Twin bags

ಒಂದ್ ತೊಟ್ಟೆಯ ಕಥೆ!!

        "ಇಂದನಿಯಾ....ಕತ್ತಲೆ ಇಡೀ ಸರಿ ನಿದ್ದೆನೇ ಇಲ್ಲೆ. ಏನೇನೋ ಕನ್ಸ್. ನಾವ್ ಮಲ್ಗುವ ತಲೆಕಡೆ ಹೊರಗೆ ಮಾಡ್ಂದ ಎನೋ ಕೊಟಕೊಟಾಃತ  ಸದ್ದ್. ಯಾರೋ ಮಾತಾಡಿಕಂಡಾಂಗೆನೂ ಕೇಳ್ತಿತ್ತ್. ನೀವ್ಗೇ ಏನಾರ್ ಗೊತ್ತಾಗುಟ?" ಹೇಳಿಕಂಡೇ ಗಂಡ ಚಿನ್ನಣ್ಣನ ಬಟ್ಲ್ ಗೆ ಓಡಿಟ್ಟುನೂ, ಕಡ್ಡೆ ಉಪ್ಪಣದ ಗೈಪುನೂ ಅಳಗೆ ಅಡೀಂದ ಗೋಂಚಿ ಇಕ್ಕಿಕೆ ಹೊರ್ಟೊ ಎಂಕಮ್ಮಕ್ಕ. "ಇಲ್ಲೆಲ್ಲಾ... ನಂಗೆ ನಿನ್ನೆ ಮಲ್ಗಿದವಂಗೆ ನಿನ್ನ ಅಪ್ಪನ "ಮಂಗುರ್ಣಿ" ದೆಸೆಂದ, ಕೊಟಕೊಟನೂ ಕೇಳ್ತ್ಲೆ!! ಎಂಥದೂ ಇಲ್ಲೆ. ಬೆಳ್ಜಾರ್ ಗೆ ಒಮ್ಮೆ ನಾ ಉಚ್ಚೆ ಹೊಯ್ಯಕೆ ಎದ್ರ್ ಕಾಕನ ಅಟ್ಟಲಿ ಎಲಿಗ ಓಡ್ದ್ ಕೇಳ್ತ್. ನಿಂಗೆಲ್ಲೋ ಭ್ರಮೆ!! ಸತ್ತ ನಿನ್ನ ಶಾಲೆ ಮಾವನ ಕೊಲೆ  ಬಂದಿರೊಕು!! ನೀ ಎಷ್ಟಾದರೂ ಅವರ ಕೊಂಡಾಟದ ಸೊಸೆ ಅಲ್ಲಾ??!!" ಹೇಳಿ ಓಡಿಟ್ಟ್ ನ ಮುರ್ದ್ ಗೈಪುಗೆ ಕಂತ್ ಸಿ ತಿಂಬಕೆ ಸುರುಮಾಡ್ದೊ ಚಿನ್ನಣ್ಣ. ಅತ್ತೆ ಮೇಲೆನ ಸಿಟ್ಟ್ ಮೇಲೆತೇಃಳುವಾಂಗೆ "ಇವ್ಕೆ ಎಲ್ಲಾ ಸಸಾರನೇ...." ತ ಗಂಡಂಗೆ ಬೊಯ್ಕಂದ್ ಒಲೆಲಿದ್ದ ಸೌದೆ ಕೊಳ್ಳಿನ ಸಿಟ್ಟ್ ಲಿ ಭೊಸ್ಕಂತ ಇನ್ನೂ ಒಳಗೆ ನೂಕಿದೊ. ಒಲೆಲಿದ್ದ ಕೆಂಡದಾಂಗೆ ಕೆಂಪಾದ ಹೆಣ್ಣ್ ನ ಸುರ್ಪ ನೋಡಿ ಚಿನ್ನಣ್ಣ "ಸರೀ... ಬುಡು... ಇನ್ನೊಮ್ಮೆ ಹಂಗೇನಾದರ್ ಆದರೆ ನೋಡ... ನಾಳ್ದ್ ಹೆಂಗೂ ಪುತ್ತೂರ್ ಗೆ ಹೋಕುಟ್ಟು.. ಜೋಯಿಸರೊಟ್ಟಿಗೆ ಕೇಳೊನೊ... ಆತಾ" ಹೇಳಿ ನೆಗಾಡಿಕಂಡ್, ಒಳ್ದ ಉಪ್ಪಣದ ಹೊಡಿ ತುಂಡುನ ಚಪ್ಪಿಕಂಡ್, ಬಟ್ಲ್ ನ ನೀರಡಿಲಿಸಿ ಕೈತೊಳ್ದ್ ತೋಟಕ್ಕೆ ಹೋದೊ. ಆ ದಿನ ಕತ್ತಲೆಗೂ ಪುನಃ ಅದೇ ಸದ್ದ್ ಕೇಳಿ ಎಚ್ಚರಾದ ಎಂಕಮ್ಮ, ಗೂರೆಳಿತ್ತಿದ್ದ ಗಂಡನ ಕುಟ್ಟಿ ಕುಟ್ಟಿ ಎದ್ರ್ ಸಿ "ನೋಡಿ... ಇಂದ್ ನೂ ಅದೇ ಸೌಂಡ್.. ಹೋಗಿ ನೋಡಿಯಾ..." ಹೇಳ್ದಕ್ಕೆ, ನಿದ್ದೆ ಕಣ್ಣ್ ಲೇ ಲೈಟ್ ತಕಂಡ್ ಹೋದೊ ಚಿನ್ನಣ್ಣ. ಸೂರಡಿಲಿ ಎಂತದೂ ಕಾಣದಿದ್ದರೂ, ಕೇಳ್ದ ಸದ್ದ್ ಗೆ ಮಾತ್ರ ನಿದ್ದೆ ಫುಲ್ ಬುಟ್ಟೋತ್. ತಿರ್ಗಿ ಬಂದ್ "ಸೌಂಡ್ ಕೇಳ್ದು ಹೌದುಯಾ.. ಆದರೆ ಎಂತದೂ ಕಾಂಬೊದ್ಲೆ!! ನಾಳೆ ಬೊಳ್ಪುಗೆ ಬೈನಾಟಿಗೊಂದು ಈಡ್ ತೆಗ್ದಿಸೊನೊ... ನೋಡ!!" ಹೇಳಿ ಜಾರ್ದ ಕಂಬೈನ ಸರಿಮಾಡಿಕಂಡ್ ಅಂಗಾತ ಬಿದ್ದ್ ಕಂಡೊ.
           
