Guthu house

ಚಿನ್ನಮ್ಮಕ್ಕನ ಚಿಣೆತಿಂಟೆಲಿ...

ಯಾಗ ನೋಡ್ರೂ ನೀರಡಿ ಕೊಟೆಗೆನ ಬೂದಿ ಗುಡ್ಡೆಲಿ ಬೆಚ್ಚಂಗೆ ಮಲ್ಗ್ಯ್ಂಡಿರುವ ಬೊಳ್ಳು ನಾಯಿ ಇಂದ್ ಜಾಲ್ ಕರೆಂದ ಅರೆಬಾಯಿಸುದರ ಕೇಳ್ದ ಚಿನ್ನಮಕ್ಕಂಗೆ ಗೊತ್ತಾತ್ ಯಾರೋ ಬಾರದವೇ ಬಂದೊಳೊತ. ನಾಕ್ ದಿನಂದ ಹೊಯ್ತಿರುವ ರಣ ಮಳೆಂದಾಗಿ ಕರೆಂಟೂ ಇಲ್ಲೆ... ಒಟ್ಟಿಗೆ ಸಾರ್ ಗೈಪೂ ಇಲ್ಲೆ!! (ಕರೆಂಟ್ ಇಲ್ಲದೆ ಮಿಕ್ಸಿ ತಿರ್ಗುದು ಹೆಂಗೆ? ಅರೆಪ್ಪು ಕಡೆದಾರ್ ಹೆಂಗೆ? ಇದ್ದದರ್ನೇ ಪಲ್ಯ ಮಾಡಿ ಸುಧಾರ್ಸ್ತೊಳೊ!!). ಕಡೆಗೂ ಗುಡ್ಸಿಟ್ಟ ಕುಂಟು ಮಾಯಿಪೇ ಗತಿಂತ ನೀರ್  ನೋಡದೆ ವರ್ಸನೇ ಕಳ್ದಿದ್ದ ಕಡ್ಕಲ್ಲ್ ನ ಭಾರೀ ಭಂಗಲಿ ತೊಳ್ಕಂಡಿದ್ದವು, ಚಂಡಿ ಕೈನ ಸೆರ್ರ್ಂಗ್ ಕೊಡಿಗೆ ಒರ್ಸಿಕಂಡ್ ಯಾರ್ ಬಂದೊಳೊತ ನೋಡಿಕೆ ಹೊರ್ಟೊ. ಮಳೆಲೇ ಬರ್ತಿರವ್ಕೆ ನೀರ್ ಚೊಂಬು ತಾದೆಂತಕೆತ ಹೇಳಿಕಂಡೇ ಬಂದ ಮನೆ ಯಜಮಾಂತಿ ಚಿನ್ನಮ್ಮಕ್ಕಂಗೆ ಜಾಲ್ಂದಾಚೆ ಉದ್ಗಿಲ್ಂದೀಚೆ ಕಂಡ ರೂಪನೇ ಅಪ್ರೂಪ. ಚಂಡಿಯಾಕೆಬೊತ್ತುತ ಎತ್ತಿ ಕಟ್ಟಿದ ಸೀರೆ ಮೊಣ್ಕಾಲ್ಂದ ಮೇಲೆ ಬಂದುಟು!! ಹನಿ ಮಳೆಗೆ ಮೂಂಡಿ ಕೆಸದ ಸೊಪ್ಪುನನೇ ತಲೆಮೇಲೆ ಅಡ್ಡಕ್ಕೆ ಹಿಡ್ಕಂಡ್ ಬಾತಿರುವ ಆಚೆಕರೆ ನೀಲಮ್ಮಕ್ಕ ಆಟಿ ಕಳೆಂಜ ಬರ್ತಿರುವಾಂಗೆ ಕಂಡದ್ ಮಾತ್ರ ಸುಳ್ಳಲ್ಲ!! ಕೂದಲ್ ಹಣ್ಣಾದರೂ ತಂಙಣೆ ಬುಡದ ನೀಲಮ್ಮಕ್ಕನ ಮುಂದೆ ಜೆರ್ಂಜೆಲಕ್ಕಿ ಯಾವ ಲೆಕ್ಕ?? ಒಗ್ದ್ ಹಿಂಡದ ಬಟ್ಟೆನಾಂಗೆ ನೀರ್ ಹನ್ಕುಸುತಿರ್ವವರ  ಚಿಣೆತಿಂಟೆಲೇ ನಿಲ್ಲ್ ಸಿ ಚಾಯಕೆ ನೀರಿಸಿನೆತೇಃಳಿ ಹೊರ್ಟೊ ಚಿನ್ನಮಕ್ಕ.

                         ಮಾತೆಯರ ಮಾತ್ ಕತೆಗೆ ಮುದದಿಂದ ಮುನ್ನುಡಿಯೇಕೆ? "ಎಂಥಾ ರಣ ಮಳೆ ಚಿನ್ನಮ್ಮಕ್ಕಾ... ಬಾನ್ ನೋಡಿ ಎಷ್ಟ್ ದಿನ ಕಳ್ತೋ!! ಬೈಪಣೆಲೆದ್ರುವ ಬಿಳ್ಗ್ ಲ್ ಅಳ್ಂಬು ನೇಕೆಲಿ ನೇಲ್ತಿರುವ ಬಟ್ಟೆಲಿ ಎದ್ರಿಕೆ ಒಂದ್ ಬಾಕಿ ಅಷ್ಟೆ. ಹಟ್ಟಿ ಅಂತೂ ಚೋಳ್ ಚೋಳಾಗಿ ಕಂಪ ಗದ್ದೆನಾಂಗಾಗುಟು. ಕಡೆಗೆ ಕರ್ ಬುಡುವ ಕೆಂಪಿ ಹಸ್ ನ ಬಿಚ್ಚಿಕಂಡೋಗಿ ನೀರಡಿ ಕೊಟೆಗೆಲಿ ಕಟ್ಯಳೆ ಗೊತ್ತುಟಾ? ತೋಟಲ್ಯಂತೂ ನೀರ್ ನಿತ್ತ್ ಉಜಿರ್ ಕಣಿನೂ ಕೊಮ್ಮುನ ಬುಡನೂ ಒಂದೇ ಆಗುಟು. ಗೊನೆ ಹಾಕಿದ ಬಾಳೆಗೆಲ್ಲಾ ಬುಡ ಪೊರ್ದ್ ಅಡ್ಡಬಿದ್ದೊಳೊ. ನಿಮ್ಮ ಬಾವ ಒಬ್ಬ... ಗೊನೆ ಅಲ್ಯೇ ಇದ್ದರೆ ಕರ್ಗುದುತ ತಂದ್ ತಂದ್ ಮೂಲೆಲಿ ಅಡ್ಕಿಸುವೆ. ಒಂದ್ ವಾರಂದ ಬಾಳೆಕಾಯಿ ಉಪ್ಪ್ಕರಿ ಮಾಡಿ ಮಾಡಿ ಬಿಡ್ದೋತ್. ಅಂಗಳ ಇಡೀ ಒರ್ತೆ ಎದ್ದ್ ಗೊದ್ದಂಗ ಮಿಜಿ ಮಿಜಿ ಕಂಡದೆ. ಈ ಸರ್ತಿ ಉಬರ್ ಅಂಗಳಕೇ ಹತ್ತುದೇನೋ!! ಇನ್ನ್ ಕರೆಂಟ್ ನ ಕತೆ ಹೇಳಿ ಸುಖ ಇಲ್ಲೆ... ಮೊನ್ನೆ ನೆಡಿರ್ಲ್ ಒಮ್ಮೆ ಮಿಣ್ಕಿದಾಂಗಾತ್. ಬೆಂಗ್ಳೂರ್ಂದ ಹೈದ ಪೋನ್ ಮಾಡ್ರೆ ಮಾತಾಡಿಕೆ ಮೊಬೈಲ್ ಲಿ ಚಾರ್ಜಾರ್ ಉಟ್ಟಾ?? ನಿನ್ನೆ ಮುಟ್ಟ ಒಂದ್ ಕುಟ್ಟಿಯಾರ್ ಇತ್ತ್... ಇಂದ್ ಅದೂ ಇಲ್ಲೆ... ಸತ್ತೇ ಹೋಗುಟು.. ನಿನ್ನೆ ಮನೆಕಡೆ ಬಂದ ತಿಮ್ಮ ಹೇಳ್ತ್. ಲಚ್ಚಣ್ಣನ ಮನೆಲಿ ಎಲ್ಲವೂ ಜನ್ರೇಟ್ಲಿ ಕರೆಂಟ್ ಬುಟ್ಟ್ ಮೊಬೈಲ್ ಚಾರ್ಜ್ ಮಾಡಿಕಂಡವೆಗಡ!! ಹಂಗೆ ಇದ್ಕೂ ಚೂರ್ ಮಾಡಿಕಣೊನೊತ ಹೊರ್ಟೆ. ಬೊಳ್ಪುಂದ ಚೂರ್ ಬೊಯಿಪು ನೋಡಿ ಕೊಡೆ ಬೇಡಾತ ಗ್ರೇಸಿ ಹೊರ್ಟದ್. ಚಾಕಟೆ ಮರಂದ ಇತ್ತ ಚೋಡಿ ಕರೆ ಪಾಲ ದಾಟ್ಯೊಳಷ್ಟೆ.. ಅಷ್ಟೊತ್ತಿಗೆ ಪುನಃ ಸುರಾತ್ ನೋಡಿ... ಮಳೆ ಮಾರಿ.. ನಿಮ್ಮ ಬೇಲಿ ಕರೆಲಿದ್ದ ಮೂಂಡಿ ಕೆಸದ ದಂಟ್ ಮುರ್ದ್ ಹಿಡ್ಕಂಡ್ ಬಂದೆ.. ಬೊಯ್ಬಡಿ ಬಲರ್ಯಾ... ಅಲ್ಲಾ ಚಿನ್ನಮಕ್ಕ.. ನಂಗೊಂದು ಸಂಸಯ... ಈ ಮಳೆಗೂ ಏನಾರ್ ಉರ್ಚಟ ಹಿಡ್ದುಟಾ ಹೆಂಗೆ??!!.... ತೋ... ಇದರ ಪಡೆ ಮುತ್ತಿಕೆ....” ಈ ನಮೂನೆ ಜಿರ್ಂಜಿಲ್ ಸುರಾದರೆ ತಿರ್ಗಿ ಜವಾಬು ಕೊಡಿಕಾರ್ ಪುರ್ಸೊತೆಲ್ಯುಟ್ಟು ಚಿನ್ನಮ್ಮಕ್ಕಂಗೆ. ಅವು ನೀಲಮ್ಮಕ್ಕನ ಬಾಯಿ ನೋಡಿಯೇ ಬಾಕಿ!!

