ನಿತ್ತತ್..! “

 

ಏನಾತ್ ನೇ… ಆರ್ಬಾಯಿ ಕೊಟ್ಟ್ ಕಂಡ್ ಈಗ ಬಂದಿಯ? ಸುಮಾರ್ ದಿನ ಆತ್ ನಿನ್ನ ಕಾಣದೆ..ಎತ್ತ ಹೋಗಿದ್ದನೆ..?”

“ಅಯ್ಯೋ ಸಣಪಾ.. ಬೆಂಗ್ಳೂರಿಗೆ ಹೋಗಿದ್ದೆ ಬಲರಿಯಾ.. ಬೆಂಗ್ಳೂರ್ ಗೆ..! ಹೆಣ್ಣ್ ನನ್ನ ಜೋಬಿಗೆ ಎರ್ಡ್ ಸಾವ್ರ ನೋಟ್ ನ ತುಂಬಿಸಿ ಮಗಳ ನೋಡಿಕಂಡ್ ಬನ್ನಿಂತ ಬೆಂಗ್ಳೂರ್ಗೆ ಕಳ್ಸಿತ್..! ನನ್ನಕ್ಕಲೆ ಇದ್ದ ಚಿಲ್ಲರೆನ ಬಸ್ಸ್ ಗೆ ಕೊಟ್ಟ್ ಕಿಡ್ಕೆ ಕರೇ ಸೀಟ್ ಲಿ ಸುಂರ್ಟಿ ಮಲ್ಗಿದವಂಗೆ “ಮೆಜೆಸ್ಟಿಕ್ ..ಮೆಜೆಸ್ಟಿಕ್ .”.ತ ಕರಿಯಕನನೇ ಎಚ್ಚಿರ್ಕೆ ಆದ್..! ತಬ್ಬುರ್ಸಿ ಚೀಲ ಕೋಸಿಕಂಡ್ ಇಳ್ದದ್ ಒಂದ್ ಗೊತ್ತುಟು..

ಉಚ್ಚೆ ಬಂದ್ ಅಂಡಿ ಹೋಗಿ ತಡೆಕೆ ಬೊತ್ತು…! ಉಚ್ಚೆ ಹೊಯಕೇಂತ ಟಾಯ್ಲೆಟ್ ಗೆ ಹೋದರೆ ಅಲ್ಲಿ ಸೊಸೈಟಿಲಿ ಸೀಮೆಣ್ಣೆ-ಸಕ್ಕರೆಗೆ ಕ್ಯೂ ನಿತ್ತಾಂಗೆ ನಿತ್ತಳೋ..! ಅಂತೂ ನಿತ್ತ್ ನಿತ್ತ್..ಹೇಂಗಾರ್ ಹೊಯ್ದ್ ಹೊರೆಗೆ ಬಂದರೆ ಎದ್ ರ್ ಒಬ್ಬ ಟೇಬುಲ್ ಕುರ್ಚಿ ಹಾಕಿ ಕಾಲ್ ಮೇಲೆ ಕಾಲಾಕಿ ಟಚ್ ಸ್ಕ್ರೀನ್ ಮೊಬೈಲ್ ಒತ್ತಿಕಂಡ್ ಮೂರು ರುಪಾಯಿ ಚಿಲ್ಲರೆ ಕೊಡಿಂತ ಕೇಳ್ತ್.. ನಾ ಎರ್ಡ್ ಸಾವ್ರದ ನೋಟ್ ತೆಗ್ದೆ..! ಅಂವ ನನ್ನ ಮುಸುಂಡುನನೇ ನೋಡಿ ಹೆದ್ರಿಸಿ “ಹೋಗು ಚೇಂಜ್ ತಕೊಂಡ್ ಬಾ..” ಅಂತ ಏಕವಚನಲಿ ಬೊಯ್ತ್ ಸಣಪಾ…!! ನನ್ನ ಪಿತ್ತ ಒಮ್ಮೆ ಕೆದರ್ತ್…ಅಂವ ಮೂರು ಕಾಸ್ ನ ವ ಊರುಲಿ ಮನಿ ಸಿಕ್ಕ ಕಾಯ್ತ್ …ಅವನ ಸಂತಾನ ಮುತ್ತಿ ಅಡ್ಸಿದ್ದೆ..!

ಏನ್ ಮಾಡ್ದು ಸುಟ್ಟೆ ಹೋಗಲಿಂತ ಮೂರ್ನಾಕ್ ಅಂಗ್ ಡಿಲಿ ಚಿಲ್ರೆ ಕೇಳ್ದೆ..! ಅಕೇರಿಗೆ ಮೂವತ್ರುಪಾಯಿಗೆ ಅರ್ಧ ಕುಪ್ಪಿ ನೀರ್ ತಕಂಡ್ ಉಚ್ಚೆ ಹೊಯ್ದದಕ್ಕೆ ಮೂರು ರುಪಾಯಿ ಚಿಲ್ಲರೆ ಕೊಟ್ಟ್ ಹೇಂಗಾರ್ ಹೊರೆಗೆ ಬಂದೆ..!

ನೀವೆ ಹೇಳಿ ಸಣಪಾ…ನಿಮ್ಮ ಮೂರೆಕ್ರೆ ಕಾಫಿ, ಐನೂರು ರಬ್ಬರ್, ಎರ್ಡ್ ಕಂಡಿ ಅಡ್ಕೆನೂ, ತಿಂಬಕ್ಕೆ ಬತ್ತನೂ ..ಇಷ್ಟೆಲ್ಲಾ …ಇದ್ದು… ನಿಮ್ಮಕ್ಕಲೆ ಒಂದ್ ಒಳ್ಳ ಅಪ್ಪಂಗುಟ್ಟಿದ ಮೊಬೈಲ್ ಉಟ್ಟಾ..? ಅದ್ಕೇ ಹೇಳ್ದ್ ..ನನ್ನಪ್ಪ ಇಲ್ಲಿ ಇಷ್ಟೇಲ್ಲಾ …ಜಾಗೆ ಜಮ್ಮ ಮಾಡುವಲ್ಲಿಂದ ಬೆಂಗ್ಳೂರ್ ಲಿ ಅಂಗೈ ಅಗಲ ಜಾಗೇ ಮಾಡಿಸಿದ್ದರೆ…?” “