                        ಮಾರ್ನೆ ದಿನ ಬೊಳ್ಪುಗೆ ಎದ್ರಿಕೆ ಮೊದಲೇ  ಚಿನ್ನಣ್ಣನ ಅವ್ವನ ಪರ್ರಂಚಟ ಸುರಾಗುಟು."ನಾ ಹೇಳ್ದೆ... ಆ ಮೂಲೆಲಿ ಸಿಡ್ಲ್ ಬೊಡ್ಡ್ ಸತ್ತ ಕೊಟ್ಟೆ ಚಾಳೆನ ತೆಗ್ಸೊಕುತ... ಇವಂಗೆ ನೋಡ್ರೆ ಯಾಗ ನೋಡ್ರೂ ಪುರ್ಸೊತ್ತಿರಿಕಿಲೆ!!  ಊರ್ಲಿದ್ದ ಕೊಟ್ಟುಕುಡ್ತಲೆಗೆಲ್ಲಾ ಅದರ್ಲೇ ಬಂದ್ ಸತ್ತೊಳೊ.. ಏನ್ ಬೊಬ್ಬೆ, ಏನ್ ಬೊಬ್ಬೆ!! ಇನ್ನ್ ಆ ಕೊಟ್ಟೆ ಚಾಳೆಗೆ ಯಾವ ರಣ, ಪೀಡೆ ಬಂದ್ ಸೇರಿಕಂಡತೊ? ಕತ್ತಲೆ ಇಡೀ ಅತ್ತನ ಮಾಡ್ ಕರೇಂದ ಕೊಟಕೊಟ ಸದ್ದ್. ಇರ್ಲ್ ಇಡೀ ನಾ ಕಣ್ಣೇ ಮುಚ್ಚಿತ್ಲೆ!! ಓ ಚಿನ್ನಾ... ಇಂದಾರ್ ಒಮ್ಮೆ ಹೋಗಿ ಆ ನಿನ್ನ ಜೋಯಿಸನೊಟ್ಟಿಗೆ ಕೇಳಿ ಬಾ ಮಾರಾಯಾ..." ಅಯ್ಯೆನ ಸುಪ್ರಭಾತಕ್ಕೇ ಎದ್ದ ಚಿನ್ನಣ್ಣ " ಆದವ್ವ... ನಿನ್ನ ಈ ಪರ್ರ್ಂಚಟನ ಒಮ್ಮೆ ನಿಲ್ಸಿಯಾ"ತೇಳಿ ಹಲ್ಲುಜ್ಜಿ, ಚಾ ಕುಡ್ದ್ ಜೋಯಿಸನಕ್ಕಲೆ ಹೋಗಿ ಎತ್ತಿದೊ. ಸುಮಾರ್ ಹೊತ್ತ್ ಕುದ್ದ್ ಕುದ್ದ್, ಕಡೇಗೆ ಮೂರ್ ಘಂಟೆ ಹೊತ್ತ್ ಗೆ ಜೋಯಿಸನ ಮುಂದೆ ಕುದ್ರುವ ಭಾಗ್ಯ ಸಿಕ್ಕಿತ್ ಇವ್ಕೆ. ಜೋಯಿಸನೂ ಕವ್ಡೆ ಹಾಕಿ, ಕೂಡ್ಸಿ, ಕಳ್ದ್... ಬರ್ದದರ ಮೇಲೇ ಮೂರ್ ಮೂರ್ ಸರ್ತಿ ಗೀಟ್ ಹಾಕಿದರ್ಲಿ ಆ ಪೇಪರೇ ಒಟ್ಟೆ!! "ನೋಡಿ ಚಿನ್ನಣ್ಣಾ... ನಿಮ್ಮ ಮನೆಗೆ ಛಿದ್ರ ದೋಷ ಆಗುಟು. ನೀರಡಿ ಕೊಟೆಗೆ ಹಕ್ಕಲೆ ತಗ್ ಡ್, ಕುಪ್ಪಿಲಿ ಮೊಸಿ ತುಂದ್ ಮನಿ ಏನಾರ್ ಸಿಕ್ಕಿದ್ ನೆನ್ಪುಟ್ಟಾ?.... ನೆರೆಕರೆಯವರೊಟ್ಟಿಗೆ ನಿಷ್ಠುರ, ಕುಟುಂಬಲಿ ಒಳಜಗಳಗ ಏನಾರ್...." "ನೆರೆಕರೆಯವರ ಜಗಳ ನಾಯಿ, ಕೋಳಿಗಳಿಗೆ ಯಾಗೋಳು ಇದ್ದದೇ. ಕುಟುಂಬ ಜಗಳ, ಕೋಮಣ ಜಿಡ್ಡ್ ಹೋಗುವಂಥದ್ದಲ್ಲ!! ಆದರೂ ಯಾರೂ ಮಾಡಿರಿಕಿಲೇಂತ ಹೇಳಿಕೆ ಆಕಿಲೆ. ಅಂಥಾ ಕೊರ್ಸಂಡಿ, ಕಣ್ಣೋಜಿ, ನಂಜಿ ಕಾರಿಕಂಡಿರವೇ ನಮ್ಮಲ್ಲಿ ಒಳದ್. ಇದ್ ಯಾರ್ ಮಾಡಿರುವೊತ ಒಮ್ಮೆ ಪ್ರಶ್ನೆಲಿ ನೋಡಿ? ಹಂಗೇ ಇದ್ಕೆ ನಿಮೂರ್ತಿ ಎಂಥ ಜೋಯಿಸರೇ?" "ನೋಡಿ ಚಿನ್ನಣ್ಣಾ.. ಯಾರ್ ಮಾಡ್ದೋತ ಬೇಡ. ಮತ್ತೆ ಅದ್ ಇನ್ನಷ್ಟ್ ಜಗಳಕ್ಕೆ ದಾರಿ. ಅಷ್ಟಕ್ಕೂ ಇದ್ ನಿಮೂರ್ತಿ ಮಾಡಿಕೆ ಆಗದ ಸಮಸ್ಯೆ ಏನೂ ಅಲ್ಲಲ್ಲ??!! ಒಂದ್ ಸಣ್ಣ ಕಿರಿಯ ಮಾಡಿ, ಕಳ್ದ್ ತೆಗೆಯೊನೊ. ಅಷ್ಟೇ!! ನಾಳೆ ಬುಟ್ಟ್ ನಾಳ್ದ್ ನಂಗೆ ಚೂರು ಪುರ್ಸೊತ್ತು ಉಟ್ಟು... ಅದೇ ದಿನ ಆದು.. ಹೊರಗೆ ಹೈದ ನೀವ್ಗೆ ಸಾಮಾನ್ ಚೀಟಿ ಕೊಟ್ಟದೆ. ಆಕಿಲೆನಾ? " ಜೋಯಿಸಂಗೆ ಕಾಣಿಕೆ ಇಸಿ, ಹೈದ ಕೊಟ್ಟ ಚೀಟಿನನೂ ತಕಂಡ್ ಚಿನ್ನಣ್ಣ ಮನೆಗೆ ಎತ್ತ್ ಕಾಕನ ನಡುರಾತ್ರೆ. ನೋಡ್ರೆ ಸದ್ದ್ ಮಾತ್ರ ಚೂರು ಕಮ್ಮಿ... ಆಗೊಮ್ಮ್.. ಈಗೊಮ್ಮೆ ಅಷ್ಟೆ!!


