Twin bags

ಒಂದ್ ತೊಟ್ಟೆಯ ಕಥೆ!!

        "ಇಂದನಿಯಾ....ಕತ್ತಲೆ ಇಡೀ ಸರಿ ನಿದ್ದೆನೇ ಇಲ್ಲೆ. ಏನೇನೋ ಕನ್ಸ್. ನಾವ್ ಮಲ್ಗುವ ತಲೆಕಡೆ ಹೊರಗೆ ಮಾಡ್ಂದ ಎನೋ ಕೊಟಕೊಟಾಃತ  ಸದ್ದ್. ಯಾರೋ ಮಾತಾಡಿಕಂಡಾಂಗೆನೂ ಕೇಳ್ತಿತ್ತ್. ನೀವ್ಗೇ ಏನಾರ್ ಗೊತ್ತಾಗುಟ?" ಹೇಳಿಕಂಡೇ ಗಂಡ ಚಿನ್ನಣ್ಣನ ಬಟ್ಲ್ ಗೆ ಓಡಿಟ್ಟುನೂ, ಕಡ್ಡೆ ಉಪ್ಪಣದ ಗೈಪುನೂ ಅಳಗೆ ಅಡೀಂದ ಗೋಂಚಿ ಇಕ್ಕಿಕೆ ಹೊರ್ಟೊ ಎಂಕಮ್ಮಕ್ಕ. "ಇಲ್ಲೆಲ್ಲಾ... ನಂಗೆ ನಿನ್ನೆ ಮಲ್ಗಿದವಂಗೆ ನಿನ್ನ ಅಪ್ಪನ "ಮಂಗುರ್ಣಿ" ದೆಸೆಂದ, ಕೊಟಕೊಟನೂ ಕೇಳ್ತ್ಲೆ!! ಎಂಥದೂ ಇಲ್ಲೆ. ಬೆಳ್ಜಾರ್ ಗೆ ಒಮ್ಮೆ ನಾ ಉಚ್ಚೆ ಹೊಯ್ಯಕೆ ಎದ್ರ್ ಕಾಕನ ಅಟ್ಟಲಿ ಎಲಿಗ ಓಡ್ದ್ ಕೇಳ್ತ್. ನಿಂಗೆಲ್ಲೋ ಭ್ರಮೆ!! ಸತ್ತ ನಿನ್ನ ಶಾಲೆ ಮಾವನ ಕೊಲೆ  ಬಂದಿರೊಕು!! ನೀ ಎಷ್ಟಾದರೂ ಅವರ ಕೊಂಡಾಟದ ಸೊಸೆ ಅಲ್ಲಾ??!!" ಹೇಳಿ ಓಡಿಟ್ಟ್ ನ ಮುರ್ದ್ ಗೈಪುಗೆ ಕಂತ್ ಸಿ ತಿಂಬಕೆ ಸುರುಮಾಡ್ದೊ ಚಿನ್ನಣ್ಣ. ಅತ್ತೆ ಮೇಲೆನ ಸಿಟ್ಟ್ ಮೇಲೆತೇಃಳುವಾಂಗೆ "ಇವ್ಕೆ ಎಲ್ಲಾ ಸಸಾರನೇ...." ತ ಗಂಡಂಗೆ ಬೊಯ್ಕಂದ್ ಒಲೆಲಿದ್ದ ಸೌದೆ ಕೊಳ್ಳಿನ ಸಿಟ್ಟ್ ಲಿ ಭೊಸ್ಕಂತ ಇನ್ನೂ ಒಳಗೆ ನೂಕಿದೊ. ಒಲೆಲಿದ್ದ ಕೆಂಡದಾಂಗೆ ಕೆಂಪಾದ ಹೆಣ್ಣ್ ನ ಸುರ್ಪ ನೋಡಿ ಚಿನ್ನಣ್ಣ "ಸರೀ... ಬುಡು... ಇನ್ನೊಮ್ಮೆ ಹಂಗೇನಾದರ್ ಆದರೆ ನೋಡ... ನಾಳ್ದ್ ಹೆಂಗೂ ಪುತ್ತೂರ್ ಗೆ ಹೋಕುಟ್ಟು.. ಜೋಯಿಸರೊಟ್ಟಿಗೆ ಕೇಳೊನೊ... ಆತಾ" ಹೇಳಿ ನೆಗಾಡಿಕಂಡ್, ಒಳ್ದ ಉಪ್ಪಣದ ಹೊಡಿ ತುಂಡುನ ಚಪ್ಪಿಕಂಡ್, ಬಟ್ಲ್ ನ ನೀರಡಿಲಿಸಿ ಕೈತೊಳ್ದ್ ತೋಟಕ್ಕೆ ಹೋದೊ. ಆ ದಿನ ಕತ್ತಲೆಗೂ ಪುನಃ ಅದೇ ಸದ್ದ್ ಕೇಳಿ ಎಚ್ಚರಾದ ಎಂಕಮ್ಮ, ಗೂರೆಳಿತ್ತಿದ್ದ ಗಂಡನ ಕುಟ್ಟಿ ಕುಟ್ಟಿ ಎದ್ರ್ ಸಿ "ನೋಡಿ... ಇಂದ್ ನೂ ಅದೇ ಸೌಂಡ್.. ಹೋಗಿ ನೋಡಿಯಾ..." ಹೇಳ್ದಕ್ಕೆ, ನಿದ್ದೆ ಕಣ್ಣ್ ಲೇ ಲೈಟ್ ತಕಂಡ್ ಹೋದೊ ಚಿನ್ನಣ್ಣ. ಸೂರಡಿಲಿ ಎಂತದೂ ಕಾಣದಿದ್ದರೂ, ಕೇಳ್ದ ಸದ್ದ್ ಗೆ ಮಾತ್ರ ನಿದ್ದೆ ಫುಲ್ ಬುಟ್ಟೋತ್. ತಿರ್ಗಿ ಬಂದ್ "ಸೌಂಡ್ ಕೇಳ್ದು ಹೌದುಯಾ.. ಆದರೆ ಎಂತದೂ ಕಾಂಬೊದ್ಲೆ!! ನಾಳೆ ಬೊಳ್ಪುಗೆ ಬೈನಾಟಿಗೊಂದು ಈಡ್ ತೆಗ್ದಿಸೊನೊ... ನೋಡ!!" ಹೇಳಿ ಜಾರ್ದ ಕಂಬೈನ ಸರಿಮಾಡಿಕಂಡ್ ಅಂಗಾತ ಬಿದ್ದ್ ಕಂಡೊ.
           
                        ಮಾರ್ನೆ ದಿನ ಬೊಳ್ಪುಗೆ ಎದ್ರಿಕೆ ಮೊದಲೇ  ಚಿನ್ನಣ್ಣನ ಅವ್ವನ ಪರ್ರಂಚಟ ಸುರಾಗುಟು."ನಾ ಹೇಳ್ದೆ... ಆ ಮೂಲೆಲಿ ಸಿಡ್ಲ್ ಬೊಡ್ಡ್ ಸತ್ತ ಕೊಟ್ಟೆ ಚಾಳೆನ ತೆಗ್ಸೊಕುತ... ಇವಂಗೆ ನೋಡ್ರೆ ಯಾಗ ನೋಡ್ರೂ ಪುರ್ಸೊತ್ತಿರಿಕಿಲೆ!!  ಊರ್ಲಿದ್ದ ಕೊಟ್ಟುಕುಡ್ತಲೆಗೆಲ್ಲಾ ಅದರ್ಲೇ ಬಂದ್ ಸತ್ತೊಳೊ.. ಏನ್ ಬೊಬ್ಬೆ, ಏನ್ ಬೊಬ್ಬೆ!! ಇನ್ನ್ ಆ ಕೊಟ್ಟೆ ಚಾಳೆಗೆ ಯಾವ ರಣ, ಪೀಡೆ ಬಂದ್ ಸೇರಿಕಂಡತೊ? ಕತ್ತಲೆ ಇಡೀ ಅತ್ತನ ಮಾಡ್ ಕರೇಂದ ಕೊಟಕೊಟ ಸದ್ದ್. ಇರ್ಲ್ ಇಡೀ ನಾ ಕಣ್ಣೇ ಮುಚ್ಚಿತ್ಲೆ!! ಓ ಚಿನ್ನಾ... ಇಂದಾರ್ ಒಮ್ಮೆ ಹೋಗಿ ಆ ನಿನ್ನ ಜೋಯಿಸನೊಟ್ಟಿಗೆ ಕೇಳಿ ಬಾ ಮಾರಾಯಾ..." ಅಯ್ಯೆನ ಸುಪ್ರಭಾತಕ್ಕೇ ಎದ್ದ ಚಿನ್ನಣ್ಣ " ಆದವ್ವ... ನಿನ್ನ ಈ ಪರ್ರ್ಂಚಟನ ಒಮ್ಮೆ ನಿಲ್ಸಿಯಾ"ತೇಳಿ ಹಲ್ಲುಜ್ಜಿ, ಚಾ ಕುಡ್ದ್ ಜೋಯಿಸನಕ್ಕಲೆ ಹೋಗಿ ಎತ್ತಿದೊ. ಸುಮಾರ್ ಹೊತ್ತ್ ಕುದ್ದ್ ಕುದ್ದ್, ಕಡೇಗೆ ಮೂರ್ ಘಂಟೆ ಹೊತ್ತ್ ಗೆ ಜೋಯಿಸನ ಮುಂದೆ ಕುದ್ರುವ ಭಾಗ್ಯ ಸಿಕ್ಕಿತ್ ಇವ್ಕೆ. ಜೋಯಿಸನೂ ಕವ್ಡೆ ಹಾಕಿ, ಕೂಡ್ಸಿ, ಕಳ್ದ್... ಬರ್ದದರ ಮೇಲೇ ಮೂರ್ ಮೂರ್ ಸರ್ತಿ ಗೀಟ್ ಹಾಕಿದರ್ಲಿ ಆ ಪೇಪರೇ ಒಟ್ಟೆ!! "ನೋಡಿ ಚಿನ್ನಣ್ಣಾ... ನಿಮ್ಮ ಮನೆಗೆ ಛಿದ್ರ ದೋಷ ಆಗುಟು. ನೀರಡಿ ಕೊಟೆಗೆ ಹಕ್ಕಲೆ ತಗ್ ಡ್, ಕುಪ್ಪಿಲಿ ಮೊಸಿ ತುಂದ್ ಮನಿ ಏನಾರ್ ಸಿಕ್ಕಿದ್ ನೆನ್ಪುಟ್ಟಾ?.... ನೆರೆಕರೆಯವರೊಟ್ಟಿಗೆ ನಿಷ್ಠುರ, ಕುಟುಂಬಲಿ ಒಳಜಗಳಗ ಏನಾರ್...." "ನೆರೆಕರೆಯವರ ಜಗಳ ನಾಯಿ, ಕೋಳಿಗಳಿಗೆ ಯಾಗೋಳು ಇದ್ದದೇ. ಕುಟುಂಬ ಜಗಳ, ಕೋಮಣ ಜಿಡ್ಡ್ ಹೋಗುವಂಥದ್ದಲ್ಲ!! ಆದರೂ ಯಾರೂ ಮಾಡಿರಿಕಿಲೇಂತ ಹೇಳಿಕೆ ಆಕಿಲೆ. ಅಂಥಾ ಕೊರ್ಸಂಡಿ, ಕಣ್ಣೋಜಿ, ನಂಜಿ ಕಾರಿಕಂಡಿರವೇ ನಮ್ಮಲ್ಲಿ ಒಳದ್. ಇದ್ ಯಾರ್ ಮಾಡಿರುವೊತ ಒಮ್ಮೆ ಪ್ರಶ್ನೆಲಿ ನೋಡಿ? ಹಂಗೇ ಇದ್ಕೆ ನಿಮೂರ್ತಿ ಎಂಥ ಜೋಯಿಸರೇ?" "ನೋಡಿ ಚಿನ್ನಣ್ಣಾ.. ಯಾರ್ ಮಾಡ್ದೋತ ಬೇಡ. ಮತ್ತೆ ಅದ್ ಇನ್ನಷ್ಟ್ ಜಗಳಕ್ಕೆ ದಾರಿ. ಅಷ್ಟಕ್ಕೂ ಇದ್ ನಿಮೂರ್ತಿ ಮಾಡಿಕೆ ಆಗದ ಸಮಸ್ಯೆ ಏನೂ ಅಲ್ಲಲ್ಲ??!! ಒಂದ್ ಸಣ್ಣ ಕಿರಿಯ ಮಾಡಿ, ಕಳ್ದ್ ತೆಗೆಯೊನೊ. ಅಷ್ಟೇ!! ನಾಳೆ ಬುಟ್ಟ್ ನಾಳ್ದ್ ನಂಗೆ ಚೂರು ಪುರ್ಸೊತ್ತು ಉಟ್ಟು... ಅದೇ ದಿನ ಆದು.. ಹೊರಗೆ ಹೈದ ನೀವ್ಗೆ ಸಾಮಾನ್ ಚೀಟಿ ಕೊಟ್ಟದೆ. ಆಕಿಲೆನಾ? " ಜೋಯಿಸಂಗೆ ಕಾಣಿಕೆ ಇಸಿ, ಹೈದ ಕೊಟ್ಟ ಚೀಟಿನನೂ ತಕಂಡ್ ಚಿನ್ನಣ್ಣ ಮನೆಗೆ ಎತ್ತ್ ಕಾಕನ ನಡುರಾತ್ರೆ. ನೋಡ್ರೆ ಸದ್ದ್ ಮಾತ್ರ ಚೂರು ಕಮ್ಮಿ... ಆಗೊಮ್ಮ್.. ಈಗೊಮ್ಮೆ ಅಷ್ಟೆ!!