                            ಪುರ್ಸೊತಿಲ್ಲದೆ ಹೊಯಿತಿದ್ದ ನೀಲಮ್ಮಕ್ಕನ ಮಳೆ ಪುರಾಣಕ್ಕೆ ಅಡ್ಪ ಹಾಕಿದ್ ಅವರ ಚಪ್ಪಲ್!! ಹೆಂಗೆ ಗೊತ್ತುಟಾ? ತೊಳ್ಸಿಕಟ್ಟೆಂದ ಆಚೆ ಬುಟ್ಟ ಚಪ್ಪಲ್ ಮಳೆ ನೀರ್ ಲಿ ಪಾಂಬಿಕಂಡ್ ಹೋತುಟ್ಟು. ಕರಿಕಪ್ಪು ಏಮೆನಾಂಗೆ ಕಂಡ ಚಪ್ಪಲ್ ನ ಅಗ್ಯಕ್ಕೆ ಬೊಳ್ಳು ನಾಯಿ ಹೋದರ ಕಂಡ್ , ತಿಂಟೆಂದ ತೊಬ್ಕಂತ ಹಾರಿ ನೀಲಮ್ಮಕ್ಕ ಚಪ್ಪಲ್ ತೆಗ್ದಿಸಿಕಂಡೊ. ಸಿಕ್ಕಿದೇ ಚಾನ್ಸ್  ತ ಚಿನ್ನಮ್ಮಕ್ಕನೂ "ನೀರ್ ಕೊದ್ದ್ ಆರ್ತೇನೋ.. ಚಾಯ ತನ್ನೆ!!" ತ ಮನೆ ಒಳಗೆ ಓಡ್ದವು ಬಾಕನ  ಒಂದ್ ಕೀಂತ್ ಬಾಳ್ಲೆಲಿ ಸಜ್ಜಿಗೆನೂ ಹಿಡ್ಕಂಡೊಳೊ.. "ಎಲ್ಲರ ಮನೆ ದೋಸೆ ತೂತಾದರೆ ನಮ್ಮಲ್ಲಿ ಪುಂಡಿನೂ ತೂತಾಂಗುವಾಂಗೆ ಆಗುಟು ನೀಲಮ್ಮಕ್ಕ.. ಮನೆ ಹಿಂದೆ ಬರೆ ಜರ್ದ್ ನೀರ್ ನಿತ್ತ್ ಕಂಬಳ ಗದ್ದೆನಾಂಗಾಗುಟು.ಕಣಿ ಕೆರ್ದ್ ಕೊಡಿಕೆ ತಿಮ್ಮನ ಬಾಕೆ ಹೇಳ್ರೆ, ಬನ್ನೆತೇಂಳ್ದಂವ ನಾಪತ್ತೆ. ಅಂವನ ಹುಲಿ ಹೊರಿಕೆ.. ಒಮ್ಮೆ ಬಂದರೆ ಕಳ್ಸಿ ಬುಡಿ ಆತಾ... ಬೇಸಾಯ ಮಾಡ್ದಂವ ಬೇಗ ಸಾಯಗಡ. ಈ ವರ್ಸ ಮಾತ್ರ ಕೊಮ್ಮುನ ನಂಬಿ ಕುದ್ದವೂ ಕೊಟ್ಟೆಕಾಯಿ ಕಟ್ಟಿದೊ!!  ಕರೆಂಟ್ ಇಲ್ಲದೆ ನಂಗೂ ಸಜ್ಜಿಗೆ, ಪದ್ಂಜಿ ಲೀ ದಿನ ಬೊಳ್ಪಾತುಟ್ಟು... ತಕಣಿ ಈ ಸಜ್ಜಿಗೆ.. ಒಮ್ಮೆ ಮುಗ್ಸಿಬುಡಿ.. ಒಳ್ದರೆ ಮತ್ತೆ  ಆ ನಾಯಿನೂ ತಿಂಬೊದ್ಲೆ!!! ಅದರ ಹಾಂಕರನೇ!! ಇರಿ ನೀವ್ಗೆ ಒಂದ್ ಹಳೆ ಕೊಡೆ ಕೊಟ್ನೆ. ಕಡ್ಡಿ ನಾಕ್ ಮುರ್ದುಟು ಅಷ್ಟೆ. ಇನ್ನೊಮ್ಮೆ ಇತ್ತ ಬಾಕನ ತಂದ್ ಬುಡಿ ಮಾತ್ರ... ಮಗಳೂ ಮೊನ್ನೆ ಮನೆಗೆ ಬನ್ನೆತ ಹೊರ್ಟ್ ಕಂಡಿತ್ತ್.. ಈ ಮಳೆಗೆ ಬಂದರೆ ಎಂತ ಮಾಡ್ದು?  ಕೂಸುನ ಉಚ್ಚೆ ಬಟ್ಟೆ ಒಗ್ದ್ ಒಣ್ಗಿಗೆ ಬೆಸೆಗ್ಯಡಿಲಿ ನೇಲ್ಸೊಕಷ್ಟೆ.. ಅದ್ಕೆ ನಾನೇ ಬೇಡಂತೇಳ್ದೆ. ಇರಿ ನಾ ಕೊಡೆ ತಂದ್ ಕೊಟ್ನೆ"ತ ಒಳೆಗೋದೊ. 'ಹಾಂಕರ'ತ ಹೇಳ್ದ್ ಇವ್ಕೆನಾ ನಾಯಿಗೆನಾತ ಸರಿ ಅರ್ಥ ಆಗದೆ ನೀಲಮ್ಮಕ್ಕ ಬೆಚ್ಚ ಬೆಚ್ಚ ಚಾಯನ ಬಾಯಿಗಿಸಿ ಲೋಟೆ ಕೊಡಿಂದ ಹೀಂಪಿಕೆ ಸುರು ಮಾಡ್ದೊ. 
 

ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

Comments

Other articles

Blore

ಬೆಂಗ್ಳೂರೆಂಬ 'ಮಿಣ್ಪುಳಿ'!!!

16 Jul 2017

    "ಅಣ್ಣೂ… ಗಂಟೆ ಏಳಾತ್… ಎದ್ರ್… ಕಾಲೇಜ್ ಗೆ ಹೊತ್ತಾದೆ… ಕುಂಞ ಮಾವನ ದೊಡ್ಡ ಮಂಙ ಕುಟ್ಟನ ನೋಡು..  ಇಂಜಿನಿಯರಿಂಗ್ ಮುಗ್ಸಿ ಬೆಂಗ್ಳೂರ್ಲಿ ಒಳದ್ ಗೊತ್ಲೇನಾ ನಿಂಗೆ? ತಿಂಗಳಿಗೆ ಲಕ್ಷ ಲಕ್ಷ ದುಡ್ದದೆ…  ನೀನೂ ಹಂಗೆ ಆದು ಬೇಡನಾ?"  ಬೊಡ್ರೊಟ್ಟಿ ಹೊಯ್ತಾ  ಬೇಬಿಯಕ್ಕ ಮಂಙನ ಮೇಲೆ ಪರ್ರ್ಂಚಿಕೆ ಸುರು ಮಾಡ್ದೊ. ಅಮ್ಮನ ಮಾತ್  ಕೇಳ್ದ ಅಣ್ಣು 'ನಾನೂ ಒಂದಿನ ಹಂಗೇ ಆವೇಂತಾ' ಗೊಣ್ಗ್ಯಂಡ್ ಹಲ್ಲುಜ್ಜಿಕೆ ನೀರಡಿಗೆ ಓಡ್ತ್. ನಮ್ಮ ಕೆ.ವಿ.ಜಿ. ಗೌಡ್ರ್ ಒಂದ್ ಇಂಜಿನಿಯರಿಂಗ್ ಕಾಲೇಜ್ ಕಟ್ಟ್ ಸಿದರ್ರ್ಂದ ಇಂದ್ ನಮ್ಮ ಸುಳ್ಯದ ಮೂಲೆ ಮೂಲೆನ ಹೈದ/ ಗೂಡೆಗ  B.E.  ಮಾಡ್ತೊಳೊ. ಇಲ್ಲರೆ  ಡಿಗ್ರಿನೋ ಬೇರೇನೋ    ಮಾಡಿ ಕೆಲ್ಸ ಹುಡ್ಕ್ಯಂಡ್ ಹೊರ್ಡಕಾಗಿತ್ತೇನೋ!!! ಹಂಗೇ  ನಮ್ಮ ಅಣ್ಣುನೂ..  B.E. ಕಲಿತಾ ಲಾಷ್ಟ್ ಸೆಮ್ ಲಿ Project Work ಮಾಡಿಕೆ ಬೆಂಗ್ಳೂರ್ಗೆ ಬಂದ್ ಎತ್ತಿದ ಹೈದನ ಖುಷಿಗೆ ಲೆಕ್ಕನೇ ಇಲ್ಲೆ. ಸುಳ್ಯಲಿ ಇಂಜಿನಿಯರಿಂಗ್ ಕಾಲೇಜೇ ಎತ್ತರದ ಕಟ್ಟಡ ನೋಡಿದ್ದ ಅವಂಗೆ ಬೆಂಗ್ಳೂರ್ಲಿ ಬಿಲ್ಡಿಂಗ್ ಗಳ ನೋಡಿ ಒಮ್ಮೆ ತಲೆ ತಿರ್ಗಿರೆ,  KFC ಚಿಕನ್, McD ಬರ್ಗರ್ ನಾಲಿಗೆಗೆ  ಹೊಸ ರುಚಿನೇ ತೋರ್ಸಿತ್. ಅಲ್ಲಿ ಎಂ.ಜಿ. ರೋಡ್ / ಬ್ರಿಗೇಡ್ ರೋಡ್ ಲಿ ತೊಳ್ದ ಮೊಟ್ಟೆನಾಂಗಿರುವ ಗೂಡೆಗಳ ನೋಡಿ  ' ನಾ ಜಾಬ್ ಮಾಡ್ರೆ ಬೆಂಗ್ಳೂರ್ಲೇ' ಹೇಳಿಕಂಡ್ ಊರ್ ಕಡೆ ಹೊರ್ಟತ್ ನಮ್ಮ ಹೈದ!!

