WRITE NEW ARTICLE
Choma

ಚೋಮ‌.. (ಆ ದಿನಗಳು)

16 May 2018

ಎಷ್ಟೇ ಡಿಗ್ರಿ , ಮಾಸ್ಟರ್ ಸ್ ಓದಿರೂ ಲೈಫ್ ಲಿ  ನಾವುಗೆ ನಿಜವಾದ ಪಾಠ ಕಳ್ಸುದು ಯಾಗೋಳು ಪ್ರಕೃತಿ... 
          ನೀವುಗೆ ನಮ್ಮ ಚೋಮನ ಬಗ್ಗೆ ಹೇಳುಕು‌. ಅವ ಒಂಥರಾ ಸಕಲಕಲಾ ಒಲ್ಲಭ. ಅವಂಗೆ ಗೊತ್ತಿಲ್ಲದ ಕೆಲ್ಸ ಇಲ್ಲೆ. ಗೊತ್ತಿಲ್ಲದ ವಿದ್ಯೆ ಇಲ್ಲೆ. ನಮ್ಮ ಮನೆಲಿ ಅಂಥೂ ಯಾವ ಚಾಳೆ ಯಾಗ ನೆಟ್ಟದ್, ಯಾವ ದನ ಎಷ್ಟು ಕರು ಹಾಕಿಟು, ಯಾವ ಕಮ್ಮುಗೆ  (ಅಡಿಕೆ ಮರ) ಎಷ್ಟು ಪ್ರಾಯ ಎಲ್ಲ exact ಆಗಿ ಹೇಳ್ದೆ. ಅಡಿಕೆಗೆ ಮದ್ದ್ ಬುಡಿಕೆ ಹಿಡದರಿಂದ ಅಡಿಕೆ ತೆಗೆಕೆ ಅವನೇ ಆಕು...ಅದ್ ಎಷ್ಟೇ ಎತ್ತರದ ಕಮ್ಮು, ಚಾಳೆ ಇರ್ಲಿ ಹತ್ತಿ ತೆಗೆತಾ ಇತ್ತ್. ಒಂದು ಹಣ್ಯ ಒಳಗೆ ಹೋದರಂತೂ ಬಾರಿ ಲಾಯ್ಕ್ ಇಂಗ್ಲಿಷ್ , ಹಿಂದಿ ಮಾತಾಡಿದೆ.

         ಬೊಳ್ಪ್ಂದ ಹಿಂಬೊತ್ ಮುಟ್ಟ ಕೆಲ್ಸ ಆದರೆ, ಆಮೇಲೆ , ಗಾಳ ಹಾಕುದು, ಮಿನ್ ಕಡೆಕೆ ಹೋದು, ಮೊಲಕೆ ಉರ್ಲು ಇಸುದು ಇದೇ ಆತ್. ಹಳ್ಳಕ್ಕೆ ತೋಟೆ ಹಾಕುದರ್ಲಿ ಎತ್ತಿದ ಕೈ, ತೋಟೆ ಹಾಕಿ ಮುಳುಗಿ ಮೀನ್ ಹೆಕ್ಕಿ ನಮ್ಮ ಕಡೆ ಬಿಸಡ್ತಾ ಇದ್ದರೆ, ಅದರ ಹೆಕ್ಕುದೇ ಒಂದು ಖುಸಿ.ಮಳೆಗಾಲಿ ಉಬರ್ ಮೀನ್ ಹಿಡಿಯೋದು ಬಾರಿ ಲಾಯ್ಕ್. ಅವನೇ ಮಾಡ್ದ ಕೂಳಿ( ಕೂರಿ)ನ ತೋಡುಗೆ ಅಡ್ಡ ಕಟ್ಟಿ , ಕೂರಿ ಇಸಿ, ಮೀನು ಹಿಡೆದು ಒಂದು ಸಾಹಸನೆ. ಘಂಟೆ ಗೊಮ್ಮೆ ಅದರ ಹೋಗಿ ನೋಡಿ ಮೀನು ತಾದು, ಉಬರ್ ಮೀನ್ ಗೈಪು, ರೊಟ್ಟಿ ..Yemmyy. ಒಳ್ಳ ಮಳೆ ಬಾಕನ ಅದೆಷ್ಟು ಕೂರಿಗ ಬೊಳ್ಳ    ಹೋಗುಟೋ?...    
  
        ಸಾಲೆ, ಕಾಲೇಜ್ ರಜಾ ದಿನಲಿ ಅವನ ಜೊತೆ ಇರ್ತಾ ಇದ್ದೆ. ಗೇರ್ ಬೀಜದ ಸಮಯಲಿ ಗುಡ್ಡೆಗೆ ಬೀಜ ಕೊಯ್ಯಕೆ ಹೋವ ಮಜಾ ಬೇರೇನೆ. ಬೀಜ ಕೊಯ್ಯದ ಮೇಲೆ ಹಣ್ಣ್ ನ ಬೇರೆ ಮಾಡ್ದು, ಅಮೇಲೆ  ಅದೇಕೋ ಸಾಲೆ, ಕಾಲೇಜ್ ಲಿ ಭಟ್ಟಿಇಳಿಸುವಿಕೆ ಬಗ್ಗೆ ಎಷ್ಟೇ ಹೇಳಿರೂ ಅರ್ಥ ಆಗದರ, ಬೀಜದ್ (ಗೇರುಹಣ್ಣು) ಕಾಸ್ ಕನ ಬರೀ ಸುಲಭಲಿ ಅರ್ಥ ಮಾಡ್ಸಿತ್. ಬೀಜದ್ ಕಾಸಿ ಬಂದ ಜಾನಪದ ಕಷಾಯ , ಅದರ ರುಚಿ , ಕಿಚ್ಚಿಗೆ ಮುಟ್ಟಿಸಿ ಅದರ ಪವರ್ ನೋಡೋ ರೀತಿ ಬಾರಿ ಲಾಯ್ಕ್....ಬೀಜದ್ ಮುಗ್ದ ಮೇಲೆ ಹಲಸಿನ ಹಣ್ಣ್ , ಬಾಳೆ ಹಣ್ಣ್ , ಎಲ್ಲಾ ಕಾಸುದೇ ಕೆಲ್ಸ.ಕಾಡ್ ಮಾಯಿನ ಹಣ್ಣ್ ತಿಂದದಕೆ ಲೆಕ್ಕ ಇಲ್ಲೆ.ಚಂಡ್ರ್ ಪುಳಿ, ಮಾಂಬಳ ಅಹಾ!! ಬಾಯಿಲಿ ನೀರ್ ಅರ್ದದೆ. ಮನೆಲಿ ಮಾಡ್ದ ಹಪ್ಪಳ, ಮಳೆ ಬಾಕನ ಹಪ್ಪಳ, ಬೀಜ ಕಿಚ್ಚಾಕುದು ಎಲ್ಲಾ Supper.

      ಸುಮ್ಮನೆ ಕುದ್ದ್ ಕಂಡ ಇದ್ದವನ  ಕೈಗೆ ಬೆಡಿ ಕೊಟ್ಟು ಧನಿ ಬೇಟೆ ಪೋಯಿ ಅಂಥ ಕರಕಂಡ್ ಹೋತ್
ಅವನೋ ಯಾವುದೇ ಶಾರ್ಪ್ ಶೂಟರಗೆ ಕಡಿಮೆ ಇಲ್ಲೆ. ಒಲಿಂಪಿಕ್ ಗೆ ಕರ್ ಕಂಡ್ ಹೋದರೆ ಶೂಟಿಂಗ್ ಗೋಲ್ಡ್ ಮೆಡಲ್ ಎಲ್ಲ ಇವಂಗೆ.ಕಾಡ್ ಲಿ ಅವನ activity, ಕಾಡು ಮೃಗಗಳ ಬಗ್ಗೆಗಿನ ಜ್ಞಾನ. Great. ಅವ ಬೆಡಿ ತಕಂಡ್ ಹೊರ್ಟರೆ ಬರೀ ಕೈಲಿ ಬಂದದೇ ಇಲ್ಲೆ. ಒಮ್ಮೆ ಕಾಡ್ ಮಾಸದ ರುಚಿ ಸಿಕ್ಕದ ಮೇಲೆ ಬುಟ್ಟದೆನ.ಹೆಚ್ಚಾದರೆ ಉಪ್ಪಣ ಅಷ್ಟೇ. 

       ಇನ್ನ್ ಕೋಳಿಕಟ್ಟಕ್ಕೆ ಬಂದರೆ ಎತ್ತಿದ ಕೈ. ಯಾವ ಜಾತಿ ಕೋಳಿಗೆ ಯಾವುದು ಕಟ್ಟೊಕು, (ಬೆಳ್ಳೆ, ಕರ್ಬೊಳ್ಳೆ)ಯಾವ ದಿನ ಯಾವ ಕೋಳಿ ಕಾದದೆ ಎಲ್ಲದರಲ್ಲೂ ಮಾಸ್ಟರ್. ಬಾಳ್ ಕಟ್ಟುದರಂದ ಹಿಡಿದ್ ಕೋಳಿ ಬುಡ್ದ್ ಎಲ್ಲಾ ಅವನೇ.ಕೋಳಿ ಕಟ್ಟ ಒಂದು ಹಬ್ಬನೇ.ಅಮೇಲೆ ಕೋಳಿ ಸಿಕ್ರೆ ಅದರ ಚೊಲ್ಲಿಕೊಟ್ಟು ಹೊಕ್ತಾ ಇತ್ತ್. ಅವ ದುಡಿ(ಚಂಡೆ) ಬಾರಿಸ್ತಾ ಇದ್ದರೆ ಅದರ ಕೇಳಿಕೆ ಬಾರಿ ಲಾಯ್ಕ್.
      