                         ಅಂತೂ ಜೋಯಿಸ ಹೇಳ್ದ ಸಾಮಾನ್ ಗಳೆಲ್ಲಾ ತಂದ್ ಮನೆಲಿಸಿ ಕಳ್ದ್ ತೆಗೆಯಕೆ ಎಲ್ಲವೂ ಕಾದ್ ಕುದ್ದೊ. ಯಾರಿಗೂ ಗೊತ್ತಾಕೆ ಬೊತ್ತುತ ಯಾರಿಗೂ ಹೇಳ್ತ್ಲೆ. ಆದರೂ ಎಂಕಮ್ಮಕ್ಕ ಮಾತ್ರ ಅವರ ತವ್ರ್ ಮನೆಗೆ ಹೇಳಿ ಅಪ್ಪನ ಬಾಕೆ ಮಾಡಿಕಂಡೊ. 'ಹಿಂಬತ್ ನಾಕ್ ಘಂಟೆಗೇ ಬನ್ನೆ'ತೇಳ್ದ ಜೋಯಿಸರ್ ಬಂದ್ ಎತ್ತ್ ಕಾಕನ ಘಂಟೆ ಎಂಟ್!! ಬಂದ ಹಾಂಗೇ ಮಂಡಲ ಹಾಕಿ, ಕಾಯಿ ಗಡಿಲಿ ನೆಣೆ ಬತ್ತಿ ಇಸಿ ಕೆಲ್ಸ ಎಲ್ಲಾ ರಪರಪ ಮಾಡಿ ಮುಗ್ಸಿದೊ. ಕಡೆಗೆ ಒಂದ್ ಹೂಂಜನನೂ ತಲೆಕೊಯಿದ್, ಒಟ್ಟಿಗೆ ಬಂದ ಹೈದನೊಟ್ಟಿಗೆ ಬ್ಯಾಗ್ ಗೆ ತುರ್ಕಿ ಇಸಿಕಂಡೊ!! ಎಲ್ಲರ ಎದ್ರ್ ಸಿ ನಿಲ್ಲ್ ಸಿ "ಮನೆದೇವ್ರ, ಗ್ರಾಮದೇವ್ರ, ಸೀಮೆ ದೇವ್ರ ನೆನ್ಸಿಕಂಡ್... ಮೀದ ನೀರ್ ಲ್ಯಾಗಲಿ, ಉಟ್ಟ ಬಟ್ಟೆಲ್ಯಾಗಲಿ, ಹೊಯ್ದ ಎಣ್ಣೆಲ್ಯಾಗಲಿ, ಹೊತ್ತ್ ಸಿದ ಬತ್ತಿಲ್ಯಾಗಲಿ, ಹಾಕಿದ ಮಂಡಲಲ್ಯಾಗಲಿ, ಕೊಯ್ದ ಕೋಳಿಲ್ಯಾಗಲಿ ಏನಾರೊಂದು ಕುಂದುಕೊರತೆ ಬಂದಿರ್ದು. ಅದರೆಲ್ಲಾ ಮಾಪ್ ಮಾಡಿ, ಆಗಿರುವ ದೋಷಕಾರ್ಯಕ್ಕೆ ಸಂಪೂರ್ಣ ನಿಮೂರ್ತಿ ಮಾಡಿ ಕೊಡೊಕುತ ನಮ್ಮೆಲ್ಲರ ಪ್ರಾರ್ಥನೆ" ಹೇಳಿ ಕರೆಲಿ ಹಾಳೆ ಕಿಳ್ಳಿಲಿದ್ದ ಕುರ್ದಿ ನೀರ್ ನ ಎಲ್ಲವ್ಕೂ ಸಿಡ್ಕಿದೊ ಜೋಯಿಸರ್. "ಲೈಟ್ ಹಿಡ್ಕಂಡ್ ಬನ್ನಿ ಚಿನ್ನಣ್ಣಾ... ಕುರ್ದಿ ನೀರ್ ನ ಮನೆ ಸುತ್ತ ಚೋಂಪೊಕು... ಪೋಯಿ"ತ ಮನೆವರ ಕರ್ಕಂಡ್ ಹೊರ್ಟೊ. ಹೋಕನ ಕೊಟ್ಟೆ ಚಾಳೆನ ಕಡೆ, ಮನೆನ ಮಾಡ್ ನ ಸೂರಡಿ ದಂಬೆ ಕರೆಲಿ ಬಿಳೀ "ತೊಟ್ಟೆ"ಲಿ ಕಟ್ಟಿಕಂಡ್ ಏನೋ ನೇಲ್ದೆ. ಅದರ ನೋಡಿ "ನೋಡ್ದರಿಯಾ ಚಿನ್ನಣ್ಣಾ... ಮಾಡಿ ಮೊಡ್ಗಿದ್ ಇಲ್ಲ್ಯುಟ್ಟು!! ಇಷ್ಟ್ ದಿನ ನೀವ್ಗೆ ಕಂಡತೇಲೆ!! ಈಗ ಹೊರಗೆ ಬಾತ್ ನೋಡಿ. ಇದರ ಹಂಗೇ ಬರೇ ಕೈಲಿ ಹೆರ್ಕಿ ಬಿಸಾಡ್ದಲ್ಲ. ಕಟ್ಟಿ ಕೊಟ್ನೆ. ತಕಂಡೋಗಿ ಹರಿವ ನೀರ್ ಲಿ ಬುಡಿ. ಚೋಡಿಲಿ ಆದರೂ ಆದು!!" ಹೇಳ್ದ ಜೋಯಿಸ ಅವಂನ ಬಿಲ್ಲ್ ಚುಕ್ತಾ ಮಾಡಿಕಂಡ್, ಕೊಯ್ದ ಕೋಳಿನನೂ ತಕಂಡ್ ಹೋತ್. ಆದಿನ ಕತ್ತಲೆಗೆ ಎಂಥ ಸೌಂಡೂ ಇಲ್ಲೆ. ಎಲ್ಲವು ನೆಮ್ಮದಿಂದ ನಿದ್ದೆ ಮಾಡ್ದೊ. ಮಾರ್ನೆ ದಿನ ಬೊಳ್ಪುಗೆ ನೋಡ್ರೆ, ಕೆಲ್ಸಕ್ಕೆ ಬಂದ ಮಾಂಕು ಬಿಳಿ "ತೊಟ್ಟೆ" ಸಿಕ್ಕಿದ ಜಾಗೆಲಿ ಎಂಥದೋ ಪುರ್ಡಿದೆ. ಅದರ ನೋಡ್ದ ಎಂಕಮ್ಮಕ್ಕ "ಓ ಮಾಂಕು... ನೀ ಎಂಥ ಅಲ್ಲಿ ಹುಡ್ಕುದು? ಅಲ್ಲಿ ನಿನ್ನೆ ಛಿದ್ರದೋಷದ ಸಾಮಾನ್ ಸಿಕ್ಕಿತ್. ನೀನೇ ಏನಾರ್ ತಂದಿಸಿದಾ ಹೆಂಗೆ? ಸೊಯೆಇಲ್ಲದಂವ... ನಿನ್ನ ಹುಲಿ ಹಿಡ್ಯಕೆ... " " ಅಯ್ಯೋ ಎಂಕಮ್ಮಕ್ಕ... ನಂಗೇನ್ ಮೊರ್ಲಾ.. ಗಂಜಿ ಉಂಬ ಮನೆಗೆ ಮಾಡಿ ಮೊಡ್ಗಿಕೆ.. ಮೊನ್ನೆ ಗೊಬ್ಬರ ಎಳ್ಯಕೆ ಬಂದಿರ್ಕಾಕನ, ನೀವ್ ಕಿಚ್ಚಿ ಹಾಕಂಬಕೆ ನಾಕ್ ತುಂಡ್ ಚರ್ರ್ಂಡಿ ಮೀನ್ ಕೊಟ್ಟಿದ್ದರಿ ನೋಡಿ. ಇನ್ನೊಮ್ಮೆಗೆ ಆದೂಂತ ಬಿಳಿ "ತೊಟ್ಟೆ"ಲಿ ಕಟ್ಟಿ ಇಸಿದ್ದೆ. ಕೆಳಗಿಸಿರೆ ಈ ಎಲಿ, ಕೊತ್ತಿ ಹೊರ್ದೂತ ಇಲ್ಲಿ ಸೂರಡಿಲಿ, ದೊಂಬೆ ಸೆರೆಲಿ ಹುಗ್ಗ್ ಸಿ ಇಸಿದ್ದೆ. ಕತ್ತಲೆಗೆ ಎಲಿಗಳೋ, ಹೆಗ್ಗಣನೋ ಬಂದ್, ಎಳ್ದ್ - ಜಾರ್ಸಿ ಹೊರಗೆ ತೆಗ್ದಿರೊಕು... ಅದರ ಪಡೆ ಮುತ್ತಿಕೆ!!" ಹೇಳಿ ನೆಗಾಡಿಕಂಡ್ ಅಡ್ಕೆ ಚೊಲ್ಲಿಕೆ ಹೋತ್.....