ಅಯ್ಯೆನ ಬಂಡೆ ಪರಮಾತ್ಮಾ…ಬೆಂಗ್ಳೂರು … ಹಿಂಗಾಗುಟ್ಟನೇ,,,? ಒಂದ್ ಕುಪ್ಪಿ ನೀರ್ ಗೆ ಮೂವತ್ರುಪಾಯಿ. ಅದರ ಕುಡ್ದರೆ ಹೊಯ್ದ ಚಾರ್ಜ್ ಮೂರು ರುಪಾಯಿ..! ಆಕಿಲೆ ಬಲಾ…ಎಲ್ಲಾ ಕಲಿ ಮೈಮೆ ಮೀರಿ ಹೋತ್..! ನೀ ಒಂದ್ ಕೆಲ್ಸ್ ಮಾಡ್.. ನೀನೂ ಬೆಂಗ್ಳೂರ್ ಲಿ ಅಂಗ್ ಡಿ ಓಪನ್ ಮಾಡಿ ಒಂದು ಪುಡೆಲಿ ನೀರೂ ..ಇನ್ನೋಂದು ಪುಡೆಲಿ ಟಾಯ್ಲೆಟ್ ಗೂ ವ್ಯಾಪಾರ ಮಾಡ್.. ನಿಂಗೆ ಎರ್ಡೂ ಕಡೆಂದಳೂ..ದುಡ್ಡುಂತೇಳಿ” ನಾ ನೆಗಾಡಿಕಂಡ್ ಉಮ್ಮುಣ್ಣಿ ಕಚ್ಚಿಸಿಕಂಡ್ ಕೊಕ್ಕ ಕೊಯ್ಯಕ್ಕೆ ಹೋದೆ…!!.

-ಲೋಕೇಶ್ ಊರುಬೈಲು

Dsc 7996

ಕುಂಞನೂ…. ಕ್ರಿಕೆಟ್ ನೂ…

26 Aug 2017

ಕುಂಞಣ ಹೈದನ ನೋಡದೆ ಸುಮಾರ್ ದಿನ ಆಗಿತ್

ಉಟ್ಟಾ ಹೋಗುಟ್ಟಾಂತ ನೋಡನೋಂತ ಅವನ ಮನೆಗೆ ಹೋದೆ. 

ಹೋಕನ  ಎದ್ ರ್ ಚಿಣೆಲಿ ಬೆರೀ ಒಂದ್ ತೋರ್ತ್ ಉಟ್ಟ್ ಕಂಡ್ ಮೈಗೆ ಪೂರಾ ಕಡೆಂಜ ತ್ಯಾಂಪಣ್ಣನ ಎಣ್ಣೆ  ಹಾಕಂಡ್ ಹೊಟ್ಟೆ ಹೊರ್ಡಿಸಿಕಂಡ್  ಮಂಕ್ ಣಿ ಮಲ್ಗಿಟ್ಟು…! 

“ ಏನಾತ್ ನೇ ಕುಂಞಣಾ… ಪಕ್ಷವಾತ ಮಿನಿ ಆಗುಟ್ಟಾಂತ ಕೇಳ್ದೆ..”

“ಅಯ್ಯೋ ನಿಮ್ಮ ಬಾಯ್ಗೆ..! ಕಾಯಿಲೆ-ಗೀಯಿಲೆ ಒಂದೂ ಇಲ್ಲೆ ಚಿಕ್ಕಾ!

ಕ್ರಿಕೆಟ್ ಬಲರಿಯಾ..ಕ್ರಿಕೆಟ್…ನಮ್ಮ ಕಿಚ್ಚಿಕೊಟ್ಟ ಮಕ್ಕ ಒಳೊ ಅಲ್ಲಾ ಹೇಳಿ..?

ಪ್ಯಾಮಿಲಿ ಕ್ರಿಕೆಟ್, ಹೋಗದಿದ್ದರೆ ಮೊರ್ಯಾದಿ ಹೋದೆ, ನೀವು ಬಂದ್ 

ಸುಮ್ಮನೆ ನಿತ್ತ್ ಕಂಡ್ರೆ ಸಾಕ್ ಲೆಕ್ಕ ಬರ್ತಿಗೆಂತ ಕರ್ಕಂಡ್ ಹೋಗಿ ಆ 

ಉರಿ ಉಟ್ಟಾಣ ಬಿಸ್ಲ್ ಲಿ ಒಂದೇ ದಿನಲಿ ನನ್ನ ಒಣ್ ಗಿಸಿದೊ.. ನನ್ನ ಆ  ಸುಟ್ಟೊವು ಕೀಪರ್ ನ ಹಿಂದೆ ನಿಲ್ಸಿದೊ.. ಅತ್ತಂದ ಬೋಲ್ ಹಾಕಿದಾಂಗೆ ಕೀಪರ್ ತಮ್ಮಣ್ಣ ಹೈದ ಬುಡ್ದು..! ಅಷ್ಟೊತ್ತಿಗೆ ಬಾಕಿದ್ದವು ಪೂರಾ ಬೊಬ್ಬೆ ಹಾಕುದು.. ನಂಗೆ ಬೊಲ್ ಹಿಂದೆ ಓಡಿ ಓಡಿ ಸಾಕಾತ್. 

ಕೀಪರ್ ಹಿಂದೆ ನಾ ನಿಲ್ಲುದುಲೇ ತೇಳಿರೆ.. ನೀವ್ಗೆ ಕ್ಯಾಚ್ ಹಿಡೆಕೆ ಆಕಿಲೆ ತೇಳಿ ನನ್ನ ಅಲ್ಲೇ ..ನಿಲ್ಸಿ ಕೊಂದೊ..! ಈಗ ನೋಡ್ರೆ … ಎದ್ದರೆ ಕುದ್ರಿಕಾದುಲೆ..