    ಇಂಜಿನಿಯರಿಂಗ್ ಮುಗ್ದಾಂಗೆ ಒಳ್ಳ ಕಂಪೆನಿಲಿ ಕೆಲ್ಸನೂ ಸಿಕ್ಕಿತ್ ನಮ್ಮ ಅಣ್ಣು ಹೈದಂಗೆ. ಬೇಬಿಯಕ್ಕಂಗಂತೂ ಖುಷಿಲಿ ಕಾಲ್ ನೆಲಲೇ ನಿಲ್ತಿಲ್ಲೆ. ಎಲ್ಲವ್ಕೂ ಫೋನ್ ಮಾಡಿ ಒಂದ್ ರೌಂಡ್ ಹೇಳಿನೂ ಆತ್ 'ನಮ್ಮ ಅಣ್ಣು ಬೆಂಗ್ಳೂರ್ಗೆ ಹೊರ್ಟುತೂಂತ!!'. ಸಿಟಿಗೆ ಬಂದ ಅಣ್ಣು ನಾಕ್ ಹೈದಂಗಳೊಟ್ಟಿಗೆ ಸೇರಿ ಒಂದ್ ರೂಮ್ ನೂ ಮಾಡ್ತ್. ಊಟ, ತಿಂಡಿ ಹೋಟ್ಲ್/ ಇಲ್ಲರೆ ಕಂಪನಿ ಫುಡ್ ಕೋರ್ಟ್!! ಬೊಳ್ಪಿಗೆ ಬರ್ಗರ್, ಮಧ್ಯಾಹ್ನ ಪಾಸ್ತಾ, ಕತ್ತಲೆಗೆ " ಅಂಬೂರ್ ಧಮ್ ಬಿರಿಯಾನಿ"!! ವೀಕೆಂಡ್ ಪಾರ್ಟಿ ಮತ್ತೆ ಸುತ್ತಿಕೆ ಮಂತ್ರಿ ಮಾಲ್/ ಸೆಂಟ್ರಲ್ ಮಾಲ್!! ಕಲರ್ ಕಲರ್ ಪಬ್ ಗಳ ಮುಂದೆ ಊರ್ಲಿ ಆತಿದ್ದ "ಹೊನಲು ಬೆಳಕಿನ ಕಬಡ್ಡಿ" ಯಾವ ಲೆಕ್ಕ. ಇದ್ ಸ್ವರ್ಗ!!! ನಂಗೆ ಇಲ್ಲಿ ಜಾಬ್ ಸಿಕ್ಕಿಕೆ ಪುಣ್ಯಮಾಡಿರೊಕೂಂತ ನೆನ್ಸಿಕಂಬತಿದ್ದ ಅಣ್ಣುಗೆ ಊರ್ ನ ನೆನ್ಪೇ ಇಲ್ಲೆ!!

    ಬೆಂಗ್ಳೂರ್ ಗೆ ಬಂದ ತಿಂಗ ಮೂರ್ ಕಳ್ದಾಂಗೆ ಈ ಮಾಯಾನಗರಿನ ನಿಜ  ಅನುಭವ ಆಕೆ ಸುರಾತ್ ನೋಡಿ.ಸಂಬಳ ಎಷ್ಟೇ ಬಂದರೂ ತಿಂಗಳ ಕಡೆಗೆ ಕೈಲಿ ಒಳಿದು ಕೆಲವೇ ಸಾವಿರ (ಅದೂ ಗ್ಯಾರಂಟಿ ಇಲ್ಲೆ!!). ಕೇವಲ ನಾವು ಉಸ್ರಾಡುವ ಗಾಳಿ ಮಾತ್ರ ಫ್ರೀ. ಆದರೆ ಅದೂ ಹೊಗೆ, ಧೂಳು ತುಂಬಿ ಹಿಂಬತಾಕನ ಮೂಂಕುಲಿ ಕಪ್ಪು ಕಪ್ಪು ಹೊಡಿ! ಮನೆಲಿ ಕೋಳಿ ಗೈಪು ಮಾಡ್ಕಾಕನ ಮಂಙಂಗೇಂತ  ಕರಿಯಡ/ ಪಟ್ಟಕಾಯಿ ತೆಗ್ದಿಸ್ತಿದ್ದೊ  ಅಮ್ಮ, ಇಲ್ಲಿ ಉಂಡರೂ ಉಣದಿದ್ದರೂ ಕೇಳಂವ ಇಲ್ಲೆ. ರೂಮ್ ಮೇಟ್ ಬಾದೇ 12 ಘಂಟೆ ಮೇಲೆ!! ಎಲ್ಲಿ ಹೋದರೂ ಬೆಂಳ್ತೆಕ್ಕಿನೇ ಹೊರ್ತು ಕೊಸ್ಲಕ್ಕಿ ಅನ್ನ/ ಕುಡು ಪೊಜ್ಜಿ/ ಒಣ್ಗಿಲ್ ಮೀನ್ ನ ಪೊರ್ಮಳನೇ ಇಲ್ಲೆ!! ಒಮ್ಮೆ ಊರ್ಗೆ ಹೋಗಿ ಬಾಕೆ ಆಗುವ ಖರ್ಚ್ ಊರುಲಿ ಕಾಲೇಜ್ ಗೆ ಹೋಕಾಕನ ಇಡೀ ತಿಂಗಳಿಗೇ ಸಾಕಾತಿತ್ತ್. ಫೋನ್ಲಿ ಹಳೆ ದೋಸ್ತಿಗಳೊಟ್ಟಿಗೆ  ಮಾತಾಡಿ ಮಾತಾಡಿ ಫೋನ್ ಬಿಸಿ ಆತಷ್ಟೇ ಹೊರ್ತ್ ಮನ್ಸ್ ತಂಪಾತ್ಲೆ(ಕಾರಣ ಎಲ್ಲರ ಕತೆನೂ ಅದೇ!!)  ಎಲ್ಯಾರ್ ಹೊರಗೆ ಹೋಗಿ ಬರೊನಾಂತ ರೂಮ್ ಮೇಟ್ ನೊಟ್ಟಿಗೆ ಕೇಳ್ರೆ "ಟ್ರಾಫಿಕ್ ಲೇ ಅರ್ಧದಿನ ಕಳೆದು ಬೇಡ" ಅಂತ ಉತ್ತರ. ಮನೆಲಿರ್ಕಾಕನ ಶಾಲೆಮಾವನ ಮನೆ , ಬಂಗಾರ್ಕೊಡಿ ದೊಡ್ದತ್ತೆ ಮನೆ, ಊರು ಬೈಲ್ ಉಗ್ಗಪ್ಪನ ಮನೆ ಎಲ್ಲಾ ಸುತ್ತಿಕಂಡ್ ಬಾಕೆ ಆತಿತ್ತ್. ಇಲ್ಲಿ? ಊರ್ ಗೆ ಬಂದಿರ್ಕಾಕನ  'ಬೆಂಗ್ಳೂರ್ಗೆ ಬಾಕನ ಮನೆಗೆ ಬಂದೇ ಬರೊಕು' ಹೇಳ್ದವೆಲ್ಲಾ ಫೋನ್ ಮಾಡ್ರೆ 'ನಾವು ಈವಾರ ಇಲ್ಲೆಯಾ.. ಒಂದ್ ಫಂಕ್ಷನ್ಗೆ ಹೋಕುಟ್ಟು' ಹೇಳ್ತೊಳೊ. ಈ ಬೆಂಗ್ಳೂರೇ ಹೀಂಗೆ.. "ಮಿಣ್ಪುಳಿ"ನಾಂಗೆ..ನೋಡಿಕೆ ಭಾರೀ ಲಾಯಿಕ್.. ಮಿಣ್ಪುಳಿ ಅಮಾಸೆ ಕತ್ತಲೆಲಿ ಮಿಣ್ಕಿ ಚೂರ್ ಬೆಳ್ಕ್ ತೋರ್ಸಿದೇ ಬುಟ್ಟ್ ಚಂದ್ರನಾಂಗೆ ಪೂರ್ತಿ ಬೆಳ್ಕಲ್ಲ!! ಹಂಗೇ ಬೆಂಗ್ಳೂರ್.. ಉಂಬಕೆ ಗಂಜಿ ಕೊಟ್ಟ್ , ಬೊದ್ಕಿಕೆ ದಾರಿ ತೋರ್ಸಿದೇ  ಹೊರ್ತ್ "ಕೊಡ್ದು ಬೊದ್ಕಲ್ಲ!!"  ಆದರೂ ಊರ್ ಲಿ B.E. ಮುಗ್ಸಿ ಬೆಂಗ್ಳೂರ್ಲಿ ಇನ್ನೂ ಕೆಲ್ಸಕ್ಕೆ ಪರ್ದಾಡಿಕಂಡ್ ಇರವ್ಕಿಂತ ನನ್ನ ಕಥೆ ಎಷ್ಟೋ ಮೇಲ್.  'ಕುರ್ಡ್ ಗಿಂತ ಕೋಸ್ ಮೇಲೂಂತ' ನೆನ್ಸಿಕಂಡ್ , ಮಾರ್ನೆ ದಿನದ ಡ್ಯೂಟಿಗೆ ಹೊರ್ಡುವ ಚಿಂತೆಲೇ ಮಲ್ಗಿಗೆ ಹೊರ್ಟತ್  ಅಣ್ಣು !!
ನಿಮ್ಮ ಹೈದ