   ಹಿಂಗೆ ಪ್ರತಿ ಒಂದರ enjoy ಮಾಡ್ತಾ ಇದ್ದ ಕಾಲ ಅದ್.
ಆದರೆ ಈಗಿನ mechanical life ಬೇರೆ. ಎಲ್ಲ Mobile ಲಿ ಇಡೀ ಜೀವನ ಆತ್. Mobileಲಿ ಗಾಳ ಹಾಕುದು, ಅದರಲ್ಲಿ Shoot ಮಾಡ್ದು,ಅದರಲ್ಲಿ ಕ್ರಿಕೇಟ್ ಆಡ್ದು, ಮೈದಾನ, ಗದ್ದೆಲಿ ಆಡಿಕೆ ಪುರ್ಸೊತ್ತ್ ಇಲ್ಲೆ. ಒಂದು ಜಾತ್ರೆ ಇಲ್ಲೆ, ದೆವ್ವ ಇಲ್ಲೆ, ಕೋಳಿ ಕಟ್ಟ, ಕಂಬಳ ಮುಂದೇ ಇಲ್ಲೆ. ಆಗ ಮಳೆ ಬಾಕನ ಅಡಿಕೆ, ಬೀಜ,   ಪೂಜೋ ಗೌಜಿ,  ಮಳೆಲಿ ಆಡೋ ಖುಸಿ , ಈಗ Wow.. Its Raining Status ಹಾಕೊ ಖುಸಿ.

ಲೈಫ್ Full Power bank Charge ಮಾಡ್ದು ಅದರಿಂದ Mobile Charge ಮಾಡ್ದೇ ಆತ್....

Read More
Untitled1

 ಮಾತ್ ಒಂದ್! ಅರ್ಥಗ ಎಷ್ಟೋಂದ್!!

14 May 2018

  ವ್ಯಾಸರಾಯ ಗುರುದ್ ಸಬೆಲಿ, ಗುರು ಶಿಷ್ಯರ್‍ನ ಕೇಳ್ವೆ - ನಮ್ಮಲ್ಲಿ ಯಾರ್ ಮೋಕ್ಷಕ್ಕೆ ಹೋದವೇಂತ? ನಾನು ಹೋದರೆ ಹೋದೆನೂಂತ ಕನಕದಾಸರ್ ಉತ್ತರ ಹೇಳ್ವೆ. ಗುರುನ ಬುಟ್ಟು ಬೇರೆಯವ್ಕೆಲ್ಲ ಕನಕದಾಸರ ಮೇಲೆ ಸಿಟ್ಟು ಬಂದದೆ. ಗುರುಗೆ ಆ ಮಾತ್‍ದ್ ಗೂಢಾರ್ಥ ಗೊತ್ತಿದ್ದರೂ ಕನಕದಾಸರ ಬಾಯಿಂದ ಬರ್ಲಿಂತ ಅವರ ಹತ್ರ ವಿವರಣೆ ಕೇಳ್ವೆ. ನಾನುತೇಳಿರೆ ಅಹಂಕಾರ, ಈ ಅಹಂಕಾರ ಹೋದರೆ ಮಾತ್ರ ಮೋಕ್ಷಕ್ಕೆ ಹೋಕೆ ಆದೆಂತ ಕನಕದಾಸರ್ ತನ್ನ ಮಾತ್‍ದ್ ಅರ್ಥನ ತಿಳಿಸುವೆ!!

  ಕುರುಕ್ಷೇತ್ರ ಯುದ್ದಲಿ ಪಾಂಡವರ ಸೈನ್ಯ, ಕೌರವರ ಸೈನ್ಯ ಒಂದೊಂದ್ ಬರಿಲಿ ನಿತ್ತಿದ್ದವೆ. ದುರ್ಯೋದನ ತನ್ನ ಪರ ಯುದ್ದ ಮಾಡಿಕೆ ನಿತ್ತ ದ್ರೋಣಾಚಾರ್ಯಂಗೆ ಪಾಂಡವರ ಸೈನ್ಯಲಿ ಯಾರ್ ಯಾರ್ ಒಳೋಂತ ಪರಿಚಯ ಮಾಡಿಕೊಡುತ್ತಾ ಇದ್ದದೆ.  ಪಾಂಡವರ ಸೈನ್ಯದ್ ಕಮಾಂಡರ್ ದೃಷ್ಟದ್ಯುಮ್ನ ಆಗಿದ್ದದೆ. ದೃಷ್ಟದ್ಯುಮ್ನನ ಅಪ್ಪ ದ್ರುಪದ - ಪಾಂಚಾಲ ದೇಶದ ರಾಜ. ದ್ರುಪದ ಮತ್ತೆ ದ್ರೋಣಾ ಇಬ್ಬರೂ ಭಾರದ್ವಾಜ ಮುನಿದ್ ಗುರುಕುಲಲಿ ಒಟ್ಟಿಗೆ ಓದಿದ್ದವೆ. ಇಬ್ಬರೂ ಪ್ರಾಣ ಸ್ನೇಹಿತಂಗ. ಓದ್ ಮುಗ್ಸಿದ ಮೇಲೆ ಅರ್ದ ರಾಜ್ಯನ ಕೊಟ್ಟನೇಂತ ದ್ರುಪದ ದ್ರೋಣಂಗೆ ಮಾತ್ ಕೊಟ್ಟಂವ, ರಾಜ ಆದ ಮೇಲೆ ದ್ರೋಣಂಗೆ ಕೈ ಕೊಟ್ಟದೆ! ದ್ರೋಣಾಚಾರ್ಯಂಗೆ ದ್ರುಪದನ ಮೇಲೆ ತುಂಬಾ ಸಿಟ್ಟ್ ಇದ್ದದೆ. ದುರ್ಯೋದನ ಪೂರ್ವಾಗ್ರಹ ತಂತ್ರನ ಉಪಯೋಗಿಸಿಕಂಡ್ ಕಮಾಂಡರ್ ದೃಷ್ಟದ್ಯುಮ್ನನ ಬರೀ ದೃಷ್ಟದ್ಯುಮ್ನಂತ ಪರಿಚಯ ಮಾಡುವ ಬದ್ಲ್ ದ್ರೋಣಾಚಾರಿಗೆ ಅಂವನ ಮೇಲೆ ಸಿಟ್ಟ್ ಬರ್ಲಿಂತೇಳಿ - ನಿನ್ನ ವೈರಿ ದ್ರುಪದನ ಮಂಙ ದೃಷ್ಟದ್ಯುಮ್ನಂತ ದ್ರುಪದನ ಹೆಸ್ರ್‍ನ ಒತ್ತಿ ಹೇಳ್ದೆ!! 

  ಮಾತ್ ಹುಟ್ಟುದು ಮನ್ಸುದು ಆಲೋಚನೆಂದ. ಆಲೋಚನೆಗ ಸದ್ದ್ ಆಗಿ ಬಾಯಿಂದ ಹೊರಗೆ ಬಾಕನ ಮಾತ್ ಆದೆ. ಮನ್ಸುದು ಆಲೋಚನೆನ ಮಾತ್‍ಲಿ ಹೇಳಿಕನ ಒಂದೊಂದ್ ಸಲ ಸೀದ ಆಗಿ ಹೇಳುವೆ. ಒಂದೊಂದ್ ಸಲ ಕನಕದಾಸರ ತರ ಗೂಢಾರ್ಥಲಿ ಹೇಳುವೆ. ಮತ್ತೆ ಒಂದೊಂದ್ ಸಲ ಪೂರ್ವಾಗ್ರಹ ದೋಷಲಿ ಹೇಳುವೆ. 

ಆಡುವ ಮಾತ್‍ನ ಸರಿಯಾಗಿ ನಾಕ್ ಸಲ ಅಲೋಚನೆ ಮಾಡಿ ಜನಕ್ಕೆ ಅರ್ಥ ಆಗುವಂಗೆ ಮಾತಾಡೊಕುತೇಳುವ ಸಂಗತಿ ನಂಗೆ ಗೊತ್ತಾದ್ ನಾನ್ ಲೇಖನ ಬರೆಯಕನ! ನಾನೇ ಬರ್ದ ವಾಕ್ಯನ ಓದುಗರ ಸ್ಥಾನಲಿ ನಿತ್ತ್‍ಕಂಡ್ ಓದಿರೆ ನಂಗೇ ಬೇರೆ ಬೇರೆ ಅರ್ಥ ಸಿಕ್ಕಿದೆ! ಬರವಣಿಗೆಲಿ ಒಂದ್ ಮಾತ್‍ನ ಎಲ್ಲವ್ಕು ಅರ್ಥವಾಗುವಂಗೆ ತಿದ್ದಿ ಸರಿ ಮಾಡಿಕೆ ಅವಕಾಸ ಉಟ್ಟು. ಅದೇ ನಾಕ್ ಜನ ಜೊತೆ ಮಾತಾಡಿಕನ ಒಂದ್ ಸಲ ಮಾತಾಡಿರೆ ಹೋತ್. ಹೇಳುವ ಸಂಗತಿನ ಸರಿಯಾಗಿ ಹೇಳದೆ ಇದ್ದರೆ ಇಲ್ಲಿ ತಿದ್ದಿಕೆ ಅವಕಾಸ ಇಲ್ಲೆ. ಮಾತಾಡಿಕೆ ಇನ್ನೊಂದ್ ಅವಕಾಸ ಕೊಟ್ಟು ವಿವರಣೆ ಕೇಳುವಷ್ಟು ಜನಕ್ಕೆ ಪುರುಸೊತ್ತ್ ಇರ್ದುಲ್ಲೆ!!