Comments

Img 20181114 wa0059
Malini Muthappa So nice
over 1 year ago
Img 20190317 wa0020
Dinesh
over 1 year ago

Other articles

1441727404

ಅಮ್ಮಂದಿರ ಪ್ರಪಂಚ ಚಿಕ್ಕದು, ಪ್ರೀತಿ ಅಳತೆಗೆ ಸಿಗದು

09 Sep 2017

ಅಮ್ಮಂದಿರ ಪ್ರಪಂಚವೇ ಅಂಥಹದು. ತನ್ನ ಮಕ್ಕಳು, ಗಂಡ ಇವೇ ಅವಳಿಗೆ ಗೊತ್ತಿರುವ ಜಗತ್ತು. ಅಲ್ಲಿಂದ ಹೊರ ಬರುವ ಅವಕಾಶ ಇದ್ದರೂ ಆಕೆಗೆ ಅದರಲ್ಲೇ ಸಂತೋಷವಿದೆ. ತೃಪ್ತಿಯಿದೆ. ಅಮ್ಮನ ವಾತ್ಸಲ್ಯ, ಪ್ರೀತಿಯ ಬಗ್ಗೆ ಹೊಸದಾಗಿ ಹೇಳುವುದು ಏನೂ ಇಲ್ಲ.

"ತಾಯಿಗಿಂತ ಬಂಧುವಿಲ್ಲ. ಉಪ್ಪಿಗಿಂತಾ ರುಚಿ ಇಲ್ಲ" ಹೌದು... ಗಾದೆಗಳೆಲ್ಲಾ ಅನುಭವದ ಮಾತುಗಳೇ. ಈ ಗಾದೆ ಎಷ್ಟು ಅರ್ಥಬದ್ಧವಾಗಿ ತಾಯಿಯ ಪ್ರಾಮುಖ್ಯತೆಯನ್ನು ಹೇಳುತ್ತಿದೆ. ತಾಯಿಯೇ ಮಕ್ಕಳ ಪಾಲಿಗೆ ಅಪರಂಜಿ ಮನಸಿನ ಸಂಬಂಧಿ. ತಾಯಿಯೇ ಜೀವಂತ ದೇವತೆ. ಮಕ್ಕಳನ್ನು ಹೆತ್ತು ಹೊತ್ತು ಒಂದು ಒಳ್ಳೆಯ ಭವಿಷ್ಯ ರೂಪಿಸುವಲ್ಲಿ ತಾಯಿಯ ಪಾತ್ರ ಪ್ರಧಾನವಾದದ್ದು. ತಾಯಿಯೇ ಮಕ್ಕಳ ಒಳ್ಳೆಯ ಭವಿಷ್ಯ ನಿರ್ಮಿಸುವ ಶಿಲ್ಪಿಯಾಗಿರುತ್ತಾಳೆ ಎಂಬುದೆಲ್ಲ ಸರ್ವಕಾಲಿಕ ಸತ್ಯ. ಇದು ಯಾವ ಕಾಲಕ್ಕೂ ಬದಲಾಗಲೂ ಸಾಧ್ಯವೇ ಇಲ್ಲ.

ಮಕ್ಕಳ ಜಗತ್ತಿನಲ್ಲಿ ಅವಳು ಅವಳನ್ನೇ ಮರೆಯುತ್ತಾಳೆ. ಎಷ್ಟರ ಮಟ್ಟಿಗೆ ಅವಳು ನಿಸ್ವಾರ್ಥಿಯಾಗುತ್ತಾಳೆಂದರೆ ದೇವರೆ ನನಗೆ ಏನಾದರೂ ಪರವಾಗಿಲ್ಲ,ನನ್ನ ಮಕ್ಕಳನ್ನು ಚೆನ್ನಾಗಿಡು ಎಂದು ದೇವರಲ್ಲಿ ಪ್ರಾರ್ಥಿಸುತ್ತಾಳೆ. ಅವಳ ಯೋಚನಾ ಲಹರಿಗಳು ಕೇವಲ ಮಕ್ಕಳಿಗಾಗಿಯೇ ಇರುತ್ತವೆ. ಅವಳ ಹೃದಯ ಹಾಗೂ ಮನಸಿಗೆ ಮಕ್ಕಳನ್ನು ಪ್ರೀತಿಸುವದು ಮಾತ್ರ ಗೊತ್ತಿರುತ್ತದೆ. ಅವಳ ಯೋಚನೆ ಹಾಗೂ ಯೊಜನೆಗಳು ಮಕ್ಕಳನ್ನು ಉತ್ತಮ ಪ್ರಜೆಗಳನ್ನಾಗಿ ಮಾಡುವದರಲ್ಲೇ ಕೂಡಿಕೊಂಡಿರುತ್ತದೆ. ಒಟ್ಟಿನಲ್ಲಿ ಅವಳಲ್ಲಿ ಅವಳ ಜಗತ್ತು ಮಾಯವಾಗಿ ಕೇವಲ ಮಕ್ಕಳೇ ಅವಳ ಪ್ರಪಂಚವಾಗಿರುತ್ತದೆ.

ಆದರೆ ಮಕ್ಕಳು ಬೆಳೆಯುತ್ತಾ ಹೋದಂತೆ ಅವರು ಅವರ ಲೋಕದಲ್ಲಿ ಜೀವಿಸುತ್ತಾ ಹೋಗುತ್ತಾರೆ. ಅವರಿಗೆ ಅವರ ಶಿಕ್ಷಣ, ವೃತ್ತಿ ಮುಖ್ಯವಾಗುತ್ತಾ ಹೋಗುತ್ತದೆ. ಇಂದು ಅದೆಷ್ಟೋ ತಾಯಿಯಂದಿರು ಮಕ್ಕಳಿದ್ದರು ವೃದ್ಧಾಶ್ರಮಗಳಲ್ಲಿ ವಾಸಿಸುತ್ತಿದ್ದಾರೆ. ಕೊನೆಗೆ ಎಷ್ಟೋ ಸಲ ತಾಯಿಯ ಅಂತ್ಯ ಸಂಸ್ಕಾರಕ್ಕೂ ಮಕ್ಕಳು ಬರುವುದಿಲ್ಲ. ಮಕ್ಕಳೆ ತನ್ನ ಜಗತ್ತು ಎನ್ನುತ್ತಾ ಬದುಕಿದ ತಾಯಿಗಳಿಗೆ ಕೊನೆಗೆ ಮಕ್ಕಳು ಇದ್ದು ಇಲ್ಲದಾಗುತ್ತದೆ..

ತಾಯಿ ಭೂಮಿಯಂತೆ. ಮಕ್ಕಳು ಏನೂ ಮಾಡಿದರೂ ಅವಳ ಅಂತಃಕರಣದಲ್ಲಿ ಕ್ಷಮೆ ಅನ್ನುವದು ಇದ್ದೇ ಇರುತ್ತದೆ. ಮಕ್ಕಳು ಗೊತ್ತಿದ್ದೂ ಮಾಡುವ ಪ್ರಮಾದಗಳನ್ನು ಕೂಡ ಮಾಫಿ ಮಾಡಿ ಅವರ ಜೀವನ ಚೆನ್ನಾಗಿರಲಿ ಎಂದು ಆಶೀರ್ವಾದ ಮಾಡಿಯೇ ಇಹಲೋಕ ತ್ಯಜಿಸುತ್ತಾಳೆ....ಜೀವನದಲ್ಲಿ ತಾಯಿಯನ್ನು ನಿರ್ಲಕ್ಷಿಸಿ ನಮ್ಮ ವೃತ್ತಿ, ಗೌರವ, ಶಿಕ್ಷಣಕ್ಕೆ ಪ್ರಾಮುಖ್ಯತೆ ಕೊಟ್ಟರೇ ಕೊನೆಗಾಲದಲ್ಲಾದರೂ ಆ ಪಾಪ ಪ್ರಜ್ಞೆ ನಾವು ಅಪರಾಧ ಮಾಡಿದಂತೆ ಕಾಡುತ್ತದೆ. ಅಂತಹ ತಪ್ಪು ಕೆಲಸಗಳನ್ನು ಎಂದಿಗೂ ಮಾಡದೇ ಇರೋಣ...

