Bali

ವೀಳ್ಯ ಶಾಸ್ತ್ರ

ಗೌಡರ ಮದುವೆಯಲ್ಲಿ ವೀಳ್ಯ ಶಾಸ್ತ್ರಕ್ಕೆ ಬಹಳ ಮಹತ್ವವಿದೆ. ಸಾಮಾನ್ಯವಾಗಿ ಗೌಡರು ಮದುವೆಯ ಸಂದರ್ಭದ ವೀಳ್ಯ ಶಾಸ್ತ್ರ ದಲ್ಲಿ ಹನ್ನೆರಡು ವೀಳ್ಯಹಳನ್ನು ಕಟ್ಟುತ್ತಾರೆ.
ಅವುಗಳೆಂದರೆ
೧. ಚೌಕದ ವೀಳ್ಯ
೨. ದೇವರ ವೀಳ್ಯ
೩. ಗುರು ವೀಳ್ಯ
೪. ದಶಮಾಗಣೆ ವೀಳ್ಯ
೫. ಗೌಡ ವೀಳ್ಯ
೬.ಮಾವನ ವೀಳ್ಯ
೭.ತಾಯಿ ತಂದೆ ವೀಳ್ಯ
೮. ತೆರವು ಮರವಿನ ವೀಳ್ಯ
೯. ಅಚ್ಚಕಟ್ಟು ವೀಳ್ಯ
೧೦.ಬಣ್ಣ ಬಂಗಾರದ ವೀಳ್ಯ

ಉಳಿದಂತೆ ಹೆಣ್ಣು ನಿಶ್ಚಯದ ವೀಳ್ಯ ಮತ್ತು ಲಗ್ನದ ವೀಳ್ಯವನ್ನು ಹೆಣ್ಣು ನಿಶ್ಚಿತಾರ್ಥದ ಸಂದರ್ಭದಲ್ಲಿ ನಡೆಸುತ್ತಾರೆ. ಈ ಎಲ್ಲಾ ವೀಳ್ಯಗಳಲ್ಲಿಯೂ ಸಾಮಾನ್ಯವಾಗಿ ಐದು ಕವಳಿಗೆ ಎಲೆ ಮತ್ತು ಐದು ಅಡಿಕೆಗಳಿರುತ್ತದೆ.

ಮೂಲ:ಗೌಡ ಜನಾಂಗ ಇತಿಹಾಸ ಮತ್ತು ಸಂಸ್ಕೃತಿ

Comments

31326336 816175665256343 1006750036513521664 n
Sushmitha Super..
11 months ago
Img 20170911 114030
Hemanth Thumba laika uttu Namna ondu villya sasthra
over 1 year ago
Fb img 1503168624663
shreyas koingaje thank you
almost 2 years ago
Img 20180515 wa0022
Manjuprasad @jeevan ,Manju, Roshan ಧನ್ಯವಾದಗ
almost 2 years ago
Img 20180515 wa0022
Manjuprasad @ ashith ಖಂಡಿತಾ ಸೇರ್ಸಿನೆ.. Problem ಹೇಳಿರೆ ಒಂದೊಂದು ಲೇಖಕರು ಬೇರೆ ಬೇರೆ ಬರ್ದೊಳ
almost 2 years ago
Picsart 07 11 12.54.12
Ashith K S ಇನ್ನೂ ಸ ಹೆಚ್ಚು ವಿಷಯಗಳ ಸೇರ್ಸಕಾತು
almost 2 years ago
Img 20170129 wa0034
Jeevan Spr
almost 2 years ago
Img 20170713 133745
Manju poovaiah Thumba Valle kelsha namige gothilada esto vishyaga ..samskrthi bagge thilisidake danyavadagalu
almost 2 years ago
20170727 163806 1
roshan prakash gowda Spr
almost 2 years ago

Other articles

4f7e7bae5deb3dcda3d1f032e5a7c0df  cute family pictures pictures of

ಮನದ ಮಾತು...

08 Sep 2017

ಒಬ್ಬ ಗುರುಗಳು ಆತನ ಹತ್ತಿರ ಕೇಳುತ್ತಾರೆ 
" ನೀವು ಏನು ಕೆಲಸ ಮಾಡುತ್ತಿದ್ದೀರಾ..?

ಆತ - ನಾನು ಬ್ಯಾಂಕ್ ನಲ್ಲಿ ಅಕೌಂಟೆಂಟ್.

ಗುರು - ನಿಮ್ಮ ಪತ್ನಿ ?

ಆತ - ಆಕೆಗೆ ಕೆಲಸವಿಲ್ಲ ಹೌಸ್ ವೈಫ್.

ಗುರು - ಯಾರು ಬೆಳಗಿನ ಟೀ ತಿಂಡಿಗಳನ್ನು ತಯಾರಿಸೋದು?

ಆತ - ನನ್ನ ಪತ್ನಿ , ಯಾಕೆಂದರೆ ಆಕೆಗೆ ಕೆಲಸವಿಲ್ಲ.

ಗುರು - ಟೀ ತಿಂಡಿಗಳನ್ನು ಮಾಡಲು ಆಕೆ ಎಷ್ಟು ಗಂಟೆಗೆ ಏಳುತ್ತಾಳೆ ?