Read More
Choma

ಚೋಮ‌.. (ಆ ದಿನಗಳು)

16 May 2018

ಎಷ್ಟೇ ಡಿಗ್ರಿ , ಮಾಸ್ಟರ್ ಸ್ ಓದಿರೂ ಲೈಫ್ ಲಿ  ನಾವುಗೆ ನಿಜವಾದ ಪಾಠ ಕಳ್ಸುದು ಯಾಗೋಳು ಪ್ರಕೃತಿ... 
          ನೀವುಗೆ ನಮ್ಮ ಚೋಮನ ಬಗ್ಗೆ ಹೇಳುಕು‌. ಅವ ಒಂಥರಾ ಸಕಲಕಲಾ ಒಲ್ಲಭ. ಅವಂಗೆ ಗೊತ್ತಿಲ್ಲದ ಕೆಲ್ಸ ಇಲ್ಲೆ. ಗೊತ್ತಿಲ್ಲದ ವಿದ್ಯೆ ಇಲ್ಲೆ. ನಮ್ಮ ಮನೆಲಿ ಅಂಥೂ ಯಾವ ಚಾಳೆ ಯಾಗ ನೆಟ್ಟದ್, ಯಾವ ದನ ಎಷ್ಟು ಕರು ಹಾಕಿಟು, ಯಾವ ಕಮ್ಮುಗೆ  (ಅಡಿಕೆ ಮರ) ಎಷ್ಟು ಪ್ರಾಯ ಎಲ್ಲ exact ಆಗಿ ಹೇಳ್ದೆ. ಅಡಿಕೆಗೆ ಮದ್ದ್ ಬುಡಿಕೆ ಹಿಡದರಿಂದ ಅಡಿಕೆ ತೆಗೆಕೆ ಅವನೇ ಆಕು...ಅದ್ ಎಷ್ಟೇ ಎತ್ತರದ ಕಮ್ಮು, ಚಾಳೆ ಇರ್ಲಿ ಹತ್ತಿ ತೆಗೆತಾ ಇತ್ತ್. ಒಂದು ಹಣ್ಯ ಒಳಗೆ ಹೋದರಂತೂ ಬಾರಿ ಲಾಯ್ಕ್ ಇಂಗ್ಲಿಷ್ , ಹಿಂದಿ ಮಾತಾಡಿದೆ.

         ಬೊಳ್ಪ್ಂದ ಹಿಂಬೊತ್ ಮುಟ್ಟ ಕೆಲ್ಸ ಆದರೆ, ಆಮೇಲೆ , ಗಾಳ ಹಾಕುದು, ಮಿನ್ ಕಡೆಕೆ ಹೋದು, ಮೊಲಕೆ ಉರ್ಲು ಇಸುದು ಇದೇ ಆತ್. ಹಳ್ಳಕ್ಕೆ ತೋಟೆ ಹಾಕುದರ್ಲಿ ಎತ್ತಿದ ಕೈ, ತೋಟೆ ಹಾಕಿ ಮುಳುಗಿ ಮೀನ್ ಹೆಕ್ಕಿ ನಮ್ಮ ಕಡೆ ಬಿಸಡ್ತಾ ಇದ್ದರೆ, ಅದರ ಹೆಕ್ಕುದೇ ಒಂದು ಖುಸಿ.ಮಳೆಗಾಲಿ ಉಬರ್ ಮೀನ್ ಹಿಡಿಯೋದು ಬಾರಿ ಲಾಯ್ಕ್. ಅವನೇ ಮಾಡ್ದ ಕೂಳಿ( ಕೂರಿ)ನ ತೋಡುಗೆ ಅಡ್ಡ ಕಟ್ಟಿ , ಕೂರಿ ಇಸಿ, ಮೀನು ಹಿಡೆದು ಒಂದು ಸಾಹಸನೆ. ಘಂಟೆ ಗೊಮ್ಮೆ ಅದರ ಹೋಗಿ ನೋಡಿ ಮೀನು ತಾದು, ಉಬರ್ ಮೀನ್ ಗೈಪು, ರೊಟ್ಟಿ ..Yemmyy. ಒಳ್ಳ ಮಳೆ ಬಾಕನ ಅದೆಷ್ಟು ಕೂರಿಗ ಬೊಳ್ಳ    ಹೋಗುಟೋ?...    
  
        ಸಾಲೆ, ಕಾಲೇಜ್ ರಜಾ ದಿನಲಿ ಅವನ ಜೊತೆ ಇರ್ತಾ ಇದ್ದೆ. ಗೇರ್ ಬೀಜದ ಸಮಯಲಿ ಗುಡ್ಡೆಗೆ ಬೀಜ ಕೊಯ್ಯಕೆ ಹೋವ ಮಜಾ ಬೇರೇನೆ. ಬೀಜ ಕೊಯ್ಯದ ಮೇಲೆ ಹಣ್ಣ್ ನ ಬೇರೆ ಮಾಡ್ದು, ಅಮೇಲೆ  ಅದೇಕೋ ಸಾಲೆ, ಕಾಲೇಜ್ ಲಿ ಭಟ್ಟಿಇಳಿಸುವಿಕೆ ಬಗ್ಗೆ ಎಷ್ಟೇ ಹೇಳಿರೂ ಅರ್ಥ ಆಗದರ, ಬೀಜದ್ (ಗೇರುಹಣ್ಣು) ಕಾಸ್ ಕನ ಬರೀ ಸುಲಭಲಿ ಅರ್ಥ ಮಾಡ್ಸಿತ್. ಬೀಜದ್ ಕಾಸಿ ಬಂದ ಜಾನಪದ ಕಷಾಯ , ಅದರ ರುಚಿ , ಕಿಚ್ಚಿಗೆ ಮುಟ್ಟಿಸಿ ಅದರ ಪವರ್ ನೋಡೋ ರೀತಿ ಬಾರಿ ಲಾಯ್ಕ್....ಬೀಜದ್ ಮುಗ್ದ ಮೇಲೆ ಹಲಸಿನ ಹಣ್ಣ್ , ಬಾಳೆ ಹಣ್ಣ್ , ಎಲ್ಲಾ ಕಾಸುದೇ ಕೆಲ್ಸ.ಕಾಡ್ ಮಾಯಿನ ಹಣ್ಣ್ ತಿಂದದಕೆ ಲೆಕ್ಕ ಇಲ್ಲೆ.ಚಂಡ್ರ್ ಪುಳಿ, ಮಾಂಬಳ ಅಹಾ!! ಬಾಯಿಲಿ ನೀರ್ ಅರ್ದದೆ. ಮನೆಲಿ ಮಾಡ್ದ ಹಪ್ಪಳ, ಮಳೆ ಬಾಕನ ಹಪ್ಪಳ, ಬೀಜ ಕಿಚ್ಚಾಕುದು ಎಲ್ಲಾ Supper.

      ಸುಮ್ಮನೆ ಕುದ್ದ್ ಕಂಡ ಇದ್ದವನ  ಕೈಗೆ ಬೆಡಿ ಕೊಟ್ಟು ಧನಿ ಬೇಟೆ ಪೋಯಿ ಅಂಥ ಕರಕಂಡ್ ಹೋತ್
ಅವನೋ ಯಾವುದೇ ಶಾರ್ಪ್ ಶೂಟರಗೆ ಕಡಿಮೆ ಇಲ್ಲೆ. ಒಲಿಂಪಿಕ್ ಗೆ ಕರ್ ಕಂಡ್ ಹೋದರೆ ಶೂಟಿಂಗ್ ಗೋಲ್ಡ್ ಮೆಡಲ್ ಎಲ್ಲ ಇವಂಗೆ.ಕಾಡ್ ಲಿ ಅವನ activity, ಕಾಡು ಮೃಗಗಳ ಬಗ್ಗೆಗಿನ ಜ್ಞಾನ. Great. ಅವ ಬೆಡಿ ತಕಂಡ್ ಹೊರ್ಟರೆ ಬರೀ ಕೈಲಿ ಬಂದದೇ ಇಲ್ಲೆ. ಒಮ್ಮೆ ಕಾಡ್ ಮಾಸದ ರುಚಿ ಸಿಕ್ಕದ ಮೇಲೆ ಬುಟ್ಟದೆನ.ಹೆಚ್ಚಾದರೆ ಉಪ್ಪಣ ಅಷ್ಟೇ. 

       ಇನ್ನ್ ಕೋಳಿಕಟ್ಟಕ್ಕೆ ಬಂದರೆ ಎತ್ತಿದ ಕೈ. ಯಾವ ಜಾತಿ ಕೋಳಿಗೆ ಯಾವುದು ಕಟ್ಟೊಕು, (ಬೆಳ್ಳೆ, ಕರ್ಬೊಳ್ಳೆ)ಯಾವ ದಿನ ಯಾವ ಕೋಳಿ ಕಾದದೆ ಎಲ್ಲದರಲ್ಲೂ ಮಾಸ್ಟರ್. ಬಾಳ್ ಕಟ್ಟುದರಂದ ಹಿಡಿದ್ ಕೋಳಿ ಬುಡ್ದ್ ಎಲ್ಲಾ ಅವನೇ.ಕೋಳಿ ಕಟ್ಟ ಒಂದು ಹಬ್ಬನೇ.ಅಮೇಲೆ ಕೋಳಿ ಸಿಕ್ರೆ ಅದರ ಚೊಲ್ಲಿಕೊಟ್ಟು ಹೊಕ್ತಾ ಇತ್ತ್. ಅವ ದುಡಿ(ಚಂಡೆ) ಬಾರಿಸ್ತಾ ಇದ್ದರೆ ಅದರ ಕೇಳಿಕೆ ಬಾರಿ ಲಾಯ್ಕ್.
      