ಕುದ್ದರೆ  ಎದ್ರಿಕಾದುಲೆ..ನಡೆ-ನಡೆ, ಸಂದಿ,ಸಂದಿ ಪೂರಾ ಬೇನೆ…”.

 

“ಗೆದ್ದರಿನಾ ಕುಂಞಣಾ..?”

“ಹುಂ ಗೆದ್ದೊ..ಚಿಕ್ಕಾ.. ಆದರೆ ನಾವಲ್ಲ..! ಹಾಂಗೂ ..ಹೀಂಗೂ ..ಉರ್ಡಿ , ಹೊಣ್ಕಿ, ಎದ್ದ್, ಎದೆ, ಹೊಟ್ಟೆ ಕೊಟ್ಟ್ ತಡ್ದ್ ಮೂರ್ ಮ್ಯಾಚ್ ಗೆದ್ದೊ.

ಅಷ್ಟೊತ್ತಿಗೆ ಮನೆಂದ ಹೆಂಗ್ ಸ್ ದ್ ಗಳ್ಗೆಗೊಮ್ಮೆ ಪೋನ್.. “ ಮಕ್ಕ ಮರ್ಟವೆ..

ತವ್ರುಂದ ತಮ್ಮ ಬಂದುಟ್ಟು.. ಅರ್ಜೆಂಟ್ ಅರ್ಧ ಕೇಜಿ ಮೊತ್ತಿ ಮೀನ್ ತಕಂಡ್ ಬನ್ನೀಂತ..” ಅತ್ತ ಮಕ್ಕ ಬುಡ್ದುಲೆ, ಇತ್ತ ಹೆಂಗ್ ಸ್ ಬುಡ್ದುಲೆ..ಅಂತೂ ಅಕೇರಿಗೆ ಮಕ್ಕಳಿಗೆ ಒಂದೊಂದು ಐಸ್ ಕ್ರೀಮ್ ಕೊಡ್ಸಿ ಹೆಡ್ಡ್ ಮಾಡಿ.. “ಮಕ್ಕಳೇ ..ನೀವು ಆಡಿ ನಾ ಫೈನಲ್ ಆಡಿಕೆ ಬನ್ನೇಂತೇಳಿ, ಅಂಬೇರ್ಪುಲಿ ಮೊತ್ತಿ ಮೀನ್ ತಕಂಡ್ ಬಾಕನ ಅಂವ ಹೋಗುಟ್ಟು…ಸಿಟ್ಟ್ ಲಿ ಹೆಂಗ್ ಸ್ ಗೆ ನಾಕ್ ಬೊಯಿದೆ. ಅಷ್ಟೊತ್ತಿಗೆ ಅಯ್ಯೆ ಪರ್ಚಿತ್ . ಮೊತ್ತಿ ಮೀನ್ ನ ಹೆರ್ಕಿ ಇಟ್ಟೇ…!”

 

“ಮತ್ತೆ ನೀ ವಾಪಾಸ್ ಆಟಕ್ಕೆ ಹೋತ್ಲೇನಾ ಕುಂಞಣ…?”

“ಹೋಗಿದ್ದೆ ಚಿಕ್ಕಾ…ನಾ  ಅರ್ಧಕ್ಕೆ ಹೋಕನ ಮಕ್ಕ ಎಡೆದಾರಿಲಿ 

ಬಾತಾ ಒಳೊ..ಏನೋ ಬಿಸ್ಲ್ … ಬೋಲ್ ನಾವು ಹೇಳ್ದಾಂಗೆ ಬೀಳ್ದುಲೆ..

ಕುಡೆಕೆ ನೀರಿಲ್ಲೆ.. ಮೈಕೈ ಬೇನೆ..ಪಿಚ್ ಉದ್ದ..ಹಾಂಗೆ ಹೀಂಗೆಂತ ಸೂನೆ ಹೇಳಿಕಂಡ್ ..ನಡ್ಕಂಡ್ ಬಂದವೆ..ಮೊಣ್ಣ್ ಕಚ್ಚೇ ಹೋಗಲಿ ತೇಳಿ … ಅದ್ರಾಮುನ ಅಂಗ್ ಡಿಂದ ಬೇನೆದ್ ಎಣ್ಣೆ ಕುಪ್ಪಿ ತಕಂಡ್ ನಾ ಬಂದೆ…!”

 

ಅಷ್ಟೊತ್ತಿಗೆ ಕುಂಞಣನ ಹೆಣ್ಣ್ ಒಳೆಗೆಂದ ಬಂದ್ “ ಓ ಮಾವ ..

ಬನ್ನಿ ಚಾಯ ಕುಡ್ಕಣಿ.. ಮೊತ್ತಿ ಮೀನ್ ಗೈಪುನೂ..ಬೊಡ್ರೊಟ್ಟಿನೂ..”

ಉಟ್ಟುಂತ ಹೇಳಿ ಕೈ ತೊಳೆಕೆ ನೀರ್ ಕೊಟ್ಟತ್. 

ನಾ ಕುಂಞಣನ ಮೋರೆ ನೋಡಿ ..”ನಂದ್  ಈಗ  ಚಾಯ ಆತ್

ಸೊಸೆ..ಈ ಬಿಸ್ಲ್ ಗೆ ಬೊಡ್ಡಿಟ್ ತಿಂದರೆ ನೀರ್ ಕುಡ್ದ್ ಕುಡ್ದ್ 

ಸಾಯೆಕಾದು” ತ ಹೇಳಿ ..ಒಂದ್ ಮುಕ್ಕುಳಿ ನೀರ್ ಕುಡ್ದ್ 

ಎಣ್ಣೆ ಕುಪ್ಪಿಲಿದ್ದ ತ್ಯಾಂಪಣ್ಣನ ಚಿತ್ರ ನೋಡಿಕಂಡ್ ಕುದ್ದೆ.