Read More
Img 20170923 wa0023

ಬಾರಿ ಈಡುನ ಸೂರ ಕುಂಞಣ್ಣನ ತಪ್ಪಿದ ಗುರಿ

23 Sep 2017

    ತೋಟಕೆ ಹೋದ ಬೋಜಣ್ಣ , ಬೀಡಿ ಖಾಲಿ ಆಗುಟುತ ಅತ್ತಳೆ ಹೋಗಿ ಗಣಿನ ಅಂಗುಡಿಂದ ಒಂದು ಕಟ್ಟು ಹಜಾಜ್ ಬೀಡಿ ತಕಂಡ್ ಬಾಕನ, ಮೇಲೆಮನೆ ಕುಂಞನ ಮಂಙ ಮೋನು ಶಾಲೆಗೆ ಹೋಗುವ ಹೊತ್ತು ದಾರಿಲಿ ಎದುರೆದುರು ಸಿಕ್ಕಿದೆ,,
ಬೋಜಣ್ಣಂದು ಒಂದು ತರ ಹಾಸ್ಯ ಸ್ವಭಾವ,ಅವು ಮಕ್ಕ-ದೊಡ್ಡವು ತೇಳಿ ಎಂಥವರ್ನು ಹೆಡ್ಡುಮಾಡುದರ್ಲಿ ಎತ್ತಿದ ಕೈ...
      ದಾರಿಲೆ ಅಡ್ಡಹಾಕಿ ಮೋನು ನೊಟ್ಟಿಗೆ ಮಾತಡಿಕೆ ಸುರುಮಾಡುವೆ,,
ಮೋನು ನೀ ಸಿಕ್ಕಿದು ಒಳ್ಳದು ಆತ್ ಇಲ್ಲರೆ ಸುಮ್ಮಂಗಾರ್ ನಿಮ್ಮಲಿಗೆ ಹೋಕು ತೇಳಿ ನೆನ್ಸಿದು,,,
ಹೇಳ್ದಂಗೆ ನಿನ್ನೆ ಸಿಕ್ಕಿದು ದೊಡ್ಡದಾ,,, ಎಷ್ಟೋತ್ತಿಗೆ ಮಲ್ಗಿದು ಕಣ್ಣುಕೆಂಪು ಉಟ್ಟು,,,?
ಈ ಪ್ರಶ್ನೆಗಳ ಕೇಳಿ ಮೋನುಗೆ ಇವುಕೆ ಯಾರಪ್ಪ ಹೇಳ್ದು,,,? ತೇಳಿ ತಲೆಲಿ ಸಾವಿರ ಯೋಚನೆ ಸುರ್ ಆತ್,,,! ಅಂದರು ಎಂಥ ದೊಡಪ್ಪ ನೀವುಗೆ ಯಾರ್ ಹೇಳ್ದು ತ ಕೇಳ್ತು,,,?
     ಓ ಅದಾ ಬೊಳ್ಪುಗೆ ತೋಟಲಿ ನಿನ್ನ ಅಪ್ಪ ಸಿಕ್ಕಿತು ಅಂವ ಎಲ್ಲಾ ವಿಷಯ ಹೇಳ್ತುತಾ ಒಂದು ಸುಳ್ಳು ಹೇಳ್ದೋ...
ಅಷ್ಟೋತ್ತಿಗೆ ಮೋನುಗೆ ಅಪ್ಪನ ಮೇಲೆ ಸಿಟ್ಟುಲಿ ಎಂಥ ಇವ್ ನಮ್ಮೊಟ್ಟಿಗೆ ಹೇಳ್ದು ಯಾರಿಗೆ ಹೇಳ್ಬಡಿತ ಊರಿಗೆ ಮುಂದೆ , ಇವೇ ಎಲ್ಲಾ ಡಂಗುರಾ ಸಾರಿ ಕಂಡ್ ಹೋದುತ ಮನ್ಸುಲೆ ಸಿಟ್ಟುಮಾಡಿಕಂಡ್, ಬೋಜಣ್ಣನ ಮೋರೆ ನೋಡ್ದೆ . ದೊಡಪ ನಿಜವಾಗಿಯೂ ಅಪ್ಪನೆ ನೀವುಗೆ ಹೇಳ್ದಾ,,,?ತ ಮೋನು ಹೈದಾ ಬೊಜಣ್ಣಂಗೆ ಪ್ರಶ್ನೆ ಮಾಡ್ದೆ,,? ಇದರ ಕೇಳಿ ಬೋಜಂಣಗೆಆತ್ ಓ ಕಥೆ ಹಿಂಗೆ ಏನೋ ಗುಟ್ಟು ಉಟ್ಟು
ಇದು ನೋಡ್ರೆ  "ಅಪ್ಪಾ ಕೋಳಿಗುಡಾರ್ಲಿ ಅಣ್ಗಿತೇಲೆ" ಕಥೆ ನೆನ್ಪು ಆದೆ,,,, ಇನ್ನು ಇದರ ರಟ್ಟುಮಾಡದರೆ ಅಕಿಲೆತ 
         ಅಯ್ಯೋ ಹೌದು ಮಾರಯ ಆಗ ನಿನ್ನ ಅಪ್ಪನೇ ಹೇಳ್ದು ನಂಗೆ ಅಂವ ಮಾತ್ರ , ದೂರಲಿ ನಿಮ್ಮ ಕಟ್ಟಪುಣಿ ಕರೆಲಿ ಕಾಯಿ ಹೆರ್ಕೆಂಡ್ ಇತ್ತು .ಈ ನನ್ನ ಸುಟ್ಟಾ ಹೊಡ್ದುಹೋದ ಕೆಬಿಲಿ ಯಾರು ಸರಿ ಮಾತಡ್ದು ಕೇಳ್ದುಲೆ ಅಣ್ಣಾ,,, ಅದರೆಡೆಲಿ ನಿಮ್ಮ ಪಂಪುರನ್ನ್ ಆಕಂಡ್ ಇತ್ತು,,,ಮತ್ತೆ ಕೇಳೋಕಾ ಕೇಳೊವುಕು ಕೆಳ್ಕಿಲೆ ತ ಪರ್ಚಿಕಂಡ್ ಎಂಥೊ ದೊಡ್ಡದು ತೇಳ್ದಂಗೆ ಕೇಳ್ತು,,,
ಆಗ ನಾ ಹೇಳ್ದೆ ಈಗ ನಂಗೆ ಕೇಳ್ದುಲೆ ನ ಮತ್ತೆ ಮನೆಗೆ ಬನ್ನೆತ ಹೇಳಿ ಅಂಗುಡಿಕಡೆಗೆ ಹೋದೆ. ಶನಿಶನಿ ಈಗ ನೀನೆ ಸಿಕ್ಕಿದನಾ ಒಳ್ಳದು ಆತಲಾ ತ ನೆನ್ಸಿಕಂಡದು ತ ಮೆಲ್ಲಂಗೆ ಹೈದನ ಬಾಯಿ ಬುಡ್ಸಿಕೆ ನೋಡ್ದೋ,,,,
ಇಷ್ಟೆಲ್ಲಾ ಹೇಳ್ದಾ ಮೇಲೆ ಮಕ್ಕ ಕೇಳೋಕಾ ಇವು ಹೇಳ್ದು ಸತ್ಯಾಗಿರೊಕುತ ನೆನ್ಸಿ ಮೋನು ಒಂದು ವಿಷಯ ಬುಡದೆ ಎಲ್ಲಾ ಉರ್ಗಿಕೆ ಸುರು ಮಾಡ್ದೆ,,,,!
ಆಗ ಹೈದನ ಮಾತುಗ  ಅಂವನ ಮೋರೆಲಿ ಆದ ಬದಲಾವಣೆನ ನೋಡಿ ನಂಗೆ , ನೆಗೆ ಬರ್ಬಡ ತೇಳ್ರು ಬಾದು ಎಂಥ ಮಾಡ್ದು ನೆಗಡ್ರೆ ಈ ಹೈದ ಬಾಯಿಬುಡ್ದು ಕಷ್ಟ ತೇಳಿ ಆದಷ್ಟು ತಡ್ಕಂಡ್ ಕೇಳ್ದೆ,,,
          ಹೌದು ದೊಡಪ ನಾವು ನಮ್ಮ ಹುಲ್ಲುಕುಮೆರಿಂದ ನಮ್ಮ ತೋಟಕೆ ಇಳಿವ ಅಗಾರ್ ಲಿ "ಉರುಳು" ಇಸಿದ್ದೊ ನಿನ್ನೆ ನೆಡಿಇರ್ಲು "ಒಂದು-ಒಂದುವರೆ" ಗಂಟೆ ಆಗಿರ್ದು ನಮ್ಮ ನಾಯಿಗ ಏನೋ ಮರೆತಿದ್ದೊ (ಬೊಗುಳ್ತಾ ಇದ್ದೊ) ಗಡಾ ನಂಗೆ  ಒಳ್ಳ ನಿದ್ದೆ ಕೇಳ್ತುಲೆ ಅಪ್ಪ ನನ್ನಕರ್ದು ಎದ್ರಸಿದೊ , ಇಂದನೆ ಜೋರ್ ನಾಯಿಗ ತೋಟಕರೆ ನೊಡಿಕಂಡ್  ಆಗಂದಳೆ ಮರಿತೊಳೋ , ಎಂಥತ ಹೋಗಿ ನೊಡಿಕಂಡ್ ಬರನೋ ತ ನನ್ನ ಅರೆ ನಿದ್ದೆಲಿ ಎದ್ರುಸಿ "ಉರ್ಳು" ನೊಡಿಕೆ ಕರ್ಕಂಡ್ ಹೋದ.
        ಹೊಗಿ ನೋಡ್ರೆ ದೊಡಪ ನಮ್ಮ ಉರ್ಳುಗೆ ಒಂದು ದೊಡ್ಡಾನಸ್ರಾಣಿ ಹಂದಿ ಬಿದ್ದುಟು ಕೋರೆ ನೋಡ್ರೆ ಹೆದುರಿ ಸಾಯಿವ,,! ಅಪ್ಪಂಗೆ ಏನೋ ಖುಷಿ ಆತ್ ಒಮ್ಮೆ ಲೈಟ್ ಹಾಕಿ ಹಂದಿನ ನೋಡಿ 
ಲೈಟ್ನ ಕೆಡ್ಸಿ ಚೂರ್ ದೂರ ಬಂದು ನಮ್ಮ ವರ್ತೆಗುಂಡಿ ಹಕ್ಕಲೆ ಉಮ್ಮುಣಿ ಕಚ್ಚ್ಸಿಕಂಡ್  ಕುದ್ದಾ,,,ಇದೇ ಖುಷಿಲಿ ಒಂದು ಬೀಡಿ ಹೊತ್ತುಸಿ ನೀ ನೊಡ್ದನ ಮಂಙ ಹಂದಿನಾ,,,? ಎಷ್ಟಾದು ತ ಹೇಳ್ದೋ ನ ಹೇಳ್ದೆ ಗೊತ್ಲೆ ಅಪ್ಪ ಒಂದು ಅಂದಾಜಿಗೆ ಅರವತೈದು-ಎಪ್ಪತ್ತು ಕೆಜಿ ಆದಾಲ ತೇಳ್ದೆ,,,
ಆಗ ಅಪ್ಪನು ಹೌದೊವ್ದು ನಾನು ಅಷ್ಟು ಆದ್ ತ ಅಂದಾಜು ಹಾಕಳೆತೇಳ್ದೊ,,,,,,
ಮನೆವುಕ್ಕೆ ನೆರೆಕರೆವುಕೆ ನೆಂಟ್ರುಗೆ ಒಂದೊಂದು ಕೊಟ್ಟ ಕೊಟ್ಟರೆ ಸಾಕು (ಕೊಟ್ಟ ತೇಳ್ರೆ ಕಾಡು ಮಾಂಸ ನ ಎರಡೂ ಕೈಲಿ ಮುದ್ದೆ ಮಾಡಿ ಹಿಡೆಕಣ ಬರುವ ಅಂದಾಜು ಅರ್ದ ಮುಕ್ಕಾಲು ಕೆಜಿಯಷ್ಟು) ಒಳ್ದಾ ಮಾಸನ ನಾವ್ ಗೈಪು ಮಾಡಿ ಇನ್ನೂ ಹಂಙ ಉಪ್ಪಣ ಮಾಡಮತ ಕುದ್ದುಕಂಡೆ ಲೆಕ್ಕಾಚಾರ ಮಾಡಿನೂ ಆತ್. ಆಗ ಹಂದಿಗೆ ಗುಂಡು ಹೊಡೆಕೆ ಬೆಡಿ ಇಲ್ಲೆ ನಮ್ಮ ಬೆಡಿಬೇರೆ ಮನೆಲಿ ಇತ್ತುಲೆ , ರಿಪೇರಿಗೆತ ಭಂಡಾರಿನಲ್ಲಿ ಇಸಿದೊ ಎಂಥಮಾಡ್ದು ಬೆಡಿಗೆ ಬೇರೆ ಪಾಲು ಕೊಡ್ದು ಯಾರ್ ತ ರಾತ್ರಿನೆ ಆಚೆ ಕರೆ ಶಾಂತಸಣಪ ನಲ್ಲಿಗೆ ಬೆಡಿತಾಕೆ ಹೋದ.ಆಗ ಅವ್ ಎಂಥಕೆ ತ ಕೇಳ್ಕಣ ಒಂದು ಕುದ್ಕಾ ಬಂದುಟು ನಮ್ಮ ಕೋಳಿಹಿಡ್ದು ಅಲ್ಲೆ ಬುಟ್ಟು ಹೊಗುಟು ತಿರ್ಗ ಅದ್ ಬಾರದೆ ಇರ್ಕಿಲೆ ಒಮ್ಮೆ ಬೆಡಿಕೊಡಿ ಅಣ್ಣಾ ಬೊಳ್ಪುಗೆ ತಂದು ಕೊಟ್ಟವೆ ತೇಳಿ ಸುಳ್ಳು ಹೇಳಿ ಬೆಡಿ ತಂದೋ.
       ಹಿಂದಕ್ಕೆ ಹಂದಿ ಬಿದ್ದ ಉರುಳು ಹಕ್ಕಲೆ ಬಂದು ನೋಡ್ರೆ ತಲೆಗೆ ಕಟ್ಟುವ ಲೈಟ್ ಇಲ್ಲೆ , ಎಂಥದೋ ಇನ್ನ ಹೊತ್ತು ಮಾಡ್ರೆ ಆಕಿಲೆ ತೇಳಿ ಕೈಲಿ ಇದ್ದ ಮೂರುಸೆಲ್ಲು ನ ಲೈಟ್ ನ ನನ್ನ ಕೈಗೆ ಕೊಟ್ಟು ಸರಿ ಹಂದಿಗೆ ಹಾಕು ನಾ ಹೊಡ್ದನೆ ತೇಳಿ ಅಪ್ಪ ಹೊಡ್ದೊ , ಗುಂಡು ತಪ್ಪಿ ಹಂದಿಗೆ ಇಸಿದ ಬ್ರೇಕ್-ವಯರ್ ಗೆ ಸಿಕ್ಕಿತು , ತುಂಡಾಗಿ ಹಂದಿ  "ಬೊದ್ಕಿರೆ ಬೇಡಿ ತಿಂಬೆ"ತ ಗುಡ್ಡೆಹತ್ತಿತು,,,, ಹ್ಮ ಹಂದಿಗೆ ಪೆಟ್ಟುಆಗಿರೊಕು ತ ಅದರ ಹಿಂದೆಕಂಡೆ ನಾವಿಬ್ಬರು ಓಡ್ದೊ , ಇಡೀ ಕಾಡುಗುಡ್ಡೆ ಹುಡ್ಕಿರು ಹಂದಿಸುಡಲಿ ಹಂದಿನ ಹೆಜ್ಜೆಗುರ್ತನು ಕಾಬಂಕೆ ಸಿಕ್ಕಿತ್ಲೆ ,,
   ಹಂಗೆ ಇನ್ನು ಎಂಥ ಮಾಡಿಕೆ ಆದೆ ಅದರ ಆಯುಷ್ಯ ಗಟ್ಟಿ ಉಟ್ಟುತ ನಾನು ಅಪ್ಪ ಪಂರ್ಚಿಕಂಡ್ ಮನೆಗೆ ಬಂದೊ,,
      ಮನೆಲಿ ಬಂದು ಹಂದಿ ಹೋದ ಸಿಟ್ಟುಲಿ ನಂಗೆ ಏನೋ ಬೈಗೊಳು ದೊಡಪ ,  ಈ ಸತ್ತಂವ ಲೈಟ್ ಸರಿ ಹಾಕಿತ್ಲೆ , ಕುಣು ಕುಣು ಮಾತಡ್ದು ಹಂಗೆ ಹಿಂಗೆತಾ,,!
ಹಿಂಗೆ ಹೇಳಿಕಂಡ್ ಮೋನು ಹೈದಾ ಚಪ್ಪೆ ಮೋರೆಲಿ ಶಾಲೆಕಡೆ ಹೋತು,,,,,,,