  ಆಡುವ ಮಾತ್‍ನ ಸರಿಯಾಗಿ ಆಡಿರೂ ಅವರವರ ಬುದಿವಂತಿಕೆಗೆ ಸರಿಯಾಗಿ ಒಬ್ಬೊಬ್ಬ ಒಂದೊಂದ್ ತರ ಅರ್ಥ ಮಾಡಿಕಂಡವೆ! ಹೇಳುವವರ ತರ ಕೇಳುವವರ ಪೈಕಿ ಕೆಲವು ಸಾಮಾನ್ಯ ಬುದ್ದಿವಂತಿಕೆ ಇರವ್, ಕೆಲವ್ ಅತೀ ಬುದ್ದಿವಂತಿಕೆ ಇರವ್ ಇದ್ದವೆ. ಸರಿಯಾಗಿ ಅರ್ಥಮಾಡಿಕಣದೆ ಸಾಮಾನ್ಯ ಬುದ್ದಿವಂತಿಕೆ ಇರವ್ ಒಳಗೊಳಗೇ ಬೇಜರ ಮಾಡಿಕಂಡರೆ, ಜಗಳಗಂಟರ್ ತಮ್ಮ ಅತೀ ಬುದ್ದಿವಂತಿಕೆಂದ ಜಗಳಕ್ಕೇ ಹೋಗ್ ಬುಟ್ಟವೆ! ಪೂರ್ವಾಗ್ರಹ ದೋಷಂದ  ಒಂದೊಂದ್ ಮಾತ್‍ಗಂತೂ  ಬಾಯಿಂದ ಬಾಯಿಗೆ, ಕಿವಿಂದ ಕಿವಿಗೆ ಹೋಗಿ ಆಣೆ ಪ್ರಮಾಣ ಮಾಡುವವರೆಗೆ ಮುಟ್ಟಿದೆ!!

ಮಾತು
(ಆಡುವ ಮಾತು = ಕೇಳುವ ಮಾತು)

- By: CHENGAPPA Holekare

Read More
Preparing roti

ಬಾಲೆಕ್ಯಕ್ಕನ ಬಾಲ್ಯದಾಟಿಕೆ!!

06 May 2018
ಊರೊದ್ದೆಟ್ಟಿ ತಮ್ಮಣ್ಣ ಗೌಡ್ರ ನಾಕ್ ಗಂಡ್,ಮೂರ್ ಹೆಣ್ಣ್ ಮಕ್ಕಳ ಪೈಕಿ ಕಡೇ ಗಂಡ್ ಸಂತಾನನೇ ಹೊದ್ದೆಟ್ಟಿ ಬೆಳಿಯಪ್ಪ ಗೌಡ. ಬೆಳ್ಳಿ ಹೊಳ್ಪಿದಾಂಗೆ ಅವರ ವಿದ್ವತ್ ಕೂಡಾ ಹೊಳಿತಿದ್ದದಿಕೆ ಸಾಕ್ಷಿನೇ ಅವು ಬರ್ದ ಯಕ್ಷಗಾನ ಪ್ರಸಂಗ "ಉದಂಕ ಚರಿತೆ"!! ಬೆಳಿಯಪ್ಪ ಗೌಡ್ರ ನಾಕ್ ಹೆಣ್ಣ್, ಎರ್ಡ್ ಗಂಡ್ ಸಂತಾನಲಿ ಸುರೂನ ಹಿರಿಯಕ್ಕನೇ ನಮ್ಮ "ಬಾಲಕಿ". ಎಲ್ಲವ್ಕೆ ಮೋಕೆನ "ಬಾಲೆಕ್ಯಕ್ಕ". ಹುಟ್ಟಿದ್ ಹೊದ್ದೆಟ್ಟಿಲಿ ಆದರೂ ಬೆಳ್ದದೆಲ್ಲಾ ಸೋದರಮಾವನ ಮನೆಲಿ. ಸತ್ಯಕ್ಕೂ ಹೇಳ್ರೆ ಅದ್ ಬರೇ ಮನೆ ಅಲ್ಲ... ಸ್ವರ್ಗ ಸಂಸಾರ.. ಕುಡೆಕಲ್ಲು ಉಕ್ರಪ್ಪ ಗೌಡ, ದೇವಮ್ಮನೇ ಅದರ ಹಿರೀಕರ್. ಮಾವನ ಮನೆಲಿ ಪ್ರಾಯಕ್ಕೆ ಬಾಕನ ಮುಟ್ಟ ಸೊಕ್ಕಿದೇ ಸೊಕ್ಕಿದ್. ಸ್ಥಾನಂದ ಆಚೆ ಕರೆಲಿರುವ ಹುಣ್ಸುಳಿ ಮರ ಅರೆ ಹೊಡಿ ಆದೇ ಇವರ ಉರ್ತಕೊಳ್ಳಿಗೆಗಡ!! ಇನ್ನ್ ಮನೆ ಅಟ್ಟದ ಮೆಟ್ಲ್ ಅಲ್ಗದೆ ಒಳ್ದದ್ ದೇವಮ್ಮಜ್ಜಿನ ಪುಣ್ಯ!! ಹಿಂಗಿರ್ಕಾಕನ ನಮ್ಮ ಬಾಲೆಕ್ಯಕ್ಕ ಹೊದ್ದೆಟ್ಟಿಗೆ ಬಂದ್ ತಂಬೂರ್ದೇ ಚೋಪರಾಗಿ. ಅಂದ್ ಮಗ್ಳ್ ಹೊದ್ದೆಟ್ಟಿ ಸುಬ್ಬಕ್ಕನ ಮನೆಗೆ ದೇವಮ್ಮಜ್ಜಿ ಪುಳ್ಳಿ ಬಾಲೆಕಿನ ಕರ್ಕಂಡ್ ಬಂದ ದಿನ ಗಮ್ಮತೇ ಗಮ್ಮತ್. ಒಂದಿನ ಕಡ್ಡೆ ಉಪ್ಪಣ ಗೈಪಾದರೆ ಮಾರ್ನೆ ದಿನ ಅಳಿಯ ಬೆಳಿಯಪ್ಪ ಹೊಡ್ದ ಹೊಳ್ಕೆ ಗೈಪು. ಇನ್ನ್ ಕೋಳಿ, ಮೀನ್ ಗೆ ಬರ ಎಲ್ಲಿ? ಬಗೆ ಬಗೆ ಬಾರಣೆ ಗಮ್ಮತ್ ನೋಡ್ದ ಬಾಲೆಕ್ಯಕ್ಕಂಗೆ ವಾಪಸ್ ಕುಡೆಕಲ್ಲ್ ಗೆ ಅವ್ವನೊಟ್ಟಿಗೆ ಹೋಕೆ ಮನ್ಸೇ ಇಲ್ಲೆ. (ಇಲ್ಲಿ ಯಾಗೋಳು ಹಿಂಗೇ ಗಮ್ಮತಿದ್ದದೆತ ನೆನ್ಸ್ಯೊಳೊ!!). ಕಡೆಗೂ ಉರ್ಯೋಳುಂದಲೂ ಕಡೆಗಟ್ಟಾಗಿ ಮರ್ಟ್ ಕಂಡಿರುವು ಪುಳ್ಳಿನ ಬುಟ್ಟೇ ಹೋದೊ ದೇವಮ್ಮಜ್ಜಿ. ನಾಕ್ ದಿನಲೇ ಬಾಲೆಕ್ಯಕ್ಕಂಗೆ ಗೊತ್ತಾತ್ ಅವು ಚೋಪರಾಗೊಳೊತ!! ಬಗೆ ಬಗೆ ತಿನ್ಸ್ ಅವ್ವ ಬಂದಿರ್ಕಾಕಕನ ಮಾತ್ರ. ಈಗಳೋ.. ಯಾಗ ನೋಡ್ರೂ ಒಂದೇ ಬಗೆ... ಗಂಜಿ,ಪೊಜ್ಜಿ!!
 