ಆತ - ಐದು ಗಂಟೆಗೆ. ತಿಂಡಿಗಳನ್ನು ಮಾಡೋದಕ್ಕೆ ಮುಂಚೆ ಮನೆಯನ್ನೆಲ್ಲಾ ಕ್ಲೀನ್ ಮಾಡುತ್ತಾಳೆ.

ಗುರು - ನಿಮ್ಮ ಮಕ್ಕಳು ಹೇಗೆ ಶಾಲೆಗೆ ಹೋಗೋದು?

ಆತ - ನನ್ನ ಪತ್ನಿ ಕರಕ್ಕೊಂಡು ಹೋಗುತ್ತಾಳೆ, ಆಕೆಗೆ ಕೆಲಸವಿಲ್ಲ.

ಗುರು - ಮಕ್ಕಳನ್ನು ಶಾಲೆಗೆ ಬಿಟ್ಟು ಬಂದ ನಂತರ ನಿಮ್ಮ ಪತ್ನಿ ಏನು ಮಾಡುತ್ತಾಳೆ?

ಆತ - ಮಾರ್ಕೆಟ್ ಗೆ ಹೋಗುತ್ತಾಳೆ, ಅಲ್ಲಿಂದ ಬಂದು ಮಧ್ಯಾಹ್ನದ ಊಟ ರೆಡಿ ಮಾಡುತ್ತಾಳೆ, ಬಟ್ಟೆಗಳನ್ನು ಒಗೆಯುತ್ತಾಳೆ. ಹೂ ಗಿಡಗಳಿಗೆ ನೀರು ಹಾಕುತ್ತಾಳೆ,  ಯಾಕೆಂದರೆ ಆಕೆಗೆ ಕೆಲಸವಿಲ್ಲ.

ಗುರು - ಸಂಜೆ ನೀವು ಮನೆಗೆ ಬಂದು ಏನು ಮಾಡುತ್ತೀರಿ ?

ಆತ - ರೆಸ್ಟ್ ಮಾಡುತ್ತೇನೆ. ಕಾರಣ ನಾನು ಕೆಲಸಕ್ಕೆ ಹೋಗಿ ಬಂದದ್ದರಿಂದ ಸುಸ್ತಾಗಿರುತ್ತೇನೆ.

ಗುರು - ಆಗ ನಿಮ್ಮ ಪತ್ನಿ ಏನು ಮಾಡುತ್ತಾಳೆ ?

ಆತ - ನನಗೆ ಮತ್ತು ಮಕ್ಕಳಿಗೆ ಸಂಜೆಯ ಟೀ ತಿಂಡಿಯನ್ನು ಕೊಟ್ಟು , ರಾತ್ರಿಯ ಊಟ ರೆಡಿಮಾಡಿ ಮಕ್ಕಳಿಗೆ ತಿನ್ನಿಸಿ ನನಗೂ ಬಡಿಸಿಕೊಡುತ್ತಾಳೆ. ನಂತರ ಪಾತ್ರೆಗಳನ್ನೆಲ್ಲಾ ಕ್ಲೀನ್ ಮಾಡಿ ಮಕ್ಕಳಿಗೆ ಪಾಠವನ್ನು ಹೇಳಿಕೊಟ್ಟು ಮಲಗಿಸುತ್ತಾಳೆ.

" ಬೆಳಗಿನಿಂದ ಮಧ್ಯರಾತ್ರಿಯವರೆಗೆ ಕಷ್ಟಪಟ್ಟು ದುಡಿದರೂ ಹೇಳುವುದು ಆಕೆಗೆ ಕೆಲಸವಿಲ್ಲ."


ಹೌಸ್ ವೈಫ್ ಆಗಲು ಯಾವುದೇ ಪದವಿಯ ಅಗತ್ಯವಿಲ್ಲ,  ಆದರೆ ಅವರ ಸಾನ್ನಿಧ್ಯ ಬಹಳ ಪ್ರಧಾನವಾಗಿದೆ.

ಮತ್ತೆ ಒಂದು ದಿನ ಗುರುಗಳು ಆತನ ಪತ್ನಿಯ ಬಳಿ ಕೇಳುತ್ತಾರೆ ನೀವು ಕೆಲಸ ಮಾಡುತ್ತಿದ್ದೀರಾ ಅಥವಾ ಹೌಸ್ ವೈಫಾ?

ಆಕೆ - ಹೌದು ನಾನು ಫುಲ್ ಟೈಮ್ ಕೆಲಸ ಮಾಡುವ ಹೌಸ್ ವೈಫ್ ಆಗಿದ್ದೇನೆ.

24 ಗಂಟೆಯಾಗಿದೆ ನನ್ನ ಡ್ಯೂಟಿ.