                         ಅಂತೂ ಜೋಯಿಸ ಹೇಳ್ದ ಸಾಮಾನ್ ಗಳೆಲ್ಲಾ ತಂದ್ ಮನೆಲಿಸಿ ಕಳ್ದ್ ತೆಗೆಯಕೆ ಎಲ್ಲವೂ ಕಾದ್ ಕುದ್ದೊ. ಯಾರಿಗೂ ಗೊತ್ತಾಕೆ ಬೊತ್ತುತ ಯಾರಿಗೂ ಹೇಳ್ತ್ಲೆ. ಆದರೂ ಎಂಕಮ್ಮಕ್ಕ ಮಾತ್ರ ಅವರ ತವ್ರ್ ಮನೆಗೆ ಹೇಳಿ ಅಪ್ಪನ ಬಾಕೆ ಮಾಡಿಕಂಡೊ. 'ಹಿಂಬತ್ ನಾಕ್ ಘಂಟೆಗೇ ಬನ್ನೆ'ತೇಳ್ದ ಜೋಯಿಸರ್ ಬಂದ್ ಎತ್ತ್ ಕಾಕನ ಘಂಟೆ ಎಂಟ್!! ಬಂದ ಹಾಂಗೇ ಮಂಡಲ ಹಾಕಿ, ಕಾಯಿ ಗಡಿಲಿ ನೆಣೆ ಬತ್ತಿ ಇಸಿ ಕೆಲ್ಸ ಎಲ್ಲಾ ರಪರಪ ಮಾಡಿ ಮುಗ್ಸಿದೊ. ಕಡೆಗೆ ಒಂದ್ ಹೂಂಜನನೂ ತಲೆಕೊಯಿದ್, ಒಟ್ಟಿಗೆ ಬಂದ ಹೈದನೊಟ್ಟಿಗೆ ಬ್ಯಾಗ್ ಗೆ ತುರ್ಕಿ ಇಸಿಕಂಡೊ!! ಎಲ್ಲರ ಎದ್ರ್ ಸಿ ನಿಲ್ಲ್ ಸಿ "ಮನೆದೇವ್ರ, ಗ್ರಾಮದೇವ್ರ, ಸೀಮೆ ದೇವ್ರ ನೆನ್ಸಿಕಂಡ್... ಮೀದ ನೀರ್ ಲ್ಯಾಗಲಿ, ಉಟ್ಟ ಬಟ್ಟೆಲ್ಯಾಗಲಿ, ಹೊಯ್ದ ಎಣ್ಣೆಲ್ಯಾಗಲಿ, ಹೊತ್ತ್ ಸಿದ ಬತ್ತಿಲ್ಯಾಗಲಿ, ಹಾಕಿದ ಮಂಡಲಲ್ಯಾಗಲಿ, ಕೊಯ್ದ ಕೋಳಿಲ್ಯಾಗಲಿ ಏನಾರೊಂದು ಕುಂದುಕೊರತೆ ಬಂದಿರ್ದು. ಅದರೆಲ್ಲಾ ಮಾಪ್ ಮಾಡಿ, ಆಗಿರುವ ದೋಷಕಾರ್ಯಕ್ಕೆ ಸಂಪೂರ್ಣ ನಿಮೂರ್ತಿ ಮಾಡಿ ಕೊಡೊಕುತ ನಮ್ಮೆಲ್ಲರ ಪ್ರಾರ್ಥನೆ" ಹೇಳಿ ಕರೆಲಿ ಹಾಳೆ ಕಿಳ್ಳಿಲಿದ್ದ ಕುರ್ದಿ ನೀರ್ ನ ಎಲ್ಲವ್ಕೂ ಸಿಡ್ಕಿದೊ ಜೋಯಿಸರ್. "ಲೈಟ್ ಹಿಡ್ಕಂಡ್ ಬನ್ನಿ ಚಿನ್ನಣ್ಣಾ... ಕುರ್ದಿ ನೀರ್ ನ ಮನೆ ಸುತ್ತ ಚೋಂಪೊಕು... ಪೋಯಿ"ತ ಮನೆವರ ಕರ್ಕಂಡ್ ಹೊರ್ಟೊ. ಹೋಕನ ಕೊಟ್ಟೆ ಚಾಳೆನ ಕಡೆ, ಮನೆನ ಮಾಡ್ ನ ಸೂರಡಿ ದಂಬೆ ಕರೆಲಿ ಬಿಳೀ "ತೊಟ್ಟೆ"ಲಿ ಕಟ್ಟಿಕಂಡ್ ಏನೋ ನೇಲ್ದೆ. ಅದರ ನೋಡಿ "ನೋಡ್ದರಿಯಾ ಚಿನ್ನಣ್ಣಾ... ಮಾಡಿ ಮೊಡ್ಗಿದ್ ಇಲ್ಲ್ಯುಟ್ಟು!! ಇಷ್ಟ್ ದಿನ ನೀವ್ಗೆ ಕಂಡತೇಲೆ!! ಈಗ ಹೊರಗೆ ಬಾತ್ ನೋಡಿ. ಇದರ ಹಂಗೇ ಬರೇ ಕೈಲಿ ಹೆರ್ಕಿ ಬಿಸಾಡ್ದಲ್ಲ. ಕಟ್ಟಿ ಕೊಟ್ನೆ. ತಕಂಡೋಗಿ ಹರಿವ ನೀರ್ ಲಿ ಬುಡಿ. ಚೋಡಿಲಿ ಆದರೂ ಆದು!!" ಹೇಳ್ದ ಜೋಯಿಸ ಅವಂನ ಬಿಲ್ಲ್ ಚುಕ್ತಾ ಮಾಡಿಕಂಡ್, ಕೊಯ್ದ ಕೋಳಿನನೂ ತಕಂಡ್ ಹೋತ್. ಆದಿನ ಕತ್ತಲೆಗೆ ಎಂಥ ಸೌಂಡೂ ಇಲ್ಲೆ. ಎಲ್ಲವು ನೆಮ್ಮದಿಂದ ನಿದ್ದೆ ಮಾಡ್ದೊ. ಮಾರ್ನೆ ದಿನ ಬೊಳ್ಪುಗೆ ನೋಡ್ರೆ, ಕೆಲ್ಸಕ್ಕೆ ಬಂದ ಮಾಂಕು ಬಿಳಿ "ತೊಟ್ಟೆ" ಸಿಕ್ಕಿದ ಜಾಗೆಲಿ ಎಂಥದೋ ಪುರ್ಡಿದೆ. ಅದರ ನೋಡ್ದ ಎಂಕಮ್ಮಕ್ಕ "ಓ ಮಾಂಕು... ನೀ ಎಂಥ ಅಲ್ಲಿ ಹುಡ್ಕುದು? ಅಲ್ಲಿ ನಿನ್ನೆ ಛಿದ್ರದೋಷದ ಸಾಮಾನ್ ಸಿಕ್ಕಿತ್. ನೀನೇ ಏನಾರ್ ತಂದಿಸಿದಾ ಹೆಂಗೆ? ಸೊಯೆಇಲ್ಲದಂವ... ನಿನ್ನ ಹುಲಿ ಹಿಡ್ಯಕೆ... " " ಅಯ್ಯೋ ಎಂಕಮ್ಮಕ್ಕ... ನಂಗೇನ್ ಮೊರ್ಲಾ.. ಗಂಜಿ ಉಂಬ ಮನೆಗೆ ಮಾಡಿ ಮೊಡ್ಗಿಕೆ.. ಮೊನ್ನೆ ಗೊಬ್ಬರ ಎಳ್ಯಕೆ ಬಂದಿರ್ಕಾಕನ, ನೀವ್ ಕಿಚ್ಚಿ ಹಾಕಂಬಕೆ ನಾಕ್ ತುಂಡ್ ಚರ್ರ್ಂಡಿ ಮೀನ್ ಕೊಟ್ಟಿದ್ದರಿ ನೋಡಿ. ಇನ್ನೊಮ್ಮೆಗೆ ಆದೂಂತ ಬಿಳಿ "ತೊಟ್ಟೆ"ಲಿ ಕಟ್ಟಿ ಇಸಿದ್ದೆ. ಕೆಳಗಿಸಿರೆ ಈ ಎಲಿ, ಕೊತ್ತಿ ಹೊರ್ದೂತ ಇಲ್ಲಿ ಸೂರಡಿಲಿ, ದೊಂಬೆ ಸೆರೆಲಿ ಹುಗ್ಗ್ ಸಿ ಇಸಿದ್ದೆ. ಕತ್ತಲೆಗೆ ಎಲಿಗಳೋ, ಹೆಗ್ಗಣನೋ ಬಂದ್, ಎಳ್ದ್ - ಜಾರ್ಸಿ ಹೊರಗೆ ತೆಗ್ದಿರೊಕು... ಅದರ ಪಡೆ ಮುತ್ತಿಕೆ!!" ಹೇಳಿ ನೆಗಾಡಿಕಂಡ್ ಅಡ್ಕೆ ಚೊಲ್ಲಿಕೆ ಹೋತ್.....