ಚೋಪರಾಗಿ ಹುಟ್ಟಿದ ಮನೆ ಸೇರ್ದ ಬಾಲೆಕ್ಯಕ್ಕಂಗೆ ಸುಮ್ಮನೆ ಕಾಲ್ ನೀಂಡಿ ಕುದ್ರಿಕೆ ಎಲ್ಲ್ಯಾದೆ... ಯಾಗ ನೋಡ್ರೂ ಕುಂಡೆ ಹರಿವಷ್ಟ್ ಕೆಲ್ಸ!!( ಎಷ್ಟ್ ಮಾಡ್ರೂ ಮುಗ್ಯದ ಕೆಲ್ಸಕ್ಕೆ ನಮ್ಮ ಅರೆಬಾಸೆಲಿ ಇದರ್ಂದ ಮೇಲೆನ ಪದ ಇಲ್ಲೆ ಅನ್ಸಿದೆ!!) ಎಷ್ಟಾದರೂ ಬೇಸಾಯದ ಕುಟುಂಬ.. ಅದ್ಕೇ ಹೇಳ್ದಲ್ಲಾ.. ವ್ಯವಸಾಯ ಮಾಡ್ದಂವ ಬೇಗ ಸಾಯ!! ಒಟ್ಟೊಟ್ಟಿಗೆ ತಮ್ಮ ತಂಗೆಕಳ ಚಾಕ್ರಿ ಬೇರೆ!! ಅಪ್ಪ ಬೆಳಿಯಪ್ಪಂಗೂ ಮಗ್ಳ್ ಒಟ್ಟಿಗಿದ್ದರೇ ಕೆಲ್ಸ ಸರಾಗಾದು.. ಅದರ್ಲೂ ಮುಖ್ಯ ಕೆಲ್ಸ ಗ್ಯಾರ್ದಣ್ಣ್ ಸರಾಯ ಕಾಸಿಕೆ ಅಂತೂ ಮಗ್ಳಿಲ್ಲದೆ ನಿಮೂರ್ತಿ ಇಲ್ಲೆ. 'ನೀ ಬಂದರೆ ಬಾರೀ ಲಾಯ್ಕ್ ಬಂದದೆ'ತ ಸೂನು ಬೇರೆ!! ಒಂದಿನ ಹಿಂಗೇ ಸಿಗ್ದಾಕಿದ ಹಣ್ಣ್ ನ ಮಡ್ಕೆಲಿ ತುಂಬ್ಸಿದೇ ತಲೆಲಿ ಇಸಿಕಂಡ್ ಬೀಜ ಕೊಚ್ಚಿಲಿ ಕಾಸಿಕೆ ಅಪ್ಪನೊಟ್ಟಿಗೆ ಹೊರ್ಟೊ ಬಾಲೆಕ್ಯಕ್ಕ. ಮಟ ಮಟ ಮದ್ಯಾನ ಕರ್ಗೆಲ್ ನಾತನ ತಲೆಲಿಸಿಕಂಡ್ ಕಣ್ಂಗ ಕರೆಲಿ ಬೀಸರ ಬೀಸರ ಹೋತಿದ್ದವ್ಕೆ ಯಾವ ಪೀಡೆ ಕಣ್ಣಾಕಿತೋ ಗೊತ್ಲೆ. ಲಂಗಕೊಡಿ ಕಿಂಕ್ ಣಿ ಬೆರ್ಳೆಡೆಗೆ ಚೊಡ್ಚಿ, ಎಡ್ಗಿ ಬೀಳಕಾದವು ಅಲ್ಲಿಗೇ ಆದರ್ಸಿಕಂಡೊ. ಮೈ ಏನೋ ಆದರ್ಸಿಕಂಡತ್.. ಆದರೆ ಮಡ್ಕೆ ಎಲ್ಲಿ ಕೇಳ್ದೆ?? ಮಡ್ಕೆನ ಬುಡ ಒಡ್ದ್, ಕರ್ಗೆಲ್ ಹಣ್ಣ್ ತಲೆ,ಮೋರೆಲಿ ಅರ್ಕಂಡ್, ಮಡ್ಕೆನ ಕಂಠ ಮಾತ್ರ ಇವರ ಕುತ್ತಿಗೆಲಿ ನೇಲ್ತುಟ್ಟು!! ಹಳ್ಸೆಲ್ ಕರ್ಗೆಲ್ ನಾತ.. ಬಾಯಿ ದೊಂಡೆ ಇಡೀ ಕಯಿಂಪೆ!! "ಎಂತ ಕೂಸು" ತೇಳ್ದ ಅಪ್ಪ ಬೆಳಿಯಪ್ಪಂಗೆ "ಕೂಸು ಅಲ್ಲಾ... ಕೂಸುನಪ್ಪ!!"ತ ಬೊಯ್ಕಂಡೇ ಮೀಯಕೆ ಚೋಡಿಗೆ ಓಡ್ದೊ.
 
ಬೆಳಿಯಪ್ಪ ಗೌಡ್ರೂ ಯಾಗೋಳು ಸರಾಯ ಕಾಸಿಕೆ ಎಲೆ ಬಾಲೆ ಮನ್ಸ್ ನ ಬಾಲೆಕ್ಯಕ್ಕನನೇ ಕರ್ಕಂಡ್ ಹೋದಕ್ಕೂ ಒಂದ್ ಮಹತ್ತರ ಕಾರಣನೂ ಉಟ್ಟು. ಬಾಲೆಕ್ಯಕ್ಕನ ದೊಡ್ಡ ತಂಗೆ ಕಾಳಿ ಗೂಡೆ ಭಯಂಕರ ಕಿಲಾಡಿ. ಕರ್ಕಂಡೋದರೆ ಕಾಸಿದಲ್ಲಿಂದ ಚೂರಾರ್ ಹೊಯಿಕಣದೆ ಹೊರ್ಡಿಕಿಲ್ಲೆ. ಕಡೆಗೆ ನೋಡ್ರೆ ಕಾಸಿದವಂಗೆ ಏನಿಲ್ಲದಿದ್ದರೂ ಎರ್ಡ್ ಬೆರ್ಳ್ ನಷ್ಟಾರ್ ಕಮ್ಮಿ ಆಗಿದ್ದದೆ!! (ಇದ್ ಕುಪ್ಪಿ ಗ್ಲಾಸ್ ಗೆ ಹೊಯಿದ ಗ್ಯಾರ್ದಣ್ಣ್ ದರ ಅಳ್ತೆ ನೋಡ್ವ ಹಳೇ ಕ್ರಮ. ಕುಪ್ಪಿ ಗ್ಲಾಸ್ ನ ಅಡಿಂದ ಸರೀಯಾಗಿ ನಡು ಬೆರ್ಳ್ , ಕೊಡಿ ಬೆರ್ಳ್ ನ ಮಟ್ಟಕ್ಕೆ ಸರೀ ಸಿಕ್ಕೊಕು. ಅಲ್ಲಿಗೆ ಒಂದ್ ಹದಾs.. ಥರ್ಟಿ, ನೈಂಟಿಗಳ ಪ್ರಮಾಣಗಳೇ ಅಲ್ಲಿತ್ಲೆ!!). ಜೋನಿ ಬೆಲ್ಲದ ಭರಣಿಂದ ಎಲ್ಲವೂ ಬೆರ್ಳ್ ಕಂತ್ ಸಿ ತೆಗ್ದರೆ ಕಾಳಿ ಗೂಡೆ ಮಾತ್ರ ಕಂತ್ ಸಿ ದ ಜಾಗೆನ ಅಲ್ಲಿಗೇ ಪೂಜಿ ಬುಡ್ದು. ಆಗ ತೆಗ್ದದ್ ಗೊತ್ತಾದ್ಲೆ ಅಲ್ಲ!!! ಕಡೆಗೂ ಇನ್ನೊಂದ್ ದಿನ ಮಗಳ ಕರ್ಕಂಡ್ ಕಾಸಿಕೆ ಹೋದೊ ಬೆಳಿಯಪ್ಪ. ಮಡ್ಕೆಗಳೆಲ್ಲಾ ಲಾಯಿಕ್ ಲಿ ಇಸಿ, ಕರೆಲಿ ಗುಂಬ(ಸರಾಯ ತೆಗಿವ ಸಣ್ಣ ಬಾಯಿನ ಮಡ್ಕೆ)ನನೂ ಅಂಡ್ ಸಿ ಇಸಿದೊ. ಮೇಲೆ ಮಡ್ಕೆಲಿ ನೀರ್ ಬಿಸಿ ಆದದರ ಬದ್ಲಾಯ್ಸಿಕೆ 'ನೋಡಿಕ ಕೂಸು' ತೇಃಳಿ ಚಣ್ಣೀರ್ ತಾಕೆ ಚೋಡಿಗೋದೊ. ಈ ಗುಂಬಲಿ ಹನಿ ಹನಿ ಸರಾಯ ಕೂಡ್ದೇ ನೋಡಿಕೆ ಕುಸಿ.. ಆ ಘಮನ.. ಆಹಾ.. ಸರಾಯದ ಸುದ್ಧತೆ ನೋಡಿಕೆ ಒಂದ್ ಕ್ರಮ ಉಟ್ಟು. ಒಂದ್ ಒಣ್ಗಿಲ್ ಮಡ್ಲ್ (ಸೋಗೆ ಕೊಡಿ, ಬಾಳ್ಲೆ ಕೀಂತೂ ಆದೆ) ನ ಸರಾಯಕ್ಕೆ ಕಂತ್ ಸಿ ಮತ್ತೆ ಕಿಚ್ಚಿಗೆ ಹಿಡ್ದರೆ ಒಮ್ಮೆಗೆ ಅದ್ಕೆ ಕಿಚ್ಚಿ ಹಿಡ್ಕಂಡದೆ. ನೀಲಿ ನೀಲಿ ಕಿಚ್ಚಿ. ಅಲ್ಲಿಗೆ ಸರಾಯ 100% ಶುದ್ಧ!! ಒಬ್ಬನೇ ಚುರ್ಕರ ಕುದ್ದ್ ಕಂಡ್ ಕಾಲ್ ಚಿನ್ನೆರ್ಪ್ ಸಿ ಕಂಬೊದು ಯಾರಿಗೇ ಆದರೂ ಹಿಂಸೆನೇ. ಹಂಗೇ ಕುದ್ದಿದ್ದ ಬಾಲೆಕ್ಯಕ್ಕಂಗೂ ಸರಾಯ ಎಷ್ಟ್ ತುಂಬಿಟುತ ನೋಡಿಕೆ ಆಸೆ. ಅಪ್ಪ ಹೆಂಗೂ ಹಕ್ಕಲೆ ಇಲ್ಲೆ.. ನೋಡೊನೊತ ಎರ್ಡ್ ಮಡ್ಲ್ ಗೆ ಕಿಚ್ಚಿ ಹೊತ್ತ್ ಸಿ ಅದರ್ನೇ ಗುಂಬದಕ್ಕಲೆ ಹಿಡ್ದೊ!!! ನೋಡೀ.... ಕಿಚ್ಚಿ ಹಿಡ್ಕಂಡದೇ ಸರಾಯಕ್ಕೆ!! ಭೊಃಗ್ಗತ ಅಷ್ಟೆತ್ತರಕ್ಕೆ ಹೊತ್ತಿದ ಕಿಚ್ಚಿ ನಿತ್ತದ್ ಗುಂಬಲಿದ್ದ ಸರಾಯ ಒತ್ತರೆ ಹೊತ್ತಿ ಆರ್ದ ಮೇಲೆನೇ!! ಕಿಚ್ಚಿ ಕಂಡ್ ಓಡಿಬಂದ ಬೆಳಿಯಪ್ಪ ಸರಾಯ ಹೋತಲ್ಲಾತ ಹನೀಸೂ ಸಿಟ್ಟ್ ಮಾಡಿಕಣದೆ 'ನಿಂಗೆ ಏನಾತ್ಲೆಲ್ಲಾ ಕೂಸು' ತ ಹೆದ್ರಿ ಚಂಡಿ ಆಗಿ ದರ್ಪುತಿದ್ದ ಬಾಲೆಕ್ಯಕ್ಕನ ಮನೆಗೆ ಕರ್ಕ್ಂಡ್ ಹೊರ್ಟೊ. ಅಂತೂ ಬಾಲೆಕ್ಯಕ್ಕನ ಬಾಲ್ಯದಾಟಿಕೆಂದ ಅಪ್ಪ ಬೆಳಿಯಪ್ಪಂಗೆ ಇನ್ನೊಮ್ಮೆ ಸರಾಯ ಇಲ್ಲದಾಂಗಾತ್!!
 
- ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

 

 
Read More
Devva

ಬೊಚ್ಚಿ ಹೋದ ದೆವ್ವ!!

14 Apr 2018

              ಹೊಸಾ ಐನ್ ಮನೆ ಮುಂದೆ ಜಾಲ್ ಲಿ ಸೇರ್ದ ಕುಟುಂಬದವ್ಕೆ ಅಂದ್ ಏನೋ ಕುಸಿ!! ಪಂಡ್ ನ ಕಾಲಲಿ ಪಾಲ್ ಪತ್ತಂಡೆ ಆಗಿ, ಎಲ್ಯೆಲ್ಲೋ ಹೋಗಿ ಒಕ್ಕ್ ಲ್ ಕುದ್ದಿದ್ದ ಹಿಂಕ್ ಲ್ ಗೆಲ್ಲಾ  ಇಂದ್ ಮಕ್ಕ,ಮೊರಿ ಸಮೇತ ವಾಪಸ್ ಬಂದ್  ಸೇರ್ಯೊಳೊ. ಕಾರಣ ಕುಟುಂಬದ "ಧರ್ಮನಡಾವಳಿ". ಹೆಚ್ಚ್ ಕಮ್ಮಿ ಹಕ್ಕಲ್ಯಕ್ಕಲೆ 50 ವರ್ಷನೇ ಕಳ್ದಿರ್ದು ದೆವ್ವಂಗಳಿಗೆ ಕೋಲ ಕೊಟ್ಟ್. ಒರ್ ಮಾಡ್ ಲಿದ್ದ ದೆವ್ವಂಗಳ ಚಾವಡಿ ಒರ್ದ ಬಿದ್ದ ಮೇಲೆ ಸುರ್ಗೆ, ಮಣಿಗಂಟೆ ಎಲ್ಲಾ ಹುತ್ತ ಕೂಡಿ ಮೊಣ್ಣಡಿಗಾತ್. ಮನೆಯವೂ ಊರ್ ಬುಟ್ಟವೂ ದೆವ್ವಂಗಳ್ನೂ ಮರ್ತೊ. ಹಂಗೆತ ಮಾಯೆಗ ಬುಡುವೊನ??!! ಹೋದಲ್ಲಿ, ಬಂದಲ್ಲಿ ಎಲ್ಲಾ ಒಟ್ಟಿಗೇ ಇರವು!! ಎಡಗಾಲು ಎಡವದಂತೆ, ಮುಡಿದ ಹೂ ಬಾಡದಂತೆ ಕಾಪಾಡಿಕಂಡಿರವಲ್ಲನ?? ಅವೇ ಮಾಯೆಗಳೂ ಸತ್ಯತೆ ತೋರ್ಸಿಕೆ ಸುರುಮಾಡ್ದೊ.. ಈಚೆ ಮನೆಯವನ ಕೋಳಿ ಕಾಣೆ. ಆಚೆವನ ಹೂಡುವ ಕಡ್ಪದ ಹೋರಿ ಕಾಣೆ. ಮತ್ತೊಬ್ಬಂದಂತೂ ಕಟ್ಟಿಕಂಡ ಗೂಡೆನೇ ಕಾಣೆ!! ಮೊದ್ವೆ ಆಗದೆ ಕುದ್ದ ಮನೆ ಮಕ್ಕ ಅದೆಷ್ಟೋ!! ಆಗ ನೆನ್ಪಾದೇ ದೆವ್ವಗಳ ; ಅವ್ಗಳ ಎದ್ರ್ ಸದೆ ಈ ಉಪದ್ರಗಳಿಗೆ ನಿಮೂರ್ತಿ ಇಲ್ಲೆ!!!

                    ಹಿಂಗೇ ಬುಟ್ಟರೆ ಸಂತಾನ ಅಳ್ದ್ ಹೋದುತ ಹೆದ್ರಿದ ಕುಟುಂಬದ ಮೂತರ್ ಮತ್ತೆ ಹಿರಿತಲೆಗೆಲ್ಲಾ ಸೇರಿ, ಕಾಡ್ ಲಿ ನೆರೆ ಗೆಡ್ಡೆ ಹುಡ್ಕಿದಾಂಗೆ ಹುಡ್ಕಿ ಹುಡ್ಕಿ ಕೇರಳಂದ ಒಬ್ಬ ಜೋಯಿಸನ ಕರ್ಸಿ ಅಷ್ಟಮಂಗಲಲಿ ಸ್ವರ್ಣ ಬುಡ್ಸಿ ನೋಡೊನೋತಾತ್. ಆದರೂ ಕುಟುಂಬದವ್ಕೆಲ್ಲಾ ಸರಿ ಆದೋ?? ಅಂವ ಹೇಳ್ದ್ ಇವಂಗಾಕಿಲೆ. ಇಂವ ಹೇಳ್ದೆಲ್ಲಾ ಅವ್ಕೇ ತಪ್ಪೇ!! ನಾ ಹೇಳ್ದ ಜೋಯಿಸನೇ ಆಕುತ ಒಬ್ಬ ಹೇಳ್ರೆ.. ನಾವ್ ಅಂದಾಜ್ ಮಾಡ್ದ ಜಾಗೆಲೇ ಸ್ಥಾನ ಕಟ್ಟಿರೆ ಒಳ್ಳದ್ ತ ಇನ್ನೊಬ್ಬ. ಕುಟುಂಬ ಜಗಳ ಕೋಮಣ ಜಿಡ್ಡ್ ಎಲ್ಯಾರ್ ಬುಟ್ಟ್ ಹೋದೋ?? ಎಲ್ಲಿ ಹೋದರೂ ಮುಡಿಗೆ ಮೂರ್ ಸೇರ್ ಯಾಗೋಳು ಜಳ್ಳೇ!! ಏನೆಲ್ಲಾ ಉರ್ಡಪತ್ತ ಆಗಿ ಕಡೆಗೂ ಒಂದ್ ಲಾಯ್ಕ್ ನ ಐನ್ ಮನೆ, ದೆವ್ವದ ಚಾವಡಿಗ ಎದ್ದ್ ನಿತ್ತೊ. ಕೊಕ್ಕೆ ಹಾಕವು ಇನ್ನೂ ಹಾಕ್ಯಂಡೇ ಒಳೊ. ಎಂತ ಮಾಡ್ದು. ಕಾಯರ ಗುತ್ತಿಗೆ ಕಡೆಕೊಡಿ ಇಲ್ಲೆಲ್ಲಾ?? ಹಿಂಗೆಲ್ಲಾ ಇರ್ಕಾಕನ ಹೊಸ ಐನ್ ಮನೆ ಒಕ್ಕ್ ಲ್ ಗೆ ಸೇರ್ದ ಕುಟುಂಬದವ್ಕೆಲ್ಲಾ ಏನೋ ಕುಸಿ ಆದರೆ  ಮನೆ ಮಕ್ಕಳಿಗೆಲ್ಲಾ ದೆವ್ವ ನೋಡಿಕೆ ಜಾಲ್ ಲಿ ಸೊಕ್ಕುದೇ ಹಬ್ಬ. ಕೊಟ್ಟ ಹೆಣ್ಣ್ ಮಕ್ಕ ತಂದ ಎಣ್ಣೆಲಿ ಕೊಳಗನೇ ಎರ್ಕಿ ಸೂಸಿಟು. ಮೂಲೆಲಿ ಕುದ್ದ ಅಜ್ಜಿಕಗಳೆಲ್ಲಾ ಪಂಡ್ ಲಿ ದೆವ್ವ ನಡಿತಿದ್ದದರ ಹೇಳಿಕಂಡ್ ಚಪ್ಪ್ ತೊಳೊ!!