ನಾನು ಅಮ್ಮನಾಗಿದ್ದೇನೆ,

ನಾನು ಪತ್ನಿಯಾಗಿದ್ದೇನೆ,

ನಾನು ಮಗಳಾಗಿದ್ದೇನೆ,

ನಾನು ಸೊಸೆಯಾಗಿದ್ದೇನೆ,

ನಾನು ಆಲಾರಂ ಆಗಿದ್ದೇನೆ,

ನಾನು ಕುಕ್ ಆಗಿದ್ದೇನೆ,

ನಾನು ದಾಸಿಯಾಗಿದ್ದೇನೆ,

ನಾನು ಟೀಚರ್ ಆಗಿದ್ದೇನೆ,

ನಾನು ವೈಟರ್ ಆಗಿದ್ದೇನೆ,

ನಾನು ದಾದಿಯಾಗಿದ್ದೇನೆ,

ನಾನು ವಾಚ್ ಮೆನ್ ಆಗಿದ್ದೇನೆ,

ನಾನು ಗುರುವಾಗಿದ್ದೇನೆ,

ನನಗೆ ರಜಾದಿನಗಳಿಲ್ಲ,

ನನಗೆ ಮೆಡಿಕಲ್ ರಜೆಗಳಿಲ್ಲ,

ನಾನು ಹಗಲು ಮತ್ತು ರಾತ್ರಿ ದುಡಿಯುವ ಸೇವಕಿಯಾಗಿದ್ದೇನೆ.

ಕೊನೆಗೆ ನನಗೆ ಸಿಗುವ ಸಂಬಳ  ಬರೀ ದೂರುಗಳು ಮತ್ತು ಚುಚ್ಚು ಮಾತುಗಳು ಮಾತ್ರ.......

Read More
84ac720a7752106ef5a3ded926b2effe

ತಾಪತ್ರೆನೂ …ಹೊಸೇಪುನೂ

26 Jun 2017

“ಅಯ್ಯೋ.. ಈ ಸಂಸಾರ ತಾಪತ್ರೆ ಆಕೇಲೆ ಚಿಕ್ಕಾ..ಛೆಕ್…!”
ಕುಂಞಣ ಬೊಳ್ಪಾಕನ ಪರ್ಚಿಕಂಡ್ ಮನೆ ಬಾಗ್ ಲಿಗೆ ಬಾತ್…
“ಯಾಕೆನೇ…ಏನಾತ್ನೇ ಕುಂಞಣಾ…?”
“ಅಯ್ಯೋ ಎಂತರ ಹೇಳ್ದು ಚಿಕ್ಕಾ” ಅಂತ ಹೇಳಿ ಎಲಾಡ್ಕೆ ಪಚಕ್ಕ ಉಗ್ತ್…!
“ಮೊದುವೆ…ಆಗ್ ಆಗ್ ತ ಹೇಳಿ ಮೊದುವೆ ಮಾಡ್ಸಿದೊ..
ಆದ ಸುರು ಸುರೂಲಿ…ಲಾಯ್ಕತ್..ಗೊತ್ತೆ ಆಗದಾಂಗೆ ಎರ್ಡ್ ಮಕ್ಕಳೂ ಆದೊ…!
ಈಗ ಒಂದರ ಹಿಡ್ಕಂಡರೆ ಇನ್ನೊಂದು ಕಿರ್ಚಿದೆ..ಎರ್ಡರ ಬುಟ್ಟರೆ…
ಹೆಂಗ್ ಸ್ ಪರ್ಚಿದೆ..ಅಷ್ಟೊತ್ತಿಗೆ ಒಳಗೆಂದ ಅವ್ವನ ಬೊಯಿಗಳ್ ..!
ಇದ್ ಹನೀಸ್ ಕಮ್ಮಿ ಆಕನ… ಕಟ್ಟಿ ಹಾಕಿದ ಬೊಗ್ಗಿ ಪಾಂಗ್ ಕೊಡ್ದು…
ಅದರ ಕೇಳಿ ನಾಕೈದ್ ಹಡ್ಬೆ ನಾಯಿಗ ಬಂದೊ..ಅವರ ಬೆರ್ಸ್ ಕನ…
ಬೊಗ್ಗಿ ಸಂಕಲೆ ತುಂಡ್ ಮಾಡಿ ಓಡ್ತ್.. ಟೀಚರ್ ಹೆಲ್ಪರ್ರೂ…
ಮಕ್ಕಳೂ ಸೇರಿ, ನನ್ನ ಮನೆ ಅಂಗನವಾಡಿನಾಂಗೆ ಆಗುಟ್ಟು ಚಿಕ್ಕಾ..!
ಪೂರಾ ಕಿಚ್ಚಿಕೊಟ್ಟೇ ಹೋಗಲಿ..ತೇಳಿ ಮನೆ ಒಳೆಗೆ ಹೋದರೆ…
ಈ ಬಿಸ್ಲ್ ದಾವುಲಿ ಆರ್.ಸಿ.ಸಿ.ಮನೆ ಒಳೆಗೆ ಬೆಗ್ ರುವ 
ದೆಸೆಲಿ ಕುದ್ರಿಕೆ ಆಲ್ಲೆ.ಅದೂ ಸುಡಲಿ ಒಂದ್ ಗ್ಲಾಸ್ ತಣ್ಣೀರ್ ಕುಡೆಮೋಂತ ಟ್ಯಾಪ್ ತಿರ್ಗಿಸಿರೆ ಬಾದೇ ಬಿಸ್ನೀರ್…!
ಈ ಬಿಸ್ಲೂ.., ನೀರ್ ಆರ್ದೂ…ಮನೆಲಿ ಪಿರಿ-ಪಿರಿನೂ…
ಸೇರಿ ..ನನ್ನ ಲೈಫೇ ಕಲ್ತಪ್ಪದಾಂಗೆ ಆಗುಟ್ಟು ಚಿಕ್ಕಾ…!
ಅಡಿಲೂ ಕಿಚ್ಚಿ..ಮೇಲೆನೂ ..ಕಿಚ್ಚಿ…ಬೊದ್ಕಿಕೇ ಬಂಗ ಆಗುಟ್ಟು…
ಸುಟ್ಟೇ ಹೋಗಲಿ..ಈಗ ಒಂದ್ ಎಸಳ್ ಹೊಸ್ಯೇಪು ಕೊಡಿ..!
ತಲೆ ಗಿರ್ರ..ತೇಳ್ದೆ..”ಅಂತ ಕುಂಞಣ ಅವನ ಗೋಳ್ ಹೇಳ್ತ್..
“ನಿಂಗೆ ಹಾಂಗೇ ಆಕು ಮಂಙ..”ಅಂತ ಮನ್ಸ್ ಲೇ ಬೊಯ್ಕಂಡ್
ಒಂದು ಕೊಡಿ ಹೊಸ್ಯೇಪು ತಾಕೆ ಒಳೆಗೆ ಹೋದೆ…