Comments

Img 20181114 wa0059
Malini Muthappa So nice
about 2 years ago
Img 20191010 wa0034
Dinesh
about 2 years ago

Other articles

Man searching dates

ಮದುವೆ ಮನೇಲಿ ಗೂಡೆ ಹುಡ್ಕಾಟ...

27 May 2019

ಸತತ  ರಜೆ ಇದ್ದ ಕಾರಣ  ಬೆಂಗಳೂರು  ಬೋರ್ ಆಗಿ ಊರುಗೆ ಹೊರಟೇ  ಶಿರಾಡಿ ಘಾಟ್ ಕಳ್ದಂಗ ಮನ್ಸಲಿ ಏನೋ  ಖುಷಿ. ಮನೆಗೆ ಎತ್ತಿದಂಗೆ  4  ದಿನದ ರಜೇನ timetabl  ಅಮ್ಮ ಪ್ರಿಪೇರ್  ಮಾಡಿ ಆಗಿತ್. ಮನೇಲಿ  ಇಷ್ಟದ    ಕಲ್ಲು ಕಾವಲಿ  ಊರು  ಕೋಳಿ  ಗೈಪು  ಮಾಡಿದ್ದ  ತಿಂದ್  ಮಂಗಳೂರು  ಸುತ್ತಿ ಬಂದೆ. ಹಂಗೆ ಹಿಂಗೆ  ಒಂದು  ದಿನ  ಮುಕ್ತ್. ಮಾರ್ನೆ  ದಿನ ಒಂದು  ಮದುವೆಗೆ  ಹೊರಡಿಸಿದ. ಏನ್ ಕಲ್ತಾರು  ಈ CAR DRIVING ಕಲ್ಯಾಕೆ ಬೊತ್ತು .. ಇಷ್ಟ  ಇಲ್ಲರೂ  ಡ್ರೈವಿಂಗ್  ಬರುವ ಕಾರಣ ಹೋಕಾತ್

       ಮದುವೆ ಮನೆ  ಭಾರಿ  ಗೌಜಿಲಿ ಇತ್ತ್. ಒಂತರ colourful ಹೇಳಕ್.  ಒಂದು  ಗ್ಲಾಸ್  sharabath ಕುಡ್ದ್  ಒಳಗೆ ಹೋಕನ ಎದುರು  ಇದ್ದ ಸಣ್ಣ ಕೂಸು  ಸಿಕ್ಕಿದೆ  ಚಾನ್ಸ್  ಅಂಥ  ಪನ್ನೀರ್ನ  ಭಾರಿ ಜೋಶ್  ಲಿ ಹಾಕ್ತಾ  ಇತ್ತ್. ಮದುವೆ  ಮನೆವು ಎದುರಿಗೆ  ಬಂದು   ಮಾತಾಡ್ಸಿದ. ಅಮ್ಮ  ನನ್ನ  ಎಳಕಂಡ್ ಯಾರೂ  ಹಳೇ  ನೆಂಟರ  ಹಕ್ಕಲೇ  ಹೋಗಿ  ಕುದ್ರಿಸಿದ.  ಸುರು  ಮಾಡ್ದ  ನೋಡಿ ನೆಂಟ್ರ ಕಿರಿ ಕಿರಿ   ಎಲ್ಲಿ ಒಳದ್  ನೀ  ಎಂಥ ಮಾಡ್ದು.  ಬೆಂಗಳೂರು  ಹೇಳ್ದ  ಕೂಡ್ಲೇ  ಅವ್ರ  ಕಿವಿ  ನೆಟ್ಟಂಗೆ ಆತ್. ಅದೇನು  ಉಟ್ಟು  ಅಂಥ  ಬೆಂಗಳೂರ್  ಹೈದಂಗಳಿಗೆ  ಡಿಮ್ಯಾಂಡೋ. ಅಷ್ಟೊತ್ತಿಗೆ  ಬೇರೆ ನೆಂಟ್ರುಗ  ಬಂದ.   ಅವರ್ದು  ಬೇರೆ,   ಗೂಡೆ  ಆತ  ಒಂದು ಒಳ್ಳ ಗೂಡೆ  ಉಟ್ಟು . ಮದುವೆ  ಮನೇಲಿ  ಇದ್ದ ಗೂಡೆಗಳ  ಎಲ್ಲ ತೋರ್ಸಿಕೆ  ಸುರು  ಮಾಡಿದ.ನನ್ನ  ಅಮ್ಮ ಅಂತೂ  ಸೊಸೆ  ಹುಡುಕುದ್ರಲ್ಲಿ busy  ಆಗಿದ್ದ. ಅವ್ಳು  ಹಂಗೇ  ಇವ್ಳು Doctor ಆ ಗೂಡೆ  ಇನ್ಫೊಸಿಸ್,  ಈ  ಗೂಡೆ  HR. 

      ಇನ್ನ್  ಇಲ್ಲಿ ಇದ್ದರೆ  ಆಕಿಲೆ  ಹೇಳಿ  ಮೆಲ್ಲ  escape ಆಗಿ  ಒಂದು  ಮೂಲೇಗೆ  ಹೋಗಿ  candycrush  ಆಡಿಕೆ  ಸುರು ಮಾಡಿದೆ. ಸಡನ್  ಆಗಿ  ಎಲ್ಲವು ಎದ್ದ್  ಓಡಿಕೆ  ಸುರು ಮಾಡಿದ ನಾನ್  ಏನ್  ಅಂತ  ನೋಡಿರೆ ಮದು ಮಕ್ಕಳ  ಆರಕ್ಷತೆಗೆ  ಕುದ್ರಿಸಿದ.ನಾನ್  ಮೆಲ್ಲ ಊಟಕೆ  ರೆಡಿ  ಆತ  ಅಂಥ  ನೋಡಿ  ಊಟಕೆ  ಹೊರಟೆ. ಹಾಳೆ ಬಟ್ಟಲ್  ತಕಂಡ್  ಕ್ಯೂ ಲಿ ನಿಂತೆ. ಉಪ್ಪಿನಕಾಯಿ  ಹಾಕುವ ಹೈದ ಗೈಪು ಹಾಕಿದಂಗೆ  ಉಪ್ಪಿನಕಾಯಿ  ಹಾಕಿತ್. ಊಟ  ಮಾಡಿ ಪಾಯಸ  ಹಾಕ್ಸಿಕೆ ಹೋದೆ. ಪಾಯಸ  ಹಾಕುವ ಗೂಡೆ ಲಾಯಿಕ್  ಇತ್ತ್.ಅದೇಕಿನ  ಖುಷಿ  ಆದ್  ಅವ್ಳು ಹಾಕಿದ  ಪಾಯಸಲಿ 4 ಬೀಜದ ಬೆಂಡ್  ಹೆಚ್ಚ್ ಬಿದ್ದದ್.ನಂಗೆ  ಹುಡುಕಿ  ಹಾಕಿದ  ಅಂಥ ಗೊತ್ಲೆ. 