                    ಹರ್ಸಯ ಕಳ್ದ್, ಕೆಂಚಿರಾಯನ ಪೂಜೆನೂ ಮುಗ್ದಾಂಗೆ ಎಲ್ಲವೂ ಭಂಡಾರ ತೆಗ್ಯಕೆ ಹೊರ್ಟೊ. ಮೊಗ, ಮೂರ್ತಿ ಹಿಡ್ದವರ ದರ್ಸನ, ದರ್ಪುದರ ನೋಡಿಕೇ ಪೊರ್ಲು. ಅಷ್ಟೊತ್ತಿಗೆ ಸೇರ್ದ ಜನರ  ನಡೂಂದ ಕೇಳ್ದ ಆರ್ಭಟೆಗೆ ಮೊಡ್ಯಾಳನ ಕೈಂದ ಚೊಂಬ್ ರೆಟ್ಟಿ ಬೀಳದ್ ಪುಣ್ಯ!! ನೋಡ್ರೆ ಗುಡ್ಡೆಕೊಡಿ ತ್ಯಾಂಪಣ್ಣಜ್ಜ ಪುರ್ಸೋತಿಲ್ಲದೆ ದರ್ಪುತೊಳೊ. ಹಾರಿಕಂಡ್ ಹಾರಿಕಂಡ್ ಭಂಡಾರದವ್ರ ಎದ್ರೇ ಬಂದ್ ಎತ್ತಿದೊ. ಮೊಡ್ಯಾಳ ಎಷ್ಟ್ ಸರ್ತಿ ನೀರ್ ಕೊಡ್ಕಿರೂ ನಿಲ್ಲ್ ತನೇ ಇಲ್ಲೆ. ಕಡೆಗೆ ಮೂತರೇ ಬಂದ್  "ಯಾರ್  ನೀ?"ತ ಕೇಳ್ದಕ್ಕೆ ಬಂದ ಉತ್ತರ "ನಾ ಮಾಯೆ.. ನಾ ಮಾಯೆ!!". ಅದರ ಕೇಳಿ ಕೈಲಿ ಬೆತ್ತ ಹಿಡ್ಕಂಡಿದ್ದ ಪೂಜಾರಿ ಒಬ್ಬ ಅವರ ಬೆನ್ನ್ ಗೆ ರಪ್ಪತ ಬೀಸಿದೇ 'ಕುದ್ರಲ್ಲಿ'ತ ಕಣ್ಣ್ ಹೊಣ್ಕ್ ಸಿತ್. ತ್ಯಾಂಪಣ್ಣ ಮರಂದ ಜಾರ್ದ ಕಕ್ಕೆ ಕೊಡ್ಪಿದ ಕರ್ಗೆಲ್ ಬಪ್ಪಂಗಾಯಿನಾಂಗೆ ಹಿಂದೆ ಹೋಗಿ ಗೋಡೆಗೊರ್ಗಿ ಕುದ್ದೇ ಹೋದೊ. ಆದರೂ ದರ್ಪುದು, ಕಣ್ಣರ್ಳುಸುದು ನಿತ್ತತ್ಲೆ. ಅಂತೂ ಭಂಡಾರ ತೆಗ್ದ್, ಕೋಲ ಕಳ್ದ್ ನೆಂಟ್ರ್ ಗೆಲ್ಲಾ ಅವರವರ ಮನೆಗೆ ಎತ್ತಿದೊ. ಇಲ್ಲಿ ಕುದ್ದ ತ್ಯಾಂಪಣ್ಣ ಮಾತ್ರ ಒಂದ್ ಹನೀಸೂ ಮೊಸ್ಗಿತ್ಲೆ. ಕಣ್ಣ್ ಮಾತ್ರ ಹಂಗೇ ಪಿಳಿಪಿಳಿ ಮಾಡ್ತೊಳೊ. ಕಡೆಗೆ ಮೂತರೇ ಹೋಗಿ "ಯಾರ್  ನೀ?" ತ ಗಡ್ಸ್ ಲಿ ಕೇಳ್ದೊ. "ನಾ.. ತ್ಯಾಂಪಣ್ಣ... ಗುಡ್ಡೆಕೊಡಿ ತ್ಯಾಂಪಣ್ಣ!!" ಎಲ್ಲವು ಅಡ್ಡಡ್ಡಾ ಬಿದ್ದ್  ನೆಗಾಡ್ರೆ, ಬೊಳ್ಪೂಂದಿತ್ತ ಚುರ್ಕರ ಕುದ್ದ್, ಚಿನ್ನೆರ್ಪಿ ಮರಗಟ್ಟಿಹೋದ ಕಾಲ್ ನ  ಬುಡ್ಸಿಕಾಗದೆ ತ್ಯಾಂಪಣ್ಣ ತಬ್ಬುರ್ಸುತುಟ್ಟು. ಕಡೆಗೆ ನಾಕ್ ಹೈದಂಗ ಬಂದ್, ಎತ್ತಿಕಂಡ್ ಹೋಗಿ, ಕಾಲ್ ಗಳ ನೀಂಡ್ಸಿ ಬೆರ್ಚಪ್ಪನಾಂಗೆ ಜಾಲ್ ಕರೆಲಿ ನಿಲ್ಸಿದೊ!!!

(ಕಥೆ ಹೇಳ್ದವು: ದೇವರಮನೆ ಶ್ರೀ ಬೆಳಿಯಪ್ಪ ಗೌಡ, ಪೂರ್ಲಪ್ಪಾಡಿ)
(ಬೊಚ್ಚಿ ಹೋದ ದೆವ್ವ!! : An Arebhashe Articles of Gowdas)

ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

Read More
April fools day 2017 picture

ಮರೆಯಕ್ಕೇ ಆಗದ ಎಪ್ರಿಲ್ ಒಂದ್!!!

01 Apr 2018

   "ಓಯ್... ಹಿಂದೆ ನೋಡು.. ಯಾರೋ ನಿನ್ನ ಕರ್ದವೆ"... ತಿರ್ಗಿರೆ ಯಾರೂ ಇಲ್ಲೆ!!.."ಎಪ್ರಿಲ್ ಫೂಲ್....ಎಪ್ರಿಲ್ ಫೂಲ್"... ನೋಡ್ರೆ ದೋಸ್ತಿ 'ಕೆಬಿಲಿ ಗಾಳಿ ಹುಗ್ಗಿದ ಕರ್ ನಾಂಗೆ' ಹಾರಿ ಕೊಣ್ಕಂಡ್ ನೆಗಾಡ್ತುಟ್ಟು..ನಾವು ಚಪ್ಪೆಮೋರೆ ಹಾಕಿ ಒರುಂಗಿಸಿ ಮುಂದೆ ಹೋದವೆ. ಈ ಮಂಗಾಟ  ನಾವೆಲ್ಲ  ಪ್ರೈಮರಿ ಶಾಲೆಲಿ ಇರ್ಕಾಕನ ಅನ್ಭವ್ಸಿದವೇ. ಹಂಗೇ ಬರ್ತುಟ್ಟು ಎಪ್ರಿಲ್ ಒಂದ್... ಮತ್ತೆ ಅದೇ "ಫೂಲ್ಸ್ ಡೇ"... ಮೂರ್ಖರ ದಿನ...ಅದೆಷ್ಟೇ ಎಪ್ರಿಲ್ ಒಂದ್ ಬಂದ್ ಹೋದರೂ ನಾ ನನ್ನ ದೋಸ್ತಿ "ಎಂಪಿ" ನ ಫೂಲ್ ಮಾಡ್ದ್ ಮಾತ್ರ ಮರ್ತೇ ಹೋದ್ಲೆ. ಅಂವ ಬರೇ ಪಾಪದ ಹೈದ. ನಾ ಎಷ್ಟ್ ಉಪದ್ರ ಕೊಟ್ಟರೂ ಬುಟ್ಟ್ ಹೋಕಿಲೆ... ನಳ್ಳ್ ನಾಂಗೆ!!(ದೋಸ್ತಿ ಹೇಳ್ದು ಅದ್ಕೇ ಅಲ್ಲ).ಆ "ಎಂಪಿ" ಬೇರೆ ಯಾರೂ ಅಲ್ಲ. ನನ್ನ "ಹುಡ್ಗಾಟದ ಹುಡ್ಕಾಟ" ಲಿ ನನ್ನೊಟ್ಟಿಗೆ "ಇಸ್ತ್ರಿ ಪೆಟ್ಟಿಗೆ ಮೇಲೆ, ದುಂಡು ತಳದ ಫ್ಲಾಸ್ಕ್ ಲಿ ಗ್ಯಾರ್ದಣ್ಣ್ ದರ ಕಾಸಿಕೆ ಕೈ ಜೋಡ್ಸಿದ್ದ ಅದೇ ಕೊರುಂಬ!!!". 