Read More
Images %281%29

Toilet, Ek Paayakhana Katha :D

18 Aug 2017

         If you like water then you already like 70% of me. Such a quintessential source of life it is. Lately it dawned upon me that neither I am Aquaman nor I am drinking sufficient water. Wait, what qualifies ‘sufficient’? Who better than a doctor can answer this and upon my enquiry she said, “Drink 2 liters (say 8 glasses) a day.” All doctors advise to drink at least 8 glasses (of water of course.. duh..! ) but what they don’t say is that you have to run to the toilet 80 freaking times :D And Lo, the bulb lighted and I aimed at the gold medal in the next Olympics since I would have sprint practice every day. She retorted that it wouldn’t do any good as the toilet is barely meters away inside our cozy homes. She had a point. She had many points, to be honest. Her views surfaced and hovered I still have a chance if only the toilets were moved outside.

        Moving the toilets is itself a challenge. It has been many decades now that the whole of society has the toilets inside. It is fixed and saturated. Our dear most society is a bubble of chaos. So much as a scratch you make, it bursts open, chaos rules. Bringing a change in the society is not just a scratch it is a sword’s slash. You must be as adroit as Samurai Jack to change the societal norms. You must have a bait and people must click on it. I told her that we can shift the toilets outside with a “Traditions ko Chipko” movement or “Tradition Vapas Lao” andholan. Another lame idea, I know :\

        “No one cares about the traditional values anymore. People ain’t buying that. Scientifically speaking, if toilets are outside it drains the negative energy and gives room to positive energy”, her remark. In this stress fed life people yearn for peace, for positive energy. They wouldn’t budge about the positive energy or any of its cousins (serenity, aura, karma) during their good times. Only when their blood is dripping and nothing else seems to clot it, they resolve to these “life saviors”. Outsourcing toilets is scientifically, aesthetically correct and it complies with Vastu. So let there be toilets in every compound, outside the house.

        Hopes resurrected in me, my aim of the Olympic medal is live again. Drink. Run. Win :P :D

Read More
Hazel regrowth

ಬುಡ ಚಿಗ್ ರ್ದ ಹೊತ್ತ್….