“ಅಂದರೆ ನಾ ಎಲಾಡ್ಕೆ ಜೋಡ್ಸಿನೆ ಚಿಕ್ಕಾ..!” ಅಂತ ಹೇಳಿ 

ಕುಂಞಣ ಹೈದ ನಿಗರಿಕಂಡ್ … ಹೊಟ್ಟೆನ ಎಳ್ಕಂಡ್ ಒಳೆಗೆ ಹೋತ್ …..!

 

 

 

 

 

Fb img 1522252698965

ನೆನಪಿನಂಗಳದಲ್ಲಿ ಒಂದು ಕ್ಷಣ

28 Mar 2018

ಅಂದು ಮೈಸೂರಿನಿಂದ ಕೊಡಗಿನ ನನ್ನ ಮನೆಗೆ ಪ್ರಯಾಣಿಸುತ್ತಿದ್ದೆ. ದಿನವಿಡೀ ತನ್ನ ಪ್ರಖರತೆಯನ್ನು ಬೀರಿ, ನೇಸರನು ನಾಚಿಕೆಯಿಂದ ಅಂಬುಧಿಯ ಮಡಿಲನ್ನು ಸೇರಲು ಹವಣಿಸುತ್ತಿದ್ದನು. ಇದ್ದಕ್ಕಿದ್ದಂತೆ ಆಕಾಶವನ್ನು ಕರಿ ಮೋಡಗಳು ಆವರಿಸುತ್ತಿದ್ದವು.ಮಳೆಯ ಹನಿಗಳು ಬಾನಿನ ಭದ್ರಕೋಟೆಯನ್ನು ಸೀಳಿಕೊಂಡು ಧರೆಗೆ ಮುತ್ತಿಡಲು ಹಾತೊರೆಯುತ್ತಿದ್ದವು…….

ಒಂದುಕ್ಷಣ ಜಗತ್ತೇ ಭ್ರಮಾಲೋಕ ಅನಿಸುತ್ತದೆ ಅಲ್ಲವೇ…ಬಸ್ಸಿನ ಕಿಟಕಿಗೆ ಒರಗಿಕೊಳ್ಳುತ್ತಿದ್ದಂತೆ ಕೆಲವರ ಹಲವು ನೆನಪುಗಳು ಹೃದಯದ ದಡಕ್ಕೆ ಅಲೆಗಳಂತೆ ಅಪ್ಪಳಿಸಿದವು. ನೆನಪಿನ ಬುತ್ತಿಗಳು ತೆರೆಯಲಾರಂಭಿಸಿದವು.ಕೆಲವೇ ಕೆಲವು ಸಂವತ್ಸರಗಳು ನನ್ನ ಬದುಕಿನಲ್ಲಿ ಅದೆಷ್ಟು ಬದಲಾವಣೆಗಳನ್ನು ತಂದಿದ್ದವು.ನೋಡ ನೋಡುತ್ತಿದ್ದಂತೆ ಇಂಜಿನಿಯರಿಂಗ್ ವಿದ್ಯಾಭ್ಯಾಸ ಮುಗಿಯಲು ಬಂದಿತ್ತು.ಈ ನಾಲ್ಕು ವರ್ಷಗಳಲ್ಲಿ “ಸ್ನೇಹಿತರು” ಎಂಬ ಶೀರ್ಷಿಕೆಯಲ್ಲಿ ಸಿಕ್ಕ ಹಲವರು “BFF” ಎಂಬ ಶೀರ್ಷಿಕೆಯಲ್ಲಿ ಸಿಕ್ಕ ಕೆಲವರು ಮನಸ್ಸಿನಲ್ಲಿ ಆಳವಾಗಿ ನೆಲೆಯೂರಿದ್ದರು. ಮನಸ್ಸೆಂಬ ಅಂಗಳದಲ್ಲಿ ಅಳಿಸಲಾಗದಂತ ಹೆಜ್ಜೆ ಗುರುತು ಮೂಡಿಸಿದ್ದರು. ಈ ಎಲ್ಲಾ ಸಿಹಿವೇದನೆಗಳ ನಡುವೆ ಕೆಲವು ಹೇಳಿಕೆಗಳು ಮನಸ್ಸಿಗೆ ಘಾಸಿ ಮಾಡಿದ್ದಂತೂ ಸತ್ಯ.ಇವೆಲ್ಲದರ ಹೊರತಾಗಿ, ಜೀವನದ ಜಂಜಾಟದಲ್ಲಿ, ಜವಾಬ್ದಾರಿಗಳ ಮಧ್ಯೆ ಹೃದಯ ಮುಟ್ಟಿದ ಸ್ನೇಹಿತರನ್ನು ಕಳೆದುಕೊಳ್ಳುವ ಭಯ ಕಾಡಲಾರಂಭಿಸಿದವು.ಕೆಲವರು “ಮೊದಲೇ ಸಿಗಬಾರದಿತ್ತೇ?” ಎನಿಸಿತು…”ಪ್ರಾಣ ಸ್ನೇಹಿತ”ರ ಜೊತೆಗೆ ಕಳೆದ ನೆನಪುಗಳ ನೆನೆದಾಗ…, ಕೊಡಗಿನ ಜಡಿಮಳೆಗೆ ಕೆರೆ ಕಟ್ಟೆಗಳು ತುಂಬುವಂತೆ ಹೃದಯ ತುಂಬಿ ಬಂತು.., ಕಣ್ಣಂಚಿನಲ್ಲಿ ಹನಿಹನಿಯಾಗಿ ಮೂಡಿದ್ದ ಒಂದೆರಡು ತೊಟ್ಟು ಕಣ್ಣೀರು ಕೆನ್ನೆಯನ್ನು ಸವರುತ್ತಾ ಮರೆಯಾದವು……