       ಊಟ  ಮುಕ್ಸಿ  ಅಮ್ಮ  ಏನು ಮಾಡುವೆ ಅಂಥ ಮೆಲ್ಲ ಹುಡುಕಿದೆ. ನೋಡಿರೆ ಅವ್ರ ಮಾತುಕತೆ ಇನ್ನು ಮುಕ್ತಲೆ. ನಾನ್   ಮೆಲ್ಲ ಹೋಗಿ ಹೇಳ್ದೆ ನನ್ ಫ್ರಂಡ್  ಇಲ್ಲೇ ಒಳದ್. ಹೋಗಿ  ಮೀಟ್ಆನೆ.  ಬೇಗ ವಿಶ್ ಮಾಡಿ  ಊಟ ಮಾಡಿ  ಬನ್ನಿ  ಅಂತ ಹೇಳಿ  ಸೀದಾ  ಕಾರ್ ge ಬಂದ್  ಕಾರ್ ಲಿ AC ಹಾಕಿ  ಮೆಲ್ಲ ನಿದ್ದೆಗೆ ಜಾರ್ದೆ. ಹನ್ಯ  ಹೊತ್ತಾಕನ  ಅಮ್ಮ  ಬಂದ.  ಬಂದಾಂಗೆ  ಸುರು  ನಿಂಗೆ ಗೂಡೆ ನೋಡಿಯೋಲೆ,  ಲಾಯ್ಕ್  ಉಟ್ಟು  ಅವಳೇ  Fix ಅಂಥ.
ಮುಂದೆ  ಏನಾಥ್  ಅಂತ  ಇನ್ನೊಮ್ಮೆ  ಹೇಳ್ನ್.

                                                             #ಕುಡ್ಲದಹೈದ 

Read More
Header sound

ಅರೆಭಾಷೆ ಐಸಿರಿ - ಸಂಚಿಕೆ ೫

03 Oct 2019

ಹಾಡ್:ಪಾರೆಮಜಲು ಮೋಕ್ಷಾ ರಾಜೇಶ್, ಪಾರೆಮಜಲು ಲನಿಶಾ ರಾಜೇಶ್, ಕೋಡಿ ಅರ್ಚನ ದೇವಯ್ಯ. ಸೋಬಾನೆ ಪದ ಕಥೆ : ಅಂಜೇರಿರ ವಿಶು ರಾಘವಯ್ಯ.

Play Audio
Man beard

ಗಡ್ಡದ ವಿಷ್ಯ

15 Sep 2017

 ಹೌದು ಇದು ಗಡ್ಡದ ವಿಷ್ಯ, ಹರೆಯಕ್ಕೆ ಬಂದಾಗ ಸಹಜವಾಗಿ ಫಲವತ್ತಾದ ಮೊಗದಲ್ಲಿ ಹುಲುಸಾಗಿ ಬೆಳೆಯುವ ಹುಲ್ಲುಗಳೆಂಬ ಈ ಕೂದಲಿಗೆ ಅದೇನೋ ಪ್ರಚಾರ ಪ್ರಿಯತೆ ಗೊತ್ತಿಲ್ಲ, ಪ್ರತಿ ದಿನ ಗಡ್ಡ ತೆಗೆದರೆ ರಸಿಕನಾದರೆ, ತೆಗೆಯದೆ ಇದ್ದರೆ ಸನ್ಯಾಸಿ. ಹಲವರು ಇದರ ಬಗೆಗೆ ನಯವಾಗಿ ಪ್ರತಿಭಟಿಸುವವರೇ...

ಇಲ್ಲಿ ನನ್ನ ದೇಹಕ್ಕೆ ಕಂತುವುದಲ್ಲ ಹಲವರ ಕಣ್ಣು ಗಳಿಗೆ ಚುಚ್ಚುವುದು, ಸಾಮಾಜಿಕ ನೆಲೆಯಲ್ಲಿ ಪ್ರಮುಖವಾದ ಈ ಗಡ್ಡ, ಸಭ್ಯ, ಸಂಸ್ಕಾರವೆನ್ನುವ ಸಮಾಜದಲ್ಲಿ ಕುಹಕವಾಗಿಯೇ ಆಡಿಕೊಳ್ಳುತ್ತಾರೆ. ತನ್ನಷ್ಟಕ್ಕೆ ಬೆಳೆದ ಈ ಗಡ್ಡದ ಬಗೆಗೆ ನಾನು ಆಲೋಚಿಸಿದ್ದೇ ಕಡಿಮೆ. ಯಾವುದಾದರೂ ಸಮಾರಂಭಕ್ಕೋ, ಗಮ್ಮತಿಗೆ, ಯಾರದೋ ಸಮ್ಮಾನಕ್ಕೋ ಹೋದಾಗ ಪರಿಚಯವಿಲ್ಲದ ಮುಖಗಳು ಕೇಳುವುದು ಯಾರಾತ ಆ ಗಡ್ಡದ ಹುಡುಗ? ಎಂದು ಅದೆಷ್ಟೋ ಸಲ ಮಾತಾನಾಡಿಸಿದ್ದು ಇದೆ, ಮನೆ ಎಲ್ಲಿ ಯಾರ ಮಗ, ಏನು ಓದುವುದು, ಏನು ಉದ್ಯೋಗ ಎಂದು ಜನಗಣತಿಯ ಟೀಚರ್ ಕೇಳುವಂತೆ ಸಾಲು ಸಾಲು ಪ್ರಶ್ನೆಗಳ ಮೆರವಣಿಗೆಯು ಅನುಭವವಾದದಿದೆ , ಸಹಜವಾಗಿ ಬೆಳೆದ ಗಡ್ಡದ ಬಗೆಗೆ, ಗಡ್ಡದಲ್ಲೇ ಪ್ರಶ್ನಿಸಬೇಕೇ ? ಹೊರತು ನನ್ನನೇಕೆ ಅಪರಾಧಿ ಮಾಡುತ್ತಾರೆ ಎಂದು ಆಗಾಗ ಮನಸಲ್ಲೇ ಪ್ರಶ್ನಿಸಿದ್ದು ಇದೆ. ಮತ್ತೊಂದು ವ್ಯತಿರಿಕ್ತ ಅಂದರೆ ನಮ್ಮ ಮನೆಯಲ್ಲಿ ಗಡ್ಡ ಬಿಡುವುದಕ್ಕೆ, ತೆಗೆಯುವುದ್ದಕ್ಕೆ ಚಕ್ಕಾರವಿಲ್ಲದಿದ್ದರೂ, ಊರಿನವರಿಗೆ, ಅತ್ತಿಗೆಯಂದಿರಿಗೆ, ಸಂಬಂಧಿಗಳಿಗೆ, ಸೋದರ ಅತ್ತೆಯಂದಿರಿಗೆ, ಶಾಲಾ ಟೀಚರ್ಗೆ, ನಮ್ಮ ಕಾಲೇಜು ಪ್ರಾಂಶುಪಾಲರಿಗೆ, ಕಡೆಗೆ ದಾರಿ ಹೋಕರಿಗೂ ಗಡ್ಡ ಚರ್ಚೆಯ ವಿಸ್ಯವೇ, ನಿನಗೆ ಗಡ್ಡ ಚಂದ ಕಾಣೋದಿಲ್ಲ, ನಿನ್ನದು ಕೋಲು ಮುಖ ಹಾಗಾಗಿ ಗಡ್ಡ ಇಲ್ಲದಿದ್ರೆ ಚಂದ, ಆ ಬ್ಯಾರಿ ಅಬೂಬಕರೇ ಮಗನ ಹಾಗೆ ಕಾಣ್ತಿಯಾ, ವಿಶೇಷ ಕಾರ್ಯಕ್ರಮಕ್ಕೆ ಹೋದರೆ ಮುಕ್ರಿ ಬಂದ ನೋಡಿ ಕೋಳಿ ಕೊಡಿ ಎಂದು ಕೂಹಕವಾಡಿದ್ದು ಇದೆ, ಮಗಳಿರುವ ದೂರದಿಂದ ಮಾವ ಆಗುವವರೊಬ್ಬರು ಗಡ್ಡ ಇಡುವುದು ನಮ್ಮ ಸಂಸ್ಕಾರ ಅಲ್ಲ ಆಲ್ವಾ? ಎಂದು ತನ್ನ ಮಗಳಿಗೆ ಈತ ವರನಲ್ಲ ಎಂದು ಅಡ್ಡಗೋಡೆಯ ಮೇಲೆ ದೀಪ ಇಟ್ಟಂತೆ ಮುನ್ಸೂಚನೆ ನೀಡಿದ್ದು ಇದೆ.