   ಹಿಂಗೆ ಪ್ರತಿ ಒಂದರ enjoy ಮಾಡ್ತಾ ಇದ್ದ ಕಾಲ ಅದ್.
ಆದರೆ ಈಗಿನ mechanical life ಬೇರೆ. ಎಲ್ಲ Mobile ಲಿ ಇಡೀ ಜೀವನ ಆತ್. Mobileಲಿ ಗಾಳ ಹಾಕುದು, ಅದರಲ್ಲಿ Shoot ಮಾಡ್ದು,ಅದರಲ್ಲಿ ಕ್ರಿಕೇಟ್ ಆಡ್ದು, ಮೈದಾನ, ಗದ್ದೆಲಿ ಆಡಿಕೆ ಪುರ್ಸೊತ್ತ್ ಇಲ್ಲೆ. ಒಂದು ಜಾತ್ರೆ ಇಲ್ಲೆ, ದೆವ್ವ ಇಲ್ಲೆ, ಕೋಳಿ ಕಟ್ಟ, ಕಂಬಳ ಮುಂದೇ ಇಲ್ಲೆ. ಆಗ ಮಳೆ ಬಾಕನ ಅಡಿಕೆ, ಬೀಜ,   ಪೂಜೋ ಗೌಜಿ,  ಮಳೆಲಿ ಆಡೋ ಖುಸಿ , ಈಗ Wow.. Its Raining Status ಹಾಕೊ ಖುಸಿ.

ಲೈಫ್ Full Power bank Charge ಮಾಡ್ದು ಅದರಿಂದ Mobile Charge ಮಾಡ್ದೇ ಆತ್....

Read More
Preparing roti

ಬಾಲೆಕ್ಯಕ್ಕನ ಬಾಲ್ಯದಾಟಿಕೆ!!

06 May 2018
ಊರೊದ್ದೆಟ್ಟಿ ತಮ್ಮಣ್ಣ ಗೌಡ್ರ ನಾಕ್ ಗಂಡ್,ಮೂರ್ ಹೆಣ್ಣ್ ಮಕ್ಕಳ ಪೈಕಿ ಕಡೇ ಗಂಡ್ ಸಂತಾನನೇ ಹೊದ್ದೆಟ್ಟಿ ಬೆಳಿಯಪ್ಪ ಗೌಡ. ಬೆಳ್ಳಿ ಹೊಳ್ಪಿದಾಂಗೆ ಅವರ ವಿದ್ವತ್ ಕೂಡಾ ಹೊಳಿತಿದ್ದದಿಕೆ ಸಾಕ್ಷಿನೇ ಅವು ಬರ್ದ ಯಕ್ಷಗಾನ ಪ್ರಸಂಗ "ಉದಂಕ ಚರಿತೆ"!! ಬೆಳಿಯಪ್ಪ ಗೌಡ್ರ ನಾಕ್ ಹೆಣ್ಣ್, ಎರ್ಡ್ ಗಂಡ್ ಸಂತಾನಲಿ ಸುರೂನ ಹಿರಿಯಕ್ಕನೇ ನಮ್ಮ "ಬಾಲಕಿ". ಎಲ್ಲವ್ಕೆ ಮೋಕೆನ "ಬಾಲೆಕ್ಯಕ್ಕ". ಹುಟ್ಟಿದ್ ಹೊದ್ದೆಟ್ಟಿಲಿ ಆದರೂ ಬೆಳ್ದದೆಲ್ಲಾ ಸೋದರಮಾವನ ಮನೆಲಿ. ಸತ್ಯಕ್ಕೂ ಹೇಳ್ರೆ ಅದ್ ಬರೇ ಮನೆ ಅಲ್ಲ... ಸ್ವರ್ಗ ಸಂಸಾರ.. ಕುಡೆಕಲ್ಲು ಉಕ್ರಪ್ಪ ಗೌಡ, ದೇವಮ್ಮನೇ ಅದರ ಹಿರೀಕರ್. ಮಾವನ ಮನೆಲಿ ಪ್ರಾಯಕ್ಕೆ ಬಾಕನ ಮುಟ್ಟ ಸೊಕ್ಕಿದೇ ಸೊಕ್ಕಿದ್. ಸ್ಥಾನಂದ ಆಚೆ ಕರೆಲಿರುವ ಹುಣ್ಸುಳಿ ಮರ ಅರೆ ಹೊಡಿ ಆದೇ ಇವರ ಉರ್ತಕೊಳ್ಳಿಗೆಗಡ!! ಇನ್ನ್ ಮನೆ ಅಟ್ಟದ ಮೆಟ್ಲ್ ಅಲ್ಗದೆ ಒಳ್ದದ್ ದೇವಮ್ಮಜ್ಜಿನ ಪುಣ್ಯ!! ಹಿಂಗಿರ್ಕಾಕನ ನಮ್ಮ ಬಾಲೆಕ್ಯಕ್ಕ ಹೊದ್ದೆಟ್ಟಿಗೆ ಬಂದ್ ತಂಬೂರ್ದೇ ಚೋಪರಾಗಿ. ಅಂದ್ ಮಗ್ಳ್ ಹೊದ್ದೆಟ್ಟಿ ಸುಬ್ಬಕ್ಕನ ಮನೆಗೆ ದೇವಮ್ಮಜ್ಜಿ ಪುಳ್ಳಿ ಬಾಲೆಕಿನ ಕರ್ಕಂಡ್ ಬಂದ ದಿನ ಗಮ್ಮತೇ ಗಮ್ಮತ್. ಒಂದಿನ ಕಡ್ಡೆ ಉಪ್ಪಣ ಗೈಪಾದರೆ ಮಾರ್ನೆ ದಿನ ಅಳಿಯ ಬೆಳಿಯಪ್ಪ ಹೊಡ್ದ ಹೊಳ್ಕೆ ಗೈಪು. ಇನ್ನ್ ಕೋಳಿ, ಮೀನ್ ಗೆ ಬರ ಎಲ್ಲಿ? ಬಗೆ ಬಗೆ ಬಾರಣೆ ಗಮ್ಮತ್ ನೋಡ್ದ ಬಾಲೆಕ್ಯಕ್ಕಂಗೆ ವಾಪಸ್ ಕುಡೆಕಲ್ಲ್ ಗೆ ಅವ್ವನೊಟ್ಟಿಗೆ ಹೋಕೆ ಮನ್ಸೇ ಇಲ್ಲೆ. (ಇಲ್ಲಿ ಯಾಗೋಳು ಹಿಂಗೇ ಗಮ್ಮತಿದ್ದದೆತ ನೆನ್ಸ್ಯೊಳೊ!!). ಕಡೆಗೂ ಉರ್ಯೋಳುಂದಲೂ ಕಡೆಗಟ್ಟಾಗಿ ಮರ್ಟ್ ಕಂಡಿರುವು ಪುಳ್ಳಿನ ಬುಟ್ಟೇ ಹೋದೊ ದೇವಮ್ಮಜ್ಜಿ. ನಾಕ್ ದಿನಲೇ ಬಾಲೆಕ್ಯಕ್ಕಂಗೆ ಗೊತ್ತಾತ್ ಅವು ಚೋಪರಾಗೊಳೊತ!! ಬಗೆ ಬಗೆ ತಿನ್ಸ್ ಅವ್ವ ಬಂದಿರ್ಕಾಕಕನ ಮಾತ್ರ. ಈಗಳೋ.. ಯಾಗ ನೋಡ್ರೂ ಒಂದೇ ಬಗೆ... ಗಂಜಿ,ಪೊಜ್ಜಿ!!
 