ಹೀಗೆ ಲೋಕದ ಪರಿವೆಯೇ ಇಲ್ಲದೆ ಕಲ್ಪನಾಲೋಕದಲ್ಲಿ ಮುಳುಗಿ ಹೋಗಿದ್ದ ನನಗೆ ಸಿಡಿಲಿನ ಆರ್ಭಟದ ಮುಂದೆ ಜಯಿಸಲಾಗಲಿಲ್ಲ.ಎಲ್ಲಾ ನೆನಪುಗಳು ಮಿಂಚಿನಂತೆ ಮರೆಯಾದವು. ಮತ್ತದೇ ಕಹಿ ವಾಸ್ತವಕ್ಕೆ ಮರಳಲು ಮನಸು ಒಪ್ಪದಿದ್ದರೂ, ಅನಿವಾರ್ಯವಾಗಿತ್ತು. ಆದರೂ ನೆನಪುಗಳು ಅದೆಷ್ಟು ಸುಂದರ ಅಲ್ಲವೇ…ಬೇಡವೆಂದರೂ ಬೆಂಬಿಡದೆ ಬೇತಾಳದಂತೆ ಬೆನ್ನು ಹತ್ತಿ ಬರುತ್ತವೆ….

ಹಿಂದೊಮ್ಮೆಓದಿದ ಸಾಲು ನೆನಪಾಯಿತು…..”ಬದುಕು ಎಂದರೆ ಕೊನೆ ಅರಿಯದ ಪಯಣ..,ಯಾವುದೂ ಶಾಶ್ವತವಲ್ಲ…ಕೊನೆಯಲ್ಲಿ ಉಳಿಯುವುದು ಒಂದೇ.., ಹೃದಯ ತಟ್ಟಿದ ನೆನಪುಗಳು ಮಾತ್ರ...!" ಎಷ್ಟುಅರ್ಥಗರ್ಭಿತ ಅಲ್ಲವೇ..??

                                                              ಉಜ್ವಲ್ ಬೈಚನ

 

Rain 2364935 960 720

ಮಳೆ ಹನಿ

06 Jan 2018

ಇಲ್ಲಿ ನಿಲ್ಲದ ಗಾಳಿ ಮಳೆ
ಮೊದಲ ಪ್ರೇಮದ ಹೈಕ್ಳು
ಗರಿ ಬಿಚ್ಚಿ ಸಂಭ್ರಮಿಸಿದರೆ
ಮುಖವಾಡದವರು ಹೆದರಿ
ಬಾಗಿಲು ಮುಚ್ಚಿದ್ದಾರೆ…


ಈ ಮಳೆಯಲ್ಲಿ ನೆನೆದವರೆಷ್ಟೋ..
ಹನಿಗಳು ದಕ್ಕಿಸಿಕೊಂಡವರೆಷ್ಟೋ..
ಕಳೆದ ಮಳೆಗೆ ನೆನೆದಿದ್ದ ಪ್ರೇಮಿ
ಈ ಮಳೆಗೂ ಮೈಯೊಡ್ಡಿದ್ದಾನೆ…
ನಡುವೆ ಕಣ್ಣೀರು ಸಂಗಮಿಸಿದ್ದು
ಯಾರಿಗೂ ತಿಳಿಯದಂತೆ….

ಮಳೆ ಬರಲಿ,
ಕರೆಂಟೂ ಕೈಕೊಡಲಿ..
ಚಿಮಿಣಿ ದೀಪಕ್ಕೆ ನಿನ್ನ ಮಚ್ಚೆಗಳು ಮತ್ತಷ್ಟು ಹೊಳೆಯಲಿ
ಅಂದಹಾಗೆ,
ಈ ಜೋಪಡಿಗೂ ಮಳೆಹಾನಿ
ಪರಿಹಾರ ಸಿಗಬಹುದಾ ?

 

Cimg0243

ನೆನಪಿನ ದೋಣಿಗ

18 Aug 2017

ಅಂದ್ ಕಳ್ದಾ ಆ ಪ್ರೈಮರಿ ಶಾಲೆ ದಿನಂಗಳ ನೆನ್ಸಿರೆ...

ಅದೇ ನಾವ್ಗೆ ಸ್ವರ್ಗದ ದಿನಗ ಆಗಿತ್ತು ತೇಳ್ರೆ ತಪ್ಪಾಕಿಲೆ..
ಇಂದುನ ಮಕ್ಕಳಿಗೆ ಕುತ್ತಿಗೆಗೆ ಟೈ,ಕಾಲಿಗೆ ಶೂ,ತಲೆಗೆ ಕ್ಯಾಪ್ ಬಣ್ಣಬಣ್ಣದ ಬಟ್ಟೆಬರೆಗ
ಹೋಕೆ ಬಾಕೆ ಅಬ್ಬಬಾ ಒಂದಾ ಎರ್ಡಾ...?

ನಾವ್ ಶಾಲೆಗೆ ಹೋಕನ ಕಾಲಿಗೆ ಎಕ್ಕುಡ ಹಾಕುದೇ ಕಮ್ಮಿ ನನ್ನ ಕಾಲು ದಿನ ಜೋಡ್-ತ ಕಂಡದು ಎಸ್.ಎಸ್.ಎಲ್.ಸಿ ದಾಟಿದ ಮೇಲೆನೆ...
ಯಾಕೆ ತೇಳ್ರೆ ಇದ್ದರೆ-ಇದ್ದರೆ ಅದ್ ಹವಾಯಿ ಚಪ್ಪಲು, ಬೇರೆ ಜೋಡ್ ಕಾಂಬೋದೆ ಅಪುರೂಪ, ಒಂದು ಚಪ್ಪಲ್ಗೆ ಬೈಕಪ್ ದು ಬಾರ್ ಇದ್ದರೆ ಇನ್ನೊಂದು ಚಪ್ಪಲ್ಗೆ ಲೂನರ್ಸದು ಇರ್ತಿತ್ತು...
ಆ ಚಪ್ಪಲುಗಳಲ್ಲಿ ಅರ್ಧಚಂದ್ರ, ಸೂರ್ಯ,ಗ್ರಹಗಳ ಚಿತ್ರ ನೀಲಿ ಕಲರ್-ಲಿ ಕಾಂಬೋದು ಸಾಮನ್ಯವಾಗಿತ್
ಇದು ಒಂದು ಆದರೆ ಇದರ ಕಾಪಡಿಕೊಂಬೊದು ಇನ್ನೊಂದು ಸಾಹಸ, ಚೋಡಿದಾಟ್ಕಣ ಚೋಡಿಲಿ ಹೋದು ಇದ್ದರು  ಶರ್ಟ್ಂದ ತಲೆಗೆ ಮುಟ್ಟ ಬರುವ ಚೋಳುನ ಚುಕ್ಕಿಗ ಇದೇ ಕಾರಣಕ್ಕಾಗಿ ಅಂದು ಚಪ್ಪಲುನ ಇಷ್ಟಪಡೋವು ಕಮ್ಮಿ ಇದ್ದೊ.
ಹಂಗೆತಾ ಇದೇನೂ ತುಂಬಾ ಹಳೆ ಕಥೆನು ಅಲ್ಲಾ ಬರೀ ಇಪ್ಪತ್ತು ವರ್ಷಗಳ ಹಿಂದೆನ ದಿನಂಗ.