03 Oct 2017

  "ಇಂದನೇ ಬೇಬಿ.... ಅಣ್ಣುನ ಫೋನ್... ಅಮೇರಿಕಾಂದ... ನಿನ್ನೊಟ್ಟಿಗೆ ಮಾತಾಡ್ದೆಗಡ... ಬೇಗ ಬಾನೇ...." ಗಂಡ ರಾಮಣ್ಣನ ಬೊಬ್ಬೆ ಕೇಳಿ, ಜಾಲ್ ಕರೆಲಿ ನೀರಡಿ ದೊಂಬೆ ಅಡಿಲಿ ಹಸಿಮೀನ್ ಸಜ್ಜಿ ಮಾಡಿಕಂಡಿದ್ದ ಬೇಬಿಯಕ್ಕ, ಮೀನ್ ತಪಲೆಗೆ ಹಾಳೆ ಕಿಳ್ಳಿ ಅಡ್ಪ ಇಸಿ ಅದೇ ಚಂಡಿ ಕೈನ ಸೆರ್ರ್ಂಗ್ ಗೆ ಒರ್ಸಿಕಂಡ್ ಮನೆ ಒಳಗೆ ಓಡ್ದೊ. "ಹಲೋ.. ಅಮ್ಮಾ... ಹೆಂಗೊಳರಿ... ಈ ಸರ್ತಿ ತೊಡಿಕ್ಕ್ಯಾನ ಜಾತ್ರೆ  ಸಮಯಲಿ ನಾವು ಊರ್ ಗೆ ಬರ್ತೊಳೊ. ದೊಡ್ಡದರ್ಶನ ಬಲಿಗೆ ಎಲ್ಲವೂ ಒಟ್ಟಿಗೇ ಪೋಯಿ. ಶಾಂತಿನೂ ಬಂದದೆ. 'ಅನುಜ್ಞಾ'ನನೂ ಕರ್ಕಂಡ್ ಬರ್ತೊಳೆ... ಹಲೋ... ಕೇಳ್ತುಟ್ಟಾ... ಹಲೋ.. ಹಲೋ... ಟುಂಯ್... ಟುಂಯ್". ಫೋನ್ ಕಟ್!! ಬೇಬಿಯಕ್ಕಂಗೆ ಮಂಙನೊಟ್ಟಿಗೆ ಮಾತಾಡಿಕೆ ಆಗದೆ ಹನೀಸ್ ಬೇಜಾರಾದರೂ ಅಂವ ಹೇಳ್ದ ಮಾತ್ ಕೇಳಿ ಹಾಲ್ ಕುಡ್ಡಷ್ಟ್ ಕುಸಿ ಆತ್. ಹಂಗೇ ಅಲ್ಲಿದ್ದ ಐಮರಕ್ಕೆ ಒರ್ಗಿ ಕುದ್ದ್ ಕಳ್ದ ದಿನಗಳೆಲ್ಲಾ ನೆನ್ಸಿಕೆ ಸುರು ಮಾಡ್ದೊ. ಅಣ್ಣು ಹೈದನ ಹೊಟ್ಟೆ ಬಟ್ಟೆ ಕಟ್ಟಿ ಇಂಜಿನಿಯರ್ ಮಾಡ್ಸಿ ಬೆಂಗ್ಳೂರ್ ಗೆ ಕಳ್ಸಿದ್.. ಹೋದಂವ ಪೇಟೆ ಗೂಡೆ ಶಾಂತಿನ ಮೊದ್ವೆ ಆಕೆ ಹೊರ್ಟದ್.. ಮನ್ಸ್ ಒಪ್ಪದಿದ್ದರೂ ಒಬ್ಬನೇ ಮಂಙತ ಗಂಡನನೂ ಒಪ್ಪ್ ಸಿ ಮೊದ್ವೆ ಮಾಡ್ದ್.. ಮೊದ್ವೆ ಆಗಿ ಮೂರ್ ತಿಂಗಳಿಗೇ ಅಂವ ಹೆಣ್ಣ್ ನ ಕರ್ಕಂಡ್ ಅಮೇರಿಕಾಕ್ಕೆ ಹಾರ್ದ್.. ಅಲ್ಲಿಯೇ ಅವ್ಕೊಂದ್ ಹೆಣ್ಣ್ ಕೂಸ್ ಹುಟ್ಟಿದ್... ಇಲ್ಲಿವರೆಗೆ ಕೂಸುನ ಮೋರೆ ಕೂಡ ನೋಡಿಕೆ ಅಗದ್ದ್.. ಇದೇ!! ಮಂಙ ಅಮೇರಿಕಾಕ್ಕೆ ಹೊರ್ಡ್ ಕಾಕನ ಬೇಬಿಯಕ್ಕಂಗಂತೂ ಕುಸಿಯೋ ಕುಸಿ. ನಮ್ಮ ಇಡೀ ಬೈಲ್ ಲಿ ಮಾತ್ರ ಅಲ್ಲ ಇಡೀ ಗ್ರಾಮಲೇ ಅಣ್ಣುನೇ ಸುರೂಗೆ ವಿದೇಶಕ್ಕೆ ಹೊರ್ಟಂವ. ಗಂಡ, ಹೆಣ್ಣ್ ದಾರಿಲಿ ಸಿಕ್ಕುವ ನೆರೆಕರೆವು, ನೆಂಟ್ರ್ ಗಳೊಟ್ಟಿಗೆ ಹೇಳಿಕಂಡ್ ತಿರ್ಗಿದೇ ತಿರ್ಗಿದ್. ಆದರೆ ದಿನ ಕಳ್ದಾಂಗೆ ಗೊತ್ತಾತ್... ಹೋದಂವ ಬಾದು ವರ್ಷಕ್ಕೋ ಎರ್ಡ್ ವರ್ಷಕ್ಕೊಮ್ಮೆ. ಅದೂ ಒಬ್ಬನೇ.. ಸೊಸೆಗೆ ಊರ್ ಕಡೇ ನೋಡಿಕೂ ಮನ್ಸಿಲ್ಲೆ!! ತಿಂಗ ತಿಂಗ ಮನೆಗೆ ಬೇಕಷ್ಟ್ ದುಡ್ಡ್ ಕಳ್ಸಿದೆ.. ಆದರೆ ಮನ್ಸ್ ಗೆ??!! ಹಿಂಗೇ... ಫೋನ್ ಲೇ ವಿಚಾರ್ಸಿಕಂಬೊದು ಅಷ್ಟೆ. ಅಂಥದರ್ಲಿ ಹಕ್ಕಲೆ ಹಕ್ಕಲೆ ಎಂಟ್ ವರ್ಷದ ಮೇಲೆ ಮಂಙ  ಪುಳ್ಳಿನನೂ ಕರ್ಕಂಡ್ ಬಂದದೆತೇಃಳ್ರೆ ಯಾವ ಅಯ್ಯೆಗೂ ಎಷ್ಟ್ ಕುಸಿ ಆಕಿಲೆ??!! ಅದರ್ನೇ ಗಂಡನ ಕೆಬಿಗೆ ಉರ್ಗಿಕೆ ರಾಮಣ್ಣನ ಹುಡ್ಕಿರೆ ಅವು ಆಗಳೆ ಹಳು ತೆಗ್ಯಕೆ ಗದ್ದೆ ಕರೆಗೆ ಎತ್ತಿ ಆಗುಟು. ಅಷ್ಟೊತ್ತಿಗೆ ನೆಂಪಾತ್.. ಸಜ್ಜಿ ಮಾಡಿಕಂಡಿದ್ದ ಹಸಿಮೀನ್ ಅಲ್ಲಿಯೇ ಬುಟ್ಟಳೆ. ಹೋಗಿ ನೋಡ್ರೆ ಒಂದ್ ಮೀನ್ ನ ಕಂಟ ಕೊತ್ತಿ ಹೊತ್ತ್ ದ್ ಬೀಜ ಮರದ ಕೊಡಿಲಿ ಕುದ್ದಕಂಡ್ ಕೈ ನೆಕ್ಕ್ಯಣ್ತುಟ್ಟು. ಅದ್ಕೆ ಒಂದ್ ಕಲ್ಲ್ ಬೇರಿ ಒಳ್ದ ಮೀನ್ ನ ಸಜ್ಜಿ ಮಾಡಿ ಅರೆಪುಗೆ ಹುಳಿಮೆಣ್ಸ್ ಕಡ್ಯಕೆ ಅಡ್ಗೆ ಕೋಣೆಗೆ ಹೋದೊ ಬೇಬಿಯಕ್ಕ.

    ಮಾರ್ನೆ ದಿನಂದ ಕೆಲ್ಸಕ್ಕೆ ಬಂದ ಪಾಚೊಳ್ತಿನೊಟ್ಟಿಗೆ, ಕಾಯಿ ತೆಗ್ಯಕೆ ಬಂದ ಕುಂಞಣ್ಣನೊಟ್ಟಿಗೆ ಎಲ್ಲರೊಟ್ಟಿಗೂ ಗಂಡಂಗೂ, ಹೆಣ್ಣ್ ಗೂ ಹೇಳಿಕೆ ಒಂದೇ ವಿಶ್ಯ. 'ಅಣ್ಣು ಊರುಗೆ ಬಾತುಟ್ಟುಗಡ...ಹಂಗೇ ಅನುನ ಕೂಡ ಕರ್ಕಂಡ್ ಬಂದದೆಗಡ' (ಈಗದ ಪುಳ್ಳಿಕಳ ಹೆಸ್ರ್ ಅಜ್ಜ, ಅಜ್ಜಿಕಳಿಗೆ ಸರಿಯಾಗಿ ಹೇಳಿಕೆ ಆಗದಾಂಗೇ ಇಸುದು ಯಾಕೋ??!!). ಪುಳ್ಳಿನ ಬೇರೆ ಸುರೂಗೆ ನೋಡ್ತೊಳೊ ಪಾಪದ ಹಿರಿಜೀವಗ. ಆ ಕೂಸುಗೆ ಹಟ್ಟಿನ ಅಂಬೆ ಕರ್ ತೋರ್ಸೊಕು... ಮೊಜ್ಜಿಗೆ ಗುತ್ತಿಂದ ಬೆಣ್ಣೆ ತೆಗ್ದ್ ಕೊಡೊಕುತ ಅಜ್ಜಿ ಲೆಕ್ಕಹಾಕಿರೆ... ಕೆರೆಲಿರುವ ದೊಡ್ಡ ಮಣ್ಂಜಿ ತೋರ್ಸೊಕು... ಕೊಟ್ಟೆ ಕೊಮ್ಮುಲಿ ಮೊನ್ನೆ ನೋಡ್ದ ಯಾಪೆಗಿಳಿನ ಹಿಡ್ಡ್ ಗೂಡ್ ಮಾಡಿ ಇಸಿರೆ ಕೂಸು ಆಡಿಕೆ ಭಾರೀ ಲಾಯಿಕ್ ತ ಕನ್ಸ್ ಕಾಂಬೊತುಟ್ಟು ಅಜ್ಜಪ್ಪ!! ಆದರೆ ಆ ಕನ್ಸ್ ಗೆ ಬೆಚ್ಚನೀರ್ ಚೋಂಪಿದ್ ಕೆಲ್ಸದ ಪಾಚೋಳ್ತಿ.. "ಎಡ್ತೆರೇ.. ಅಲ್ಲಿ ಅಮೇರಿಕಲಿ ಎಲ್ಲವೂ ಇಂಗ್ಲೀಷ್ ಲೇ ಮಾತಾಡ್ದುಗಡ. ಮೊನ್ನೆ ದುಬಾಯಿಂದ ಬಂದ ಎಂಕಮ್ಮಕ್ಕನ ಮಂಙ ಹೇಳ್ತಿದ್ದೊ. ಇನ್ನ್ ನೀವು ಆ ಕೂಸುನೊಟ್ಟಿಗೆ ಹೆಂಗೆ ಮಾತಾಡುವರಿ!!??" ಇದೆಂಥಾ ಸಮಸ್ಯೆ. ಪುಳ್ಳಿ ಬಾತ್ ತ ಕುಸಿ ಪಡೊಕೊ.. ಪುಳ್ಳಿನೊಟ್ಟಿಗೆ ಮಾತಾಡಿಕೆ ಆದುಲೆಲ್ಲಾತ ಬೇಜಾರಾಕೊ!! ಇಬ್ಬರಿಗೂ ಒಮ್ಮೆಗೆ ಮಾತೇ ಹೊರ್ಡ್ ತಿಲ್ಲೆ. ಮನ್ಸ್ ಚುಳ್ಳಂಗೆ ಆತುಟ್ಟು. ಚಪ್ಪೆ ಆದ ಹೆಣ್ಣ್ ನ ಮೋರೆನೋಡಿ ರಾಮಣ್ಣನೇ ಸಮಾಧಾನ ಮಾಡಿಕೆ ಮೆಲ್ಲಂಗೆ  ಹೇಳ್ದೊ "ನಾವೂ ಇಂಗ್ಲೀಷ್ ಕಲಿಯೊನೊ!!". ಬೇಬಿಯಕ್ಕ ಕಣ್ಣ್ ಲಿ ನೀರ್ ತುಂಬುಸಿಕಂಡ್ ಮಯಮಯ ದೃಷ್ಟಿಲಿ ಗಂಡನ ಮೋರೆನೋಡ್ರೆ "ನಾ ಹೆಂಗೂ ಮೂರ್ನೇ ಇಯತ್ತೆವರೆಗೆ ಹೋಗಳೆ. ನೀ ಸಾಲೆನ ಮೋರೆನೇ ನೋಡದಂವ. ಬುಡು.. ಆಚೆಕರೆ ದಾಮುನ ಮಂಙ ಕುಟ್ಟ ಹೈಸ್ಕೂಲ್ ಗೆ ಹೋದೆ ಅಲ್ಲ.. ಅಂವನೊಟ್ಟಿಗೆ ಕೇಳಿ ಮಾತಾಡಿಕೆ ಕಲ್ಯೊನೊ" ಹೇಳ್ದವು ಸೀದ ಎದ್ದ್ ದಾಮುನ ಮನೆಕಡೆ ಹೊರ್ಟೊ. ಆ ಹೈದನೂ ಚುರ್ಕುನವನೇ.. ಹಾಯ್.. ಹಲೋ... ಹೌ ಆರ್ ಯು.. ವಾಂಟ್ ಜ್ಯೂಸ್, ಮಿಲ್ಕ್.. ಕಮ್.. ಸ್ಲೀಪ್.. ಗೋ.. ಸಿಟ್.. ಈಟ್.. ಬಾಯ್... ಹಿಂಗೆ ಸುಲಭದರ ಬರ್ದ್ ಕೊಟ್ಟ್ ಕಳ್ಸಿರೆ, ಮನೆಗೆ ಬಂದ ರಾಮಣ್ಣ ಹೆಣ್ಣ್ ಗೆ ಇಂಗ್ಲೀಷ್ ಕಲ್ಸಿ ಕೊಡ್ತಿದ್ದೊ. ಒಮ್ಮೊಮ್ಮೆ ಜ್ಯೂಸ್ ಹೋಗಿ ಚೂಸ್ ಆದರೆ.. ಹಾಯ್ ಗೆ ಬಾಯ್ ಅಂತ ತಪ್ಪ್ ತಪ್ಪ್ ಹೇಳಿಕಂಡ್ ನೆಗಾಡಿಕಂಡೊ!!