-ಲೋಕೇಶ್ ಊರುಬೈಲು

Read More
3418a655e5f5784cd2539a6d9a8dbc3a  pink dress the dress

ಮಳೆ ಮತ್ತು ಅವಳು

16 Aug 2017

 

ಜೋರಾಗಿ ಮಳೆ ಸುರಿಯುತಿರಲು 
ನನ್ನ ಮನಕ್ಕೆ ನಿನ್ನದೇ ಯೋಚನೆ||
ಗಾಢವಾಗಿ ನಾ ಮಲಗಿರಲು
ಕಾಟ ಕೊಡುವೆ ಹಾಗೆ ಸುಮ್ಮನೆ||


ಆ ಗುಡುಗಿನ ಭಯವಿರಲು
ಮಿಂಚಂತೆ ನಿನ್ನ ನಗು ಕಾಣುತ್ತಿದೆ||
ಜೋರಾಗಿ ಗಾಳಿ ಬೀಸುತಿರಲು 
ನೀನೆ ಬಳಿ ಬಂದಂತಿದೆ||


ಮೋಡವು ಭಾನನ್ನು ನುಂಗಿರಲು
ನಕ್ಷತ್ರದಂತೆ ನೀ ಕದ್ದು ಇಣುಕುತ್ತಿದ್ದೆ||
ಚಂದಮಾಮ  ಮಾಯವಾಗಿರಲು
ಕತ್ತಲಲ್ಲಿ ನಾ, ನಿನ್ನ ಹುಡುಕುತ್ತಿದ್ದೆ||


ನನಗೆ ನಿನ್ನ ಕಾಣುವ ಆತುರ||
ನೀ ಎದುರು ಬಂದಾಗ ಏಕೆ ಈ ಅಂತರ||

Read More
Bangalore

ಬೆಂಗ್ಳೂರ್ ಲಿ ಅಂಗೈ ಅಗಲ ಜಾಗೇ ಇದ್ದಿದ್ದರೇ…

03 Jul 2017

ಬೆಂಗ್ಳೂರ್ ಲಿ ಅಂಗೈ ಅಗಲ ಜಾಗೇ ಇದ್ದಿದ್ದರೇ…??!! “ಸಣಪಾ.. ನಂಗೆ ಬೆಂಗ್ಳೂರ್ ಲಿ ಬೆರೀ ಅಂಗೈ ಅಗಲ ಜಾಗೇ ಇದ್ದಿದ್ದರೇ ..?” ತೇಳಿಕಂಡ್ ಕುಂಞಣ ಕೂಜಿನಾಂಗೆ ಕೂಕುಳು ಹಾಕಂಡ್ ನನ್ನಕ್ಕಲೆ ಬಂದ್ ಎಲಾಡ್ಕೆಗೆ ಕೈ ಒಡ್ಡಿ ನಿತ್ತತ್..! “

 

ಏನಾತ್ ನೇ… ಆರ್ಬಾಯಿ ಕೊಟ್ಟ್ ಕಂಡ್ ಈಗ ಬಂದಿಯ? ಸುಮಾರ್ ದಿನ ಆತ್ ನಿನ್ನ ಕಾಣದೆ..ಎತ್ತ ಹೋಗಿದ್ದನೆ..?”