"ಇನ್ನ್ ಸಾರಿಗೆ ವಿಷಯಯಕೆ ಬಂದರೆ"
 ಇಂದುನ ದಿನ ಹೋಕೆ ಬಾಕೆ ಸ್ಕೂಲ್‌ ವ್ಯಾನ್ ಗ, ಜೀಪ್, ಕಾರ್ಗಾ,,,
ಈಗನಂಗೆ ಪೇಟೆ ಪಟ್ಟಣಲಿ ಇರುವ ಇಂಗ್ಲಿಷ್ ಶಾಲೆಗಳಿಗೆ ಹೋತಿತ್ಲೆ, ಕಳ್ಸಿತಾಇತ್ಲೆನೂ,,,,,
ಬಡತನ ಇರ್ಲಿ,ಸಿರಿತನ ಇರ್ಲಿ
ಏನಿದ್ದರೂ ಸರಕಾರಿ ಹಿರಿಯ-ಕಿರಿಯ ಪ್ರಾಥಮಿಕ ಶಾಲೆಗಳೆ,,,
 

'ಆಗ ನಮ್ಮ ಶಾಲೆಗೆ ಹೋಗುವ ನೆನ್ಪುಗೆ ಬಾರದೆ ಇದ್ದವೆನಾ,,,?'

ಕಾರ್-ಜೀಪ್ಗ ಇಲ್ಲದಿದ್ದರು, "ಸುಗಮಸಾರಿಗೆ ವ್ಯವಸ್ಥೆಗೆ" ನಮ್ಮದೆ ಆದ ದ್ವಿಚಕ್ರ -ಏಕಚಕ್ರ ಗಾಡಿಗಳ ನಾವೇ ತಯಾರ್ ಮಾಡಿಕಂಬೋತಿದ್ದ.
ನಮ್ಮ ಮನೆಂದ ಶಾಲೆಗೆ ಇದ್ದದು ನಿಜವಾಗಿಯು ಬರೀ 20 ನಿಮಿಷದ ಕಾಲ್ದಾರಿ ಅದ್ ನಿಜತ ಇತ್ತೀಚೆಗೆ ಗೊತ್ತಾದು, ಆಗ ಅದೇ ದಾರಿಗೆ ಒಂದು-ಒಂದುವರೆ ಗಂಟೆ ತಕಂಬೊತಿದ್ದಾ,,
ಕಾರಣ ನಮ್ಮ ನಿದಾನಗತಿ ಹೋಗುವ ಗಾಡಿಗ,,,,
ವೇಗದ ಮಿತಿ ಬಾರಿ ಕಮ್ಮಿಮಾಡಿ ಓಡ್ಸಿಕಂಡ್ ಇದ್ದೋ,,
ರಕ್ಷಣಾ ವಿಷಯಲಿ ಕ್ಯಾಟರ್ ಬಿಲ್ಲು ಉಪಯೋಗ ಮಾಡ್ತ ಇದ್ದೊ,,
ಬೋಡಿಗೆ ಏನಾದರು ಆದರೆ ಕ್ಯಾರ್ ಇತ್ಲೆ ಅದೇ ಗಾಡಿ ಹಂಙ ಹೆಚ್ಚೂಕಮ್ಮಿ ಆದರು ನಿದ್ದೆನೇ ಬಾತಿತ್ಲೆ ಕಾರಣ ನಾವೇ ಎಲ್ ಎಲ್ಲೋ ಬಿದ್ದು ಸಿಕ್ಕಿದ ಯಾರಾರು ಹೆರ್ಕಿ ಇಟ್ಟಾ ಹಳೆ ಹವಾಯಿ ಚಪ್ಪಲ್ಗಳ,ಚಕ್ರಕ್ಕೆ ಒಂದರಂಗೆ ರೌಂಡ್ ಕೊಯ್ದು ಟಯರ್ ರೆಡಿ ಮಾಡ್ತಾಇದ್ದೋ
ಇನ್ನೂ ಖಾಲಿಆದ ಉಜಾಲ ಕುಪ್ಪಿನ ಬುಡನ ಎರ್ಡು ಸೈಡ್ ಕೊಯ್ದು ಅದ್ಕೆ ಕೋಲುಹಾಕಿ ಟಯರ್ ಪಿಕ್ಸ್ ಮಾಡ್ತಾ ಇದ್ದೋ ಇದು ಗಾಡಿನ ಇಂಜಿನ್ ರೂಪಲಿ ಕಾರ್ಯ ನಿರ್ವಹಿಸ್ತಾಇತ್ತು ಇದರ ಕೊಡಿಗೆ ಒಂದು ಕೋಲ್ ಹಾಕಿ ಸ್ಟೆರಿಂಗ್ ತರ ಮಾಡ್ತಾಇದ್ದೋ
ಇಷ್ಟು
 ಕಷ್ಟಪಟ್ಟು ಇಷ್ಟಪಟ್ಟು ಮಾಡ್ದಾ ಅದರ ಶ್ರಮದ ಬೇನೆ ಕನ್ಸುಲಿಯು ಗೊತ್ತಾಗ್ತಿತ್ತು,,,