ಚೋಪರಾಗಿ ಹುಟ್ಟಿದ ಮನೆ ಸೇರ್ದ ಬಾಲೆಕ್ಯಕ್ಕಂಗೆ ಸುಮ್ಮನೆ ಕಾಲ್ ನೀಂಡಿ ಕುದ್ರಿಕೆ ಎಲ್ಲ್ಯಾದೆ... ಯಾಗ ನೋಡ್ರೂ ಕುಂಡೆ ಹರಿವಷ್ಟ್ ಕೆಲ್ಸ!!( ಎಷ್ಟ್ ಮಾಡ್ರೂ ಮುಗ್ಯದ ಕೆಲ್ಸಕ್ಕೆ ನಮ್ಮ ಅರೆಬಾಸೆಲಿ ಇದರ್ಂದ ಮೇಲೆನ ಪದ ಇಲ್ಲೆ ಅನ್ಸಿದೆ!!) ಎಷ್ಟಾದರೂ ಬೇಸಾಯದ ಕುಟುಂಬ.. ಅದ್ಕೇ ಹೇಳ್ದಲ್ಲಾ.. ವ್ಯವಸಾಯ ಮಾಡ್ದಂವ ಬೇಗ ಸಾಯ!! ಒಟ್ಟೊಟ್ಟಿಗೆ ತಮ್ಮ ತಂಗೆಕಳ ಚಾಕ್ರಿ ಬೇರೆ!! ಅಪ್ಪ ಬೆಳಿಯಪ್ಪಂಗೂ ಮಗ್ಳ್ ಒಟ್ಟಿಗಿದ್ದರೇ ಕೆಲ್ಸ ಸರಾಗಾದು.. ಅದರ್ಲೂ ಮುಖ್ಯ ಕೆಲ್ಸ ಗ್ಯಾರ್ದಣ್ಣ್ ಸರಾಯ ಕಾಸಿಕೆ ಅಂತೂ ಮಗ್ಳಿಲ್ಲದೆ ನಿಮೂರ್ತಿ ಇಲ್ಲೆ. 'ನೀ ಬಂದರೆ ಬಾರೀ ಲಾಯ್ಕ್ ಬಂದದೆ'ತ ಸೂನು ಬೇರೆ!! ಒಂದಿನ ಹಿಂಗೇ ಸಿಗ್ದಾಕಿದ ಹಣ್ಣ್ ನ ಮಡ್ಕೆಲಿ ತುಂಬ್ಸಿದೇ ತಲೆಲಿ ಇಸಿಕಂಡ್ ಬೀಜ ಕೊಚ್ಚಿಲಿ ಕಾಸಿಕೆ ಅಪ್ಪನೊಟ್ಟಿಗೆ ಹೊರ್ಟೊ ಬಾಲೆಕ್ಯಕ್ಕ. ಮಟ ಮಟ ಮದ್ಯಾನ ಕರ್ಗೆಲ್ ನಾತನ ತಲೆಲಿಸಿಕಂಡ್ ಕಣ್ಂಗ ಕರೆಲಿ ಬೀಸರ ಬೀಸರ ಹೋತಿದ್ದವ್ಕೆ ಯಾವ ಪೀಡೆ ಕಣ್ಣಾಕಿತೋ ಗೊತ್ಲೆ. ಲಂಗಕೊಡಿ ಕಿಂಕ್ ಣಿ ಬೆರ್ಳೆಡೆಗೆ ಚೊಡ್ಚಿ, ಎಡ್ಗಿ ಬೀಳಕಾದವು ಅಲ್ಲಿಗೇ ಆದರ್ಸಿಕಂಡೊ. ಮೈ ಏನೋ ಆದರ್ಸಿಕಂಡತ್.. ಆದರೆ ಮಡ್ಕೆ ಎಲ್ಲಿ ಕೇಳ್ದೆ?? ಮಡ್ಕೆನ ಬುಡ ಒಡ್ದ್, ಕರ್ಗೆಲ್ ಹಣ್ಣ್ ತಲೆ,ಮೋರೆಲಿ ಅರ್ಕಂಡ್, ಮಡ್ಕೆನ ಕಂಠ ಮಾತ್ರ ಇವರ ಕುತ್ತಿಗೆಲಿ ನೇಲ್ತುಟ್ಟು!! ಹಳ್ಸೆಲ್ ಕರ್ಗೆಲ್ ನಾತ.. ಬಾಯಿ ದೊಂಡೆ ಇಡೀ ಕಯಿಂಪೆ!! "ಎಂತ ಕೂಸು" ತೇಳ್ದ ಅಪ್ಪ ಬೆಳಿಯಪ್ಪಂಗೆ "ಕೂಸು ಅಲ್ಲಾ... ಕೂಸುನಪ್ಪ!!"ತ ಬೊಯ್ಕಂಡೇ ಮೀಯಕೆ ಚೋಡಿಗೆ ಓಡ್ದೊ.
 
ಬೆಳಿಯಪ್ಪ ಗೌಡ್ರೂ ಯಾಗೋಳು ಸರಾಯ ಕಾಸಿಕೆ ಎಲೆ ಬಾಲೆ ಮನ್ಸ್ ನ ಬಾಲೆಕ್ಯಕ್ಕನನೇ ಕರ್ಕಂಡ್ ಹೋದಕ್ಕೂ ಒಂದ್ ಮಹತ್ತರ ಕಾರಣನೂ ಉಟ್ಟು. ಬಾಲೆಕ್ಯಕ್ಕನ ದೊಡ್ಡ ತಂಗೆ ಕಾಳಿ ಗೂಡೆ ಭಯಂಕರ ಕಿಲಾಡಿ. ಕರ್ಕಂಡೋದರೆ ಕಾಸಿದಲ್ಲಿಂದ ಚೂರಾರ್ ಹೊಯಿಕಣದೆ ಹೊರ್ಡಿಕಿಲ್ಲೆ. ಕಡೆಗೆ ನೋಡ್ರೆ ಕಾಸಿದವಂಗೆ ಏನಿಲ್ಲದಿದ್ದರೂ ಎರ್ಡ್ ಬೆರ್ಳ್ ನಷ್ಟಾರ್ ಕಮ್ಮಿ ಆಗಿದ್ದದೆ!! (ಇದ್ ಕುಪ್ಪಿ ಗ್ಲಾಸ್ ಗೆ ಹೊಯಿದ ಗ್ಯಾರ್ದಣ್ಣ್ ದರ ಅಳ್ತೆ ನೋಡ್ವ ಹಳೇ ಕ್ರಮ. ಕುಪ್ಪಿ ಗ್ಲಾಸ್ ನ ಅಡಿಂದ ಸರೀಯಾಗಿ ನಡು ಬೆರ್ಳ್ , ಕೊಡಿ ಬೆರ್ಳ್ ನ ಮಟ್ಟಕ್ಕೆ ಸರೀ ಸಿಕ್ಕೊಕು. ಅಲ್ಲಿಗೆ ಒಂದ್ ಹದಾs.. ಥರ್ಟಿ, ನೈಂಟಿಗಳ ಪ್ರಮಾಣಗಳೇ ಅಲ್ಲಿತ್ಲೆ!!). ಜೋನಿ ಬೆಲ್ಲದ ಭರಣಿಂದ ಎಲ್ಲವೂ ಬೆರ್ಳ್ ಕಂತ್ ಸಿ ತೆಗ್ದರೆ ಕಾಳಿ ಗೂಡೆ ಮಾತ್ರ ಕಂತ್ ಸಿ ದ ಜಾಗೆನ ಅಲ್ಲಿಗೇ ಪೂಜಿ ಬುಡ್ದು. ಆಗ ತೆಗ್ದದ್ ಗೊತ್ತಾದ್ಲೆ ಅಲ್ಲ!!! ಕಡೆಗೂ ಇನ್ನೊಂದ್ ದಿನ ಮಗಳ ಕರ್ಕಂಡ್ ಕಾಸಿಕೆ ಹೋದೊ ಬೆಳಿಯಪ್ಪ. ಮಡ್ಕೆಗಳೆಲ್ಲಾ ಲಾಯಿಕ್ ಲಿ ಇಸಿ, ಕರೆಲಿ ಗುಂಬ(ಸರಾಯ ತೆಗಿವ ಸಣ್ಣ ಬಾಯಿನ ಮಡ್ಕೆ)ನನೂ ಅಂಡ್ ಸಿ ಇಸಿದೊ. ಮೇಲೆ ಮಡ್ಕೆಲಿ ನೀರ್ ಬಿಸಿ ಆದದರ ಬದ್ಲಾಯ್ಸಿಕೆ 'ನೋಡಿಕ ಕೂಸು' ತೇಃಳಿ ಚಣ್ಣೀರ್ ತಾಕೆ ಚೋಡಿಗೋದೊ. ಈ ಗುಂಬಲಿ ಹನಿ ಹನಿ ಸರಾಯ ಕೂಡ್ದೇ ನೋಡಿಕೆ ಕುಸಿ.. ಆ ಘಮನ.. ಆಹಾ.. ಸರಾಯದ ಸುದ್ಧತೆ ನೋಡಿಕೆ ಒಂದ್ ಕ್ರಮ ಉಟ್ಟು. ಒಂದ್ ಒಣ್ಗಿಲ್ ಮಡ್ಲ್ (ಸೋಗೆ ಕೊಡಿ, ಬಾಳ್ಲೆ ಕೀಂತೂ ಆದೆ) ನ ಸರಾಯಕ್ಕೆ ಕಂತ್ ಸಿ ಮತ್ತೆ ಕಿಚ್ಚಿಗೆ ಹಿಡ್ದರೆ ಒಮ್ಮೆಗೆ ಅದ್ಕೆ ಕಿಚ್ಚಿ ಹಿಡ್ಕಂಡದೆ. ನೀಲಿ ನೀಲಿ ಕಿಚ್ಚಿ. ಅಲ್ಲಿಗೆ ಸರಾಯ 100% ಶುದ್ಧ!! ಒಬ್ಬನೇ ಚುರ್ಕರ ಕುದ್ದ್ ಕಂಡ್ ಕಾಲ್ ಚಿನ್ನೆರ್ಪ್ ಸಿ ಕಂಬೊದು ಯಾರಿಗೇ ಆದರೂ ಹಿಂಸೆನೇ. ಹಂಗೇ ಕುದ್ದಿದ್ದ ಬಾಲೆಕ್ಯಕ್ಕಂಗೂ ಸರಾಯ ಎಷ್ಟ್ ತುಂಬಿಟುತ ನೋಡಿಕೆ ಆಸೆ. ಅಪ್ಪ ಹೆಂಗೂ ಹಕ್ಕಲೆ ಇಲ್ಲೆ.. ನೋಡೊನೊತ ಎರ್ಡ್ ಮಡ್ಲ್ ಗೆ ಕಿಚ್ಚಿ ಹೊತ್ತ್ ಸಿ ಅದರ್ನೇ ಗುಂಬದಕ್ಕಲೆ ಹಿಡ್ದೊ!!! ನೋಡೀ.... ಕಿಚ್ಚಿ ಹಿಡ್ಕಂಡದೇ ಸರಾಯಕ್ಕೆ!! ಭೊಃಗ್ಗತ ಅಷ್ಟೆತ್ತರಕ್ಕೆ ಹೊತ್ತಿದ ಕಿಚ್ಚಿ ನಿತ್ತದ್ ಗುಂಬಲಿದ್ದ ಸರಾಯ ಒತ್ತರೆ ಹೊತ್ತಿ ಆರ್ದ ಮೇಲೆನೇ!! ಕಿಚ್ಚಿ ಕಂಡ್ ಓಡಿಬಂದ ಬೆಳಿಯಪ್ಪ ಸರಾಯ ಹೋತಲ್ಲಾತ ಹನೀಸೂ ಸಿಟ್ಟ್ ಮಾಡಿಕಣದೆ 'ನಿಂಗೆ ಏನಾತ್ಲೆಲ್ಲಾ ಕೂಸು' ತ ಹೆದ್ರಿ ಚಂಡಿ ಆಗಿ ದರ್ಪುತಿದ್ದ ಬಾಲೆಕ್ಯಕ್ಕನ ಮನೆಗೆ ಕರ್ಕ್ಂಡ್ ಹೊರ್ಟೊ. ಅಂತೂ ಬಾಲೆಕ್ಯಕ್ಕನ ಬಾಲ್ಯದಾಟಿಕೆಂದ ಅಪ್ಪ ಬೆಳಿಯಪ್ಪಂಗೆ ಇನ್ನೊಮ್ಮೆ ಸರಾಯ ಇಲ್ಲದಾಂಗಾತ್!!
 
- ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

 

 
Read More
Ganesha idols yediyur bangalore 201309

ಬೆಂಗಳೂರಲ್ಲಿ ಚೌತಿ !

16 Sep 2018

ಈ ಬಾರಿ ಚೌತಿ ಬೆಂಗಳೂರಲ್ಲಿ ಆಚರಿಸ ಬೇಕೆಂಬ ಬಯಕೆಯಿಂದ ಊರಿಗೆ ಹೋಗದೆ  ಬೆಂಗಳೂರಲ್ಲೆ ಉಳಿದುಕೊಂಡೆ. ಹಾಗೆ ಎಲ್ಲ ಗಣಪನ ಭೇಟಿ ಮಾಡೋ ಕಾರ್ಯಕ್ರಮ ಇಟ್ಟುಕೊಂಡೆ.ಒಂದೊಂದು ಗಣಪಂದು different ಭಂಗಿ.ಆದರೆ ಕೆಲವು ಗಣಪ ನೋಡಿದಾಗ ಅಯೊ್ಯ ಅನಿಸುತ್ತಿತ್ತು.ಕೆಲವು ಗಣೇಶ ಮೂರ್ತಿಯನ್ನು ಮೋರಿ ಪಕ್ಕ ಇಟ್ಟರೆ ಇನ್ನು ಕೆಲವು ಚಿಕನ್ ಶಾಪ್ ಪಕ್ಕ , 90% ಗಣೇಶ ರೋಡ್ ಗಳನ್ನು ಆಕ್ರಮಣ ಮಾಡಿವೆ. ಏನೇ ಇರಲಿ ಅದು ಅವರವರ ಭಕ್ತಿ.

ಇನ್ನು ನನ್ನ ರೂಮ್ ಪಕ್ಕ ಇಡೀ ರೋಡ್ ಬಂದ್ ಮಾಡಿ  ಅದ್ಧೂರಿಯಾಗಿ ಪ್ರತಿಷ್ಠಾಪಿಸಿದರು. ಪಕ್ಕದಲ್ಲಿ  ಬಾರ್ ಬೇರೆ.  ರಾತ್ರಿ  ಆದರಂತೂ 3ರೇ 3 ಪೆಗ್, ಕಾಲಿ ಕ್ವಾಟರ್, ಚುಟ್ ಚುಟ್, ಎಣ್ಣೆ ನಿಂಮ್ದು ಊಟ ನಂಮ್ದು ಹಾಡಗಳ DJ. ಕನ್ನಡ ಸಂಘಗಳ ಭಯಕ್ಕೇನೋ ಕನ್ನಡ ಹಾಡುಗಳು ಹೆಚ್ಚಾಗಿದ್ದವು. ಅದೊಂದು ನಮಗೆ ಹೆಮ್ಮೆ.

ಹೆಗೋ ಸ್ವಲ್ಪ time  ಮಾಡ್ಕೊಂಡು ಗಣೇಶ ನೋಡಲು ಹೋದರೆ  ಎಲ್ಲರೂ ಗಣೇಶ ಜೊತೆ Selfyಲಿ Busy. ಕಷ್ಟಪಟ್ಟು ಎದುರು ಹೋಗಿ ವಿಘ್ನ ವಿನಾಯಕನಿಗೆ ಕೈ ಮಗಿದು ಅಡ್ಡ ಬಿದ್ದೆ. ಅಷ್ಟರಲ್ಲಿ ಯಾವನೋ photo ತೆಗೋ ಭರದಲ್ಲಿ ಕೈ ಮೆಟ್ಟಿಕೊಂಡು ಹೋಗೆ  ಬಿಟ್ಟ.ಎಲ್ಲರಲ್ಲೂ Mobile ಭಕ್ತಿ ಜಾಸ್ತಿ ಇದ್ದಾಂಗಿತ್ತು. ಅಮೇಲೆ ಪ್ರಸಾದಕ್ಕೆ ಬಂದರೆ   ಅದೇನೋ ಕೊಟ್ಟರು.ಆ ಕಡೆ ತಿನ್ನಲು ಆಗದೆ ಈ ಕಡೆ ಉಗಿಯಲು ಆಗದ ಪರಿಸ್ಥಿತಿ.ನಮ್ಮೂರಿನ ಪಂಚಕಜ್ಜಾಯ, ಬಾಳೆಹಣ್ಣು ಕಾಣಲೇ ಇಲ್ಲ. ಗಣೇಶನ ಪೆಂಡಾಲ್ ಹಿಂದೆ fridricee ,Kabab ಗಾಡಿ. ಮೂಳೆ ತಿಂದು ಅಲ್ಲೇ ಎಸಿತ್ತಿದ್ರು.ಪಕ್ಕದ ಬಾರ್ ನಿಂದ ಬಂದು ಎಲ್ಲರದ್ದು ಏನೋ Dance. Day time ಅಂತೂ ಗಣೇಶನ ಕೇಳೋರೇ ಇಲ್ಲ. ಬೀದಿ ನಾಯಿಗಳೇ ಕಾವಲು ಇದ್ದಂಗಿತ್ತು.

ಗಣಪತಿ ಬಿಡೋ ಹೊತ್ತಲ್ಲಿ  ಬರೀ ಬೋರ್. ತಮಟೆ ಸದ್ದು ಅಷ್ಟೇ. ಕೇಸರಿ ದ್ವಜ, ಭಜನೆ, ನಾಸಿಕ್ ಬಾ್ಯಂಡ್ , ಆ ಸಾಲು ಮೆರವಣಿಗೆ, ಜೈ ಘೋಷ ಏನು ಇಲ್ಲ.ಏನೇ ಆದರೂ ನಮ್ಮೂರ ಚೌತಿ Soooper.

ಅಂತೂ ಕೂನೆಯದಾಗಿ Decide ಮಾಡಿದೆ. ದಸರಾ ಏನಿದ್ದರೂ ಮಂಗಳೂರಿಲಿನಲ್ಲಿ ಅಥವಾ ಮಡಿಕೇರಿಲಿ.

Read More
Img 8067

ಕುಂಞಪ್ಪನ ಚಂಡ್ರಪುಳಿ!!!

10 Jul 2017

     "ಇಂದನೇ... ಬೆಳ್ಜಾರ್ ನ ರಣ ಗಾಳಿಗೆ ಕಾಡ್ ಮಾಯಿನ ಹಣ್ಣ್ ಸುಮಾರ್ ಉದ್ರಿಟು. ಮಾಂಬಳ ಹೊಯ್ಯುವಷ್ಟು ಇಲ್ಲೆ. ಮಧ್ಯಾನ ಉಂಬಕೆ ಚಂಡ್ರಪುಳಿ ಮಾಡ್. ಊರ್ ಲಿ ಆಗಿನ ಆಗಿ ಮೀನ್, ಮಾಸ ತಿನದೆ ಬಾಯಿ ಚಪ್ಪೆ ಚಪ್ಪೆ ಆದೆ!!" ಹೇಳಿ ತೊಟ್ಟೆಲಿದ್ದ ಮಾಯಿನಹಣ್ಣ್ ನ ಒಲೆಚಿಂಟೆ ಕರೆಲಿ ಇಸಿದೊ ನಮ್ಮ ಕುಂಞಪ್ಪ. ಮನೆಲಿ ಕುಂಞಪ್ಪನೂ, ಅವರ ಹೆಣ್ಣ್ ಶಾಂತಕ್ಕನೂ ಇಬ್ಬರೇ ಒಳದ್. ಮಕ್ಕ ಇಬ್ಬರೂ ಇಂಜಿನೀಯರ್ ಗ. ದೊಡ್ಡಂವ  ಜರ್ಮನಿಲಿ, ಸಣ್ಣಂವ ಅಮೇರಿಕಲಿ. ಮನೆಲಿ ಇವೇ ಇಬ್ಬರು. ಒಂದೊತ್ತಿಗೆ ಮಾಡ್ರೆ ಮೂರ್ ಹೊತ್ತ್ ಉಂಬ ಸುಖೀ ಕುಟುಂಬ!!?? ಶಾಂತಕ್ಕ ಬಂದ್ ನೋಡ್ದೊ... ಹತ್ತ್ ಮಾಯಿನ ಹಣ್ಣ್ ಉಟ್ಟು... ಮಕ್ಕಳಾರ್ ಇದ್ದರೆ ಮನ್ಸ್ ಕೊಟ್ಟ್ ಚಂಡ್ರಪುಳಿ ಮಾಡಕಾಯಿತ್. ಅದರ್ಲೂ ಸಂಣ್ಣವ ಸುನಿಲ್ ಗಂತೂ ಚಂಡ್ರಪುಳಿ ಹೇಳ್ರೆ ಜೀವ.. ಮೂರ್ ಮೂರ್ ಸರ್ತಿ ಇಕ್ಕ್ ಸಿಕಂಡ್ ಉಂಬೊದು. ನಾವ್ಗೆ ಇಬ್ಬರಿಗೂ ಹೆಂಗೇ ಮಾಡ್ರೂ ಆದೇಂತ ಹೇಳಿಕಂಡ್ ಮಕ್ಕಳ ನೆನ್ಪಾಗಿಯೋ ಏನೋ ಕಣ್ಣ್ ಕರೆಂದ ನೀರ್ ಒರ್ಸಿಕಂಡ್ ಮಾಯಿನ ಹಣ್ಣ್ ನ ತೊಳ್ಯಕೆ ತಕಂಡ್ ಹೊರ್ಟೊ. ಕುಂಞಪ್ಪಂಗೂ ಹಂಗೇ ಅನ್ಸಿರೂ ಕಂಡರೂ ಕಾಣದಾಂಗೆ ಮಾಡಿಕಂಡ್ ನೀರಡಿ ಕೊಟೆಗೆಗೆ ಎತ್ತಿದೊ.