      ಜಾತ್ರೆಗೆ ದಿನ ಹಕ್ಕಲೆ ಆದಂಗೆ ಬೇಬಿಯಕ್ಕಂಗೆ ಯಾಗ ಒಮ್ಮೆ ಪುಳ್ಳಿನ ನೋಡ್ನೆತ ಮನ್ಸೊಳಗೆನ ಚಡಪಡಿಕೆ ಜಾಸ್ತಿಆಗ್ತುಟ್ಟು. ಒಟ್ಟಿಗೆ ಗಂಡನ ಮೇಲೆ ಪರ್ರ್ಂಚಟನೂ!! 'ಕೂಸುಗೆ ಜೇನ್ ತಂದಿಸಿಕೆ ಹೇಳಿದ್ದೆ .. ತಂದಳರಿಯಾ... ಜಾಲ್ ಕರೆ ನೀರಡಿ ದೊಂಬೆ ಕಡೆ ಜಲ್ಲಿ ಹಾಕಿತ್ಲೆ..ಕೂಸು ಆಡಿಕೆ ಹೋಗಿ ಜಾರಿ ಬೀಳಿಕೆ ಬೊತ್ತ್.. ಹಿಂಗೇ' . ಒಟ್ಟೊಟ್ಟಿಗೆ ಇಂಗ್ಲೀಷ್ ಕಲಿದೂ ಬುಟ್ಟತ್ಲೆ.  ಬೇಬಿಯಕ್ಕ ಪಾಚೋಳ್ತಿನ ಬಾಕೆ ಹೇಳಿ ಇದ್ದ ಒಲ್ಲಿ, ಮೊಂದ್ ರಿ ನ ಎಲ್ಲಾ ಒಗ್ಯಕೆ ಬೆರ್ಸಿದೊ. ಕಪಾಟ್ ಮೇಲೆ ಇದ್ದ ಹಾಸಿಗೆಗಳ ಜಾಲ್ ಲಿ ಬಿಸಿಲ್ ಗೆ ಬುಡ್ಸಿ ಧೂಳ್ ಹಾರ್ಸಿದೊ. ರಾಮಣ್ಣನೋ ಕುಂಞಣ್ಣನ ಕರ್ಸಿ ನಾಕ್ ಕೀಲೆ ಕೆಂದಾಳೆ ಬೆಂಡ ತೆಗ್ಸಿಸುದರೊಟ್ಟಿಗೆ ಕಳ್ದ ವಾರ ಕಡ್ದಿಸಿದ ಬಾಳೆಗೊನೆ ಇನ್ನೂ ಹಣ್ಣಾತ್ಲೆ.. ಪಡ ಇಜ್ಪಿ ಇಸಿದ್ದರೆ ಒಳ್ಳದಿತ್ತ್ ತ ಗೊಣ್ಗಿಕಂಡೇ ಕೆಲ್ಸ ಮಾಡಿಕಂಡವೆ. ಜಾತ್ರೆ ಸಮಯದ ಮಳೆಗೆ ಪೋನ್ ಬೇರೆ ಹಾಳಾಗಿ ಅಣ್ಣು ಎಷ್ಟೊತ್ತಿಗೆ ಎತ್ತಿದೆತಾನೂ ಹೇಳಿಕೆ ಗೊತ್ಲೆ. ಅಷ್ಟೊತ್ತಿಗೆ ಗುಡ್ಡೆಕರೇಂದ ಯಾವುದೋ ವಾಹನದ ಸದ್ದ್ ಕೇಳ್ದಾಂಗಾಗಿ ಬೇಬಿಯಕ್ಕ ಮನೆಒಳಗೆಂದ ಜಾಲ್ ಕರೆಗೆ ಬಂದ್ ಎತ್ತಿದೊ.. ಮೆಲ್ಲಾನೆ ವಾಹನ ಸದ್ದ್ ಜೋರಾಗಿ, ಆ ಕಾರ್ ಸೀದ ಮನೆ ಜಾಲ್ ಗೇ ಬಾತ್. ನೋಡ್ರೆ ಅಣ್ಣು!! ಅಯ್ಯೆ, ಅಪ್ಪ ಮೆಲ್ಲನೆ ಕಾರ್ ಕಡೆಗೆ ಬಾಕನ ಅಣ್ಣುನೇ ಕಾರ್ಂದ ಇಳ್ದ್ ಓಡಿ ಬಂದ್ ಅಪ್ಪನ ಕೈ ಹಿಡ್ಕಂಡರೆ, ರಾಮಣ್ಣ ಅವನ ಕೈ ಜಾರ್ಸಿ ಕಾರ್ ಕಡೆ ಹೋದವೆ. ಅವ್ಕೆ ಪುಳ್ಳಿನ ಕಾಂಬಕೆ ಆಸೆ!! ಕಾರ್ಂದ ಇಳ್ದ ಸೊಸೆ " ಏನು ಅತ್ತೆ... ಏನು ಮಾವ.. ಚೆನ್ನಾಗಿದ್ದೀರಾ.." ತ ಕೇಳ್ದರ್ಲಿ ಏನೂ ಹೊಸತನ ಇತ್ಲೆ. ಪ್ರಾಯದ ಕಣ್ಣ್ ಗಳ ಇಷ್ಟ್ ದಿನದ ಕನ್ಸ್... ಕೂಸು ಅನುಜ್ಞಾ ಕಾರ್ಂದ ಇಳ್ದದರ ನೋಡಿ, ಬೇಬಿಯಕ್ಕ ಕಲ್ತ ಇಂಗ್ಲೀಷೂ ಮರ್ತೋಗಿ 'ಹೋಯ್.. ಹೌ ರಾಯು' ಅಂತ ಕೇಳ್ದೊ. ಅದರ ಕೇಳಿ ಆ ಕೂಸು... ನೆಗಾಡ್ತ " ಅವ್ವಾ... ನಾ ಉಶಾರೊಳೆ.. ನೀವು ಹೆಂಗೊಳರಿ" ತ ಬಂದ್ ಅಜ್ಜಿನ ಬಾಚಿ ತಬ್ಬಿಕಂಡರೆ ಅಜ್ಜ,ಅಜ್ಜಿಗೂ ಒಮ್ಮೆಗೆ ಏನೂ ಗೊತ್ತಾಗ್ತಿಲ್ಲೆ. ನಾವು ಇಷ್ಟ್ ದಿನ ಭಂಗ ಬಂದ್ ಕಲ್ತ ಇಂಗ್ಲೀಷ್ ಎಲ್ಲಿ.. ಕೂಸು ನಮ್ಮೊಟ್ಟಿಗೆ ಮಾತಾಡ್ತಿರುವ ಅರೆಬಾಸೆ ಎಲ್ಲಿ!! ಅಜ್ಜನ ಕಣ್ಣ್ ಲೂ ನೀರ್ ಮಾತ್ರ... ಮಾತೇ ಇಲ್ಲೆ.. ಆಗ ಅಣ್ಣುನೇ ಹೇಳ್ತ್.. "ಪೊಪ್ಪಾ... ನನ್ನ ಕೂಸು ಅರೆಬಾಸೆ ನನ್ನಷ್ಟೇ ಲಾಯಿಕ್ ಮಾತಾಡ್ದೆ.. ನಂಗೆ ಅಮೇರಿಕಕ್ಕೆ ಹೋದ ಮೇಲೆ ಗೊತ್ತಾತ್.. ಅಲ್ಲಿನ ಜನ ಅವರ ಸಂಸ್ಕೃತಿ, ಭಾಷೆನ ಎಷ್ಟ್ ಪ್ರೀತಿಸುವೆತ. ಅಲ್ಲಿ ಇಂಗ್ಲೀಷ್ಲಿ ಮಾತಾಡ್ರೆ, ಅವರ್ದೇ ದಾಟಿಲಿ ಉತ್ತರ ಕೊಟ್ರೆ ನಮ್ಮ ಹಾರೈಸುವೆ. ಇಲ್ಲರೆ ನಮ್ಮ ನೋಡಿ ನೆಗಾಡ್ವೆ!!! ಅದ್ ಅವರ ಭಾಷಾಭಿಮಾನ.  ನೀವು ಹೇಳ್ದರ ನಾ  ಮರ್ತತ್ಲೆ ಪೊಪ್ಪಾ.. ಮಕ್ಕ ಕನ್ನಡ, ಇಂಗ್ಲೀಷ್ ಶಾಲೆಗೆ ಹೋದ ಮೇಲೆ ಕಲ್ತವೆ. ಆದರೆ ನಾವು ಮಕ್ಕಳೊಟ್ಟಿಗೆ ಅರೆಬಾಸೆಲಿ ಮಾತಾಡದಿದ್ದರೆ ಅವು ನಮ್ಮ ಭಾಷೆ ಕಲಿದು ಯಾಗ?  ಆಚೆ ಮನೆ ಮಕ್ಕ ಶಾಲೆಗೆ ಹೋಕೆ ಸುರು ಮಾಡ್ಕಾಕನ ಮನೆಲಿ ಕನ್ನಡ ಮಾತಾಡಿರೂ ನೀವು ನನ್ನೊಟ್ಟಿಗೆ ಹಂಗೆ ಮಾಡ್ತ್ಲೆ. ನಾ ಕನ್ನಡ ಮಾತಾಡ್ರೂ ಬೊಯ್ದ್ ಅರೆಬಾಸೆಲೇ ಮಾತಾಡ್ತಿದ್ದರಿ. ಅಮೇರಿಕದವ್ಕೆ ಹೆಂಗೆ ಅವರ ಭಾಷೆ ಮೇಲೋ.. ಹಂಗೆ ನಂಗೂ ನನ್ನ ಅರೆಬಾಸೆ ಅಷ್ಟೆ. ಸರಿಯಾದ ಇಂಗ್ಲೀಷ್ ಬಂದದ್ ಸುಮಾರ್ 500 ವರ್ಷಂದ ಇಚೆಗೆ... ಅದರ್ಂದಲೂ ಹಳ್ತೇ ನಮ್ಮ ಅರೆಬಾಸೆ ಆಗಿರ್ದು!!?? ಯಾಕೆಂತೇಳ್ರೆ ಅದೆಷ್ಟೋ ಹಳೆಗನ್ನಡದ ಪದಗಳ ನಾವು ಇನ್ನೂ ಮಾತಾಡುವೆ. ಹಂಗಿರ್ಕಾಕನ ನಾವ್ಗೆ ಅರೆಭಾಸೆಲಿ ಮಾತಾಡಿಕೆ ನಾಚಿಕೆ ಯಾಕೆ? ಇಂಗ್ಲೀಷ್ನನೆ ಲ್ಯಾಟಿನ್ ಲಿ ಬರ್ದ್ ಭಾಷೆ ಒಳ್ಸ್ಯೊಳೊತೇಃಳ್ರೆ ಕನ್ನಡ ಲಿಪಿಲಿ ಬರ್ದ್ ಅರೆಬಾಸೆನ ಒಳ್ಸಿಕೆ ಆಕಿಲೆನಾ?? ... ಬನ್ನಿ... ಪೋಯಿ...ಕಾರ್ಂದ ಬಟ್ಟೆಬರೆ ಎಲ್ಲಾ ಮತ್ತೆ ಇಳ್ಸಕ್" . ಬುಡ ಚಿಗ್ರಿ ಹೊಸ ದೈ ಬಾತೆಂಬ ಕುಸಿಲಿ ರಾಮಣ್ಣನೂ ಮಂಙನ ತಬ್ಬಿಕಂಡ್, ಪುಳ್ಳಿನ ಎತ್ತಿಕಂಡ್  ಮನೆ ಕಡೆಗೆ ಹೊರ್ಟೊ.