“ಅಯ್ಯೋ ಸಣಪಾ.. ಬೆಂಗ್ಳೂರಿಗೆ ಹೋಗಿದ್ದೆ ಬಲರಿಯಾ.. ಬೆಂಗ್ಳೂರ್ ಗೆ..! ಹೆಣ್ಣ್ ನನ್ನ ಜೋಬಿಗೆ ಎರ್ಡ್ ಸಾವ್ರ ನೋಟ್ ನ ತುಂಬಿಸಿ ಮಗಳ ನೋಡಿಕಂಡ್ ಬನ್ನಿಂತ ಬೆಂಗ್ಳೂರ್ಗೆ ಕಳ್ಸಿತ್..! ನನ್ನಕ್ಕಲೆ ಇದ್ದ ಚಿಲ್ಲರೆನ ಬಸ್ಸ್ ಗೆ ಕೊಟ್ಟ್ ಕಿಡ್ಕೆ ಕರೇ ಸೀಟ್ ಲಿ ಸುಂರ್ಟಿ ಮಲ್ಗಿದವಂಗೆ “ಮೆಜೆಸ್ಟಿಕ್ ..ಮೆಜೆಸ್ಟಿಕ್ .”.ತ ಕರಿಯಕನನೇ ಎಚ್ಚಿರ್ಕೆ ಆದ್..! ತಬ್ಬುರ್ಸಿ ಚೀಲ ಕೋಸಿಕಂಡ್ ಇಳ್ದದ್ ಒಂದ್ ಗೊತ್ತುಟು..

ಉಚ್ಚೆ ಬಂದ್ ಅಂಡಿ ಹೋಗಿ ತಡೆಕೆ ಬೊತ್ತು…! ಉಚ್ಚೆ ಹೊಯಕೇಂತ ಟಾಯ್ಲೆಟ್ ಗೆ ಹೋದರೆ ಅಲ್ಲಿ ಸೊಸೈಟಿಲಿ ಸೀಮೆಣ್ಣೆ-ಸಕ್ಕರೆಗೆ ಕ್ಯೂ ನಿತ್ತಾಂಗೆ ನಿತ್ತಳೋ..! ಅಂತೂ ನಿತ್ತ್ ನಿತ್ತ್..ಹೇಂಗಾರ್ ಹೊಯ್ದ್ ಹೊರೆಗೆ ಬಂದರೆ ಎದ್ ರ್ ಒಬ್ಬ ಟೇಬುಲ್ ಕುರ್ಚಿ ಹಾಕಿ ಕಾಲ್ ಮೇಲೆ ಕಾಲಾಕಿ ಟಚ್ ಸ್ಕ್ರೀನ್ ಮೊಬೈಲ್ ಒತ್ತಿಕಂಡ್ ಮೂರು ರುಪಾಯಿ ಚಿಲ್ಲರೆ ಕೊಡಿಂತ ಕೇಳ್ತ್.. ನಾ ಎರ್ಡ್ ಸಾವ್ರದ ನೋಟ್ ತೆಗ್ದೆ..! ಅಂವ ನನ್ನ ಮುಸುಂಡುನನೇ ನೋಡಿ ಹೆದ್ರಿಸಿ “ಹೋಗು ಚೇಂಜ್ ತಕೊಂಡ್ ಬಾ..” ಅಂತ ಏಕವಚನಲಿ ಬೊಯ್ತ್ ಸಣಪಾ…!! ನನ್ನ ಪಿತ್ತ ಒಮ್ಮೆ ಕೆದರ್ತ್…ಅಂವ ಮೂರು ಕಾಸ್ ನ ವ ಊರುಲಿ ಮನಿ ಸಿಕ್ಕ ಕಾಯ್ತ್ …ಅವನ ಸಂತಾನ ಮುತ್ತಿ ಅಡ್ಸಿದ್ದೆ..!

ಏನ್ ಮಾಡ್ದು ಸುಟ್ಟೆ ಹೋಗಲಿಂತ ಮೂರ್ನಾಕ್ ಅಂಗ್ ಡಿಲಿ ಚಿಲ್ರೆ ಕೇಳ್ದೆ..! ಅಕೇರಿಗೆ ಮೂವತ್ರುಪಾಯಿಗೆ ಅರ್ಧ ಕುಪ್ಪಿ ನೀರ್ ತಕಂಡ್ ಉಚ್ಚೆ ಹೊಯ್ದದಕ್ಕೆ ಮೂರು ರುಪಾಯಿ ಚಿಲ್ಲರೆ ಕೊಟ್ಟ್ ಹೇಂಗಾರ್ ಹೊರೆಗೆ ಬಂದೆ..!