ನನ್ನೂರ ಬ್ಯಾರಿಗಳ ಮೊಬೈಲ್ ಅಂಗಡಿಯಲ್ಲಿ , ಚಪ್ಪಲಿ ಅಂಗಡಿಗಳಲ್ಲಿ ಬ್ಯಾರಿ ಭಾಷೆಯಲ್ಲೇ ಮಾತಾನಾಡಿಸಿ, ನನ್ನನ್ನೂ ತಾತ್ಕಾಲಿಕ ಬ್ಯಾರಿ ಮಾಡಿಸಿ, ವ್ಯಾಪಾರ ಕುದುರಿಸಿದ್ದು ಇದೆ. ಮತ್ತೆ ಬ್ಯಾರ್ತಿ ಹುಡುಗಿ ನಕ್ಕದು ಇದೆ. ಈ ಗಡ್ಡದಲ್ಲೂ ಹಲವು ವಿಧವಿದೆ ಕೈಯಾಡಿಸಿದರೆ ಕಂತಿದರೆ ಅದು ಪೊಕ್ರಿ ಗಡ್ಡ, ಅದೆಲ್ಲೋ ಮೂಲೆಯಲ್ಲಿ ಒಂದು ನಾಕು ಕೂದಲು ಬೆಳೆದರೆ ಹೋತ ಗಡ್ಡ, ಸಾಧಾರಣ ಉದ್ದವಿದ್ದರೆ ಹೆಂಡತಿ ಗರ್ಭಿಣಿಯೋ ಎಂಬ ಗಡ್ಡ, ಮತ್ತಷ್ಟು ಮುಖ ತುಂಬಾ ದಪ್ಪವಾಗಿದ್ದರೆ ಏನು ಹುಡುಗನಿಗೆ ಹುಷಾರಿಲ್ವಾ? ಎಂಬಾ ಗಡ್ಡ. ಒಟ್ಟಾರೆ ಅಪರಾಧಿ, ಗಡ್ಡವಂತೂ ಸತ್ಯ. ಹಲವು ಬಾರಿ ಅತ್ತಿಗೆಯಂದಿರ ಬಾಯಿ ಮುಚ್ಚಿಸಿದ್ದು ಇದೆ. ತಮಗೆ ಗಡ್ಡ ಬರುವುದಿಲ್ಲವೆಂದು ನಂಜಿ ಕಾರುವುದು ಅಲ್ವೇ? ಎಂದು ಕೇಳಿ ಮತ್ತೆಂದೂ ನನ್ನ ಗಡ್ಡದ ಬಗೆಗೆ ಪ್ರಶ್ನಿಸದ ಹಾಗೆ ಮಾಡಿದಿದೆ. ಅವರಿಗೆ ವಿಷಯ ಗೊತ್ತಿಲ್ಲ, ದಿನಚರಿಯ ಹಲವು ನಿಮಿಷಗಳು ಉಳಿಯುತ್ತವೆಯೆಂದು, ಮೊಗದ ಸೌಂದರ್ಯ ಕಾಪಾಡುತ್ತದೆಯೆಂದು, ಮುಖವೂ ತೇವವಾಗಿಡುತ್ತದೆಯೆಂದು, ಜೊತೆಗೆ ಮೊಡವೆಗಳು ಕಾಣಿಸುವುದಿಲ್ಲವೆಂಬ ಸತ್ಯಗಳು.

ಗಡ್ಡ ತೆಗೆದ ಗದ್ದ ಅದೇನು ಸುಂದರ ಗೊತ್ತಿಲ್ಲ ಕಲಾಯಿ ಹಾಕದ ಕಿಜಿಯ ಪಾತ್ರೆಯಂತೆ ಚುರುಪು ಚುರುಪು ಗಡ್ಡದ ಮಾಸಿದ ಚುಕ್ಕಿಗಳ ಸಶೇಷವಲ್ಲದ ಬಿಂಬ ಮಾತ್ರ ಸತ್ಯ. ತಮಗೂ ಗೊತ್ತಿರಬಹುದು ಕರಿಯ ಜನಾಂಗದ ಪ್ರಥಮ ಮತ್ತು ಅಮೆರಿಕದ 16ನೇ ಅಧ್ಯಕ್ಷರಾಗಿದ್ದ ಅಬ್ರಹಾಂ ಲಿಂಕನ್‌ ಗಡ್ಡ ಇಡುತ್ತಿದ್ದರು. ಅವರದೇಲ್ಲ ಭಾವಚಿತ್ರಗಳಲ್ಲಿ ನೋಡಬಹುದು. ನೀವೇನಾದ್ರು ಪ್ರೀತಿ - ಪ್ರೇಮ ವೈಫ‌ಲ್ಯ ಇದ್ದಿರಬೇಕು ಎಂದುಕೊಂಡರೆ ಅದು ಸುಳ್ಳು ಅಚ್ಚರಿ ಎಂದರೆ ಅವರು ಗಡ್ಡ ಬಿಡಲು ಪ್ರೇರಣೆ ನೀಡಿದ್ದು 11ರ ಹರೆಯದ ಪೋರಿಯೊಬ್ಬಳ ಪತ್ರವಂತೆ. 1860ರ ಅಕ್ಟೋಬರ್‌, ಆಗಷ್ಟೆ ಅಮೇರಿಕಾದಲ್ಲಿ ಅಧ್ಯಕ್ಷೀಯ ಚುನಾವಣೆನಡೆಯುವುದರಲ್ಲಿತ್ತು. ರಿಪಬ್ಲಿಕನ್‌ ಪಕ್ಷದಿಂದ ಲಿಂಕನ್‌ ಅಧ್ಯಕ್ಷೀಯ ಅಭ್ಯರ್ಥಿಯಾಗಿ ಘೋಷಣೆಯಾಗಿತ್ತು. ಅದೇ ಸಮಯಕ್ಕೆ ನ್ಯೂಯಾರ್ಕ್‌ನ ವೆಸ್ಟ್ ಫೀಲ್ಡ್‌ನಿಂದ ಗ್ರೇಸ್‌ ಬೆಡೆಲ್ಸ್‌ ಎಂಬ 11 ವರ್ಷದ ಪುಟಾಣಿ ಬರೆದ ಪತ್ರ ಭವಿಷ್ಯದ ಅಧ್ಯಕ್ಷನಾಗಲು ಕನಸು ಹೆಣೆಯುತಿದ್ದ ಅಬ್ರಹಾಂ ಲಿಂಕನ್‌ರ ಕೈ ಸೇರಿತ್ತು. ಅದರಲ್ಲಿ ನಾನು 11 ವರ್ಷದ ಬಾಲಕಿಯಾಗಿದ್ದು, ನೀವೇ ದೇಶದ ಅಧ್ಯಕ್ಷರಾಗಬೇಕೆಂದು ನಾನು ಬಯಸಿದ್ದೇನೆ. ನಾನೇನಾದರು ಹುಡುಗನಾಗಿದ್ದರೆ ನಿಮಗೆ ಓಟ್‌ ಮಾಡಬಹುದಿತ್ತೇನೋ ಆದಗ್ಯೂ ನನಗೆ ನಾಲ್ಕು ಮಂದಿ ಅಣ್ಣಂದಿರಿದ್ದು, ಅವರೆಲ್ಲರೂ ನಿಮಗೆ ಓಟ್‌ ಮಾಡುವಂತೆ ಕೇಳುತ್ತೇನೆ. ಆದರೆ ಇದಕ್ಕೊಂದು ಷರತ್ತು. ನಿಮ್ಮ ಮುಖ ತುಂಬಾನೆ ಸಣಕಾಲಾಗಿದ್ದು ನೀವು ಗಡ್ಡ ಮೀಸೆ ಬಿಡುವುದು ಉತ್ತಮ.