ಇದಲ್ಲದೇ ಬೇರೆ ಗಾಡಿಗ ತೇಳ್ರೆ,,,
ಕಾಡ್ಲಿಸಿಕ್ಕುವ "ಮಾದ್ರಿ ಬೊಳ್ಳಿನ" ರೌಂಡ್ ಮಾಡಿ ಅದರ ಲಾಯ್ಕಾ ಕಟ್ಟಿ ಮಾಡ್ತಿದ್ದೋ. ಮತ್ತೆ
"ಗಟ್ಟದರ್ಲು ಕಾಯಿ ಗಾಡಿ" ಇವ್ ಅಷ್ಟಾಗಿ ಮೈಲೇಜ್ ಕೊಡ್ತಾಇತ್ಲೆ ಮತ್ತೆ ಜೋರ್ ಓಡ್ಸಿಕೆ ಆತಿತ್ಲೆ ಜೋರಾಗಿ ಹೋದರು ಗಾಡಿ ಬಲ್ಲೆ ತೋಟದ ದಾರಿಹಿಡೆತಿತ್ತು, ಹಂಗೆ ಇದರ ಬಗ್ಗೆ ಆಸಕ್ತಿ ಕಡಿಮೆ ಇತ್ತು.

ಮುಖ್ಯವಾಗಿ ಆರ್ಥಿಕ ವಿಷಯಲಿ ಸಾಹಯ ಮಾಡುವ ಗಾಡಿತೇಳ್ರೆ ಅದ್ "ಪೈಪ್ ಗಾಡಿ"
ಇದರ ಕೆಲವು ಮಕ್ಕಾ ಒಳ್ಳೆಮೆಣ್ಸು ಕದ್ದು ತಾಕೆ ಬಳಕೆ ಮಾಡ್ತ ಇದ್ದೋ,,, ಒಂದು ಕೊಡಿನ ಒಳ್ಳೆಮೆಣ್ಸು ಚೀಲಕೆ ಕುತ್ತುಕಣ ಪೈಪು ಪುಲ್ಲು ಆತಿತ್ತು
ಆಮೇಲೆ ಯಾತವತ್ತಗಿ ಗಾಡಿನ ಬೊಗ್ಗುಸಿ ಅಲ್ಲದವರಂಗೆ ಮೆಲ್ಲ ಓಡ್ಸಿಕಂಡ್ ಬಂದು ಅಂಗುಡಿಗಳಿಗೆ ಮೆಣ್ಸು ಮಾರ್ತಿದ್ದೊ. ಸಿಕ್ಕಿಹಾಕಂಡ್ರೆ ಗಾಡಿನು-ಬೋಡಿನು ಹೊಡಿಅಗ್ತಾ ಇತ್ತು.
 

ಇನ್ನು ಪ್ರತಿ ದಿನ ಬೊಳ್ಪುಗೆ ಎಲ್ಲಾ ಕೆಲ್ಸಕಾರ್ಯಗಳ ಮುಗ್ಸಿ ಎಂಟು-ಎಂಟ್ವರೆಗೆ ಶಾಲೆಗೆ ಹೊರ್ಡುದು ಸಂಪ್ರದಾಯಿಕವಾಗಿ ನಡ್ಕಂಡು ಬಂದಿತ್ತು,,,
ಹಿಂಗೆ ಮನೆ ದೂರ ಇರೋವು ಹಂಙ ಬೇಗನೆ ಹೊರ್ಟು ಅವರವರ ಸ್ಟೈಲ್ ನ ಪೀಮ್ ಪೀಈಈಈಈಇ, ಪುಊಊ ಪುಮ್ "ಹಾರ್ನ್ ಹಾಕಂಡ್" ಬರ್ತಾಇದ್ದೋ ಹಿಂಗೆ ಅವರ ಗಾಡಿಗಳೊಟ್ಟಿಗೆ ನಮ್ಮ ಗಾಡಿಗಳು ನಿದಾನಲಿ ಹೊರ್ಡತಾ ಇದ್ದೋ,,, ಒಂದೊಂದು ಸ್ಟಾಪ್ ಕೊಟ್ಟು ಕೊಟ್ಟು 
ಕ್ಯಾಟರ್ ಬಿಲ್ಲುನ ಹಕ್ಕಿಗಳ ಮೇಲೆ, ಹುಣ್ಸುಳಿ,ಮಾವಿನಕಾಯಿಗಳ ಮೇಲೆ ಪ್ರಯೋಗ ಮಾಡಿ  ಶಾಲೆಗೆ ಹೋಕಣ
ಗಂಟೆ ಒಂಬತ್ತುವರೆ ಹತ್ತು ಆಗ್ತಾ ಇತ್ತು.ಶಾಲೆನ ಹಕ್ಕಲೆ ಎತ್ತುಕಣ ಗಾಡಿಗಳ ನಿಲ್ಲಿಸಿಕೆ ಮಾಯಿನಮರ,ಹಲ್ಸಿನಮರ,
ಹುಣ್ಸುಳಿ ಮರಗಳ ಅಡಿಲಿ ಅಣ್ಗುಂಸಿ ಪಾರ್ಕಿಂಗ್ ಮಾಡ್ತಿದ್ದೋ.ಆಗ ವಾಹನ ಅಪಹರಣಕಾರರು ಬಾರಿ ಕಮ್ಮಿಇದ್ದೊ ಒಂದು ವೇಳೆ ಕದ್ದು ಸಿಕ್ಕಿಹಾಕಂಡರ್ರೆ ಅವನೆ ಜಗತ್ತುಕಂಡ ದೊಡ್ಡ ಕಳ್ಳ ಅವನೊಟ್ಟಿಗೆ ಯಾವುದೇ ಸಂಪರ್ಕನ ಕಡಿತಗೊಳಿಸಿ ಅಂತವರ ಗುಂಪುಂದ ಹೊರಗೆ ಇಸುತಿದ್ದೋ,,,,