ನೀವೆ ಹೇಳಿ ಸಣಪಾ…ನಿಮ್ಮ ಮೂರೆಕ್ರೆ ಕಾಫಿ, ಐನೂರು ರಬ್ಬರ್, ಎರ್ಡ್ ಕಂಡಿ ಅಡ್ಕೆನೂ, ತಿಂಬಕ್ಕೆ ಬತ್ತನೂ ..ಇಷ್ಟೆಲ್ಲಾ …ಇದ್ದು… ನಿಮ್ಮಕ್ಕಲೆ ಒಂದ್ ಒಳ್ಳ ಅಪ್ಪಂಗುಟ್ಟಿದ ಮೊಬೈಲ್ ಉಟ್ಟಾ..? ಅದ್ಕೇ ಹೇಳ್ದ್ ..ನನ್ನಪ್ಪ ಇಲ್ಲಿ ಇಷ್ಟೇಲ್ಲಾ …ಜಾಗೆ ಜಮ್ಮ ಮಾಡುವಲ್ಲಿಂದ ಬೆಂಗ್ಳೂರ್ ಲಿ ಅಂಗೈ ಅಗಲ ಜಾಗೇ ಮಾಡಿಸಿದ್ದರೆ…?” “

ಅಯ್ಯೆನ ಬಂಡೆ ಪರಮಾತ್ಮಾ…ಬೆಂಗ್ಳೂರು … ಹಿಂಗಾಗುಟ್ಟನೇ,,,? ಒಂದ್ ಕುಪ್ಪಿ ನೀರ್ ಗೆ ಮೂವತ್ರುಪಾಯಿ. ಅದರ ಕುಡ್ದರೆ ಹೊಯ್ದ ಚಾರ್ಜ್ ಮೂರು ರುಪಾಯಿ..! ಆಕಿಲೆ ಬಲಾ…ಎಲ್ಲಾ ಕಲಿ ಮೈಮೆ ಮೀರಿ ಹೋತ್..! ನೀ ಒಂದ್ ಕೆಲ್ಸ್ ಮಾಡ್.. ನೀನೂ ಬೆಂಗ್ಳೂರ್ ಲಿ ಅಂಗ್ ಡಿ ಓಪನ್ ಮಾಡಿ ಒಂದು ಪುಡೆಲಿ ನೀರೂ ..ಇನ್ನೋಂದು ಪುಡೆಲಿ ಟಾಯ್ಲೆಟ್ ಗೂ ವ್ಯಾಪಾರ ಮಾಡ್.. ನಿಂಗೆ ಎರ್ಡೂ ಕಡೆಂದಳೂ..ದುಡ್ಡುಂತೇಳಿ” ನಾ ನೆಗಾಡಿಕಂಡ್ ಉಮ್ಮುಣ್ಣಿ ಕಚ್ಚಿಸಿಕಂಡ್ ಕೊಕ್ಕ ಕೊಯ್ಯಕ್ಕೆ ಹೋದೆ…!!.

-ಲೋಕೇಶ್ ಊರುಬೈಲು

1488438927 rupee note 517  getty

ಚಿಲ್ಲರೆ ಪ್ರಸಂಗ!!!

09 Aug 2017

   ಆಟಿ ತಿಂಗಳ ಜಿಟಿಜಿಟಿ ಮಳೆ. ಬೊಳ್ಪುನ ಚಳಿಗೆ ಬೆಚ್ಚನೆ ಗುಡಿ ಹೊದ್ದ್ ಮಲ್ಗಿದ್ದರೂ ನನ್ನ ಹೆಣ್ಣ್ ನ ಪರ್ರ್ಂಚಟಕ್ಕೆ ವೊಲ್ಲಿ ಒಳಗೇ ಬೆಗ್ರಿಕೆ ಸುರಾತ್. ಮತ್ತೇನಿಲ್ಲೆ.. "8 ಘಂಟೆ ಬಸ್ಸ್ ಲಿ ಸುಳ್ಯಕೆ ಎತ್ತೊಕು... ಎದ್ರಿಯಾ... ಶಾಲೆ ಮಕ್ಕಳಾಂಗೆ ಎಷ್ಟೂಂತ ಮಲ್ಗಿರೆ!!!" ನಾ ವೊಲ್ಲಿ ಎಳ್ದ್ ಮೋರೆ ಮುಚ್ಚಿಕಂಡರೂ ಅದರ ಎಳ್ದ್, ನೂಕಿ, ಮಂಚಂದ ಹೊಣ್ಕ್ ಸಿ ಎದ್ರಿಸಿ ನೀರಡಿ ಕೊಟೆಗೆಗೆ ಬೆರ್ಸಿತ್. ( ಒಂದರ್ಥಲಿ ನೋಡ್ರೆ ಅದ್ ಬೆರ್ಸಿದಲ್ಲ... ನನ್ನ ಬಿಸಾಡ್ತ್!! ತಿರ್ಗಿ ಹೇಳುವಾಂಗೆ ಉಟ್ಟಾ!!??) ವಿಷಯ ಸಿಂಪಲ್... ಕೃಷ್ಣ ಸ್ಟೋರ್ ಲಿ ಸಾರಿ ಮೇಳ!! ಲೇಟಾದರೆ ಒಳ್ಳ ಒಳ್ಳ ಸೀರೆ ಮುಗ್ದದೆ. ಹೊತ್ತಾದರೆ ಜನಗಳ ನೋಡೊಕಷ್ಟೆ. ಯಾಪೆಗೆ ಹತ್ತಿದ ಉಬರ್ ಮೀನ್ ಗಳಾಂಗೆ ಮಿಜಿ ಮಿಜಿ ಹೇಳ್ತಿದ್ದವೆ!!! ನೆರೆಕರೆ ದೋಸ್ತಿಗಳೊಟ್ಟಿಗೆ ಇದ್ ಒಂದ್ ತಿಂಗಳ್ಂದ ಹೇಳ್ತುಟ್ಟು... 'ನಂಗೆ ಇವು ಈ ಸರ್ತಿ ಸೀರೆ ಮೇಳಲಿ 10 ಸೀರೆ ತೆಗ್ದ್ ಕೊಟ್ಟವೆಗಡ!!' ಈ ಡಯಲಾಗ್ ಗೆ ನಾ ಖುಶಿ ಪಡೊಕೋ ತಲೆಬಿಸಿಮಾಡಿಕಣೊಕೋ ಗೊತ್ತಾಗದೆ, ಗಡಿಬಿಡಿಲಿ ಹೊಯ್ದ ಓಡಿಟ್ಟ್ ನಾಂಗಿರುವ ಬೊಡ್ರೊಟ್ಟಿ ತಿಂದ್ ಓಡಿಕಂಡೇ ಬಂದ್ ಬಸ್ಟಾಂಡ್ ಗೆ ಎತ್ತಿದೊ.