               ಮಾರ್ಚಿ 31ಕ್ಕೇ ಎಂಪಿ ಮಲ್ಗಿದ ಮೇಲೆ ಮೆಲ್ಲ ಅಂವನ ಮೊಬೈಲ್ ತೆಗ್ದ್, ಅದರ್ಲಿ ನನ್ನ ಹೆಸ್ರ್ ನ " Airtel Customer Care" ಅಂತ ಬದ್ಲಾಯ್ಸಿ, ಸದ್ದಿಲ್ಲದ ಕೊತ್ತಿನಾಂಗೆ ಹೋಗಿ ಮಲ್ಗಿದೆ.( ಹಳೇ ನೋಕಿಯಾ  ಮೊಬೈಲ್.. ಪಾಸ್ ವರ್ಡ್ ಹಾಕಿ ಇಸಿಕೆ ಆದೇಂತಲೂ ಗೊತ್ಲೆ…  ಕೆಪ್ಪಂಗೆ).ಮಾರ್ನೆ ದಿನ ಬೊಳ್ಪಿಗೆ ಘಂಟೆ 11 ಕಳ್ದರೂ ಇಂವ ರೂಮುಂದ ಹೊರಗೆ ಬಾದೇ ಕಾಂಬೊದ್ಲೆ. ಹೋಗಿ ನೋಡ್ರೆ 'ಜಾತ್ರೆಲಿ ಐಸ್ಕ್ರೀಂ ಕೊಡ್ಸದ ಮಕ್ಕ ಕುಸು ಕುಸು ಮರ್ಡುವಾಂಗೆ' ತಲೆದಿಂಬೊಳಗೆ ಮೋರೆ ಇಸಿ ಕುಸುಕುಸು ಮಾಡ್ತುಟ್ಟು. ಎದ್ರಿಸಿ ಕೇಳ್ದೆ... "ಯಾವ ಗೂಡೆನ ಹುಲಿಹೊತ್ತತೂಂತ ಹಿಂಗೆ ನರ್ಕಿಯ? ಅಲ್ಲಾ... ಮೊನ್ನೆ ಹಾಯ್ ಹೇಳ್ದ ಗೂಡೆ ಇಂದ್ ಅಣ್ಣಾಂತ ಮೆಸೇಜ್ ಮಾಡಿಟಾ ಹೇಂಗೆ!!". ಅಂವ ತಲೆದಿಂಬುದ ತಲೆ ಎತ್ತದೆ ಕೈಲಿದ್ದ ಮೊಬೈಲ್ ನನ್ನ ಮುಸುಂಡ್ ಗೆ ಹಿಡ್ತ್.  ನೋಡ್ರೆ "ಪ್ರಿಯರೇ.. ನಮಸ್ಕಾರ..ನೀವು ಈ ಹಿಂದಿನ ದಿನಗಳಲ್ಲಿ ನಮ್ಮ ಇತರೆ ಚಂದಾದಾರರಿಗೆ ಅನುಚಿತ ಕರೆ, ಅಶ್ಲೀಲ ಸಂದೇಶಗಳನ್ನು ಕಳುಹಿಸಿದ್ದು, ನಿಮ್ಮ ಕುರಿತಾಗಿ ದೂರು ದಾಖಲಾಗಿದೆ. ಹಾಗಾಗಿ ನಿಮ್ಮ ಸಂಪರ್ಕವನ್ನು ಕಡಿತಗೊಳಿಸಲು ಪ್ರಥಮವಾಗಿ ಪೋಲೀಸ್ ವಿಚಾರಣೆಗೆ ಒಳಪಡುವುದು ಅತೀ ಅವಶ್ಯ. ಸದ್ಯದಲ್ಲೇ ನಮ್ಮ ಅಧಿಕಾರಿಗಳು ಪೋಲೀಸರೊಂದಿಗೆ ಆಗಮಿಸಿ ನಿಮ್ಮ ಮೊಬೈಲನ್ನು ವಶಪಡಿಸಿ ವಿಚಾರಣೆ ನಡೆಸುವರು. ದಯವಿಟ್ಟು ಸಹಕರಿಸಿ. ಧನ್ಯವಾದಗಳು".   Sent From : Airtel Customer Care..  ಇಂವ  ಎದ್ದ್ ಕುದ್ದ್ "ನಾ ಯಾರಿಗೆ ಏನ್ ಅನ್ಯಾಯ ಮಾಡ್ಯಳೆ? ಯಾವ ಗೂಡೆಗಳ ನಂಬರ್ರೂ ನನ್ನಕ್ಕಲೆ ಇಲ್ಲೆ. ಬಂದ ಮೆಸೇಜ್ ಗಳ ಸರಿ ಓದಿಕೂ ಗೊತ್ಲೆ.. ಇನ್ನ್ ನಾ ಯಾರಿಗೇಂತ ಕಳ್ಸಿನೆ. ನನ್ನ ಬಗ್ಗೆ ನಿಂಗೆ ಗೊತ್ಲೆನಾ?.. ಇನ್ನ್ ಪೋಲೀಸ್ ಬಂದೋಂತ ಗೊತ್ತಾದರೆ ಅಪ್ಪ ನನ್ನ ಬೆರ್ಸಿ ಬೆರ್ಸಿ ಬೊಡ್ಯೊವೋ..." ಹೇಳಿಕಂಡ್ ಕಣ್ಣ್ ಲಿ ಮೂಂಕುಲಿ ನೀರ್ ಅರ್ಸಿಕೆ ಸುರು ಮಾಡ್ತ್. "ಸರಿ ಬುಡ್... ಎಲ್ಯೋ  ತಪ್ಪಿ ಬಂದಿರೊಕು. ಸತ್ಯಕ್ಕೂ ಕಂಪ್ಲೇಂಟ್ ಬಂದಿದ್ದರೆ ಅವು ಒಮ್ಮೆ ಕಾಲ್ ಮಾಡಕಾಯಿತಲ್ಲ! ಅಷ್ಟಕ್ಕೂ ಅವು ಸುರೂಗೆ ಬರ್ಲಿ. ನಮ್ಮ ಬಂಗಾರ್ಕೊಡಿ ಬಾವ ಹೆಂಗೂ ರಾಜಕೀಯಲಿರವು.. ಪೋಲೀಸ್ ಗಳ ಲಾಯಿಕ್ ಗುರ್ತ ಇರವು. ಅವರೊಟ್ಟಿಗೆ ಹೇಳೊನೊ. ನೀ ಎದ್ರ್ ... ಹೋಗಿ ಹಲ್ಲುಜ್ಜೂಂತ" ಹೇಳಿ ಬಾತ್ರೂಮ್ ಗೆ ಎತ್ತಿಕಂಡೇ ಹೋಗಿ  ಬುಟ್ಟೆ(ಬುಟ್ಟದಲ್ಲ .. ಹಂಞ ನೋಡ್ರೆ ಬಿಸಾಡ್ದಾಂಗೇ!!)

                ಮಧ್ಯಾಹ್ನ ಕಳ್ದ್ ಹಿಂಬತಾದರೂ ಇಂವ ಸುಧಾರ್ಸುವ   ಯಾವ ಲಕ್ಷಣನೂ ಇಲ್ಲೆ. "ಕಪ್ಪೆ ಆದ ಕೋಳಿನಾಂಗೆ" ತೂಂಗ್ಯಂಡೇ ಉಟ್ಟು. 'ಇಂದ್ ಹೆಂಗೂ ರಜೆ... ಬಾ ಹೋಗಿ ಚಾಯ ಕುಡ್ಕಂಡ್ ಬರೋನೊ'ತ ಅರ್ಧ ಚಡ್ಡಿಲಿದ್ದವಂಗೆ ಫುಲ್ ಪ್ಯಾಂಟ್ ಹಾಕ್ಸಿ ಎಳ್ಕಂಡೇ ಹೊರ್ಟೆ. ಒಟ್ಟಿಗೆ ಇನ್ನೊಬ್ಬ ದೋಸ್ತಿನೂ ಹಚ್ ನಾಯಿನಾಂಗೆ ಒಟ್ಟೀಗೇ ಬಾತ್. ಕುರೆ ಸತ್ತ ಕೊರುಂಬನಾಂಗಿದ್ದ ಎಂಪಿನ ಮೋರೆ ನೋಡಿ ಏನಾತ್ ತ ಕೇಳಿ, ವಿಷಯ ತಿಳ್ದ್, ಮೊಬೈಲ್  ಲಿ ಇದ್ದ ಮೇಸೇಜ್ ಓದಿನೂ ನೋಡ್ತ್. ಅವಂದ್ ಚೂರ್ ಕಂಪ್ಯೂಟರ್ ತಲೆ! ಮೆಸೇಜ್ ಬಂದ ನಂಬರ್ ನ ನೋಡಿ..' ಈ ನಂಬರ್ ಎಲ್ಲೋ ನೋಡ್ದಂಗೆ ಉಟ್ಟಲ್ಲಾ, ತಡಿ .. ನನ್ನ ಮೊಬೈಲ್ ಲಿ ಸರ್ಚ್ ಮಾಡೊನೊ'ತ ತೋಟೆ ಹಾಕಿತ್. ಅವಂದರ್ಲಿ ಹುಡ್ಕಿ ನೋಡ್ರೆ ಕಥೆ ಎಂತ... ಮೆಸೇಜ್ ಬಂದದ್ ನನ್ನ ನಂಬರ್ಂದ!!! ವಿಷಯ ಗೊತ್ತಾತಲ್ಲ!! ನಮ್ಮ ಎಂಪಿದ್ ಬೊಬ್ಬೇ ಬೊಬ್ಬೆ. 'ನೀ ನನ್ನ ಹಿಂಗೂ ಬಕ್ರಾ ಮಾಡ್ದ??!! ನಿನ್ನ ಕಾಲ್ ಹಿಡ್ದ್ ನೆಲಕ್ಕೆ ಬೊಡ್ದನೆ. ಸೊಂಟಕೆ ಕಲ್ಲ್ ಕಟ್ಟಿ ಹಳ್ಳಕ್ಕೆ ಹಾಕಿನೆ....' ( ಹೈದಂಗಳ ಕೆಲವು ಬೊಯ್ಗಳ್ ಗಳ ಹೇಳಿಕೆ ಆದುಲೆ... ಎಡ್ಜಷ್ಟ್ ಮಾಡಿಕಣಿ!!) ಅಂತೂ ಮಾಡ್ದ ಕೀತಾಪತಿಗೆ ನನ್ನ ಕೈಯಿಂದಲೇ ಚಾಯದೊಟ್ಟಿಗೆ ಗೋಬಿಮಂಚೂರಿನೂ ತಿನ್ಸಿ ಸಮಾಧಾನ ಮಾಡಿ ಹಾಸ್ಟೆಲ್ ಗೆ ಕರ್ಕಂಡ್ ಬಂದೆ. ಅಂದ್ ನ ಕಾಲಕ್ಕೆ ಅದ್ "ಕುರೆಕೆಲ್ಸಾಂತ" ಅನ್ಸಿರೂ ಇಂದ್ ನೆಗಾಡಿಕೆ ಲಾಯಿಕಾದೆ. ಅದ್ಕೇ ಅಲ್ಲ ಹೇಳ್ದು.. ನಾವು ಯೌವ್ವಂನಲಿ ಸುಮಾರ್ ತರ್ಲೆ/ಕಿತಾಪತಿಗ ಮಾಡೊಕು..ಇಲ್ಲರೆ ಪ್ರಾಯ ಆದ ಮೇಲೆ ನೆಗಾಡಿಕೆ ಎಂತದೂ ಇರ್ದುಲೆ!!