 

( ಬೆಂಗಳೂರ್ ನ ಅರೆಬಾಸೆ ಜನಾಂಗ ಭಾಂಧವ್ಕೆ ಆಯೋಜಿಸಿದ್ದ "ಅರೆಬಾಸೆ ಮುಡ್ಪು ಕಥಾಸ್ಪರ್ಧೆ"ಲಿ ಪ್ರಥಮ ಬಹುಮಾನ ಪಡ್ಕಂಡ ಕಥೆ..)

ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

Read More
Cimg0655

ಚಾವಡಿನ.ಗಡ್ಯಾರ

29 Oct 2017

ಚಾವಡಿನ ಗೋಡೆ ಮೇಲೆನ ಗಡ್ಯಾರ,
ಅದ್ ಮೇಡ್ ಇನ್ ಜರ್ಮನಿ.

ಎಂದೊ ಪಂಡ್ ಉಗಪನಪ್ಪ 
ಹಡಗ್ ಲಿ ಹೇಳಿ ತರ್ಸಿದ್ ಗಡ.
ಅಂದೇ ಕೊಟ್ಟವುಗಡ ,ಏಳ್ನೂರ್ ರೂಪಾಯೀ..
ಅಂದರೆ ಈಗದರ ಕ್ರಾಯ...?
ಕ್ರಾಯನ ಕಾಲದೊಟ್ಟಿಗೆ ತೂಗಿಕಾದ್ಲೆ ನೋಡಿ..
ಹಾಂಗೇನಾರ್ ಮಾಡ್ರೆ..
ಪಂಡ್ ನ ಸಾಮಾನ್ ನೆಲ್ಲ ದುಡ್ಡುಲಿ ತೂಗಕಾದು.

 

 

ಎಂದೋ ಅದರ,
ಚಾವಡಿನ ದೊಡ್ಡ ಗೋಡೆಗೆ ನೇಲ್ಸಿದ್ದೊ..
ಈಗನ ಹಿರಿತಲೆಗಳಿಗೆ ನೆಂಪು ಬಾಕನ್ನೆ ಅಲ್ಲಿತ್ತ್ ಗಡ .
ಸಾರೆಂಙ ಕೊಂಬುನ ಕರೆಗೆ,ಜಾಲ್ ಗೆ ಮೋರೆ ಮಾಡಿ

ನೋಡ್ತುಟ್ಟು ಅಲ್ಲಿಂದಲೇ ..ಹೊಸ ಹೊಸ ದಿನಗಳ
ಅದೆಷ್ಟೊ ಹಗಲಿರ್ಲ್ ಅಮಾಸೆ ಹುಣ್ಣಿಮೆನ
ಮೊದ್ರೆಂಗಿ -ಮೊದ್ವೆನ,ಹಬ್ಬನನೂ -ಬೊಜ್ಜನನೂ..
ನೆರೆಕರೆ ಊರವರ,ಹೊಸ ಹೊಸ ನೆಂಟ್ರ್ ಗಳ
ಹೊಸ ದಿನಗಳ ಹೊಸ ಕೋಲ-ವೇಸಗಳ
ಬಣ್ಣ ಬಣ್ಣದ ಬೊದ್ಕ್ ನ ಗೌಜಿಗದ್ದಲಗಳ.

ಚಾವಡಿಲಿ ಬಗಬಗೆನ ಪಂಚಾತಿಗೆನೂ ಕಂಡುಟು
ಅಕೇರಿಗೆ ತೀರ್ಮಾನ ಹೇಳಿಕೆ ಗಡುವುನು ಕೊಟ್ಟುಟು
ಒಮ್ಮೊಮ್ಮೆ ಕೆಲವ್ ಬಾಯಿಲಿ ಬೊಯ್ಗಳೂ ತಿಂದುಟು
"ಸುಟ್ಟ ಹೊತ್ತ್ ಹೋದೇ ಗೊತ್ತಾತ್ಲೆ" ತೇಳ್ವೋ
ಗಡ್ಯಾರ ನೋಡಿ.
ಅಂದರೂ ಗಡ್ಯಾರ ಅದರ ಕೆಲ್ಸನಿಲ್ಸಿತ್ಲೆನೋಡಿ
ಹೊತ್ತ್ ಹೊತ್ತುಗೂ ಬೊಬ್ಬೆ ಹೊಡೆತುಟ್ಟು..
ಸುತ್ತ ನೆರೆಕರೆಗೆ ಕೇಳ್ವಾಂಗೆ..
ಪಂಡ್ ಕಲವ್ಕೆ ಗಂಟೆನೋಡಿಕಾಗತ್ಲರೂ.
ಅದರ ಸಬ್ದಕೆ ಲೆಕ್ಕಾಚಾರ ಮಾಡಿಕಣವುಗಡ
ಹಿಟ್ಟ್ ಹುಗ್ಗೆ,ಹುಲ್ಲು ಸೊಪ್ಪುಗೆತೇಳಿ ಜಾಲ್ ಗಿಳಿಯಕೆ.
ದನಕೆ ಮೊಡ್ಡಿ ನಾಯಿಗೆ ಗಂಜಿ ಹಾಕಿಕೆ

ಇಂದೊರೆಗೆ,ಕಪ್ಪು ಪೆಟ್ಟಿಗೆನಾಂಗೆ ಕಾಂಬ ಅದರ್ಲಿ.
ಕೆಳೆಗೆ ನೇಲ್ಸಿದ ಸೆಡೆ ತೂಗೆಂಡೇ ಉಟ್ಟು
ಮೂರು ಮುಳ್ಳುಗ ತಿರ್ಗೆಂಡೇ ಉಟ್ಟು..
ಯಾರನು ಕಾಯದೆ,ಕೇಳದೆ..

ಮತ್ತೊಂದ್ ಹೇಳ್ನೆ,
ಹೆಣ್ಮಕ್ಕ ತವರ್ ಮನೆಗೋದಾಂಗೆ,
ವರ್ಸಕೊಮ್ಯಾರ್ ಇದರ ಹಿಡ್ಕಂಡ್
ಅಬ್ಬಾಸ್ ನಲ್ಲಿಗೆ ಹೋಗಿ ಬಾಕುಟ್ಟು..
ಕೆಬಿ ತಿರ್ಗ್ ಸಿ,ಕೀಲ್ ಗಳಿಗೆಲ್ಲ ಎಣ್ಣೆಬುಡಿಕುಟ್ಟು.

ಏನೇ ಇರ್ಲಿ,,
ಅದ್ ಇಂದೊರೆಗೂ ಜೀವಲಿ ಉಟ್ಟು
ಆ ಸುಣ್ಣ ಬಣ್ಣ ಬೇರಾವ ಚಾವಡಿನ ಗೋಡೆಲಿ

"ಅದ್ ,ಮೇಡ್ ಇನ್ ಜರ್ಮನಿಲಿ...
ತಂದಾಳ್ದ್ ಬಾರೀ ಪಂಡ್ ಲಿ.
ನಮ್ಮಲ್ಲಿ ಒಳದ್  ಇಂದೊರೆಗೆ
ಉಗಪನಪ್ಪನ ನೆಂಪುಲಿ."

Read More