                     ಬಚ್ಚಾವ್!! ಬಸ್ ಹೋತ್ಲೆ. ಬುಲ್ಲೆಟ್ ನಾಂಗೆ ಬುಡ್ತಿದ್ದ ಶ್ವಾಸ ಮೆಲ್ಲ ಮೆಲ್ಲ ಬುಲ್ಡೋಝರ್ ಹದಕ್ಕೆ ಬಾತ್. ಅದೇ ಸ್ಪೀಡ್ ಲಿ ಬಸ್ಸ್ ಕೂಡ!!! ಬಸ್ಸ್ ಲಿ ಕುದ್ರಿಕೆ ಜಾಗೆ ಇಲ್ಲೆ. ಎಲ್ಲವೂ ಪೇಟೆಗೆ ಹೊರ್ಟವೇ!! ಹಂಗೂ ಹಿಂಗೂ ಜನರ ಎಡೆಲಿ ನುಗ್ಗಿ ಒಂದ್ ರಾಡ್ ಗೆ ಒರ್ಗಿ ನಿತ್ತೆ.(ನನ್ನ 'ದೊಡ್ಡಾ' ಜೀವ ನೋಡಿ ಹೆದ್ರಿಯೋ ಏನೋ.. ಅಲ್ಲಿಗೆ ಎತ್ತಿಕೆ ಸೆರೆ ಮಾಡಿ ಕೊಟ್ಟವ್ಕೆಲ್ಲಾ ಒಂದ್ ದೊಡ್ಡ ನೊಮ್ಸ್ಕಾರ!!) ಹಂಞ ಹೊತ್ತ ಕಳ್ಡ್ ನೋಡ್ರೆ ಇನ್ನೊಂದ್ ರಾಡ್ ಗೆ ಒರ್ಗಿ ನಿತ್ತ ಗೂಡೆ ನನ್ನ ನೋಡಿ ಮೋರೆ ಕರೇಲಿ ನೆಗಾಡ್ತುಟ್ಟು. ಯಾರೋ ಹೊಸ ಗೂಡೆ!! ಯಾರೂಂತ ಗೊತ್ತಾತ್ಲೆ. ಬೊಟ್ಟ್, ಕೆಬಿದ್, ಕೈದ್, ತುಟಿದ್, ಬಟ್ಟೆ ಎಲ್ಲಾ ಮ್ಯಾಚಿಂಗ್ ಮ್ಯಾಚಿಂಗ್... ಪಿಂಕ್!!! ಎಲ್ಲಿ ನನ್ನ ಯಜಮಾಂತಿ ನೋಡ್ದೆನಾಂತ ನೋಡ್ರೆ ಅದ್ ಸಿಕ್ಕಿದ ಹೆಮ್ಮಕ್ಕಳೊಟ್ಟಿಗೆ ಬಿಝೀ!! ಏನಪ್ಪಾ... ಲಡ್ಡು ಬಂದು ಬಾಯಿಗೆ ಬಿತ್ತಾ!! ಅಂತ ಖುಶಿಲಿ ನಾನೂ ತಿರ್ಗಿ ನೆಗಾಡ್ಡೆ. ಆದರೂ ಗೂಡೆ ಯಾರೂಂತ ನಂಗೆ ಗೊತ್ತಾತ್ಲೆ. ಅಂತೂ ಬಸ್ಸ್ ನಿಲ್ಸಿದಲ್ಲೆಲ್ಲಾ ಗೂಡೆ ನನ್ನ ನೋಡಿ ನೆಗಾಡ್ದು, ನಾ ತಿರ್ಗಿ ಸ್ಮೈಲ್ ಕೊಡ್ದು ಮುಂದುವರ್ತ್.(ಒಟ್ಟ್ 11 ಸರ್ತಿ) ಸುಳ್ಯಕ್ಕೆ ಎತ್ತಿದೇ ಗೊತ್ಲೆ. ಯಾರೋ ಒಬ್ಬ ರಶ್ ಲಿ ಕಾಲ್ ಗೆ ಮೆಟ್ಟ್ ಕಾಕನೇ ಗೊತ್ತು.. ಬಸ್ಸ್ ಬಸ್ಟಾಂಡ್ ಲಿ ನಿತ್ತುಟ್ಟೂಂತ!!