ಗಡ್ಡ ಬಿಡುವ ಗಂಡಸರನ್ನು ಕಂಡರೆ ಮಹಿಳೆಯರು ಆಕರ್ಷಿತರಾಗುತ್ತಾರಂತೆ. ಆಗ ಅವರ ಗಂಡಂದಿರಿಗೆ ನಿಮಗೆ ಓಟು ಹಾಕುವಂತೆ ಒತ್ತಾಯಿಸುತ್ತಾರೆ ಹಾಗೂ ತಾವು ನಮ್ಮ ಅಧ್ಯಕ್ಷರಾಗುತ್ತೀರಿ ಎಂದು ಬರೆದಿತ್ತು. ಈ ಪುಟಾಣಿಯ ಬಯಕೆಯಂತೇ ಗಡ್ಡ ಬಿಡುತ್ತೇನೆ ಎಂದು ಲಿಂಕನ್‌ ಹೇಳಿಕೊಂಡಿದ್ದರಂತೆ, ಹಾಗೂ ಜೀವನ ಪೂರ್ತಿ ಗಡ್ಡಧಾರಿಯೇ ಆಗಿದ್ದರು. ಹೌದು ವ್ಯಕ್ತಿಯೊಬ್ಬನ ಗಡ್ಡ ಅವನ ತುಂಟ ಮುಗುಳ್ನಗೆಯನ್ನು, ಮುತ್ತುಕೊಡುವ ತುಟಿಗಳನ್ನು ಅಡಗಿಸಲು ಬಹುದು, ಆದರೆ ಆತನ ವ್ಯಕ್ತಿತ್ವ, ನಿಲುವು, ಜಾಣ್ಮೆಯನಲ್ಲ, ಅವನು ಅವನೇ.. ಬದಲಾದ್ದು ನಮ್ಮ ನೋಟ ಅಷ್ಟೇ.... ಬಿಳಿ ತೊಗಲು ಚಂದ, ತಲೆಕೂದಲು ಇಲ್ಲದವನು ಅಂದವಿಲ್ಲ, ಗಡ್ಡಬಿಟ್ಟವರೆಲ್ಲ ಸುಖವಲ್ಲ ಎಂಬ ನಮ್ಮ ಚಿಂತನೆ ಬದಲಾಯಿಸಬೇಕಾಗಿದೆ. ಅಲ್ವೇ?

Read More
Img 20171008 100724 048

ನಾ ನಿಂಗಾಗಿ........

08 Oct 2017

ನನ್ನಾಸೆನ ಗುಲಾಬಿ ಹೂ ನೀತೇಳೀ 

ನನ್ನದೆನ ನಿಂಗಾಗಿ ಮೀಸಲಿಟ್ಟೆ......

 

ನೀ ನನ್ನ ಮನ್ಸ್ ನ  ಕನ್ಸ್ ನ  

ಉಯ್ಯಾಲೆನ , ಸಂತೆಲಿ ಅಡವಿಟ್ಟೆ.....

 

ಅಂದರೂ ನೀ ಬರ್ವ ದಾರಿಲಿ 

ಪೋರ್ಲುಲಿ ಅರಳ್ದ  ಹೂವಾಗೀ ನೆಲಕುರುಳಿ ಬುಟ್ಟೆ...

 

ಗೊತ್ತಿದ್ದೋ ಗೋತ್ತಿಲ್ಲದೆನೋ ನಾ ನಿನ್ನ ಪ್ರೀತೀಲಿ 

ಕನ್ಸ್ ನ ಮಂಟಪನ ಕಟ್ಟಿಬುಟ್ಟೆ.......

 

ಎಷ್ಟೋಂದು ಆಸೆ ಇಟ್ಟ್ , ಮನ್ಸ್ ನ 

ಸದ್ದಿಲ್ಲದೆನೆ ಬೀಸ್ವ ಗಾಳಿಲಿ ತೇಲಿಬುಟ್ಟೆ....

 

ತೇಲಿಬುಟ್ಟರೂ , ಸರೀತೇಳಿ  ನಾ ನಿಂಗಾಗಿ

ಈ  ಜೀವನಲಿ ನಿನ್ನ ನೆನ್ಪುಲಿ ಕಳಿಯಕೆ ಕುದ್ದುಬುಟ್ಟೆ.....