ಇನ್ನೂ,,
"ಜಲಾಂತರ್ಗಾಮಿ" ವಿಭಾಗಲಿನು ದೋಣಿ ರೇಸ್ ನು ಪ್ರಚಲಿತಲಿ ಇತ್ತು ಇದು ವಾರಲಿ ಒಂದು- ಎರಡುದಿನ ಮಾತ್ರ ಮಾಡ್ತಿದ್ದೋ ಇದರ ವೇಗ ಹಡಗುನ ಹಂಗೆ ಇನ್ನು ಲೇಟ್,,,
ನಮ್ಮ ಮನೆ ಹಕ್ಕಲೆಂದ ಸುಮಾರ್ ಶಾಲೆನ ಗಂಟೆ ಶಬ್ದ ಕೇಳುವಲ್ಲಿಗೆ ಮುಟ್ಟ ಒಂದು ಚೋಡಿ ಇತ್ತು ಇದರ ಹೆಸುರು ದೊಡ್ಡಚೋಡಿ ಹೆಸರುನಂಗೆ ನೀರುನು ಗಮ್ಮತು ಬಾತಿತ್ತು
ಚೋಡಿನ ಬಗ್ಗೆ ಹೇಳೋಕುತೇಳಿದ್ದರೆ, ಒಂದು ಪುಡೆಲಿ ದೊಡ್ಡಚೋಡಿ-ನಡುಲಿ ಕಾಲುದಾರಿ-ಇನ್ನೊಂದು ಪುಡೆಲಿ ಗದ್ದೆತೋಟಂಗ.

ಹೆಚ್ಚಾಗಿ ಶನಿವಾರ ದಿನ ಬೊಳ್ಪುಗೆ ಚುರ್ ಬೇಗನೆ ಹೊರ್ಟು ಎಲ್ಲಾ ಮಕ್ಕಬಂದು ಚೋಡಿಕರೆಲಿ  ನಿತ್ತು ರೇಸ್ಗೆ ರೆಡಿಆಗ್ತಾ ಇದ್ದೋ,
ಪ್ರತಿಯೊಬ್ಬನು ಒಂದೋಂದು ಒಣಗೆಲು ಮರತುಂಡು,ಪ್ಲಾಸ್ಟಿಕ್ ಕುಪ್ಪಿನ ಚೋಡಿಗೆ ಹಾಕ್ತಾಇದ್ದೋ ನಮ್ಮ ಈ ದೋಣಿಗ ಹೋದಂಗೆ ಅದರ ಬುಡ್ಸಿಕಂಡು ನಾವು ಹೋಕೆ.
ದೋಣಿ ಬಲ್ಲೆಲಿ, ಕಲ್ಲುಕೂಟಲಿ ಸೆಕ್ಕಿರೆ ಅದರ ಬುಡ್ಸುದು ದೊಡ್ಡ ಸಾಹಸನೆ.
ಒಮ್ಮೊಮ್ಮೆ ದೋಣಿ ಶಾಲೆಹಕ್ಕಲೆ  ಎತ್ತುಕಾಕಣ ಪ್ರಾರ್ಥನೆ ಕಳ್ದು ಪಾಠ ಶುರು ಆಗ್ತಾಇತ್ತು ಏನೇ ಆದರೂ ಶಾಲೆಗೆ ಹೋಕಣ ಮಾತ್ರ "ಎಲ್ಲಾ ಮಕ್ಕ ಒಟ್ಟಿಗೆನೆಹೋಗ್ತಾಇದ್ದೋ,,,"

ಕೇವಲ ೨೦-೨೫ ವರ್ಷಗಳ  ಹಿಂದೆ ನಾವ್ ಇಂತಹ ಆಟಗಳೊಟ್ಟಿಗೆ ಪಾಠಗಳ ಓದಿಕಂಡು ಬೆಳ್ದ ಮಕ್ಕಾ.
ವಿದ್ಯೆತೇಳ್ರೆ ಕೇವಲ ಅಂಕಗಳಿಸಿಕೆ ಮಾತ್ರ ಅಲ್ಲ,ಸಮಯಕ್ಕೆ ಸರಿಯಾಗಿ ನೆನ್ಪುಗೆ ಬಾರದ ವಿದ್ಯೆ ಕರ್ಣನ ವಿದ್ಯೆನಂಗೆ ಗಡಾ.ಪರೀಕ್ಷೆ ಬರ್ದು ಕೆಲವು ಮಕ್ಕ ಅನುತಿರ್ಣಾ ಅವಾ ಆದರೆ ಅವರಲ್ಲಿರುವ ಕೌಶಲ್ಯದ ವಿದ್ಯೆಗಳ್ಲಿ  ಅನುತಿರ್ಣ ಆಕೆ ಸಾದ್ಯ ಇಲ್ಲೆ. ಮರ್ತು ಬುಡ್ದು ಸುಲಭದ ಮಾತುನು ಅಲ್ಲ.
 

ನಾವ್ ಕಳ್ದಾ ಆ ಅಪರೂಪದ ಕ್ಷಣಂಗ ಹಿಂದೆನ ದಿನಗಳಲ್ಲಿ ಸ್ನೇಹಿತರ ಒಡನಾಟ, ಚೆಲ್ಲಾಟ, ಚೇಷ್ಠೆ, ತಮಾಶೆ, ಜಗಳಂಗ ಒಮ್ಮೊಮ್ಮೆ ಕುದ್ದು ನೆನ್ಸಿರೆ
 ಆ ಲಾಯ್ಕುನ ದಿನಂಗ  ತಿರ್ಗಿ ಬರದಿದ್ದರೂ ಅಂದ್ ಕಳ್ದಾ ನೆನ್ಪುಗ ಮಾತ್ರ ಮತ್ತೆ ಮತ್ತೆ ಬಂದೇ ಬಂದವೇ,,,,,,,,

 - ಕಿರಣ್ ಕುಂಬಳಚೇರಿ