ಡಾ. ಪುನೀತ್ ರಾಘವೇಂದ್ರ ಕುಂಟುಕಾಡು

ಶೇರ್ ಮಾಡಿ... ಅರೆಭಾಷೆ ಒಳ್ಸಿ, ಬೆಳ್ಸಿ

ಇತರೆ ಅರೆಭಾಷೆ ಬರಹಗಳಿಗೆ ಇಲ್ಲಿ ಕ್ಲಿಕ್ ಮಾಡಿ..

www.arebhasheminpuli.blogspot.com

 

Read More
Fb img 1522252698965

ನೆನಪಿನಂಗಳದಲ್ಲಿ ಒಂದು ಕ್ಷಣ

28 Mar 2018

ಅಂದು ಮೈಸೂರಿನಿಂದ ಕೊಡಗಿನ ನನ್ನ ಮನೆಗೆ ಪ್ರಯಾಣಿಸುತ್ತಿದ್ದೆ. ದಿನವಿಡೀ ತನ್ನ ಪ್ರಖರತೆಯನ್ನು ಬೀರಿ, ನೇಸರನು ನಾಚಿಕೆಯಿಂದ ಅಂಬುಧಿಯ ಮಡಿಲನ್ನು ಸೇರಲು ಹವಣಿಸುತ್ತಿದ್ದನು. ಇದ್ದಕ್ಕಿದ್ದಂತೆ ಆಕಾಶವನ್ನು ಕರಿ ಮೋಡಗಳು ಆವರಿಸುತ್ತಿದ್ದವು.ಮಳೆಯ ಹನಿಗಳು ಬಾನಿನ ಭದ್ರಕೋಟೆಯನ್ನು ಸೀಳಿಕೊಂಡು ಧರೆಗೆ ಮುತ್ತಿಡಲು ಹಾತೊರೆಯುತ್ತಿದ್ದವು…….

ಒಂದುಕ್ಷಣ ಜಗತ್ತೇ ಭ್ರಮಾಲೋಕ ಅನಿಸುತ್ತದೆ ಅಲ್ಲವೇ…ಬಸ್ಸಿನ ಕಿಟಕಿಗೆ ಒರಗಿಕೊಳ್ಳುತ್ತಿದ್ದಂತೆ ಕೆಲವರ ಹಲವು ನೆನಪುಗಳು ಹೃದಯದ ದಡಕ್ಕೆ ಅಲೆಗಳಂತೆ ಅಪ್ಪಳಿಸಿದವು. ನೆನಪಿನ ಬುತ್ತಿಗಳು ತೆರೆಯಲಾರಂಭಿಸಿದವು.ಕೆಲವೇ ಕೆಲವು ಸಂವತ್ಸರಗಳು ನನ್ನ ಬದುಕಿನಲ್ಲಿ ಅದೆಷ್ಟು ಬದಲಾವಣೆಗಳನ್ನು ತಂದಿದ್ದವು.ನೋಡ ನೋಡುತ್ತಿದ್ದಂತೆ ಇಂಜಿನಿಯರಿಂಗ್ ವಿದ್ಯಾಭ್ಯಾಸ ಮುಗಿಯಲು ಬಂದಿತ್ತು.ಈ ನಾಲ್ಕು ವರ್ಷಗಳಲ್ಲಿ “ಸ್ನೇಹಿತರು” ಎಂಬ ಶೀರ್ಷಿಕೆಯಲ್ಲಿ ಸಿಕ್ಕ ಹಲವರು “BFF” ಎಂಬ ಶೀರ್ಷಿಕೆಯಲ್ಲಿ ಸಿಕ್ಕ ಕೆಲವರು ಮನಸ್ಸಿನಲ್ಲಿ ಆಳವಾಗಿ ನೆಲೆಯೂರಿದ್ದರು. ಮನಸ್ಸೆಂಬ ಅಂಗಳದಲ್ಲಿ ಅಳಿಸಲಾಗದಂತ ಹೆಜ್ಜೆ ಗುರುತು ಮೂಡಿಸಿದ್ದರು. ಈ ಎಲ್ಲಾ ಸಿಹಿವೇದನೆಗಳ ನಡುವೆ ಕೆಲವು ಹೇಳಿಕೆಗಳು ಮನಸ್ಸಿಗೆ ಘಾಸಿ ಮಾಡಿದ್ದಂತೂ ಸತ್ಯ.ಇವೆಲ್ಲದರ ಹೊರತಾಗಿ, ಜೀವನದ ಜಂಜಾಟದಲ್ಲಿ, ಜವಾಬ್ದಾರಿಗಳ ಮಧ್ಯೆ ಹೃದಯ ಮುಟ್ಟಿದ ಸ್ನೇಹಿತರನ್ನು ಕಳೆದುಕೊಳ್ಳುವ ಭಯ ಕಾಡಲಾರಂಭಿಸಿದವು.ಕೆಲವರು “ಮೊದಲೇ ಸಿಗಬಾರದಿತ್ತೇ?” ಎನಿಸಿತು…”ಪ್ರಾಣ ಸ್ನೇಹಿತ”ರ ಜೊತೆಗೆ ಕಳೆದ ನೆನಪುಗಳ ನೆನೆದಾಗ…, ಕೊಡಗಿನ ಜಡಿಮಳೆಗೆ ಕೆರೆ ಕಟ್ಟೆಗಳು ತುಂಬುವಂತೆ ಹೃದಯ ತುಂಬಿ ಬಂತು.., ಕಣ್ಣಂಚಿನಲ್ಲಿ ಹನಿಹನಿಯಾಗಿ ಮೂಡಿದ್ದ ಒಂದೆರಡು ತೊಟ್ಟು ಕಣ್ಣೀರು ಕೆನ್ನೆಯನ್ನು ಸವರುತ್ತಾ ಮರೆಯಾದವು……

ಹೀಗೆ ಲೋಕದ ಪರಿವೆಯೇ ಇಲ್ಲದೆ ಕಲ್ಪನಾಲೋಕದಲ್ಲಿ ಮುಳುಗಿ ಹೋಗಿದ್ದ ನನಗೆ ಸಿಡಿಲಿನ ಆರ್ಭಟದ ಮುಂದೆ ಜಯಿಸಲಾಗಲಿಲ್ಲ.ಎಲ್ಲಾ ನೆನಪುಗಳು ಮಿಂಚಿನಂತೆ ಮರೆಯಾದವು. ಮತ್ತದೇ ಕಹಿ ವಾಸ್ತವಕ್ಕೆ ಮರಳಲು ಮನಸು ಒಪ್ಪದಿದ್ದರೂ, ಅನಿವಾರ್ಯವಾಗಿತ್ತು. ಆದರೂ ನೆನಪುಗಳು ಅದೆಷ್ಟು ಸುಂದರ ಅಲ್ಲವೇ…ಬೇಡವೆಂದರೂ ಬೆಂಬಿಡದೆ ಬೇತಾಳದಂತೆ ಬೆನ್ನು ಹತ್ತಿ ಬರುತ್ತವೆ….

ಹಿಂದೊಮ್ಮೆಓದಿದ ಸಾಲು ನೆನಪಾಯಿತು…..”ಬದುಕು ಎಂದರೆ ಕೊನೆ ಅರಿಯದ ಪಯಣ..,ಯಾವುದೂ ಶಾಶ್ವತವಲ್ಲ…ಕೊನೆಯಲ್ಲಿ ಉಳಿಯುವುದು ಒಂದೇ.., ಹೃದಯ ತಟ್ಟಿದ ನೆನಪುಗಳು ಮಾತ್ರ...!" ಎಷ್ಟುಅರ್ಥಗರ್ಭಿತ ಅಲ್ಲವೇ..??

                                                              ಉಜ್ವಲ್ ಬೈಚನ

 

Read More
Prithvi
Ad Sponsored