     ನಮ್ಮ ಕುಂಞಪ್ಪಗೊಂದು ಹಳೇ ಅಭ್ಯಾಸ. ಅದಂಥಾ ದುರಾಭ್ಯಾಸ ಏನೂ ಅಲ್ಲ.. ಎಂಥಾತೇಳ್ರೆ ಮಧ್ಯಾನ  12 ಘಂಟೆ ಮೇಲೆ ಚೂರು ಮಲ್ಗುದು.( ಕೆಲವೊಮ್ಮೆ ಚೂರು ಅಲ್ಲ... ಫುಲ್ ಆದೂ ಉಟ್ಟು..ಮತ್ತೆ 3ಘಂಟೆ ಮೇಲೆ ಎದ್ದ್ ಉಂಬೊದು). ಹಂಗೇ ಇಂದುನೂ ಆತ್. ತೋಟದ ಜೆಟ್ ಚೇಂಜ್ ಮಾಡಿ ಮನೆಗೆ ಬಂದವ್ ಅಲ್ಲೇ ಐಮರದ ಮೇಲೆ ಉದ್ದಾನೆ ಮಲ್ಕ್ಯಂಡೊ. ಮಲ್ಗಿದವ್ಕೆ ಒಳ್ಳ ನಿದ್ದೆ... ಗೊತ್ತೇಲೆ.. ಚೂರ್ ಹೊತ್ತ್ ಲಿ ಕೆಳಗೆ ಮನೆ ಪುಂಡು ಅಂವನ ಎರ್ಡ್ ಹೊಡಿ ಮಕ್ಕಳ್ನೂ ಕೋಸಿಕಂಡ್ ಬಾತ್. "ಚಿಕ್ಕವ್ವಾ... ಹೆಣ್ಣ್ ಅದರ ಅಕ್ಕನ ಮನೆಲಿ ಸತ್ಯನಾರಾಯಣ ಪೂಜೇಂತ ಹೋಗುಟು. ಒಟ್ಟಿಗೆ ಕರ್ಕಂಡ್ ಹೋದರೆ ಲಗಾಡಿ ತೆಗಿವೋಂತ ಇವೆರ್ಡರ ನಂಗೆ ಕಟ್ಟಿ ಹೋತ್. ಮೊನ್ನೆ ಈ ಮಕ್ಕಳೊಟ್ಟಿಗೆ ಹೇಳಿದ್ದೆ ಅವ್ವನ ಹಸ್ ಕರ್ ಹಾಕಿಟೂಂತ. ಪೀಡ್ಸಿ ಪೀಡ್ಸಿ ಇಂದ್ ಹೊರ್ಡಿಸಿಕಂಡ್ ಬಂದೋಂತ"  ಹೇಳಿ ಇಸ್ ಮುಳ್ಳ್ ನಾಂಗಿದ್ದ ಹಲ್ಲ್ ಬುಟ್ಟ ಪುಂಡು ಬಂದದಕ್ಕೆ ಸೂನ್ ಒಪ್ಪ್ ಸಿರೆ,  ಮಕ್ಕ ಆಗಳೆ ಹಟ್ಟಿಲಿ ಕರ್ ನೊಟ್ಟಿಗೆ ಮಂಙಣೆ ಸುರು ಮಾಡಿ ಆಗುಟು. ಮಧ್ಯಾನದ ಹೊತ್ತ್ ಗೆ ಬಂದವರ ಹಂಗೇ ಕಳ್ಸುದು ಬೇಡಾಂತ ಶಾಂತಕ್ಕ ಮಕ್ಕಳಿಗೆ ಉಂಬಕೂ ಇಕ್ಕಿದೊ. ಮಕ್ಕಳೋ ಅವ್ವನ ಚಂಡ್ರಪುಳಿ ಲಾಯಿಕಾಗುಟೂಂತ ಹೇಳಿಕಂಡ್ ಕೊರ್ರ್ಂಟ್, ಚೋಲಿ ನ ಸುರ್ಪಿಕಂಡ್ ತಿಂದರೆ ಶಾಂತಕ್ಕಂಗೆ ಫಾರಿನ್ಲಿರುವ ಪುಳ್ಳಿಕಳ ನೆನ್ಪಾಗಿ ಸಮಾ ಉಣಿನೇ ಮಕ್ಕಳೇಂತ, ಚಿರ್ರ್ಂಬಿ ಚಿರ್ರ್ಂಬಿ ಮಾಡ್ದ ಚಂಡ್ರಪುಳಿನ ಗೋಂಚಿ ಗೋಂಚಿ ಸೊರ್ದೊ.

         ನಿದ್ದೆ ಅಮಾಲ್ ಲಿದ್ದ ಕುಂಞಪ್ಪಂಗೆ ಏನೇನೋ ಕನ್ಸ್.  ಜೋರ್ ಮಳೆ ಬಂದಾಂಗೆ, ತೊಡಿಕ್ಕ್ಯಾನ ಜಾತ್ರೆಲಿ ಇದ್ದಾಂಗೆ, ಪುಳ್ಳಿಕ ಜಾತ್ರೆಲಿ ಐಸ್ ಕ್ರೀಂ ತಿಂಬಕೆ ಎಳ್ಕಂಡ್ ಹೋದಾಂಗೆ.... ಏನೇನೋ... ಅಸ್ಪಷ್ಟ. ಕಣ್ಣ್ ಬುಟ್ಟ್ ನೋಡ್ರೆ ಘಂಟೆ 2 ಕಳ್ದ್ ಹತ್ತ್ ನಿಮ್ಶ ಆಗುಟು. ಒಟ್ಟೊಟ್ಟಿಗೆ ಹೊಟ್ಟೆನೂ ಇಸಿದೆ. ಸಡನ್ ಆಗಿ ನೆನ್ಪಾತ್ ಹೆಣ್ಣ್ ಚಂಡ್ರಪುಳಿ ಮಾಡಿಟೂಂತ!! ಎದ್ದ್ ಹೋಗಿ ಮೋರೆ ತೊಳ್ದ್ ಸೀದ ಅಡ್ಗೆ ಕೋಣೆಗೆ ಹುಗ್ಗಿದೋ. ಮಾಮೂಲಿಗಿಂತ ಅರ್ಧಸೆಡೆ ಜಾಸ್ತಿನೇ ಇಕ್ಕ್ಯಂಡ್ ಚಂಡ್ರಪುಳಿ ಹಾಕ್ಯಂಬಕೆ ತಪಲೆನ ಮುಚ್ಚಳ ತೆಗ್ದರೆ ಅದರ್ಲಿ ಎಲ್ಯುಟ್ಟ್ ಚಂಡ್ರಪುಳಿ?? ಒಂದ್ ಚಮ್ಚ ರಸನೂ ಸೌಂಟ್ ಲಿ ಒಂದ್  ತಿರ್ರ್ಂಟೆಲ್ ಚೋಲಿನೂ ಒಳ್ದುಟು ಅಷ್ಟೇ. ಕೊರ್ರ್ಂಟ್ ನ ಕುರುಹೇ ಇಲ್ಲೆ!!! ಪಾಪ ಕುಂಞಪ್ಪ... ಒಂದ್ ಕಡೆಂದ ಸಿಟ್ಟೂ ಬಂದದೆ... ಬೇಜಾರೂ ಆದೆ... ಉಂಡ್ ಮಲ್ಗಿದ್ದ ಶಾಂತಕ್ಕ ಗಂಡ ಎದ್ದದ್ ಗೊತ್ತಾಗಿ "ಪುಂಡುನೂ ಮಕ್ಕಳೂ ಬಂದ್ ಉಂಡ್ ಹೋದೊ... ನೀವು ಎಸ್ಟೊತ್ತಿಗೆ ಎದ್ದರೇಂತ ಗೊತ್ಲೆ. ಅದ್ಕೆ ಎಂತನೂ ಮಾಡ್ತ್ಲೆ. ನೀವು ಉಪ್ಪ್ ಮೆಣ್ಸ್ ಚಿರ್ರ್ಂಬಿಕಂಡ್ ಉಣಿ. ಕತ್ತಲೆಗೆ ಏನಾರ್ ಮಾಡೊನೊ"ತ ಹೇಳಿ ಮಲ್ಗಿದಲ್ಲಿಂದಲೇ ಶಾಸನ ಹೊರ್ಡಿಸಿದೊ. ಹೆಣ್ಣ್ ಹೇಳ್ದ ಮೇಲೆ ಇನ್ನೆಂಥ!!?? ಹಂಗೇ ಉಂಡ್ ತೋಟ ಕಡೆ ಹೊರ್ಟೊ. ಒಟ್ಟಿಗೆ ಒಂದ್ ಶಪಥನೂ ಮಾಡಿಕಂಡ್... "ನಾ ಇನ್ನ್ ಮೇಲೆ ಮಧ್ಯಾನ ಮಲ್ಗುದ್ಲೆ. ಮಲ್ಗಿರೂ ಉಂಡ ಮೇಲೆನೆ!!"

- ನಿಮ್ಮ ಹೈದ 

Read More