Read More
%28jun 30  2017 02 13 pm%29canon canon eos 750d%283984x2656%29

ಕೊಡಗು - ದಕ್ಷಿಣ ಕನ್ನಡ ಗೌಡ ಸಮಾಜ ಸಂಘ ಅರಬ್ ಸಂಯುಕ್ತ ಸಂಸ್ಥಾನ ವತಿಯಿಂದ ರಕ್ತದಾನ

03 Jul 2017

ದುಬೈ: ಯು.ಎ.ಇ ಯಲ್ಲಿ ನಡೆಯುತ್ತಿರುವ ರಕ್ತದಾನ ಅಭಿಯಾನದಲ್ಲಿ ಕೊಡಗು ದಕ್ಷಿಣ ಕನ್ನಡ ಗೌಡ ಸಮಾಜ ಸಂಘ ಅರಬ್ ಸಂಯುಕ್ತ ಸಂಸ್ಥಾನದ ವತಿಯಿಂದ ವರ್ಷಂಪ್ರತಿ ನಡೆಸಲ್ಪಡುವ ರಕ್ತದಾನ ಶಿಬಿರವು ದುಬೈ ಲತೀಫಾ ಆಸ್ಪತ್ರೆಯಲ್ಲಿ ದಿನಾಂಕ 30 ಜೂನ್ 2017 ಶುಕ್ರವಾರ ಬೆಳಿಗ್ಗೆ ಸಮಯ 10:00 ರಿಂದ ಮಧ್ಯಾಹ್ನ 3:00 ರ ವರಗೆ ನಿರಂತರವಾಗಿ ನೆರವೇರಿತು. ರಮದಾನ್ ಮಾಸದಲ್ಲಿ ಹೆಚ್ಚು ರಕ್ತದ ಅವಶ್ಯಕತೆ ಇರುವುದರಿಂದ ಹೆಚ್ಚು ರಕ್ತದಾನಿಗಳು ಈ ಸಮಾಜ ಸೇವಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಅಜ್ಮಾನ್, ಶಾರ್ಜಾ, ದುಬೈ ಹಾಗೂ ಅಬುಧಾಬಿಯ ಕೊಡಗು-ದಕ್ಷಿಣ ಕನ್ನಡ ಗೌಡ ಸಮುದಾಯದ ನೂರಕ್ಕೂ ಅಧಿಕ ಸಂಖ್ಯೆಯಲ್ಲಿ ಜನರು ಭಾಗವಹಿಸಿ ಎಪ್ಪತ್ತಕ್ಕೂ ಹೆಚ್ಚಿನ ಜನರು ರಕ್ತದಾನ ಮಾಡಿದರು. ಹತ್ತಕ್ಕೂ ಹೆಚ್ಚಿನ ಜನರು ಪ್ಲೇಟ್ಲೆಟ್ಸ್ (ಕೆಂಪು ರಕ್ತ ಕಣ ಮತ್ತು ರಕ್ತ ಹೆಪ್ಪುಗಟ್ಟುವಿಕೆಯ ಅಂಶ - ಕಿರುಬಿಲ್ಲೆಗಳು) ದಾನ ಮಾಡಿದರು. 
ಈ ಸಮಾಜ ಸೇವಾ ಕಾರ್ಯಕ್ರಮದಲ್ಲಿ ಕೊಡಗು ದಕ್ಷಿಣ ಕನ್ನಡ ಗೌಡ ಸಮಾಜ ಸಂಘ ಸಂಸ್ಥೆ ಅರಬ್ ಸಂಯುಕ್ತ ಸಂಸ್ಥಾನದ ಸ್ಥಾಪಕಾಧ್ಯಕ್ಷರಾದ ಅಶೋಕ ಉಲುವಾರನ, ನಿಕಟ ಪೂರ್ವ ಅಧ್ಯಕ್ಷರಾದ ಗಣೇಶ ಅಚ್ಚಂದಿರ, ಪ್ರಸಕ್ತ ಸಾಲಿನ ಅಧ್ಯಕ್ಷರಾದ ಹರೀಶ್ ಕೋಡಿ, ಉಪಾಧ್ಯಕ್ಷರಾದ ಸುನೀಲ್ ಮೊಟ್ಟೆಮನೆ, ಪ್ರಧಾನಕಾರ್ಯದರ್ಶಿ ಕರ್ಣೇಯನ ಸುನೀಲ್ ಕುಮಾರ್, ಖಜಾಂಚಿ ದಿಲೀಪ್ ಉಲುವಾರು ಉಪಸ್ಥಿತರಿದ್ದರು. ಗೌರವಾನ್ವಿತ ಅತಿಥಿಗಳಾಗಿ ಒಕ್ಕಲಿಗರ ಸಂಘದ ನವೀನ್ ಗೌಡ,ರೀವಾ ಲೇಸರ್ ಬ್ಯೂಟೀ ಮತ್ತು ಸ್ಪಾ ದುಬೈಯ ಡಾಕ್ಟರ್ ನಂದ ಕಿಶೋರ್, ಡಾಕ್ಟರ್ ರಶ್ಮೀ ನಂದ ಕಿಶೋರ್ ಹಾಗೂ ಅಬುಧಾಬಿಯ ಮೆಡಿಕ್ಲೀನಿಕ್ ಆಸ್ಪತ್ರೆಯ ಡಾಕ್ಟರ್ ತ್ರಿಲೋಕ್ ಚಂದ್ರಶೇಖರ್ ಅವರು ಆಗಮಿಸಿ ರಕ್ತದಾನ ಮಾಡಿ ತಮ್ಮ ವೈದ್ಯಕೀಯ ವ್ರತ್ತಿಯ ಔದಾರ್ಯತೆಯನ್ನು ಮೆರೆದರು.
ಕಾರ್ಯಕ್ರಮದ ಮಾಹಿತಿ ಕೇಂದ್ರದಲ್ಲಿ ಸಂಘ ಸಂಸ್ಥೆಯ ಉದಯೋನ್ಮುಖ ಪ್ರತಿಭೆಗಳಾದ ರಾಹುಲ್ ಬಿದ್ದಪ್ಪ ಕರ್ಣೇಯನ, ಆಶಿಷ್ ಕೋಡಿ ಮತ್ತು ಆಯುಷ್ ಕೋಡಿ ಸಹಕರಿಸಿದರೆ ಅವರಿಗೆ ಮೀನ ಹರೀಶ್ ಕೋಡಿ ಹಾಗೂ ಜಗದೀಶ್ ಕುಶಾಲಪ್ಪ ಸಬ್ಬಾಂಡ್ರ ಮಾರ್ಗದರ್ಶನ ಮಾಡಿದರು. ರಕ್ತದಾನ ಶಿಬಿರಕ್ಕೆ ಆಗಮಿಸಿದ ಪ್ರತಿಯೊಬ್ಬರಿಗೂ ಬೆಳಗಿನ ಉಪಾಹಾರ, ಚಹಾ, ಕಾಫಿ, ಹಣ್ಣು ಹಂಪಲು ಹಾಗೂ ಕಾರ್ಯಕ್ರಮದ ಕೊನೆಯವರೆಗೂ ತಂಪು ಪಾನೀಯದ ವ್ಯವಸ್ಥೆಗೆ ಕುಸುಮಾಧರ ಕೋಡಿ,ಅಶೋಕ್ ಉಲುವಾರನ, ಚಂದ್ರಕಾಂತ್ ಕುದ್ಪಾಜೆ, ಸುರೇಶ್ ಕುಂಪಲ, ಸುಬ್ರಹ್ಮಣ್ಯ ಕದಿಕಡ್ಕ ,ಯತೀಶ್ ಗೌಡ, ದಿಲೀಪ್ ಉಲುವಾರು, ಸಮರ್ಥ್ ಬಂಟ್ವಾಳ ಹಾಗೂ ವಿನೋದ್ ರಾಮಚಂದ್ರ ಅವರು ಪ್ರಾಯೋಜಕರಾಗಿದ್ದರು. ರಕ್ತದಾನ ಮಾಡಲು ಬಯಸುವ ಹಲವರಿಗೆ ರೋಷನ್ ಕಂಪ ಮತ್ತು ಪ್ರವೀಣ್ ಕಲ್ಲಗದ್ದೆ ಅವಕಾಶ ಕಲ್ಪಿಸಿ ಕೊಟ್ಟರು ಹಾಗೂ ಕಾರ್ಯಕ್ರಮದ ಜವಾಬ್ದಾರಿಯನ್ನು ಬಾಲು ಸಾಲಿಯಾನ್ ವಹಿಸಿದ್ದರು. ಕಾರ್ಯಕ್ರಮದ ಸಂಪೂರ್ಣ ಛಾಯಾಗ್ರಹಣವನ್ನು ರತೀಶ್ ಬಗ್ಗನ, ಸುರೇಶ್ ಕುಂಪಲ ಮತ್ತು ಚರಣ್ ರಾಮಕಜೆ ವಹಿಸಿದರು.

ವರದಿ: ಯಶ್ ಪುತ್ತೂರು, ಅಬುಧಾಬಿ.

More details: http://gulfkannadiga.com/?p=6627

Read More