                    ಬಸ್ಸ್ ಇಳಿಯಕಾಕನೊಮ್ಮೆ ಲಾಸ್ಟ್ ಸರ್ತಿ ಅದರ ನೆಂಪು ಮಾಡಿಕಣೊನೋಂತ ಕಣ್ಣ್ ಲೇ ಹುಡ್ಕಿ ನೋಡಿ ನೆಗಾಡ್ದೆ. ಅದುನೂ ಪೊರ್ಲುಲಿ ನೆಗಾಡ್ತ್. ಓಟ್ಟಿಗೆ ನನ್ನ ಹೆಣ್ಣ್ ಕೂಡ ಅದರ ನೋಡೊಕೋ!! ನೋಡ್ರೆ ಅದರ ಕಣ್ಣ್ , ಮೋರೆ ಪಿಂಕ್ ಹೋಗಿ ಕೆಂಪಾಗುಟು!! ಅಂಗಡಿ ಹೆಂಗೂ ಇಲ್ಲಿಯೇ ಹಕ್ಕಲೆ ಉಟ್ಟಲ್ಲಾಂತ  ಬಸ್ಸ್ ಇಳ್ದ್ ನಡ್ಕಂಡ್ ಹೊರ್ಟೊ. ಆ ಗೂಡೆ ಮಾತ್ರ ನನ್ನ ತಲೆಂದ ಹೋತೇಲೆ. ಯಾರಾಗಿರ್ದು ಅದ್??!! ನನ್ನ ಕ್ಲಾಸ್ ಮೇಟ್ ಅಂತೂ ಅಲ್ಲ. ಯಾರಾರ್ ನನ್ನ ಕ್ಲಾಸ್ ಮೇಟ್ ನ ತಂಗೆನಾ? ಅಲ್ಲ..ಮೊನ್ನೆ ಬೆಂಗ್ಳೂರ್ಂದ ಬಾಕನ ಬಸ್ಸ್ ಲಿ ಸಿಕ್ಕಿದ ಗೂಡೆ ದೀಪಿಕಾನ? ಅದೂ ಅಲ್ಲ... ನನ್ನಪ್ಪನ ಸ್ಟೂಡೆಂಟ್ ಗಳ ಪೈಕಿ ಯಾರಾರ್ ಆಗಿರ್ದೋ ಹೆಂಗೆ? ಅಂತೂ ನನ್ನ ತಲೆಗೆ ಹೊಳ್ತ್ ಲೆ. ಅಷ್ಟೊತ್ತಿಗೆ ಒಟ್ಟಿಗೆ ನಡ್ಕಂಡ್ ಬರ್ತಿದ್ದ ನನ್ನ ಹೆಣ್ಣ್ ಕುತ್ತಿ ಕುತ್ತಿ ಕೇಳಿಕೆ ಸುರು ಮಾಡ್ತ್. 'ಯಾರ್ ಯಾ ಆ ಗೂಡೆ. ಭಾರೀ ಲಾಯ್ಕ್ ಲಿ ನೆಗಾಡ್ತೊಳರಿ!' 'ನಂಗೆ ಗೊತ್ಲೇ ಮಾರಾಯ್ತಿ' ಹೇಳ್ದಕ್ಕೆ  ಅವ್ಳು 'ಮತ್ತೆಂತಕೆ ಅದ್ ನಿಮ್ಮ ಹಿಂದೆಕಂಡೇ ಬರ್ತುಟ್ಟು??!!' . ತಿರ್ಗಿ ನೋಡ್ರೆ ... ಹೌದು... ಆ ಗೂಡೆ ನನ್ನ ಹಿಂದೆಕಂಡೇ ಉಟ್ಟು. ನಾನೂ ಒಮ್ಮೆ ಬ್ರೇಕ್ ಹಾಕಿ ನಿತ್ತೆ. ಪುನಃ ಅದೇ ಸ್ಮೈಲ್. ನೀ ಯಾರೂಂತ ಕೇಳಿಕೆ ಬಾಯಿ ತೆಗ್ಯಕೆ ಮೊದ್ಲೇ ಆ ಗೂಡೆನ ಪ್ರಶ್ನೆ ನಂಗೆ ಹಾರಿ ಬಾತ್. ಅದೇ ಪ್ರಶ್ನೆಲಿ ನನ್ನ ಹೆಣ್ಣ್ ನ ಡೌಟೂ ಹಾರಿ ಹೋತ್. " ಅಣ್ಣಾ... ನಿಮ್ಮೊಟ್ಟಿಗೆ 2000 ದ ನೋಟುಗೆ ಚಿಲ್ಲರೆ ಉಟ್ಟಾ??"

 

ಇತರೆ ಅರೆಭಾಷೆ ಬರಹಗಳಿಗೆ ಇಲ್ಲಿ ಹುಡ್ಕಿ - https://arebhasheminpuli.blogspot.in/


ಡಾ. ಪುನೀತ್ ರಾಘವೇಂದ್ರ